溯本尋屯

【 #屯門有情】明珠數碼攝影沖曬結業

由使用百多年的菲林相機，到後來隨科技進步出現的數碼相機及手機攝影兼備，再到近年重新揭掀起的菲林熱，世間所有事物都有其演變過程。繞了一圈似是回到原點，然而有些事物過去後終究回不到從前。

歲晚，當人們於喜慶中準備迎接新一年的到來時，位於屯門新墟啟發徑不起眼的轉角處，一間有著逾三十年歷史的沖曬相舖迎來了它的終結。在最後的一個營業天，明珠裡的眾人依舊在忙碌著，但動作顯然比過往數日放慢了不少。本來放置攝影及沖曬器材的位置現已空空如也，曾經放滿各式相機及膠卷的陳列櫃只剩零星數件貨品，有前來打算沖曬照片的街坊此時才知道這裡要結業。看著眼前的景象忽然有種慨嘆，原來結束可以來得這樣容易，存在過的痕跡能被抹得這樣快。離別，在我們身處的這個時代好像特別頻繁，從不喜歡道別，然而這次的別離與想像中的畫面有點出入。

「今日係我哋最後一日營業，睇下有咩啱吖！」櫃檯的姨姨笑著說，眼前這位剪著一頭清爽短髮、戴著圓框眼鏡的，便是在明珠工作近廿年的May姐。看著她所展露的笑容以及店舖裡瀰漫著輕鬆愉快的氛圍，讓人一時間無法將離別與這裡發生的一切掛鉤。走了兩步，一個轉身便逛遍了明珠，梧桐最後買下一支四十元的洗鏡頭水，May姐說識啲嘢，那是日本貨來的。「我哋以前每拍一張相也十分謹慎，因菲林相機無法即時檢視照片成品..….影之前會先調好光圈快門、想好構圖，很有把握才拍攝，每一張相也很珍貴。」細談之下才發現May姐也是攝影愛好者，而明珠的出現原來是一群識於興趣班的愛好攝影人士所組成，眨眼間便三十載。在我們身處的世代，這種純粹因熱愛而不顧利益的堅持，以及相互扶持走過大半歲月的情誼大概越來越難找到。

談及結業一事，May姐坦言沖曬業現時大不如前。「依家係多咗人沖曬菲林，但同以往無得比。以前每逢節日假期過後就忙到『踢晒腳』，始終嗰個時候人人都用菲林相機，無得揀！」在人類社會中，發展與進步是常態，每個時代都有象徵該時期面貌的潮流文化及標誌性事物，然而再輝煌的歲月、影響力再大的事物也終究有過去的一日。想起了My Little Airport於《九龍公園游泳池》的一句歌詞：
//二百年後這裡什麼也不是 宇宙裡有什麼不是暫時//
在不斷流逝的時光裡，在事物加速變遷、消逝的世代，有甚麼能夠被留下，我們還可抓住甚麼。

距離正式結業還剩兩小時，前來道別的街坊熟客走了一批又來了一批，一張張都是沒留遺憾的笑臉。沒再上前打擾他們僅餘的相處時間，便靜靜站在一旁。從眾人的交談中聽到了這樣一件事：早幾天有對夫婦抱著牙牙學語的孩子前來告別，夫婦二人自小便在明珠拍學生照，至孩子出生後每半年都會回來這裡替寶寶拍照，記錄她的成長。筆者一邊聽，一邊仔細地把明珠的店面再看一遍，這個二百多呎的地方承載了多少與那對夫婦相似的故事，那張顏色背幕前的四方木凳，承載了多少個成長歷程。

記得中一那年暑假，糊裡糊塗地走進明珠，影了一打開學用的學生相。收到成品時，發現臉上的青春印記竟消失得無影無蹤，驚嘆又歡喜。從此之後，明珠成了每個暑假的必到之處。今天在明珠門口，一個個與明珠的邂逅娓娓道來，區內區外的都紛紛前來話別，皆因一句「佢哋真係用心幫人影。」

店鋪總敵不過時光洪流，有不少會黯然落幕，卻有些在一片暖意中歡別。能夠得人心的，終究是用心相待的結果。問到May姐有何臨別感受，她想了良久，最後道出四字 — 如釋重負。也許，卸下明珠，他們鏡頭下的風景會更自在得意吧﹗

【 #屯門有情】美國有51區，原來屯門都有個44區?

美國有個51區，相信有啲聽過鬼故嘅讀者都知識👻，咁唔知大家又知唔知，屯門其實有個44區呢？🙈

屯門第44區，位於湖康診所旁，依一帶都屬為政府用地，主要有政府嘅社區設施，仲有魚類市場。放心，就無研究外星人嘅地方。😂😂😂

至於點解叫做44區？其實有為屯門絕大部分嘅地方都有做分區，由規劃署負責，比如友愛安定就係L/TM13/1B可以叫做13區，市中心一帶係L/TM11/2 亦即11區，至今已為唔少地方都有佢嘅命名，因此就無再用分區編號去叫嗰個地方，但至今係街到會見到「16區」以及「44區」，而「16區」就係屯門游泳池、海皇路花園一帶。

話說1996年時，魚類批發市場係位於三聖，睇過第二期嘅讀者就會知道啦😏，而屯門區議會就決定將魚類市場搬到嚟依到。最終於2011年6月3號搬遷至此。除此之外，政府大樓亦都作為社區設施，有社區會堂，有個好靚嘅打卡位😎😎－－龍舟賽事觀看台。唔知大家有無去過呢🥸？

仲有多個fun fact😝😝，屯門去上水嘅44號綠van 政府公共小巴嘅總站就係44區，依個唔知大家有無發現呢。🤪

【 #屯門有情】 專訪 #何思蔚（下）：不要忘記心中彼岸的樣子

每人心中都有一個彼岸，彼岸或許是未來想見到的風景或對一個地方變得更好的盼望。在何思蔚執導的鮮浪潮短片《 #直到我看見彼岸》，與凌鉦鍵坐在蝴蝶灣的小朋友鄧少傑所看見的彼岸便是大海後面的澳洲，是片中鄧少傑很想去凌鉦鍵即將移民的地方。

雖然鄧少傑年少，不能離開屯門，無力改變現實，但仍不能阻止鄧少傑想去陪伴朋友。有次何思蔚創作劇本問凌鉦鍵：「你想帶走啲咩？」，鄧少傑在旁邊講：「帶走鄧少傑！」心思敏銳的何思蔚捕捉到鄧少傑本身願意親自製作一份禮物給一個即將離開的人。這個心願構想成片中會飛天，用當時疫情嚴重的口罩盒製作的「具機翼的紙製輕鐵」，還利用夜晚的電筒砌成機場跑道，跳出輕鐵路線圖的框架，是小朋友前往彼岸的法寶。

看見彼岸的你現時又身處何方？在片中鄧少傑留在香港，長期生活在屯門區山景邨附近。山景（南）站是一個凹入去的站，只有輕鐵505駛進。鄧少傑身處的環境與凌鉦鍵即將要離開去澳洲嘅環境很不同，比較偏僻和細小，好像難以走出。

何思蔚說自己投射很多感情在鄧少傑身上，把鄧少傑放在三聖邨，因為是何思蔚年少時，她外婆住的地方，是很珍貴的回憶。何思蔚畢業作品《那天，大海是橙色的。》和現時《直到我看見彼岸》也是在屯門發生，感覺好像走不出這個地方，不過認為不是壞事。《直到我看見彼岸》每一場公映都有人揸咪講話自己住在屯門，見到自己熟悉的畫面，好像一齊圍爐。

走不出的感覺或許好像不斷在輕鐵路線圖上固定的點之間遊走。要記住想走的方向可能需要感情的推動。何思蔚觀察鄧少傑是一個重感情的小朋友。鄧少傑沒有電話，他會用他屋企的ipad影下一些東西，可能是想留下一些他覺得重要的東西。片中穿插鄧少傑、淩鉦鍵和其他小朋友一起經歷的相片，那幕是何思蔚的想像，如果鄧少傑有電話的時候，他會想留下淩鉦鍵離開前相聚的記憶。

何思蔚也是一個重感情的人，不想忘記對她重要的事。訪問最後，她希望小朋友長大，重看短片時，「我希望佢哋唔好忘記佢哋曾經想留低好重要嘅回憶，例如（片中）鄧少傑，唔好唔記得佢好想鉦鍵拎走個陀螺，可能朋友會隨著時間唔記得咗，但自己都要記得。」對未來有期盼，希望每一個小朋友長大後都有自己記得的部分，也許是其中一個彼岸吧！

#第17屆鮮浪潮國際短片節2023

圖：《直到我看見彼岸》劇照

—————
後記
小編還記得一開始看見屯門不同角落放到戲院銀幕上，真的很興奮🥰放映後，帶着對《直到我看見彼岸》的喜愛，便硬着頭皮邀約導演，沒想到很快便促成了今次的訪問。未看？快點到 ViuTV App 重溫啦🤩！

【 #屯門有情】專訪 #何思蔚 （上）：離開與留下

行得慢有時有一種被時代遺下的感覺。

鮮浪潮短片《直到我看見彼岸》導演何思蔚形容自己很慢，有人取笑她是「呀婆」，追唔上生活變化的步伐。何思蔚年少放學後會去婆婆家逗留，看下去是三聖邨附近的海天酒家。附近有一棵幾十年歷史的松樹，有一天彎得要緊便斬去。何思蔚第一次感受很實在的失去，不知道可以做甚麼。「拍一個作品，希望自己唔好唔記得一啲嘢。」，便是她現時對失去的回應。

《直到我看見彼岸》創作源於何思蔚有天在屯門一個很多補習社的栢麗門口附近看見兩個男生並肩而行。她上前問對方，對於失去有何感受？身邊有沒有朋友移民？凌鉦鍵說，自己即將要移民澳洲。鄧少傑留在香港。一人離開，另一個留下的人又怎樣走下去？

何思蔚蹲下身子，用小男孩的視角了解他們愈多，劇本也會跟隨修改。有次何思蔚聽到凌鉦鍵說他要交收，發覺他家人在carousell賣他的玩具和個人物品，默默準備移民，最後寫成在輕鐵車尾交收陀螺的一幕。

如何面對失去？何思蔚問鄧少傑如果有朋友移民，你會送咩畀佢的時候，鄧少傑說他想送一個代表到自己的東西，希望令對方永遠不會忘記自己，所以何思蔚便創作鄧少傑很想凌鉦鍵拎走「雷神陀螺」的道具，短片後段，陀螺不見了。朋友可能隨著時間忘記，但自己仍要記得，不要忘記他們曾經想留下很重要的回憶。

人的生活是被推著走。片中鄧少傑小學的回憶和玩具被她媽媽扔掉，鄧少傑選擇在這箱東西被清走前，彎下身子在屋邨走廊摷垃圾，最後繼續前行。當中想表達的意思暗藏在英文片名，”Before the Box Gets Emptied"。重視的東西一個一個慢慢清去時，自己想成為一個怎樣的人，又會怎樣面對，然後前行？

何思蔚憶起當時她留意這款第二期輕鐵拖卡沒有駕駛室，直接接駁前面車廂，可以在前面車廂影向拖卡內，花了 2 小時拍攝，直至天黑才收手。沒想到現時已退役了。她感歎又有一樣東西消失了，惟有用不同方式令自己記住，再繼續前行，「好似無奈，但係唯一可以做到嘅嘢。」

#第17屆鮮浪潮國際短片節2023

圖：《直到我看見彼岸》劇照

—————
後記
小編還記得一開始看見屯門不同角落放到戲院銀幕上，真的很興奮🥰放映後，帶着對《直到我看見彼岸》的喜愛，硬着頭皮邀約導演，沒想到很快便促成了今次的訪問。未看？快點到 ViuTV App 重溫啦🤩！

【 #屯門有情】雅都小食店

小編細個每次剪完頭髮之後，啊媽都會買杯蜜糖牛油粟米畀我食，為嘅係止住嗰啲因頭髮被大刀闊斧砍下而流嘅悲傷的淚水。

呢杯神奇嘅蜜糖牛油粟米可以喺雅都商場地下，唯一一間小食店入面買到。相信入過雅都嘅朋友仔就算無幫襯過，亦會聞過鋪頭傳出嘅牛油粟米香。

呢間店另一個必試小食係撈麵。作為自學生時期已浪跡街頭尋覓小食的貼地港孩，多年覓食經驗告訴我，睇一間小食店做唔做得耐，要睇佢嘅撈麵好唔好食。而呢間嘢嘅撈麵比我哋平時食到嘅普通營多再多一種層次，嗰種滋味唯有親自品嚐過，就會知道點解依間鋪頭喺雅都超過廿多年仍屹立不倒。（話說當年嘅粟米杯只係賣5蚊。。。早幾日行過見到要成13蚊。。。）

🔎 仲未買第五至八期？快啲去買啦～ 支持本土社刊：https://forms.gle/M3EQDnCrSnq8tkVv7
🔎 想知更多屯門小資訊？咁就要follow我哋《溯本尋屯》

【 #屯門有情】專訪小塵埃｜兩粒塵的日常

小塵埃（Lil’ Ashes）是由 Pollie 和Jonathan 組成的二人樂隊。他們同時是情侶。未開始訪問，Pollie 已急不及待問我們鐘意食雲貴風定雲川燒，掀起一場屯門米線大戰。Pollie 喜歡食雲貴風，另一半 Jonathan 正正相反。不單米線，兩人提到在屯門拍拖的回憶時，紛紛褪去黑白造型散發的氣勢，展現日常鬥嘴的甜蜜。

Jonathan 由小到大已住在屯門，原先在港島北角長大的 Pollie 很像香港版的 LongD。Pollie 第一次獨自乘車到屯門，分不清楚輕鐵的數字路綫，乘錯車，去錯站，試過致電給 Jonathan 但不知自己身在何處。Jonathan 立即大笑要經常「尋寶」找她。

「搭車呢件事我長大了」Pollie 辯解自己現在不會好像盲頭烏蠅，見車就上。港島的交通網絡好像與屯門不同，Pollie 比喻港島像一條路，試過向一個方向搭電車或行路都能抵達目的地，但屯門有很多不同路線的輕鐵和巴士號碼要記。現在她也在屯門「出師」，學會記巴士號碼，Google 搜尋是否經過轉車站的巴士和留意「屯公顯靈」。Jonathan 提起以前讀書由屯門去香港知專設計學院 (HKDI) 要轉幾次車時，Pollie 形容「車程來回已經扣咗HP（生命值）一半。」

小塵埃便多在屯門尋找快樂。Pollie 記得「巴倫紐」戲院裝修前，已與 Jonathan 一起去凱都戲院買性價比高的爆谷到「巴倫紐」戲院，想不到寫甚麼時，也會一起去紅橋找 BYOB 老闆聊天，嘗試咖啡拉花，在屯門到處吃，還形容澤豐行去紅橋那段路好像「日本的香港」。

在屯門生活，小塵埃一起經歷了很多，音樂路上亦如是。由以往拿着結他被標籤為小清新，今天小塵埃一起穿上型格的黑白服裝，決意改變小塵埃形象。屯門人比較熟悉的應是 2020 年的電影歌曲〈幻愛〉，大家不妨聽一聽Pollie 與 Jonathan最近「夾手夾腳」，首次曲、詞、編、監、唱新歌〈bye-bye〉，親身感受小塵埃出道 12 年後的內心轉變。

小塵埃訪問credit
Makeup: Onetung Ma
Hair: Frankie @ W Workshop
Stylist: Exactly the Sam
On Pollie: b+ab from I.T
On Jonathan: Goopi Made
Venue：Studio Meta

【 #屯門黃頁】醜到不行的隔音屏障

不論係坐車由外區返回屯門，定走經屯市行街睇戲食飯，必然能看見連綿不絕而又醜到不行的綠色隔音屏障，屏障設於近安定邨和置樂花園一帶路段，延綿至屯門公路市中心段（近屯門新墟）及虎地段（近兆康），長達一點三公里🏁

咁醜嘅設施到底係何時、為何，又是如何落實的呢？

這不得不提及當初圍繞著屯門公路建立社區的屯門新市鎮規劃，屯門市中心作為區內中心地帶，是一個圍繞著屯門公路而建的商住圈。然而公路兩旁的住宅區居民亦首當其衝地飽受噪音滋擾，嚴重影響身心健康。有見及此，政府於2000年起推行噪音緩解措施，當中包括「低噪音路面計劃」（即鋪設低噪音物料作為路面）、「安裝隔音屏障計劃」等。而我們現在看見這又綠又醜的大面積隔音屏障，則是2008年屯公進行重建及改善工程時一併開展加設的。

據說為顧及城市景觀，政府採用了綠化罩頂和綠化牆，期望藉此美化社區。但小編觀察到的現實是綠化牆有近三分二面積係沒有植物生長的，區內部份行人天橋的景觀更被隔音屏遮蓋，有種工程未竣工的感覺。友人曾與小編說屏障沿途印有關於屯門的歷史和發展，讓居民知道也挺好。而事實是，坐近窗邊的小編全神貫注地望著窗外，卻連照片都還沒看清，車子便已駛過。

醜其實不是一宗罪，然而醜得來卻讓人難受，便要正視一下。如何難受？請曾在隔音屏障候車，享受過廢氣蒸幕的朋友們舉舉手✋✋

🔎 仲未買第五至八期？快啲去買啦～ 支持本土社刊：https://forms.gle/M3EQDnCrSnq8tkVv7
🔎 想知更多屯門小資訊？咁就要follow我哋《溯本尋屯》

【 #屯門有情】黄妍專訪 | 成為一顆星以前

🔶 我們與社區的距離

社區在一個人的成長中意味著什麼？ 我們的成長受環境、一路上遇到的人和自身經歷所影響，社區正是每個人走過這段成長路的主要場所。每天早晨經過的麵包店、轉車站魚貫湧入的上班族、老是常滴水的公共屋邨、下班時才「顯靈」的屯公、持續行駛至凌晨「叮叮」，那些看似毫不起眼的街景和千篇一律的日常，卻建構了你我無法複製，也無可取替的社區。

對黄妍來說，屯門是她的家，是她成長中所不能或缺的一塊拼圖。提起屯門，大部分人首先想到的是其偏遠的地理位置，還有動輒以小時起跳的車程。但正是這段車程，黃妍開啓了她漫長的耐性修行之旅，亦埋下日後踏上文青的路途。

🔶「我嘅耐性係從住屯門起開始練成」

說起屯門，不論男女老少，最使人聞風喪膽必然是車手雲集的屯門公路。初小搬入屯門居住的黃妍，因需要跨區到荃灣上學的關係，很早便累積和屯公交手的經驗。「搭車一定係長時間，永遠都係半個鐘起跳，再加埋塞車就更加啦，所以我膀胱的能力非常強勁，哈哈！」黃妍似乎有種與生俱來的樂觀，把這些區外人無法接受的事輕輕帶過。又或許，這種自嘲是屯門人經年累月，在無可奈何下修煉回來的成果，夾雜月月年年對屯公的愛與恨。

「搭長途車無嘢做吖嘛，一唔係就望窗發吽豆，咁其實好嘥時間，所以就睇書。」在那個未有智能手機的年代，乘車的人們不是看風景，就是睡覺，而不願浪費時間的黃妍選擇將半小時的車程用來閱讀，自此結下與書本的不解之緣。

想起了蘋果創辦人賈伯斯關於「connecting the dots」的故事，看來在不經意間埋下的許多偶然，在當下或許偶然得難以聯繫。但在某個時間點回頭看時，那些散落一地、毫無規律的點造就了我們某些習慣，影響著我們某些特質，而屯門塑造了現在的黃妍。

🔶 回不去的那些年

當問及少年時期最常與友人蹓躂的地方，黃妍尷尬地笑著，她回答了三個地方：市中心、屯門公共圖書館和隔壁的自修室。「不過我發現屯門好多地方唔同咗，尤其係呢幾年間...穿過友愛安定商場（註：現稱為愛定商場）嗰陣會諗，咦，點解成個layout唔同咗嘅，同埋啲鋪頭變晒... 市中心都係...行同一條路嘅時候行唔返（以前嗰種感覺）。」黄妍望向遠方，面上一直掛着的笑容彷彿多了一點落寞。

近十年，在政府擬定的屯門發展藍圖下，區內的生態圈有了很大的轉變。 大型連鎖店相繼進駐屋邨商場，小本經營的店鋪悄然無聲地消失在居民的視線裡。看着昔日熟悉的事物逐漸消逝，那些承載著我們回憶的事物不復存在，我們身在其中卻只能見證事情的發生。

我們大概比誰都要明白吧，那種無可挽回、無法改變的無奈。

🔶「我哋會用屋企去形容屯門」

社區的定義之一在於地域與空間的劃分，共同生活在一個地區的居民會稱他們居住的地方為社區。因工作關係，黃妍搬離了屯門到市區居住，那麼屯門在黃妍心目中佔據著一個怎樣的位置？

「我爹地媽咪目前仍在屯門居住，所以我返屯門係會話返屋企......我哋會用屋企去形容屯門。」看黃妍理所當然地得出這麼一個結論時，筆者當下有種愕然。原以為在另一個社區生活的片段與經歷會沖淡她對屯門的情感，然而有些事情是永遠不能被取替的。

「屯門係我長大嘅地方，我嘅青春就係喺嗰度，所以好多好傻嘅嘢、好蠢嘅嘢、好搞笑嘅嘢都喺嗰度...嗰段時光係無法返去的，我嘅青春就係喺嗰度，我嘅青春就係喺屯門發生。」對每個人而言，總有某些地方是獨一無二的存在，以至無論我們走得多遠，終有些愛是難以割捨的。對黃妍來說，這個地方是屯門。對筆者來說，這個地方也是屯門。

Makeup: Jessica chan
Hair: Billy Hai @ Alex’s Team
Outfit: Charlotte Ng Studio

🔎 仲未買第五至八期？快啲去買啦～ 支持本土社刊：https://forms.gle/M3EQDnCrSnq8tkVv7

🔎 想知更多屯門小資訊？咁就要follow我哋《溯本尋屯》

《選擇留下來的你，仍然在尋找答案嗎？》 ｜三聖邨的 Little Mermaid｜從劇場世界讓我們尋找好好活下去的原因｜ #風車草劇團

「三聖邨」呢個地方，對於屯門人嚟講一定好熟悉（🚃 505 輕鐵總站咪係「三聖」囉）。編委們當初知道「風車草劇團」要推出《三聖邨的 Little Mermaid》嘅時候，即刻尖叫出聲！🤩「三聖邨」竟然可以成為音樂劇場嘅劇名，甚至乎係故事嘅創作背景，Skr！！！

我哋當然要把握機會🥰，所以厚住面皮去邀請創辦人邵美君（阿君）、梁祖堯（阿祖）及湯駿業（Ah Dee）做訪問，希望深入了解今次創作嘅靈感和構思，令讀者知道更多創作者背後嘅想法。

上集我哋從「三聖邨」入手，分享咗阿祖同 Ah Dee 對「三聖邨」嘅印象和感受，今集希望探討故事嘅另一重點：Little Mermaid（美人魚） 🧜‍♀️

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
📍 【 點解今次要揀「美人魚」做題材🧜‍♀️？ 】

唔知大家對於美人魚嘅印象係點，但小編接觸美人魚嘅故事，源自於細個睇嘅《安徒生童話》，故事劇情同Disney差唔多，唯獨最後嘅結局並非 Happy Ending，而係人魚因為愛而犧牲自己，結果化成泡沫，與親人陰陽相隔，然後喺天堂祝福深愛嘅人（當時每次睇完都喊🥺）。

編劇之一嘅阿祖原來都有睇過呢個版本，而點解佢會用「美人魚」嚟創作今次嘅音樂劇，就可以從佢親身嘅經歷講起，原來曾經喺香港仔發生過件大事😱！當時口耳相傳話有漁民捉到美人魚，仲吸引咗一大批傳媒同市民圍觀，大家好興奮噉喺碼頭等待漁船泊岸，希望一睹人魚嘅真面目。

最後，好可惜⋯⋯乜都睇唔到⋯⋯😒聽聞當時有傳漁民被人魚威脅，如果唔釋放佢就會為呢個地方帶嚟災難。阿祖話，佢專程上網去搵相關嘅資料，原來《恐佈熱線》都有提及過呢件事，有興趣嘅朋友都可以去了解下👀。

呢件事成為咗創作嘅源起，亦都啟發咗阿祖去延伸想像，究竟如果真有其事嘅話，啲人會係點樣㗎呢？佢哋又會諗啲咩🧐？看似係「離地」同「虛構」嘅人魚故事，其實可以好真實，亦好反映人性嘅光輝同陰暗面。

至於點解一定要寫「美人魚」，阿祖笑說沒有特別嘅原因，亦很難用理性去解釋，呢樣就係創作者嘅特點，總會有一啲題目或者對象好想寫，覺得人生入面一定要完成。對佢嚟講，「美人魚」就係其中之一。

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
📍 【 演員又點睇「美人魚」呢？ 】

阿君擔任呢套劇嘅演員，佢從另一角度去分享對「美人魚」嘅睇法。過去「風車草劇團」嘅創作都會搵一啲隱喻去代表某啲心態。童話故事嘅美人魚要用聲音去換取雙腳，而呢套音樂劇，透過「美人魚」好直接噉去講人性，講選擇，講等價交換✨。

唔同階段去睇「美人魚」故事，想法都會有分別。作為導演加演員嘅 Ah Dee，佢細個睇嘅時候，覺得劇情好荒謬，即使美人魚啞咗，其實仲有好多方法話畀對方知個事實（例如寫出嚟✍🏻），噉咪可以避免做悲劇女主角。

但當佢大個咗之後，發現原來人真係會噉😥，可能背後有好多苦衷，所以先至唔講得，又或者怕影響身邊嘅人而身不由己。另一方面，Ah Dee 覺得美人魚呢種半人半魚嘅生物，可以畀人好Fantasy嘅感覺，佢又無乜殺傷力，又冇乜魔法，呢種特性反而可以好純粹噉去呈現價值。

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
📍 【 呢套音樂劇，最後想表達啲咩？】

「我哋唔係有一個Message想話畀觀眾聽，而係想問觀眾一啲問題，等大家去尋找自己嘅答案。」

作為劇場人，阿祖好希望透過作品去引起大家嘅共鳴、反思同帶嚟力量。「風車草劇團」推出過唔同嘅作品，過程中不斷深化和轉變，而「災難三部曲」嘅頭兩部曲，喺創作故事之前，已經有一句說話作為成套劇嘅核心價值。

1️⃣ 第一部曲《米線女戰士》：
「我哋咩都唔好驚，我哋守住個湯底，衝入去風眼裡面」

2️⃣ 第二部曲《通菜街喪屍戰》：
「同邪惡勢力鬥長命，只要留得住個頭，我哋就可以鬥長命」

3️⃣ 第三部曲《三聖邨的 Little Mermaid》，阿祖好深感受噉講：

「宜家留喺香港嘅人，無人可以用一句說話去歸納我哋嘅想法。」

如果你都喺旋渦之中兜轉，不如嘗試喺《三聖邨的Little Mermaid》入面，尋找我哋各自獨有嘅答案，一齊沉澱同思考，然後有力量繼續好好活下去。

鳴謝：
風車草劇團｜風車草劇團 (Windmill Grass Theatre)
湯駿業（Ah Dee）｜湯駿業 Ahdee
梁祖堯（阿祖）｜梁祖堯
邵美君（阿君）｜邵美君

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
《三聖邨的Little Mermaid》音樂劇場｜風車草劇團 2023�

沒有最壞的三聖邨 只有更壞的三聖邨

小美人魚千辛萬苦，想變成人類。她擱淺在香港一個叫三聖邨的地方，在那裡她努力證明，愛和每一個意識，都是真實存在過！
小美人魚加油呀！

📆 場次｜
11 - 13/8/2023
15 - 20/8/2023
22 - 23/8/2023
24 - 27/8/2023（加場）

🎫 購票｜城市售票網
🔎 想知更多屯門小資訊？咁就要follow我哋《溯本尋屯》

【📍消費券超值使用攻略📍】

有咗早幾轉派發消費劵嘅經驗，小編發現到一件事：原來幾千銀消費劵嘟嘟下就無哂了，剩下嘅只有小編那空虛孤單寂寞的心❤️‍🩹

咁可以如何妥善運用呢筆錢使我哋心靈富足？💗💗機會嚟喇！飛雲！❤️‍🔥經早排小編們的努力，我哋將《溯本尋屯》五至八期送到全港各獨立書店作寄賣🫡

📍地點包括：

新界
‼️ 元朗：書少少×同渡館
‼️ 錦上路： 角落 Kok Nook

九龍
‼️深水埗：Book Punch 一拳書館、半杯寮（沒有八達通機）
‼️ 旺角：序言書室 Hong Kong Reader 、榆林書店、界限書店｜Boundary Bookstore

港島
‼️ 字字研究所-書店

一餐飯嘅價錢換嚟可無限次重覆嘅文字旅途，大家不妨試吓以社區故事慰籍下勞碌疲憊嘅心靈❣️

#仲諗？
#都啱嘅
#使錢前要諗清楚

想知更多屯門小資訊？咁就要follow我哋《溯本尋屯》 😍😍😍

【你見過有美人魚的三聖邨？！】 #劇透注意

把三聖邨放上葵青劇院會變成怎樣？「舞台上面追求唔到嗰個寫實，愈寫實就會愈假，但舞台最有力量嘅就係可以引起觀眾嘅幻想同埋聯想。」梁祖堯（呀祖）認為演員有能力改變一個空間，再由觀眾腦海填補後會相信眼前看見的就是三聖邨，投入更多情感。他與湯駿業（Ah Dee） 聯合執導的《三聖邨的 Little Mermaid》音樂劇場，是風車草劇團「災難三部曲」的最終章。內容圍繞美人魚、人性、抉擇的香港故事，相信不是住在三聖邨的香港人也會有共鳴。

港島人呀祖沒有想過會去三聖邨食海鮮，第一次去是拍《宵夜燒到過埋夜》。呀祖認為三聖邨與西貢、南丫島很不同。他看見殘到爆炸的「海天」招牌、冬菇亭、舊碼頭、「風調雨順」的旗海、海鮮檔後面的棚屋的舊生活痕跡後，便覺得美人魚故事要在三聖邨發生。

第二次到三聖邨，呀祖更發現一間海鮮檔後面鮮為人知的一面。他們每日用一個半小時，把有幾十年歷史的木板拆卸和重嵌成為木門。在用15秒就拉完閘的時代，那種堅持和骨氣令呀祖很感動，「一啲好堅持的人情味，好似好守舊，呢啲彷彿令我哋生活好唔方便嘅嘢，我哋會喺戲開頭堅持好多。」

每個人對一個地方有不同的形容。在屯門長大的 Ah Dee 說三聖邨以前有好多漁民，他親戚出海打魚，在三聖邨買賣，在漁市場生活。Ah Dee 想像《三聖邨的 Little Mermaid》中一對老夫婦看見海邊演變陸地的三聖邨，屯門新市鎮等出現，看見傳統的價值， 留到2023年今天的香港會變成怎樣。「沒有最壞的三聖邨，只有更壞的三聖邨」是《三聖邨的 Little Mermaid》的宣傳句子。Ah Dee 問，當世界無可避免愈來愈壞的時侯，好多角色或人進來衝擊他們的生活和在香港成長所累積的價值觀，角色和我們又點算呢？

其中一個角色就是美人魚，令住在屯門的小編都很期待進入風車草劇團構建的三聖邨。當一個地方愈來愈壞，選擇留下或離開的原因是甚麼？想知多啲《三聖邨的 Little Mermaid》？留意下集和快點買飛去睇！

*部分照片由受訪者梁祖堯先生提供

【 #屯門黃頁】點解屯馬線（原西鐵線）出市區嘅路咁怪？

每次搭港鐵爭分奪秒趕出市區時，總希望能跳過天水圍站直出元朗。相信有不少區外人士受港鐵路線圖誤導，見屯門、天水圍、元朗站連在一起，便以為這三個區近在毗鄰，屯元天一家親的美麗誤會由此而生。事實是，在屯門出發，需往北面繞一圈到天水圍後，再南下才抵達元朗。偶爾會想，到底邊個天才將條鐵路設計成咁......

翻查資料發現，香港政府為規劃本地鐵路網絡進一步發展，於1995年邀請當時的地下鐵路公司及九廣鐵路公司就貫通新界西北至九龍市區的西部走廊鐵路（簡稱西鐵，即現屯馬線屯門至紅磡）提交計劃書。而當初採用、由九廣鐵路公司負責的西鐵建議書中，其近郊客運線終點站設在天水圍，而非屯門。

後來在九廣西鐵工程進行途中，有屯門居民提出訴求，希望西鐵能於天水圍延伸至屯門。最後九廣鐵路公司決定將路線南延，便有了我們現在的兆康站（原稱屯門北站 Tuen Mun North）及屯門站(Tuen Mun)。

#有沒有曾經同小編問過同一條問題的朋友？
#長知識了
#大家仲想唔想知多啲屯門交通嘅資訊


P.S 第三頁 ”Tuen Mun” 打錯咗做 “Tuen Men” 🙈🙈🙈
🔎 仲未買第五至八期？快啲去買啦～ 支持本土社刊：https://forms.gle/M3EQDnCrSnq8tkVv7

【 #屯門黃頁】屯門本可能有電車運行？

眾所周知，輕便鐵路（現稱輕鐵）為屯門區內的主要交通，但大家又有無諗過其實喺當初規劃新界西北鐵路系統的時候，其原型是打算參照當時在港島已運作近80年的香港電車模型營運呢？換句話說，即係電車其實本應將出現在屯元天一帶，作為區內主要交通。

大家平時見到輕鐵系統沿路嘅電纜好似特別高咁，車頂距離電纜嘅高度分分鐘企到一個人，咁其實係因為輕鐵第一期系統嘅設計是抄考港島運作中的電車模式，基於雙層輕鐵列車運作設計而成的。

你老點我咩？咁大個人都未見過雙層輕鐵喎！

因為經進一步評估後，當局認為屯門、元朗人口唔多，加上輕鐵設計嘅行駛速度高達時速80公里，基於安全考量，最後卜錘採用我地現時所見嘅單層輕鐵列車提供服務喇～（好可惜啊 小編心中吶喊）

#唔知大家鍾意電車定輕鐵多啲呢？
#如果輕鐵有雙層開心好多
#唔知現時推雙層輕鐵行駛可唔可行呢？
#有冇人想知點解後來變咗輕鐵而唔係電車？
#睇吓大家反應如何再出文講吓輕鐵嘅前世今生

🔎 仲未買第五至八期？快啲去買啦～ 支持本土社刊：https://forms.gle/M3EQDnCrSnq8tkVv7

‼️‼️超級勁爆叱咤Carousell‼️‼️

各單位注意🫵為令更多人認識我哋筆下嘅屯門社區💚亦更方便大家支持我哋繼續營運，現隆重告知大家我哋已全面進駐Carousell🫡

有興趣嘅街坊伙伴們💁🏻💁🏻‍♂️又或是區外的朋友，歡迎大家透過Carousell向我們
。訂購溯本尋屯五至八期📚
。同屯門區小店相關的紀念品
。溯屯tote bag

#快啲科勞我們啦🫶🏻

🔎 仲未買第五至八期紙本？快啲去買啦～ 支持本土社刊：https://forms.gle/Tbtu2RM87dCxoCyc6

想知更多屯門小資訊？咁就要follow我哋《溯本尋屯》 😍😍😍

【 #屯門有情】置樂中有溫度的小店 —— 福興素食店

喺置樂屯官對面，有一間屹立咗十幾年嘅素食鋪。「福興素食」 —— 一副黃底紅字嘅突出招牌，難得認真一望，好似好熟悉（望咗好多年），但又好似從來都無留意過。心血來潮，小編決定入去一探究竟！

入到去，鋪面細細，只見一位面容慈祥嘅姨姨住喺到。

「哥哥仔，食飯？」後來傾談下得知，姨姨原來叫張太。

一答應，張太就走入廚房，過咗幾分鐘，一碟熱氣騰騰嘅素菜捧到面前。「試下好唔好，話返畀我知！」

小編係食肉獸，平日不太好食齋，因為好怕嗰種淡而無味嘅感覺，唔係菜味就豆味，唔好食。但，望住面前碟餸，好幾種唔同嘅齋菜，望落仲幾惹味。一食落口「嘩！」，竟然齋菜都咁好味！

「呀姨，掂喎，好食呀！」我驚嘆。同張太閒聊，張太話平時每日先得幾個客，整好晒怕浪費食材，不如即叫即整，客人又食得開心。

「我尋日睇咗條片，原來雞髀菇可以有好多種做法，遲啲又試下整先！」經營咗已有十多年，張太仍然不斷鑽研唔同素食做法，佢笑言：「唔好食齋食到咁悶嘛！」

上星期，小編又再次光顧。一句「食飯」，又捧來一碟熱騰騰嘅素菜。今次有煎豆腐、炸雲吞（小編無能唔記得影相🫣），張太問我會否太油膩。此時先發現，原來張太淥咗幾塊生菜墊底。我話：「唔會喎，有啲生菜中和返」。張太不禁會心微笑：「哈哈，畀你發現我心思！」

小編至今光顧「福興素食」幾次，每次嘅餸菜都唔一樣，但一樣嘅係依然感受到張太為人着想嘅用心。即使每日客人不多，仍然保持熱情同好奇心，務求令每個嚟食飯嘅客人都食得滿意。

平平無奇嘅門面，估唔到有咁有愛嘅體驗。大家不妨試下「福興素食」，食餐靚齋，同張太吹下水！

快啲click入訂閱link🔗，支持第五至八期溯本尋屯啦🤪

🔎 仲未買第五至八期？快啲去買啦～ 支持本土社刊：https://forms.gle/Tbtu2RM87dCxoCyc6

想知更多屯門小資訊？咁就要follow我哋《溯本尋屯》 😍😍😍

【突發！溯屯上MM？！】
今次旅行止癮，我哋帶住呀Sa騎牛入嚟，行五條屯門一樣樣嘅石屎橋！入面仲為大家介紹紅橋嘅小社區，希望大家由另一個方向認識屯門默默耕耘嘅小店同人情味，一齊尋找屯門嘅愛🦥💘
多謝MM邀請，特別係呀Sa陪我哋行足全日💚
#你知唔知屯門有五條一模一樣嘅橋？


去片🎬 https://youtu.be/AOkIFvV8ofw

【 #屯門黃頁】提倡自由研究精神，綜合世界文化潮流的「最新型民主大學」——達德學院

拖咗好耐稿，而家嚟同各位讀者找數喇🫶🏻上一回講到達德學院原來係繼港大後，香港第二間高等院校🏫到底呢間嘢係咩來頭呢？

話說💭學校創立喺二次世界大戰後，其時香港有大批從海內外回流嘅失學青年，經歷戰火洗禮後想要繼續求學；同一時間，國內政治環境惡化，大批知識分子為躲避政治迫害而轉到香港，呢班經歷豐富嘅知識分子所組成的優質師資團隊，連同有抱負、有想法嘅青年，共同實踐以自由研究精神，融合世界文化潮流並闡揚民族光輝歷史嘅教育理想。再加上當時港英政府無意干涉中國內部各政治派別爭拗嘅管治態度，達德學院最終順利獲發立案執照。

達德學院取義於《中庸》📖「智、仁、勇三者，天下之達德也」，望學生具備「智、仁、勇」三種品德，如此一間富人文關懷嘅學校，其最終目的為培養高等人才，作服務人民、改變社會之用。

作為一間以民主辦學為方針嘅院校，為實現其教育方針和培養目標，達德學院喺課程設計、教學方式和行政管理三方面進行不斷探索同改革。教師們會盡可能創造條件，讓學生走出課室，接觸並瞭解社會，以求學生能夠把書本知識與社會實際現況結合。當時嘅學生會走進工廠去了解管理；到大公司去了解會計與實踐；到電影製作片廠去參觀管理與拍攝等。而咁樣嘅教育喺當其時嘅中國同港英政府管治下都係一項十分進步嘅創舉。

#有冇人想我哋出第三集
#一間行得咁前嘅院校點解最後會沒落
#呢間院校當時嘅師生後來去咗邊
#同現今各大院校相比…
#冇比較冇傷害

【社區動物X社區文化】

緣份就係如此的奇妙，對社區動物無太大興趣及關注的小編再次收到任務講述屯門與社區動物之間的關係。從我這名非動物愛護人士角度睇，小編雖對動物並無太大歡喜或憐愛的情感，卻習慣在自己身處的社區有動物的出現，並接受身邊嘅伙伴「野生捕獲」到呢群有毛嘅社區明星嗰陣高咗數度的聲線（好興奮呀🤗），社區動物嘅存在喺屯門就如普通不過的日常。

前排在一討論貓咪的forum，小編們萬分震驚地發現位於井財街，屬利登士多店主的貓貓——關女赫然被發現位處距離店舖250米外的馬路被車撞傷，愛協督察接報到場後帶走關女，協會獸醫檢查後認為關女傷重而給予安樂死。當時一批又一批街坊湧至forum上悼念，留言裏是滿溢的不捨💭，對關女的道別及道謝。印象特別深刻的是一上班族留言說💬，放工經過士多回家時，見到關女、摸摸佢條頸、拍拍佢pat pat，這短暫的陪伴與交流是呢位上班人士一天裏最大的安慰。❤️‍🩹

偶爾在報導讀到有人傷害甚至毒殺小毛孩，僅僅因為自己不喜歡動物，小編我實在無法理解，自己本人亦說不上喜歡動物，身邊更有朋友是害怕毛孩的，但我們都沒有想要傷害牠們的想法。What makes the difference?

後來我想，這與身邊環境的教導和屯門裏關注動物權益以及推動社區動物有善的組織有密切關係。唔講你可能真係唔知，我哋嘅社區有班願意付出、默默耕耘的街坊：推動社區動物與人和諧共處的手牽爪（Pawallel)；由嶺南大學學生組成，探訪、餵食以至帶校園內的貓貓尋找醫療治理🏥的嶺南貓後花園；還有最最重要，屯門區居民普遍友善對待動物的氛圍，these make all the differences🤏🏻

儘管我們的社區有人願意不計成本地努力締造居民與社區動物共存的環境，要讓這份願景成真，仍需政府立法制定政策讓各持份者間能更好地相互協調🫱🏻‍🫲🏽以土耳其的伊斯坦布爾為參考對象，這城市是出了名的貓城😺，市內各處都可以見到貓咪。在那裏，街上的貓並非流浪動物，牠們被稱為社區寵物，居民都願意照顧街上的貓貓。😸當地政府對街頭動物的政策是不捕不殺✅，並於2021年立法保護動物，更為牠們進行絕育手術。

《城市如何文化》一書📚曾提及，一個城市對動物🐶🐱🐰🐻的政策，和其文化息息相關。僅憑社區如何分配空間使用、居民與社區動物之間的互動以及各持份者如何協調現有制度裏的灰色地帶均能讓我們看見該城市的信仰和價值觀、日常生活的風格和城市記憶的關係。對於這一切，身處於這個地方的我們都有能力去決定，我們的社區乃至我們的城市要呈現一個怎樣的面貌，因我們每一個都是屬於這裏的一份子👩🏻‍🤝‍👩🏾👩🏻‍🤝‍👨🏼👨🏿‍🤝‍👨🏻。值得一提的是，在社區裏生活的動物，亦屬於這裏的一份子，而我哋每一個都只是這個社區的暫居者，沒有誰真正地擁有這個地方，自然也沒有權驅逐甚至剝奪任何生物在這篇土地生活的權利。

#城市如何文化 #城市標本看文化 #伊斯坦布爾
#愛貓城市 #城市動物共生 #動物友善社區

嚟到《溯本尋屯》第八期，今期我哋走到去置樂，一個仍未被大型入侵嘅地區。一如既往，我哋一齊睇睇置樂嘅歷史，究竟有咩原因令呢個地方，依然保留到舊式嘅街坊味道？

置樂雖然唔係屯門嘅亮點地方，但當中仍然有好多令人充滿回憶嘅小店。東山文具、粉仔檔、置樂三寶，又有邊幾個地方令你有共鳴？

剪髮鋪林立、一向被視為「佬味」極重嘅麗寶商鋪，今期小編深入虎穴，冒住個頭嘅生命危險，探討喺時代嘅轉變底下，剪頭髮嘅文化又有咩變遷？

今期可能係《溯屯》最後一期紙本出版，希望你哋可以從「置樂」得到「至樂」啦﹗

溯屯第八期訂閱連結：https://forms.gle/Tbtu2RM87dCxoCyc6

我們都在尋找一個可以安立的身份

早前，香港一宗跨性別人士更改身份證性別的案件在終審法院獲勝訴，該性別承認案再度掀起了大眾對性小眾的關注。要瞭解案件背後反映性小眾在香港社會的窘境與掙扎，我們需要先明白什麼是「性別薑餅人」(Genderbread Person)，明白生理性別與性別認同的分別，明白性/別並非僅僅男和女的二元對立。很可惜，在性/別教育長期缺乏的香港，認知上的落差使我們容易帶有偏見看待性小眾，遑論瞭解性小眾人士的生活和需要。

知名專欄作家Emily Esfahani Smith曾在其著作《The Power of Meaning》中指出，人生意義的四大支柱包括：歸屬感（Belonging), 使命感（Purpose), 超然感（Transcendence)及故事敍述（Storytelling)。打從娘胎出生，我們便被賦予各式各樣的身份角色，人類作為群體生活的物種，想要找到歸屬的渴望大概寫在我們的基因裏，而身份不論自願與否，似乎有將人們歸類的作用。

我們有些身份是與生俱來的，有些身份是透過自身爭取，對這許多的身份，我們也許會感到自豪，也許會感到無所適從。那麼，按出生性器官區分的性別身份對跨性別人士來說，又是一種怎樣的感受？這次溯屯八期找來了在屯門成長及生活的跨性別人士Tyler，希望小編與Tyler的相處與對話，讓大家能了解多點和我們看似不同的他們，其實與我們異常相似。

溯屯第八期訂閱連結：https://forms.gle/Tbtu2RM87dCxoCyc6

【千呼萬喚始出來 溯屯第八期出嚟啦！】

前嗰排小編潛水，全心炮製第八期，今日終於可以同大家講佢出世啦！今期睇個封面，都知我哋去咗置樂蒲。喺呢個充滿我哋中學回憶嘅地方，到底隱藏咗啲咩秘密？🤫小編更加犧牲自己，去咗樓上嘅⋯⋯舖到探險。想知係點？訂閱咪知！

當然唔少得今期觸動人心嘅人物專訪同埋小編們精彩絕倫嘅專欄啦😝

btw，今期好似係最後一期紙本了，唔係唔訂呀⋯⋯🥲🥹

第八期訂閱連結：https://forms.gle/Tbtu2RM87dCxoCyc6

【是咁的，AI話⋯⋯】

話說前排叫各位大大集思廣益，畀啲keywords我哋掉畀偉大嘅 創作一啲屯門嘅故事，大家嘅創作力量同幻想真係嚇咗我一跳，以下就係AI嘅作品，請大家細心欣賞：

1. 屯門史迪仔身份終於解開，原來佢係地方嚟。（btw好耐冇見過佢）

2. 喺另一個平行時空，Happy伯同娜娜係可以開花結果。

3. 在屯門居民中，騎牛並不罕見。

4. 屯門牛上屯公發現會塞車，屯門人善心地幫助佢！！！

5. 嶺南貓同孫中山都可以好浪漫

以上就係我哋節錄咗幾個精彩嘅AI故事，Just for fun勿認真（wow單押x1），雖然係幾好玩，但都發現佢其實係有啲template，睇嚟小編們嘅飯碗都仲未可以被搶走🥹🫶🏻。

【 #屯門黃頁】到底碼頭有冇頭？
最近小編帶咗團屯碼團，行到去屯門碼頭嘅總站，突然發現巴士燈牌係寫Tuen Mun Pier Head，而輕鐵就係寫Tuen Mun Ferry Pier，乜咁奇怪嘅🤔明明個站都係同一個位，但係有兩種唔同嘅叫法？🫣

睇返google map，會見到Tuen Mun Pier Head就係巴士🚌總站，而Tuen Mun Ferry Pier就會去咗船碼頭。奇怪嘅係，睇返尖沙咀碼頭同北角碼頭嘅巴士站名，都係Pier/ Ferry Pier，好似得屯門先係叫Pier Head。不過睇返屯碼巴士總站上面嘅海翠花園英文名係叫Pierhead Garden，似乎就唔難理解呢個命名邏輯啦。同時亦有可能想用嚟區分輕鐵同巴士站。

所以下次有外國朋友問你Pier head喺邊，記得答返佢都係喺屯碼啦，畢竟身為屯門牛，都要 #說好屯門故事架嘛🙂

【 #屯門黃頁】繼港大後 香港第二所高等院校並非坐落於沙田馬料水嘅中大 而係位於屯門嘅達德學院？

喺溯屯第四期中，小編流浪貓同大家考究過位於輕鐵何福堂站隔壁的拔臣小學，其背景與當中的故事。而小編近日隨手揭開《屯門歷史與文化》一書時，赫然發現拔臣學校及何福堂書院校園一帶土地的前身，竟是由中國共產黨和其時左翼民主人士共同創辦的一所高等教育院校。按時序推算，達德學院是繼香港大學後，香港開辦的第二所綜合大學，更早於建在1963年的香港中文大學。

該院校創於1946年10月（在1947年12月獲發立案執照，為香港正式註冊的高等院校），營運了短短兩年多至1949年2月，因政治考量遭當時的港英政府撤銷註冊資格。雖然此學校並非港英正統體制下的大學，一封當時期香港總督葛量洪（Alexander Grantham)寫給英國殖民地大臣瓊斯（A. Greece Jones)的絕密信函中對達德學院的評價，可見其不容忽視的文化教育工作實力。信中是這樣寫道：

「該學院有不少能高識廣的教授，其中很多是中國的知名學者…儘管該校教職員幾乎都是中國民主同盟成員，但他們的質素明顯比本殖民地其他教育機構的為高」

為何突然有如此多知識分子來到香港，學校的創立目的又是什麼？為何只辦學短短兩年多便遭撤銷註冊？教科書與民間又為何甚少提及？帶著一連串的問題，小編發掘出更多這段被埋藏了的歷史。

#大家知唔知有呢段咁嘅往事

「我唔係讀新聞及傳播學系出身 可唔可以做記錄㗎？」
「我想同人哋做訪問 但又唔知點落手 有冇人可以指點下迷津？」
「除咗文字以外 仲有冇其他方式作記錄？」
「攝影記錄係點做㗎？點先可以影幅見得人、出得到街嘅相？」

這些都是我們問過的問題
溯屯運行剛滿兩年 不夠資格說教導二字 倒想與有緣的各位來一場真誠的分享
談談我們這兩年間要如何作記錄 如何做專訪 如何發掘社區故事和拍攝當中的景象

對社區感興趣的朋友 想聽故事的街坊 學習攝影的入門者 又或者想更深入認識我哋溯屯嘅讀者 歡迎各位報名是次攝影寫作分享導賞呀💚

————————————
#打打卡寫寫嘢 #溯屯攝影寫作導賞
日期：2023年1月2日
時間：1pm-5pm
地點：三聖
對象：12-29歲青年，對攝影，屯門社區及採訪有興趣者
報名連結：https://forms.gle/1yMa21u2GAVcZuJQ7
🤫🤫🤫費用全免，填完google form會聯絡你，以確認可以參加活動。🤫🤫🤫

【 #屯門黃頁】曼德拉效應——屯市的神秘區域
上次同大家講過屯市外牆有條冇再用嘅電梯，大家反應都好熱烈。除此之外，前排同啲朋友仔講起一個好似曼德拉效應咁嘅地方，佢就係屯市嘅四樓。

唔知大家對屯市四樓有咩印象，根據小編非常粗淺嘅記憶，印象中係可以買嘢換上去玩嘅飛。嗰陣好似有得玩水、波波池，砌下Lego之類；另外仲有個公園。搵返啲資料，見到屯市啱啱落成嘅時候4樓天台一直都係開放畀大家，後來用種種原因封閉咗，再去到2009年（應該就係啲Pop Up遊戲出現嘅時候）先因為地政揭發而焗住開返。

小編寫呢篇文嘅時候特登行咗上去一轉，發現部𨋢已經上唔到去4樓（個掣仲存在但上唔到去），要去到3樓再行樓梯上去。而入面嘅設施，包括滾軸溜冰場同籃球場都關閉咗。

唔知大家對屯市4樓又有咩印象？隨住發展，我哋可以休息嘅公共空間好似越嚟越少，唔知大家又有冇留意到呢？

參考資料：
屯門達人：《被隱藏的商場公共空間——屯門市廣場》

【溯屯去市集啦～】

今個星期六日有安排未？仲未？不如約埋朋友仔一齊去鄉師自然學校探下溯屯啦🦦

呢次會喺市集賣我哋嘅第5-7期同埋周邊，仲有限定優惠！想支持我哋又想秒速拎到就嚟探下我哋啦🫡

#桑梓樹下的約
日期：26/11-27/11（星期六及日）
地點：鄉師自然學校
時間：1300-1800

【 #屯門有情】屯西的二三事(一）：有關busking那些事

屯門西鐵站有A-F六個出口➡️，其中又以F出口為眾多在屯門玩音樂🎤🎸🎹的人選擇busking的地方。

想來，F出口確有其地理位置優勢——數步之遙便是河田站，有不少街坊會經此回家，又或走下坡路穿到新墟買餸🥬睇電影📽。此外，半封閉的空間為busking提供現成的echo，唱嗰個享受之餘，觀眾亦有較良好的聆聽體驗🎧。

自從小編自己亦試過busking後，每每見到街頭有人表演，總會停下腳步細看那些或戰戰兢兢，或投入忘我的表演者，聽他們的音樂，也聽他們的說話。佩服他們的勇氣，亦欣賞他們在背後練習的努力。

Busking，大概是一件很美好的事，我是如此相信。過程中，最使人觸動的有兩點：

一、在busking的人，有意或無意都在傳遞一些訊息，這些訊息也許藏在他們的選曲上，他們使用的語言上，還有他們的演繹上。在另一個角度看，他們正大聲說出自己心裏的話語。也許是成長的迷惘，也許是失戀的傷痛，也許是在城市生活的疲憊，又也許是在為同樣感到疲累的人打氣。

而訊息的傳遞是雙向的，若沒有人在聽，另一方不論多麼聲嘶力竭，亦無意義。所以每當我們願意駐步傾聽，這些聲音便得到安放，而溝通亦在此刻發生。整件事很溫柔，對吧？

二、在停下腳步聽busking的過程中，我們與同樣在聆聽的人建立起無形的連繫。我們也許不認識同樣在觀看的街坊，然而因為一個表演者，因為一首歌，在那短短幾分鐘乃至一兩小時裏，我們駐足在同一空間裏，為著同一件事，這難道不是一件很美好的事嗎？

寫在十月的一個微涼的晚上，剛在屯西F出口聽了一位音樂人的busking💚

🔎 仲未買第七期紙本？快啲去買啦～ 支持本土社刊：https://forms.gle/M3EQDnCrSnq8tkVv7

【 #屯門一隅】〈華都商場一樓 — 旺中2.0〉

早排小編換咗手機，想買個機殼，第一時間就諗起華都商場一樓。行下行下，發覺原來呢個地方已經陪咗自己好多年😌。

對華都最深印象嘅，一定係暑假期間啲哥哥仔、妹妹仔叫你買舊書📚。讀緊書嘅時候，經過覺得好煩﹔但脫離咗中學階段，就會好渴望畀佢哋睇中，特別係女仔，因為可以證明自己仲似後生。到今時今日，都仲會見到有女仔朋友，因為被sell買舊書而開心到出個ig story🙄，唔知呢個風俗仲可以維持幾耐~

細個去華都商場，主要係因為食嘢，轉角位有間食米線嘅都幾有名，屹立咗都好多年。呢幾年，感覺華都商場變咗旺中/葵廣咁，開滿賣手機配件嘅、同埋格仔鋪📱，感覺價錢普遍都平過出面，所以純粹為咗買手機嘢都真係唔洗出到旺角。而且多咗好多唔同嘢食，大部份都高汁﹗

呀~ 仲有，要買生日氣球同畢業公仔，又可以喺呢到搞掂。華都一樓雖然細細哋，但鋪頭真係幾豐富。如果無嘢做想閒逛下，華都真係唔錯嘅選擇✌🏼。

唔知你對華都嘅印象，又係點呢？

🔎 仲未買第七期紙本？快啲去買啦～ 支持本土社刊：https://forms.gle/M3EQDnCrSnq8tkVv7

【屯門黃頁】紗廠淨係識南豐？你又有冇聽過大興紗廠？

近年大家興起一陣「市集熱」，去市集大家隨咗諗起荔枝角嘅D2 place，另一個諗起嘅應該係南豐紗廠。咁你又知唔知屯門都有個大興紗廠？👨‍🦳

如果大家夜晚喺新墟附近抬頭，有時會見到「大興」嘅燈牌，呢個並唔係大興花園個logo（認真，我以前以為係😂😂😂），而係佢哋隔離——大興紗廠個logo！

70年代香港工業🏭蓬勃之時，佢同大家熟悉嘅南豐紗廠同埋香港紗廠（荔枝角）合稱「香港三大紗廠」，附近嘅大興邨亦都因此得名。佢喺五十年代成立，當時主要出產綿紗👚去東南亞地區。可惜，喺2014年嘅時候，佢哋就宣布結束生產線，亦都為香港嘅紡織業畫上句號。

關於大興紗廠嘅資料唔多，亦都未知道未來何去何從。不過，大家可以趁呢個機會，了解下呢個當年喺香港成行成市嘅行業，亦都畀大家知道牛牛們當年喺工業方面絕對唔輸蝕架～

🔎 仲未買第七期紙本？快啲去買啦～ 支持本土社刊：https://forms.gle/M3EQDnCrSnq8tkVv7