Tingog sang Panit-an

Kay sin-o naman ayhan pangalan sa magapapili sa pagka VICE MAYOR ang matunog sa mga taga Panit-an?

Sin-o ang luyag mo nga maga pungko bilang Vice Mayor sa aton banwa?

Kay sin-o bala ayhan panggalan ang makusog sa tingog sang Panitan?

Sin-o bala sa mga magapapili sa pagka Mayor sa aton banwa ang ginapatihan kag ginasaligan mo nga maka dul-ong sang matuod kag maayo nga serbisyo?

“Every way of a man is right in his own eyes, but the LORD weighs the heart”
(Proverbs 21:2)

Natural sa aton bilang tawo ang manindugan nga tama kita kon wala naton makita ang sala sa nahimo ta. Apang, and Diyos gid lamang ang matood nga nakahibalo sang kamatuoran. Siya gid lamang ang nakakilala sa tagsa-tagsa kag sang matuod naton nga pagkatawo.

Ang Tingog sang Panitan isa ka organisasyon kon sa diin miyembro kag opisyal si Ms. Jeneth “Barbz” Vasquez. Siya isa sa makabig haligi sang organisasyon nga natukod ini kag nangin mabinungahon ang kawsa sang mga Panit-ananon batok sa anay plano sang gobyerno probinsyal nga magpatukod sang “Provincial Sanitary Landfill” sa baranggay Timpas, Panitan. Siya isa sa nangin kabakod sang Tingog sang Panitan tubtub nga nangin madinalag-on ini sa amon ginpakig bato para sa ikaayo sang amon pumulyo. Ang iya kontribusyon sa organisasyon isa ka pamatuod sang iya pagkabalaka sa amon banwa kag sa mga Panitananon.

Matapos sadto, ang grupo sang Tingog sang Panitan nagpadayun sa paghandom kag pagpatikasog nga makabulig sa mga tawo sa tion sang pagkinahanglan or kalamidad kasubong sang bagyo kag ining pandemic. Nangin aktibo ang ini nga grupo sa mga kasubong nga buluhaton, sa pagkamatuod tungod sang pagtimakas kag dako nga kontribusyon sang karon ginahusgahan kag ginapakamalaot nga si JENETH “BARBZ” VASQUEZ sang mga kuno nakakilala sang iya pagkatawo. Para naman sa Tingog sang Panitan Association, ang nasambitan nga individual isa ka tawo nga may balatyagon sa pagbulig sa iya isig-kapareho nga nagakinahanglan. Siya, ang isa sa may labing dako nga ginsakripisyo para mapatigayon sang asosasyon ang mga nahimo sini nga pagbulig sa pumuluyo.

Ang Tingog sang Panitan nagakasubo nga ang iban sa aton mga kauturan nagakalipat nga ang pagpakabalaan sang kabuhi amo ang pagrespeto sa dignidad sang isa ka tawo. Ang dignidad nga amo ang nagahimo sa tawo bilang kanawong sang Diyos. Gani, indi tani naton pagkalipatan nga ini labaw pa sang sa kwarta kag bulawan.

"Fight CoViD-19! Sharing is Loving"

Madamo gid nga salamat sa mga mga maalwan nga mga Panitananon nga nag ambag sa amon nalikom nga umabot sa 500 packs para sa mga labing kubos nga mga pumuluyo sang Panitan.

Palangga mo man ang Panitan?

Nagpanawagan, nagtabang -tabang agud ang COVID- 19 mapakigbatuan!

Ang mga makita nga goods igapanagtag sa makabig labing kubos kag pili lamang nga pumuluyo sang Panitan sa nagakalain lain nga baranggay.

Ang Tingog sang Panitan isa ka grupo sang mga concerned Paniteños nga nagtingob sumugod sang nagligad nga tuig 2019. Ini isa ka non-government organization.