pharma notes

النهاردة ان شاء الله هنتكلم عن نوع من التنيا وهو tinea corporis او التنيا الحلقية
**بميزها ب أي
-بتاخد شكل دائري
-اطراف الدائرة بتكون مرتفعه عن سطح الجلد وبها قشور وحكة جلدية وبيكون شكلها أحمر أو اوردي
-منتصف الدائرة بتكون بها قشور بسيطة تقريبا بتكون نضيفه
-غالبا بتظهر في البطن والاكتاف والظهر والرقبه
**طرق العدوي
-عن طريق الحيوانات زي الكلاب والقطط
-استخدام ادوات شخص مصاب بالعدوى
**العلاج
1-خطوة التنضيف
بنستخدم شامبو زي nizoral او nizapex
ونسيبه عالجلد حوالي ٥ دقائق
2-العلاج الموضعي
بنستخدم كريمات موضعيه زي lamifen cr او lamisil cr
ولو العدوي واحدة مساحه كبيرة نستخدم اسبراي
3-لو العدوي متكررة أو الإستجابة ضعيفه بنستخدم علاج systemic زي
1-fluconazol tab
وعندنا diflucan 150 mg , flucoral 150 mg
قرص كل اسبوع لمدة ٤ اسابيع
2-itraconazol tab
وعندنا itrapex 100 mg
أما لمدة أسبوع لو بنستخدم قرص كل ١٢ ساعه
او لمدة أسبوعين لو هنستخدم قرص كل يوم
3- terbinafine tab
عندناlamisil بتركيز ١٢٥ ،٢٥٠
لو هنستخدم ١٢٥ هناخد قرص كل ١٢ ساعه
لو بنستخدم ٢٥٠ هناخد قرص كل يوم
لمدة من ٢ ل ٤ اسابيع
**ناخد بالنا لو هنستخدم الأدوية systemic مع المرضي دول
-مريض القلب لانه بعض الأدوية بتعمل QT prolongation
-مريض الكبد
-الحمل
-لو المريض عمره اقل من ١٦ سنه متاح استخدام العلاج الموضعي بس لو مجابش نتيجه حوله علي طبيب جلدية

ان شاء الله النهاردة هنتكلم عن حاله شائعه وهي aphthous ulcer (قرح الفم )بتكون واخده شكل بيضاوي أو دائري
-اكتر حاجه بتزعج المريض هو الالم مكان القرح
-ننصح المريض أن يقلل من الاكلات الحامضيه والشطه
-لو في اي مشكلة في الأسنان يعالجها
**العلاج
1- ناخد حاجه تسكن الالم دا زي
*BBC spray
*Oracure gel

2-Topical corticosteroids
في طريقه كدا ب ان نجيب امبول ديكساميثازون ونجيب قطنه ونحط الديكسا عالقطنه ونحطها علي مكان القرح

3-Topical antifungal
زي daktarin oral gel ,miconaz oral gel
دول بنستخدمهم خوفا من secondry fungal infection

**لو الحالة recurrent وبتتكرر علطول بنستخدم
1-vit b12
بجرعة 1000mcg يوميا
مثلا زي milga
قرص كل ١٢ ساعه لمدة حوالي اسبوعين ل شهر وممكن تستمر ل ٣ شهور
2- colchicine
قرص تلت مرات يوميا لمدة حوالي ١٠ -١٤ يوم

النهاردة أن شاءالله هنتكلم عن حالة مشهورة وهي pityriasis alba او النخالة البيضا
-دي عبارة عن إنخفاض في الصبغه وليس انعدام ودا الفرق بينها وبين البهاج (انعدام في الصبغه )
-عادة بتحصل مع الأطفال في عمر المدارس عبارة عن بقعه بيضا فيها قشور سطحية بسيطة ممكن تبقي بقعه واحدة أو اكتر
***اشهر الأماكن هي
الخدود والوجه
نادرا لما تظهر في الصدر والكتف
***الاسباب
لحد الآن مفيش سبب واضح لكن ممكن يكون
- إنخفاض في خلايا الميلانين عادة active melanocytes
-جفاف الجلد الشديد خاصه مع الأجواء الباردة
-بعد الحكة الجلدية
- نقص الحديد والنحاس ...النحاس مهم جدا في إنتاج الميلانين
-التعرض المستمر للشمس بدون صن بلوك
-الاستعمال الخاطئ للكورتيزون عالوجة لفترات طويلة
-ديدان
***العلاج
الحالة دي بتروح لوحدها عادي لكن علشان هي في الوجه بتكون عامله مشاكل نفسيه فالمريض بيحتاج علاج سريع
١- low potent corticosteroids
زي هيدروكورتيزون كريم دي بيكون كورتيزون ضعيف مناسب للوجه بيحسن الحالة
2- مرطب قوي
عادة بنخلطه مع الكورتيزون لمدة شهر وبعدين نوقف الكورتيزون ونكمل علي المرطب لوحده
3- tacrolums
دا البديل شبه الأمن للكورتيزون لكنه اغلي واحنا بنستخدم كورتيزون ضعيف اصلا بيكون فعال وفي نفس الوقت اقل اثار جانبية
4-الليزر
ودي بتكون اخر حاجه لو العلاج مجابش نتيجه وتكررت للمريض علطول
5- اشعه puva
لما تكون البقع البيضاء مقاومه فعلا انها ترجع للوضع الطبيعي
بنخليها للآخر خالص بسبب مشاكلها
-لو في انيميا أو ديدان نعالجها
**بعض النصائح
-دا مرض مش معدي فمتقلقش خالص
- المرض بيروح لوحده مع الوقت متقلقش
-الاهتمام بالنظافه الشخصيه واستخدام مستحضرات مناسبه للبشرة خالية من العطور
-استخدام واقي شمس

النهاردة ان شاءالله هنتكلم عن مادة الميتفورمين ودي مادة بتستخدم في علاج السكر من النوع التاني
اولا بتشتغل ازاي....
١-بتزود من حساسيه مستقبلات الأنسولين ل الأنسولين الموجود في الدم (insulin sensitizer)
2-بتوقف عمليه gluconeogenesis
ودي عميلة تصنيع الجلوكوز من الدهون والبروتين
3- بتقلل امتصاص الجلوكوز من الأمعاء
**الاستخدام
١- علاج السكر من النوع التاني
2- علاج تكيسات المبايض عند السيدات
3- قد تستخدم لتنزيل الوزن لكن لحد دلوت دا استخدام offlable
** الجرعة
عندنا منه شكلين
1-العادي
2-في صورة xr ممتد المفعول دا بيكون اقل في الآثار الجانبيه علي المعدة
-بنبدا بجرعة بسيطه ٥٠٠ مجم يوميا ونزود الجرعة تدريجيا كل اسبوع علشان نتجنب مشاكله علي المعده
عننا
-أقصي جرعة في اليوم لا تتجاوز (2000:2550) مجم
**الآثار الجانبيه
-مشاكل في المعده (غثيان ،ترجيع ،اسهال ) علشان ناخد الميتفورمين وسط الاكل او بعد الاكل ونبدا بجرعات قليلة ونرفعها تدريجيا علشان نقلل من حدوثها
-نقص فيتامين ب ١٢ مع الاستخدام الطويل
-lactic acidosis ودي حاله نادرة الحدوث
الا لو المريض عنده مشاكل في الكلي أو خد اوفر دوز من الميتفورمين أو مع الناس اللي بتشرب كحوليات

النهاردة أن شاءالله هنتكلم عن نوع من megaloblastic anemia وهو انيميا نقص الفوليك أسيد أو فيتامين ب٩
* مخزون الجسم من الفوليك اسيد قليل لكن احتياج الجسم له كتير علي عكس فيتامين ب ١٢
_اسباب نقص الفوليك أسيد بالجسم
1-مشكلة في intake
سواء تقص تغذيه أو ست حامل ف احتياجها للفوليك اسيد بيكون عالي جدا خصوصا في أول ٣ شهور ، مريض الكانسر
2- مشكلة absorption
امتصاص الفوليك اسيد بيكون في small intestine
ف لو عندي اي مرض زي celiac disease هياثر علي امتصاصه
3- أدوية
Phenytoin , methotrexate,oral contraceptive,trimethoprim

-الطبيب لما هيكتب فوليك اسيد لازم يستبعد وجود أي نقص في الفيتامين ب ١٢
لان كدا هيعالج الفوليك اسيد دا hemotological
لكن نقص فيت ب ١٢ هيعمل مشاكل neurological والاعراض هتسوء علشان كدا هنلاقيهم مكتوبين مع بعض تجنبا لحدوث دا

**العلاج
-في البداية بندي جرعات عاليه من ١ ل ٥ مجم
بعد كدا بيمشي علي جرعة وقائية حوالي ٤٠٠ ميكروجرام
-لو ست حامل معندهاش نقص في الفوليك اسيد بنمشيها علي جرعة وقائية من ٤٠٠ إلي ٨٠٠ ميكروجرام في اليوم لان الجنين بيحتاجه في تكوين الخلايا وانقسامها
-لوست حامل وعندها صرع او اول طفل اتولد بعيوب خلقيه او أقارب درجة اولي اتولدوا بعيوب خلقيه هنا بنحتاج ندي جرعات عاليه جدا من الفوليك اسيد تصل إلي ٤ مجم ونبدا قبل الحمل ب ٣ شهور ونستمر لمدة ٣ اول ٣ شهور في الحمل

هنكمل كلامنا عن فيتامين D
**مين الناس اللي اشك أو معرضه لنقص فيتامين D
1- لو مريض عنده مشاكل بالكلي أو الكبد كدا مش هيحصل علي الصورة النشطة من فيتامين D
2- مريض عنده مشاكل في القولون زي القولون التقرحي دا هياثر علي امتصاص فيتامين د
3-ضعف التغذيه
4-ادوية خفض الكوليسترول لان فيتامين دا بيتصنع من الكوليسترول تحت الجلد لما بتعرض للشمس

**علاج نقص فيتامين د
اولا الاحتياج اليومي للشخص الطبيعي من فيتامين د
1-الاطفال الرضع حوالي 400 وحدة
يعني حوالي ٤ نقط من القطارة يوميا
2-من سن سنه لحد ٧٠ سنه حوالي ٦٠٠ وحدة
3-اكبر من ٧٠ سنه من ٨٠٠ ل ١٠٠٠ وحدة
لكن في حالة نقص فيتامين د هنحتاج جرعات عالية من فيتامين د لمدة شهرين ونكرر التحليل لو تمام نمشي علي الجرعة الوقائية حسب السن لو لسه مش متظبط هنكرر العلاج تاني لمدة شهرين ونعيد لو تمام نمشي علي الجرعة الوقائية لو لسه هناخد حقن بقا زي ديفارول او ديكابرينو عضل او عن طريق الفم
الجرعات بقا أما امبول ٢٠٠٠٠٠ كل شهر لمدة شهرين
او اقراص ٥٠٠٠٠ كل اسبوع لمدة شهرين
بعد كدا نكرر التحليل ونشوف النسبة لو تمام نمشي بقا غلي جرعة وقائية
أما اقراص بتركيز ١٠٠٠ كل يوم
او اقراص بتركيز ٥٠٠٠ مرتين في الاسبوع
او اقراص ١٠٠٠٠ مرة أسبوعيا
او حقنه ٥٠٠٠٠ مرة كل شهر
او حقنه ٢٠٠٠٠٠ مرة كل من ٣ ل ٦ شهور
الجرعات دي في حالات نقص فيتامين د العادية
لكن في حالات تانيه بتحتاج جرعات اعلي من فيتامين د
زي حالات hpoparathyrodism
دي بياخد يوميا حوالي ٢٠٠٠٠٠ وحدة
حاله ricketts او الكساح
بيحتاج حوالي ٥٠٠٠٠٠ مرة كل يوم
-افضل وقت ناخد فيه فيتامين د هو الصبح وكمان مع وجبات دهنيه لانه بيءوب في الدهون فيزود من امتصاصه

النهاردة إن شاء الله هنتكلم عن فيتامين مهم جدا وهو فيتامين D
-فيتامين D من الفيتامينات اللي بتذوب في الدهون من هنا أخذه بجرعات عاليه ممكن يحصل منه تسمم لانه بيتخزن في الدهون
-عندنا ٥ أشكال لفيتامين D
اهم ٢ هما
1- فيتامين D2 او (ergocalciferol ) ودا دايما من مصادر نباتيه
2- فيتامين D3 او (cholecalciferol) ودا من مصادر حيوانيه
فيتامين D ليه مصادر كتير
-ممكن عن طريق الطعام زي اللحوم والأسماك والبيض والفواكه لكن دا مصدر ضعيف مش بيدينا الاحتياج اليومي من فيتامين D
-المصدر التاني ودا المصدر الأساسي وهو أن الجسم بيصنع فيتامين D من الكوليسترول تحت الجلد لما الشخص يتعرض للشمس
* ناخد بالنا أن فيتامين D سواء اخذناه عن من الطعام أو لما الجسم صنعه بعد التعرض للشمس دا بيكون في صورة غير نشطة
لازم يعدي الاول عالكبد يحط له مجموعة OH عند الموقع ٢٥
ونقدر نسميه 25 hydroxy cholecalciferol ودا نقدر نقول عليه نص تنشيط
بعد كدا يروح عالكلي تحط له مجموعة OH عند الموقع رقم ١ وكدا نكون حصلنا علي الصورة النشطة من فيتامين D
وبيكون اسمه 1,25 hydroxy cholecalciferol

-ناخد بالنا أن فيتامين D3 اللي جاي من مصادر حيوانيه أفضل من فيتامين D2 اللي جاي من مصادر نباتيه

-هل الكبسولات اللي بناخدها من فيتامين D بتكون نشطة
لا لازم يكون الشخص عنده الكبد والكلي شغالين كويس علشان يحولوه للصورة النشطة زي مقولنا فوق
نكمل البوست الجاي

النهاردة إن شاء الله هنتكلم عن مادة cabergoline الموجودة في دواء الدوستينكس اقراص (Dostinex)
الدواء دا عبارة عن dopamine agonist او محفز لمستقبلات الدوبامين في الجسم
- الدوبامين هو المنظم لهرمون البرولاكتين في الجسم بمعني كل ما زاد الدوبامين يقل البرولاكتين
- هنستخدم الدوستينكس في اي ؟
1- بنستخدمه لوقف انتاج الحليب عند النساء بعد الولادة مباشرة أو في حالة الرغبه في الفطام
2- في علاج ارتفاع هرمون البرولاكتين الناتج عن أورام الغدة النخامية
*الجرعة بنختلف علي حسب هنسنخدمه لأي
-لو لوقف الرضاعه الطبيعيه او تنشيف اللبن
هنستخدم قرص كل ١٢ ساعه لمدة يومين
-لو هنستخدمه لوقف انتاج اللبن بعد الولادة مباشرة
هاخد قرصين مع بعض في اليوم الأول من الولادة
-لو هنستخدمه لتقليل إفراز البرولاكتين زي أمراض الغدة النخامية مثلا
نص قرص مرتين في الاسبوع ونزود الجرعة تدريجياً

**أاقصي جرعة مسموح بيها من الدوستينكس هي ٣ مجم
عندنا بدائل لل دوستنيكس زي
Elonda , cabergamoun

النهاردة إن شاء الله هنتكلم عن

****حبة الغلة والتسمم بها
السبب في التسمم دا هو غاز الفوسفين وده شديد السميه اضافه أن مفيش دواء مضاد ليه
٥٠٠ مجم من المركب ده كافية لقتل إنسان.
القرص الواحد ينتج ١ جم من غاز الفوسفين

أهم الإسعافات الأولية التي نقدمها للمريض لحد مانوصله للاستقبال والطوارئ
1- نشرب المريض زيوت عن طريق الفم لو واعي أو عن طريق الرايل لو فاقد الوعي واهم الزيوت عندنا هو زيت البرافين نديلة من ٢ ل ٤ زجاجات أو شرب زيت جوز الهند أو علي الأقل أي زيت نباتي متوفر في المنزل مثل زيت الزيتون أو زيت الذرة

٢-ممنوع إعطاء الماء أو أي سوائل أو عصائر للمريض لأنها تساعد علي زيادة انتشار غاز الفوسفين و اشتعاله في المعدة لأنها بمثابة قنبلة انفجرت في المعدة كما يقول أطباء و خبراء السموم.

٣-ممنوع عمل غسيل معدة باستخدام محلول الملح أو محلول برمنجنات البوتاسيوم لأن المحاليل أو الماء تزيد من انتشار و اشتعال غاز الفوسفين في المعدة و غسيل المعدة في المستشفي بيكون باستخدام زيت البرافين أو زيت جوز الهند .

٤- الفحم النشط ملوش له دور فعال في هذه الحالات.

٥- الخروج من الغرف المغلقة للهواء الطلق لأن من اعراض الاصابه بالغاز ضيق التنفس.

ان شاء الله النهاردة هنتكلم عن قشرة الرأس أو dandruff
دي بتكون منتشرة جدا في فروة الرأس بتؤدي الي تكوين قشور بيضا او رمادي علشان كدا سميناها القشرة
السبب
-
غالبا بيكون نتيجه زيادة الturn over بتاع الepidermal cell الموجودة في فروة الرأس وينتج عنها القشرة دا بيحصل في الغالب نتيجه seborrheic dermatitis ودي حاله
بينتج عنها ج زيادة في نمو بعض الفطريات زي فطر المالسيزيا وتبدأ تعمل قشور في فروة الرأس
من هنا أنا محتاج
1-حاجه تموت الفطريات خالص وتقضي عليها ودي عندنا زي مادة الكيتوكينازول الموجودة في شامبو نيزورال او نيزابكس ودي بنستخدمها مرتين ل تلاته أسبوعيا لمدة أربع اسابيع ثم مرة كل أسبوع

2-حاجه تقلل الturn over بتاع الepidermal cell
ودي مادة السيلينيوم سالفييد الموجودة في منتج سيلينو كير ودي بنستخدمها مرتين أسبوعيا
3- منتج ليه خاصيه التقشير أو keratolytic effect
زي كيريلا لوشن موجودة فيه مادة السالسيلك اسيد ودا ليها خاصيه تقشير مع مادة البيتاميثازون ودا لو فيه اي التهاب او حكه في فروة الرأس
-في طريقه تانيه أن ممكن نجيب قرصين اسبرين ونطحنهم كويس ونخلطهم مع الشامبو ونسيبهم لمدة ٥ دقائق وبعدين نشطف الشعر
4-ممكن نستخدم حجات طبيعيه زي الخل كحل منزلي
أما نخففه بالميا أو نستخدمه كما هو علي فروة الرأس
5-مادة zinc pyrithione الموجودة في شامبو head and shoulders
ليها خواص مضادة للفطريات والبكتريا وكويسه في حاله seborrheic dermatitis
*ناخد بالنا أن بنعالج فروة الرأس مش الشعر ف نحاول نوصل الشامبو أو المنتج اللي هنستخدمه للفروة مش عالشعر

*لو الحاله شديدة جدا ممكن نستخدم حبوب زي فلكورال أو فانجيكان قرص أسبوعيا

النهاردة ان شاء الله هنتكلم عن القولون العصبي
في البداية لازم نفرق بين اختصارين
١- IBS ودا irritable bowel syndrome
دا اختصار القولون العصبي
2-IBD ودا Inflammatory bowel disease
دا باختصار القولون التقرحي دا ضمن الأمراض المناعية يعني باختصار كدا خلايا المناعة تهاجم جدار القولون بينقسم ال نوعين ulcerative colitisو chron,s disease

***نبدأ نتكلم عن القولون العصبي
-الاعراض
1-مغص وتقلصات بتقل حدتها بعد دخول الحمام
2-غازات وانتفاخات بشكل مستمر
3- دايما الشخص لما بيدخل الحمام حاسس ان ماحصلش تفريغ كويس
4- القلق ، التوتر ،لغبطه في النوم
5- إمساك أو اسهال أو الاتنين مع بعض

**التشخيص
مفيش اي تحليل نقدر من خلاله نشخص القولون العصبي
كل التحاليل اللي الطبيب بيطلبها بتكون بهدف استبعاد امراض أخري تتشارك في نفس الاعراض زي حساسيه اللاكتوز أو جرثومه المعدة أو.....

**الانواع
1-IBS ..c هنا قولون عصبي بس معاه امساك
2-IBS ....Dهنا قولون عصبي معاه اسهال
3-IBS....M هنا الاتنين مع بعض مكس ما بين اسهال وإمساك
4-IBS ...u هنا قولت عصبي بس مش عارف تحدد هل هو امساك أو اسهال

النهاردة إن شاء الله هنتكلم عن فطريات الفم ..oral candidiasis
دي بتكون عبارة عن عدوي فطرية بتصيب الاغشيه المخاطية للفم الفطريات دي بتكون موجودة طبيعي داخل الفم لكن لسبب ما بتزداد في التكاثر وتسبب مشاكل في الفم
من الأسباب دي
-ضعف المناعة خصوصاً في كبار السن والأطفال
-استخدام بخاخات الكورتيزون في مرضي الازما
-استخدام المضادات الحيوية لفترات طويلة
-مرضي السكر اللي مش مظبطين السكر بتاعهم
- عوامل أخري زي التدخين وجفاف الفم

_المريض بيشتكي من بقع بيضاء في الفم لو جيت تشيلها هتلاقيها محمرة وبتنزل دم
العلاج
اولا يظبط العوامل المسببة زي لو مريض سكر يظبط السكر بتاعه
لو مريض أزما يغسل بوقه بالميا بعد استخدام بخاخات الكورتيزون
نستخدم حجات موضعيه
-زي الدكتارين اورال جل أو مايكوناز اورال جل
دهان من ٣ ل ٤ مرات يوميا
عندنا مادة تانيه وهي النيستاتين
الموجودة في نيستاتين نقط
والميكوستاتين
-في الحالات الشديدة اللي مش بتستجيب ل العلاج الموضعي
بياخدوا حبوب عن طريق الفم زي فلوكورال أو فانجيكان
اخر حاجه ممكن نستخدمها وهي مسكن موضعي زي اوراكيور جل دهان موضعي ٣ مرات يوميا
او بي بي سي اسبراي دي مسكن الم ومضاد للالتهابات ومضاد للبكتريا

النهاردة إن شاء الله هنتكلم عن مادة الاورليستات الموجودة في السوق في منتجات زي أورلي ،اورليستات ،ريجاميكس ....
بتشتغل عن طريق أنها بتثبط عمل انزيم الليبيز المسئول عن هضم الدهون في الأمعاء
وكمان بتمنع امتصاص الجسم للدهون من الاكل بالتالي الدهون هتنزل مع البراز
من هنا بنستخدمه في انقاص الوزن وتقليل الكوليسترول

*الاثار الجانبيه
اشهر حاجه هي البراز الدهني نتيجه نزول الدهون مع البراز
وكمان اسهال ومغص

*الجرعة
كبسولة كل ٨ ساعات قبل الاكل بنص ساعه وفي الغالب بنستخدم كبسولة واحدة قبل الغداء بشرط تقليل الدهون في وجبتي الفطار والعشاء

*ممنوع استخدامه في الحمل والرضاعة

النهاردة إن شاء الله هنتكلم عن اللاكتيلوز ودوره في غيبوبه الكبد
-في الشخص الطبيعي لما الكبد بيكسر البروتينات والاحماض الأمنية بينتج عنها الامونيا ودا مركب سام جدا الكبد بيحوله الي يوريا ويخرج في البول ونتخلص منه

-في مرضي الكبد مبيقدرش الكبد يحول الامونيا الي يوريا ومن هنا بتتراكم الامونيا وتطلع للمخ وتسبب غيبوبه الكبد

من هنا بنستخدم اللاكتيلوز شراب لانه بيتحول في الجسم الي ٣ أحماض
1-حمض الفورميك .. formic acid
2-حمض الاستيك .. acetic acid
3-حمض اللاكتيك.. lactic acid
ال ٣ أحماض دول بيمنعوا الامونيا أنها تروح الدم وتمنع وصولها للمخ

Fungal acne
دي بتكون عبارة عن عدوي فطرية بتصيب بصيلات الشعر نتيجة فطر melaasezia ودا عبارة عن فطر بيكون موجود علي سطح الجلد نتيجة عوامل معينه بيتغلغل الي بصيلات الشعر ويتكاثر ويبدأ جهاز المناعه في مهاجمته من هنا تظهر الحبوب دي بتكون عبارة عن حبوب صغيرة ومش بتكبر اوي زي حبوب الشباب وغالبا بيكون موجود معاها حكه واحمرار
_من اسباب ظهورها
- زيادة الإفرازات الدهنيه لذا أصحاب البشرة الدهنية هم أكثر عرضه للإصابة
- العرق الكتير نتيجة ممارسه الرياضه أو الوزن الزائد
- الإفراط في استخدام المضادات الحيوية
والكورتيزونات
- موانع الحمل
_العلاج
تشخصيها صعب لأنها بتتداخل مع حبوب الشباب فلابد من زيارة طبيب الجلدية لتشخيصها بدقه
لو الحالة بسيطة بنستخدم شامبو زي نيزورال او نيزابكس في بداية العلاج بنستخدمه مرة يوميا ثم بعد كدا مرتين ل تلاته أسبوعيا وممكن نستخدم كريم زي لامزيل مرتين يوميا لمدة شهر
- لو الحالة منتشرة في أماكن كتير بنستخدم حبوب عن طريق الفم زي فلوكورال أو فانجيكان

لو سيده ماشيه علي حبوب منع حمل وبدأت كورس مضاد حيوي كان الزوج بيحتاج يستخدم وسيلة منع حمل اضافيه زي الكاندم لمدة الكورس العلاجي بتاع المضاد الحيوي بلس ٧ أيام بعد انتهاء الكورس لكن حديثاً أثبت أن التداخل دا ضعيف ولا يحتاج اي تدخل الا في حالة استخدام rifampin(دا النوع الوحيد)
دا مضاد حيوي يستخدم في علاج حالات السل Tb بيشتغل ك enzyme inducer وبالتالي بيقلل فاعليه حبوب منع الحمل عند اذن لازم الزوج يستخدم وسيلة منع حمل اضافيه

الإنسان ما هو إلا نفسية ؛ إن ضاقت عجز عن عمل الدنيا والآخرة ،

ولذا كان الرسول ﷺ يستعيذ من الهم والغم والحزن في صباحه ومسائه

اللهم إنِّي أعوذ بك من الهم والحزن ، وأعوذ بك من العجز والكسل ، وأعوذ بك من الجبن والبخل ، وأعوذ بك من غلبة الدين وقهر الرجال

Right dose
اي مضاد حيوي علشان يقتل البكتريا لازم يكون ليه تركيز معين في الجسم هنسميه minimum ihibitory concentration
دا معناه اقل تركيز من المضاد الحيوي قادر علي قتل البكتيريا لو نزل التركيز عنه مش هيكون فعال من هنا هنقسم المضادات الحيوية إلي
A- concentration dependent killing
يعني النوع دا من المضادات الحيوية مابيقدرش يقتل المضاد الحيوي غير بتركيز عالي معتمد علي التركيز زي الجينتاميسين بيتاخد بأعلي جرعة مرة واحدة في اليوم فتحقق اعلي نسبه سيطرة علي البكتريا
B- time dependent killing
هنا معتمد علي الوقت الفترة الزمنية اللي هيقعدها المضاد الحيوي في الجسم هنا كل مزاد عدد مرات اخد المضاد الحيوي علي مدار اليوم كل مكان مفيد لان هيظل موجود لفترة أطول في الجسم وعندنا امثله علي دا كتير زي البنسيلين والازيثروميسن
C- post antibiotic effect
هنا بيكون المضاد الحيوي قادر علي قتل البكتريا عالرغم أنه معادش موجود في الدم تيجي بعد اربع ساعات مثلا من الجرعة تقيس تركيزه في الدم هتلاقيه مش موجود
هنا بيسيب الدم ويروح يتجمع في منطقه العدوي ويتركز هناك ويظل قادر علي قتل البكتيريا ومن أمثلة دا عيلة الفلوروكينولون زي السيبرو وعيلة الماكروليد زي الازيثرو

هنكمل كلامنا عن اختيار المضاد الحيوي والمرة هنتكلم عن
Right drug
ازاي نختار المضاد الحيوي المناسب للمريض ودا عن طريق اول حاجه نجدد نوع الكائن المسبب للعدوي ودا بيتم عن طريق عمل مزرعة وتحدد من خلالها
هل كل المرضي هنحتاج نعمل لهم مزرعة
لا في تلت حالات الطبيب هيبدا مباشرة معاهم بمضاد حيوي
لحد مانتيحة المزرعة تظهر
1- acute ill patient
المريض اللي داخل خلصان من التعب والعدوي شديدة
2- neutropenia
المريض عنده نقص في الneutrophils ودا بيدل أن المناعه متدهورة ف لازم يبدأ مضاد حيوي مباشرة علشان البكتريا كدا هتغزو الجسم
3- meningitis .....التهاب السحايا
لما الطبيب بيشك في وجوده بيبدا مباشرة مضاد حيوي لحد مانتيحة المزرعة تطلع
المريض بيكون عنده صداع شديد
-بيكون مش قادر يبص في الضوء
-كمام ودي اهم حاجه عدم عندهneck stiffness
تصلب في الرقبه ومش قادر يحركها

2-patient factor
هنا عوامل خاصه بالمريض نفسه يعني مثلا
ال neonates او الأطفال الصغار مينفعش ياخدوا دوا من عيلة السلفوناميد او الكلورامنفينكول

بردو الاطفال مينفعش ياخدوا دوا من عيلة الفلوروكينولون هيعمل arthropathy هيدمر المفاصل والغضاريف او التتراسيلكلين دا هيعمل teeth discoloration هيغير لون الأسنان

كبار السن بردو مينفعش ياخدوا دوا من عيلة الامينوجليكوزيد لان هياثر علي الكلي والسمع ودي مشاكل irreversible غير قابله للرجوع

هنتكلم النهاردة أن شاءالله عن الأسس العلمية اللي توضح أن المريض دا محتاج مضاد حيوي وهما 5R
1- right patient
اختيار المريض الصح اللي محتاج مضاد حيوي
2-right drug
اختيار النوع المناسب من المضاد الحيوي
3-right dose
اختيار الجرعة المناسبة
4-right route
ندي الدواء ازاي
5-right duration
هندي المضاد الحيوي لمدة أد اي
ا
ول واحدة وهي
Right patient
اول حاجه نتأكد أن المريض عنده عدوي بكتريه ودا عن طريق
A-fever .. مفيش عدوي بكتريه في الدنيا من غير متسبب ارتفاع في درجه الحرارة الا لو في حالات
immunocompromised patient
دول مرضي عندهم جهاز المناعه ضعيف
-زي مقولنا اي عدوي بكترية بترفع درجة الحرارة لكن مش كل ارتفاع في درجة الحرارة سببه عدوي بكترية ممكن تكون عدوي فيروسية
B-تحليل صورة دم CBC
هنبص علي WBCs خلايا كرات الدم البيضاء نشوفها عاليه ولا لا اول حاجه ثم

1-neutrophil..دا اكتر نوع من كرات الدم البيضاء مسئول عن الدفاع عن الجسم
بتمثل حوالي ٧٠ % من كرات الدم البيضاء
لو لقيتها اكتر من ٧٠% تأكد أن دي عدوي بكترية
2-lymphocytes
دا النوع التاني من خلايا الدم البيضاء وبيمثل حوالي ٣٠%
ودي المسؤولة عن الدفاع عن الجسم ضد الفيروسات والTB او مرض الدرن
فبالتالي لما تلاقيها عاليه عن ٣٠% إذن دي في الغالب أما عدوي فيروسية أو TB
3-esinophil
دا النوع التالت وبيمثل حوالي من ٤% ل ١٠ %
لما يزيد عن ١٠ % دي كدا أما في allergic reaction حساسيه أو parasitic infection عدوي طفيلية

4-basophil
ودا النوع الأخير ونسبتها لا تتعدي 1%
لو تعدت ١% تبدأ تشك في ورم زي leukemia او lymphoma

C- specific test
بعد ما الطبيب بيكشف علي المريض مثلا لو شاكك أن عنده حاجه معينه هي السبب في ارتفاع درجة الحرارة وليها تحليل مخصص ليها يطلبه زي مثلا typhoid يطلب widal test وهكذا .........

ان شاء الله هنكمل كلامنا عن الفوليك اسيد وعرفنا أن الجرعة المطلوبة في الطبيعي للحامل هي ٤٠٠ ميكروجرام

لكن في بعض الستات الحوامل بتحتاج جرعة اكبر ١٠ أضعاف الجرعة الطبيعيه وهي ٥ مجم ودي بتكون....

1- في مرضي الكهرباء الزيادة في المخ أو الصرع ودول بياخدوا الفوليك اسيد لحد الشعر التاسع لأنهم بياخدوا أدوية بتخلي الاحتياج الي الفوليك اسيد كتير ف جرعة ٤٠٠ مكروجرام مش بتكون كفايه

2-بعض السيدات في الحمل الاول اخدت الجرعة الطبيعية ٤٠٠ مكروجرام وحصل تشوهات للجنين
في الحمل التاني بقا بتاخد الجرعة الكبيرة ٥ مجم من الفوليك اسيد لحد الشهر التاسع

النهاردة أن شاءالله هنتكلم عن اهميه حمض الفوليك في الحمل
مفيش واحدة حامل او بتفكر تحمل ومتعرفش الفوليك اسيد أو دوره وأهميته في الحمل

_الفوليك اسيد مهم لتكوين الحمض النووي او DNA بتاع الخلايا ولأن اكتر فترة بتنقسم فيها خلايا الجنين هي أول ٣ شهور ف دي اهم فترة لتناول الفوليك اسيد
الفوليك اسيد كمكمل غذائي بيحمي الجنين من نوع من تشوهات الاجنه اسمها neural tube defect هو مش بيمنعها هو بيقلل بشكل كبير من حدوث النوع دا من التشوهات
بنبدأ نستخدمه مع بداية الحمل حتي نهايه الشهر التالت
ولو كملناه مع الحمل مفيش مشكلة بس مش بيكون بنفس فايدة اول تلت شهور

_جرعة الفوليك اسيد هي ٤٠٠ ميكرو جرام

النهاردة أن شاءالله هنتكلم عن أحد أخطر مضاعفات مرض السكر وهي Diabetic ketoacidosis بتكون اكتر مع مرض السكر من النوع الأول
دي بتكون بسبب
1-المريض مش بياخد الأدوية بانتظام أو مهمل العلاج
2- تعرض لعدوي
3-دخل في استرس بالتالي يزداد افراز الجلوكاجون
والادرينالين والكورتيزول ودول بيرفعوا السكر في الدم
**Manifestation
1-المريض دا بيكون سكره عالي فالكلي بتكون عايزه تتخلص من السكر العالي دا فالسكر وهو خارج بياخد معاه الميا ومن هنا تلاقي المريض بيدخل الحمام كتير
2- جفاف شديد نتيجة فقد الميا
3-السكر الكتير دا نسبه منه هتتحول الي ketone bodies وهما (acetone, acetoacetic acid ,alpha. Keto glutatic acid )
3- زيادة نسبه الحمضية في الدم هتلاقي درجة ph اقل من 7.3
4- لو المريض متلحقش ممكن يدخل في غيبوبه ودي هتكون خطيرة جدا
****Treatment
1-لازم نعوض الجفاف دا بسوائل تقريبا هيحتاج ياخد من ٤ ل ٥ لتر محلول ملح علشان نعوض السوائل اللي فقدها
2- نشوف نسبه البوتاسيوم في الغالب هيكون واطي نعوضه بكمية بوتاسيوم من برا
3- انسولين ولازم قبل منعطي الأنسولين نظبط كميه البوتاسيوم لانه بيدخل البوتاسيوم داخل الخلية ف هيقلل نسبه البوتاسيوم في الدم وممكن يدخل المريض في hypokalemia
المريض هياخد اني نوع من الأنسولين ؟؟؟
هياخد regular insulin وهياخده iv وليس sc لان احنا هنا في حالة طوارئ
4- Na bicarbonate
دي في حالة لو ph نازله اوي وAcidosis عالي اوي ف هنديها علشان ترفع نسبه ph شوية

النهاردة أن شاءالله هنتكلم عن مقاومة البكتريا للمضادات الحيوية
المضادات الحيوية تعتبر من أعظم الاكتشافات في تاريخ البشرية ولكن بسبب الاستخدام الخاطئ ومقاومه المضادات الحيوية العلماء بيتوقعوا بحلول عام ٢٠٥٠ هنوصل لحوالي ١٠ مليون حالة وفاة بالسنة بسبب بس أن مفيش مضاد حيوي بقا فعال وبيجيب نتيجة

**اهم اسباب مقاومة البكتريا للمضادات الحيوية
1- الإفراط في استخدامها بدون داعي زي دور البرد والانفلونزا واحتقان الحلق ودي في الغالب بتكون عدوي فيروسية
2-الاستخدام بدون وصفه طبية والالتزام بالجرعة المحددة كما وصفها الطبيب المعالج
3-المضادات الحيوية بتقتل البكتريا النافعة ودا بيدي فرصه أكبر للبكتريا الضارة أنها تنتشر وتغزو الجسم

**مخاطر مقاومه البكتيريا للمضادات الحيوية
1-فشل العلاج
2-زيادة المضاعفات
3-طول فترة الإقامة بالمستشفى
4-ارتفاع تكاليف العلاج
5-تكرار الإصابة بالعدوى
6-زيادة الآثار الجانبية والسميه للأدوية البديلة اللي في الغالب هتكون أقل في الفاعلية وأكثر في الآثار الجانبية
7-ارتفاع الوفيات

**الوقاية من مقاومة المضادات الحيوية
دا هيكون عن طريق الكل وليس فرد معين
1-نلتزم بجرعة المضاد الحيوي كما وصفها الطبيب حتي لو اتحسنت قبلها
2-مفيش حاجه اسمها مجموعة برد أو تاخد قرص مضاد حيوي
3-ارتفاع درجة الحرارة لا يعني انك لازم تاخد مضاد حيوي قد تكون عدوي فيروسية لاتحتاج مضاد حيوي زي دور البرد والانفلونزا
3-حافظ علي نفسك من العدوي واهتم بالنظافة الشخصية

ان شاء الله النهاردة هنتكلم عن نوع من أدوية السكر المستخدمة لعلاج النوع الثاني من مرض السكر وهو دواء
الفيكتوزا ( victoza )
فيكتوزا دا الاسم التجاري اسم المادة الفعاله هي مادة ال liraglutide ودي تنتمي لعائلة glp..1 agonist ودي عيلة بتسخدم لعلاج مرض السكر من النوع الثاني عن طريق انها بتروح عالبنكرياس وتحفز خلايا البيتا علي انتاج هرمون الأنسولين
كمان بتروح لخلايا الالفا جنبها وتقلل من إفراز الجلوكاجون
ومن هنا دا دورها في علاج السكر من النوع الثاني
لكن وجد أنها
١- بتقلل الاحساس بالجوع وبتدي إحساس طول الوقت بالشبع

٢- بتبطء حركة المعدة وبالتالي الاكل يظل في المعدة لفترة أطول ف الإحساس بالجوع يقل
من خلال كدا دخلت بقوة في علاج زيادة الوزن

اشهر مشاكل الفيكتوزا
- اضطربات الجهاز الهضمي علشان بتبدا بجرعه صغيره0.6 ثم 1.2 ثم تزيد ل 1.8 تزيد تدريجي علشان ميسببش مشاكل في الجهاز الهضمي

_ ممنوع استخدامها في :

١- مرضي الاكتئاب أو اللي عندهم مشاكل نفسيه
٢- الناس اللي عندهم سرطان في الغدة الدرقية أو في تاريخ مرضي مع سرطان الغدة الدرقية سواء الوالد ،الوالدة العم ،الاخت .....
٣- لو في التهاب في البنكرياس
٤-الحوامل

النهاردة أن شاءالله هنكمل كلامنا عن المينوكسيديل

-الاثار الجانبيه للمينوكسيدل
1- قد يسبب نمو الشعر في أماكن غير مرغوب فيها لانه ممكن يمتص ويدخل الدم و يزود نمو الشعر في الوجه والجسم علشان كدا تركيز ٥% بيكون مش مفضل اوي للسيدات وخصوصا اللي عندهم استعداد وراثي لنمو الشعر الزائد في الوجه لكن ممكن يستخدم في الحالات الشديدة والمراحل المتأخرة اللي بتكون فيها الفراغات وسعت جدا

2- حكه في فروة الرأس وزغلله وصداع لكن دي مش مشهورة اوي وبتختفي مع الوقت

-علشان كده هو في الغالب مستحضر آمن

-الجرعة المعتادة للمينوكسيدل
١ مجم مرتين في اليوم
ولو اسبراي ٦ بخات مرتين في اليوم
التحسن عادة بيلاحظ خلال من ٣ ل ٦ شهور

لو لاحظت زيادة في التساقط في أول شهر من إستخدامه كمل زي منت متوقفش الاستخدام طبيعي جدا يحصل كدا

-مدة الاستخدام
في حالات التساقط الوراثي منوقفوش خالص لان مجرد ما هتوقفه هرمون DHT السبب الرئيسي في التساقط هيرجع يهاجم البصيلات ويضعفها ويدمرها فيرجع الشعر يقع تاني مع الوقت
سواء وقفت مرة واحدة أو تدريجي طالما تساقط وراثي هيرجع الشعر يقع تاني

-المينوكسيديل مش بيعالج الصلع الكامل لانه محتاج بصيلات حية حتي لو ضعيفه علشان يقدر يحفزها علي النمو والانقسام لكن في حالات الصلع الكامل مفيش حل غير زراعه الشعر

-ممنوع إستخدام المينوكسيدل في الحالات دي
-الحوامل والمرضعات
-الاطفال اقل من ١٨ سنه
-المرضي اللي ضغطهم واطي علطول
-اللي عندهم حساسيه من المينوكسيديل

النهاردة أن شاءالله هنتكلم عن المينوكسيدل ودورة في علاج تساقط الشعر

اول ماكتشفوا المينوكسيدل كان لعلاج إرتفاع ضغط الدم بعد كدا اكتشفوا أن له عرض جانبي بأنه بيزود نمو الشعر في الجسم ومن هنا بدأ تجربته في صورة علاج موضعي علي فروة الرأس لعلاج تساقط الشعر

-أليه عمل المينوكسيدل مش معروفه بالكامل لكن المعروف أنه موسع للاوعيه الدمويه من هنا كان بيستخدم لعلاج ضغط الدم
بردو لما هيوسع الأوعية الدموية الدم والغذاء اللي شايله الدم هيوصل كويس للبوصيلات بتاعه الشعر فهتقوي وتنمو

- احنا عندنا ٣ مراحل لنمو الشعر
1-anagen phase ....مرحلة النمو
دي بتكون اطول مرحلة بتستمر حوالي ٣ ل ٥ سنين
2-catagen phase ... المرحلة الانتقالية أو مرحلة الشيخوخه
دي بتبدا الشعرايه فيها تضعف وتنفصل عن الدورة الدموية
دي بتكون قصيرة من ١٠ ل ١٤ يوم
3- telegon phase....
دي بتموت فيها الشعراية وتبدأ تنمو شعرايه جديدة
دي بتكون من شهرين ل ٥ شهور

-دي دورة حياة نمو الشعر الطبيعه في حالات التساقط بقا بيحصل لغبطه مرحلة النمو اللي المفروض اطول واحدة بتقصر ومرحلة الشيخوخه والتساقط بيطولوا

ومن هنا بيظهر دور المينوكسيدل بأنه بيرجع يطول مرحلة النمو تاني ويظبط اللغبطه والدور الاهم أنه بيحفز خلايا البصيلات بتاعه الشعر علي انها تنقسم وتكون بصيلات جديدة فيحصل انبات لشعر جديد

-علشان كدا المينوكسيدل الدواء الوحيد المصرح به من FDA لعلاج تساقط الشعر الوراثي المزمن
عندنا منه تركيزين
-2% دا عادة للسيدات
-5% للرجال ودا طبيعي لان الرجال التساقط الوراثي بيكون عنيف وبيوصل للصلع الكامل غالبا

PCOS(poly cystic ovarian syndrome)
هنتكلم أن شاءالله النهاردة عن تكيس المبايض
-بيمثل حوالي 15% من حالات infertility العقم لدي السيدات
-بيكون فيه عدم توازن بين نسبه LH الي FSH
بيزيد LH ويقل FSH
لما بيزيد LH بييروح علي خلايا theca cell في o***y ويحول الكوليسترول الي بروجسترون ثم الي التستوستيرون وبالتالي يزيد هرمون الذكورة
-كمان عندنا الأنسولين بيشتغل مع Lh ويعمل علي زيادة التستوستيرون
بيروح يقلل SHBG في الكبد دي كانت مسؤوله أنها تمسك في التستوستيرون وتحوله الي الصورة الغير نشطة بالتالي لما تقل هيزيد التستوستيرون

-Clinical presentation

1-Acne حب الشباب
2-Hirsutism زيادة نمو الشعر في أماكن غير مرغوب فيها
3-irregular menstruation عدم انتظام في الدورة الشهرية
4-obesty السمنه
5-fatigue تعب وإرهاق
6-amenorrhea انقطاع الطمث
7-depressionاكتئاب
8-high blood pressure ارتفاع ضغط الدم
9-Hair fall تساقط الشعر

B- Diagnosis
التشخيص بيتم عن طريق أما اشعه us او تحاليل نشوف نسبه free testosterone,fsh,Lh,SHBG

1- transvginal ultrasound
لما الطبيب يعمل اشعه هيشوف فيها تكيس المبايض

2-free testosterone .....هنعمل تحليل نشوف نسبه التستوستيرون هتلاقيه عالي

3-SHBG......هيلاقيه قليل
لان الأنسولين بيروح علي الكبد ويقللها
4-LH to FSH ratio ........greater than 3
لما نعمل نسبه Lh الي نسبه FSH هنلاقيها عاليه لان عندنا Lh بيزيد والFsh بيقل

النهاردة أن شاءالله هنكلم كلامنا عن علاج UTI
هنتكلم عن urinary antiseptic
الأدوية دي هتكون مفيدة جدا في حالات lower UTI ممكن نكتفي بيها لوحدها وبتسىرع العلاج اكتر لكن تأثيرها ضعيف في upper UTI
1-Hexamine
Hexamine➡️Formaldhyde ➡️formalin
الهيكسامين دي مادة بتتحول الي فورمالدهايد اللي بيذوب في البول
ويتحول الي فورمالين دا مادة سامه بتققتل البكتريا
عيبها أنها ممكن تعمل irritation

2-nitrofurantion
النيتروفيورانتيوين دا بيدمر DNAبتاع البكتريا بميكانزم غير معروف .....في خلال ربع ساعه بينزل كاملا في البول علشان كدا هو كل استخدامه غالبا في UTI
بس زي معرفنا لازم وسط حمضي علشان يشتغل ناخد بالنا لو مريض كلي علشان منديش حاجه تزود الحمضيه وهو بطبيعته عنده Acidosis
3-fosfomycin
زي nitrofurantoin بينزل البول علطول مجرد متاخده بس بيشتغل عن طريق أنه بيدمر cell wall
-دا broad spectrumشغال علي grame +ve and gram -ve
بس مينفعش في عدوي في الصدر مثلا او اي حاجه فوق لانه بينزل كله في البول
فهو كويس اوي لعدوي الجهاز البولي
نفس الطريقه محتاج وسط حمضي علشان يشتغل زي النيتورفيورانتيون

-من هنا nitrofurantoin and fosfomycin
مش بياثروا علي الكلي لكنهم مينفعوش لمرضي الكلي لان انت محتاج تعمل تزود حمضيه البول والمريض عنده اصلا Acidosis ف المريض كدا هيموت