Dr/Amany Menshawy

٤٠٪؜ من حالات تكيسات المبايض يعانو من السمنه
اعراض تكيسات المبايض
🔸اضطراب الدوره الشهريه او تاخرها
🔸صعوبه حدوث الحمل
🔸زياده شعر الوجه والجسم
🔸زياده الوزن
🔸 الم في الحوض
🔸 ظهور حبوب الوجه
🔸 زوائد جلديه وبقع جلديه ( اعراض مقاومة انسولين)

التغذية العلاجيه لمرضي تكيسات المبايض
🔸 تنظيم الوجبات
🔸تجنب السكريات والكربوهيدرات البسيطه واستبدالها بالمعقدة
🔸شرب كميه كافيه من الماء
🔸 التاكد من حصول الجسم علي كميه كافيه من الفيتامينات
🔸تناول كميه كافيه من البروتين

لازم تعرفي ان علاج تكيسات المبايض محتاج صبر وبدون رياضه واكل صحي صعب الادويه تعالج لوحدها

علي الاقل كل سنه تعملي تحليل سكر ودهون ثلاثيه

عيادة لاروز بجوار بنك مصر شارع محمد عامر
المواعيد
الاحد ١٢-٣
الاتنين ١٢-٥
الخميس ٣-٦

مساء الخير
بوست مهم لان الموضوع منتشر جدا
بدون مبالغه 90% من الحالات ال بتعامل معاها كانو بياخدو ادويه تخسيس مستورده!

1- turboslim
2_via ananas
3_ African mango
4_starvex
5_ Ab slim
6_ harva
7_phen Q
8_promoslim
9_feltram
10_zotreem pum
▪️الادويه دي وكتير زيها مكتوب أنها طبيعيه 100% ومفهاش اي مواد كيميائيه مع العلم أن كلهم فيهم sibutramine
▪️صرحت FDA بيه كدواء للتخسيس لقدرته الجباره أنه بيوقف مركز الشهيه في المخ وال nor epinephrine
وأما شافو الآثار الجانيه ليه ال بتوصل للموت المفاجئ والأزمات القلبيه والجلطات
▪️تم حظر استعمالها من FDA عام 2010
▪️ليه اثار جانبيه كتتتير واي حد جرب اي نوع من دول عارف الأعراض دي كويس جدااا منها
عدم انتظام ضربات القلب ودي اشهر حاجه
رعشه في الايد
جفاف في الفم ونشفان الريق
امساك
احساس بطعم مر في الفم
وغيرها
للمره المليون بلاش ادويه مستورده
وده مش معناه أن اي علاج بخصوص السمنه ممنوع ولكن تحت اشراف متخصص
كل حاله غير التانيه مينفعش نعرض نفسنا لاي نوع من الاذي

لفترة محدودة متفوتيش العرض ♥️
المواعيد : الأحد ١٢-٣ م
الخميس ٤-٧ م

ازاي تتخلصي من الدهون اللي مضايقاكي بسهولة ومن غير جراحة؟👀

احجزي كشفك دلوقتي في عيادة التغذية مع 4 جلسات متابعة واحصلي على:
✅جلسة كافيتيشن مجاناً
✅قياس InBody مجاناً

مستنية ايه؟
للحجز والاستفسار برجاء التواصل على: 01220614566
العنوان:
أبو حمص- شارع محمد عامر- بجوار بنك مصر

لما ارفض اكتب للحاله ادويه تخسيس وتتضايق

إن شاء الله هكون موجوده كل يوم سبت من الساعه ٣-٨ في صيدليه دكتور شعبان بمصطفي أغا طريق الزراعي دمنهور ♥️

للتواصل والحجز: 01220614566
العنوان:
أبو حمص- شارع محمد عامر- بجوار بنك مصر

هستناكم تنوروني ♥️
للتواصل والحجز: 01220614566
العنوان:
أبو حمص- شارع محمد عامر- بجوار بنك مصر

مساء الخير لحالاتي القمر ❤️
نزول 6.5 ف أقل من شهر 💪
السر في القرار 💪❤️

تكاثرت الاقاويل في افضل وقت لممارسه الرياضه في رمضان ‼️
📣 افضل اوقات لممارسه الرياضه في رمضان بتنحصر في فترتين
كل فتره ليها مزاياها
1️⃣ قبل الفطار بساعه ونص الى ساعتين( كارديو خفيف)
بحيث تخلصي تمرينك قرب وقت الفطار وتعوضي جسمك بالسوائل والاملاح المعدنيه والطاقه المفقوده في التمرين
💥مميزات الفتره دي انها بتنشط الجسم وبترفع من كفائته في التخلص من السموم الناتجه عن التمثيل الغذائي.
💥كمان بتكون فتره مثاليه لانقاص الوزن لان سكر الدم بيكون في اقل مستوى ليه فبيلجأ الجسم للدهون المخزنه لاستخدامها كمصدر طاقه .
💥ده غير انك لما تخلصي تمرين هتحسي بالراحه والاسترخاء .
2️⃣ تاني فتره مناسبه للرياضه في رمضان هى فتره بعد الفطار بساعه ونص الى ساعتين
💥مميزات الفتره دي ان الجسم بيكون انتهى من عمليه الهضم من غير التعرض لمشكلات عسر الهضم.
💥ممارسه الرياضه في الوقت ده بتحفز وتسرع من عمليه الايض وهى عمليه تحويل الغذاء لطاقه.
💥الفتره دي مثاليه لحرق السعرات الزياده اللي كلتيها في وجبه الفطار لانها بتمنع تخزين سعرات الفطار الزياده في الجسم لان الاولويه ساعتها بتكون لامداد العضلات بالطاقه.

مننساش في الايام المباركه دي ♥️
✅نكسر صيامنا بكوب ماء أو حليب مع حبات تمر ونتجنب العصائر عالية السكر .
✅نتناول الوجبة الرئيسية بعد صلاة المغرب مش ع طول بعد الأذان(يفضل أنك تبدأ ب شوربة و سلطه ) .
✅نتجنب الاكل لدرجة الوخم
✅نتجنب النوم على طول بعد الاكل لانه يؤدي لسوء الهضم
✅مننساش شرب كميه الماء المناسبه و ونوزعهم طول ساعات الفطار
✅يفضل في فترة السحور تناول الأطعمة الغنية بألالياف لانها تهضم ببطء و تعطي بشعور ب شبع لفترة أطول
✅بدل الحلويات الغنية بالدهون و السكريات 🥞بالفواكه 🍏.
✅و طبعا مننساش الرياضه

كل عام وأنتم بخير ♥️
بما ان رمضان فرصة كويسه للطاعة والعبادة
كمان فرصة كويسة جداا أننا نخسر من وزننا ♥️
🌙
▪️مين عاوز يلحق نفسه قبل العيد 💪
▪️٣٠ يوم من التشجيع لحياة افضل
▪️ نظام غذائي مناسب ليومك
▪️ متابعة يومية
▪️تمارين بسيطه

▪️ متفوتيش الفرصه للرد والاستفسار عن متابعات الأونلاين يرجي التواصل مع رسائل الصفحة

متابعات الاونلاين 🥺♥️♥️♥️

في بعض العادات الغذائية اللي ممكن تعملها مع أولادك من صغرهم هتفرق معاهم كتير أوي بعدين وهتقلل فرص تعرضهم للسمنة مستقبلًا:

١- يأكلوا لما يجوعوا مش كل شوية👍
٢- بلاش مكافئات بالأكل.
٣- فسحهم براحتك بس بلاش تربطها بالأكل.
٤- ابدأ دخلهم الخضار الأول.🥦🥬🥕
٥- عارف إنك بتحب الشيبس والشيكولاتة
هتجيبهم يبقى تأكلهم والأولاد نايمين.
٦- حسسوهم دايمًا إن أكل بره دا وحش🚫
٧- تاني بلاش مكافئات بالأكل.
٨- علموهم يأكلوا بالراحة ويمضغوا كويس.
١٠- حاولوا تتفننوا في أكل البيت في الشكل والطعم علشان ميحسوش إنهم مختلفين عن اللي حواليهم.
١١- بلاش تعودوهم على الفينو في سندوتشات المدرسة.( العيش البلدي أفضل بكتير).
١٢- بيجوعوا كتير ولازم أكل معاهم طول الوقت
يبقى طبق كبير في خس وجزر وخيار وفلفل
في الأول هيعترضوا شوية شوية هيتعودوا عليه🥗
١٣- خلوهم يشربوا مياه💧
١٤- لاعبوهم رياضة.🏊‍♀️
١٥- اعملوا قدامهم كدا هتلاقوهم بيقلدوكوا.

✅متيأسوش أي عادة بتاخد وقت لحد ما تبقى روتين.

كتير اوى بيشتكى من الكبد وأنه عنده الكبد دهنى 🥺🥺 الأول نعرف ياترى ايه هو الكبد🤓🤓. الكبد عضو من أعضاء الجهاز الهضمى وظيفته حيوية ذات أهمية كبيرة داخل جسم الإنسان🧍🧍 فهو يقوم بتنقية الدم من السموم بشكل عام والدهون خاصة..

لذلك يطلق عليه جهاز الفلترة الأول في الجسم تخلصه من الدهون الزائدة..😲😲

طيب ايه اللى بيحصله ؟ لما بتزيد نسبة الدهون في الجسم لتصل فوق المستوى الطبيعى وهنا تبدأ بالتراكم فوق الكبد محدثة أضراراً كبيرة فتؤثر على كفاءة عمل الكبد وتحد من قدراته الحيوية ..

ياترى فى خطوره كدا 🧐🧐؟ اه للاسف لو تطور الحالة بتسبب تليف الكبد وفشل كبدي حاد قد تودي بحياة الإنسان إذا لم يتنبه مبكراً لهذا الخطر الذي يداهمه بشراسة...

ياترى فى اعراض لتراكم الدهون على الكبد..؟. هقولك اه فى🥺🥺امثله الأعراض دى 👎👎

١- يشعر المريض بآلام متكررة في المنطقة اليمنى أعلى البطن، خصوصاً بعد تناول وجبات الطعام..
٢- الإحساس بحالة من الضعف والتعب العام في الجسم.
٣-الغثيان والرغبة في القيء.
٤- شحوب واصفرار في الوجه والجسم.
٥-ضعف في الإنتباه والتركيز.
٦-فقدان مستمر للوزن.

نرجع بقى لحاجه مهمه جدا هى ايه أسباب تراكم الدهون على الكبد😔😔؟ ..

١-ارتفاع نسبة الدهون في الدم الكوليستيرول الضار .
٢- السمنة المفرطة زيادة الوزن بشكل كبير .
٣-قلة الحركة لأنها تتسبب في عدم حرق الدهون الزائدة.
٤- تناول الغذاء غير الصحي وذلك بالتركيز على تناول اللحوم والدهون المشبعة دون الخضراوات والفواكه.
٥- تناول المشروبات الكحولية باستمرار.
٦-مرض السكري.
٧- تناول بعض الأدوية لفترة طويلة مثل حبوب منع الحمل للسيدات.

طيب ندخل بقى على المهم ياترى ايه علاج الدهون على الكبد.؟ ،🥺🥺🥺

١- الإنتظام في ممارسة الرياضة أو المشي يومياً لمدة نصف ساعة لتنشيط الجسم نعلى معدل حرق لدهون المتراكمة باستمرار.

٢- تحسين نوعية الغذاء يعنى نحاول نقلل اللحوم والدهون المشبعة والوجبات السريعةوالافضل نخلى. اعتمادنا على الخضار والفاكهة والحبوب الكاملة الغنية بالألياف المغذية والمحتوية على جميع المعادن والفيتامينات.

٤-التركيز على تناول الأغذية التالية الكرنب، البروكلي، الهيليون، القرع، الكوسا، الرمان، الكركم، بذور الكتان، الطماطم، القمح، وذلك لغناها بمضادات الأكسدة التي تقاوم سموم الجسم وتقيه من الأمراض.

٥- نحاول نعمل بعض الخلطات العشبية الطبيعية زى ايه
🧠 شرب الليمون الطازج كعصير أو اننا نضيف نص ليمونه للسلطات والمأكولات حيث يعمل على طرد السموم من الجسم وحرق الدهون على الكبد. بنستخدمه فى حدود برضو لايفضل الإفراط منه

🎤 هنتكلم في بوست ده عن ( فيتامين د ) :-
⛔ اعراض نقص فيتامين د
⛔ هتعرف ازاي ان عندك نقص فيتامين د
⛔ النساء وفيتامين د
⛔ علاج نقص فيتامين د
🎙*من أصعب الفيتامينات اللي نقصها في جسم وانت مش واخد بالك هتسببلك مشاكل كتير ولو لقيت سبب من اللي هذكرها ديه موجوده عندك فبنسبه كبيره هيبقي بسبب نقص فيتامين D :-
١- ارهاق مستمر غير معلوم السبب مع انك بتاخد كفايتك من النوم
٢- الم مزمن بيسمع معاك في مناطق مختلفه في الجسم بالرغم من عدم وجود مسبب لأي الم
٣- صداع مستمر
٤- ارتفاع ضغط الدم في اوقات مختلفه رغم عدم اصابتك باي مرض مزمن بيسبب ارتفاع الضغط
٥- ضعف في تحمل العضلات وقدرتها علي شيل الاوزان ورعشه الأعصاب
٦- ضعف في العظام ووجع متقطع فيه .. مع تقدم السن بيؤدي الي هشاشه العظام
🩸هتعرف ازاي ان عندك نقص فيتامين D في جسمك ؟ 🩸
هتروح اي معمل تحاليل وهتعمل تحليل دم بتقيس عن طريقه نسبه فيتامين د في الجسم
معلومه مهمه جدا غايبه عن ناس كتير ان فيتامين D له دور مهم جدا في امتصاص فيتامينات من الجهاز الهضمي ومن الاكل وكمان بيعمل علي توازن الاملاح المعدنيه في الدم
يعني فيتامين واحد زي فيتامين D ممكن يسببلك مشاكل كتير جدا وانت مش عارف ده فنخلي بالنا كويس جدا
👩******** البنات ونقص فيتامين د ********* 👩‍🦳
مع التقدم في السن عند النساء ومع قله هرمون الاستروجين في الجسم بيحصل تاثير سلبي في انتاج المعادن نتيجه قله انتاج فيتامين د في الجسم وقله المستقبلات الخاصه بيه فده للأسف بيسبب زياده افراز الغده الدرقيه اللي بدوره بيسبب تفتيت للعظام . مما يسبب هشاشه العظام
💊******** علاج نقص فيتامين د ********** 💊
١- التعرض المستمر لاشعه الشمس 🌞
٢- تناول اغذيه مليئه بفيتامين د ( منتجات الألبان بكل مشتقاتها او صفار البيض. او السردين والتونه وهكذا )🥚🥛🥦
٣- مكملات غذائية من الصيدليه بها نسبه كافيه من الفيتامين سواء اقراص او حقن 💉

🔰 الشعور بالذنب بعد تناول الطعام 😔

بوست انهاردة مختلف شوية هناقش فيه حاجة مهمة جدا
كل واحد فينا اوقات بيمر بفترة ملل او زهق من الدايت وبيسأل نفسه طيب انا هبطل دايت امتي🥺وبالتالي بيلخبط في الاكل ويستسلم بسرعة

فطبيعي جدا بيتولد احساس بالذنب لما بنلخبط شوية في الفترة دي للاسف وكلنا بنمر بده وخصوصًا في الوقت ده.

طبعا كلنا بشر مفيش حاجة اسمها اني اقعد في مكان مليان كل ما لذ وطاب😋
وانا بطبق السلطة والبروتين علي جنب وببص للي حواليا بنظرة كلها حرمان .

يفترض اني اخدت حاجة من الاكل اللي موجود بكمية مناسبة ومعقولة غصب عني طبيعي جدا ده يحصل وسط كل المغريات دي
اللي مش طبيعي اني اجلد نفسي طول الوقت واحس بالذنب الرهيب اني عملت كدة
واقعد اقول لنفسي جمل من نوعية
انا فاشل ومش هقدر اكمل
انا ضعيف الارادة
وغيرها كتير من الجمل الهدامة للاسف😔

❇️ شعورك بالذنب لما تخرج عن النظام الصحي اللي انت متبعه ممكن يؤدي بيك انك تقلل او تحرم نفسك اكتر من الاكل وتتبع نظام قاسي لمجرد شعورك بالذنب واللي ممكن يؤدي بيك لمشاكل صحية كتير ناتجة عن الحرمان او الدايت القاسي.

❇️ تعالو نتعرف مع بعض علي النظام الصحي :

النظام الصحي مش بس اكل صحي لكن كمان تفكير بشكل صحي ونفسية صحية بمعني ايه...🤔؟

النظام الصحي هو الاعتدال في تناول الطعام مع محاولة تخصلك من الافكار ورا شعورك بالذنب لما تخرج عن النظام المتبع .

✳️ ازاي اقدر اتخلص من الشعور ده..🤔؟

قبل ما نتعرف علي الحل لازم اقولك ان نص الحل في انك تتقبل فكرة عدم الالتزام ١٠٠٪؜ بنظامك الغذائي وانه من الطبيعي شعورك بالذنب
بس متستسلمش للفكرة دي لانها ممكن تؤدي بيك لحالتين اولا انك تتخلي عن النظام تماما
وثانيا تحرم نفسك اكتر وتتبع نظام قاسي وفي الحالتين الخسارة فادحة من الناحية الصحية والنفسية😔.

✅ الحل♥️:

1️⃣ لا تنتقد نفسك
قررت انك تاخد من الاكل الغير صحي الموجود متسالش نفسك اسالة تزود شعورك بالذنب زي
الاكل ده هيزودني؟
الكمية دي ممكن ازيد فيها قد ايه؟
يا تاكلها يا تبعد عنها تماما.

2️⃣ الاستمتاع بالطعام
بمجرد قرارك بانك تاكل الاكل ده استمتع بيه قدر الامكان وابدا بالتركيز علي الايجابيات
زي مثلا ان الاكلة دي او نوع الشيكولاتة ده بيحسن مزاجك وبيخرجك من الضغط وبيديك طاقة اكبر في انك تكمل الدايت♥️💪🏻

3️⃣ الوعي عند تناول الطعام
لما تستمع بالاكل في الخطوة اللي فاتت هتبقي اكتر وعي باحتياج جسمك من الطعام وبالتالي هتديه اللي محتاجه وبس في الفترة دي وبالتالي هيساعدك في التوقف عن الشراهة في الاكل وهيقلل شعورك بالذنب .

4️⃣ الطعام الصحي
لو مارست الخطوات اللي فاتت ولسة شعورك بالذنب موجود حاول علي قدر الامكان تشتت نفسك عن الافكار اللي بتخليك تشوف نفسك محروم من الاكل وخطط لنفسك healthy life style بنظام غذائي صحي متوازن في كل العناصر الغذائية المفيدة مع ممارسة تمارين رياضية مفيدة ليك ولصحة جسمك.

دمتم في صحة وعافية ♥️🙏🏻

صباح الخير ❤️
▪️ علشان الناس اللى بتطنش وجبة الفطار اعرف ليه من اهم الوجبات ؟!

✅مصدر للطاقه
✅بيقلل نسبه السكر فى الدم هو فرصة لإعطاء الجسم كل احتياجاته للمحافظه على توازن مستوى السكر في الدم،
✅بيزود قدره التركيز
✅بيزود عمليه الايض و حرق السعرات الحراريه و الدهون المشبعه فى الجسم وقت الصبح
✅بيحسن من وظائف القلب بيقلل من مستوى الكولسترول فى الدم و بيققل نسبه الانسلوين و دا بقلل الاصابه بامراض القلب ، السكر
✅تزيد من مناعة الجسم وتقويته وتعطيه فرصة أكبر لأخذ حاجته من الفيتامينات والألياف الغذائيّة والعناصر المهمّة لنجاح عملية الأيض، وتزيد من صلابة العظام، وتحسن كفاءة خلايا الدم البيضاء والحمراء، وتزيد من إنتاجها.
✅مفهوم غلط اوى ان مفطرش الصبح عشان اخس لان دا هيخليكى تجوعى اكتر

▪️للرد والاستفسار يرجي التواصل مع رسائل الصفحه ♥️
▪️يومكم سعيد ♥️

▪️بمناسبة دخول المدارس 🧑‍🏫
▪️يلعب النظام الغذائي دورا هاما في تهدئة نشاط الطفل مفرط الحركة ، لذلك يجب أن يتضمن الأطعمة الصحية والغنية بالعناصر الغذائية اللازمة ، كما يجب تجنب الأطعمة التي تسبب له زيادة الحركة وفرط النشاط 🚫

🟣🟣الأطعمة التي تزيد أعراض فرط الحركة وتشتت الانتباه مثل:
⁦1️⃣⁩ المحليات الصناعية
⁦2️⃣⁩ الأطعمة التي تحتوي على نسبة عالية من السكر
⁦3️⃣⁩ الدهون المتحولة والمهدرجة
⁦4️⃣⁩ كافيين مثل الشاى والقهوة والكولا
⁦5️⃣⁩ الأطعمة المصنعة مثل اللانشون والسوسيس وغيرها من الاطعمة المحتوية على مواد حافظة
⁦6️⃣⁩ الملونات الصناعية والإضافات:
تعمل كل من المواد الحافظة ومكسبات الألوان على تعطيل وظائف المخ المرتبطة بالجهاز العصبي ، مما يؤثر على مستوى الأدرينالين في الجسم ، لذلك يجب تجنب المنتجات التي تحتوي على المواد الحافظة والمحليات الاصطناعية ، لأنها تؤثر أيضا على مستوى السكر في الدم

🟣🟣الاطعمة اللى نركز عليها ونهتم باضافتها فى الوجبات:

⁦1️⃣⁩ دهون الأوميجا 3 :
تعتبر الأطعمة الغنية بالأوميجا3 من الأنواع الجيدة لصحة العقل والتي تؤثر إيجابيا على الطفل كثير الحركة ، لذلك يجب أن يتضمن النظام الغذائي لهذا الطفل هذه الأطعمة ومنها السمك وخصوصا التونة والسلمون ، كما يجب إضافة بعض المكسرات مثل عين الجمل واللوز 🐟🥜

⁦2️⃣⁩ الأطعمة المهدئة :
يجب إضافة الأطعمة التي تعمل على هدوء وإسترخاء الأطفال ذوي فرط النشاط ، حيث تحتوي هذه الأطعمة على الماغنسيوم والكاسيوم ، واللذان يتحكمان في وظائف المخ ويعملان على تحسين القدرة على التركيز والإنتباه ، ومن أهم هذه الأطعمة الأفوكادو الغني بالماغنسيوم والبوتاسيوم إلى جانب الدهون الأحادية المشبعة ، والتي تعمل على إستقرار ضغط الدم وتقلل التوتر أيضا 🥑

⁦3️⃣⁩ توازن سكر الدم :
يتناول الطفل مفرط النشاط كمية كبيرة من السكر عادة أكثر من الآخرين ، يؤدي ذلك إلى زيادة الجلوكوز في الجسم ، مما يعمل على زيادة حركة ونشاط الطفل كنتيجة طبيعية لذلك ، و يجب أيضا الحفاظ على معدلات السكر في الدم للطفل والوقاية من مرض السكري 🍦🍩

⁦4️⃣⁩ أشياء يمكن إضافتها لهذا النظام :
هناك بعض أنواع الفاكهة التي تساعد على تهدئة الطفل مثل الخوخ ، التوت والبرتقال ، كما يمكن إضافة بعض الخضروات مثل الكرفس ، الجزر الصغير ، الكرنب والقرنبيط ،
بالإضافة إلى ذلك فالزبادي و الجبن القريش من أهم المنتجات التي يجب إضافتها لحمية الطفل مفرط الحركة ، وتعتبر الألياف الموجودة في حبوب الفطور والحبوب الكاملة جيدة أيضا ، ويجب التأكد من إضافة البيض والحليب لأنهما من الأطعمة الغنية بالكالسيوم فهذا الطفل يحتاج إلى عظام قوية وسميكة 🥛🥚🥕

من متابعات الاونلاين طنط الجميلة بدون حرمان أو أدوية ♥️💪

▪️أنا بعاني من القولون العصبي ... ووزني مبينزلش بسهوله !!!😢

▪️أولاً إيه هو القولون العصبي؟
-هو عبارة عن مجموعة أعراض بيعاني منها ملايين مننا سببها عدم انتظام حركيه القولون و تقلصه.
إيه أعراضه؟
-إمساك.
-إسهال.
-إمساك/إسهال بالتبادل.
-تقلصات.
-مخاط في البراز.

▪️طب إيه أسبابه؟
-سببه غير معروف إلي الآن بس أبحاث كتير توصلت إن الأسباب:
- نقص إفراز أحماض المعدة.
- عسر الهضم.
- باكتيريا و طفيليات في الأمعاء.

▪️بتيجي الأعراض بإيه ؟
بتختلف من شخص للتاني بس عاماً بتزيد بـ :
-الأكل الحار و التوابل.
-الشوكولاته و الكافيين.
-أدوية زي بعض المسكنات و بعض أنواع المضادات الحيوية.
-الضغط العصبي و التوتر.
-عوامل وراثية.

▪️هل ليه علاقه بزياده الوزن؟
- أكيد.. للأسف المريض بيحاول يتفادى الأعراض بالبعد عن الأطعمة المفيدة زي الخضروات و الفاكهة و الالبان .ده بيدخله في دائره الإمساك المغلقة فيعاني أكتر من انتفاخ و غازات و تقلصات.
- في خلايا في القناة الهضمية بتفرز هورمونات دورها التحكم في الشهية، الخلايا دي بيكون فيها خلل مع مرض القولون العصبي.

▪️إيه العلاج؟
- البعد عن الأكلات الحريفة.
- تناول الألياف بدون خوف من الخضروات و الفواكه و الحبوب الكاملة زي الأرز البني و الشوفان.
-شرب كميات وفيرة من المياه.
-البعد عن الضغط العصبي بقدر الإمكان.
- نوم من ٦-٨ ساعات في اليوم.
-الرياضة بإنتظام.
-عدم الإكثار من الكافيين.
-علاج دوائي بإستشارة الطبيب و التأكد من التشخيص.


للرد والاستفسار يرجى التواصل مع رسائل الصفحة♥️

▪️الكافين معانا ولا علينا 🤔
▪️هل تعلم عزيزي الدايتر أنه صديقك في الرحله ..ايوه مش بيوقف الحرق ولا حاجه ♥️
▪️مسؤل عن إفراز هرمون أوكسيتوسين المسؤل عن
سد الشهيه والنشاط والحرق 💪
▪️يحسن صحة الاوعيه الدمويه
▪️يحسن مستوي الكوليسترول في الدم
▪️اشرب من فنجان الي ٢ فنجان قهوه في اليوم أو نسكافيه بلاك باللبن نصف دسم
▪️ بلاش مبيضات أو حجات سريعه الذوبان 2×1 أو 3×1
▪️بلاش قهوه لمرضي الضغط والقولون العصبي

♦️مقاومة الأنسولين (مرحله ماقبل الاصابه بالسكر )

يعني اي مقاومه انسولين 🤔

▪️ببساطه كده الأنسولين موجود في الدم عالي مش عارف يدخل الخليه يوصلها الجلوكوز (السكر ) لأن الخليه متخزن فيها الدهون فتقاوم دخوله 🤦
▪️لما الجسم يدخله سكر يوصل رساله للبنكرياس يفرز انسولين عشان ياخد السكر يدخله الخليه.. المستقبل عالخليه رافض يدخله وهكذااا يفضل الأنسولين وسكر الدم عاالي

♦️ايه الأعراض !؟

▪️محيط الخصر اكثر من 102 عند الرجال ،اكثر من 88 عند السيدات (Abdominal Obesity)
▪️نهم غير طبيعي للسكريات والنشويات Suger craving
▪️تصبغات في الجلد تحت الرقبه Acanthosis nigricans
▪️تحليل سكر صايم اكتر من 100
▪️دهون علي الكبد
▪️دهون ثلاثيه TGاقل من 150
▪️دهون الدم HDLاقل من 40 للرجال 50 للسيدات
▪️شعور بالتعب والارهاق المستمر
♦️ ازاي ابتدي اعالج الموضوع ؟!

▪️ النزوول ف الوزن وتقليل السعرات اليوميه
▪️ ممارسه الرياضه بشكل يومي وخصوصا الكارديو
▪️الاعتماد على الحبوب الكامله زي الشوفان والبليله والبرغل
▪️الاهتمام بالبروتين سواء النباتي أو الحيواني وكذلك الدهون الصحيه زي المكسرات والافوكادو
▪️ البعد عن المؤشر الجلايسمي العالي زي الدقيق الابيض والحلويات عموما
▪️في بعض الادويه تساعد في علاج مقاومه الأنسولين
▪️ بمجرد نزول 5% من الوزن ده بيساعد ف العلاج من المقاومه

مساء الفل ❤️

▪️كذا حد سألني دكتور لو بدات معاكي النظام فيه أدوية! الجمله كده ثابته من كذا حد

▪️اطمنييي نظام غذائي علي مقاسك انتي مناسب ليومك ولتحاليلك 📝
مش بنعمل دايت كيميائي ولا بستخدم ادويه مجهوله المصدر مش هصلح حاجه وابوظ حاجه تانيه ابدا ❎❎

▪️حسيت بملل وتعبت من كتر مابحرم نفسي ❎❎

♦️ضد انظمه الحرمان والورق الثابت واني اقيدك باكل معين
هتاكلي أكلك ال بتحبيه عادي بس بطريقتنا 💪
♦️مهو مينفعش اطلب من حد حاجه انا مقدرش اعملها 🤌
♦️مع بعض هنعيشها بصحه هنحط هدف نوصله (عادات صحيه جديده )

التحاليل المطلوبه لتحديد النظام الغذائي 📝
▪️CBC
▪️Serum Ferritin
▪️HOMA IR
▪️TSH, T3 , Free T4
هنتكلم الفترة الجايه بالتفصيل عنهم .........................................................
للحجز والاستعلام علي اماكن التواجد بالعيادة أو المتابعه اونلاين يرجي التواصل مع رسائل الصفحه ♥️

▪️مش هنعمل دايت ❎
▪️احنا هنعمل نظام غذائي مناسب لكل شخص ليومه ولطبيعة جسمه ..📝
▪️قبل مانبتدي النظام الغذائي اعرفي إنك جميله وهتبقي جميلة اكتر مع healthy life style ❤️
▪️النظام الغذائي مش حياة ممله ولا اكل عيانين ..
▪️ مفيش اكل بيتخن واكل بيخسس ده بيعتمد علي كميه الاكل ال داخله جسمك ف اليوم فخليكي ذكية 😉
▪️ دهونك متكونتش ف يوم وليله عشان كده خلي عندك شويه صبر مش هتنزليهم ف يوم وليله

▪️الهدف الأساسي من البيدج هو حياة صحية أفضل ..♥️

▪️الخدمات التي تقدم :

1. أساسيات التغذية و تخطيط الوجبات في حالة الصحة و المرض
2. التغذية العلاجية و تقييم الحالة الصحية و التغذوية.
3. التغذية في مراحل العمر المختلفة.
3. تغذية مرضى الكلى, السكر, الكبد, القلب, الضغط
5. تغذية الفئات الخاصة ( كبار السن – الرياضين –مرحلة الحمل و الرضاعة – ذوي الاحتياجات الخاصة)
6. أمراض و مشاكل سوء التغذية