Jaiwi

Tip บน TikTok ใช้ชีวิต อย่างระวัง ไม่ประมาท

คบกับเจ๊กเหมือนเด็กเลี้ยงควาย
คบกับเจ้ากับนายชิบหายตัวเอง

ค่ายาของลูก3หมื่นกว่า
ค่ารักษาแม่103777พ่อจะไปเอาเงินไหนมาจ่าย

ลูกคะทำไมลูกไม่ได้กลับพร้อมแม่ค่ะ

เก้าอี้พักผ่อนราคากันเอง

ၵူၼ်းႁဝ်းၼႆႉၽႂ်ဢမ်ႇႁၼ်ၸႂ်ၽႂ်​ၼေႃ?
မင်​ၵေႃႉ​ၵေႃႈႁၼ်ဝႃႈၵဝ်ယုမ်ႉ
မင်​ၵေႃႉ​ၵေႃႈႁၼ်ဝႃႈၵဝ်တူၵ်းၸႂ်
မင်​ၵေႃႉ​ၵေႃႈႁၼ်ဝႃႈၵဝ်ၶူဝ်

ႁဝ်းဝႆႉၸႂ်သူႁဝ်းႁၵ်ႉသူ​ၽၢႆၼႃႈ​ၵေႃႈႁၵ်ႉသူ
ၽၢႆလင်​ၵေႃႈႁၵ်ႉသူၵူၺ်း

တွၼ်ႈသွၼ်ၵေႃႉပဵၼ်ပေႃႈ

တွၼ်ႈတႃႇၽူႈၸိူဝ်းတေတႄႇယဵပ်ႇယၢင်ႈၶဝ်ႈ ပဵၼ်ပေႃႈလုၵ်ႈဢွၼ်ႇမႂ်ႇမႂ်ႇၼၼ်ႉ ႁူႉလီယူႇဝႃႈ မၼ်းတေပဵၼ်ၵႂႃႇထႅင်ႈၸၢတ်ႈပၢၼ်ႁင်းၵူၺ်းမၼ်းဢၼ်ၼိုင်ႈလႄႈ တေဢမ်ႇႁူႉလႆႈဝႃႈတၢင်ႈၼႃႈၼႆႉ တေပေႃႇပဵၼ်လွင်ႈသင်မႃး ဢၼ်ဝႃႈၼၼ်ႉယူႇ ၼႆယဝ်ႉ။

ၼႂ်းတွၼ်ႈပႅၵ်ႈလိၵ်ႈၼႆႉၵေႃႈ ၶႃႈႁဝ်းတေဢဝ်တင်းတူဝ်ထူပ်း ၵူၼ်းၵေႃႉ ဢၼ်ပဵၼ်ပေႃႈလုၵ်ႈဢွၼ်ႇမႃးၼၼ်ႉသေ တေမႃးသိုပ်ႇပိုၼ်ၽႄႈပၼ် ၽူႈၸိူဝ်း တေတႄႇယဵပ်ႇယၢင်ႈၶဝ်ႈပဵၼ်ပေႃႈလုၵ်ႈဢွၼ်ႇၼၼ်ႉယဝ်ႉ။

ပႅၵ်ႉသမ်ႉဝႃႈ ယၢမ်ႈပဵၼ်ပေႃႈလုၵ်ႈဢွၼ်ႇမႃးၶၢဝ်းတၢင်းလၢႆပီႊယဝ်ႉ ၼႆသေတႃႉၵေႃႈ မၼ်းၵေႃႈတိုၵ်ႉမီးၶေႃႈၵႂၢမ်းၼႂ်းၸႂ် ဝူၼ်ႉဝႃႈမၼ်းၵေႃႈ တိုၵ်ႉပဵၼ်လွင်ႈၶဵင်ႇတႃႉ လႄႈပဵၼ်လွင်ႈမႂ်ႇမႂ်ႇယူႇတႃႇသေႇၼၼ်ႉ ၼႆယူႇယဝ်ႉ။ လွင်ႈၵၢၼ်ပဵၼ်ပေႃႈလုၵ်ႈဢွၼ်ႇၼႆႉ မၼ်းတေႁဵတ်းႁႂ်ႈၸၢတ်ႈပၢၼ် ႁဝ်းလႅၵ်ႈလၢႆႈၵႂႃႇ ၼႂ်းၶၢဝ်းယၢမ်းၸူဝ်ႈၽႅပ်ႉတႃဢွၼ်ႇၵူၺ်း ဝႃႈၼႆသေတႃႉၵေႃႈ မၼ်းၶိုၼ်းတေႁဵတ်းႁႂ်ႈၸၢတ်ႈပၢၼ်ႁဝ်း မီးလွင်ႈမူၼ်ႈသိူဝ်း လႄႈယုမ်ႉၶူဝ်ယူႇတႃႇသေႇ ထိုင်တီႈဢဝ်ဢီႈသင်မႃးတႅၵ်ႈၼိူင်းပေႃးဢမ်ႇလႆႈ ၼၼ်ႉယဝ်ႉ။

ၼႂ်းၶၢဝ်းတၢင်း 5 ပီႊတီႈပူၼ်ႉမႃးၼၼ်ႉ ၶႃႈၵေႃႉပဵၼ်ပေႃႈလုၵ်ႈဢွၼ်ႇ လႆႈႁဵၼ်းႁူႉ လႄႈ လႆႈႁပ်ႉတွၼ်ႈသွၼ်မႃးတင်းၼမ်တင်းလၢႆ ၵွပ်ႈၼၼ် ၶိုၼ်းၸင်ႇၶႂ်ႈသိုပ်ႇ ဢဝ်တူဝ်ထူပ်းသေ ပိုၼ်ၽႄႈပၼ် ၽူႈၸိူဝ်းတေပဵၼ်ပေႃႈလုၵ်ႈဢွၼ်ႇမႂ်ႇမႂ်ႇ ၼၼ်ႉယူႇ၊ ၼႂ်းၶၢဝ်းတၢင်းၼၼ်ႉ ဢမ်ႇၸႂ်ႈလႆႈဝႃႈ ၵေႃႉပဵၼ်လုၵ်ႈၵူၺ်း တီႈတေၵေႃႉယႂ်ႇ လႄႈမုၼ်းလႅင်းၶိုၼ်းမႃး၊ ႁဝ်းၵေႃႉပဵၼ်ပေႃႈၵေႃႈ တေပေႉတူဝ်လႄႈ မီးတူဝ်ထူပ်းမႃးထႅင်ႈတင်းၼမ်တင်းလၢႆၼၼ်ႉယဝ်ႉ။

တွၼ်ႈသွၼ်ၵေႃႉပဵၼ်ပေႃႈ မီးၼင်ႇတီႈတႂ်ႈၼႆႉယူႇ

1. ႁဝ်းဢမ်ႇမီးဝၼ်းတေႁူႉလႆႈတင်းမူတ်းဝႃႈ တိုၵ်ႉႁဵတ်းသင်ယူႇၼႆၼၼ်ႉ ၵူႈၸိူဝ်းၵူႈလွင်ႈ ႁဝ်းတေလႆႈႁပ်ႉမိုဝ်းၸွမ်းငဝ်းလၢႆးဢၼ်တေပေႃႇပဵၼ်မႃး ၼၼ်ႉ ၼႆယူႇယဝ်ႉ။

2. ၵၢၼ်သွၼ်လုၵ်ႈလူၺ်ႈ လၢႆး ႁိုတ်း၊ ထႃႉ၊ လႃႇ၊ ပေႃႉႁႅမ်ၼၼ်ႉ မၼ်းဢမ်ႇမီးၽွၼ်းလီသင်ၼၼ်ႉယဝ်ႉ။ လုၵ်ႈဢွၼ်ႇၶဝ် တေႁဵၼ်းဢဝ် လူၺ်ႈ လွင်ႈႁဵတ်းသင်ၽူႈယႂ်ႇ တႄႇၸဵမ် လွင်ႈလၢတ်ႈၸႃ လွင်ႈႁဵတ်းသၢင်ႈ ၵူႈသမ်ႇသႅၼ်ပိူင်ၼၼ်ႉ တေပဵၼ်မၢၼ်ႇၸမ်ႈ တွၼ်ႈတႃႇၶဝ်လႄႈ ႁဝ်းၸိူဝ်းပဵၼ်ၽူႈယႂ်ႇ ထုၵ်ႇလီႁဵတ်းတူဝ်ယၢင်ႇႁႂ်ႈလီ တွၼ်ႈတႃႇၶဝ် ၼၼ်ႉယဝ်ႉ။

3. ယွမ်းႁပ်ႉဝႃႈ လွင်ႈတေၵုမ်းထိင်းလုၵ်ႈဢွၼ်ႇၼၼ်ႉ မၼ်းပဵၼ်လွင်ႈယၢပ်ႇ ယွၼ်ႉလုၵ်ႈဢွၼ်ႇၶဝ် မီးပၢႆးဝူၼ်ႉပဵၼ်ၶွင်တူဝ်ၵဝ်ႇ ၵွပ်ႈၼၼ် ပိုတ်ႇၸႂ်သေ ပၼ်ႁႂ်ႈၶဝ်လၢတ်ႈ ဝႆႉၸႂ်ယႂ်ႇၸႂ်ယၢဝ်းသေ ထွမ်ႇၶဝ်ႁႂ်ႈၼမ်ၼမ် ယႃႇပေဢဝ် ၵူႈလွင်ႈမႃးႁဵတ်းပဵၼ်တေႃးသမေႃးႁ ဝၢႆးမႃး ၵူဝ်လုၵ်ႈဢွၼ်ႇ ဢမ်ႇႁတ်းပိုတ်ႇၸႂ်ၼႄပေႃႈမႄႈၼၼ်ႉယဝ်ႉ။

4. မိူဝ်ႈလႂ်ၵေႃႈယဝ်ႉ ပေႃးလုၵ်ႈဢွၼ်ႇၶဝ် ႁဵတ်းလိူဝ်လူၼ်ႉပူၼ်ႉၼွၵ်ႈၶွပ်ႇ လုၵ်ႈဢွၼ်ႇ မိူၼ်ၼင်ႇ− လွင်ႈလၢတ်ႈၸႃဢမ်ႇလီ၊ ထၢင်ႇလဵၵ်ႉၵူၼ်းတၢင်ႇၵေႃႉ၊ လွင်ႈႁဵတ်းသၢင်ႈဢၼ်ဢမ်ႇၵိုင်ႇတၢၼ်ႇ ၼၼ်ႉ ႁႂ်ႈႁွင်ႉၶဝ်သေ မႃးသွၼ်လၢတ်ႈ သပ်းလႅင်းၼႄၶဝ်ဝႃႈ ဢၼ်လႂ် ဢမ်ႇၵိုင်ႇလီႁဵတ်း ဢၼ်လႂ်သမ်ႉၵိုင်ႇလီႁဵတ်း ႁႂ်ႈၶဝ်ပွင်ႇၸႂ် ဢမ်ႇၸႂ်ႈလႆႈဝႃႈ ႁွင်ႉမႃးသေ ပေႃႉႁႅမ်ၶဝ်။

5. ယႃႇလိုမ်းဢဝ်ပၵ်းယဵမ်ႈဝၼ်းဢၼ်မႂ်ႇၼၼ်ႉ ႁွႆႈဝႆႉၸွမ်းၽႃႁိူၼ်း တီႈဢၼ်ႁၼ်လႆႈငၢႆႈ။ ယွၼ်ႉသင်လႄႈဝႃႈၼႆပေႃးၼႆၸိုင် ယွၼ်ႉႁဝ်းတေလႆႈမၢႆဝႆႉ ဝၼ်းဢၼ်မေႃႁွင်ႉဝႆႉ လႄႈ ဝၼ်းလွင်ႈယႂ်ႇ ၵူႈဢၼ်ဢၼ်။ ပႅၵ်ႉသမ်ႉႁဝ်းဝူၼ်ႉဝႃႈ ႁဝ်းတေတွင်းလႆႈယူႇၼႆသေတႃႉ ၵူၺ်းမၼ်းတေၸၢင်ႈလိုမ်းလႆႈလႄႈ ၵွပ်ႈၼၼ် မီးဝႆႉၼၼ်ႉ လီတီႈသုတ်းယဝ်ႉ။

6. ႁဝ်းတေလႆႈပွင်ႇၸႂ်ပၼ်ၵေႃႉပဵၼ်လုၵ်ႈဝႃႈ ၶဝ်မီးလွင်ႈၶႂ်ႈႁူႉၶႂ်ႈႁၼ် တင်းၼမ် ၵွပ်ႈၼၼ် ၶဝ်တေမီးၶေႃႈထၢမ်းတင်းၼမ် ၵွပ်ႈၶဝ်တေမုၼ်းလႅင်း လွင်ႈပၢႆးဝူၼ်ႉၶဝ် ၼၼ်ႉယဝ်ႉ။ ယွၼ်ႉၼၼ်လႄႈ ၶတ်းၸႂ်တွပ်ႇၶေႃႈထၢမ်ၶဝ် ၼင်ႇပွင်ပဵၼ်လႆႈလႄႈ သင်ၺႃးမိူဝ်ႈတိုၵ်ႉၵၢၼ် သုၵ်ႉယူႇၼၼ်ႉ ႁဝ်းတေဢမ်ႇလႆႈလၢတ်ႈဝႃႈ “ယႃႇမႃးသုၵ်ႉယုင်ႈလူး” ၼႆ၊ ၵူၺ်းႁႂ်ႈသပ်းလႅင်းဝႃႈ တေႃႈလဵဝ်တိုၵ်ႉသုၵ်ႉယူႇလႄႈ တေမီးၶၢဝ်းယၢမ်းပၼ်ၶဝ် မိူဝ်ႈလႂ်ၼႆၼၼ်ႉယဝ်ႉ။

7. ယႃႇပေၸႂ်ႉၶေႃႈၵႂၢမ်းဝႃႈ “ယိူၼ်ႉၵၼ်ႈ” ၼႆသေ တဵၵ်းႁႂ်ႈၶဝ်ႁဵတ်းလူၺ်ႈ လွင်ႈဢၼ်ၼၵ်းႁႅင်းပူၼ်ႉတီႈ။ ပိူင်တႅၵ်ႈၼင်ႇ ႁႂ်ႈၶဝ်လုၺ်းၼမ်ႉ လူၺ်ႈပဵၼ်လွင်ႈၼၵ်းတႃႇၶဝ်ၼၼ်ႉ ပႅၵ်ႉသမ်ႉၶဝ်တေၶတ်းၸႂ်ယူႇ သေတႃႉ ၵူၺ်းၵူဝ်မၼ်းၵႂႃႇသၢင်ႈလွင်ႈတူဝ်ထူပ်းဢၼ်ဢမ်ႇလီတွၼ်ႈတႃႇ ၶဝ်ၼၼ်ႉယူႇ။ ၵွပ်ႈၼၼ်လႄႈ ႁႂ်ႈႁဵၼ်းႁူႉၵႂႃႇလွႆးလွႆး ၵေႃႉယႂ်ႇၵႂႃႇၸွမ်းၶၵ်ႉ တွၼ်ႈမၼ်းၼၼ်ႉတေလီလိူဝ် ၼၼ်ႉယဝ်ႉ။

8. မၢင်ပွၵ်ႈမၢင်လႂ် လုၵ်ႈဢွၼ်ႇတေႁဵတ်းလွင်ႈဢမ်ႇထုၵ်ႇၸႂ် တွၼ်ႈတႃႇသုၵ်ႉယုင်ႈႁဝ်း ၼၼ်ႉယဝ်ႉ။ သင်ၸိူဝ်ႉၶဝ်ႁူႉႁဝ်းဢမ်ႇၵျိူၵ်ႈၼႆ ၶဝ်ၼိုင်ႈၶႅၼ်တေႁဵတ်း ယွၼ်ႉၶဝ်ပဵၼ်လုၵ်ႈဢွၼ်ႇလႄႈ တေမီးလွင်ႈၽိတ်းပိူင်ႈယူႇတႃႇသေႇ ၵွပ်ႈၼၼ် ဝၢင်းၶႂၢင်ႉပၼ်သေ လိုမ်းၵႂႃႇ လွင်ႈဢၼ်ၶဝ်ႁဵတ်းႁႂ်ႈႁဝ်းသုၵ်ႉယုင်ႈၼၼ်ႉ။ ယဝ်ႉၵေႃႈ ယႃႇပေလိုမ်းဝႃႈ တူဝ်ၵဝ်ႇၵေႃႈ ယၢမ်ႈပဵၼ်လုၵ်ႈဢွၼ်ႇ ၸိူင်ႉၼင်ႇၶဝ်ယူႇ။

9. ႁႂ်ႈမီးၶဝ်ႈမုၼ်းတၢင်းၵိၼ် ဝႆႉၵိုၵ်းတူဝ် ဢမ်ႇၼၼ် ၼႂ်းထွင်း။ ယွၼ်ႉမၢင်ပွၵ်ႈ ပေႃးၶဝ်ႁႆႈၸိုင် တေဢမ်ႇတႅတ်ႇလႆႈငၢႆႈငၢႆႈလႄႈ ပေႃးမီးၶဝ်ႈမုၼ်းၵေႃႈ ၶဝ်တေတဵတ်ႇလႆႈၼၼ်ႉယဝ်ႉ။ ၵွပ်ႈၼၼ် ၶဝ်ႈမုၼ်းၼႆႉၵေႃႈ ပဵၼ်လွင်ႈဢၼ်တေႁဵတ်းႁႂ်ႈၶဝ်တဵတ်ႇယဵၼ်လႆႈလႄႈ တေလႆႈဝႃႈ ပဵၼ်တၢင်းသိူဝ်းၸႂ်ၶဝ်ယူႇမဵဝ်းၼိုင်ႈယဝ်ႉ။

10. ၼင်ႈဢုပ်ႇလၢတ်ႈတေႃႇၵၼ်တင်းလုၵ်ႈဢွၼ်ႇ လူၺ်ႈထၢမ်လွင်ႈ ၶဝ်ၵႂႃႇၶိုၼ်ႈႁဵၼ်း ၼႂ်းၼိုင်ႈဝၼ်း ပဵၼ်ၸိူင်ႉႁိုဝ် မီးၸိူင်ႉႁိုဝ် ၼႂ်းၸႂ်ၶဝ်သမ်ႉ မီးၸိူင်ႉႁိုဝ် ၸႃႉၵႂႃႇၸိူဝ်းၼႆႉ တီႈဢေႇသုတ်း မွၵ်ႈ 20 မိၼိတ်ႉ။ လွင်ႈႁဵတ်းၸိူင်ႉၼႆၵူႈဝၼ်းၼႆႉ တေပဵၼ်လွင်ႈၶဝ်ပိုတ်ႇလၢတ်ႈ ၵႂၢမ်းၼႂ်းၸႂ် ၶဝ်သေ မိူဝ်ႈၼႃႈမႃး ၶဝ်တေဢမ်ႇမီးလွင်ႈသိုင်ႇသိမ်းတေႃႇႁဝ်း ၼၼ်ႉယဝ်ႉ။

11. ၼႂ်းၼိုင်ႈဝၼ်းၼႆႉ ႁဝ်းပိၵ်ႉၾူၼ်းသေ လဵၼ်ႈၵေႃႉၶဝ် 20−30 မိၼိတ်ႉၸိုင် ႁဝ်းတေႁၼ်လႆႈဝႃႈ လုၵ်ႈဢွၼ်ႇၼၼ်ႉ ၶဝ်မီးယိူင်းဢၢၼ်း ပၢႆးဝူၼ်ႉ ၶႂ်ႈႁဵတ်းသၢင်ႈ ၶိုၵ်ႉၶႅမ်ႉမွၵ်ႈႁိုဝ်ၼႆၼၼ်ႉယူႇ။

12. ႁႂ်ႈမီးလွင်ႈႁၢမ်ႈလုၵ်ႈဢွၼ်ႇၽွင်ႈ၊ ယႃႇပေၸွမ်းၸႂ်ၶဝ်ၵူႈလွင်ႈ ပေႃးဢမ်ႇ ၸႂ်ႈၸိူင်ႉၼၼ် ၶဝ်တေဝူၼ်ႉဝႃႈ ၶဝ်ႁဵတ်းလႆႈၵူႈလွင်ႈ လူၺ်ႈၵူႈၵေႃႉ တေလႆႈၸွမ်းၸႂ်ၶဝ်တႃႇသေႇ ၼႆၼၼ်ႉယဝ်ႉ။ ၵမ်းလိုၼ်း ပေႃးၶဝ်ယႂ်ႇမႃႈၵႃႈသုင်မႃး ၶဝ်တေလႆႈႁဵၼ်းႁူႉလွင်ႈတႄႉမၼ်းဝႃႈ ၼႂ်းၵမ်ႇၽႃႇလူင်ၼႆႉ မၼ်းဢမ်ႇငၢႆႈငၢႆႈၼႆၼၼ်ႉယူႇ။

13. ၶေႃႈၵႂၢမ်းႁၢမ်ႈလုၵ်ႈဢွၼ်ႇၼၼ်ႉၵေႃႈ တေဢမ်ႇလႆႈၸႂ်ႉၵူႈတီႈၵူႈတၢင်း ၵွပ်ႈမၼ်းတေႁဵတ်းႁႂ်ႈလွင်ႈၶႂ်ႈႁူႉၶႂ်ႈႁၼ် ယိူင်းဢၢၼ်းပၢႆးဝူၼ်ႉၶဝ် ၵိုတ်းယိုတ်းၵႂႃႇလႆႈၼၼ်ႉယဝ်ႉ။ ပႅၵ်ႉသမ်ႉဝႃႈ လွင်ႈတွပ်ႇႁၢမ်ႈ ဢမ်ႇၸွမ်းၸႂ်ၶဝ်ၼၼ်ႉ မၼ်းၸမ်ပဵၼ်သေတႃႉ ၵူၺ်းတေလႆႈၸႂ်ႉ ႁႂ်ႈမီးတီႈမီးတၢင်း လႄႈတေလႆႈသတိတႃႇသေႇၼၼ်ႉယဝ်ႉ။

14. လူႇဢၢၼ်ႇပပ်ႉလိၵ်ႈ ႁႂ်ႈၶဝ်ထွမ်ႇၼမ်ၼမ် ယွၼ်ႉမၼ်းတေၵႂႃႇႁဵတ်းႁႂ်ႈၶဝ် မီး ယိူင်းဢၢၼ်း ပၢႆးဝူၼ်ႉ လႄႈ လွင်ႈဢၼ်ၼႆႉၵေႃႈပဵၼ်ၶၢဝ်းယၢမ်းဢၼ် လမ်ႇလွင်ႈၼႂ်းၶၢဝ်းတၢင်းၼိုင်ႈဝၼ်း ၼၼ်ႉယဝ်ႉ။ ပေႃးႁဝ်းႁဵတ်းၸိူင်ႉၼႆ ၵူႈဝၼ်းပေႃးၼႆၸိုင် ၶဝ်တေၵေႃႉယႂ်ႇမႃးလူၺ်ႈ မီးတၢင်းယၢမ်ႈ လူႇဢၢၼ်ႇ လိၵ်ႈလၢႆးသေ တေမီးလွင်ႈၶႂ်ႈႁဵၼ်းႁူႉလွင်ႈမႂ်ႇမႂ်ႇယူႇတႃႇသေႇၼၼ်ႉယဝ်ႉ။

15. ၵပ်းသိုပ်ႇဢုပ်ႇလၢတ်ႈၸွမ်းၶဝ် ဢမ်ႇဝႃႈတေပဵၼ်လွင်ႈလဵၵ်ႉလဵၵ်ႉၵေႃႈ ယဝ်ႉ မိူၼ်ၼင်ႇ ၶဝ်ဢွၵ်ႇၵႂႃႇႁၼ် ၵၢပ်ႇမိူဝ်ႈမႃးသေ ၶဝ်မႃးလၢတ်ႈၼႄႁဝ်းၼၼ်ႉ ႁဝ်းၵေႃႈၶိုၼ်း လၢတ်ႈၸွမ်းၶဝ်သေ လၢတ်ႈႁႂ်ႈၶဝ်ၸၼ်ၼႄႁၢင်ႈမၼ်းၸွင်ႇလႆႈ ၼႆၼၼ်ႉယဝ်ႉ။

16. သင်ၸိူဝ်ႉတူဝ်ၵဝ်ႇ ပႆႇႁဵတ်းၸွမ်းလႆႈၼႆ ယႃႇၼႅတ်ႈသွၼ်လုၵ်ႈဢွၼ်ႇ၊ မိူၼ်ၼင်ႇ ပိူင်တႅၵ်ႈမၼ်း− လၢတ်ႈႁႂ်ႈလုၵ်ႈဢွၼ်ႇ ဝႆႉဝၢင်းၶွင်ႁႂ်ႈမီးပၵ်း မီးပိူင် ၵူၺ်းၸဝ်ႈၵဝ်ႇသမ်ႉ ပႅတ်ႈမၢၵ်ႇမၢၵ်ႇမိူဝ်မိူဝ် ဢိၵ်တင်း လၢတ်ႈႁႂ်ႈလုၵ်ႈဢွၼ်ႇ ၵိၼ်တၢင်းၵိၼ် မဵဝ်းမီးၽွၼ်းလီသေ ၸဝ်ႈၵဝ်ႇသမ်ႉ ၵိၼ်မဵဝ်းဢမ်ႇလီပေႃးၼႆၸိုင် မၼ်းၵေႃႈ ဢမ်ႇမီးၽွၼ်းလီသင်တႃႇၶဝ် ၼၼ်ႉယဝ်ႉ။

17. ယႃႇပေယွင်ႈဢၢမ်းၶဝ် တီႈဢၼ်ၶဝ်လႆႈမႃး ၵူၺ်းၵႃႈ ယွင်ႈဢၢမ်းတီႈဢၼ် ၶဝ်ၶတ်းၸႂ်ႁဵတ်းသၢင်ႈၼၼ်ႉလႄႈ၊ ၵွပ်ႈၶဝ်တေႁဵတ်းႁူႉ လွင်ႈလူင်းမိုဝ်း ႁဵတ်းသၢင်ႈ လူၺ်ႈတၢင်းၶတ်းၸႂ်ၼၼ်ႉသေ ၵဵဝ်ႇၵပ်းလွင်ႈၽိတ်းလွင်ႈထုၵ်ႇၼၼ်ႉ ဢမ်ႇလွင်ႈယႂ်ႇ ၵူၺ်းႁႂ်ႈလႆႈလူင်းမိုဝ်းႁဵတ်းၵူၺ်း ပေႃးၼႆၸိုင် မိူဝ်းၼႃႈ ၶဝ်တေပဵၼ် ၵူၼ်းတီႈႁတ်းလူင်းမိုဝ်းႁဵတ်းသၢင်ႈလွင်ႈမႂ်ႇမႂ်ႇ ဢၼ်ဢမ်ႇယၢမ်ႈႁဵတ်းမႃး ၼၼ်ႉယဝ်ႉ။

18. ဝႆႉၵႃႈၶၼ် လုၵ်ႈတႃႇသေႇ ယွၼ်ႉမၼ်းပဵၼ်ပိုၼ်ႉထၢၼ် လွင်ႈမၼ်ႈၸႂ်ၶဝ်ၼၼ်ႉယဝ်ႉ။ မၼ်းတေႁဵတ်းႁႂ်ႈ ၶဝ်ဝူၼ်ႉဝႃႈ ၶဝ်မီးၵႃႈၶၼ်ၼႆသေ တေယုမ်ႇယမ်တူဝ်ၵဝ်ႇမႃး။

19. ယႃပေၽူမ်ႈ ဝူၼ်ႉၵႂၢင်ၶမ်ၸႂ် လွင်ႈမိူဝ်ႈၼႃႈ တီႈဢၼ်ဢမ်ႇပႆႇပဵၼ်မႃး။ ႁႂ်ႈလႆႈပၵ်းၸႂ်သႂ်ႇ ဢၼ်ပဵၼ်ယူႇမီးယူႇ ယၢမ်းၽွင်းတေႃႈလဵဝ် ယၢမ်းလဵဝ် ႁႂ်ႈၸႂ်ႉၶၢဝ်းယၢမ်းလဵၼ်ႈၵေႃႉလုၵ်ႈဢွၼ်ႇၼမ်တီႈသုတ်း ၸွမ်းၼင်ႇဢၼ် ႁဝ်းပွင်ပဵၼ်လႆႈၼၼ်ႉယဝ်ႉ။ ယွၼ်ႉဝႃႈ ၶၢဝ်းယၢမ်းဢၼ်ႁဝ်းပၼ်ၶဝ် ၼၼ်ႉ မၼ်းမီးၵႃႈၶၼ်တွၼ်ႈတႃႇၶဝ် ၼမ်လိူဝ်သေ ငိုၼ်းၶမ်းပဵၼ်ၵေႃႇပဵၼ်ၵွင် လႄႈၶွင်လဵၼ်ႈဢၼ်ၵႃႈၶၼ်ယႂ်ႇၼၼ်ႉယဝ်ႉ။ ယွၼ်ႉၶၢဝ်းယၢမ်း ၸိူဝ်းၼႆႉ မၼ်းမီးတီႈသုတ်းသဵင် ၼႂ်းၸူဝ်ႈၼိုင်ႈၸၢတ်ႈပၢၼ်ၶွင်လုၵ်ႈ ၼၼ်ယဝ်ႉ။

20. မိူဝ်ႈလႂ်ႈၵေႃႈယဝ်ႉ ပေႃးလႆႈႁွပ်ႇၶဝ် ၵွတ်ႇၶဝ်ၼၼ်ႉ ႁႂ်ႈႁွပ်ႇႁႂ်ႈၵွတ်ႇ ႁိုင်တီႈသုတ်း ၸွမ်းၼင်ႇပွင်ပဵၼ်လႆႈ၊ ယွၼ်ႉဢၼ်ၼႆႉ မၼ်းတေပဵၼ်လွင်ႈပဵင်းပေႃးၸႂ် လႄႈလွင်ႈသိူဝ်းၸႂ်တႃႇၶဝ်ၼၼ်ႉယဝ်ႉ။

လုၵ်ႈဢွၼ်ႇၼႆႉ မၼ်းမိူၼ်ၼင်ႇမဵတ်ႉၸိူဝ်ႉၽၼ်းလဵၵ်ႉလဵၵ်ႉ ၸိူဝ်းၼၼ်ႉသေ တႃႇတေပဵၼ်မႃး တူၼ်ႈမႆႉယႂ်ႇမႆႉလူင် ႁႂ်ႈၵႅၼ်ႇၶႅင်လႆႈၼၼ်ႉၵေႃႈ သမ်ႉလူဝ်ႇပိုင်ႈဢိင် လွင်ႈတူၺ်းထိုင်လုမ်းလႃး လွင်ႈဢဝ်ၸႂ်သႂ်ႇ တီႈပေႃႈမႄႈ ႁႂ်ႈတဵမ်ထူၼ်ႈၼၼ်ႉယဝ်ႉ။

ပိၼ်ႇတႅမ်ႈ − ၸၢႆးဢႅၼ်

บางครั้ง
การได้เห็น คน เลว บางประเภท
ก็ทำให้ "ปลง"
คน "ใจบอด"
ที่ไม่เคยมองใครในแง่ดี
โฟกัสแต่จุดด้อย
ความบกพร่องของคนอื่น
แต่มองไม่เห็น "ความชั่ว"
ความผิดที่เกิดจากการกระทำ
ของตัวเอง

มองอย่างเมตตา และเข้าใจ
เพราะเขา "ขี้ขลาด"
เกินกว่าจะยอมรับความจริง
ว่าสิ่งที่ทำมัน "น่าอาย"
กลัวคนจะมองไม่ดี
เลยใช้วิธี "โทษคนอื่น"
เพื่อทำให้ทุกข์ในใจคลายลง
จุดจบที่น่าสงสาร

ของคนที่ไม่เคยมองเห็น
สิ่งเลวร้ายที่ตัวเองก่อ
คือสุดท้ายชีวิตจะไม่เหลือใคร
ถ้า "สำนึก" ไม่มี
จะเป็น "คนดี" ได้ยังไง
ไม่ยอมกลับตัว กลับใจ
ก็ต้อง "ปล่อย" ไป
ตามกรรม!
อยากบอกอะไร
..คิดให้เป็น...