Camera Journey

Some ultra wide angle views of Horton Plain National park

https://drive.google.com/file/d/1qrWHXklJcVprXMv-IujbgU4LKEnMI0E_/view?usp=drive_link

A lecture / presentation for Kelaniya University Photography Diploma students. I m also a student to this batch 😎

රොබට් කාපා 1913-1954

යුධ කටයුතු ඡායාරූපකරණය කියු සැනින් සිහිවන නාමයක් වන්නේ හන්ගේරියානු ජාතික රොබට් කාපාගේ නාමයයි. යුද්ධයක් සේම කාපාගේ වෘත්තිමය ජීවිතයද අනපේක්ශිත හැලහැප්පීම් වලින් පිරුණු ගමනක්.ඔහුගේ ප්‍රථම යුධ වාර්තාකරණය ලෙස සැලකෙන්නේ 1939 ස්පාංඤ්ඤ සිවිල් යුද්ධය වෙනුවෙන් සිදුකරන ලද ඡායාරූපකරණයයි. කාපා තම කැමරාව ගෙන පූර්ණ යුධ ඇඳුමෙන් සැරසී යුධ පෙරමුනෙහිම නිර්භයව තම කාර්ය ඉටුකලා. 1944 ජූනි හය වෙනි දින ඔහු අමෙරිකානු හමුදා සමග සුප්‍රකට D - Day මෙහෙයුමට සහභාගී වෙමින් ඔවුන් සමග ප්‍රංශයේ නෝමමැන්ඩි හි ඔමහා වෙරලට ගොඩබැස්සා. අතිශය ත්‍රාසජනක අත්දැකීමක් වුවත් එහිදී ගන්නා ලද ඡයාරූප පටල රසයනාගාරයේදී අත්වැරදීමකින් නරක් වී තිබුනා. ඔහුට ඉතිරි වී තිබුනේ කරවටක් වෙරලේ ගිලුනු ඇමරිකානු සෙබලකුගේ ත්‍රාසයෙන් යුතු මුහුන දැක්වෙන අපහැදිලි ඡායාරූපයක් පමනයි. හන්ගේරියානුවෙකු වුවද ඔහු හැමවිටම ගමන් කලේ අමෙරිකානු හමුදාවන් සමගයි. මෙම ගමන හා ඔහුගේ දීප්තිමත් ජීවිතය අවසන් වූයේ 1954 දී වියට්නාමයේ තායි බින් හිදී බිම් බොම්බයකට ගොදුරුවීමෙන්. මෙහි වම් පසින් දැක්වෙන්නේ ලොව පූරා ඉමහත් සම්භාවනාවට පාත්‍ර වු ඔහුගේ ඡයාරූපයක්. ජර්මානු ස්නයිපර් වෙඩික්කරුවෙකු විසින් මරා දැමුනු ඇමරිකානු සෙබලෙකු දැක්වෙන මෙම ඡයාරූපය සිද්ධියෙන් තත්පර කීපයක් ඇතුලත ගනු ලැබූවක්. ( 1945.04.18) මෙම ඡයාරූපය යුද්ධයෙහි කෲරත්වය ලොවට හඬගා කියන්නක් බව විචාරක මතයයි. දකුනු පස ඡයාරූපය අප කතා නායකයාගේ වඩාම ප්‍රචාරණයට පත් වූ ඡයාරූපයයි

නිරුවත් හා අසභ්‍ය ඡායාරූප කලාවේ ඉතිහාසය.
The History of N**e and Erotic photography

මානව ශරීරය ඡයාරූපයට නැගීමට ඡායාරූපශිල්පීන් උත්සක වූ වහාම ඡයාරූප කලාවේ මෙම ආන්දොලානාත්මක පරිඡ්චේදය පැන නගිනවා. එය වසර 150 ක පමන අඛන්ඩ ඉතිහාසයක් ඇති විෂයක්. මුල්ම නිරුවත් මිනිස් සිරුර ඡයාරූපයට නැගී ඇත්තේ 1841 තරම් ඈත ඡයාරූප ශිල්පයෙහි ළදරු අවදියේදි. නොයෙකුත් සමාජ හා තාක්ෂණික බාධාවන් මැද සෙමින් ඉදිරියට ආ මෙම කලාව 1914 පලමුවන ලෝක යුධ සමයේ විශාල ඉදිරි පිම්මක් ගනු ලබනවා. ඒ යුධ භටයින්ගේ මනදොල සපුරාලීමට. කොඩැක් සමාගම විසින් හඳුන්වාදුන් අඩුමිල සේයාපටල කැමරා ( Kodak Pocket VP, Kodak Hand camera ආදිය) වෙලඳපලට පැමිනීමත් යුරෝපයේ හා අමෙරිකාවේ නිදහස් චින්තන විප්ලවයත් මෙම කලාවේ ස්‍රීඝ්‍ර වර්ධනයට හේතුවක්. 1926 දී පමණ ඇතිවූ යූරෝපා ආර්ථික අවපාතය නිසා මෙම ඡයාරූප වලට පෙනීසිටී තරුණියන්ගේ අයකිරීම් ඉතා අවම අගයකට වැටුනා. 1931 වනවිට මේ විෂයට අදාල වාර සඟරා හා පොත්පත් ඉතා විශාල ලෙස අමෙරිකාවේ හා යුරෝපයේ පලවුනා. කෙසේවෙතත් 1850 දී ඡායාරූප ශිල්පීන්ට නිරුවත් ඡයාරූප ගැනීමත් නිරූපිකාවන්ට ඒවාට පෙනීසිටීමත් නීතියෙන් තහනම් කාරණා.1850 වර්ෂයේදී ලන්ඩන් පොලීසිය එම වරදට අදාලව ඡයාරූපශිල්පීන් 60 දෙනෙකු අත් අඩංගුවට ගෙන තිබෙනවා. 1875 පමන වන විට 130000 ක් පමන ඡයාරූප වෙලඳපලට නිකුත් වීමෙන් පෙනී යන්නේ එය සාමාන්‍යකරණය වූ විෂයක් බවයි. මුල්ම වර්ණ ඡයාරූපමය උත්සහයන් අතරට ගැනෙන ( Daguerreotype 1847 ) මෙම ඡයාරූපය 1855 දී ජර්මනියෙදී ගනු ලැබූවක්.

ඩිජිටල් ඡායාරූපකරණය 1957

පරිඝනකය හා කැමරාව සම්බන්ද කොට නිර්මාණය කරන ලද ලොව ප්‍රථම ඩිජිටල් ඡායාරූපය (Digital imagining ) ලෙසින් සැලකෙන්නේ මෙම ඡායාරූපයයි. මෙම ඡායාරූපය 1957 දී එක්සත් ජනපදයේ රසල් කීර්ෂ් නැමැත්තා විසින් කොඩැක් පටලයකින් පරිඝනකයට පරිලෝකණය කරන
ලදුව (Scanned ) පරිඝනක මෘදුකාංගයකින් වැඩි දියුණු කරන ලද්දකි. ඩිජිටල් ඡායාරූප තාක්ෂණය මුලින්ම යොදා ගැනුනේ ඇමරිකානු ගගන තාක්ෂණ ආයතනයට අදාල ( NASA) ඡායාරූපමය කටයුතු සඳහා පමනකි. අද එය ජනතාවට කෙතරම් සමීපදැයි කිය යුතු නොවේ. මෙම ඵෙතිහාසික ඡායාරෑපයේ පෙනී සිටින්නේ වොල්ඩන් නමින් හැඳුන්වූ ඡායාරූපශිල්පියාගේම බිලිඳු පුත්‍රයායි.

වර්ණ ඡායාරූපකරණය 1909
පැරිස් අහස් යානා ප්‍රදර්ශන ශාලාව.

ප්‍රංශයේ ලියොන් ගිම්ප්ලි විසින් 1909 වර්ෂයේදී
ගන්නා ලද මේ වර්ණ ඡායාරූපය ඡායාරූප කර්මාන්තයේ මෙන්ම ගගන කාර්මික ඉතිහාසයේද වැදගත් සන්දිස්ථානයක් දරන්නක්. 1904 දි සුප්‍රකට ලුමියර් සොහොයුරන් විසින් හඳුන්වා දෙන්නට යෙදුන මෙම තාක්ෂණය නම් කෙරෙන්නේ තනිතල වර්ණ මුද්‍රණ ක්‍රමය( Single Plate Colour Process) යනුවෙන්. ඊට වසරකට පෙර ඇමරිකාවේදී ප්‍රථම අභ්‍යන්තර දහන ඇන්ජිම සහිත ගුවන් යානය ගුවන් ගත කිරීමට රයිට් සොයුරන් සමත් වනවා. ඊට වසර හයකට පසු ගගන කර්මාන්තය ලබා ඇති ප්‍රගමනය මෙම ප්‍රදර්ශණයෙන් පැහැදිලි වනවා. වර්ණ ඡායාරූපකරණ උත්සහයන් 1848 තරම් ඈතට දිව යන්නක්.