ShamsMajdy_Nutrition

&wellness

مشروبات ستساعدك في إنقاص وزنك و رفع المناعة 🍵

&wellness

فاكر انك مبتحطش ملح على اكلك 🙄
طب شوف البوست ده و اعمله سيف عندك عشان هترجعله كتير ❤️

&wellness

يا ترى ينفع ناخد مشروبات غازية الدايت ؟
الحقيقة انها بديل سيء للمشروبات الغازية العادية، لكن لو انت بتاخدها بشكل يومي ممكن تستبدلها بيها و تقلل الكمية على الاقل.
&wellness

فوائد الرمان

&wellness

انا مبحبش الخضار خالص😖
متحطيليش الكوسة و لا بامية ولا ولا ولا بصي متحطيليش خضار خالص و لا حتي سلطة 🙄
(انت من حقك تقولي مبتحبش كذا و كذا و انا استبعده بس من حقي احطه لك برضو 😁)
مش للدرجة دي بس الفكرة لما تشيل كل الخضار هتاكل ألياف قليلة و هتفضل جعان و هيبقى نظامك الغذائي مش متوازن و فقير بالمعادن و الفيتامينات، يا اما هنلجأ لككملات غذائية🤷‍♀️ و انا والله خايفة على جيبك😁
الحل💡
تعود نفسك تذوق كل الخضار بكل الطرق الممكنة لطبيخها و تبدأ كل أسبوع ب 3 انواع بس في الخضار و لحد فترة هتلاقي نفسك حبيت كذا نوع خضار و المفروض أخصائي التغذية بتاعك يستغل ده و يحطه لك في الدايت.
و انا اموت في الاستغلال ده فشوفو الصورة التانية فيها طرق كتير و متنوعة عشان ناكل خضار 🙈😂

&wellness

انا عندي استعداد ماخدش فري و هقلل اكل خالص😐
بسمع الاسطورة دي من ناس كتير اوي و بيبقو زعلانين و هما بيقولو كدا عشان طبعا هيحرمو نفسهم جدا عشان يوصلو لهدفهم و بحس وقتها ان الشخص ده عايز يعزب نفسه و حاسس ان هو مجرم عشان وصل نفسه للمرحلة دي و كالعادة زي ما قولتلكم قبل كدا بحس ان الموضوع ليه أبعاد كتير نفسيه
و طبعا على رأس القايمة ان انت عندك مشكلة في حب نفسك و مهما وصلت لأي جسم مش مش هتحس بالرضا عن شكلك
لازم الأول تعرف و تتاكد انك جميل في كل حالاتك و في اي شكل 😍
اما بالنسبة بقا للأسطورة بتاعة منع وجبة الفري ف هي بتأثر إن جسمنا ينزل اول اسبوع مياه كتير و عضلات و معادن جسمك المهمة و فجأه نفرح بأننا بننزل ٥ كيلو في أسبوع و بعد فترة بسيطة يدخل الجسم في حالة بسميها ( حالة الجمل) و هي ان الشخص بيبقى مكتفي بذاته و مش عايز يفرط على اللي عنده عشان اللي فاهمه جسمك ان انت داخل على مجاعة و ايام صعبة!!! و بعد فترة من الزمن بنفقد بقا العضلات و المياه و المعادن و الفيتامينات و على فترة طويلك بتسببلنا مشاكل صحية كتير جدا زي تساقط الشعر و الجفاف و الهالات السوداء و دي الحجات السطحية غير بقا اللي ممكن يحصل جوا الجسم كمان 😟
الحل 💡
1- ناخد سعراتنا اليومية اللي الدكتور حددهالنا و لو في اي مشكلة ترجع للدكتور.
2- ناخد وجبة فري واحدة نكسر بيها الروتين و عشان جسمك ميثبتش بسرعة و اذا ثبت الدكتور الشاطر هيعرف يظبطلك الدنيا و يغيرلك في النظام و يخليك ترجع تنزل متقلقش.

&wellness

أنا همنع نشويات عشان أخس بسرعة 🤓
أكيد هتخس طبعا عشان سعراتك قلت ( ده على فرض إنك بتاكل نفس وجباتك بس شيلنا النشويات بس) 🤷‍♀️
طب و ايه المشكلة ما انا هعمل كدا فعلا 🙄
اصبر بس اكمل كلامي، ولا اقولك فعلا مشكلتك إنك محتاج تصبر شوية على نفسك انت عايز تخس اللي تخنته في سنين في فترة صغيرة عشان كدا بتقوم معاقب نفسك و تشيل حاجة مهمة جدا زي النشويات من أكلك
عارف ايه كمان المشكله؟ المشكله انك لو عملت كدا فعلا هتفضل حاسس بتعب و مش قادر تتحرك و كمان مش قادر تركز في اي حاجة طب وليه يعني كل ده؟! ده عشان ببساطة النشويات دي أهم مصدر للطاقة، ده حتى دماغنا معظم غذائها من النشويات🧠
الحل💡
1. نقلل نشويات بسيطة ( زي السكر اللي موجود في معظم منتجات السوبرماركت و الدقيق الأبيض و المخبوزات و البسكوتات و المكرونات) و نزود النشويات المعقدة في أكلنا ( زي الدقيق البني و منتجاته و البطاطس و البطاطا )
2. ناخد فاكهة بدل العصير ( و هسيبك ترجع للبوست اللي نزلته قبل كدا عن الفاكهة و العصير عشان تعرف السبب😉)
3. ناخد حبوب كاملة في أكلنا أكتر ( زي الشوفان و البليلة و البرغل و الكينوا و الجرانولا)
و بعد ما تجرب تدخل الحجات دي في اكلك هيفرق جدا في انك تشبع اسرع و الهضم عندك بقا احسن و مستوى سكر الدم بقى مستقر 😍

&wellness

مش أنا هعمل دايت 🙈
الكلمة اللي بيقولها معظمنا في بداية تغيير نظام اكله، و هو بيقول الكلام ده بيكون جواه طاقة كبيرة جدا عشان عنده هدف و حماس للموضوع و يقعد بحكي للعيلة و الاهل و الجيران و الصحاب و عم عبده البواب😁 و بعدها بتفاجئ ان الطاقة دي متبقاش منها غير 20 % و مضطر تبدأ عشان متكسفش نفسك قدام الناس 😬
و لما تبدأ بالطاقة البسيطة دي اكيد هتستمر وقت اقصر بكتيييير من الطاقة اللي كنت ممكن تبدأ بيها في البداية ، و ترجع تقول أنا بزهق بسرعة أو أنا معنديش إرادة و مش هتوصل لحاجة 😐
طب و ايه الحل يعني؟ الحل إنك تسكت 🤐 ، إيه ده بس كدا؟! اه والله بس كدا 🤷‍♀️ و لما تظهر النتايج كدا كدا الناس هتعرف و وقتها هنقف كلنا و نسقفلك على الإنجاز بتاعك كمان👏
قال تعالى : {و استعينوا على قضاء حوائجكم بالكتمان} ❤️

&wellness

الفاكهة و العصير

&wellness

كتير بيقعد يسأل هو أنا هعيش أحسب السعرات الحرارية بتاعتي عشان أعيش حياة صحية؟
الحل إنك تعتمد فكرة الطبق الصحي 💡
تجيب طبق متوسط (الحجم حسب احتياجاتك الكلية)
- ربع الطبق بروتين (بس نبعد عن اللحوم المصنعة قد ما نقدر)
- ربع الطبق نشويات ( نحاول ناخد الاغلب نشويات معقدة)
- نصف الطبق خضروات و فاكهة
مننساش نشرب المياه بكميات مناسبة و نقلل من العصاير
نبدأ ناخد خطوة إيجابية إننا نتحرك أكتر 🏃
*ملحوظة الفكرة دي لا تطبق مع أصحاب الأمراض لأنهم بيحتاجو نظام متخصص أكتر

&wellness

"كل النجاح بيبدأ لما تخرج من منطقة راحتك"
منطقة الراحة من اكتر السلوكيات اللي بتخلي آداءنا يقل بشكل صعب لا و كمان مش بس كدا لا دا انت مش حاسس بأي خطر ولا ذرة تأنيب ضمير و تقعد تقول بعدها انا مرتاح و مبسوط في حالي اغير ليه من روتين حياتي! بس في الحقيقة انت بس خايف تخرج من المنطقة اللي بتحسسك بالأمان الزائف ده🤷‍♀️
مش محتاجة اقولك على كمية الفوائد اللي هتستفادها لو كل فترة كدا جربت الرحلة دي لفترة صغيرة، عشان انت نفسك اللي هتتفاجئ بالنتائج 🙈
1. جرب كل يوم حاجة جديدة مش مألوفة في نظام حياتك واسمح لنفسك تجرب اي حاجة مختلفة تيجي قدامك و ممكن تعمل تحدي لمدة شهر تحدده بنفسك و هسيبلك أمثلة في الكومنتات 😍
2. حاول تعمل تطوير لمهارات في الشغل أو الدراسة، لو بقالك سنين عايز تاخد كورس اللغة الفلانية بس مكسل اتشجع و روح خده.
3. جرب نظام غذائي مختلف عن اكلك، جرب تحط مرة ذرة ع السلطة و مرة مكسرات على الأرز و ممكن حجات كبيرة زي انك تبعتلنا على رسائل الصفحة و هنقوم بالواجب😉
4. طور من حالتك الرياضية و انتقل للخطوة اللي بعدها، حاول ابدا تتمشى يومين في الأسبوع لو مكنتش بنتحرك خالص 💪
5. خليك مبدع، قول رايك اللي خايف حد يسمعه يتريق عليه عشان ممكن رايك ده يكون هو انسب حل فعلا👌
6. اتحدى مخاوفك و معتقداتك اللي محدده حركتك، جرب تلبس تيشيرت عاجبك بس مقتنع انه مش هيليق عليك.
7. جرب تسمع لنفسك بصدق و تعمل اللي هي عايزاه في وقتها و تخرجها من الصندوق اللي راكنها فيه.
بعد ما تعمل الرحلة الجميلة دي لأول مرة هتحس ان الدنيا حلوة اوي فيها حجات كتير كانت هتفوتك لو بس مجربتش❤️

&wellness

عايز تلتزم في التمرين و مش عارف السبب اللي بيخليك تكسل ؟
خليني اقولك ٦ اسباب مهمة جدا هيفرقو معاك لو ظبطتهم 💪
&wellness

انت عارف ان ممكن تكون بتاكل حجات بهدف انك تظبط من صحتك و في الاخر تطلع بتضرك اكتر😳
وطبعا التهاون في صحتنا بيعملنا مشاكل كتير جدا على مدار الزمن
عشان كدا هنقدم ندوة عن التثقيف الصحي ✨
🔵 بتقديم أخصائية التغذية شمس مجدي
هنتكلم فيها عن ايه الافكار اللي بنسمع عنها و هل هي صح ولا غلط؟
و ايه المشاكل اللي ممكن تحصل لو عملناها لفترة طويلة؟
و هل الأفكار دي ممكن تأثر على سلوكياتنا اليومية؟
و ازاي ممكن ابدا صح و اغير شكل حياتي؟
الندوة على تطبيق google meet و مجانا
يوم السبت الموافق 17 سبتمبر
للحجز ابعت على رسائل الصفحة
( الحجز بالأسبقية)

&wellnes

كلنا بنحلم بجسم مثالي و نخس و نعمل فورمة و نظبط جسمنا ، بس مش بنعرف نبدأ منين و نبدأ ازاي 🤔
معاكم أخصائية التغذية شمس مجدي هساعدكم على تحقيق هدفكم بطرق بسيطة و معلومات هتفيدكم جدا💡
متاح حاليا حجز نظام غذائي مناسب لحالتك الصحية و الرياضية + متابعة ❤️أسبوعية
❤️ خلي بدايتك صح و ابدا معانا

&wellness