Rosen Original

میری طرف سے آپ سب کو جشن آزادی مبارک ہو

شاہيں کبھی پرواز سے تھک کر نہيں گرتا
پُر دم ہے اگر تو تو نہيں خطرہ افتاد

تشریح:
شہباز کی طرح اُڑنے کی ایسی مشق کر لینی چاہیے کہ تھک کر گرنے کی نوبت نہ آئے۔ اگر تو ان تھک بن جائے تو تجھے گرنے کا خطرہ ہو ہی نہیں سکتا۔
(شرح غلام رسول مہر)
اگر تجھے یہ اندیشہ لاحق ہو کہ مسلسل کوشش سے شاید میں تھک جاؤں گا تو شاہین کی زندگی سے سبق سیکھ۔ آج تک کسی نے کسی شاہین کو مسلسل پرواز کی بنا پر تھک کر گرتے ہوۓ نہیں دیکھا، کیوں؟ اس لیے کہ طاقتِ پرواز آتے ہی اُڑنا شروع کر دیتا ہے اور کثرت و شدتِ پرواز سے اپنے اندر اس قدر طاقت پیدا کر لیتا ہے کہ تھکن اس کے پاس نہیں آ سکتی۔ اسی طرح تو رات دن کوشش کیے جا، اسی کوشش سے تیرے اندر سعی پیہم کی طاقت پیدا ہو جائے گی۔
(شرح یوسف سلیم چشتی)
حوالہ:
کلام: علامہ محمد اقبالؒ
کتاب: ضربِ کلیم
نظم: اسرار پیدا
شعر نمبر ۴
شرح پیش کش: ملک محمد عارف بارا

Reference: https://www.iqbal.com.pk/poetical-works/kuliyat-e-iqbal-urdu/zarb-e-kaleem/talim-o-tarbiyat/919-poetical-works/kuliyat-e-iqbal-urdu/zarb-e-kaleem/taleem-o-tarbiat/468-asrar-e-paida

مٹ جائے گناہوں کا تصور ہی جہاں سے "اقبال"
اگر ہو جائے یقین کہ اللہ دیکھ رہا ہے