Dr. Yara El Brollossy - د. يارا البرلسي

My favorite sisters 😍 Love you Linoo and Lolyyyy 🧚🏻‍♀️✨✨
___
𝐁𝐨𝐨𝐤 𝐲𝐨𝐮𝐫 𝐜𝐡𝐢𝐥𝐝’𝐬 𝐝𝐞𝐧𝐭𝐚𝐥 𝐚𝐩𝐩𝐨𝐢𝐧𝐭𝐦𝐞𝐧𝐭 𝐧𝐨𝐰 𝐰𝐢𝐭𝐡 𝐃𝐫 𝐘𝐚𝐫𝐚 𝐄𝐥-𝐁𝐫𝐨𝐥𝐥𝐨𝐬𝐬𝐲

📍Nasr City:
𝗗𝗼𝗻𝘁𝗶𝗰𝘀 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰
☎️ 0101 0240264

📍New Cairo:
𝗛𝗮𝘆𝗮𝗵 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰𝘀
☎️ 0111 5693339

mothercare, dental, pedodontist, dentist, pediatric dentistry, kids dentist, kids, family, fun, dental hygiene, school, awareness

🧚🏻‍♀️✨
___
𝐁𝐨𝐨𝐤 𝐲𝐨𝐮𝐫 𝐜𝐡𝐢𝐥𝐝’𝐬 𝐝𝐞𝐧𝐭𝐚𝐥 𝐚𝐩𝐩𝐨𝐢𝐧𝐭𝐦𝐞𝐧𝐭 𝐧𝐨𝐰 𝐰𝐢𝐭𝐡 𝐃𝐫 𝐘𝐚𝐫𝐚 𝐄𝐥-𝐁𝐫𝐨𝐥𝐥𝐨𝐬𝐬𝐲

📍New Cairo:
𝗛𝗮𝘆𝗮𝗵 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰𝘀
☎️ 0111 5693339

📍Nasr City:
𝗗𝗼𝗻𝘁𝗶𝗰𝘀 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰
☎️ 0101 0240264

mothercare, dental, pedodontist, dentist, pediatric dentistry, kids dentist, kids, family, fun, dental hygiene, school, awareness

Mia and Maria showed an extraordinary bravery at their 1st dental visit 💪🏻✨ and Magdy made it even more funn 😂✨😍
I’M SOOO PROUD OF YOUUU! 🤩🤩
___
𝐁𝐨𝐨𝐤 𝐲𝐨𝐮𝐫 𝐜𝐡𝐢𝐥𝐝’𝐬 𝐝𝐞𝐧𝐭𝐚𝐥 𝐚𝐩𝐩𝐨𝐢𝐧𝐭𝐦𝐞𝐧𝐭 𝐧𝐨𝐰 𝐰𝐢𝐭𝐡 𝐃𝐫 𝐘𝐚𝐫𝐚 𝐄𝐥-𝐁𝐫𝐨𝐥𝐥𝐨𝐬𝐬𝐲

📍New Cairo:
𝗛𝗮𝘆𝗮𝗵 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰𝘀
☎️ 0111 5693339

📍Nasr City:
𝗗𝗼𝗻𝘁𝗶𝗰𝘀 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰
☎️ 0101 0240264

mothercare, dental, pedodontist, dentist, pediatric dentistry, kids dentist, kids, family, fun, dental hygiene, school, awareness

Pediatric dentistry with no drilling, anesthesia, or pain. ✨🧚🏻‍♀️

✨ Hall technique is one of the most effective methods that can be used to arrest caries, protect the primary teeth until shedding, and increase child’s compliance. ✨
___

𝐁𝐨𝐨𝐤 𝐲𝐨𝐮𝐫 𝐜𝐡𝐢𝐥𝐝’𝐬 𝐝𝐞𝐧𝐭𝐚𝐥 𝐚𝐩𝐩𝐨𝐢𝐧𝐭𝐦𝐞𝐧𝐭 𝐧𝐨𝐰 𝐰𝐢𝐭𝐡 𝐃𝐫 𝐘𝐚𝐫𝐚 𝐄𝐥-𝐁𝐫𝐨𝐥𝐥𝐨𝐬𝐬𝐲

📍Nasr City:
𝗗𝗼𝗻𝘁𝗶𝗰𝘀 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰
☎️ 0101 0240264

📍New Cairo:
𝗛𝗮𝘆𝗮𝗵 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰𝘀
☎️ 0111 5693339

mothercare, dental, pedodontist, dentist, pediatric dentistry, kids dentist, kids, family, fun, dental hygiene, school, awareness

I had a great time teaching my new little friends how to keep their teeth healthy and strong. 🧚🏻‍♀️✨
Thank you Mrs. Radwa for the lovely invitation we had a lot of fun. 🤩

Manaret Heliopolis International School
Dontics Dental Clinic

Funniest family in the whole world 😂♥️ God bless them 😍
___
𝐁𝐨𝐨𝐤 𝐲𝐨𝐮𝐫 𝐜𝐡𝐢𝐥𝐝’𝐬 𝐝𝐞𝐧𝐭𝐚𝐥 𝐚𝐩𝐩𝐨𝐢𝐧𝐭𝐦𝐞𝐧𝐭 𝐧𝐨𝐰 𝐰𝐢𝐭𝐡 𝐃𝐫 𝐘𝐚𝐫𝐚 𝐄𝐥-𝐁𝐫𝐨𝐥𝐥𝐨𝐬𝐬𝐲

📍Nasr City:
𝗗𝗼𝗻𝘁𝗶𝗰𝘀 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰
☎️ 0101 0240264

📍New Cairo:
𝗛𝗮𝘆𝗮𝗵 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰𝘀
☎️ 0111 5693339

خلع ضرس لبني مع تركيب حافظ مسافة للحفاظ على مكان الضرس الدائم لحين بزوغه

___
𝐁𝐨𝐨𝐤 𝐲𝐨𝐮𝐫 𝐜𝐡𝐢𝐥𝐝’𝐬 𝐝𝐞𝐧𝐭𝐚𝐥 𝐚𝐩𝐩𝐨𝐢𝐧𝐭𝐦𝐞𝐧𝐭 𝐧𝐨𝐰 𝐰𝐢𝐭𝐡 𝐃𝐫 𝐘𝐚𝐫𝐚 𝐄𝐥-𝐁𝐫𝐨𝐥𝐥𝐨𝐬𝐬𝐲

📍New Cairo:
𝗛𝗮𝘆𝗮𝗵 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰𝘀
☎️ 0111 5693339

📍Nasr City:
𝗗𝗼𝗻𝘁𝗶𝗰𝘀 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰
☎️ 0101 0240264

‎ مين قال إن أول زيارة لدكتور الأسنان ممكن تكون مخيفة؟

My favorite artist Zaino showed extraordinary courage during his first dental visit 🧑🏻‍🎨💕

Also we had soooo muchhh funnn 🤩
I’m SUPER PROUD of you my little superhero🦸🏻‍♂️♥️

___
𝐁𝐨𝐨𝐤 𝐲𝐨𝐮𝐫 𝐜𝐡𝐢𝐥𝐝’𝐬 𝐝𝐞𝐧𝐭𝐚𝐥 𝐚𝐩𝐩𝐨𝐢𝐧𝐭𝐦𝐞𝐧𝐭 𝐧𝐨𝐰 𝐰𝐢𝐭𝐡 𝐃𝐫 𝐘𝐚𝐫𝐚 𝐄𝐥-𝐁𝐫𝐨𝐥𝐥𝐨𝐬𝐬𝐲

📍New Cairo:
𝗛𝗮𝘆𝗮𝗵 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰𝘀
☎️ 0111 5693339

📍Nasr City:
𝗗𝗼𝗻𝘁𝗶𝗰𝘀 𝗗𝗲𝗻𝘁𝗮𝗹 𝗖𝗹𝗶𝗻𝗶𝗰
☎️ 0101 0240264

أنا أول واحد يسمعلك
وانا آخر واحد يتكلم
أنا أول واحد يآمنلك
وانا آخر واحد يتعلم،
إيه كان الدرس..

أنا أول واحد يتعصب
وانا أول واحد بيسامح
أنا أول واحد بيذَكَّر
وانا أول مَن ينسى إمبارح
أنا آخر واحد ينسالك
موقف دلوقت
أنا عايش ف الملكوت سارح..
مش ناسي الوقت.

أنا أول واحد يرتاحلك.
و الصف الاول من جرحك/
أنا آخر واحد مُتوَقَع،
وانا أول واحد بيلاقي.
أنا أول مِن لف سَوَاقي
ف الدنيا.. وآخر من دَمَع
أنا أول واحد كان حافظ
وأنا دايماً آخر مَن سَمَع.

أنا أول واحد كان شارد
ف مساره..
وآخر من حَوِّل..

وأنا اكتر واحد عاش تايه
فِ ما بين الآخر والأوِل.

في الوقائع... والحقايق
انتم المفروض بعاد
وإني لو عايز أشوفكم..
المسافة مهيش بلاد
ولّا بينا يادوب ساعات
سهل افوتها أوام واعدي

في الوقائع
والحقايق..
إني أشوفكم مش بيَّدِي.

*ده اللي واجب إني أصدق...
بس مش عارف/ حاولت.*

قلت ياما..
إنكم في مكانكم أحسن..
بس تاني أرجع وأشِت....
م البداية ارجع وافكر..
انكم لساتكوا جاري
وإني هقدر إني أشوفكم
كل مرة..
وباختياري
مش بصدفة ف حلم خطف..

لسه مستني كلامكم..
خايف إني ف يوم اجيلكم
عند داركم..
ولا أطلب يوم رقمكم
ملئاكمش..

كل مادا..
شوقي ليكوا يكون زيادة
وصرت أأجل في المواجهة
خوفي م اليوم لما اصدق
انكو مشيتوا خلاص
توحشوني بجد اكتر

صدقوني..
لسه كل يوم بحاول
بس تاني..
ع الفراق مبقتش أقدر.

وحشتيني..
ومتلغبط ما بين حبك
وبين إنك خذلتيني
وفُتيني في حيرتي كتير

يعدي الوقت في بعادك
وانا لساتني مشتاقلك
واشوفك..
أرجع اتلغبط
وأقول إن إنتِ مش فارقة
وأصدق كدبي واتمسك..
كإنه خيط ينجيني

وحشتيني..
وسايباني..
مفارق سُكني أجفاني..
وعازف فكري عن غيرك

وحشتيني ومليش غيرك.

إنت عارف..
كل مشكلتي إني شايف..
إنه لازم أكون قوي..
وإنه مهما الحمل تَقِّل
منحنيش..
وأفضل سوي

فالأتب كان جوه مني..
كل مادا يزيد يوماتي
والنتيجة.. حبة حبة
كات بتتغير حياتي..

كله بيشوف إني ثابت!
بس ف انكساري صابت..
لما قالوا..
كل حمل تملّي شاله
جه عليه وازداد أوي..

يومها متأخر هتعرف..
إنه دايماً كان بيكدب..
كل واحد قال وبَيِّن...

إنه كان على طول قوي!

بتضيق وتضِيق
وبتبقى غريق
وتقول هتعدي... تضِيق أكتر

وتشد تشد..
وبتعافر
والخوف جواك لسه بيكبر

فتسَّلِم يومها بإنه خلاص
الباب اتسد..
وتدَوَر ع اللي هيفتحلك
ومتلقاش حد..

بيدُور الكل ف دوامة..
بمفتاح مفقود..
والباب يومياً يتربس
مسامير وقيود..

فبتصرخ صرخة تهز الكون
وبتدعي يارب..
أنا ليك عشمان
فبتلقي القلب بيطمن
بعد إنت ما قلت..
خلاص غرقان
بتلاقي الإيد لإيديك تتمد..

ولأنه قَرِيب جداً منك..
وعدك تدعيله تلاقي الرد

خفت أكبر..
لَـ الخطاوي حولي تكتر
لسة جوة مني عيل
لما كل الدنيا تزحم
فجأة يتشعلق بأبوه
أنا خفت ع العيل يتوه

قلت خطي كل خطوة
تاتا تاتا
ضحكت الدنيا بتباتة
وقالتله سَرَّع
بعد بابك اللي عدَّى
اللي هدَّى
ده نِسوه..

صار يمسك أكتر إيد أبوه.

النور مكنش الخير
وإنت كما الفراشات
قربت دون تفكير

ف اتصبت ب الأوجاع...

إزيك؟... ليك وحشة يا صاحبي
من زمان مبجيش..
لِسَّاك فاكرني؟
آسف..
إن كنت فاكر إنه سهل أعيش
من غير حُكانا كل يوم
موهوم؟
عارف.
بس يعني..
خدنا إيه من الحُكا ومن الكلام..
يعني صَبَح الحال تمام؟
ماهو لسه برضه ف الحياه تايهين.

عايشين؟
منكرش يعني.. بس مش شايفين
مبقولش يابني مغمضين..
لا مفتحين ومفنجلين وعيوننا واصله للسحاب
بس النتيجه؟
الشوف سراب..
كل الحقايق فجأه صاروا محظورين..
متلونين..
واللون بيبهت كل يوم.

متدروشين؟
شوف..
ف الدنيا دِيَّة.. كل عقلاني جنون
كل ما كان ليك مؤكد.. صار ظنون
واللي داري باللي صاير..
بات حزين..
فـ على إيه المَشَقَّة والصعاب
متدروشين.

في دنيا ماشيه بالخلاف
والخلق عاشها سنين عجاف
وسنين هَنَا..
حكاوينا لسه مَهوِّنة..
ومقويانا عشان نعيش

ف اعذرني يعني
إن كنت انا..
غايب..
من زمان مبجيش
. ومتنسانيش.
.

* ال soundtrack في أول comment *

كل حاجة أولها إنتِ
والحياة خلاصتها فيكِ
ماسكة إيدي من البداية
لجل أخطي..
وأما أقع..
بإيديكي أعدي
وأما تتقَفِل معايا
كل باب مفتاحه بيكِ..

مرة مفتاحك دعاء
مرة تانية بالاحتواء
ومرة تالتة تطمنيني

كل حاجة شافتها عيني
ليكِ دايماً فيها دور
كلمة ليكي بقولها دايماً
الحياة حولك تدور
تضحكي تضحك بشدة
وإن ف يوم كنتي ف شدة
تصبح الخضاري بور

واما يزداد عمري بيكِ
خوف عليكِ..
يزيد ويكتر
وكل مادا لما بكبر
تبقي إنتِ ليا بنتي
كنتِ دايماً
ولسه برضه كيف ما كنتِ
لسه أقرب صاحبة ليا
لسه ضلّي
ولسه طول الوقت سري
إن كان ف فرحة أو أسية

شكري ليكِ مهوش كفاية
والقصايد مش هتوصف
حبي ليكِ من البداية
ف في النهاية
كل عام دايماً حبيبتي

وإنتِ أجمل حاجة فيّا

دعيتك يارب وعارف بإنك..
بإيدك هتصلح سنيني العجاف
ففوضت أمري..

وبطلت أخاف.

وليه بياخدني تفكيري..
ف كل سكون... تملّي إليك
فيضطرب السكون دقات

كإن الكون..
بكل ما فيه من الأحداث
وتعداد مليارات الناس
بيتحول ف ثانية ثبات

ويترهبن..
ف كهف بتملكه بإيديك
ومع إني بكون عارف..
بإنه ما بينا سور وأميال
ياخدني برضه فكري إليك.

ف اشوف الضحكة تشبهلك
وإن مرة..
يطل الحزن ف مرايتي
أشوفك بس ف اضحكلك
وبنسى وقتها إيه صار

ولو كان الكلام فكرة..
ولو كل الفِكَر أسرار
وجودك وحده كان كافي

وجودك وحده م الأقدار.

-شايف فلان... طب تعرفه؟.عاشرته؟! /برضه متعرفوش.
-سامع خبر... شايفه بعنيك؟
هتصدقه؟! -متصدقوش.

صاحبك حبيبك
آه وَفِي..
-فَ مَتِأمَنوش.

-اقلق تملي من القريب
م اللي ف العركة
يحوش..

-احذر وجود نور الملاك..
ما بين ضلام أرض الوحوش.

اتقال زمان:
"رأيك صواب
جايز خطأ
رأيه خطأ
يمكن صواب"

كل الحقيقة مزيفة
كل الوقائع بالأدلة.. مُثبتة.
كل الأدلة في الوقائع..
جايز سراب.

دفة مراكبي توقعك..
كفة ميزان قد تخدعك..
لمعة عينين..
جايز شرار.

ف اوعاك ف يوم تِأمن قرار.

شايل همومك ع الكتاف
خايف تَمَلِّي من اللي جاي..
وم اللي صار
من عاش حياته ف فكر خاف
واللي أمن..
من ساب إلى ربه المسار

خوفك هيفضل ليك حصار.

أنا أول واحد يسمعلك
وانا آخر واحد يتكلم
أنا أول واحد يآمنلك
وانا آخر واحد يتعلم،
إيه كان الدرس..

أنا أول واحد يتعصب
وانا أول واحد بيسامح
أنا أول واحد بيذَكَّر
وانا اول من ينسى إمبارح
أنا آخر واحد ينسالك
موقف دلوقت
أنا عايش ف الملكوت سارح..
مش ناسي الوقت.

أنا أول واحد يرتاحلك.
و الصف الاول من جرحك/
أنا آخر واحد مُتوَقَع،
وانا أول واحد بيلاقي.
أنا أول مِن لف سَوَاقي، ف الدنيا..
وآخر من دَمَع..
أنا أول واحد كان حافظ
وأنا دايماً آخر مَن سَمَع.

أنا أول واحد كان شارد
ف مساره..
وآخر من حَوِّل..

وأنا اكتر واحد عاش تايه
فِ ما بين الآخر والأوِل.

لما عينيهم يومها اتلاقت..
عرفوا ف نفس الوقت حاجات..
مهما اتدارت... كانت باينة..
كانت واضحة..
رغم فراقهم.. والمسافات.

"-اتغيرنا..؟"

"_اتغيرنا.
والخطوات عمالة بتتقل..
والمسافات عمالة تزيد..
لسه بتسأل ليه إتغيرنا؟
واجب تسأل.. إيه هيفيد؟!
واجب تسأل..
مين اتغير فينا الأول

مين م الأول قفل الباب!"

هو يتهته:
"-يعني.... هتفرق؟
ماهو ف الآخر...
مبقاش اسمنا تاني أحباب..."

*صوت جواها كان بيقول
جايز تفرق...*

فجأة كلامهم بينهم تاه..
هي تحاول تستناه
لجل يبرر..
يعني لعل كلامه يداوي..

وهو بيلجم كل مشاعره..
كان بيحاول إنه يداري
كان بيحاول إنه يخبي الخوف جواه..

وأهو بالعافية..

جمع كل حروفه وقال:

"-إتغيرنا..

جايز علشان...
دايماً خايف..
يمكن علشان..
عمري ما كنت أنا أبداً عارف
الأيام هتاخدنا لفين..."

"_فتوقفها؟؟..
علشان خايف م المجهول!!"

"-وعشان خايف يوم لو اقول..
أتعلق....
وارجع وحداني...."

"_ف اخترت بإنك تنساني؟؟"

يسكت تاني...

__

* ال soundtrack في أول comment *

بينام.. والناس اللي فاتوه بيجوه
بيقابل ابوه..
وبياخده ف حضنه وبيسلم
يفضل يحكيله ويتكلم ..
عن ناس حبوه
وعن ناس كان فاكر انه حاببهم
كان واثق جداً ف وجودهم
وف لحظه باعوه!
عن كل مشاكله من بَعْدُه
وازاي كان مكسور من بُعدُه
وازاي اتغلب ع الاحزان
وتطول حكايتهم ع الايام ..
كل ما بينام.

وينام ..

والناس الـ واحشاه بيشوفها
هيقابل مين..
حبه الاول!
يفضل يتملى بعيونها
يفضلوا ساكتين.. زي الاول
كان نفسه يقول انها واحشاه
كان نفسه تقوله هتستناه
لكن خايف ..
م الحلم لا يخلص فجأه اوام
وماهوش عارف..
راح يتكرر تاني اما ينام
ام برضه يتوه_زي الباقي_
وسط الأحلام.

وبيسأل تاني
هقابل مين؟
بيقابل صاحب عمره عصام
مش متخانقين!
مبيتعاتبوش!
رغم انه خلاص ..
مبقاش فيه ما بينهم تاني كلام
ف منامه بيبانوا
مختلفوش..

فينام ويقوم، ويقوم وينام
مسجون ف جزيره من الأحلام.
وبيصحى بيسأل اقابل مين
فيدَوَرْ بين ناسه التايهين
ويكمل نوم
عايش موهوم
وماهوش عارف
هيواجه ايه
هيقابل مين اما يقوم!

ورا كل باب مقفول..
قصة وأبطالها..
وحكاوي رافضة تنول..
غير كل من طالها..
غير كل من عدى..
عتبة حدودها البور

ورا كل باب مقفول..
غنيوة م الدقات..
يسمعها أهل الدار
تعلن قدوم أحباب
ورا كل باب ..
ترحاب ..
وورود، قصص وسلام

ورا كل باب أحلام

أنا كنت عشمان ف اللقا جايز..
يحيي ما بينا..
كل اللي يوم سبناه
والظن مني إني لو عايز..
وقت العجاف راوي..
هلقى الزواد وياه!

قالوا العشم كداب ..
وأنا قلت راحتي معاه!
قالوا الأمل جافي..
قلت الوجع كافي

وأنا مين يكفكف دمعي إلا إياه...

قول..
إنك بتدور..
مش عارف حل معادلاتك
مش قادر توصل للمجهول
وإنك معذور
مش لاقي حلول
*مش لاقي لمفتاحك باب*
مش قادر توصف زحمتهم
حواليك.. كَـ صُحاب!.

وإن انت ضعيف..
والقوة اللي مبينها سراب!

قول..
إن انت جبان
خايف من نفسك لاتضيع..
خايف من خوفك لا يسيطر
وف مرة يبان.

وإنك إنسان..

يا شايل المسافات.. لساك وجودك بين..
لساك بتستنى.. لساه بيتأخر...
لساك بتتمنى.. ف الحلم يتبخر...
فتْقَّفِل الشبابيك.

ولعله يِكْمَل بيك.. يزداد دعاك ف نداه
ولأجل ما تلقاه.. صبح الدُعا مفروض..

يا شايل المسافات.. لسه اللقا كالقوت..
أرزاق ومش بالإيد.

إنت عارف..
كل مشكلتي إني شايف..
إنه لازم أكون قوي..
وإن مهما الحمل تَقِّل
منحنيش..
وأفضل سوي

فالأتب كان جوه مني
كل مادا يزيد يوماتي..
والنتيجة.. حبة حبة
كات بتتغير حياتي..

كله بيشوف إني ثابت!
بس ف انكساري صابت..
لما قالوا..
كل حمل تملّي شاله
جه عليه وازداد أوي..
يومها متأخر هتعرف..

إنه دايماً كان بيكدب..
كل واحد قال وبَيِّن
إنه كان على طول قوي!

وف كل مرة بيتسأل نفس السؤال
إزىّ حالك، كله عال؟
كان نفسه رده يكون صريح
كان نفسه يصرخ:

"أنا مش تمام!
فيه حاجة ناقصة ف الكلام
وف السكوت
فيه دنيا واسعه
بوسعها..
أوقات بتتحول تابوت
فيه قلب متكتف
وأحلام بتتستف
وجناح كبير
حواليه قيود!

أنا مش تمام
أنا جوة مني مفيش سلام
فيه ألف حرب
مع كل خطوة للأمام
لازم أوقف
لازم يبطأ كل درب
لازم أَخَطِي بالحساب.

ده القلب داب
وأنا اكتفيت من العتاب
ومن الحنين
من فكرة الصمت الحزين
ومن العيون..
اللي ما زالوا عشمانين
ف لُقا السراب!

أنا مش تمام
أنا كان معشش جوا مني
أسراب حمام
كان بالأُلوف
كان صوت صداه
قادر يزلزل اي خوف
واما ضاق بيه الخناق..
هاجر بعيد..

صبح الصباح
والقلب خايف م اللي جاي
وم اللي راح!

والقلب لسه بصرخته
مستني منهم نجدته
مستني منهم يسمعوا
من غير كلام"

ويضَلْ رده ع السؤال:
"الحال تمام."

الحال تمام - يارا البرلسي.m4a وف كل مره بيتسأل نفس السؤال ازاي حالك، كله عال؟ كان نفسه رده يكون صريح كان نفسه يصرخ: "أنا مش تمام فيه حاجه ناقصه ف الكلام وف السكوت فيه دنيا واسعه بوسعها اوقات بتتحول ...

وكان لينا قلوب دايمة
ورُوح متشعلقة وهايمة
وناس واثقين ف قُربِتهُم... وصبحوا مفيش!

وكان لينا حاجات بتعيش
وشمس شروقها كان مضمون
فقام العمر..
سَدْ الشيش/
وبات القلب ليل مهموم.

وكان م الفرح مغزول تُوب
لكن أوقات ميشبهناش
وكانت ف الحياه صعوبات..
لكن تتعاش.

وكان نفسنا ف دنيا..
متتبدلش أحوالها!
لَكِّنْ الأرض كات بتدور
وبتكرر ف موالها!

ف جايز ..
تلقى بكرة بعيد
وجايز جاي متلون بدون مواعيد
"دوام الحال مهوش جايز..
دوامه مُحال"
محدش ف المطاف فايز..
ده غير مُحتال!

بيلعب بالتلت ورقات؛
بيومه، واللي جاي بكره،
وبامبارح وكل ما فات.
فَـ يومه يلونه بإيده..
وعمر الأمس كان سِيدُه!
وبكره مهما كان مجهول..
هييجي زي ما يريده.

وبالتالي :
فمهما الأرض كات دارِت
ومهما المرمطة طالت
ومهما اتداس من الصعوبات
ف قادر إنه يتغلب..
"ويخلق م الفسيخ شربات"

دعيتك وعارف..
بإنك قريب..
وإنك هتقبل وسامع دُعايا
ناجيتك وواثق
بإنك سامعني..
وشايف لوحدك حنيني وبكايا

وحلمي اللي دايماً..
بكون طالبه منك..
مصدق هيحصل
وواثق لإنك..
وعدت الإجابة

وعارف هعدي..
وأشوف بر تاني..
وعارف هتفرج.ومهما أعاني
هتيجي الحلول
وأمرك نفاذ
ف مهما أقول..
يضل دعايا إليك الملاذ

دعيتك يارب وعارف بإنك..
بإيدك هتصلح سنيني العجاف

ففوضت أمري
وبطلت أخاف...