阿肥美食

【慈雲山小店】長期請唔到人 老闆娘自責忙到脾氣差

成日無人理叫唔到野食都唔敢出聲👉🏾👈🏾

hkm.appledaily.com 喺香港地食嘢，又要便宜又要好味，還要求服務良好？此類小店當然有！不過是否員工好聲好氣，稱呼你靚仔靚女...

阿肥真係唔憂做,平時星期二已經唔開
最近...星期一、二都冇開...

正值會考期間,有好多人叫阿肥既外賣,阿肥忙到踢晒腳... 呼籲大家,等好得閒果時先好去食阿肥...

阿肥美食粉絲突破三百大關!!

呀肥四大調味料: 呀肥既豬扒雞翼固然好味,但係冇左以下既調味料,又點食得落呢... 1.沙爹汁:味道濃厚,味微甜且香而不辣,配飯配檬兩相宜!! 推薦度:***** 2.豉油汁:外表平凡既豉油,配上熱辣辣既飯即時產生化學作用,成個飯即刻變得香口,令人忍唔住爬多兩啖飯入口,飯類必備佳品! 推薦度:***** 3.酸汁:酸酸甜甜帶點微辣既酸汁,配檬粉食落特別順口,落再多都唔會太濃味,隨時撈檬變湯檬...(撈飯都別有一番風味) 推薦度:***** 4.辣椒醬:最唔起眼既辣椒醬,食落去酸酸辣辣,撈飯撈檬都好味(但建議落幾滴過下口癮算,唔係辣到你飛起!) 推薦度:****

呀肥四大食材(肉類): 1.炸雞翼 好處:永遠炸得咁靚質素有保證! 壞處:太少啦!!兩隻邊夠呀!? 推薦度:***** 2.炸豬扒 好處:香口既香茅豬扒帶有半點肥肉,食落更甘香.. 壞處:唔係日日都炸得咁靚,有時會太干 推薦度:**** 3.牛肉 好處:未食過,但聽講......都可以一試既. 壞處:d肉老過呀婆.... 推薦度:*** 4.咖哩雞 好處:咖哩有咖哩味...雞有雞味 壞處:普普通通,但價錢較貴 推薦度:***