Make Sense Education 可能教育

啱啱識咗個大專學生，年紀同我一樣大，打好成份 essay，唔識喺 word 執格式；我 highlight 咗嘅內容，佢唔識 remove highlight，要我拍片教佢㩒邊粒掣。

係咪代表個個小朋友都要上返幾堂 microsoft word? 唔係。

個學生只係衰在唔識以下兩樣要識嘅嘢：
1）上網揾資料
2）判斷資料可信性／對錯

識以上兩樣嘢，加埋態度正確，未必賺到大錢，但至少可以撞少啲板慳返啲錢。

【大家都理所當然覺得返學就要做功課, 但做功課嘅意義係乜?】

就算你係對功課係無感，甚至係支持有功課，都希望你會睇晒呢個 post。
我唔想呢個 post 只有反對功課嘅人睇到。

===
⭐⭐⭐
「學校功課嘅唯一功能，就係由細到大潛移默化噉話俾小朋友聽，返到屋企仲要做工作嘅嘢，仲要 OT 係正常嘅事; 教識你你返到屋企都唔會逃避到工作。」
⭐⭐⭐
===

我第一次睇到呢個 quote，同不少人見到「 不願小朋友成為功課奴隸」個群組名一樣，都係覺得激咗啲嘅。但呢個 quote 嘅頂，係一篇學者寫，有晒 research，寫到明功課完全無用嘅文🙀
係咪都係得一個學者自己好激噉樣講？決定去維基百科 "Homework" 嗰一頁碌下 -- 結果成頁第二段，已經講緊研究指出功課對學業成績無幫助，同埋係學生老師家長嘅常見壓力源頭, 其中有幾段, 仲要係 cite 緊幾個喺香港做嘅研究😑
===
究竟學者話功課點無用法？睇咗幾篇文，主要 points 如下：

1) 功課對小學生整體學業成績完全無幫助

除咗上述嗰個大大力反對功課學者之外, 另一個支持小學有功課嘅教育學者，翻查舊 source 兼做研究, 都揾唔到功課同學業成績 (achievement) 嘅 correlation (留意仲要唔係因果關係 causal relationship, 而係講緊兩個 data 只係同時一齊加一齊減都無);
有個研究揾咗 50 個國家嘅成績同功課量做比對, 竟然仲要揾到係 negative correlation, 即係做得越多功課, 成績仲要反而差咗 lol
當然有試過做研究, 係 set 學生做完一個課題嘅功課，第二日即刻 test 返同一個課題嘅嘢, 有做功課嘅人就真係好過無做嗰啲，但就只限於個 test 高分咗。個研究時間一放長，講返係持續嘅學業成績, 又變返無關係。

2) 小學生腦部根本未發展到可以應付功課

直覺可能認為, 就算做完功課都學唔到嘢，小朋友都應該習慣咗做功課先，等佢哋培養學識時間管理同「延遲享樂」(delayed gratification)。
但係無論有冇做過功課，純睇腦部發展，明顯一個 12 歲嘅小朋友嘅時間管理, 都會比一個 7 歲嘅小朋友好;
而且就算無咗功課，小朋友都可以安排要做其他嘢嘅時間，例如玩同探索嘅時間。
極度反對功課嗰個學者話, 點解要一個一年級小朋友返咗學成日，喺發展上係需要郁，想玩嘅時候，迫佢哋放咗學仲要坐定定做晒啲功課去?
佢亦指出無任何研究證實到小朋友做咗功課 = 小朋友學到點學習 / 培養到好嘅學習習慣。

3) 研究指出做一樣嘅 *次數* 同 *時間長度*, 其實同做嗰樣嘢嘅表現無直接關係

運動訓練，要練 muscle memory 嘅嘢，當然係要操。
但當要做嘅 task 越講求要創意同理解, 次數同時間長度就越唔關事。研究指出，學生喺呢啲 task 可以成功，「質」比「量」重要, 而個「質」係「學生覺得自己同個 task 嘅關係有幾深同 (情感上) 參與度有幾高」。
好 common sense 的結論 -- 你出廿萬份功課，學生係唔想做，好憎做，然後想快啲 get over it 嘅話，就會亂做，覺得啲功課係阻住佢過活，然後討厭讀書;
你只係整一個佢覺得有趣嘅 task，但佢做嘅時候上心又開心，佢學到嘅嘢一定比起嗰廿萬樣功課多。
假如某堆功課「好有用」，但會搞到個小朋友憎咗成科，甚至以後都討厭學習，噉啲功課其實就幾「有用」， 長遠都無用。

4) 落咗堂嘅時間就應該係小朋友「自己嘅時間」

應該無乜大人鍾意返到屋企都仲要諗返工嘢。噉點解要小朋友返到屋企都仲要諗學校嘅 task?
Share 個學者條 link 同個 quote 嘅職業治療師話，小朋友返到屋企，可能有要玩嘅時間、同朋友相處嘅時間、放電時間、課外活動時間, 甚至可能返到屋企要幫忙照顧有需要嘅家人等等。
佢認為學校安排功課, 就係擅自攞緊學生嘅私人時間嚟用。

5) 交齊功課做啱晒返嚟嘅學生, 其實做完份功課無學到新嘢; 然後唔識做功課嗰啲人, 其實出咗功課都係會唔識做

阿 may 覺得呢個位係最唔 make sense。
兒童發展專家話，操練式練習功課原意係幫唔識做嘅小朋友，但其實好多小朋友做完都係唔識做。
對呢啲小朋友嘅壞影響包括: 係噉提佢哋係「蠢人」，所以先會唔識做; 繼續用錯嘅方法做多幾次然後學得更差; 習慣唔要隱藏自己唔識嘅地方，或者抄功課; 令佢哋以為有啲嘢唔明，就係會一世唔明。
有學生唔明題目點做，就更應該喺學校有專業人士 guide 住佢做 -- 點解要等佢返屋企，最大機會無人可以幫到佢嘅時候，先要佢做一份佢根本會唔識做嘅嘢呢?
然後就衍生功課加大貧富差距嘅議題 -- 因各種原因，afford 到課後 support 嘅，做功課有人教住做，就真係學到嘢; afford 唔到，然後又唔識做嘅，就更多嘢唔明，然後就更唔想學嘢，成績就越差。
===

嗱，上面啲論點，阿 may 係睇到有啲盲點嘅:

🔸所有提到嘅功課都 assume 係啲好悶同好多小朋友望到都唔想做嘅功課。
但假如當 homework = 所有要返屋企準備嘅 task，噉又會點呢?
即刻諗到英文堂經典活動 show-and-tell，其實已經要學生喺屋企準備一嚿嘢帶返學，兼諗定點講;
常識堂叫你放咗學去觀察下社區，睇下屋企附近有啲咩嘅環境回收設施呢? 都唔似會好悶嘅 task, 都好似課時後先可以做到。

🔸假如好理想地，真係有間學校做到，學校係小朋友生活嘅一部分，噉「返屋企係自己時間」嗰個 point 就可圈可點。
好多工種, 返工同放工嘅時間都唔係噉 clear-cut; 我哋個 page 亦覺得學習應該係一個生活態度嚟，覺得咩生活裡面咩都可以有趣，咩都有嘢值得探索;
喺學校可以分享生活嘅嘢 (show-and-tell), 返到屋企又用返學校嘅嘢, 都幾 make sense 呀。
不過, 好多校本要求嘅功課，研究完發現其實對學生都無乜用, 無辦法明確嗡得出份功課係點幫到學生，又會削弱學生學習興趣。
例如出咗 penmanship (英文抄書) 俾弱生, 其實都無明確講到可以點幫到佢哋 -- 佢哋抄完, 唔會令佢哋下次見到另一個生字嘅時候，知要點樣拆字嚟記點串; 唔會學識個字嘅讀音同個英文字不同 chunks 嘅關係，但又要佢哋抄，抄完出嚟只係串啱又唔識用，但又要做，噉就好唔 make sense 啦。

反對功課嗰個學者都明唔可以一下子就即刻實踐到佢願景 (i.e. 直情中小學都無功課), 寫咗幾樣家長．老師應該做嘅嘢，其中一個大前提我好 buy ，就係俾學生揀，聽學生嘅意見。學生心甘情願返屋企 prep 個 show-and-tell 俾你，係因為佢想做，自己會揾時間嚟做。
希望大家一齊顧小朋友感受。做佢哋都覺得得意嘅嘢。

-may

雖然說一個自動鉛筆能有這樣的討論真的很讓大家絞盡腦汁，但我很喜歡這樣讓學生討論的方式，感覺讓學生參與其中是很有意義的方式～

反應幾好，嚟多次😂

二揀一：
A) 鑽研
B) 專研

有冇玩過 Judy Lee, your preferred linguist 啲揀字 post?

等我又試下出😂😂
二揀一：
A. 頻臨
B. 瀕臨

原來已經收咗兩次錢啦，總數都係好過無噉😅
不過真係唔介意，都係嗰句，最好有人抄咗條橋，出多幾個故事系列😆

https://m.facebook.com/story.php?story_fbid=129900076256599&id=111961124717161&mibextid=Nif5oz

【因為有故事, 小朋友做呢兩本英文「練習」, 會做唔停】
-- 我有份出的英文故事練習

故事, 會令人著迷。係令人忍唔住要不停去探索落去嘅魔法。

係咪得我一個係噉? 啱啱開始放特別假, 唔小心開咗個 YouTube 偵探故事嚟睇。
唔係電視劇, 唔係動畫, 只係一堆演員扮一堆主角坐喺度 role play, 同一個 game master 用最生動嘅方法口講故事 (可以 Google 下 Dimension 20 Mice and Murder)。

總共十集, 每集兩個幾鐘, 可以令我因為想知劇情發展同解謎, 完全投入咗個故事, 想追劇情, 開咗兩倍速睇, 由朝早 8點直接睇到夜晚 6 點。一秒都無覺得想停, 覺得悶。

故事入面, 角色講嘅每一句說話, 都係因為故事嘅世界同劇情嘅推進而存在, 唔會無啦啦爆一句嘢出嚟, 迫住要講。

2020 年嘅時候, 決定嘗試用呢個魔法, 出咗兩本會令小朋友唔覺意學咗英文嘅書。
可以叫做練習, 可以叫做遊戲冊, 可以叫做故事書。
每本書都有五個故事。
一堆學英文嘅內容, 用劇情連住,
小朋友都會因為想睇故事, 不斷揭下一頁, 不斷主動做落去。

因為有故事, 本書裡面要做嘅 reading, writing, 填充, 都係有原因,
唔係因為「考試要答啱」而死操廿萬句突然爆出嚟嘅句子同文章。

2020年整呢個練習嘅 PDF 版出嚟免費派，係希望多啲人知學英文有噉嘅可能性；
到有人肯幫我哋出版，2021年書展有得賣，明知每本書都只係會賺到售價嘅 4%, 都成個人棟喺疊書隔離講練習裡面嘅故事。
因為想每個小朋友都體驗到故事嘅魔力, 想每個小朋友都知學英文可以好好玩。
見住啲小朋友聽故仔聽到囈自己家長買返屋企做, 就覺得自己做咗件 magical 嘅事。

唔係責怪出版商, 佢哋都面對緊好大困難 -- 我哋喺書展, 書局賣嘅 exercise, 因為一啲大家都唔想見到嘅行政問題, 咁耐以嚟, 寫書嘅三個人, 都係一毫子都仲未收到。
但只要書局英文練習櫃繼續有呢本練習喺度, 有機會俾家長、老師見到, 我無所謂。

再講多次, 好想有人抄我哋橋。最好全行都抄我哋。最好整到啲更好嘅嘢出嚟。
但願唔會再有小朋友抗拒學英文。
但願全部小朋友都可以體驗到故事嘅魔法。

想買本睇下嘅, 可以睇留言。

-may

【政府有派免費小冊子, 一本學識香港日常用品英文詞彙】
--「街市內常見的食/用品及服務行業」多種語言小冊子

細個學英文, 好鍾意睇 picture dictionary, 從大大幅插圖見識到外國人點生活之餘, 插圖入面每樣嘢都 label 返個英文字; 一路睇, 會發現自己原來仲有好多英文字唔識。好記得有幅法庭嘅插圖, 教個法庭個槌叫做 "gavel"。

雖然依家打個字上網就咩字都查到, 但有一頁頁書揭下揭下, 先會發現自己唔識嘅嘢, 同有實物始終過癮啲。

食環署一直有印一本「街市內常見的食/用品及服務行業」多種語言小冊子, 列出街市裡面會出現, 超過 600 張食物同服務嘅圖。每幅圖都標註返嗰樣嘢嘅中英文名, 仲有其他國家總共十種語言嘅 vocab。

小冊子可以網上 download pdf 版, 九龍公園嘅健康教育中心 office 亦有得免費拎, 我之前經過會拎幾本當奬品送俾小朋友, 亦都有放幾本喺課室書架。有啲蔬菜、海鮮品種連大人都未必識中文, 可以拎嚟學吓嘢。

Download link 我放 comment, 覺得有用就 share 出去啦~

有冇翻譯大神可以話我知，小學裡面嘅“主任”，你會點樣譯做英文？

識我嘅應該都知我裸辭咗。
想專注寫作為主，但都要揾食，有文字/教學工作，都可揾我。

https://www.facebook.com/story.php?story_fbid=802345198567805&id=100063769974682&post_id=100063769974682_802345198567805&mibextid=Nif5oz

＃營養吐司
許皓鋐為台灣贏取一面金牌很值得開心，但這幾天看到有些媒體開始報導許家的教導方針，角度與重點都出現偏頗，讓我有點擔心。

如圖中所節錄的，許爸說他們家並不是會特別慶祝或獎勵孩子的特別表現。這樣聚焦其實忽略了很多重要的前置條件，會讓許多只看到表面就想依樣畫葫蘆的家長適得其反，甚至對尚幼的孩子帶來不可抹滅的創傷。

簡單來說，並不是單純「不稱讚、不獎勵」就能養出許皓鋐這樣勝不驕敗不餒的沈穩個性。在幼童成長歷程中，自尊與自我概念的建立是不可或缺的一步，這不只關係到他們能否順利成熟並社會化，還在為將來面對挫折所需的心理韌力打下基礎。這個過程就像在燉一鍋湯，你使用的食材品質、調味方法，甚至連花費的耐心多寡都會影響最終成品。

確實，過度寵溺與正向肯定孩子可能會養出溫室裡的花朵。但反過來說，缺乏肯定與鼓勵的環境同樣會賦予小孩「怎麼做都不夠好」、「沒有人會關心我」的習得無助感，相信許多在傳統家庭長大的台灣人都心有戚戚焉。

所謂過猶不及就是如此。對孩子身心發展最有助益的，其實是「均衡」。適當的鼓勵，適當的挫折，讓孩子在跌跌撞撞之餘，還是能感受到身後有家人無條件的支持。而這樣的「默默支持」，才是許皓鋐父母最難得可貴的地方。

即便從小就展現出過人的圍棋天賦，許爸許媽也從未剝奪許皓鋐在這條路上的主體性，總是以他本人的意願為主（包括申請自學，全心投入職業棋手之路）。知道兒子走的是一條辛苦的荊棘之路，但父母並沒有因為自己是「大人」就試圖「導正」他的志向，而是在需要的時候撐著他、提供許皓鋐跨出障礙的力量。

這才是圖中許爸這句話的真諦：許皓鋐從始至終都是為了自己下棋，而非被父母的期許（與獎賞）驅使。從訪談中不難看出父母的關注，但也很自覺地保持了距離，不過度介入。

往更深一層去想，之所以能如此淡然地不給予「特別獎勵」，是否代表許家在平常就已經提供孩子足夠的溫暖？就好像比起偶發的主管請客，優渥薪資與健全員工福利更能增進職場幸福感（慣老闆們聽到了嗎XD

這種落實到日常生活中的關愛，才是給孩子最好的支持啊。

Stop

呢本係一年級作業。
多謝長人。

第一次入救世軍二手店，原來都有新淨英文書！
執到兩本經典 Dr Seuss, $25 本
有本 Look Inside Football flapbook 只係 $35，不過啲 flap 皺皺地無買 lu
The Book of Things 只係 $15，好似全新咁！決定買本擺課室～
見中文翻譯繪本都有呢！
附近有就去支持下環保啦～

第一年教書：
想小朋友學到英文，可以用英文溝通

兩年後：
小朋友唔會抗拒英文已經好開心

現在：
um 重點是小朋友和我都無入醫院 omg

有少少想裸辭。

有冇人有時間同我吹兩句水？
(whatsapp, dm 都得)

https://m.facebook.com/story.php?story_fbid=135953632317910&id=111961124717161&mibextid=Nif5oz

好耐無見！
有冇同行有喺工作上用到 chatGPT? 阿 may 依家日日都用，慳返不少時間，應該會出返個攻略。
但出之前，都想收集下各路創意用法～

https://m.facebook.com/story.php?story_fbid=794600811938427&id=100041655466428

https://www.facebook.com/376720069164587/posts/2186562061513703/

From a Captain Underpants book by Dav Pilkey.

睇一次笑一次

HowFun / 我們畢典之後要做什麼 2017幼兒園畢典影片來囉！！！怎麼覺得一年過好快...感覺才剛剪完前一年的影片啊，可惡。欸欸快訂閱HowFun頻道: http://goo.gl/tnPtxhHowFun臉書專頁: http://www.facebook.com/howfunofficial經典回顧我們畢典要表演什麼 2013https://y...

有冇同工依家一齊上緊 Space Town workshop? 教緊點教 reading, 學生有咩 reading skills 要~

暫時仍未有人超越到我當年師訓老師攞首 Alice in the Wonderland Jabberwocky 詩出嚟, 叫我地估啲字係點解, 然後叫我哋自己講返我哋自己用咗啲咩 reading skills, 過咗幾年都仲記得。

學生有得落手落腳做同睇, 搞完係 based on 自己本身識嘅嘢, 自己嗡個答案出嚟, 真係有用過老師哦五百萬次

Some updates:

-上年 9 月 sure 到係同同事講我會唔撈，結果依家決定下年撈，原校。思考會唔會喺呢個地方做嘢，噉樣就一世時，會有點 existential crisis。

-講過喺香港學校學英文，好多時好似喺操場練游水姿勢，喺浴缸考試。結果間學校大大力主張噉樣學英文嘅同事，全部走晒。仲要係去教傳統名校。阿may，你記住你下學年個大計一定要實現。實現到的話，你就唔只係落泳池教游水，而係帶緊一堆 underprivileged 學生去玩浮潛。

-好想寫個 post，title 係：《做到沮喪，就嚟睇返呢個 post 吧》。結果好似發現：好似做到連沮喪都無時間。不是怨氣文 mode -- 之前沮喪，係因為覺得唔 make sense，做住嘢每分每秒都會廿萬個唔情願。今年終於學到了做事 make sense 的方法，同好多嘢做都要繼續做嘅原因。然後就少咗沮喪了。

-Schooling 係唔 make sense，但係要求全世界一齊立即 unschooling 都係唔 make sense。人生一切的抉擇只有 Accept, Change, Leave。Unschooling 是一種學習方法同態度，唔係話要「無咗學校這棟建築」。

其實 unschooling 啲人甚至話佢個方法應該叫 self-directed learning 先啱 (教育局都日日喺度講呢個 term 但你試下同佢講要無課程呀😂)。既然決定唔 leave，咁就學下點 change 吧。其他時間可以寫下文 promote，等老師家長們知道有咩其他 option。

-記住，每個小朋友嘅腦部構造都唔同，佢個腦設計係20歲先寫到字，先講到廣東話，你喺一年級鬧佢幾多次佢都唔會識。專心發掘下佢哋嘅長處吧。難得你返呢間學校，無噉大壓力迫佢哋 fulfill 一啲全世界以為要跟，但其實唔合理嘅期望。

-學生對世界保持好奇，鍾意學嘢，緊要過佢句英文 grammar 啱唔啱。

-真係見過教育界有人顧校顧到過勞死，之前好不解點解會噉，但最近體會係，假如你對未來有好清楚嘅願景，好想嗰件事發生，搞好件事，真係會唔覺意燃燒生命。攰嘅話，可以去休息，休息時不要覺得 guilty。唔係會做到生 cancer 的。

-唔好講咩 work-life balance 了，直接將 meaningful work = meaningful life 吧。阿 may 你好清楚點用自己啲時間想做乜嘢，唔好因為人地看似 have a life，就見人做乜自己又驚 missing out 跟住一齊做。坐低睇書寫文悶啲，定做空中瑜伽悶啲，係個人觀感嚟，自己開心就好。

-學你 fd 話齋，既然你今年決定留，就唔該出盡全力學嘢；反思自己嘅態度，處事模式，唔好求求其其，努力變成一個更強大，更好嘅人，極老土講句，每個地方都會學到嘢，就算第時唔留喺教育界，學咗嘅嘢係可以 transfer 的，做到嘢嘅人去到邊都可以發光發亮。多啲思考，令自己進步，先可以改變現狀，知道人生其他可能性。

加油喔阿 may。

【書展】
聽日開始書展，有得買我有份寫嗰兩本小學英文故事練習。

噚晚同朋友討論，做小學老師會成日唔覺意為啲無謂嘢激咗氣。

例如啱啱改英文作文嘅改正。有個學生根本成篇文都唔 make sense，平時 read aloud 都知佢平時講英文都入唔到腦，睇完 unschooled 就知佢根本未適合學外語。括咗佢篇文其中一句，叫佢改，叫做有啲貨交俾上頭。

點知佢抄返晒全篇無意思嘅文。我叉走嗰啲佢完全無視都照抄埋。
我一望到就燥咗。

個腦彈咗把聲出嚟：「阿 may，你唔係不嬲連功課呢樣嘢都唔認同㗎咩？做乜會激咗氣？做乜驚查簿低分？啲 writing 評語，你寫到每個學生一段，最後都係因為收唔齊，一堆人識講唔識寫而低分㗎啦？你不嬲都係唔理佢把尺㗎喎。你唔係話預咗㗎咩？」

Oh right.

Then 呢啲 moment 因為學生行為問題，功課問題，態度問題，每日 loop 幾百次😂 又會見到同事因為呢啲嘢激氣，但激到好似理所當然，理直氣壯🤔

幾個月前有同 friend 講，覺得自己係隻青蛙，同緊一堆 school of fish 工作，然後對住堆魚類同事，覺得佢地唔明水以外嘅生活， 做到 r 晒頭。

諗緊下年仲做唔做學校。

-may

【學校作文，要學生寫用根本唔會識嘅 setting，點算好？】

小學英文作文，要教三年級學生，作一篇南丫島一日遊。

莫講話因為疫情，成個特別假都可能喺屋企，乜都無去過；依家我班小朋友，連見識比較多嗰堆，放學、週末，隨時本身都係喺補習社渡過，頂盡落堂出街食餐飯，就返返屋企，幾可去南丫島？更多連父母都一個星期只見一兩次。要寫南丫島，邊有嘢寫？

作文工作紙唯有俾咗一個 word bank 佢哋，由去海灘食海鮮買紀念品到食阿婆豆腐花嘅英文都俾埋。高層提一定要教用 simple past tense，俾埋 tense table，「考試要考嘅嘢，我地一定要教呀。」

好似都仲未夠 -- 叫小朋友寫一個自己未去過嘅地方，黑白嘅圖、相加文字，真係夠？
係得返六堂教，但真係要全部用嚟教點寫句子，咩係一個故事嘅 problem，但學生完全對南丫島無概念，啲嘢講完真係會入腦？

於是就諗起常識啱啱教完用 Google Maps，決定帶佢地行南丫島一次。

首先開個衛星圖，見到成個Y字嘅島，問，The island is surrounded by the sea! How can we go there? 即刻三四個人答到 “Go by ferry!”.

然後就睇有咩可以做。整個街景人仔落去一個海灘，大家講到 sandcastle, play with sand, swimming；再去埋風采發電站，行去個發電站條路佢地睇 -- When do we walk on roads like this? "行山！" “What is that in English?” “Go hiking!“ 身邊的 NCS 學生立即幫忙。

好似一由衛星地圖，掟個黃色人仔落一個位睇街景，就會所有一至四年級學生都精神亢奮，萬試萬靈😂

之後先講題目，解咗看圖作文啲圖，然後講可以寫咩句子，有大大力提可以用 word bank. 結果大家都係用返我開 Google maps 嘅時候講過嘅字，我都唔知好嬲定好笑😂😅

其實呢啲操作，都係喺由常識堂行去上英文堂嗰一分鐘諗出嚟。

覺得喺學校教書，最重要將好 mechanical 嘅英文 grammar，writing 知識等等，連返落一個小朋友識嘅世界，有個好清楚嘅 setting / context；
知佢地會有興趣，收到入腦先同佢地講，唔好為做而做。
語言唔係喺一份卷要填啱幾多個窿，而係用嚟行入其他人世界嘅工具喔。
就算班小朋友唔識點寫英文，最後作文又係欠交，但假如記得同 miss may 上堂有個地圖可以去咗睇海灘同風車，好開心，都算係咁吧。

-may

【最近嘅兩個體會 -- 隨時救返條命嘅基本情緒急救知識】

好懷念之前，會煩惱嘅嘢，係點樣可以教好啲英文，教小朋友認識世界。結果依家煩緊嘅嘢，令我知咗好多人，甚至教育界，都無情緒輔導，情緒急救常識。

經歷咗最近嘅事，好想同大家講兩樣嘢：

1）先安撫情緒 (emotions)，情緒過渡先開始講理 (reasoning)

之前有講投訴、調解嘅 post 系列，都講面對負面嘅事件，會有想法 then 感受 then 負面情緒，而當一個人仍然深陷喺情緒之中，係無得傾，講道理會聽唔到之餘，仲隨時會反彈。

要安撫時，大家可以唔好怕 dead air，等到個 emotion 過咗再講，亦可以多啲用「我依家見到你都幾激動，之後可能會好攰，不如遲啲先傾？」etc 安撫 (上網大把 resource)，然後約過再傾。

2）唔好即時否定當事人嘅想法同感覺

千萬、千萬唔好講：
「你頭先都仲好正常㗎喎，點解你依家噉樣嘅？」
「你唔好喊啦，唔好噉啦！」
「你請假去睇醫生啦！」（明明當事人覺得對方搞到自己情緒不穩）
（笑著說）「吓？你驚呢樣？邊會呀？」

諗下有啲咩認同嘅說話，做陪伴／平靜角色：
「嘩，睇嚟真係幾大件事喎。」
「喊咗出嚟係好啲嘅，我會陪住你。」
「我見到你真係覺得你好驚，或者好 overwhelmed，覺得困擾呀。」
「你依家想我聽你講，定係俾解決方法你？」

語氣要平淡温和，有需要就 firm 但都要 calm。

==

大家都去學習一下情緒急救好嗎？對住學生、家長、同事, 有呢啲基本情緒常識, 先至傾到嘢, 帶嚟嘅影響亦都生死攸關。

附上刁難投訴工作坊抄返嚟嘅 notes, 係一個面對任何刺激到情緒嘅時候，好多人都會進入嘅一個 flow。

啲中文唔係直譯，而係我對呢個 flow 嘅理解。
祝大家身邊人有 feelings 的時候，可以幫到佢地，盡快 re-entry。

-may

【只要活用到，重重覆覆都無問題】

「英文堂有咩好玩啫，咪又係重重覆覆！個老師講嚟講去都係個 Unit 嗰幾句嘢，堂堂都係咁悶，咁上下㗎啦！」

嗱，小朋友學英文，就真係要重重覆覆先入到腦嘅。但係要點先可以重覆，但又唔悶呢？

睇睇例子：

有一日，有隻松鼠喺樹上望住河邊乘涼嘅鱷魚，無聊起上嚟，就講：

🐿: 鱷魚哥哥，假如我都可以好似你咁，游水咁叻就好啦！

鱷魚諗咗一諗，就答：

🐊: 不如我揾日教你呀！我最鍾意幫朋友㗎嘞！下星期你邊日得閒呀？星期一 ok 嗎？

🐿: No, sorry… I play basketball on Mondays.

🐊: Okay then… Shall we go swimming on Tuesdays?

🐿: Sorry, I can't go… I have guitar lessons on Tuesdays.

🐊: … What about Wednesday?

🐿: On Wednesdays I do the shopping.

如是者問到星期四問到星期六，松鼠都係日日唔得閒。

🐊: (開始問到攰) Are you free on Sundays…?

🐿: Oh yes! I am free on Sundays!

🐊: (即刻精神返晒，又流晒口水咁) Ok! We will have our first swimming lesson on Sunday then!

===

我估有啲二年級家長同英文老師直情講得出係教緊邊一課 grammar。

點解噉樣就會唔悶？因為有故事，有劇情，啲角色重覆啲句子係有原因。

鱷魚要係咁逐日問，因為佢真係好想食咗隻松鼠；
松鼠喺度逐日答，因為佢真係蠢，唔好話睇 schedule，連自己就嚟俾人食都唔知。

投入咗個故事，重覆喺劇情上有需要，就唔再係操練。

咁樣教，唔洗講 simple present tense 係講 "habit"，講啲小學生一定唔會明嘅定義。
有個故事框住，小朋友自自然然會明，啲活動係每星期都要做。

個故事無故仔書，但揾啲松鼠圖，揾幅鱷魚圖，整個 PowerPoint 就講到。

講第一次嘅時候，直情唔應該解 grammar，因為故事先係重點－－
你自己休閒閱讀嘅時候，會唔會一嚟就喺度睇啲句子文法啱唔啱?
問下小朋友，鱷魚有咩企圖，最鍾意咩角色，你自己星期幾做啲咩咁；等小朋友學識享受睇故事。

之後先攞故事入面嘅句子出嚟，畫返個表，講邊啲字會擺埋一齊；再慢慢延伸去造句，寫自己版本嘅鱷魚松鼠故事等等。
有意義地重覆，就會自自然識咗所謂 "grammar"。

-may

功課要學生寫 ‘I'm good at # # #’
有學生問我「吹牛」嘅英文係乜
我答 “bluffing”

之後我收到

"I am good at bluffing."

Hmm 想問佢係咪吹緊水？

其實呢，叫啲小朋友
「聽得明點點頭」嘅老師

知唔知啲小朋友係知要點點頭
但可能唔知咩叫「聽得明」，淨係知要點點頭？

問「明唔明白」又係同一個效果

#有時聽完其他老師講嘢我會諗佢講咗啲乜

【問 IT Support 之前，請睇以下 Checklist】-- print 出嚟貼喺枱頭

依家仲會唔會突然第日就係視像課? 無人知。
只係知道一大堆嘢已經上晒網, 理所當然係用電腦, 上網, 新方法, 新器材, software 去解決。

好自然好多人 catch up 唔到。IT 部多咗一大堆嘢要做。
幾個家長一上唔到視像課, 就一齊打返學校；有啲仲二話不說捧住部機向學校衝。解決咗上堂問題啦, 又唔識網上交功課。
永遠都有幾個老師, 特別多 call IT 協助, 事無大小就捧部機上 IT 房, 衝去 IT 組負責老師個位。
然後 IT 原來仲有十萬樣你唔知一直做緊嘅事要處理。

無論你係家長, 老師定學生, 當你個嘢壞咗, 去問 IT Support 前, 請睇以下 checklist, 做晒呢啲基本嘢先問 IT 啦~

1) 熄機再開過
解決任何技術問題, 最基本動作之一。
正如你打思噎 (打嗝) 要閉氣 or 飲啖水 reset, 或者拉鏈 kick 住嘅時候, 要試下拉返轉頭再拉一樣。

2) 啲 account log out 再 log in 過
原因同上。

3) 軟件揾到「結束」掣, 㩒完再開過
又係「閂咗再開過」原理, 但係有啲軟件㩒完交叉其實無閂過 (出名例子 Skype, Teams)。
可能要喺軟件入面去「選項」, 或者 Windows 較音量嗰個位度, 揾返個軟件 icon, 再右鍵㩒「結束」, 先係真正「閂咗個 app」。(利申我無用開 mac 機)

4) 已確認啲接駁電線已經插實
個 mon 唔著呀, 開唔到機呀, speaker 唔 work 呀, 滑鼠無反應呀, 其實都可能只係因為你未插實條線。
有個好正嘅中文成語, 叫「順藤摸瓜」； 揾到條電線之後, 沿住條線就會揾到插口, 跟住就可以 check 下所有嘢就插得實唔實, 有得扭就扭下, 睇下係咪實晒, 隨時實咗就會 work 返。

5) 已 del software 再裝過
原理同 1), 2), 3) 一樣, 只係唔想再重覆, 悶親大家。
入電腦「設定」, 去「應用程式」. 打返個 software 名落去 search 要 del 嘅軟件, 之後 double click 㩒解除安裝, del 咗之後, 上網再揾返個軟件嚟裝過。

6) 已用中英文 Google 過相關問題
你估 IT Support 逢親同電腦有關嘅問題就本身會識咩... 其實佢地唔識，都係 Google 㗎渣 lol
當然要 Google 得有技巧。我通常都會搜尋「軟件 + 問題」, 例: "zoom can't share screen with audio", 睇下頭幾個結果有冇解決辦法。中英文都可以咁樣 search, 但英文當然會多啲結果。

7) 已睇晒 IT 部製作嘅教學短片/教學文件
同事用咗時間, 整晒教學短片 / 教學文件, 叫你去睇, 你都唔喺裡面揾答案, 係咩邏輯?
啲片同說明書一樣, 唔係俾你坐定定一度煲一度抄筆記。睇說明書你可以揾自己有用嘅部分；睇呢啲片, 你都可以十秒十秒 skip 住睇, 去揾你要嘅答案；另外你同事講得好慢的話, 你可以較 1.5x 或 2x 速度去睇；去到你想知嘅部分, 你想睇返, 可以無限 replay, 較慢, 甚至暫停條片睇清楚先繼續。
我自己睇呢啲片嘅時候, 會開兩個視窗, 一度睇, 已經一度試㩒緊片裡面提過嘅掣；真係覺得有啲 point 自己會唔記得, 先會抄低啲 steps。
假如係 pdf 教學文件, 可以使用 ctrl + f 揾關鍵字, 用最快嘅速度揾答案。

8 ) 已將同樣技術問題問咗相熟朋友仔同事
嗱, 呢個就睇你人緣嘅。我本身鍾意研究 IT 嘢, 慣咗主動問同事有冇 IT 問題, 有的話隨時可以揾我；其他 area 佢地又會幫返我提點返我。見我得閒, 佢地會俾我睇睇佢地嘅電腦問題, 再唔得先就去揾 IT。
假如不嬲都無人幫開你的話, 咁你就反省下自己啦。😏

---

假如上面所有方法試晒都唔得, 真係 call 咗 IT 嘞, 喺 IT 哥哥 / 姐姐整緊嗰陣, 就唔好同其他人傾閒計做自己嘢, 應該留意下係整咗啲咩, 問下點解會壞, 個解決方法其實係咩；影相/用筆記記低解決方法, 下次遇上同樣問題, 自己解決, 下次再有同樣問題就慳咗一堆人嘅時間。關心下人地其實做緊啲乜, 其實都係禮貌嚟, 可以俾人感受到一份尊重。

-may

【教 grammar 要留意嘅 3 樣嘢】
-- Professor 話我中學男神老師教 grammar 有問題，令我心靈大受打擊

阿 may 中學男神英文老師身形高大外貌標緻，英文口音純淨，字體秀麗，當年令不少同學趨之若鶩，話要珍藏佢筆跡等等。
好記得當年知道係佢教我班英文，全班都非常期待，有人話係因為佢靚仔，亦都有人話佢真係教得好。

好記得佢第一堂入到課室自我介紹，講過一句說話: "Nobody explains grammar better than I do in Hong Kong. Nobody!"

講到好誇張咁，但佢啲堂又真係幾正嘅。有時有遊戲玩，有時討論時事，第一次睇蕭叔叔啲片，就係佢喺堂上播俾我地睇，堂堂都覺得學咗嘢。

去到我上師訓堂嗰時，開始學教 grammar，professor 最興就係賣關子；一嚟就俾六七份教科書內頁活動我地，叫我地討論啲方法有咩好處壞處，係咪有效等等。

其中一份教材，就係寫住男神老師同我地玩過嘅 grammar 遊戲 － 用 if 句子嚟接龍。好記得玩到全班都笑死咗： If I win Mark Six, I will buy a yacht. If I buy a yacht, I will have parties on the sea. If I have parties on the sea, I will meet rich people... 男神老師都用嘅教學法，梗係無問題啦！

「吓，阿 may，你覺得呢個活動 ok 呀？」professor 當時聽完我講，好驚訝咁望住我，做開 teacher's pet 嘅阿 may 頓時心一沉。

之後 professor 就開故 －

一個好嘅 grammar 活動，教一個 grammar item (其實任何 language item 都係)，會教齊三樣嘢：

1) Form (個樣)
2) Meaning (意思)
3) Use (點用幾時用)

男神老師嘅活動，幫緊我地練 If... I will...，只係幫緊我地記個樣 (Form)。雖然全班都係已經明咗意思 (Meaning) 之後先玩呢個遊戲，但係咁樣接龍用出嚟 (Use)，就有啲奇怪。現實中除咗玩返同一個遊戲之外，仲有啲咩情況會咁樣接龍？連中文講「如果」嘅時候，都唔會咁講。

Conditional sentence 有好多用途，可以用嚟解釋因果關係，又可以用嚟做承諾。好似係啲一講就明嘅嘢，但係教嘅時候假如加埋一個會用到嘅情境，學生嘅理解就更完整。

呢個接龍 game 一上網揾 "conditional sentence lesson idea" 例牌會彈出嚟，依家就話俾大家知，實實在在諗個情景嚟示範點用，或者講個有 if 句子嘅故仔，事半功倍。

(利申男神老師係阿 may 心目中都仲係男神，因為佢好人，靚仔係相由心生。做老師，真係最緊要呢樣。)

-may

【一間英文科無再用教科書, 改為全部用「課外書」教學嘅小學】

其他學校唔 make sense 嘅時候，呢間學校揀咗做 make sense 嘅事，所以攞咗卓越教學獎。

我將佢地理念分析寫晒喺每張圖嘅簡介裡面, 大家 click 入每張相度睇。

Source: 《卓越教室：多讀多講》by RTHK

-may


#香港教科書問題

【睇咗個超正嘅小學英文 sharing，忍唔住出 post 先】

假如話學英文好似學游水咁，大部分香港學校嘅玩法，係唔落水，日日喺操場練游水手勢，教晒所有轉身撥手嘅角度，然後一年有一兩次，落個浴缸度考試。就咁樣學十二年，然後叫你出海游水，跟住慨嘆啲學生出到海有8成人都浸死，點解咁唔掂。

報導嘅呢間小學好唔同，睇完我覺得佢係真係一年級落水游 BB 池，游到六年級個個都係標準泳池泳手。

呢間學校直情唔用英文教科書，全部用「課外書」教學。

個節目最後訪問咗個學生家長，個家長話驚學校一二年級唔教 grammar ，擔心學生唔識，買咗練習俾佢做。個學生依家睇英文小說睇上癮，話要學多啲生字大個做作家，書架成堆練習全部無掂過，空白。我睇到笑咗出聲。

假如要我接管一間學校嘅英文部，斷估都會係咁搞。

(遲啲再 share 佢裡面啲理念。真心，睇到直情想全部訪問內容 copy 出嚟出 post。其實無咩特別，只係全部學校都唔 make sense 嘅時候，佢揀咗做 make sense 嘅事。自自然攞卓越教學獎。)

-may


#香港教科書問題

【改變晒阿 may 對教育睇法嘅一段對話】-- 咩為之一個好老師

關於做老師呢一行，有個連學者都研究嘅現象:

同其他行業唔同，我哋唔會全部人都由細到大對住醫生律師，但係大部分人會喺學校望住唔同嘅老師大。所以就會全部人都會 (以為自己) 對教書呢行好了解。結果個個準教師都話，一返自己母校教書，對學校嘅舊有理解 / 幻想好似督爆個泡泡噉，督穿晒。

泡泡爆破，發現真相慢慢 settle in 嗰種感覺，overwhelming 到我依家都仲懷疑係咪一場夢。

阿 may 試過。

阿 may 大學畢業完 sem 係星期五，跟住個星期一，就被英文老師班主任揾咗返中學母校代一個月課。

中學時期阿 may 將啲老師分咗做三個 level，包括係「人」、「神」同埋 「其他」。本身已經知做「人」level 嘅老師都係勁多行政工作，所以好想知啲「神」係點做嘢 -- 點樣可以上堂全部學生都全神貫注，而且堂堂都覺得學咗嘢 (就算唔記得咗教咗啲乜，都會有呢個感覺)。

結果就見識到啲「人」同「神」點做嘢 -- 佢地有人做到 7 點鐘已經返到學校然後起勢打緊字；有人做到有樽咖啡粉開咗蓋插住支羹長期擺枱面；有人做到要係噉講無聊嘢講電話一路做嘢抒壓；做到重感冒，打鐘前一刻都仲趴喺枱昏迷緊，一打鐘即刻彈起身去上堂。

工作排山倒海，教員室好細好迫。我啲人級神級老師咩都做晒，我自己就唔知頭唔知路，見住自己老師咁犀利，就更覺得自己差，壓力大到唔單止失眠無胃口，仲日日手震心跳。最後啲嘢做唔晒，要自己最尊重嘅老師去孭。

成個月草草了事，好迷惘。之後約咗做咗成幾十年教育高人前輩出嚟傾計，傾完之後一齊搭地鐵返屋企。

我同佢講晒成我啲騎呢人神分類，同埋個人感受：
「死啦，嗰啲神級老師，真係有種老師魅力，攞到晒全世界 attention，我完全解釋唔到... 但我連普通魅力都無... 我遲啲真係會變 "其他" 類老師，俾啲學生笑住憎一世，點算好...?」

佢當時答我：「點解你覺得老師一定係要攞晒全部人嘅 attention，先教到書? 點解你覺得一個老師，一個好嘅人，一定要俾學生好似神噉樣仰慕，先係一個好老師？」

阿 may 從來無噉樣諗過。地鐵車廂呢一刻開始郁，啲燈光好似拍戲噉。

然後佢就同我講晒佢個仔讀蒙德梭利 (Montessori) 學校嘅成個設計話晒俾我知。嗰十五分鐘，我對教育嘅想像，好似開咗道門，去咗第二個世界。

原來有課室可以擺好晒唔同活動俾學生自己玩住學，老師只係從旁輔助。
學生日日都可以決定自己想做啲咩。
原來老師可以唔駛 full control 晒全部學生。
「你知香港主流教育，啲師生 dynamic，係錯晒㗎呵？」
我聽到呆咗喺度。

Follow 咗 Montessori, Sudbury 等等教學模式嘅資訊之後，依家返工，阿 may 日日都聽到自己同事講啲佢哋覺得理所當然，但阿 may 次次都會質疑嘅嘢：

👩🏻‍🏫:「啲學生喺我面前，夠膽傾計，唔坐直？」
🤔: 噉樣同小朋友相處，係正常，有利佢哋成長嘅人際關係嗎?

🧑🏻‍🏫:「佢個仔唔交功課又唔返學咁耐，遲啲咩字都唔識寫㗎啦喎。」
🤔: 噉佢真係返晒嚟，又學到幾多? 佢真係交到功課嘅話，其實又係邊個教佢地做?

👩🏻:「阿 may, 點解啲學生喺你堂，答 I don't want to answer 就可以唔答你問題? 佢地唔可以噉樣放棄學習㗎喎!」
🤔: 點解學生唔可以有選擇權? 佢 say no 可能有好多原因，點解噉樣就代表放棄學習?

但見身邊嘅人討論呢啲事嗰陣，都係毫無疑惑噉樣講嘅時候，阿 may 唯有一齊點頭先。
總係會有一個方法，係老師開心，學生又開心，最後又學到嘢嘅，對嗎?
要增加自己嘅見識，要想像到唔同嘅可能性，要嘗試實踐出嚟。
最近發現答案可能係 unschooling。

每次聽住啲同事、高層討論學校、教育，阿 may 好似自己喺第二個世界噉。
之前有時會開始諗，係咪我有問題。
依家我 certain 好多了。

-may

【大家都理所當然覺得返學就要做功課, 但做功課嘅意義係乜?】

就算你係對功課係無感，甚至係支持有功課，都希望你會睇晒呢個 post。
我唔想呢個 post 只有反對功課嘅人睇到。
===
⭐⭐⭐
「學校功課嘅唯一功能，就係由細到大潛移默化噉話俾小朋友聽，返到屋企仲要做工作嘅嘢，仲要 OT 係正常嘅事; 教識你你返到屋企都唔會逃避到工作。」
⭐⭐⭐
===

我第一次睇到呢個 quote，同不少人見到「 不願小朋友成為功課奴隸」個群組名一樣，都係覺得激咗啲嘅。但呢個 quote 嘅頂，係一篇學者寫，有晒 research，寫到明功課完全無用嘅文🙀

係咪都係得一個學者自己好激噉樣講？決定去維基百科 "Homework" 嗰一頁碌下 -- 結果成頁第二段，已經講緊研究指出功課對學業成績無幫助，同埋係學生老師家長嘅常見壓力源頭, 其中有幾段, 仲要係 cite 緊幾個喺香港做嘅研究😑

===
究竟學者話功課點無用法？睇咗幾篇文，主要 points 如下：

1) 功課對小學生整體學業成績完全無幫助

除咗上述嗰個大大力反對功課學者之外, 另一個支持小學有功課嘅教育學者，翻查舊 source 兼做研究, 都揾唔到功課同學業成績 (achievement) 嘅 correlation (留意仲要唔係因果關係 causal relationship, 而係講緊兩個 data 只係同時一齊加一齊減都無);
有個研究揾咗 50 個國家嘅成績同功課量做比對, 竟然仲要揾到係 negative correlation, 即係做得越多功課, 成績仲要反而差咗 lol
當然有試過做研究, 係 set 學生做完一個課題嘅功課，第二日即刻 test 返同一個課題嘅嘢, 有做功課嘅人就真係好過無做嗰啲，但就只限於個 test 高分咗。個研究時間一放長，講返係持續嘅學業成績, 又變返無關係。

2) 小學生腦部根本未發展到可以應付功課

直覺可能認為, 就算做完功課都學唔到嘢，小朋友都應該習慣咗做功課先，等佢哋培養學識時間管理同「延遲享樂」(delayed gratification)。
但係無論有冇做過功課，純睇腦部發展，明顯一個 12 歲嘅小朋友嘅時間管理, 都會比一個 7 歲嘅小朋友好;
而且就算無咗功課，小朋友都可以安排要做其他嘢嘅時間，例如玩同探索嘅時間。
極度反對功課嗰個學者話, 點解要一個一年級小朋友返咗學成日，喺發展上係需要郁，想玩嘅時候，迫佢哋放咗學仲要坐定定做晒啲功課去?
佢亦指出無任何研究證實到小朋友做咗功課 = 小朋友學到點學習 / 培養到好嘅學習習慣。

3) 研究指出做一樣嘅 *次數* 同 *時間長度*, 其實同做嗰樣嘢嘅表現無直接關係

運動訓練，要練 muscle memory 嘅嘢，當然係要操。
但當要做嘅 task 越講求要創意同理解, 次數同時間長度就越唔關事。研究指出，學生喺呢啲 task 可以成功，「質」比「量」重要, 而個「質」係「學生覺得自己同個 task 嘅關係有幾深同 (情感上) 參與度有幾高」。
好 common sense 的結論 -- 你出廿萬份功課，學生係唔想做，好憎做，然後想快啲 get over it 嘅話，就會亂做，覺得啲功課係阻住佢過活，然後討厭讀書;
你只係整一個佢覺得有趣嘅 task，但佢做嘅時候上心又開心，佢學到嘅嘢一定比起嗰廿萬樣功課多。
假如某堆功課「好有用」，但會搞到個小朋友憎咗成科，甚至以後都討厭學習，噉啲功課其實就幾「有用」， 長遠都無用。

4) 落咗堂嘅時間就應該係小朋友「自己嘅時間」

應該無乜大人鍾意返到屋企都仲要諗返工嘢。噉點解要小朋友返到屋企都仲要諗學校嘅 task?
Share 個學者條 link 同個 quote 嘅職業治療師話，小朋友返到屋企，可能有要玩嘅時間、同朋友相處嘅時間、放電時間、課外活動時間, 甚至可能返到屋企要幫忙照顧有需要嘅家人等等。
佢認為學校安排功課, 就係擅自攞緊學生嘅私人時間嚟用。

5) 交齊功課做啱晒返嚟嘅學生, 其實做完份功課無學到新嘢; 然後唔識做功課嗰啲人, 其實出咗功課都係會唔識做

阿 may 覺得呢個位係最唔 make sense。
兒童發展專家話，操練式練習功課原意係幫唔識做嘅小朋友，但其實好多小朋友做完都係唔識做。
對呢啲小朋友嘅壞影響包括: 係噉提佢哋係「蠢人」，所以先會唔識做; 繼續用錯嘅方法做多幾次然後學得更差; 習慣唔要隱藏自己唔識嘅地方，或者抄功課; 令佢哋以為有啲嘢唔明，就係會一世唔明。

有學生唔明題目點做，就更應該喺學校有專業人士 guide 住佢做 -- 點解要等佢返屋企，最大機會無人可以幫到佢嘅時候，先要佢做一份佢根本會唔識做嘅嘢呢?

然後就衍生功課加大貧富差距嘅議題 -- 因各種原因，afford 到課後 support 嘅，做功課有人教住做，就真係學到嘢; afford 唔到，然後又唔識做嘅，就更多嘢唔明，然後就更唔想學嘢，成績就越差。

===
嗱，上面啲論點，阿 may 係睇到有啲盲點嘅:
🔸所有提到嘅功課都 assume 係啲好悶同好多小朋友望到都唔想做嘅功課。
但假如當 homework = 所有要返屋企準備嘅 task，噉又會點呢?
即刻諗到英文堂經典活動 show-and-tell，其實已經要學生喺屋企準備一嚿嘢帶返學，兼諗定點講;
常識堂叫你放咗學去觀察下社區，睇下屋企附近有啲咩嘅環境回收設施呢? 都唔似會好悶嘅 task, 都好似課時後先可以做到。

🔸假如好理想地，真係有間學校做到，學校係小朋友生活嘅一部分，噉「返屋企係自己時間」嗰個 point 就可圈可點。
好多工種, 返工同放工嘅時間都唔係噉 clear-cut; 我哋個 page 亦覺得學習應該係一個生活態度嚟，覺得咩生活裡面咩都可以有趣，咩都有嘢值得探索;
喺學校可以分享生活嘅嘢 (show-and-tell), 返到屋企又用返學校嘅嘢, 都幾 make sense 呀。

不過, 好多校本要求嘅功課，研究完發現其實對學生都無乜用, 無辦法明確嗡得出份功課係點幫到學生，又會削弱學生學習興趣。

例如出咗 penmanship (英文抄書) 俾弱生, 其實都無明確講到可以點幫到佢哋 -- 佢哋抄完, 唔會令佢哋下次見到另一個生字嘅時候，知要點樣拆字嚟記點串; 唔會學識個字嘅讀音同個英文字不同 chunks 嘅關係，但又要佢哋抄，抄完出嚟只係串啱又唔識用，但又要做，噉就好唔 make sense 啦。

反對功課嗰個學者都明唔可以一下子就即刻實踐到佢願景 (i.e. 直情中小學都無功課), 寫咗幾樣家長．老師應該做嘅嘢，其中一個大前提我好 buy ，就係俾學生揀，聽學生嘅意見。學生心甘情願返屋企 prep 個 show-and-tell 俾你，係因為佢想做，自己會揾時間嚟做。

希望大家一齊顧小朋友感受。做佢哋都覺得得意嘅嘢。

-may

12 Tips for Online Teaching -- Derived from Education Psychology Research!

Tons of people need to make online courses and switch to online teaching because of COVID.
A group of Educational Psychology scholars made a research poster with 12 tips for online teaching. The tips are incredibly useful so I turned it into a flashcard / slide show thing.

Share it with people who are teaching online!

Links to sources listed in comments.

by Stoo Sepp, Mona Wong, Cristóbal Flaco Casto, Vincent Hoogerheide

“Shifting Online: 12 Tips for Online Teaching Derived from Contemporary Educational Psychology Research” by Stoo Sepp, Mona Wong, Vincent Hoogerheide, Juan C. Castro-Alonso is licensed under CC BY-NC-SA 4.0

【12 個教育心理學研究認證 -- 網上教學技巧】

我估呢兩年教師培訓先會有教視像課有咩要留意, 隨時好多大學老師都未必識呢啲技巧, 因為全世界都係啱啱識, 老套啲講句--「教育新常態」。

我整咗一張圖一個 / 幾個技巧, 有時間的話整埋英文版。
原 post link, source 見 comments。

Source: Stoo Sepp, Mona Wong, Vincent Hoogerheide, and Juan C. Castro-Alonso, Daniel Chen

-may

【做前線接投訴嘅人, 原來要講不少大話】
去咗個教師工作坊, 學前線人員接投訴嘅實際技巧 (處理投訴 2/2)

喺特別假嘅開頭, 上咗「前線人員處理投訴的溝通技巧工作坊」, 導師直接講咗一堆可以直接用嘅對白, 俾晒例子講埋要幾時講, 非常實用。

為咗令投訴嘅人情緒唔再蘊釀, 工作坊亦都教咗幾個要講嘅善意謊言... 明明好 common sense, 但佢講完我先醒起, 係喎, 點解我之前唔咁樣答? (但呢個 post 俾投訴者睇完, 啲技巧會唔會再被破解一次 lol)

Case study 環節講者鼓勵大家講返學校出現嘅投訴事件, 全部老師都不約而同噉講好驚疫情開學嘅安排會令家長、老師都好多疑惑同不滿😞 非常時期, 希望大家都會互相體諒啦。

最覺得學咗嘢的 points 如下:

🔸做前線第一個接投訴嘅人, 緊要過處理投訴本身, 因為係會否搞大件事嘅關鍵位。

🔸喺商界做 service training 多年嘅講者話, 「客」嘅投訴原因, 永遠無法想像, 例子包括 M 記街坊會投訴自己坐開個位被人坐咗 🤯 講者話學校老師處理家長嘅投訴一定無咁棘手, 因為個學生不能貿貿然退學, 家長會想同學校維持良好關係 😂

🔸最可怕嘅投訴人, 係時間比你多, 可以同你慢慢玩嘅人。

🔸受壓嘅時候, 會有 fight or flight effect, 投訴緊嘅人都一樣--有啲會大大聲好惡; 有啲會突然好靜, 或者突然走咗去。唔好以為後者好平靜 = 件事已解決, 其實情況可能比更極端, 靜完下一步可能已經係揾最高層嘅人投訴。

🔸要講嘅大話 1: 所有投訴都要扮係第一次聽。
對白:「呀, 係? 乜有噉嘅情況呀? 」「可唔可以講返件事俾我聽?」

因為每一個家長其實都係獨立個體, 唔會知你有其他收到同類投訴。當你反射動作地答:「哇, 幾個家長都噉講喎!」噉就穿咗崩。
再者, 就算每個投訴個開頭一樣, 但聽落去之後可以好唔同。唔好俾家長感覺你一嚟就自己覺得你知得多過佢, 會俾人敷衍嘅感覺。

🔸(可能)要講的大話 2: 明知滿足唔到對方要求, 都要扮「問過先知唔得」最開頭 don’t say no, say what you can do.
對白: 「等我同 xx 了解下, 我問完 x 點再打返俾你可以嗎?」「你呢個要求, 我未 sure 得唔得, 我再 confirm 下先, 依家答你唔到住, 不如我聽日 xx 點再俾返個電話你?」

顯示自己已經盡過力處理, 同埋答應會覆, 令投訴者覺得受尊重。
不過答應咗就唔該真係要喺嗰個時間前覆電話😂😂

🔸一個可以記住嘅技巧:「每個動作都徵求同意」。以侍應做例子, 收碟之前, 有先問過客啲嘢好唔好食,寒暄幾句, 問清楚食完未先收碟, 個感覺有禮貌好多。

🔸處理投訴嘅大方向, 係令投訴者覺得受尊重, 處理實質需要同時滿足對方心理需要, 建立信任。

🔸覆電話投訴, 要主動約覆電話嘅時間攞主導權, 避免對方狂 call。對白:「你俾少少時間我, 我喺 xx 點前俾返個答覆你, ok?」
注意答覆不需要等於已跟進, 可以只係覆返個 call。
如果喺約嘅時間之前, 已經知跟進唔到, 可以早過約嘅時間少少已經打返俾對方, 對白: 「因為 xx 跟緊 xx, 我哋仲處理緊, 我 xx 時間再打俾你, 噉樣可唔可以?」記住徵求同意。

🔸有種投訴人會講一大堆粗口, 好得人驚, 或者煩到你都燥埋。呢個時候, 要想像情況係武館有人上嚟踢館, 而自己要好似大師傅噉氣定神閒😂
自己都驚的話, 先深吸一大口氣, 呼氣嘅時候變成一個笑容, 然後順住道氣講: 「係, 我有咩可以幫到你~?」
粗口繼續的話: 「先生, 你繼續講粗口, 我幫唔到你㗎。」

🔸投訴處理 5 步驟: 安撫情緒, 傾聽提問, 分析期望, 邏輯表達, 盡快完成。Point: 未處理情緒, 咩都處理唔到。可以邀請對方揾個安靜嘅位坐低, 講俾你聽發生咩事。

🔸高大人士適用: 伸手出嚟, 好 firm: 「先生冷靜啲, 有時慢慢講。」

🔸記住處理投訴, 衝突, 都係想 win-win, 要睇返投訴人嘅關注事項, 同學校有咩共同點: 其實學校同家長一樣, 同樣關心小朋友嘅安全同學業。用 active listening 技巧細心聽完家長嘅需要, 提返你作為老師 / 校方其實有同樣嘅擔心, 都係緊張小朋友, 會有助解決到問題。

🔸「唔肯 / 唔想打針」--> ❌, 「唔適合打針」--> ✅

工作坊仲有提問要訣, 聆聽技巧, 篇幅所限唔詳講。
阿 may 上完三個鐘嘅堂, 無覺得浪費時間, 仲覺得喺同行之間學咗嘢。極度推薦。
講座內容有版權, credit 返作者: 駿杰專業培訓集團有限公司

大家開學前驚會有咩投訴? 又處理過啲咩投訴? 一齊傾下點解決~

-may

【點樣處理無理刁難嘅投訴】-- 有用嘅教師工作坊筆記 (處理投訴 1/2)

話說放假之前教育局搞咗個教老師處理投訴嘅工作坊, 想參加嚟出 post, 但個工作坊時間竟然係上課天嘅朝 9 晚 5, 一諗起自己無晒啲堂會教唔切書 (趕唔到進度), 即刻放棄。

但之後竟然喺學校嘅 server 揾到份 scan 咗嘅 PowerPoint notes, 即刻撳嚟睇。嘩, 竟然覺得學咗嘢, 處理投訴之外, 仲講到對職業應有嘅態度。
個 workshop 內容好似教師以外行業都幾啱用, 阿 may 即刻 mark 低要出返個 post。

最覺得學咗嘢的 points 如下:

🔸各方情緒會影響成個溝通氣氛, 你嬲嘅時候人哋易嬲, 你開朗嘅時候人哋都易開朗; 保持正面情緒能夠令雙方都傾向合作同接納。

🔸發生咗令人不快嘅事之後, 當事人會知道事實 (Facts), 然後有想法 (Thoughts), 然後因為呢啲想法就可能會陷入情緒之中, 而當陷入情緒宣洩之後, 其實就會咩 problem-solving 嘅方法都聽唔入耳。呢個時候唯一可以做嘅嘢係保持得體同正面。阿 may 諗起有人講過一個聽朋友講心事嘅小貼士, 就係聽之前, 先問人: 「其實你呢一刻係想人陪你, 定係想我幫你諗解決方法?」等當事人心情平伏後再處理。

🔸”How you say it” 嘅影響大過 “What you’re saying”。文字語言等等只係影響到溝通效果嘅 7%, 但語調佔 38%, 肢體動作佔 55%。

🔸人際情緒遙控器: 有分「好感掣」同「發爛渣掣」。
「好感掣」包括稱呼, 得體身體語言 (點頭, 微笑, 視線水平), 以及明白同關心實際需要;
「發爛渣掣」包括: 厭惡, 質疑嘅態度, 大聲, 大動作, 同不恰當尾音 (囉, 啦), 經典引人發爛渣對白「唔好意思囉」「你明唔明呀?」「你唔高興可以投訴㗎!」等等。

🔸展示同理心: 因為喺入咗情緒階段之後, 其實咩解決方法都唔會聽得入耳. 所以要用「反映式傾聽」句式, 以顯示你明白對方嘅感受同體諒對方嘅難處, 用返情緒詞彙嚟形容對方嘅心情。例句: 「我明白你(心急), 希望(校長可以快啲回覆)」「知道你之前努力咗咁耐, 依家嘅結果一定好難接受」

🔸得體表達婉拒三部曲:
🔵第一步--同理溝通: 為不便致歉, 顯示明白對方嘅需要, 展示你自己嘅困難
🔵第二步-- 解釋「正面因素」(用普世價值解釋, 例如抽籤係為咗均分資源; 先到先得係為咗令更鍾意同緊張個活動嘅人報到名) , 「結構因素」(客觀準則, 例如校規制度, 自己都無話事權) , 令對方明白限制
🔵第三步--鋪落台階: 提供建議, 感謝意見

🔸工作的快樂層次 (阿 may 睇完呢頁 wow 咗一聲)
🔵最高係「志業」(calling), 覺得工作帶嚟*使命感*, 係人生意義, 覺得服務緊信念同社會
🔵其次係「事業」(career), 覺得工作帶嚟*成就感*, 做嘅時候覺得有個人增值, 有晉升機會
🔵最低就只係覺得係 「職業」(job), 覺得工作帶嚟*安全感*, 有糧出, 環境好穏穏定定, 但其實好多人都係噉就滿足, 阿 may 覺得噉樣都係快樂人生嘅一種。
最後令人投入工作嘅元素係*歸屬感*, 有班好同事一齊作戰, 其實都可以令人多啲心機返工。

🔸優質服務心法: 保持平常心; 著重解決問題而唔係要「贏」; 不攞彩, 不記仇; 鍾意份工 (講就容易 XD ); 不埋身不上心, 放工時要百分百放工。

---

我覺得成份筆記好似將一啲 common sense 嘅待人接物技巧 + 職場心態整理好, 所以幾有用。仲有成個衝突處理模式框架, 但因為篇幅有限, 加上阿 may 又無親身去過個工作坊, 所以呢度 skip 咗。

問返去咗個工作坊嘅同事, 佢話除咗筆記內容之外, 全程就係不斷 case study, 但係過程係有趣嘅, 覺得無浪費咗一日。我會將 eservice 課程名稱擺留言, 方便大家 search 同報名; 另外份筆記有版權, 我想 credit 返作者: 盈力僱員服務顧問

唔知你現時嘅工作係咩, 個工作快樂層次又係邊層呢?

-may

【點樣處理 r 晒頭嘅衝突】-- 調解技巧工作坊筆記

話說今個學年發現教育局外購咗一大堆投訴同埋調解工作坊俾老師上, 之前擔心教完書仲要去上堂會攰到 lur 地, 依家特別假又可以 Zoom 即刻毫不猶疑報名。結果有個係報咗名先發現有場係要 9-5 噉 Zoom 😅 不過無所謂, 因為... 一諗起可以喺床碌去書枱就上到堂, 就非常感恩 😂

今次講咗調解先~ 個工作坊教咗點樣覺得學咗嘢嘅 points 如下:

🔸解決衝突有三類途徑: Power (權力), Right (權益), Interest (利益需求)。用 power 即係單方面壓落另一面, 好多時係各種暴力 (我話點就點); right 就係講條例, 程序 (根據 # # # 我有權益), 問題係講 power 用錯之後好多時兩敗俱傷, 講 right 就要用好多時間。調解原則係找出雙方嘅真正 interest, 然後諗啲新方法嚟同時滿足雙方嘅需求。

🔸工作坊好多時間都係睇一啲投訴嘅 case, 然後揾當事人背後嘅真正需求 / 關注事項:
e.g. 1) 家長驚個仔沉迷打機, 唔俾個仔做電子功課, 投訴學校欠功課點解扣分
→ 關注事項: 個仔嘅成績, 用電腦嘅態度、習慣, 同作為父親對教導兒子嘅自主權
e.g. 2) 兩個學生打交, 老師處理後互相道歉解決; A 打咗 B 先, B 家長投訴點解被打都要道歉, 質疑係咪 A 家長係家教會委員而老師偏頗處理
→ 關注事項: 學生在校嘅安全, 校方處理嘅過程是否公平

🔸會發現家長嘅關注事項不外乎幾樣: 學生安全, 程序公平, 學生學業; 呢幾樣嘢其實好多時都係學校同家長嘅共同關注點。工作坊亦都講咗其他立場背後嘅關注事項: 財務經濟, 公平感, 歸屬感, 被尊重, 自主權, 公平感, 安全感, 權力慾, 恐懼感

🔸處理衝突急救箱: AIR (記住要有氣講嘢 lol)
Acknowledge 確認, 處理情緒 (唔處理就講解決方法隨時反效果)
Identify Interest 確認要求背後嘅真正關注事項
Respond / Options 提出建設性回應/方案

🔸確認, 處理情緒有幾個方法:
☄️專心聆聽, 認同感受 (acknowledging)
「感受到你由於 (情況), 所以有擔憂 / 委屈 / 沮喪」
「似乎因為 (情況) , 你都有啲擔憂 / 委屈 / 沮喪, 可否講多啲俾我聽?」
☄️重組句子 (paraphrasing): 將啲負面, 有攻擊性嘅句子講到客觀同無攻擊性
原句:「佢忘恩負義，唔係人。」
重組:「你期望佢會知恩圖報，飲水思源。」
☄️重構句子 (reframing): 令人唔好堅持自己立場, refocus 去解決問題。由指責, 要求, 改為講事件過程, 現況, 關注事項, 以及之後可以做啲乜
原句:「學校廁所門口地下濕漉漉, 搞到阿仔跣親, 佢哋肯唔肯認錯先???」
「不如講下邊個犯錯對解決呢件事嘅重要性?」
「不如先講返根據你嘅理解, 當時發生咗啲咩事?」
「其實仔仔依家咩情況?」

🔸有成 part 係講職間矛盾衝突, 個工作坊講者 skip 咗但有 ppt slide, 睇完覺得我幾間學校啲同事都試過佢啲方法但無解決到問題 lol 但要強調呢 part 我係無聽佢講的。

🔸成個 post 無睇的話, 記住呢樣: 喺當事人提出要求嘅時候, 先了解背後嘅原因。最理想做法係引導衝突雙方自己講個solution 出嚟。

我會將 eservice 課程名稱擺留言, 方便大家 search 同報名; 另外份筆記有版權, 我想 credit 返作者: ISE Consultants Limited
仲去咗個投訴工作坊, 會有兩個處理投訴嘅 post, 講者俾咗好多實際用到嘅技巧, 下兩個 post 出~

-may