iMedia

"Here's to the amazing dads who enrich our lives with love, wisdom, and unwavering support. Happy Father's Day to these everyday heroes!"

📢 Exciting News! The 'Futsal Fiesta 2024' registration deadline has been extended! 🎉

Slots are almost filled, so hurry up and register now! ⚽🏃‍♂️

Click here to register: https://forms.gle/GPRRVhTrVGPnWCP86

🎉 Join the Ultimate Showdown at Futsal Fiesta 2024! ⚽️🔥

Ready to showcase your skills and compete with the best? Gather your squad and register now for an unforgettable futsal tournament experience! 🏆👟

Click here to register: https://forms.gle/GPRRVhTrVGPnWCP86

"පාරමිතා බල පූජිත පූරිත බුද්ධ දිවාකරයාණෝ
වෙසක් පොහෝ දින දිනූ සේක ලොව බුද්ධ දිවාකරයාණෝ"

ලෝකවාසී බෞද්ධයන් විසින් බුද්ධාලම්භන ප්‍රීතිය පෙරදැරිව ඉතා උත්කර්ෂයෙන් සමරන පොහොය දිනයක් ලෙස වෙසක් පොහොය හැඳින්විය හැකිය. බෞද්ධ දින දර්ශනය අනුගමනය කරන ථෙරවාද බෞද්ධ රටවල එය පස්වන හෝ හයවන චන්ද්‍ර මාසයේ පසළොස්වක පොහොය දිනයට නියම වන නමුත් විවිධ සම්ප්‍රදායන් තුළ භාවිත වන චන්ද්‍ර මාසානුකූල දින දර්ශනයට අනුව එය වෙනස් විය හැකිය.

සම්ප්‍රදායානුකූල ව මේ දිනය පුරා ම බෞද්ධයෝ නොයෙක් පින්කම්වල යෙදෙමින් තම ආධ්‍යාත්මය සුවපත් කරගනිති; දෙලොව දියුණුව පිණිස කටයුතු කරති. දාන, සීල, භාවනා ආදී ප්‍රතිපත්ති පූජාවල මෙන් ම වෙසක් කූඩු, වෙසක් තොරණ සෑදීම, වෙසක් පෙරහැර පැවැත්වීම, මහා දන්සැල් පැවැත්වීම, භක්ති ගීත ගායනය ආදී ආමිස පූජාවල ද යෙදෙති.
වෙසක් පුන් පොහොය දිනයේ සිදු වූ විශේෂත ම සිදුවීම වන්නේ අප ගෞතම බුදුන් වහන්සේගේ තෙමඟුල සිදුවීමයි. එනම් ලුම්බිණි සල් උයනේ දී සිදුහත් කුමරු උපත ලැබීම, ඇසතු බෝ රුක මුල දී බෝසතාණන් වහන්සේ බුදුවීම සහ බුදුරජාණන් වහන්සේ කුසිනාරා නුවර මල්ල රජ දරුවන්ගේ සල් උයනේ දී පිරිනිවන් පෑම යි.

වෙසක් පොහෝ දින සිදු වූ තවත් විශේෂ සිදුවීම් ලෙස බෝසතාණන් වහන්සේ සුමේධ තාපසයා වූ ආත්ම භාවයේ දී දීපංකර බුදුන් වහන්සේගෙන් නියත විවරණ ලැබීම, සිදුහත් කුමරු සතර පෙරනිමිතිවල ව්‍යාධි රූපය දැකීම, බුදුන් වහන්සේ බුද්ධත්වයට පත් වී දස මසකින් තම උපන් ගම වූ කිඹුල්වත් නුවරට වැඩම කර ඥාතීන් තුළ වූ මාන්නය දුරු කිරීමට යමාමහ පෙළහර පෑම, බුදුන් වහන්සේගේ අග්‍ර උපස්ථායක වූ ආනන්ද හිමියන් පිරිනිවන් පෑම, බුදුන් වහන්සේගේ තෙවන ලංකාගමනය හෙවත් මණිඅක්ඛිත නා රජුගේ ආරාධනයෙන් කැළණියට වැඩම කිරීම ආදිය දැක්විය හැකිය.

දේවානම්පියතිස්ස රජ සමයේ සිට මෙරට ප්‍රමුඛස්ථානය ලැබී තිබූ බුදුදහමට, යටත් විජිතයක් වීමෙන් පසුව කාලානුරූප ව විවිධ වෙනස්කම්වලට මුහුණ දීමට සිදුවිය. පෘතුගීසි පාලන කාලය තුළ කැපී පෙනෙන අඩුවක් සිදු නොවුණ ද ලන්දේසි පාලනය තුළ එතෙක් කල් ජනතාව භුක්ති විඳි වෙසක් නිවාඩුව 1770 දී ලන්දේසි ආණ්‌ඩුකාරයා විසින් ඔවුන්ගේ අණසක පිහිටුවා තිබූ මුහුදුබඩ පළාත්වල තහනම් කරන ලදී. බ්‍රිතාන්‍ය ජාතිකයන් රටම යටත් කරගත් පසු 1817 අප්‍රේල් 5 දා ඉරිදා නිවාඩුව හඳුන්වා දී වෙසක් නිවාඩු තහනම රට පුරා ක්‍රියාත්මක කරන ලදී.
මෙවැනි තත්ත්වයක් තුළ බෞද්ධ ආරක්ෂක කමිටුව යනුවෙන් කමිටුවක් පත් කර ගනිමින් සිදුවන අකටයුතුකම් ගැන කරුණු ඉදිරිපත් කිරීම සඳහා කමිටුව ගත් තීරණයක් අනුව සෙන්පති ඕල්කට්තුමා යටත් විජිත ලේකම් හමුවීමට 1884 ජනවාරි 28 දින ලන්ඩනයට ගියේය. එහිදී සය වැදෑරුම් ඉල්ලීම් මාලාවක් ඉදිරිපත් කරමින් ඒවා අතුරින් වෙසක් පොහෝ දින නිවාඩුවට ලබා දීමට එකඟ වූ අතර එය 1885 මාර්තු 27 දා ගැසට් මගින් ප්‍රසිද්ධ කරන ලදී.

මෙම ජයග්‍රහණය සැමරීම සඳහා කිසියම් සංකේතයක් වශයෙන් කොඩියක් නිර්මාණය කළ යුතු යැයි තීරණය විය. එය ඕල්කට්තුමාගේ දැක්ම යටතේ ජාත්‍යන්තර ප්‍රමිතියට අනුව සකස් කරන ලදි. 1950 මැයි මස 25 වැනිදා රටවල් 29ක නියෝජිතයන් 138 දෙනකුගේ සහභාගීත්වයෙන් මහනුවර දී ලෝක බෞද්ධ සම්මේලනයේ ප්‍රථම රැස්වීම පවත්වනු ලැබූ අතර එහි ප්‍රථම සභාපති වූ මහාචාර්ය ගුණපාල මලලසේකර මහතාගේ යෝජනාවක් අනුව මෙම බෞද්ධ කොඩිය ලෝක බෞද්ධ කොඩිය ලෙස ඒකමතිකව සම්මත කර ගන්නා ලදී.

1999 දෙසැම්බර් 13 දින එක්සත් ජාතීන්ගේ 54 වැනි සැසිවාරයේ දී අනිකුත් බෞද්ධ රටවල ද එකඟත්වයෙන් දිවංගත ලක්ෂ්මන් කදිරගාමර් මහතාගේ යෝජනාවක් අනුව වෙසක් පොහෝ දිනය අන්තර්ජාතික වශයෙන් පිළිගත යුතු යයි සම්මත කර ගන්නා ලදී.

අද වන විට ශ්‍රී ලංකාව, මැලේසියාව, මියන්මාරය, තායිලන්තය, සිංගප්පූරුව, වියට්නාමය, ඉන්දුනීසියාව, හොංකොං සහ තායිවානය වැනි බොහෝ රටවල වෙසක් පොහොය දිනය ප්‍රසිද්ධ නිවාඩු දිනයකි.

එම දිනයේ ආගමික මෙන් ම ඓතිහාසික වැදගත්කම සිහිගන්වමින් පින්බර වෙසක් පොහෝ දිනකට ආසිරි!

දින්යා දසනායක
149 කණ්ඩායම

We; iGuide, bridge the gap between Aspiring Legal Apprentices and Senior Attorneys!

iConnect, proudly presented by iGuide, is a mentorship programme for aspiring legal apprentices.

This initiative pairs you with experienced senior attorneys, offering invaluable hands-on expertise and guidance as you embark on your legal career.

Ready to take the next step?
Fill out the attached Google Form and seize this amazing opportunity for your professional growth!

https://forms.gle/4agPnga8t9dLefCd9

Pathway to foster your legal career!💜

අවිදු අඳුර දුරැලූ,
සකල සත මෙතින් පුරවාලූ,
තුන් ලොවම සනසාලූ,

සම්බුදු තෙමඟුලේ අසිරි!

අට ලෝ දම්, සිව් අරිය සත්, තිලකුණු මං ඔස්සේ
සන්තානයන්ට සමීප වන්නා වූ
සුබ වෙසක් මංගල්‍යයක් වේවා!

ஒளி இருளை நீக்கியது,
இதயங்களை அன்பால் நிரப்பியது,
முழு உலகையும் ஆற்றுப்படுத்தியது,

இவை மங்களகரமான திருவிழாவின் அற்புதங்களே!

உங்கள் அனைவருக்கும் இனிய வெசாக் பண்டிகை வாழ்த்துக்கள்!

Light illuminates the dark,
Filling hearts with love & kindness,
Comforting the whole world,

The wonders of the auspicious festival!

Wishing you a blessed festival of Vesak!





Design: Pehan Bandara
Caption: Hirushan Rupasinghe
Translation: Zuha Afrath

ජනරජ ව්‍යවස්ථා දිනය

පිස එන සමනොල මුදුනින්
ජනරජ දිනකර කිරණින්
ලංකා රන් තඹර කැකුළ
විකසිත වෙනවා...
(ආචාර්ය වික්ටර් රත්නායක)

52 වෙනි ජනරජ දිනය අදයි!

වසර 52 කට පෙර අදවන් දිනක එනම්, 1972 මැයි මස 22 දින දකුණු ආසියාවේ මුතු ඇටය බ්‍රිතාන්‍ය කිරීටයෙන් පුර්ණ නිදහස ලබා ගන්නට සමත් විය. එතෙක් සිලෝන් නම් වූ ශ්‍රී ලංකාව පූර්ණ නිදහස් ස්වෛරී ස්වාධීන රාජ්‍යයක් බවට පත් විය.

1948 පෙබරවාරි 04 වන දින අප විසින් ලබා ගත් ඩොමීනියන් නිදහස යටතේ 1947 සෝල්බරි ආණ්ඩුක්‍රම ව්‍යවස්ථාවට අනුව ශ්‍රි ලංකාවේ පාලනය සිදුවිය. ඒ අනුව 1948 සිට 1972 දක්වා ලංකාවේ විධායකය වූයේ රැජිනගේ නියෝජිත ආග්‍රාණ්ඩුකාරවරයා ය.සෝල්බරි සාමි, ශ්‍රීමත් ඔලිවර් ගුණතිලක සහ ශ්‍රීමත් විලියම් ගොපල්ලව පිළිවෙලින් අග්‍රාණ්ඩුකාර ධූරයේ කටයුතු කළ අතර සන්නද්ධ සේවා වල සේනාධිනායකයා වූයේ ද අග්‍රාණ්ඩුකාරවරයායි. සිලෝන් හි උපරිමාධිකරණය ප්‍රිවි කවුන්සිලය විය.

1948 නිදහස ලබා වසර 20ක් ඉක්ම වූවද පූර්ණ නිදහස ලබා ගැනීමට කිසිවෙකු කටයුතු නොකළ සමයක, 1970 මැතිවරණයෙන් සමගි පෙරමුණ ජය ලැබීමත් සමඟ ලොව ප්‍රථම අග්‍රාමාත්‍යවරිය ලෙස පත් වූ සිරිමාවෝ බණ්ඩාරනායක මැතිණිය සමඟ වාමාංශික පක්ෂ එක්ව දියත් කල මෙහෙයුමේ ජයග්‍රාහී ප්‍රතිඵලය වූයේ මෙම ස්වාධීන ස්වෛරී පූර්ණ නිදහසයි.

ආචාර්ය කොල්වින් ආර්. ද සිල්වා මහතාගේ ප්‍රමුඛත්වයෙන් නිර්මාණය කළ 1972 පළමු ජනරජ ව්‍යවස්ථාවෙන් ශ්‍රි ලංකාව ඒකීය රාජ්‍යයක් බවට පිළිගනු ලැබීය. එතෙක් පැවති අග්‍රාණ්ඩුකාර ධූරය මෙරට නාමික විධායකය පත්වෙමින් ශ්‍රි ලංකාවේ ප්‍රථම නාමික ජනාධිපතිවරයා වශයෙන් ශ්‍රීමත් විලියම් ගොපල්ලව මහතා පත් විය.

මෙම පූර්ණ නිදහසත් සමඟම ව්‍යවස්ථාවෙන් ශ්‍රි ලංකාව ජනරජයක් ලෙස ප්‍රකාශයට පත් කළ අතර එතෙක් පැවති බ්‍රිතාන්‍යය ආධිපත්‍යය එලෙසින් අවසන් විය. ජාතික රාජ්‍යය සභාව නමින් හැඳින්වෙන තනි කුටියකින් සමන්විත ඒක මණ්ඩල පාරිලිමේන්තුව පිහිටුවීය. එලෙසම ශ්‍රී ලංකාවේ භාෂා විවිධත්වය පිළිබිඹු කරමින් සිංහල හා දෙමළ භාෂා රාජ්‍ය භාෂා ලෙස පිළිගැනීම, බුද්ධාගමට ප්‍රමුඛස්ථානය හිමිවීම, ඉඩම් ප්‍රතිසංස්කරණයක් හඳුන්වා දීම, ප්‍රධාන කර්මාන්ත හා සේවා ජනසතු කිරීම ආදිය ද විශේෂ කොට දැක්විය හැකිය.

තවද 1972 ජනරජ ව්‍යවස්ථාව ස්ථාපිත කිරීමෙන් ඇති වූ ප්‍රතිඵලයන්හි විශේෂම සන්ධිස්ථානයක් වූයේ මෙරට අධිකරණ පද්ධතියේ සිදු වූ වෙනසයි. 1948 නිදහසින් පසුවත් ශ්‍රි ලංකාවේ උපරිමාධිකරණය එංගලන්තයේ ප්‍රිවි කවුන්සිලය වූ අතර අභියාචනා ඉදිරිපත් කළ යුතුව තිබුනේ ප්‍රිවි කවුන්සිලය වෙතටය. ඒ සඳහා මුදල් වැය කළ යුතු වූ බැවින් එකල නිවැරදි තීන්දුවක් ලබා ගැනීමේ අයිතිය ධනවත් පුද්ගලයින්ට පමණක් සීමා විය. එසේ පැවති අධිකරණ ක්‍රියාවලිය නිමාවට පත් කරමින් පළමු ජනරජ ව්‍යවස්ථාවෙන් රටේ ඉහළම අධිකරණය ලෙස ශ්‍රේෂ්ඨාධිකරණය පිහිටුවන ලදී.

මීට අමතරව තවත් වැදගත්ම සිදුවීමක් වූයේ 1972 දි ජනරජයකට සංක්‍රමණය වීමත් සමඟ, ශ්‍රී ලංකාව ජනරජයක් ලෙස එහි තත්වය පිළිබිඹු කිරීම සඳහා ජාතික ධජයට බෝ පත්‍ර සතරක් එකතු කරමින් නව ජාතික ධජය, ජාතික ගීය , රාජ්‍ය ලාංජනය වැනි නව සංකේත අනුගමනය කිරීමයි.

තවද ශ්‍රී ලංකාව ජනරජයක් වීමත් සමඟ ගෝලීයව ලබා ගත් සාර්ථක ප්‍රතිඵල ලෙස 1976 නොබැඳි ජාතින්ගෙ සමුළුව මෙරටෙහි පැවැත්වීම, එම වසරේදිම හැමිල්ටන් ෂර්ලි අමරසිංහ මහතා එක්සත් ජාතීන්ගේ මහා මණ්ඩලයේ සභාපතිධූරයට පත් වීම අමතක නොකළ යුතුය.

වත්මනෙහි නිදහස් දිනය ලෙස තවමත් 1948 හි ලබා ගත් ඩොමිනියන් නිදහස මහත් උත්සවාකාරයෙන් සමරන ශ්‍රී ලාංකිකයන් මේ අති මහත් වටිනාකමකින් යුත් දිනය අමතකව ඇත්තාක් මෙන් හැසිරීම ඛේදජනකය. ජනතා පරමාධිපත්‍යයෙන් යුතුව මහජනතාවගේ පාලන ක්‍රමයක්, සියල්ලන්ට සමව සලකන අධිකරණ පද්ධතියක් ආරම්භවීම යනු නියම නිදහස නොවේද? උත්සවාකාරයෙන් සැමරිය යුත්තේ ජනරජ දිනය නොවේද?

සුදීපා සෙනෙවිරත්න
149 කණ්ඩායම

iConnect; proudly presented by iGuide

An exclusive opportunity for those who completed the
Final Year Examination in April 2024.

Our programme pairs aspiring legal apprentices with experienced senior attorneys, fostering mentorship and professional growth.

This initiative is designed to empower the next generation of legal minds, ensuring they gain invaluable hands-on experience and guidance as they embark on their legal careers!💜

iConnect; proudly presented by iGuide

An exclusive opportunity for those who completed the Final Year Examination in April 2024.

Our programme pairs aspiring legal apprentices with experienced senior attorneys, fostering mentorship and professional growth.

This initiative is designed to empower the next generation of legal minds, ensuring they gain invaluable hands-on experience and guidance as they embark on their legal careers!💜

"Every moment is an organizing opportunity, every person a potential activist, every minute a chance to change the world."
– Dolores Huerta

Be ready to mark your calendars for වරණ '24; legal awareness programme and නැණ පහන '24; book donation initiative organized by iGuide, the pioneer in legal education assistance!💜

#වරණ24
#නැණපහන24

System change කරන්න අමාරු නෑ, හරියට කතිරේ ගහන්න විතරයි ඕනේ!

මේ වෙද්දී රටේ ආර්ථිකය , සමාජීය තත්ව එක්ක , මීට කලින් වෙච්ච සිදුවීම් එක්ක රටේ පාලකයො ගැන ජනතා පැහැදීම නැත්තටම නැති වෙලා ඉවරයි. අන්තිම ජනාධිපතිවරණයේදීත් ,මහා මැතිවරණයේදීත් ගහපු කතිරෙ මොකක් වුනත් කවුරුත් හොඳක් කියන්නේ නෑ.
කොතනද වැරදුණේ?

මේ රටේ වෙන හැමදෙයක් ගැන ම උපරිම බලය තියෙන්නේ ජනතාවට. ජනතාව ඉස්සරහ ජනාධිපති ලොකුත් නෑ. අගමැති ලොකුත් නෑ. පාර්ලිමේන්තු මන්ත්‍රී ලොකුත් නෑ. ඉතින් නගරාධිපතිලා, ප්‍රාදේශීය සභා මන්ත්‍රීලා ගැන කවර කතා ද?

මේ අපි කියන දෙයක් නෙමේ. එහෙම තමා නිතීය. හැබැයි මේක රටේ මිනිස්සු දන්නේ නෑ. නම දාලා board එකක් ගැහුවට ඇත්තටම පාරවල් හදන්නේ මැති ඇමතිලාගේ සල්ලි වලින් නෙමේ. ඒ සල්ලි රටේ මිනිස්සුන්ගේ!

ඉතින් ඒ සල්ලි රටේ පාලකයො අයුතු විදිහට පාවිච්චි කරනවා නම් ඒ විදිහට පාවිච්චි කරන්නේ අපේ ළමයින්ට ඉගෙන ගන්න තියන සල්ලි, ඔබේත් මගේත් බෙහෙත් වලට වියදම් කරන්න, කන්න බොන්න තියන සල්ලි. ඒ නිසයි ඒක ප්‍රශ්නයක් වෙන්නේ. හැබැයි මේ ලිපියෙන් කතා කරන්නේ ඒක ගැන නෙමේ. මිනිස්සු තමන්ට තියන, හැබැයි හරියට පාවිච්චි කරන්න දන්නේ නැති බලය ගැන.

කොහේ තියන බලයක් ගැන ද මේ කියන්නේ?
මේ රට පාලනය වෙන එක්තරා මූලික ලියවිල්ලක් තියනවා. ඒක තමා ලොකුම ලියවිල්ල. රටේ වෙන්නේ මොනවද ඒ හැම දේම වෙන්න ඕනේ ඒකෙ තියන විදිහට. ඒ තමා ආණ්ඩුක්‍රම ව්‍යවස්ථාව!

අණ්ඩුක්‍රම ව්‍යවස්ථාවෙ තුන් වෙනි වගන්තියේ මේ රටේ පරම අධිකාරී බලය ඒ කියන්නේ පරමාධිපත්‍ය බලය ජනතාවට පවරලා තියනවා. මේ පරම අධිකාරී බලයට රටේ පාලන බලතල, මූලික අයිතිවාසිකම් සහ ඡන්ද බලය අයත්. සරල ව ම රටේ සියල්ලම.

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාවෙහි 3 වන ව්‍යවස්ථාවට අනුව ,
ශ්‍රී ලංකා ජනරජයේ පරමාධිපත්‍ය ජනතාව කෙරෙහි පිහිටා ඇත්තේය. පරමාධිපත්‍යය අත්හළ නොහැක්කේය. පරමාධිපත්‍යයට පාලන බලතල, මූලික අයිතිවාසිකම් සහ ඡන්ද බලයද ඇතුළත් වන්නේය කියල සඳහන් කරලා තියෙනවා.

ජනතාවගේ පරමාධිපත්‍යය ක්‍රියාත්මක වීම ද භුක්ති විඳීම ද සිදු වෙන අකාරය ආණ්ඩුක්‍රම ව්‍යවස්ථාවෙහි 4වන ව්‍යවස්ථාවේ දක්වා තියනවා. අනු ව්‍යවස්ථාවන් පහකින් සමන්විත 4 වන ව්‍යවස්ථාවෙහි එය පහත සදහන් ආකරයට විස්තර කරලා තියන්වා.

4(අ) ව්‍යවස්ථාවට අනුව ජනතාවගේ ව්‍යවස්ථාදායක බලය ජනතාව විසින් තෝරා පත් කර ගනු ලබන මන්ත්‍රීවරුන්ගෙන් සමන්විත පාර්ලිමේන්තුව විසින්ද ජනමතවිචාරණයකදී ජනතාව විසින්ද ක්‍රියාත්මක කළ යුත්තේය. පාලනයේදී ජනතාවට සියලුදෙනාටම සහභාගි වීමට අපහසු බැවින් ජනතාව විසින් තෝරා පත්කරගනු ලබන නියෝජිතයන්ගෙන් පාර්ලිමේන්තුව සමන්විත වේ. එම නිසා එම නියෝජිතයින් සිදු කරන දේ ජනතාවගේ අභිලාශයන් ලෙස පිළිගැනීමක් ඇත.

4(ආ) ව්‍යවස්ථාවේ සදහන් වන්නේ ජනතාවගේ විධායක බලය ක්‍රියාත්මක කරන ආකාරයයි. එම ව්‍යවස්ථාවේ සදහන් වන ආකාරයට “රටේ ආරක්ෂාව ඇතුළුව ජනතාවගේ විධායක බලය ජනතාව විසින් තෝරා පත්කර ගනු ජනරයේ ලබන ජනරජයේ ජනාධිපතිවරයා විසින් ක්‍රියාත්මක කළ යුත්තේය“.

අධිකරණ බලය ක්‍රියාත්මක කල යුත්තේ අධිකරණ හා විනිශ්චය අධිකාර මගින් පාර්ලිමේන්තුව විසින්ය. ඒ බව ආණ්ඩුක්‍රම ව්‍යවස්ථාවෙහි 4(ඇ) ව්‍යවස්ථාවෙහි සදහන් වෙනවා.

ආණ්ඩුක්‍රම ව්‍යවස්ථාවෙන් ප්‍රකාශ කොට පිළගනු ලබන මූලික අයිතිවාසිකම් සියළු පාලන ආයතන විසින් ගරු කරනු ලැබිය යුත්තේය. ආරක්ෂා කරනු ලැබිය යුත්තේය. වර්ධනය කරනු ලැබිය යුත්තේය යැයි ආණ්ඩුක්‍රම ව්‍යවස්ථාව් 4(ඈ) ව්‍යවස්ථාවේ දක්වලා තියනවා.

ආණ්ඩුක්‍රම ව්‍යවස්ථාවෙ 4(ඉ) ව්‍යවස්ථාවෙ ජනතාවගේ ඡන්ද බලය ක්‍රියාත්මක කරන ආකාරය පිළබද පහත ආකරයෙන් සදහන් වෙනවා,
“අටළොස් විය සම්පූර්ණ කර ඇත්තා වූද මෙහි මින් මතු විධිවිධාන සලස්වා ඇති පරිදි ඡන්දහිමියකු වීමට සුදුසුකම් ලැබ තමාගේ නම ඡන්දහිමි නාමලේඛනයේ ඇතුළත් කරන ලැබ සිටින්නා වූ ද සෑම පුරවැසියකු විසින් ම ජනරජයේ ජනාධිපතිවරයා කෝරා පත් කිරීමේ ඡන්ද විමසීමේ දී ද පාර්ලිමේන්ද මන්ත්‍රීවරයන් තෝරා පත් කිරීමේ මැතිවරණයේ දී ද සෑම ජනවතවිචාරණයක දී ද ඡන්ද බලය ක්‍රියාත්මක කළ හැකි විය යුතු වන්නේය“.

උඩ කියපු හැමදේම සරලවම කියනවනම් මෙහෙම කියන්නත් පුළුවන්.

පාලන බලය කොටස් තුනයි. නීති හදන්න ඕනේ. ඒවා ක්‍රියාත්මක කරන්න ඕනේ. හරියට ක්‍රියාත්මක වෙනවද කියලා බලන්න ඕනේ. ඉතින් අද අපි බැන්නොත් බනින්නේ ඔය තුනෙන් එකකටනේ. ඒත් ඉතින් ඔය තුනේ පරම බලය තියෙන්නේ රටේ මිනිස්සුන්ට.

ගහන කතිරෙ වටිනාකම තේරිලා. හරි තැනට කතිරෙ ගහන්නත් රටේ බහුතරයකට පුළුවන් වුණු දවසට system change එක වෙනවා.

System change කරන්න අමාරු නෑ, හරියට කතිරේ ගහන්න විතරයි ඕනේ!

ඩිෂ්මි අඹේගොඩ
149 කණ්ඩායම

මාධ්‍ය නිදහස සඳහා වන දිනයේ වගකීම

මැයි 03 වන අද දින, ලෝක මාධ්‍ය නිදහස සඳහා වන දිනය සැමරෙන්නේ මාධ්‍ය වෘත්තිය, ලේ සහ කඳුළින් නැහැවුණු පසුබිමක යි. Reporters Without Borders මාධ්‍ය නිරීක්ෂණ ආයතනයේ වාර්තාවන්ට අනුව මාර්තු දක්වා පලස්තීනයේ, ගාසා තීරයේ ඇවිළුනු යුද්ධය නිසා දින 150ක් තුළ මාධ්‍යවේදීන් 103ක් ඝාතනය වෙලා තියෙනවා. රුසියානු යුක්රේන යුද්ධයෙන් ගත වුණු අවුරුදු දෙක ඇතුළත මාධ්‍යවේදීන් ඝාතනයට ලක් වීම හෝ විවිධ අනතුරුවලට මුහුණ දීමේ අවස්ථා 100 ඉක්මවා තිබුණා. මේ හැරුණු කොට ලොව පුරා මාධ්‍යකරණය නොයෙක් අභියෝගයන්ට මුහුණ පාන පසුබිමක යි, මෙවර ලෝක මාධ්‍ය නිදහස සඳහා වන දිනය උදා වෙන්නේ.

මෙම සැමරුම් දිනය මුල් වරට සමරලා තියෙන්නේ 1994 වර්ෂයේ. ඒ මාධ්‍ය නිදහසේ වැදගත්කම පිළිබඳව දැනුවත් කිරීමටත්, අදහස් ප්‍රකාශ කිරීමේ අයිතියට ගරු කිරීමට වගේ ම එය ආරක්ෂා කිරීමට රජයන්ට පැවරෙන යුතුකම් මතක් කර දීමටත් එක්සත් ජාතීන්ගේ මහා මණ්ඩලය විසින් 1993 වසරේ දී කළ යෝජනාවකට අනුව.

මාධ්‍ය නිදහස සඳහා වූ දිනය හැටියට මැයි 03 තෝරගත්තේ විශේෂ කරුණක් පාදක කරගනිමින්. ඒ 1991 දී අප්‍රිකානු මාධ්‍යවේදීන් නැමීබියාවේ Windhoekහි ඉදිරිපත් කළ මාධ්‍ය නිදහස පිළිබඳ Windhoek ප්‍රකාශය සැමරීමේ දිනය මෙදිනට යෙදෙන නිසා ඊට ගෞරවයක් ලෙස ලෝක මාධ්‍ය නිදහස සඳහා වන දිනය ලෙස මේ දවස ම තෝරා ගත්තා.

මාධ්‍ය නිදහස පිළිබඳ දිනයේ ප්‍රධාන අභිමතාර්ථයක් හැටියට සැලකෙන්නේ මාධ්‍යකරණයේ දී සිය ජීවිතය අහිමි වූ හෝ විවිධ හිංසනයන්ට පීඩාවන්ට ලක් වූ මාධ්‍යවේදීන් සිහිපත් කිරීම. ඉතින් ලෝකයේ වගේ ම ශ්‍රී ලංකාවේ යුද්ධය පැවැති අවුරුදු 30 තුළ ඝාතනය වූ සහ හිංසනයට ලක් වූ මාධ්‍යවේදීන් සිහිපත් කිරීමටත් මෙය අවස්ථාවක්. බෙදුම්වාදී ත්‍රස්තවාදය වගේ ම රාජ්‍ය ත්‍රස්තවාදයත්, මැර කල්ලි විසිනුත් මාධ්‍යවේදීන් ඝාතනය කිරීම, අතුරුදහන් කිරීම, අත් කැපීම, ඇඟිලි කැපීම, විවිධ හිංසා පීඩාවන් සිදු කිරීම, බිය වැද්දීම, තර්ජනය කිරීම වැනි දෑ නොයෙක් අවස්ථාවල සිදු කෙරුණා.

2010න් පසු කාලයේ මාධ්‍යවේදීන්ට ශාරීරික ව සිදු කළ හැකි වධහිංසනයන් තවදුරටත් ඒ අයුරින් ම ක්‍රියාත්මක කිරීමට ඉඩ නොලැබුණත් අණ පනත්, නීති රීති මගින් වගේ ම ආරක්ෂක අංශය, බුද්ධි අංශය ඇතුළු රාජ්‍ය යාන්ත්‍රණය උපයෝගී කර ගනිමින් මාධ්‍යවේදීන් බිය වැද්දීම, තර්ජනය කිරීම හා පීඩාවට පත් කිරීම සිදු වුණා.
2022 අංක 9 දරන පෞද්ගලික දත්ත ආරක්ෂණ පනත, 2024 අංක 9 දරන මාර්ගගත ක්‍රමවල සුරක්ෂිතභාවය පිළිබඳ පනත වගේ ම යෝජනා වෙලා තියෙන විකාශන අධිකාරි පනත් කෙටුම්පතත් සුපැහැදිලි ව ම මාධ්‍ය සහ මාධ්‍ය වෘත්තිය සිය අණසකට යටත් කරගැනීම උදෙසා ආණ්ඩු විසින් ගත් උත්සාහයන් වෙති යි නීති විශ්ලේෂකයන්ගේ චෝදනා එල්ල වුණා.

දියුණු ශිෂ්ටාචාරයන් පිළිගන්නේ පුරවැසියාට තොරතුරු දැනගැනීමට තිබෙන පිපාසය මූලික මිනිස් අයිතියක් ලෙස යි. ඉතින් මෙරට තුළ මාධ්‍ය නිදහස උදෙසා දිනාගත් ඉහළ ම ජයග්‍රහණය 2016 වසරේ දී සම්මත වුණු තොරතුරු දැනගැනීම පනත. ඒ වුණත් එහි ප්‍රායෝගික භාවිතය තුළත් නොවිසඳුනු ගැටලු ගණනාවක් තවමත් තියෙනවා. තොරතුරු නිලධාරීන් පත්කර නොතිබීම, ඉල්ලා සිටින තොරතුරු ලබා නොදීම, තොරතුරු කොමිසමේ ක්‍රියාකාරීත්වය සතුටුදායක නොවීම, මාධ්‍ය වෘත්තිකයන් තොරතුරු දැනගැනීමේ පනත නිසි ලෙස භාවිතයට නොගැනීම යනාදිය ඉන් කිහිපයක් පමණයි.

මාධ්‍යයේ නිදහස් ක්‍රියාකාරීත්වයට අවශ්‍ය නෛතික පදනම ආණ්ඩුක්‍රම ව්‍යවස්ථාවේ 14 වන වගන්තියෙන් තහවුරු කළත් එය වල්බූරු නිදහසක් ලෙස අනිසි භාවිතය අධෛර්යමත් කිරීමට යම් යම් සීමා ද ව්‍යවස්ථාව පනවයි. මහජන සාමය බිඳ දැමෙන ලෙස ක්‍රියා කිරීම, අපහාස කිරීම, අධිකරණයට අපහාස වන ලෙස මාධ්‍යකරණය පවත්වාගෙන යාම එවන් සීමා කිහිපයක්.

මාධ්‍ය සම්බන්ධයෙන් පොදුවේ පිළිගත් සිද්ධාන්තය වන්නේ මාධ්‍යය අපක්ෂපාතී ව යුක්තිය සහ සාධාරණත්වය වෙනුවෙන් පෙනී සිටිය යුතු යි යන්න යි. මේ සිද්ධාන්තය මාධ්‍යයේ කන්‍යාභාවය බඳු ය. මාධ්‍යයේ කන්‍යාභාවය බිඳ වැටෙන තැනක මාධ්‍ය නිදහස ගැන කතා කිරීමට කිසිදු අවකාශයක් නෑ. එනයින් මෙරට මාධ්‍යකරණය තුළ කන්‍යාභාවය බිඳගත් මාධ්‍ය වෘත්තිකයන් හා මාධ්‍ය ආයතන මාධ්‍ය නිදහස නම් උදාර සංකල්පයට මුවා වූ බැටලු හම් පොරවා ගත් වෘකයන් වැනි වූ ඊනියා ජන හිතෛෂීන් බව අමුතුවෙන් ඉස්මතු කළ යුත්තක් නෙමෙයි.

මාධ්‍ය ආයතනයන්ට ගිනි තැබීම්, සීල් තැබීම්, නොයෙක් ආකාරයේ වාරණ පැනවීම් ඉතිහාසය ‍පුරා සිදු වූ රටක අපි ජීවත් වෙමු. මෑතක සිට වර්ධනයක් පෙන්නුම් කරන්නේ නීතිමය වශයෙන් මාධ්‍යයේ භූමිකාව හකුලුවා දැමීමට ගන්නා වෑයම් ය.

එබැවින් මාධ්‍ය නිදහස තහවුරු කෙරෙන අයුරින් මිසක මාධ්‍යයේ පාලනය සියතට ගැනීමට ව්‍යවස්ථා සම්පාදනය නොකිරීමටත්, මාධ්‍ය වෘත්තිකයන්ගේ මාධ්‍ය භූමිකාව සහ වෘත්තිය අයිතිය තහවුරු කරන අයුරින් අවශ්‍ය නීති ආවරණ සම්පාදනය කිරීමටත් රජයට ඇති වගකීම මාධ්‍ය නිදහස සමරන අද දින මතක් කර දීමට කැමැත්තෙමි.

සකීෆ් සාම්
149 කණ්ඩායම

Creating legacies of uplifting Independent media skills and opening the wide doors for active media journalism at Sri Lanka Law College! 💜

Presenting the iMedia Committee for 2024/2025!

ජාත්‍යන්තර කම්කරු දිනය

ජාත්‍යන්තර කම්කරු දිනය, කම්කරු ව්‍යාපාරයේ ඓතිහාසික අරගලය සහ ජයග්‍රහණ සිහිපත් කරන ගෝලීය සැමරීමකි. වාර්ෂිකව මැයි 1 වන දින පවත්වනු ලබන එහිදී ලොව පුරා කම්කරුවන් විසින් කරන ලද සුවිශිෂ්ට දායකත්වය සිහිපත් කෙරෙන අතර කම්කරුවන්ගේ අයිතිවාසිකම්, සාධාරණ වැටුප් සහ වැඩිදියුණු කළ සේවා කොන්දේසි සඳහා අඛණ්ඩ අරගලය ඉස්මතු කරයි.

මෙහි, මූලාරම්භය මෙසේ සටහන් වේ.

ජාත්‍යන්තර කම්කරු දිනයේ මූලාරම්භය 19 වැනි සියවසේ අගභාගයේදී එක්සත් ජනපදයේ සහ යුරෝපයේ කම්කරු ව්‍යාපාර පැය අටක වැඩ දිනයක් ස්ථාපිත කිරීම සඳහා ප්‍රබල ලෙස උද්ඝෝෂණය කළ කාලය දක්වා දිව යයි. මෙම දිනය පිළිගැනීමට තුඩු දුන් එක් ප්‍රධාන සිදුවීමක් වූයේ චිකාගෝ හි හේමාර්කට් සම්බන්ධයයි.1886 වසරේ මැයි 4 වන දින, පැය අටක වැඩ දිනයක් ඉල්ලා සිටි සාමකාමී උද්ඝෝෂණයක් බෝම්බයක් පිපිරවීමත් සමඟ ප්‍රචණ්ඩත්වයට පත් වූ අතර, එහි ප්‍රතිඵලයක් ලෙස සිවිල් සහ පොලිස් නිලධාරීන් කිහිප දෙනෙක් මිය යන ලදී. සටනට සම්බන්ධ වූවන්ගේ රුධිරය වැගිරීමෙන් සිදු වූ මරණය සිහිපත් කිරීම පිණිස පසු කාලීනව රතු වර්ණය මැයි දිනය සඳහා යොදා ගැනුණි. මෙම සිදුවීම කම්කරු ව්‍යාපාරය ශක්තිමත් කළ අතර කම්කරුවන්ගේ අයිතිවාසිකම් ගෝලීය වශයෙන් පිළිගැනීම සඳහා උත්ප්‍රේරකයක් බවට පත්විය.

මෙම දිනය ලෝ වාසීන් හට වැදගත් වන්නේ ඇයි?

ජාත්‍යන්තර කම්කරු දිනය, සැලකිය යුතු ඓතිහාසික හා සංකේතාත්මක වැදගත්කමක් දරයි. එය වඩා හොඳ සේවා කොන්දේසි, සාධාරණ වැටුප් සහ සමාජ සාධාරණත්වය සඳහා සටන් කළ කම්කරුවන්ගේ කැපකිරීම් සහ අරගල සඳහා උපහාරයක් ලෙස සලකයි. ආදායම් අසමානතාවය, සේවා ස්ථානයේ ආරක්ෂාව සහ රැකියා සුරක්ෂිතභාවය වැනි කම්කරු ගැටලු විසඳීමේ අඛණ්ඩ අවශ්‍යතාව ද මෙම දිනය අවධාරණය කරයි. එය කම්කරුවන්ට ඔවුන්ගේ උත්සුකයන් ගැන හඬ නැගීමට, ඔවුන්ගේ අයිතිවාසිකම් වෙනුවෙන් පෙනී සිටීමට සහ ලොව පුරා සිටින සෙසු කම්කරුවන් සමඟ සහයෝගීතාවයෙන් එක්සත් වීමට අවස්ථාවක් සපයයි.

බොහෝ රටවල මැයි 1 වනදා ජාත්‍යන්තර කම්කරු දිනය ලෙස පිළිගනු ලැබුවද, එය සමරන ආකාරය විවිධ සංස්කෘතීන් සහ කලාප හරහා වෙනස් වේ. සමහර රටවල, එය කම්කරු සංගම් සහ උපදේශන කණ්ඩායම් විසින් සංවිධානය කරන ලද පෙළපාලි, රැලි සහ පෙළපාලි මඟින් සලකුණු කරන ලද රජයේ නිවාඩු දිනයකි. මෙම සිදුවීම් බොහෝ විට විවිධ ශ්‍රම සම්බන්ධ ගැටලු ඉස්මතු කරන අතර කම්කරුවන්ගේ ජීවිත වැඩිදියුණු කිරීම සඳහා ප්‍රතිපත්ති ප්‍රතිසංස්කරණ ඉල්ලා සිටී. වෙනත් ජාතීන් තුළ, වඩාත් යටපත් වූ රැස්වීම් සමඟ හෝ කම්කරු ව්‍යාපාරය මුහුණ දෙන ජයග්‍රහණ සහ අභියෝග පිළිබඳ ආවර්ජනය කිරීමේ වේලාවක් ලෙස මෙම දිනය නිරීක්ෂණය කළ හැකිය.

අද වනවිට කාලයාගේ ඇවෑමෙන්, සමකාලීන කම්කරු ගැටලු විසඳීමට සහ වෙනස්වන සමාජ හා ආර්ථික භූ දර්ශන වලට අනුවර්තනය වීමට ජාත්‍යන්තර කම්කරු දිනය පරිණාමය වී ඇත. සාධාරණ වැටුප් සහ ආරක්ෂිත සේවා කොන්දේසි වැනි මූලික අයිතිවාසිකම් සඳහා වන අරගලය කේන්ද්‍රීයව පවතින අතර, කම්කරු ව්‍යාපාරය ස්ත්‍රී පුරුෂ සමානාත්මතාවය, සංක්‍රමණ අයිතිවාසිකම් සහ පාරිසරික තිරසාරභාවය වැනි ගැටලු ඇතුළත් කිරීමට සිය අවධානය පුළුල් කර ඇත. මීට අමතරව, තාක්‍ෂණයේ සහ ගෝලීයකරණයේ ප්‍රගතිය ස්වයංක්‍රීයකරණය, ඩිජිටල් අයිතිවාසිකම් සහ ආර්ථිකය වැනි ගැටලු පිළිබඳ කතිකාවතක් ඇති වන පරිදි මෙහි ස්වභාවය වෙනස් වී ඇත.

ජාත්‍යන්තර කම්කරු දිනය සමාජයේ ධනාත්මක වෙනසක් ඇති කිරීමට සහ අයුක්තියට අභියෝග කිරීමට කම්කරුවන්ගේ සාමූහික බලය සිහිපත් කිරීමක් ලෙස සනිටුහන් වේ. අප මෙම දිනය සමරන විට, අතීතයේ ජයග්‍රහණ ගැන මෙනෙහි කරනවා පමණක් නොව, සියලු කම්කරුවන් සඳහා වඩාත් සාධාරණ, සමානාත්මතාවය සහ සියල්ලන් ඇතුළත් ලෝකයක් සඳහා අඛණ්ඩ අරගලයට නැවත කැප වී සිටිය යුතුය. සහයෝගීතාවයෙන් එකට සිටීමෙන්, රැකියා ස්ථානයේ සහ ඉන් ඔබ්බට අභිමානය, ගෞරවය සහ සාධාරණත්වය පිළිබඳ මූලධර්ම දිගටම පවත්වා ගැනීමට අපට හැකිය.
ශ්‍රමය යනු ප්‍රගතියේ හද ගැස්ම, ඔරොත්තු දීමේ සංධ්වනිය සහ ඉටුවන සෑම සිහිනයකම පදනමයි. අතීතයට හිස නමමු. වර්තමාන ජයග්‍රහණ සමරමු.

අද අපි සෑම කම්කරුවෙකුගේම දහඩිය, වෙහෙස සහ ආත්මයට ගරු කරමු, සිහින යථාර්ථයක් බවට පත් කරමින් සහ ඔවුන්ගේ දෑතින් ලෝකය හැඩගස්වා ගනිමු.ජයග්‍රාහී විප්ලවවාදී දිනයකට සුබ පැතුමන් පතමු!

නේපා පෙරේරා
149 කණ්ඩායම

ධනපති පන්තියේ යකඩ සපත්තු වලට
යටහත්ව ගෙවූ සැරියට තිත තබන්නට,
නිර්ධන පන්තියේ යදම් බිඳ,
හිමි අයිතිවාසිකම්, හිමි උත්කර්ෂය දිනා ගැන්මට,
ජය කෙහෙලි නංවන්නට,
එක්වෙමු, ඝෝෂා නඟමු, සටන් වදිමු!

විප්ලවවාදී වැඩකරන දිනක් වේවා!

முதலாளித்துவ வர்க்கத்தின் இரும்புக் காலணிகளால் மிதிக்கப்படும் சகாப்தத்திற்கு முற்றுப்புள்ளி வைத்து,
சங்கிலிகளை உடைத்து தொழிலாளி வர்க்கத்தின் உரிமைகளை வென்றெடுக்க, ஒன்று கூடுவோம், குரல் எழுப்புவோம், போராடுவோம்!

இது ஒரு புரட்சிகர தொழிலாளர் தினமாக மாறட்டும்!

To put an end to the era of being trampled by the feet of the bourgeois,
To win over the rights of the proletariat by breaking the chains,
Let's get together, raise our voices and fight!

May it be a revolutionary Workers Day!

The Independent Law Student Movement has sent a letter to the principal of Sri Lanka Law College, addressing a critical concern regarding the delayed timetable publication, particularly impacting outstation peers.

වෛද්‍ය පීඨ ශිෂ්‍ය ක්‍රියාකාරී කමිටුවේ නව කැඳවුම්කරු ලෙස තේරී පත් වූ, ස්වාධීන නීති ශිෂ්‍ය ව්‍යාපාරයේ සාමාජික, ශ්‍රී ලංකා නීති විද්‍යාලයේ මෙන්ම ශ්‍රී ජයවර්ධනපුර විශ්වවිද්‍යාලයීය වෛද්‍ය ශිෂ්‍ය, රශ්මික චමෝද් සහෝදරයා වෙත ස්වාධීන නීති ශිෂ්‍ය ව්‍යාපාරයේ උණුසුම් සුබ පැතුම්!

එදාමෙදා තුර ශිෂ්‍ය අයිතීන් වෙනුවෙන් පෙනී සිටිමින් ඔබ කළ කැපවීම වෙනුවෙන් හිමි වූ නව වගකීමෙහි සකලවිධ කර්තව්‍යයන් සාර්ථක කරගැනීම උදෙසා අපි ඔබට ශක්තිය, ධෛර්යය ප්‍රාර්ථනා කරන්නෙමු!

மருத்துவ பீட மாணவர் நடவடிக்கை குழுவின் புதிய அழைப்பாளராக தெரிவுசெய்யப்பட்ட, இலங்கை சட்டக்கல்லூரி சுதந்திர சட்ட மாணவர் இயக்கத்தின் உறுப்பினர் மற்றும் ஶ்ரீ ஜயவர்தனபுர பல்கலைக்கழகத்தின் மருத்துவ பீட மாணவரான, தோழர் ரஷ்மிக சமோத் அவர்களுக்கு சுதந்திர சட்ட மாணவர் இயக்கத்தின் சார்பாக இனிய நல்வாழ்த்துக்கள்.

உங்கள் செயல்கள் அனைத்திலும் நீங்கள் வெற்றிபெற நாங்கள் பிரார்த்திக்கின்றோம்!

Get ready to kick it up a notch 🔥 iMedia proudly presents the exciting 'Futsal Encounter' ⚽ Coming soon to ignite your passion for the game!

Stay tuned for the ultimate showdown on the field! 🏆

ක්‍රීඩාව: දේශසීමා, සංස්කෘතීන් සමග හදවත් යා කරන පාලම

පසුගියදා ලොව පුරා පාපන්දු රසිකයන්ගේ නොමද අවධානයට ලක්වූ සිදුවීමක් ජර්මනියෙන් වාර්තා විය. ඒ ලෝකයේ ප්‍රමුඛ පෙළේ පාපන්දු ලීගයක් වන ජර්මනියේ 'Bundesliga' තරගාවලිය Bayer 04 Leverkusen ක්‍රීඩා සමාජය විසින් තරග 5 ක‍් ඉතිරි ව තිබිය දී ජය ගැනීම යි.

1904 දී ජර්මනියේ leverkusen නගරයේ දී ස්ථාපිත කරන ලද මෙම ක්‍රීඩා සමාජය 1988 වසරේ දී එවකට UEFA කුසලානය දිනාගත් අතර, 2002 වසරේ දී UEFA ශූරයන්ගේ කුසලාන අනුශුරතාවය ද දිනා ගැනීමට සමත් වූ සමාජයකි. පින්ලන්ත ජාතික Lukas Hradecky නායකත්වය දරන ජර්මනියේ පැරණිම කාර්මික නගරයක පිහිටා ඇති මෙම ක්‍රීඩා සමාජය පසුගිය කාලයේ යම් පසුබෑමකට ලක්ව තිබූ කණ්ඩායමකි. එහෙත් 2022 වසරේ දී නව පුහුණුකරු ලෙස ප්‍රසිද්ධ ක්‍රීඩකයකු වු Xabi Alonso පත් කිරීමත් සමඟ Leverkusen කණ්ඩායමේ සාර්ථකත්වයේ නැවත ආරම්භය විය.

සාමාන්‍යයෙන් පාපන්දු කණ්ඩායම් ආශ්‍රිතව ඒ හා බැඳුණු වෙනම සංස්කෘතියක් පවතියි. එය වර්තමාන කාර්යබහුල සමාජයේ ක්‍රීඩාවට ලැදි රසිකයන්ට මානසික සුවය සහ විනොදාස්වාදය ලබා ගැනීම සඳහා ලොව පුරා පැතිර වැඩි දියුණු වූ පාපන්දු ක්‍රීඩාවේ තවත් එක් ධනාත්මක අංගයකි. ක්‍රීඩා ලෝලීන් විවිධ ආකාරයේ ගිණි කෙළි සහ විචිත්‍රාංග මඟින් සහයෝගය දක්වන ආකාරය ඉතාම සිත්ගන්නා සුලු ය.

වසර ගණනාවක කුසලාන ඉඩෝරය නිමා කරමින් ජර්මනියේ Werder Breman කණ්ඩායමට එරෙහිව පැවැති තරගය ගෝල 5 ට 0 ක් ලෙස ජයගනිමින් Leverkusen කණ්ඩායම නිල වශයෙන් ලීග ශුරතාව දිනා ගන්නා ලදී. එහි දී කණ්ඩායමට නොකඩවා සහයෝගය ලබාදුන් රසික පිරිස් එම ජයග්‍රහණය හමුවේ පිටියට එක්ව‍ ක්‍රීඩකයන් සමඟ සිය ජයග්‍රහණය සැමරූ අයුරු ක්‍රීඩාවේ ජීව ගුණය, එතුළින් ගොඩ නැංවෙන එකමුතුකම හා එහි වැදගත්කම මනාව පිළිබිඹු කරයි.

වසර 120ක‍ ජර්මානු පාපන්දු ඉතිහාසය තුළ Leverkusen කණ්ඩායම Bundesliga ලීග් ශූරතාව අපරාජිත ව දිනා ගැනීම සිදුවූ පළමු අවස්ථාව මෙය වන අතර ලොව පුරා පාපන්දු ක්‍රීඩාවට ආදරය කරන රසික රසිකාවියන් බොහොමයක් දෙනා අමන්දානන්දයට පත් කිරීමට එය සමත් විය. මේ ජයග්‍රහණය සමඟ Leverkusen කණ්ඩායම ලබන වසරේ ශුරයන්ගේ කුසලානයට ද සුදුසුකම් ලැබීමට සමත් විය.

ලෝක ඉතිහාසය පුරාම ක්‍රීඩාව ජාතීන්, පුද්ගලයන් අතර නොයෙක් බැමි බිඳ හෙලූ සංහිඳියාකාරකයක් ලෙස සුප්‍රසිද්ධ ය. දේශ සීමා භේදවලින් තොර ව මිනිසුන් අතර අන්තර්සබදතා වැඩි දියුණු කරගත හැකි උපක්‍රමයක් ලෙස මෙවැනි ක්‍රීඩා විශාල මෙහෙයක් ඉටු කරයි. අතීතයේ දී විවිධ පාර්ශ්ව අතර ඇති වූ යුද්ධ පවා සංසිඳුවීමට ක්‍රීඩාව හේතු වූ අයුරු අප අසා ඇත. දෙවැනි ලෝක යුද්ධයේ මිත්‍ර සහ අක්ෂ බලවතුන් සටන් නවතා ක්‍රීඩා කළ අන්දම මෙන් ම අප දිවයිනේ පැවති යුද්ධය අතරතුර වුවත් සියලු ම දෙන යුද්ධය නවතා 1996 ලෝක කුසලානය නැරඹූ අයුරු අපි අසා ඇත්තෙමු. නුතනයේ දී සමාජ මාධ්‍ය සමඟ මෙම ක්‍රීඩාව ලෝකය පුරා ව්‍යාප්ත වීම නිසා එය මඟින් වන පුද්ගලානුබද්ධ බලපෑම වඩාත් තියුණු වී තිබේ .

විවිධ සමාජීය ප්‍රශ්න බහුල යුගයක නොයෙක් ජාතිකත්ව දරන ක්‍රීඩකයන් ඒවා යටපත් කරගනිමින් එක කණ්ඩායමක් ලෙස එකාවන් ව මෙසේ ක්‍රීඩා කිරීම ජාතීන් අතර සහජීවනය ද ගොඩ නැංවීමට නිහඬ කාර්යභාරයක් ඉටු කරන අතරම මිනිසුන් අතර වියැකී යන එකමුතුකම, සහජීවනය නැවත ඇති කිරීමට ක්‍රීඩාවෙන් සිදුවන නිහඬ බලපෑම මෙවැනි අවස්ථා තුළින් මැනවින් ලොවට විදහා දක්වයි.

අප ශිෂ්‍යයන්, පුරවැසියන් ලෙස මෙවැනි සිදුවීම්වලින් ගත හැකි වැදගත් භාවිතයන් හඳුනා ගෙන ඒවා සමාජගත කිරීම හා හැකි අයුරින් ක්‍රීඩාවට යොමු වීම තුළින් තමා සතු කුසලතා වැඩි දියුණු කර ගැනීම අපගේ අරමුණක් කරගත යුතු අතර එය සමාජ සංවර්ධනයට තීරණාත්මක සාධකයක් වනු බව මම විශ්වාස කරමි.

නිපුන් විජේවර්ධන
149 කණ්ඩායම

"එදා දරුවන් වඩාගෙන පල්ලියට ගිය අම්මලා අදත් පල්ලියට යනවා ඒ දරුවන්ගෙ මතක හිතේ දරාගෙන"

පාස්කු ඉරිදාව ක්‍රිස්තියානි ධර්මයේ වැදගත් උත්සවයක් වන්නේ එදින ක්‍රිස්තුස් වහන්සේගේ උත්ථානය මෙන්ම ලෞකික පාපය හා මරණයට එරෙහි ව උන්වහන්සේගේ ජයග්‍රහණය සමරන බැවිනි. එදා 2019 අප්‍රේල් 21, ලොව පුරා කිතුනු බැතිමතුන් සේම ශ්‍රී ලාංකික කිතුනුවන් ද ඉරුදින උදෑසන ම දේවස්ථාන කරා ඇදුණේ ශුද්ධෝත්තම ජේසුස් වහන්සේ නැවත මරණයෙන් උත්ථානය ලැබූ පාස්කුව සිහි කරමින් ආගමික වතාවත්වල නිරත වීමට ය.

අල්තාරයේ ඔරලෝසුවේ අටේ කණිසම පසුවී මිනිත්තු හතළිස් පහක් පසුවනවාත් සමගම කොච්චිකඩේ, මීගමුව හා මඩකලපුව දේවස්ථාන වෙලාගත් මරාගෙන මැරෙන බෝම්බ ගිගුම් නාදයෙන්, මුළු මහත් දිවයිනම සෝ සුසුම්වලින් වෙළී ගියේ ය. අන්තවාදීන් පිරිසක් විසින් දිවයිනේ විවිධ ප්‍රදේශවල දේවස්ථාන තුනක් සහ කොලඹ ප්‍රධාන පෙලේ හෝටල් තුනක් කේන්ද්‍ර කර ගනිමින් සිදු වූ මෙම බෝම්බ ප්‍රහාර මාලාවේ පළමු බෝම්බ පිපිරීම කොච්චිකඩේ සාන්ත අන්තෝනි දේවස්ථානයේ දී ද, දෙවැනි බෝම්බ පිපිරීම කටුවාපිටිය සාන්ත සෙබස්තියන් දේවස්ථානයේ දී ද, තෙවැනි බෝම්බ පිපිරීම මඩකලපුව සියෝන් දේවස්ථානයේ දී ද සිදුවිය.

මීට සමගාමී ව කොලඹ ප්‍රධාන හෝටල් තුනක් වන Shangril-la, Cinnamon Grand සහ Kingsbury හෝටල්වල උදෑසන ආහාරය ගනිමින් සිටි පිරිස් ඉලක්ක කර ගනිමින් තවත් බෝම්බ ප්‍රහාර කිහිපයක් එල්ල විය. තව ද 21 දින සවස දෙමටගොඩ නිවාස සංකීර්ණයක සහ දෙහිවල නවාතැන්පොලක කුඩා පිපිරීම් දෙකක් ද වාර්තා විය. පුද්ගලයන් 269 දෙනෙකුට මරු කැදවූ මෙම මරාගෙන මැරෙන බෝම්බ ප්‍රහාරය තවත් 500 දෙනෙකුට පමණ තුවාල සිදුකරන ලදි. මෙලෙස මිය ගිය පිරිස අතර ආසන්න වශයෙන් විදේශිකයින් 45ක් පොලිස් නිලධාරීන් 3ක් ඇතුළු ව මරාගෙන මැරෙන බෝම්බකරුවන් 9 දෙනාත් ඇතුළත් ව තිබේ.

දෙවියන්ට යාතිකා කිරීමට පැමිණි අහිංසක බැතිමතුන්ගේ නිසල සිරුරු විසිරී තිබුණු දසුන් ශ්‍රී ලාංකීය සමාජය තුළ 2009 වසරෙන් පසුව නැවත මරණ බිය ඇති කළේ ය. එසේ ම රටේ ආරක්ෂාව, පාලන අධිකාරිය පිළිබඳ ජනතාව තුළ ඉමහත් සැකයක් ද ඇති විය.

පසුව ශ්‍රී ලංකා රජය රට තුළ හදිසි තත්වයක් ප්‍රකාශ කළ අතර දිවයින පුරා වැටලීම් මාලාවක් ද දියත් කෙරුණි. මෙම වැටලීම් නිසා දෙවෙනි ප්‍රහාර රැල්ලක සැලසුම් ව්‍යර්ථ කිරීමට හැකියාව ලැබුණ ද ඒ අතරතුර දී අහිංසක ජනතාවට අත්විඳින්නට වූ තාඩන පීඩන රාශියක් ද අපට අසන්නට ලැබුණි. රටේ ඇතැම් ජන කොටස්වලට අයත් අහිංසක ජනතාවට නිරන්තරයෙන් සැකයට පාත්‍ර වීම, විවිධ චෝදනාවලට ලක්වීමට සිදු වීම වැනි කරදරකාරී තත්වයන්ට මුහුණ දීමට සිදු විණි. බෝම්බ ප්‍රහාරයෙන් පසු ජන ජිවිත යථා තත්වයට පත්වීමට බොහෝ කාලයක් ගතවූ සංචාරක කර්මාන්තය, ආර්ථිකය, ගුවන් ප්‍රවාහන සේවා, වෙළඳාම් ආදී කටයුතුවලට විශාල බලපෑමක් එල්ල විය.

පසුකාලීන තොරතුරු හෙළිදරව් වීම්පෙන්වා දුන්නේ ප්‍රහාරය පිළිබඳව මෙරට ආරක්ෂක අංශ, විදේශීය බුද්ධි සේවාවලින් දැනුවත් කර කලින් දැනුවත් බව ය. ප්‍රභූ ආරක්ෂක අංශ ද, රාජ්‍ය ආරක්ෂක අංශයේ ඉහළ නිලධාරීන් ද මේ පිළිබදව දැනසිටි බව ද ඇතැම් වාර්තා පෙන්වා දී තිබුණි. කෙසේවෙතත් මෙකී පූර්ව දැනුම්දීම්වලට වගකිවයුතු අංශ විසින් ගත් ක්‍රියාමාර්ග මොනවා ද යන්න එදා මෙන්ම අදත් මහත් ප්‍රශ්නාර්ථයකි.

ප්‍රහාරයෙන් අනතුරුව එවකට සිටි ජනාධිපතිවරයා විසින් පාස්කු ප්‍රහාරය පිළිබද විමර්ශනයට සහ අවශ්‍ය ක්‍රියාමාර්ග නිර්දේශ කිරීමට ජනාධිපති පරීක්ෂණ කොමිෂන් සභාවක් පත්කළ අතර එහි අවසන් වාර්තාව ලබාදී මේ වන විට වසර ගණනක් ගතවී ඇත. නමුත් තවමත් එකී නිර්දේශ පිටු අතර සිරවුණු තීන්ත පමණක් වී තිබීම ඛේදයකි.

බෝම්බ ප්‍රහාර මෙහෙයවීම සම්බන්ධයෙන් චෝදනා ලැබූ පුද්ගලයන් 25 දෙනාගේ නඩු විභාගය 2021 නොවැම්බර් මාසයේ දී ආරම්භ විය. තව ද 2023 ජනවාරි මාසයේ දී ශ්‍රී ලංකා ජනරජයේ ශ්‍රේෂ්ඨාධිකරණය විසින් එවකට බලයේ සිටි ජනපති ඇතුලු රජයේ නිලධාරීන් කිහිප දෙනෙකුට බුද්ධි තොරතුරු මත ක්‍රියා නොකිරීම සම්බන්ධයෙන්, වින්දිතයන්ට වන්දි ගෙවන ලෙස නියෝග කළේ ය.

මීට අමතරව කලින් කලට විවිධ පාලකයන් විසින් පාර්ලිමේන්තු තේරිම් සභා ආදී කමිටු පත්කළ අතර අපරාධ පරීක්ෂණ දෙපාර්තමේන්තුව සදහන් කරන අන්දමට මේ වන විට විශාල සැකකරුවන් ප්‍රමාණයක් අත්අඩංගුවට ගෙන විමර්ශන සිදු කර ඇත.මෙලෙස කටයුතු සිදු වූවත් තවමත් වින්දිතයන්ට නිසියාකාර යුක්තියක් ඉටු නොවූ බවට බොහෝ පිරිස් හඬ නගයි.

මීළඟ ගැටලුව නම්, සිදූ වූ ප්‍රහාරයේ විමර්ශන පසෙකින් තැබුව ද, නැවතත් මෙවැනි ත්‍රස්ත ප්‍රහාර වැළැක්වීමට වගකිව යුතු අංශ විසින් බලාත්මක කර තිබෙන සාධනීය පියවර මොනවා ද යන්නයි. රාජ්‍ය බුද්ධි අංශය වැඩි දියුණු කිරීම, අන්තවාදය ප්‍රචාරණය වැළැක්වීම, අන්තවාදී ක්‍රියාකරකම්වලට පවත්නා නීති රීති තවදුරටත් ශක්තිමත් කිරීම වැනි අංගයන්ට රජය සහ අදාල වගකිව යුතු අංශ විසින් ලබා දී ඇති අවධානය සැබවින්ම ප්‍රමාණවත් ද යන කරුණ උභතෝකෝටික ය.

එසේම මෙම සිද්ධි මාලාවෙන් අනතුරුව ශ්‍රී ලංකාවේ ජන වාර්ගික කොටස් අතර ඇති වූ එදිරිවාදිකම් දුරැලීම වෙනුවෙන් පසුගිය රජයන් විසින් ගත් පියවර ඉතාම දුර්වල ය. තිස් වසරක කුරිරු යුද්ධය මෙන් ම මෙම අවාසනාවන්ත සිදුවීම ද රටේ ජනවාර්ගික සංහිඳියාව කෙරෙහි ඍණාත්මක බලපෑමක් කළ බව පැහැදිලි ව පෙනෙන්නට තිබේ.

තත්ත්වයන් මෙසේ තිබියදී, පාස්කු ප්‍රහාරය සිදු වී අදට හරියටම පස් වසක් ය, දින 1826 ක් ය. මෙවර පාස්කු ඉරිදා ප්‍රහාරයේ පස්වෙනි වර්ෂ පූර්ණය පිණිස විවිධ සැමරුම් සංවිධාන කොට තිබෙන අතර ඒ අතර සිහි කිරීමේ දිව්‍ය පූජා සහ පාගමන් වේ. එදින "යුක්තිය ඉටුවන තෙක් අපි අවදියෙන් සිටිමු " යන තේමාව යටතේ අගරදගුරු මැල්කම් කාදිනල් රන්ජිත් හිමිපාණන්ගේ ප්‍රධානත්වයෙන් කොළඹ කොච්චිකඩේ සාන්ත අන්තෝනි සිද්ධස්ථානයේ දී දිව්‍ය පූජාවක් සිදු කිරීමට නියමිත අතර, එදිනම සවස්වරුවේ මීගමුව මාරිස්ටෙලා විදුහලේ සිට කටුවපිටිය සාන්ත සෙබස්තියන් දේවස්ථානයට යුක්තිය ඉල්ලා "වැලලූ ඇත්ත සොයා යන පා ගමන" නමින් පාගමනක් සංවිධාන කොට තිබේ.

පසුගිය දිනෙක මේ සම්බන්ධයෙන් ආන්දෝලනාත්මක ප්‍රකාශයක් සිදු කළ හිටපු ජනාධිපති මෛත්‍රීපාල සිරිසේන මහතා මෙම ප්‍රහාරය සම්බන්ධයෙන් විදේශ බුද්ධි සේවාවන්ට චෝදනාවක් ද සිදු කළේ ය. මෙම සිද්ධිය පසුගිය මැතිවරණවල දී ඇතැම් අපේක්ෂකයන් විසින් පුනරුච්චාරණය කළ බව ද නොරහසකි.

ඒ කෙසේ වුවත් නමුදු ප්‍රහාරයෙන් තම ආදරණීයන් අහිමිවීමෙන් සමීපතමයන්ගෙන් වැටුණු කදුළුවලට තවම සරිලන යුක්තියක් ඉටු වී නොමැති බව පෙනේ. රජය, අපරාධ පරීක්ෂණ දෙපාර්තමේන්තුව, බුද්ධි අංශ සහ නීතිය ක්‍රියාත්මක කරන ආයතන එක්ව ඉදිරි විමර්ශන කඩිනම් කොට මෙම සමාජ කැළඹීම සමනය කිරීමට කටයුතු කළ යුතු ය. මාරුවෙන් මාරුවට මෙම ප්‍රහාරය දඩමීමා කරගනිමින් සිදුකරන දේශපාලන න්‍යාපත්‍රයන්ට තිත තැබීමට ද කාලය පැමිණ ඇත.

යුක්තිය ඉටුවන අතර තුවාල වූ සිත් සුවපත් කිරීමටත් සමාජ සංහිඳියාවට පාලමක් වීමටත් අපට හැකියාව තිබේ. පුරවැසියන් ලෙස ඒ සම්බන්ධයෙන් යුතුකමක් අප සතු ය.

සටහන්:
හිරුෂාන් රූපසිංහ
විනෙත්මා ධනපාල
149 කණ්ඩායම