Karamjit kaur Rana

🎉 Facebook recognized me as a top rising creator this week!

ਮੈਨੂੰ ਲਿੱਖਣ ਲੱਗਿਆਂ ਮਾਣ ਮਹਿਸੂਸ ਹੋ ਰਿਹਾ ਕਿ ਪੰਜਾਬੀ ਮੇਰੀ ਮਾਂ ਬੋਲੀ ਹੈ ,ਮੇਰੀ ਭਾਸ਼ਾ ਹੈ ।
ਬੰਦੇ ਦਾ ਸਬ ਤੋਂ ਨੇੜਲਾ ਰਿਸ਼ਤਾ ਮਾਂ ਨਾਲ ਹੁੰਦਾ ਹੈ ਜੇ ਮਾਂ ਮਨੁੱਖ ਨੂੰ ਜਨਮ ਦਿੰਦੀ ਹੈ ਤਾਂ ਬੋਲੀ ਉਸਨੂੰ ਜ਼ਿੰਦਗੀ ਦੇ ਅਰਥ ਦੱਸਦੀ ਹੈ । ਜਿਉਂਣ ਦਾ ਢੰਗ ਸਮਝਾਉਂਦੀ ਹੈ । ਏਡੀ ਗੂੜੀ ਨਾਤੇਦਾਰੀ ਕਰਕੇ ਹੀ ਮਨੁੱਖ ਨੇ ਬੋਲੀ ਨਾਲ "ਮਾਂ" ਦਾ ਰਿਸ਼ਤਾ ਜੋੜਿਆ ।
ਮਾਂ ਬੋਲੀ ਉਹ ਬੋਲੀ ਹੁੰਦੀ ਹੈ ਜਿਸਨੂੰ ਬੱਚਾ ਮਾਂ ਦੇ ਗਰਭ 'ਚ ਹੀ ਸਿੱਖ ਲੈਂਦਾ ਹੈ । ਇਸ ਤਰਾਂ ਮਾਂ ਵਾਂਗ ਬੋਲੀ ਨਾਲ ਵੀ ਉਸਦਾ ਨਾਤਾ ਪਹਿਲਾਂ ਹੀ ਜੁੜ ਜਾਂਦਾ ਹੈ । ਇਹੀ ਕਾਰਨ ਹੈ ਕਿ ਇਸਨੂੰ ਮਾਂ ਬੋਲੀ ਕਿਹਾ ਜਾਂਦਾ ਹੈ । ਮਾਂ ਬੋਲੀ ਰੱਬੀ ਤੇ ਕੁਦਰਤੀ ਦਾਤ ਹੁੰਦੀ ਹੈ ,ਜਿਸਦੇ ਸ਼ੀਸ਼ੇ ਵਿਚੋਂ ਵਿਰਸੇ ਦੇ ਝਲਕਾਰੇ ਪੈਂਦੇ ਨੇ । ਮਾਂ ਬੋਲੀ ਨੂੰ ਭੁੱਲ ਜਾਣ ਵਾਲੇ ਲੋਕ ਅਕਸਰ ਇਤਿਹਾਸ ਦੇ ਪੰਨਿਆਂ 'ਚ ਗੁਆਚ ਜਾਂਦੇ ਨੇ ।
ਅੱਜ ਦੇ ਸਮੇਂ 'ਚ ਬਹੁਤ ਸਾਰੇ ਲੋਕ ਪੰਜਾਬੀ ਬੋਲਣ ਵੇਲੇ ਝਿਜਕ ਮਹਿਸੂਸ ਕਰਦੇ ਹਨ ,ਜੋ ਕਿ ਚੰਗੀ ਗੱਲ ਨਹੀਂ । ਕੀ ਅਸੀਂ ਕਦੇ ਆਪਣੀ ਮਾਂ ਬੋਲੀ ਦੇ ਸੱਚੇ ਕਦਰਦਾਨ ਬਣਕੇ ਇਹਦੀ ਰੂਹ ਨੂੰ ਆਪਣੇ ਅੰਦਰ ਵਸਾ ਸਕਾਂਗੇ ? ਅਜਿਹੇ ਬਹੁਤ ਸਾਰੇ ਸਵਾਲ ਨੇ, ਜਿਨ੍ਹਾਂ ਦਾ ਜਵਾਬ ਇਕ ਪੰਜਾਬੀ ਨੂੰ ਆਪਣੇ ਅੰਦਰੋਂ ਹੀ ਲੱਭਣਾ ਪਵੇਗਾ ।
ਧੰਨਵਾਦ ਜੀ
ਕਰਮਜੀਤ ਕੌਰ "ਰਾਣਾ"

ਹਸ ਹਸ ਕੇ ਸਭ ਨੂੰ ਮਿਲਦਾ,
ਮਾਲਕ ਬੜੇ ਸੋਹਣੇ ਦਿਲ ਦਾ ।
ਹਰ ਇੱਕ ਨੂੰ ਮਿਲ ਕੇ ਉਸਦਾ,
ਚਿਹਰਾ ਫੁੱਲਾਂ ਵਾਂਗ ਖ਼ਿਲਦਾ ।
ਸਰੋਤਿਆਂ ਨੂੰ ਵੇਖ ਬੁਲ੍ਹਾਂ ਤੇ ਹਾਸੇ ,
ਤੇ ਹੱਥ ਉਸਦਾ ਹਵਾ 'ਚ ਹਿਲਦਾ ।
"ਬਿਨੂੰ ਢਿੱਲੋਂ" ਨਾ ਵੇਖ਼ੇ ਛੋਟੇ ਵੱਡੇ ਨੂੰ ,
ਉਹ ਸਭਨੂੰ ਗਲ ਲਾ ਲਾ ਮਿਲਦਾ ।
ਮੰਜਿਲਾਂ ਨੂੰ ਪਾ ਕੇ ਰਾਹ ਨਾ ਭੁਲਿਆ ,
'ਰਾਣੇ' ਇਨਸਾਨ ਓ ਨੇਕ ਦਿਲ ਦਾ।

ਕਰਮਜੀਤ ਕੌਰ "ਰਾਣਾ"

Celebrating my 1st year on Facebook. Thank you for your continuing support. I could never have made it without you. 🙏🤗🎉