M̳̿͟͞y̳̿͟͞ L̳̿͟͞i̳̿͟͞f̳̿͟͞e̳̿͟͞ N̳̿͟͞o̳̿͟͞t͟͞
Everthings Is Temporary.
တစ်ချို့ စျေးရောင်းရင် ဘာလို့အောင်မြင်တယ်ထင်လဲ.. ဗျူဟာရှိပါတယ်
၁ ။ ဆိုင်နေရာကောင်းခြင်းဟာ ဆိုင်ကြီးတာ ငယ်တာထက် ပိုအရေးကြီးပါတယ် ။
၂ ။ ရောင်းကုန်ရဲ့ အရည်အသွေးဟာ ဆိုင်နေရာထက် ပိုအရေးကြီးနေတတ်ပြန်တယ် ။
၃ ။ စကားချိုချိုသာသာ စျေးရောင်းတတ်ခြင်းဟာ အရေးကြီးပါတယ်။ ဖောက်သည်ကို ပိုမြဲစေပါတယ် ။
၄ ။ အရင်းအနှီး နည်းတာကို စိုးရိမ်ခြင်းထက်၊ ယုံကြည်မှု နည်းတာကို ပိုစိုးရိမ်သင့်ပါတယ် ။
၅ ။ ဆိုင်ကို လှလှပပ ခင်းကျင်းတတ်ခြင်းဟာ အရေးကြီးပေမဲ့ နည်းနည်း ရှုပ်ပွနေတဲ့ ဆိုင်ငယ်ကလေးက ပိုရောင်းကောင်းနေတတ်ပါတယ်။စျေးချိုတယ်ဆိုတာကို ဝယ်ယူသူများက ထင်မြင်သွားစေလို့ပါ ။
၆ ။ ဝယ်သူကို တောက်လျှောက်လိုက်ကပ်နေတာမျိုး၊ မဝယ်မချင်းတိုက်တွန်းနေတာမျိုး ရှောင်ကြဉ်ပါ ။
၇ ။ ပိုက်ဆံ တစ်ကျပ်သုံးနိုင်တဲ့ စားသုံးသူက ပိုက်ဆံ တစ်ရာသုံးနိုင်တဲ့ စားသုံးသူထက် စီးပွားတက်ဖို့ ပိုထောက်ကူတတ်တယ်။ တန်ဖိုး ပိုရှိတယ် ။
၈ ။ ငွေလည်ပတ်မှု မြန်ဆန်ပါစေ ။
၉ ။ စားသုံးသူရဲ့ ရှေ့မှာ ဆိုင်ဝန်ထမ်းတွေကို ဆဲဆိုအပြစ်တင်ခြင်းဟာ စားသုံးသူကို မောင်းထုတ်တာပါ ။
၁၀ ။ နည်းနည်း၊ များများ လက်ကားဖောက်သည်ကို အမျိုးလို သဘောထားပါ ။ တတ်နိုင်သမျှ သူတို့ရဲ့ တောင်းဆိုချက်ကို ဖြည့်ဆည်းပေးပါ ။
၁၁ ။ ရောင်းကုန် ပစ္စည်း ပြတ်သွားတယ်ဆိုတာ ဖောက်သည်ကို လျစ်လျူရှုတာ ၊ စော်ကားတာနဲ့ အတူတူပဲ ။
၁၂ ။ စျေးနူန်း တစ်ခုတည်း ဖြစ်ပါစေ ၊ တခုခုကြောင့် စျေးလျှော့ရောင်းခြင်းဟာ ရှုပ်ထွေးမူကို ဖြစ်စေတတ်ပါတယ် ။ ကတိကို ထိခိုက်နိုင်စေပါတယ် ။
၁၃ ။ ဘယ်သူ့ကိုမှ အတင်းရောင်းချခြင်း မပြုလုပ်ပါနှင့် ၊ စားသုံးသူ ကြိုက်နှစ်သက်သော ပစ္စည်းကို ရောင်းချနေတာ မဟုတ်ပါ ။ စားသုံးသူ အကျိုးရှိစေတဲ့ ပစ္စည်းကို ရောင်းချနေတာပါ ။
၁၄ ။ စက္ကူ တစ်ရွက်ပဲဖြစ်ဖြစ် ၊ လက်ဆောင်ကို လူတိုင်း နှစ်သက်တတ်ကြပါတယ် ။
၁၅ ။ ကလေးများဟာ ကျေးဇူးရှင်ပါ ။ စားသုံးသူများက ကလေးကို ခေါ်ဆောင်လာတာပဲ ဖြစ်ဖြစ်၊ကလေးစျေးလာဝယ်တာပဲ ဖြစ်ဖြစ် အထူးဂရုစိုက်ပေးပါ ။ ( ကလေးကို လွှတ်တာတောင် ဖြစ်ကတတ်ဆန်းမလုပ်ဘူး) ဆိုတာ လူတွေသိပါစေ ။
၁၆ ။ အသစ်ထွင်ပါ။ ဝယ်သူကို ဆွဲဆောင်နိုင်အောင် အမြဲ ကြိုးစားပါ။
၁၇ ။ အရောင်းအဝယ် ကြီးကြီး သေးသေး အစွမ်းကုန် ကြိုးစားပါ။ ဆိုင်တစ်ခုလုံး ရှင်သန်နေပါစေ။ဝယ်သူ များလာအောင် ဆွဲဆောင်နိုင်ကြပါလိမ့်မယ်။
Credit – Original
လက်ခုပ်တီးမှ က တတ်အကျင့်ကိုပြင်ရမယ်☺☺😉
15/01/2023
တစ်ခါတုန်းက သူဌေးတစ်ယောက်မှာ
ဒရိုင်ဘာယစ်ယောက်ရှိတယ်
ဒရိုင်ဘာ က သူဌေးထက်
အသက်ငါးနှစ်လောက်ကြီးတယ်
စကားပြောလည်း သူဌေးက မင်းနဲ့ ငါပဲပြောတယ်
ဒရိုင်ဘာ ကတော့ သူ့အလုပ်ရှင်ဆိုတော့
ရိုရိုသေသေဆက်ဆံတာပေါ့လေ
သူဌေးဟာ ပြောစရာရှိရင်လည်းပြော၊
ဆဲစရာရှိရင်လည်းဆဲတယ်
သဘောတော့ကောင်းတယ် ဒါပေမယ့်
အထက်စီးလည်းဆန်တယ်
ဒရိုင်ဘာအပေါ် သူပြောပုံဆိုပုံတွေက
ရင့်သီးပါတယ်
ဟိုကတော့ သည်းခံရှာပါတယ် အလုပ်ရှင်မလား
ဒီလိုနဲ့ တစ်နေ့
သူဌေးဟာ အရမ်းဒေါသတွေဖြစ်နေတယ်
ဒရိုင်ဘာ ဘာမပြော ညာမပြောနဲ့ မလာလို့တဲ့..
ဒါနဲ့ ဘာများဖြစ်တာလဲဆိုပြီး
အိမ်လိုက်သွားတယ် တွေ့လို့ကတော့ ဆဲဆိုပြီး ဟောက်ထည့်လိုက်မယ်ပေါ့
ဒရိုင်ဘာအိမ်ကိုရောက်သွားတော့
သူ့ အမေ လို့ ထင်ရတဲ့ အန်တီကြီးတစ်ယောက်
ထွက်လာတယ်၊ မေးလိုက်တယ်
ဒရိုင်ဘာရှိလားပေါ့
ရှိပါတယ်၊ ဖျားပြီး အိပ်နေတယ်ဆိုပြီး
ပြောတယ်၊ နောက်တော့ အနားကိုရောက်လာတဲ့
ကောင်မလေးတစ်ယောက်ကို အန်တီကြီးက
လှမ်းပြောလိုက်တယ်
ဟဲ့ သွားနှိုးလိုက်စမ်းပေါ့၊ ဒီမှာ သူ့အလုပ်ရှင်က
အိမ်အထိ လိုက်လာတယ်ပေါ့
ကောင်မလေးပြောလိုက်တဲ့စကားက
ကိုကြီးအိပ်နေတာ မနှိုးရဲဘူးတဲ့
သူဌေး တစ်ချက်တွေဝေသွားတယ်
စက္ကန့်ပိုင်းလောက်ပေါ့
နောက်တော့ ကောင်မလေး ကို ပြောလိုက်တယ်
မနှိုးရဲရင် သွားမနှိုးနဲ့တော့၊
ထားလိုက်ပါ သူအိပ်ပါစေ တဲ့
ပြီးတော့ ပြန်လှည့်လာခဲ့လိုက်ကြတယ်
အပြန်လမ်းမှာ သူဌေး စဉ်းစားခန်းတွေဖွဲ့နေမိတယ်
ငါ သူ့အပေါ်လေးစားမှုရှိရမယ်လေ"
သူက ဘယ်လို ဒရိုင်ဘာပဲဖြစ်ဖြစ်၊
ငါဘယ်လိုပဲ ဆဲဆဲဆိုဆို၊
အနိုင်ကျင့်ကျင့် သူ့ပတ်ဝန်းကျင်မှာတော့
သူဟာ မိသားစုရဲ့အားကိုးရာ၊
လေးစားရာ၊ ရိုသေရာ
လူသားတစ်ယောက်ပဲမဟုတ်လား...
သူ့ပတ်ဝန်းကျင်၊ သု့မိသားစုမှာတော့
တော်တော့ကို အရှိန်အဝါကြီးပုံရတယ်၊
ငါက ဒါကို ထည့်မတွက်ဘဲ ခါတိုင်းလို
သွားဆက်ဆံလိုက်ရင် သူ့အားကိုးနေတဲ့
သူ့မိသားစု ဘယ်လိုခံစားသွားရမလဲ၊
သူကိုယ်တိုင်ကရော
စသည်ပေါ့ အတွေးတွေနဲ့ ပြန်လာခဲ့လိုက်တယ်။
လူတစ်ယောက်ဟာ တစ်နေရာရာမှာ ဘယ်လိုပဲ
ဖြစ်နေဖြစ်နေ၊ ဘယ်ဘဝပဲရောက်နေရောက်နေ၊
အောက်ခြေသိမ်းပဲဖြစ်ဖြစ်၊ အနှိမ်ခံပဲဖြစ်ဖြစ်၊
ဘယ်သူမှဆေးဖော်ကြောဖက်မလုပ်ချင်တဲ့သူပဲဖြစ်ဖြစ်၊
အဲ့ဒီလူဟာ တခြားသော တစ်နေရာရာမှာတော့
အရှင်သခင်တစ်ပါး၊ မှီခိုအားကိုးရာတစ်ဖြစ်နဲ့ ရိုသေ
လေးစားစရာပြယုဂ် တစ်ခုခုတော့ ဖြစ်နေတတ်ပါတယ်
ဖြတ်သွားသူတိုင်း နှာခေါင်းပိတ်ဖြတ်လေ့ရှိတဲ့
အမှိုက်ပုံမှာ အလုပ်လုပ်နေရတဲ့ စည်ပင်က
ဝန်ထမ်းလေးကို ဘယ်သူက ခေါင်းထဲထည့်မလဲ
ဘယ်သူက အဖက်လုပ်ပြီး စိတ်ပူပေးမလဲ
သို့သော်
သူ့ဇနီးနဲ့ သား သမီးတွေအတွက်တော့ သူဟာ
အရှင်သခင်တစ်ယောက်ပဲလေ...။
တစ်လောကလုံးက
သူ့အပေါ် ဘယ်လိုပဲသဘောထားထား
သူ့အပေါ် မင်းသားတစ်ပါးလို
ဆက်ဆံတဲ့သူဆိုတာတော့ ရှိနေတာပါပဲ။
တစ်လောကလုံးက ကိုယ့်အပေါ် ဘယ်လိုနှိမ်နှိမ်၊
ဘယ်လိုဆက်ဆံ ဆက်ဆံ အရေးမကြီးပါဘူး
အရေးကြီးတာက ငါချစ်ရတဲ့သူတွေ၊
ငါ့ကိုချစ်တဲ့သူတွေနဲ့ ငါ့ပတ်ဝန်းကျင်၊
ငါ့မိသားစုလေးမှာ ငါဟာ တန်ဖိုးရှိတဲ့၊
လေးစားခံထိုက်တဲ့ လူသားတစ်ယောက်
ဖြစ်နေရင် ရပြီဆိုတာမျိုး
ဆိုလိုတာက လူတစ်ယောက်ကို
ဘယ်တော့မှ အထင်မသေးပါနဲ့၊
မနှိမ့်ချပါနဲ့၊ မစော်ကားပါနဲ့
သူ့အတွက် ကမ္ဘာဆိုတာ ဒီတစ်နေရာတည်းမှာပဲ
ရှိနေတာ မဟုတ်လို့ပါ
Crd.
25/12/2022
ဖုန်းသင်တန်းပဲ Programming သင်တန်းပဲဖြစ်ဖြစ်
Management သင်တန်းပဲဖြစ်ဖြစ် ဘာသင်တန်းနေနေ
ရေရာတယ်ဆိုတာမျိုးတော့မရှိပါဘူး
ဖုန်းသင်တန်းနဲ့ပတ်သက်ပီးပြောရမယ်ဆိုရင်တော့
ဒီဖုန်းပြုပြင်တဲ့အလုပ်ကိုဝါသနာလဲပါရမယ်
စိတ်လဲဝင်စားရမယ် ထဲထဲဝင်ဝင်လဲသိရမယ်
ဒါတွေမလာခင် အရင်ဆုံးသင်တန်းတက်မဲ့သူက
ဒီအလုပ် ဒီသင်တန်းအကြောင်းကို
အရင်ဆုံးစုံစမ်းလေ့လာရမယ်
Software , Hardware ဆိုတာဘာလဲ
ဘယ်လိုတွေကွာခြားလဲ ကိုယ်နဲ့ဘယ်ဟာအဆင်ပြေ
နိုင်မလဲ ဒါတွေအရင်ဆုံးလေ့လာကြည့်ရမယ်
ကျွန်တော်ဆို Hardware မရဘူး
အကောင်းဆုံးဆိုတဲ့ Tool တွေပစ္စည်းတွေဝယ်ပီး
စမ်းကြည့်တာပဲ ကိုယ်နဲ့ဘယ်လိုမှအဆင်မပြေဘူး
ပီးရင်ဒီအလုပ်ကိုရွေးမယ်ဆိုရင် တိုးတက်ဖို့ရှိလား
စီးပွားဖြစ်နိုင်လား ဝန်ထမ်းဆိုရင်ကော ဘယ်လောက်အထိ
လစာရနိုင်လဲ ဒါတွေပါအရင်ဆုံးလေ့လာပီးမှပဲ
ဈေးကြီးတဲ့သင်တန်းကိုတက်သင့်တယ်မဟုတ်ရင်တော့
ဈေးပေါပီး basic လောက်သင်ပြပေးတဲ့
သင်တန်းတစ်ခုခုကိုအရင်ရွေးချယ်တာပိုကောင်းတယ်
ဒါမှကိုယ်နဲ့ကိုက်မကိုက်ရွေးချယ်လို့ရမှာကိုး
သင်တန်းတွေကတော့ အခုခေတ်မှာမှိုလိုပေါက်နေတာပါပဲ
ဘာလို့မှိုလိုပေါက်လဲဆိုတော့ ဖုန်းပြင်တာထက်သေချာပီး
ငွေရတာ ဖုန်းသင်တာပဲ
ဖုန်းပြုပြင်ရင်း လွဲချော်တဲ့အခါ လျော်ရတာတို့
ငွေလေး ၁သောင်းရဖို့ တစ်နေ့ကုန်သွားတာတို့ ဒါတွေကလဲ
ကြုံရသေးတယ် အဲ့လိုမျိုးပဲ ၅မိနစ်အတွင်း သိန်းချီ
မြတ်သွားတာတို့ ဒါတွေလဲကြုံခဲ့ဖူးပါတယ်
မနှစ်က လေးလပိုင်းမှာ လှည်းတန်းဆိုင်ကိုပိတ်
၁၁ လပိုင်းမှာ ကျောက်မြောင်းဆိုင်ပါပိတ်ပီး ဖုန်းထဲက
အပီးထွက်လာတဲ့အခါ ပြန်ရတာက ဘာလဲဆိုတော့
စိတ်ဖိစည်းမူ့ကင်းဝေးသွားတာပဲ
ဖုန်းပြုပြင်တဲ့အလုပ်လုပ်မယ် ကိုယ်ပိုင်ဆိုင်ဖွင့်မယ်ဆိုရင်
ဖိအားတွေအောက်မှာ အလုပ်လုပ်နိုင်မှာပဲ
အဆင်ပြေမယ်
ဖုန်းသင်တန်းဆင်းသွားတာနဲ့ အလုပ်ရနိုင်လားဆိုတော့
လစာ အလုပ်ချိန်မကြည့်ပဲ သင်ယူလိုစိတ်ပြင်းပြရင်တော့
အလုပ်ကမရှားပါဘူး
အခုသင်တန်းဆင်းတွေ အလုပ်မရဘူးဆိုပီး ငြီးနေတာ
ကိုယ်တွေတုန်းက သင်တန်းလဲမတက်နိုင်တဲ့အပြင်
အလုပ်ကလဲ ဘတ်ကားသုံးဆင့်လောက်တွဲစီးပီး
ဝေးတဲ့နေရာသွားလုပ်ရတဲ့အထိ အလုပ်ကရှားတယ်
အဲ့တုန်းကဖုန်းဆိုင်လဲ မပေါသေးဘူး
ပီးတော့ အခုလို Service သမားဆိုပီးလဲမခေါ်သေးဘူး
Software Technical , Hardware Technical ဆိုပီး
အခွင့်အလမ်းဂျာနယ်တွေမှာအလုပ်ခေါ်တဲ့အချိန်ကာလ
အလုပ်တစ်ခုကို လူ ၅၀ အနည်းဆုံး ဗျူးခံရတဲ့ အချိန်မှာ
လစာ ၅သောင်းအတွက်တန်းစီခဲ့ရတာပဲ
အခုခေတ်ဖုန်းသင်တန်းဆင်းတွေလဲ အပင်ပန်းခံ
ပညာလိုချင်ရင် အလုပ်ရှားမယ်မထင်ပါဘူး
ပီးတော့ အလုပ်လုပ်တဲ့အခါမှာလဲ ကိုယ်ကပညာရနိုင်တဲ့
နေရာမှာလုပ်မှ အချိန်တိုအတွင်းသူများထက်သာတဲ့
နေရာကိုမြန်မြန်ရောက်မှာ
ဂိမ်းလေးသွင်းလိုက် သီချင်းလေးထည့်လိုက်နဲ့
မှန်တွဲရက်လေးလဲလိုက်နဲ့ ဒါမျိုးတွေမှာသာယာနေရင်
အသက်တွေသာကြီးလာမယ် ပညာပိုင်းမတက်ပဲ
အလုပ်ပြောင်းတာတို့ ကိုယ်ပိုင်အလုပ်တို့မှာထိခိုက်နိုင်တယ်
သင်တန်းရွေးချယ်တဲ့အခါမှာလဲ
သင်တန်းပီးရင်ကိုယ့်ကိုယုံယုံကြည်ကြည်အလုပ်ပေးမဲ့
အလုပ်ရှင်တွေကြားနာမည်ကြီးတဲ့သင်တန်းဖြစ်မလား
သင်တန်းဆရာကကော အသင်အပြကောင်းလား
သင်ထောက်ကူပစ္စည်းစုံလား ဒါတွေလေ့လာသင့်တယ်
သင်တန်းဆင်းနဲ့ End User ကဘာကွာလဲဆိုတော့
သင်တန်းဆင်းက တီးမိခေါက်မိ အသိပညာနဲ့
Confident လေးအတော်အသင့်ရှိတာပဲကွာမယ်
ဒါလဲသင်တန်းပေါ်အများကြီးမူတည်သေးတယ်
နာနာမောင်း နာနာလုပ်ခိုင်းတဲ့သင်တန်းဆင်းမှပဲ
Confident နည်းနည်းရှိသွားမှာ
သင်တန်းတက်တဲ့အခါ မျှော်လင့်လို့ရတာတွေက
အထောက်အကူပြုပစ္စည်းတွေ ကိုယ်စိတ်ကြိုက်စမ်းသပ်
လို့ရတဲ့ Board ပြားတွေ စာသင်ဖုန်းတွေ
ဒီအရာတွေကိုနည်းနည်းမှမညှာပဲ စမ်းပါလုပ်ပါ
ကိုယ်လက်ရဲဖို့အတွက် ကြိမ်ဖန်များစွာလုပ်ပါ
အလုပ်လျှောက်တဲ့အခါလဲ အပင်ပန်းခံပါ
ပညာရဖို့ဦးစားပေးပါ စီနီယာကောင်းရှိတဲ့နေရာ
ဆရာကောင်းရှိတဲ့နေရာမှာ နေတဲ့ ၁နှစ်ဟာ
သူများ ၅နှစ်စာလောက်ရှိပါတယ်
ငွေနောက်မလိုက်ပါနဲ့ ငွေကပဲကိုယ့်နောက်လိုက်ပါစေ......
Credit Ko Phyo Chan