listen, understand and "speak fluently "speech
أخصائية تخاطب ( اضطرابات نطق و كلام)
هو يعنى ايه البراجماتيكا؟🤔
يعنى الطفل يقدر يوظف اللغه بشكل سليم . يعنى يكون عنده مرونه فى اللغه يستنتجها بشكل طبيعى و غير خيالى
و عشان الطفل يمر بمرحله ديه لازم يكون وصل فى نمو اللغوى بشكل طبيعى اولها الانتباه و التقليد و التواصل البصرى و عنده لغه استقباليه ولغه تعبيريه و كون جمل بشكل طبيعى عشان يوصل لمرحله البراجماتيكا 🌷
😌دايما خلى كلامك مع الطفل بالكلام و ليس بالإشارة عشان الطفل ميتعودش ان كل حاجه يشاور عليها تجيلوا🤔 عرفيه اسم الشئ عشان يكون حصيله لغويه و يتكلم
لان الطفل اصلا بيكسل يتكلم ☺️ فأنت يا حبيبى عاوز حاجه اقول اسمها و اجبهالك غير كده لا ☺️
أخصائية التخاطب يارا أحمد
العنوان ..حلميه الزيتون بجانب مدرسه مودرن سكول أعلي السراج ماركت الدور التاني أسانسير
للحجز و استفسار⏩+201063912566
متاح جلسات برايفت 🌷☺️
04/05/2023
الاكل مهم جدا لازم الام تاخد بالها منه بالنسبه لطفل فرط الحركه و تشتت الانتباهADHD . طب ايه الاكل اللى يساعد الطفل على تركيز !
😊
تقليل السكريات أهم حاجه و هنستبدلها بالذاكره و العصاير المضروبه بسكر قليل جدا عشان الهايبرة
😊
الأسماك مهمه جدا جدا ياكل مرة او مرتين فى الاسبوع
تقليل الاطعمه اللى بتسبب اى حساسيه ليه و تشوفى تأثيرها على حركته هل فعلا كان ليها تأثير و لا لأ؟
😍
البعد تماما عن المواد الحافظه و الألوان الصناعيه يعنى زى الخضروات و الفواكه المجمده . الشيبسي. شوكولاتات. اى حاجه زى دول البعض عنها استبدلها بفاكهه و خضروات طازجه
❤️
الحلويات تتمنع و طبعا عشان منحرمهوش و اعمليها انتى فى البيت و بسكر قليل .
💔
اللحوم المصنعه زى الانشون و ما شابه ذلك يتمنع لان بتزود الحركه عند الطفل
👀
المقليات يا ريت تقللى منها مرة مثلا فى الاسبوع عشان بس منحرمهوش.
😔
كثرة النشويات سريعه الامتصاص استبدلها بالفاكهه و ياكل مثلا عيش بلدى بالردة بدل الفينو .
😊
طبعا الواجبات و الأكل جاهز من بره لا . ممكن مرة فى شهر .قليلها على قد ما تقدرى
😍
ركزى على الفاكهه و الخضروات و البيض و الفراخ و اللحمه و اللبن
الموز و البطيخ و التوت .السبانخ .الفاصوليا . العدس.البنجر أى حاجه طبيعيه و معموله فى البيت و نوعى فى الاكل و ياكل جرجير و كل حاجه خضرا من الخضروات
المشروبات / ينسون .نعناع . الشكولاته الخام باللبن قبل النوم هيحسن التركيز
و طبعا الرياضه سواء فى بيت اى رياضه بسيطه يعملها فى بيت او تشتركي ليه فى سباحه . تنس . المهم اى رياضه غير كارتيه او نشاط فى عنف لان احنا عاوزين نهدى و نقلل من فرط الحركه
ربنا يحمى كل طفل يا رب ❤️
04/05/2023
مفيش حاجه اسمها طفل ياخد دواء عشان يتكلم مفيش حاجه اسمها كده ابدا . الطفل عشان يتكلم لازم استثيره لغويا طب ازاى اولا ببدء معاه تمارين أعضاء النطق و الكلام مهمه جدا عنده .ثانى حاجه ابتدى اطلع اصوات الحروف المتحركه اأ .و.ى و ليها طريقه نطق معينه عشان اجذب انتباه الطفل و اخليه يقلدني و طبعا مش من اول مرة هيقلدنى بس طالما التواصل البصرى عنده سليم و الانتباه و الإدراك يبقى مرة على مرة هيخزن اللى بقوله بطريقه التنغيم و اول ما يطلع اى صوت ابتدى اشتغل على صوت بطريقه معينه بردو و ادربه على نطق الصوت فقط من غير اى حرف معاه .طب قاله حلو جدا . ابتدى اربط الصوت ده بالحروف المتحركه و اخلى الصوت ده ساكن يعنى مثلا قال صوت م اقوله ازاى! اقوله أممم.أماااااااا.أموووووو.أمىىى و هكذا لحد ما طفل يتقن الصوت فأبتدى ادخل الصوت فى مقطع من حرف واحد بعديها حرفين بعديها كلمه من ٣ حروف و هكذا . خلصت الحرف ده ادخل على حروف الباقيه و هكذا حتى لو الطفل مقلهاش لازم انا اشجعه انه يقولها و عشان يقولها لازم افضل أكرر و بطريقه التنغيم عشان تلفت انتباهه و هوا هيخزن عنده فى الذاكرة و مرة على مرة لحد ما يقلد و يطلع الصوت . و مهم جدا كمان اسمعه اصوات الحيوانات و ديه ممكن اعملها من ضمن خطوات و اقلد انا صوت الحيوان لحد ما هو يقلد و هكذا .
طبعا انا بعمل الكلام ده امتى لما اتأكد من أعضاء النطق سليمه و مراكز السمع و الكلام سليمه فى المخ و اشوف درجه مقياس السمع عند الطفل تكون طبيعيه . خلاص اتاكدت ابتدى اشتغل .
و للعلم الموضوع محتاج صبر و مش من يوم و ليله المهم الاستمراريه ❤️
13/04/2023
هي اللغه ليها مهاره؟
اه اللغه مش ليها مهاره واحده ده ليها مهارات كثيره 😍طب اولها ايه! اصلا المهارات اللغويه دي بتنقسم الى خمس مهارات اساسيه والطفل بيسعى ان هو يكتسب المهارات دي
طب ايه هي المهارات ؟
■الاستماع
■الحديث
■القراءة
■الكتابة
و هنتكلم عن أول مهارة من مهارات اللغه و هى مهارة الاستماع
● طب ليه هي اول مهاره! بتعتبر اصلا مهاره الاستماع هي المؤثره في اتصال الطفل بالعالم الخارجي المحيط به وبالاخرين من حوله وبالتالي عن طريق مهاره الاستماع بيقدر ان هو يكتسب عدد من المفردات اللغويه وانماط الجمل والتراكيب والافكار والمفاهيم وبالتالي فإن تنميه المهارات اللغويه المتعلقه بالتحدث والقراءه والكتابه متعلقة بمهارة الاستماع لانهم مهارات متشابهة و متداخله و يصعب فصلها عن بعضها البعض .وبالتالي فعن طريق هذة المهارة الطفل بيكون عند القدره ان هو يميز الاصوات ويستمع جيدا ايه هو مختلف وايه هو متشابه و ايه هو اسلوب نطقه وايه هي مخارج الحروف الصوتيه وبالتالي بيقدر ان هو يميز بين الافكار الاساسيه والثانويه في الموضوعات اللي بيستمع اليها من الاخرين وبالتالي فان مهاره الاستماع هتساعده ان هو يتصل بالاخرين ويفهم ارائهم ويتعامل معاهم باسلوب يمكنه من التقدم والاستمرار في حياته العلميه والعمليه وبالتالي فنقدر نقول ان المهاره الاستماع تعتبر شرط اساسي للنمو اللغوي. فعن طريق الاستماع بيكتسب الطفل ثروته اللغويه عن طريق ربط الصوت والصوره والصوره والحركه والصوت والعمل فبالتالي ان الاستماع بيشكل حوالي 45% من النشاط اللغوي الذي يمارسه الفرد يوميا وفي مرحله الطفوله المبكره فالطفل بيسمع ويفهم اكثر مما يسمع حتى من قبل ان يتكلم وبصوره اكثر مما يتوقع الكبار وبالتالي في الاطفال بيمارسوا فن الاستماع قبل ان يمارسوا اي فن اخر من فنون اللغه ويظل اكثرها استخداما لدى الانسان وتعتبر مهاره الاستماع هي اساس التلقي والتعلم فلو الطفل احسن الاستماع كان احسن تحدثا وافضل وارقى تعلما 😍
● و فى بوست أخر هنكمل بقيه مهارات اللغة😍
05/04/2023
الإعاقة السمعية
تعددت تعريفاتها من البسيط إلى الحاد و تشتمل فئتين هما الصم و ضعاف السمع و الفرد الذى يعاني من اعاقه سمعيه بسيطه يمكنه في الغالب التعامل مع اللغه المنطوقه ولكنه في الغالب يعاني من صعوبات في التعلم والكلام اما الفرد الذي يعاني من اعاقه سمعيه متوسطه فهو في الغالب يكون غير قادر على سماع وفهم الكلام في الاماكن الصاخبه اما الفرد الذي يعاني من اعاقه سمعيه شديده فيواجه صعوبات في الاعتماد على التواصل اللغوي المنطوق حتى باستخدام معين سمعي فهو غير قادر على ان يسمع الكلام المنطوق
وتعددت التعريفات الاعاقه السمعيه ويمكن تعريف الاعاقه السمعيه على انها تشمل كل درجات وانواع الفقدان السمعي والتي تكون ناتجه عن عجز او خلل في القدره السمعيه وبالتالي تؤثر على جوانب النمو المختلفه للغه سواء كانت النمو المختلفه سواء كانت لغويه معرفيه انفعاليه اجتماعيه ولذلك يحتاج الافراد المصابون باعاقه سمعيه الى برامج متنوعه تساعدهم على ان يكونوا افراد نافعين لانفسهم والمجتمعهم اما اذا جئنا نتحدث عن الصم فهناك اختلاطا كبيرا حدث بين العاملين مع الاطفال الذين يعانون من درجات متفاوته من فقدان السمع ادى الى عدم القدره على الوصول الى عمليه تحديد المفهوم ولكن بالمجمل العام فان الافراد المصابين بالصمم هم الذين لا يستطيعون الاستفاده بحاسه السماء في اغراض الحياه اليوميه وبالتالي لا تقوم بوظيفتها في جعل الافراد الصم يمارسون حياتهم بصوره طبيعيه ويمكن تعريفهم بانهم اولئك الافراد الذين تكون حاسه السمع لديهم مفقوده او قاصره بدرجه كبيرة لاسباب وراثيه او فطريه او مكتسبه مما يؤدي لوجود صعوبات ومشكلات في متابعه الدراسه وتعلم خبرات الحياه بالطرق العاديه ولذلك فانهم يحتاجون الى اساليب تعليميه وتدريبيه خاصه بهم تختلف عن الافراد العاديين اما اذا تحدثنا عن ضعاف السمع فهم اولئك الذين يعانون من انخفاض حده السمع الى درجه قد تستدعي خدمات خاصه كالتدريب السمعي او قراءه الكلام او علاج النطق او تزويد بمعين سمعي
05/04/2023
أهميه حاسه السمع
استقبال و فهم الكلام
التواصل و التفاعل الاجتماعى مع الاخرين
اكتساب و تعلم اللغه و الكلام
يعتبر السمع أول المهارات اللغويه التى يكسبها الطفل و التى تساعدة على اكتساب باقى مهارات اللغويه و هى التحدث .القراءة و الكتابه