My way Egypt

لا حول ولا قوة الا بالله
كنت مع والدتى فى المستشفى محجوزة فى الرعايه بتاعة القلب و كان فى حالة محجوزة واحدة في العشرينات عندها القلب بس مش دى المشكلة. المشكلة انها حامل فى التاسع فى اليوم الأخير فيه و الجنين وضعه مقلوب و عندها السكر و الطلق ابتدى... مافيش أمل من اى حاجة.. عضلة القلب ضعيفة جدا مش هتتحمل الولادة و ماينفعش تولد طبيعى عشان الطفل مقلوب و ما ينفعش قيصرى بسبب السكر.. و الدكاترة واخدينها و داخلين أوضة العمليات ماحدش فيهم فى دماغه حاجه معينة هتتعمل. كل الناس بتعيط عشانها. فجأة اختها بتصوت و ما حدش عارف يسكتها بكل اللاوعى اللى فى الدنيا رحت قعدت جنبها قولتلها تحبى اختك تقوم بالسلامة بصتلى جامد و هى بتصوت.. سألتها تانى... سكتت و قالتلى آه.. قولتلها قولى لا حول ولا قوة الا بالله و افضلى كرريها و حلفتلها بالله لو عملتى كده اختك هتقوم بالسلامة و تبقى احسن مننا كلنا فى نفس الساعة. و هى ما صدقت سمعت و هى زى غريق و اتعلق بقشاية ما بطلتش تقول لا حول ولا قوة الا بالله... واقسم بالله ما عدى ١٠ دقايق الا ولقينا الدكاترة طالعين بيضربوا كف على كف و يقولوا عمرها ما حصلت نسبة السكر اتظبطت و معدل ضربات القلب انتظم و الطفل اتعدل و ولدت طبيعي أخت الست قعدت تبوس فى رجلي و فى ايدى و كل اللى عملته انى قولتلها انى سمعت حديث للنبى بيقول لا حول ولا قوة الا بالله هى دواء لتسعة و تسعين داء أيسرها الهم..
#منقول

النهاردة حبيت أفكرنا بشوية معاني يمكن تكون التذكرة باب إننا نرحم بعض ونهون الطريق على بعض:

اللي كان بيضحكنا علطول وفجاءة مابقاش ،مش لازم يتقال له إتغيرت اوى ، ممكن يتقال له إيه اللي خلا قلبك حزين لحد مالون الحزن بقى على ملامحك.

اللي وشه كان منور وبقى شاحب وعينه بقت زى عين المدمن مش لازم يتقال له روح اكشف إنت عيان، لأنه في الغالب عمل كده ، ممكن يتقال له نَفسك مش مرتاحة ليه وإيه اللي يريحك.

اللي كان بيعدي وبيسكت وكان هادي وفجاءة بقى عصبي وبينهار من أقل موقف أو كلمة، ما يتقلوش إنت بقيت لا تطاق أو بقيت غبي يتقال له إنت إيه اللي ضاغطك للدرجة دى.

اللي بقى زعلان معظم الوقت ما يتقلوش ليه بقيت نكدى وكئيب، يتقال له إنت مراكم إيه جواك عبر .

اللي قِسي وبطل يحس بحد بعد ما كان بيحس بالكل قبل ما يتكلموا، مايتقلوش إنت بقيت قاسي وقلبك مات ، يتقال له إيه ومين اللي كسر قلبك وخوفك من الحنية .

اللي بقى يحب يبقى لوحده وكره الإختلاط بالناس بعد ماكان إجتماعي وبيتعامل مع الكل ما يتقالوش براحتك أو إنت حر ويتساب ، يتقال له طاقتك خلصت ليه وإزاي نقدر نرجعها لك تاني .

‏كفايانا بقى ندوس على بعض ، ونتعامل مع وجع غيرنا وكأننا في برج عاجي وبعيد عن الوجع.

كفايانا ما نسميش الوجع بإسمه الحقيقي فندوس على ناس لحد ما تموت من الوحدة والحزن وبعد كده نقول ما نقصدش أو هما أوفر.

كفايانا نستغل الوقت اللي صحتنا النفسية فيه بخير في التحقير من وجع غيرنا واللوم عليه بدل ما ندعمه.

خلونا بقى نتعلم لغة كلام جديدة نتعامل بيها مع بعض، لأن من الآخر الزمن بقى صعب بأحداثه و جدا، ومش هيهونه غير ناسه ودعمهم لبعض، فهونوا على غيركم وعلى نفسكم لأن ده والله اللي هيبقى .

برفان رااائع 🌹

شاور جيل إشراقة . 2 لتر . مميز جدا 💝

باور مزيل اصعب الدهون . رااائع جدا 💝

يزيل الجراثيم لحماية الأسرة

رائع. ملمس ناعم 💞

عروض لن تتكرر 💖💝

منتجات رائعة 😊💞

كتالوج شهر أكتوبر