Institute of Remedial Education in Sri Lanka - IRES

ඩිස්ලෙක්ෂියා (dyslexia) නිශ්චිත සංවර්ධන අක්‍රමිකතාවය නැත්නම් specific devolopmental disorders of scholarship skill යනුවෙන්ද හැඳින්වීමට පුළුවන.

මෙවැනි දරුවන් පාසල් සමාජය තුල බෙහෙවින් සිටී. එක් වරකදී පහ ශිෂ්‍යත්වයේ දී ළමුන් හය සීයක් 0 ලකුණ අරන් තිබුණි. එය සිදු වූයේ විභාග කොමසාරිස් ජෙනරාල් අනුර එදිරිසිංහ මහතාගේ කාලයේය. තවමත් පංති කාමරයේ ලකුණු 0 ගන්නා ළමුන් සිටී

මේ ළමයින් හා බැඳුන රෝග ලක්ෂණයක් තිබෙන බවකිසිවෙකු නොදනිති.ලකුණු ඉතාම අඩුවෙන් ගන්නා දරුවන්ට හැදෙන රෝගය ඩිස්ලෙක්ෂියාවයි.

මෙම දරුවන් බොහෝ අවස්ථාවලද දෙමාපියන්ගෙන්ද ,ගුරුවරුන්ගෙන්ද, යහළුවන්ගෙන්ද, සමාජයෙන්ද නොතකා හැරේ.

දරුවන් මේ රෝගයෙන් පංති කාමරයේ දී බැට කයි.ලංකාවේ, ඉන්දියාවේ, ආසියානු කලාපයේ මෙවැනි දරුවන් බහුලය.ලෝකයේ ද අදක්ෂ බුද්ධි හීන යැයි ලේබල් ඇලවුනු දරුවන් නොසිතන තත්වයකට පත්ව ඇත.

විභාග වලදී 0 ගත් නම් වැලකි.

ලියනාඩෝ ඩාවින්චි
ඇල්බට් අයින්ස්ටයින්ස්
තෝමස් අල්වා එඩිසන්
පැබ්ලෝ පිකාසෝ
අගස්ථි රූඩින්
ජෝර්ජ් වොෂින්ටන්
වින්සන්ට් චර්ච්විල්
ඇලෙක්සැන්ඩර් ග්‍රැහෙම්බෙල්
වෝල්ට් ඩිස්නි
ටොම් කෘාස්
මොහොමඩ් අලි
අගතා ක්‍රිස්ටි
අභිෂේක් බච්චන්
මේ නම් වැලේ ඉහළින්ම සිටිනා පුද්ගලයන්ය.

බිංදුවෙන් සියල්ල හමාර යැයි සිතනා අයට බිංදුවෙන් පටන් ගන්නා හැටි කියා දෙන්නට පුළුවන.

මනෝ වෛද්‍යවරුන්ට අනුව දරුවන් 0 ට වැටෙනා මේ රෝගය මානසික රෝගයකි. මොළයේ හානියකින්වත් , ස්නායු ආබාධයක් හේතුවෙන්වත් දරුවන්ට ඩිස්ලෙක්සියාව වැ⁣ලඳෙන්නේ නැත. රෝගයට ගොදුරුවු දරුවෙක් ඉන් මිදෙනා බවක්ද නොකියයි.රෝගයට හේතුව වෛද්‍ය විද්‍යාවෙන් සොයා ගෙන නැත.

ගැහැනු ලමුන් හා සැසඳීමේ දී පිරිමි ලමුන් වැඩිය.කියවීමේ හැකියාව අඩුයි අකුරු හඳුනන්නේ නැහැ දෑසට පෙනෙන්නේ අකුරු නටනා බවය.කියවපු දේ තේරුම් ගන්න බැහැ. අවධානය නැහැ අධි ක්‍රියාකාරී තත්වයක් තියනවා.
බුද්ධිමය දක්ෂතා සාමාන්‍ය නිසා වෙනත් දක්ෂතා ඔප් නංවාගෙන ඉදිරියට යන්න පුළුවන්.මේ තත්වය පාසැල් කාලය තුල හඳුනා ගත යුතුය. මෙහි දී ජීවිත කතාවල මුල හරිය නින්දා අපහාස , දඩුවම් ආදියෙන් පිරිපුන්ය.

උදා.තෝමස් අල්වා එඩිසන්ගේ ගුරුතුමිය ඔහු මන්ද බුද්ධිකයෙක් ලෙස හැදින්වීය. පසු කලෙක ඔහු ලකුණු දා ගත්තේ ⁣ලෝකයෙන්ය.මොහොමඩ් අලි ගොළුවෙක් ලෙස ගුරුවරු හැදින්වීය.අයින්ස්ටයින්ටත් කවදාවත් හොඳ වෘත්තියක් කරන්න බැහැ යයි ගුරුවරු කීය.

ඉගෙන ගන්නා පුළුවන් ළමයින්ට උගන්වන්න ඕනෑ කරම් පිරිස සිටිති. මගේ වෘත්තිය ජීවිතයේ මෙවැනි දරුවන් සිය ගණන් මුණ ගැසී ඇත. මා විසින් මේ සදහාම ලියු පාඨ ගුන්ථ තුනකි. කුරුණෑගල මහ රෝහලේ මනෝ වෛද්‍ය විශේෂඥ පඩුවාවල මහතා සමග පාසල් දහයක පමණ research එකක් ද කරනු ලැබුවෙමු. බොහෝ පාසල් වල ඉගෙනුම් ක්‍රම ශිල්ප යොදා නොමිලයේ සේවය කර ඇත.

ඩිස්ලෙක්ෂියාව හඳුනාගෙන ගුණයෙන් කටයුතු නොකහොත් එම දරුවා මානසික අව පීඩනයට ලක් වන්නේ මේ තරඟකාරී අධ්‍යාපනය යටතේයි. මේ පිළිබඳව සියළුම දෙනාගේ දැඩි අවධානය යොමු කර එවැනි දරුවන් සුඛිත මුදිත කිරීමට වෙර දැමීම කාලෝචිතය.
භදුා ජී.කිරින්ගොඩ
ළමා හා මානසික රෝග පිළබඳ උපදේශන නිළධාරිනි
077 57 36 446
කුරුණෑගල දී

වෙන්න තියෙන දේ දුර දක්නා නුවණින් කල් තියා හඳුනා ගනිමු.

මේ දිනවල කුරුණැගලට මා වෙත බහුතරයක් එන්නේ අ. පො. ස. (උ.පෙ. ) දරුවන්ය.
එම දරුවන්

පාසල් නොයයි
ඉගෙනීම අත් හරින්නට සුදානම් වෙයි
පාසල් යන්න බැහැ කියයි.
ඉගෙන ගන්න බැහැ කියයි.
එක තැන ඉඳල ඉගෙනීම අමාරුයි කියයි
ගෙදර අය සමග පටලැවෙයි
හිතුවක්කාර බවක් පෙන්වයි.
ඉල්ලීම් ගොඩාරියයි.
පන්ති මග හරියි.
දුර කතනයේ කෙටි පණිවඩ සමග කාලය විනාශ කර ගනියි.
ගෙදර විසීමට අකමැතිබවක් කියයි
දෙමාපියන් ගෙන් ඈත්වීමට මාන බලයි.
බොරු ලොකු කමක් අහංකාරබවක් මවා ගෙන හිස උදුම්මාගෙන සිටියි
ආදර සම්බන්ධතා නිසා විරහවෙන් පෙලෙයි
පැය ගණන් කාලය නාස්ති කරමින් T.V.series වලට ඇබ්බැහි වී සිටියි
වැඩි කාලයක් නිකරුනේ සිටිනා අතර නිවසේ කිසිම වැඩක් නොකරයි.
රට යන එක එකම සිහිනය වන අතර ඒ සදහා සුදුසුකම් අවශ්‍ය වන බව නොදනී.

මෙම ලක්ෂණ සහිත දරුවන් නිසා දෙමාපියන් වැඩිහිටියන් මහා අසීරුතාවයකට පත්ව ඇත.විශාල මුදලක් එනම් පනස්දාහක් පමන අමතර පංති සඳහා ද වියදම් කරයි (හැමෝම නෙමේ ).
මේවා විසඳීමට විශාල කාලයක් ගත වේ. ඒ සෑම ගැටළුවකම අත්තිවාරම දෙමාපිය දෙදෙනා බව බොහෝ ගැටළුවලින් පෙනේ.නරක ඇසුරද තවත් හේතුවකි. තවත් අභ්‍යන්තර ගැටළු අපමණය.මේවා බෙහෙත් වලින් පමනක් , කතා කල පමනකින්වත් විසඳිය නොහැකිය.ඒ ගැටළුව තේරුම් ගෙන නිවැරදි කුියා මාර්ගයකට අවතීර්ණ විය යුතුය. බොහෝවිට දෙමාපියන්ටද ඖෂධ ප්‍රතිකාර ලබා දෙන අවස්ථා සුලබය.

සා. පෙ. ඉහළින් සමත් ව ඇති දරුවන් රැසක් මේ හේතු එකක් හෝ කීපයක් නිසා අනාගතය විනාශ කර ගැනීමට සුදානම් වේ.එසේම දිවි හානි කර ගැනීමට ද සිතයි.

මේවා ට මැදිහත්වීම් කර දරුවකුගේ අනාගතය සුඛිත මුදිත කරවීම වැඩිහිටි අපගේ නිබඳ වගකීම විය යුතු මනාය යනු මගේ අදහසයි.මන්ද ඕනෑම කෙනකු විනාශය කරා යන්නේ මානසික පීඩාව දරා ගත නොහැකි නිසා බව අවු. 43 ක පරිනත අත් දැකීමෙන් මම දනිමි.

භද්‍රා ජී. කිරින්ගොඩ ජ්‍යෙෂ්ඨ මානසික රෝග පිළිබඳ උපදේශන නිලධාරිනි. 077 5736446
කුරුණෑගල දී.

බස් එකක සෙනග නැගල ඉන්නවා .මමත් ගිහින් ඒ බස් එකට නගිනවා. බස් එක යනකොට නැගල හිටිය අය වරින් වර බහිනවා. තව අය නගිනවා. මමත් ගමන අවසානයේ බහින්න කැමතියි ඒත් ඊට කලින් බහිනවා

ආයි මම බසයකට නගිනවා පිරිසක් ඉන්නවා ඒ අයත් බහිනවා තව අයත් නගිනවා

මේ ජීවිතෙත් අපි හැමෝම බස් එකේ නැගල යනවා. ඒ කියන්නෙ උපදිනවා. ඒක ඇතුලෙ කියන්නෙ ජීවත් වෙනවා. බහිනවා කියන්නෙ මැරෙනවා.

මම ඉපදෙනකොට හිටිය අම්මා,තාත්ත,සහෝදරියෝ ,නෑයෝ, යාළුවෝ දැන් බැහැල ගිහින්. දරුවො මුණුබුරන් හිතවතුන් මගින් නැගල අපි එක්ක යනවා. ඒ අය ඉද්දි අපි බැහැල යනවා.

ඕක තමයි සසර..වපුරපුව නෙල නෙල යනවා. තල වපුරපු අය තල නෙලනවා .වී වපුරපු අය වී නෙලනවා.

අවසානයේ කප්පරක් කල් ඉන්න හිතාගෙන වපුරපුව දාල ආයි බසයට නගිනවා.

භද්‍රා ජී. කිරින්ගොඩ කුරුණෑගල 077 5736446

ඉපදුන පලියටම මනුෂ්‍යයෙක් වෙන්න බැහැ. ජීවිතයට වටිනාකමක් එකතු කර ගන්න ඕන. මනුෂ්‍යා මැණිකක් වගේ.
මැණික තිබෙන්නෙ අඩි සිය ගණනක පොළොව යට පොළව හාරන්න ඕන. අධික මහන්සියක් වියදමක් දරල උඩට ගන්න ඕන. කපන්න ඕන. ඔප මට්ටම් කරන්න ඕන. පොලිෂ් කරන්න ඕන . තව වටිනාකම එකතු කරන්න මාලයක මුද්දක අල්ලන්න ඕන. තව බෙල්ලෙ අතක දා ගන්න ඕන.

මිනිසාත් මැණික වගේ කිව්වෙ ඒකයි. නියම මනුෂ්‍ය ගුණ ධර්ම එකතු කර ගන්න ඕන. අළුත් අළුත් සිතුවිලි එකතු කර ගන්න ඕන.මිනිසෙක් නියම මිනිසෙක් කරන්න දෙමාපියෝ වැඩිහිටියො මහන්සි වෙන්න ඕන. එතකොට තමයි වටිනාකම එකතු වී නියම මනුෂ්‍යයෙක් සමාජයට බිහි⁣ වෙන්නෙ.

භද්‍රා ජී. කිරින්ගොඩ 077 57 36 446

හැම කෙනෙක්ම මේ ලිපිය කියවල තේරුම් ගෙන අතිනත යවන්න. අපේ රට බාර ගන්න ඉන්න, පරම්පරා ⁣ ගෙන යන්න ඉන්න, රට, ජාතිය ආගම සුරැකීමට සිටින තරුණ පිරිමි ළමයින් රැක ගැනීමට උදව් කීරීමටය මේ තොරතුරු.

අද මට කොළඹ චැනල් සේවයට දරුවෙක් රැ⁣ගෙන ආවා මවක්. ඇය හෙදියක්. සේරම් පෙදෙසෙ ලිංගාශ්‍රිත රෝග පිළිබඳ සේවයේ නියුතු කෙනෙක්(n s a c p)

මට හරිම දුකක් දැනුනා ඉදිරි කාලයේ ගෙවල්වල හැදෙන අහිංසක ගැහැනු ළමයි ගැන . අද වන විට අවු 20- 30 අතර පිරිමි ළමයි බොහෝ පිරිසකට ලිංගාශ්‍රිත රෝග වැඩි බව

M s m (man s*x with man) නිසා උ. පෙ . ලියන ළමුන් විශ්වවිද්‍යාල සිසුන්, රැකියා කරනවුන් අතර පවතින සමලිංගික සබඳතා නිසා ජීවිත වලට මහා විනාශයක් වන බවයි. ම්න් කණ්ඩායම් ලිංගික වැඩ වැඩි අතර නොයෙකුත් app මගින් එකතු වී කරන කටයුතු ද බලපානබව කියයි.

H I V ඒඩ්ස්
උපදංශය
ගොනෝරියා සිසුන් අතර හා වැඩිහිටි පිරිමි දරුවන් අතර බහුල බව කියයි වැරදි ලිංගික කාමසේවනය නිසා ඇතිවන විෂ බීජ ලෙඩ රෝග වලට මුල බව කියයි. මාසයකට 50 ක් එන පිරිමින් ගෙන් 30 කටවත් HIV බව කියයි. ගුද මාර්ගයේ ඇතිවන තුවාල නිසා බොහා්විට රෝග බොවී යන බව කියයි.

සමහර පිරිමි ළමයි තත්වයන් ධනාත්මක කරගෙන විවාහ වන බවද කියයි. එහිදි වෛද්‍යවරුන් හෙදියන් ඔවුන්ව හොඳ දැනුවත් කිරීමක් කර සමාජයට මුදා හැර ජීවත්වීමට ඉඩ සලසන බව කියවුනි

මට හිතුනේ දෙමාපියන් තමන්ගෙ ළමයි මග හරිනවා වැඩිද කියලයි පිරිමි ළමයි පුවේශම් කර ගැනීම බරපතල භාර දූර කාර්යක්.දරුවන් ඇසුරු කරන අය නිතර සෙවිල්ලෙන් සිටිය යුතුයි

සිඟාලෝවාද සුත්‍රය ගැන දෙමාපියන් අධ්‍යයනය කළ යුතුමයි එහි තියෙන හැම දෙයක්ම කරන්න බැරි වෙන්නපුළුවන්. හැකි දේවත් කරන්න

මමත් අවු. 43 ක් සමාජයේ . එකක් යට යනකොට තව එකක් කලෙක ගංජා කලෙක කුඩු, කලෙක phone .කලෙක game. කලෙක ඒඩ්ස්. කලෙක පිළිකා, කලෙක මිනි මැරුම් කලෙක දූෂණ, අපරාධ,

තරුණ පරම්පරාව මෙසේ අගතියට යනව නම් රටට යන කල පවුලට යන කල සමාජයට යන කල ගැන කුමන කතාද.

⁣වගකීම දෙමාපියන් අතේම පමණි.කිසිම කෙනකුට අයාදොස් කියා පලක් නැත.

දරුවන්ට ඇඟිල්ලෙ තරමට ඉදිමෙන්න කියා දෙන්න.

වයසින් වැඩි අය ආශුය කරන්න නොදෙන්න

දරුවන්ට බිය නොවන්න

ඉල්ලන හැම දේම දීමෙන් වලකින්න

දෙමාපියන්ගේ ආදායම් රහසිගත කරන්න.

කිසිම පිට ගෙදරක නවතින්න යාමට ඉඩ නොදෙන්න.

යහළුවන් ආශ්‍රයට ඉඩ නොතියන්න.එය පාසලට පමනක් සීමා කරන්න.

මිතුරු කණ්ඩායම් වලින් ඉවත් කරන්න.

දරුවාගේ ඇඬිලි මැසිවිලි ගණනකට නොගෙන ඉන්න.

වැරදි දුටු තැන බ්‍රහ්මදණ්ඩය යොදන්න.

හරියට කුඩා කාලෙ ඉදලම කම්මැලි නැතුව උයල පිහලා කන්න දෙන්න.

වැරද්ද වැරද්ද විදියට දකින්න සුද්ද කරන්න නොයන්න

මවගෙ අඩු පාඩු පියාගෙ අඩු පාඩු ගෙදර දරුවො සමග සාකච්ඡා කිරීමෙන් වලකින්න

2030 ටවත් විශිෂ්ට දරුවෙක් හදා ගන්න අද ඉඳන්වත් පෙළ ගැහෙන්න.

භදුා ජී. කිරින්ගොඩ 077 57 36 446

හොඳට තේරුම් ගෙන කියවන්න

ලෝකයේ අනුවණ පුද්ගලයන් 2 කි.
1. වරද වරදක් විදියට නොදකින පුද්ගලයා

2. යමෙක් වරදක් කරල සමාව ඉල්ලුවොත් සමාව නොදෙන පුද්ගලයා

ලෝකයේ පණ්ඩිතයන් 2 කි.

1 තමන්ගේ වරද ද අනුන්ගේ වරද ද වරද හැටියට දකින්න පුළුවන් පුද්ගලයා

2. වරද වරද හැටියට දැකලා එයට සමාව දෙන පුද්ගලයා.

වරද වරද හැටියට නොදකින යම්කිසි විකෘති මනෝ භාවයක් නිසා කරත්.ද්වේශ සහගතය.අත් දැකීම් අඩුය.මාන්නය වැඩි කරගෙන අනුවණ බවත් වැඩි කර ගනී. ඒ අය සමග ගැටීමට නොයා යුතුය.

අපි හේතුව හා ඵලය දිහා බැලුවොත් සමාව දිය හැකිය. කතා කරන වචනවල, කුියා කරන අාකාරය හා සිතන ආකාරය ගැඹුරින් කල්පනාවට ගත යුතුය
සමාජයක් ගොඩ නැගීමට සත් පුරුෂයන් අවශ්‍යය.

භද්‍රා ජී. කිරින්ගොඩ කුරුණෑගල.

මේ දිනවල විවිධාකාර ගැටළු සම්බන්ධව උපදේශන කටයුතු කෙරෙනවා. ඉන් ප්‍රමුඛ පවුල් ගැටළු හා අවු13 - 17 අතර දරුවන්ගේ ප්‍රශ්න වැඩිය.
පවුල් ගැටළු බොහෝ විට ඇත්තේ පහත කරුණු පදනම් කරගෙනය.

1එකිනෙකා අතර සන්නිවේදන අක්‍රමතා

2. ලිංගික ගැටළු

3.රැකියා හා ධන සම්පත් ගැටළු

4.නැන්දම්මා හබය

5.බීමත්කම

6.අනියම් සබඳතා

7.ද්‍ර දරුවන් නිසා ඇතිවන බෙදීම්

8.අසල්වාසීන් නිසා ඇති කර ගන්නා ගැටළු

9.අධික කේන්තියාම

10.අධික මසුරුකම

11නාස්තිකාර වියදම් රටාව

12.උගත්කම නිසා රැකියාවල තත්වය නිසා ඇති කර ගන්නා බෙදීම්.

13. ලිංගික අක්‍රමතා

14.ආහාර පාන භාවිතයේ ගැටළු

15. ගුටි- බැට ,පරුෂ වචන අපහාස, කිරීම් නිසා ඇතිවන මානසික රෝග

16. මත්ද්‍රව්‍ය භාවිතය

17.තම තමන්ගේ රූ සපුව පිළිබඳ ගැටළු

18.අනවශ්‍ය ලෙස පිරිමියා තම අධිකාරී බලය පාවිච්චි කිරීම

19.භාර්යාව නිවාස සිර අඩස්සියේ තබා හිරකර මෙහෙකාරියක් කිරීම

20.තම තමන්ගේ දෙමාපියන්ට සහෝදරයන්ට උදව් කිරීම ,සැප දුක් බලන්න යාම අවහිර කිරීම හෝ ඉඩ නොදීම

21.විකෘති කාමාශාවන්

22. සියදිවි හානි කර ගැනීමට විවිධ දේ කරගත් පුද්ගලයන්

23.විදේශ රටවල සිටින අයගේ ලංකාව තුල සිටින අයත් සමග ප්‍රශ්න

24.ස්වයං වින්දන නිසා ඇති ගැටළු

25.ඇතැම් භාර්යාවන් ස්වාමියා යටත්කර ගෙන පාලනය සියතට ගැනීම නිසා ඇති උග්‍ර ප්‍රශ්න

මා මේ ඉහතින් දක්වා ඇත්තේ විවාහක පවුල්වල තිබෙන මා වෙත එන ගැටළුවල සවාභාවයයි. මේවා විසඳීමට

1විශාල කාලයක් ගතවේ

2.ඖෂධ ප්‍රතිකාර

3.චර්යා පුතිකාර

4.උපදේශන සේවය

මේ ගැටළු සඳහා මම විශාල ලෙස මැදිහත් වීම් කර ඇත.අති විශාල සාර්ථකත්වයක් නැතත් පවුල ගැට ගසා දරුවන් ගැන සිතා ඉදිරියාමට මානසික ශක්තිය ලබා දීඇත.තම තමන්ගේ බුද්ධි මට්ටම අනුව පුද්ගලයන් ඒවා උරා ගනී.

මා සතුටු වන්නේ මම නිසා මෙවර සිංහල අවුරුද්ද කී සියයක් පවුල් සතුටින් සිටියාදැයි සිතෙන විටය. ඒ මානසික සතුට මගේ ඉදිරි කාලය සුවපත් කරනු ඇත.
ඉහත කරුනු සම්බන්ධව ආ සිද්ධි ලිවීම අපහසුය.

මේ අතරින් එකක් ලියමි. අවු 35 ක නිළධාරියෙක් දරුවන් සමග නෝනා ⁣ගෙදර ගියා මට නින්ද යන්නැ කියා විශාදමය තත්වයෙන් ආවා. කරුනු විමසීමේ දී ඔහු බරපතල වැරදි කරුවෙක් තම වැඩ කරන සමාගමේ හිමිකරුගේ බිරිද සමග පවත්වා ගෙන යන දෙයක් අවු. තුනක කාලයක සිට හිමිකරු⁣ට පේන්න ඔහුගේ බිරිද සමග ලිංගිකව සිටිය යුතු වීමය. කොහේ හෝ ගොස් කාමරයක් ගෙන තිදෙනා එකම කාමරයක සිටී. එසේම බීමත්ව නිවසට පැමිනෙයි. ඇයට ද කා සමග යන ලෙස කියයි. දැන් එම පුද්ගලයාට එම කාන්තාවගෙන් ගැලවීමක් නැත. රුකියාවෙන් අස්විය නොහැක. දරු දෙදෙනා මව ගේ ගෙදර සිටී.
දැනට ඔහුගේ විශාදමය තත්වයට පුතිකාර කලා පමනි. මෙම ආරවුල් කිසිදා විසඳිය නොහැක.

නැන්දම්මා හබයද එලෙසමය.බීමත්කමද එලෙසමය
රටට දරුවන් එන්නේ බහුතරයක් මෙවන් පවුල් පරිසර තුලිනි.ඒ අතර ඉතා හොඳ ගුණ යහපත් දරු පවුල් රටතුල බහුතරයක් සිටී. මේ තත්වයන් අවබෝධ කරගෙන කටයුතු කිරීමට රටට දක්ෂයන් වුවමනා වේ.

භද්‍රා ජී. කිරින්ගොඩ ළමා හා මානසික රෝග උපදේශන නිලධාරිනි 077 5736446 කුරුණෑගල දී
ී

අද හැදෙන ගැහැනු ළමයි ගැන අත් දැකීමෙන් කියන්න තියෙන දේවල් ගොඩයි ගොඩක් ළමයින්ව අම්ම හදන විදියේ දෝෂයක් තියනවා. ඇරත් අපේ කාලෙ නෙමේ මේ අපිව හැදුවෙ ගුටි දීල ,බැනල තරවටු කරල, ගෙදර වැඩ උගන්නල, දහම් පාසල් යවල, අවශ්‍ය ලෙස ආදරය දීලා.

දැන් අම්මල ළමයි හදන්න දන්නවද අම්ම බයයි ළමයට ඒ කුඩා කාලෙ ඉඳන් දෙමාපියෝ ඔවුන්ගෙ පෞරෂය පාවිච්චි කරන්නේ නැහැ .අම්ම ගෙ ඇඳුමේ ඉඳන් ගෙදර කෙල්ලට ආදර්ශය පේන්න ඕන කොණ්ඩය පවා, හැසිරීම, කෑම බීම පවා ගේ ඇතුලෙ ආදර්ශය තියෙන්න ඕන. යම් කෙනෙක් වැඩිහිටි වයසට පත්වෙලා තමන්ගෙ ජීවිතය විනාශ කර ගන්න හදනවනම් ඒකට ⁣අම්මා තාත්ත පලි නැහැ

හරකට තියන මොලේ තමන් පාවිච්චි කලොත් sorry තමා ජීවිතය. කීකරු දරුවෙක් හදා ගන්න බැරි වෙලා තියෙන්නෙ phone එක නිසාමයි. ඇටෙන් පොත්තෙන් එනකොටම අරන් මේ ජංගම දුරකතනය බොහෝ දරුවන්ට විනාශය කැඳවලා හමාරයි. පිරිමි ළමයින්ටත් ඒක ඊට වඩා වැඩි ප්‍රමාණයකින් අදාලයි.දරුවා ගැන දැඩි සැලකිල්ලක් දැක්වුවහොත් පමණමයි බේර ගන්න පුළුවන්.

අම්මට වරදින තැන්.

ළමයි විශ්වාස කරනවා
අනවශ්‍ය කෑමබීම් අරන් දෙනවා
අනවශ්‍ය ඇඳුම් අඳින්න ඉඩ දෙනවා(කුඩා කාලයේ සිටම)
තමන්ගෙ තරමට වඩා දරුවන්ට නොයෙක් දේ ලබා දෙනවා
දහම් පාසල අමතක කරල ටියුෂන් යවනවා
තරඟෙට .පන්නි පන්තිම යවනවා
හරි වැරද්දක්, හොද නරක ,පින් පව් ගැන සාකච්ඡාවක් නැහැ
ඉල්ලනදේම දෙනවා
ගෙදරක වැඩපල කරවන්නැ පොතම අතට දෙනවා.
ඥාති හිත මිත්‍රාදීන් සමග සමාජානුයෝජනයක් නැහැ පන්ති පන්ති, පන්ති
අවවාදයක්, උපදේශයක්, ලබා දෙන්න වැදගත් උගත් පිළිගත් අය සමග කතාබහට මුහු කරන්නැ
පෝයකටවත් අාගමක් දහමක් නැහැ (ගෙදරට ⁣ ගෙනල්ල එදාටපන්ති)
කිසිම පිළිවෙලකට ඇඳුමක් අන්දවන් නැහැ
කොට කලිසම් හෙළුවැලි කලිසම් කැලි , අත් බඩ කිහිලි බුරි පේන හිල් කරපු කලිසම් අඳින්න දෙනවා.
විලිබිය නැතිවන ඇඳුම් අන්දලා ලොකු දුරකතනයකුත් දීල පාරට දානවා

නරක යාළුවෝ ඇසුරු කරන්න දෙනවා ඒ ලමයි ගැන හොයල බලන්නැ
මුළු දවසම දරුවන් ගෙදරින් එළියෙ තියනවා
ඉගෙන ගන්නම කියල

දරුවගෙ හිතේ තියන දේවල් හිත වැඩ කරන විදිය දන්නැ දවස පුරාම අම්ම තාත්තා රැකියාවෙ
දරුවො හදල අන්තිමට අලියා ගිල්ල දිවුල වගේ කට්ට විතරයි ඇතුලෙ මදේ නැහැ

මට ගේන ගැනු ළමයි ගැන විස්තර ලියන්න මුහුණු පොතේ් ඉඩ ගොඩක් යයි හරිම අමාරුයි දරුවො හදන්න අනාගත සමාජය කොහොම වෙයිද මන්ද

හැබැයි මම දන්න අම්මල තාත්තල ඉන්නවා තම ගැහැනු දරුවා පිරිමි දරුවා සුපිරි විදියටම හදන. ඒ දරුවන් ගෙ අනාගතය තමන්ගෙ කුසල් අකුසල් අනුව විසඳේවි.

විශේෂයෙන් ගැහැනු ළමයි මේ සමාජයෙන් බේර ගන්න අමාරුයි එකක් තමයි ගැහැනු ජනගහනය වැඩි වෙලා පිරිමි ජනගහනය අඩු වීම. අනික නව තාක්ෂණය. මට එන ගැටළු හදවත කම්පා කරවන දේවල් තමයි ගිය දිනේ නැති වුන දරුවා නිසා මම මෙය ලිවීමට අදහස් කලේ

අපේ රට එංගලන්තය අමරිකාව ඕස්ටෙු්ලියාව ඉතාලිය නෙමේ ලක් පොලොවට පය ගහල රටට ගැලපෙන සංස්කෘතිය ගැන දෙමව්පියෝ අවබෝධ කර ගන්න ඕනේ.පසුව ලොකුවෙලා හෙළුවෙන් පාරෙ යන ඒ සංස්කෘතිය ඒ අය කරේ තියා ගත්තට අපිට කමක් නැහැ. අපි රට ජාතිය ආගම ගැන අවබෝධයෙන් දරුවො හදමු. මුදල් ඉස්සරහට දාගෙන දරුවො හදන එක හැම පැත්තෙන්ම විනාශයක් වේවි. තම තමන් හැදෙනකොට සමාජයම හැදේවි.

භද්‍රා ජී. කිරින්ගොඩ ළමා මානසික රෝග උපදේශන නිලධාරිනි 077 5736446 කුරුණෑගලදී.

අවුරුදු පහට අඩු දරුවන් ගේ ඉ⁣ගෙනුම්- ඉගෙන්වීම් ක්‍රියාවලියේ යෙදෙන ගුරුමහත්ම මහත්මීන්ට ගෞරවයෙන් ලියා දක්වමි

දිගු කලයක සිට මා වෙත ගෙන එන දරුවන්ගේ මා දකින විවිධාකාර සංසිද්ධීන් නිසා මෙය ලිවීම අතිශයින් වැදගත් වේ යැයි මම සිතමි.

1.කිසිම දාක ගැටළුවක් සහිත දරුවෙක් වයසත් සමග හරි යයි කියල හිතන්න එපා.

2.ඒ දරුවන් පන්⁣තියේ සාමාන්‍ය දරුවන් සමග තබා ක්‍රියාකාරකම් කරන්න එපා.

3.එම දරුවන් අන්තර්කරණ අධ්‍යාපනයට ගැලපෙන්නේ විසඳිය හැකි ගැටළුවක් නම් විසඳා දීමෙන් පමණමයි.

4.දරුවන්ගේ විවිධ මානසික කැළඹීම් ගැන යන්තම් ඉගෙන කියාගත් අයට පාලනයට හැසිරවීමට දෙන්න එපා

5.ගැටළුවට නිසි පිළිතුරු උපදෙස් ලැබෙන දක්ෂ වෛද්‍යවරුන්ට පමණක්ම යොමු කරන්න.

6. තමන්ට ලැබෙන මාසික මුදල ගැන සිතා දරුවා රඳවා තබා ගෙන විවිධ ප්‍රසංගයකට තබා දෙමාපියන් රවටා විධිමත් පාසලකට යවන්න එපා.

7 .දෙමාපියන්ගේ සිත් සතුටු කරන්න අහිංසකයාගේ කාලය අනාගතය කල් මරමින් තියන්න එපා.

8.ඒ පිළිබද ප්‍රවීනයන් හා රජයේ ආයතන රෝහල් ⁣,වෛද්‍යවරුන් ගැන දැනුවත් වී කටයුතු කරන්න.

9.දරුවාගේ අයා දෝෂ පාසල ඇරෙන විට දෙමාපියන්ට කීම, රැස්වීම්වලදී කතා කර කීමෙන් වැලකී ඒ පිළිබඳ නිසි අවබෝධයකින් කටයුතු කරන්න.

10. දෙමාපියන් පත්ව ඇති මානසික අසහනයෙන් .දරුවාගේ අනාගතය කෙබඳුවේදැයි සිතමින් අවශ්‍ය පියවර ගන්න.

මා මේ ලියා දැක්වුයේ අත් දැකීම් සමුදායකි.වර්තමානයේ ඉපදෙන දරුවන් යම් පුතිශතයක් ලෙඩ දරුවන්ය.එනිසා ඒ දෙමාපියන් විඳින දුක අපමණය. ඔටිසම්, අධික්‍රියාකාරී, ඩවුන්ස්, ඩිස්ලෙක්ෂියා, සෙමින් ඉගෙනුම, මන්ද බුද්ධික, චර්යා දෝෂ, කථන දෝෂ, සහිත දරුවන්ටද යම් දෙයක් සිදුකර අවුරුදු දොලහ වන විට සාර්ථක කර ගත හැකිය.මේ තත්වයන් මුල් කාලයේ එනම් අවු2/මාස හයේදී හඳුනා ගත හොත් සාර්ථක පුතිඵල ලබා ගත හැකිය.

අපේ රටේ මෙවැනි දරුවෙක් ඉපදීම මහත් මදිකමක් ලෙස සලකති. පාසල් සමාජයේ දී සමාන්‍ය දරුවන්ගේ දෙමාපියන් ඒ දරුවන් දෙස බලන්නෙ අවඥාවෙනි ඒ කටයුතු කරන ගුරුවරුන්ටද පහත් කොට සලකති. අවු.43 ක අත්දැකීමෙන් නිර්භයව ප්‍රකාශ කරමි.එම දරුවෙක් සිටීනම් තමන්ගේ ළමයා අයින් කර ගනී.ඔවුන් ට ධර්මය පිළිබඳ අල්ප මාත්‍රයක අවබෝධයක් නැත.

මා දකින්නේ සසර කරන ලද අකුසල් අනුව මේ දරුවන් උපත ලබා ඇති බවයි.එහෙත් ඒ අකුසල් ගෙවෙන විට සමාජගත විය හැක්කේය. ඒ තරමක අඩුපාඩු සහිතවය. දෙමාපියන් දහස් ගනනකගේ දුක මා දැක ඇත
අත්විඳ ඇත. එය මාගේද පෙර අකුසලයක් විය හැක. එය එතරම් වෙහෙසකර කාර්යකි.ඒ දරුවන්ට වැඩ කලා කියා තමන්ට එවැනි දරුවන් ලැබේ යැයි මිත්‍යා මතයක් ඇත.
මාගේ හොඳම ගුරුවරියන් හතර දෙනකු විවාහ වී ඉතා හොඳ නීිරෝගි දරවන් මෙලොවට බිහිකර ඇත.

කර්ම ඵලය අපට වෙනස් කල නොහැකිය.තමන් ලද මිනිස් ආත්මයේ හැසිරෙන ආකාරය අනුව ඵල ලැබෙනු ඇත.
මම මේ දරුවන්ට ඉගෙනුම් ප්‍රතිකාර කරන මුල් කාලයේ සමාජය මේ ගැන දැනුවත් නැත.වර්තමානයේ විශේෂ අවශ්‍යතා ළමයින් සාමාන්‍ය තත්වයකට පත් වී ඇත. මෙය අතිශය භාරදූර කාර්යකි.

දෙ⁣මාපියන්ද දුකේය. දරුවන්ද දුකේය. ඔවුන් දුකෙන් මුදවා ගැනීම සමාජ වගකීමකි. මේ දරුවන් සඳහා විදේශ රටවල පහසුකම් අපට නැත. එහෙත් අපේ දෙමාපියන් රජය වෛද්‍යවරුන් චිකිත්සකවරුන් තමනට හැකි පමණ දායකත්වය දීම සිදු කරයි.
මේ දරුවන් යන්ත්‍ර මන්ත්‍ර ගුරුකම්වලින් හදා ගන්නවා යයි සිතන දෙමාපියන්ද සිටි. ඒ මෝඩ කම නිසාම කල් ගත වී දරුවා අවසානයේ උම්මත්ත⁣කයෙක්වීම වළක්වා ගැනීම අපහසු වනු ඇත.

මේ ලිපිය ලීවේ කල්ගත වී කුඩා දරුවන් විශාල වශයෙන් ගෙනවිත් පෙන්වන නිසාය.මෙවැනි දරුවන් සිටින අම්මලා බහුතරයක් විශාදයෙන් පෙලේ. සිය දිවි හානි කරගත් අම්මලා ගේ දරුවන් බොහෝ සිටී.තාත්තා අත්තම්මා, නැන්දා, පුංචිලා ඒ බර කරට ⁣ ගෙන කරුම ගෙවා දමයි .මේ දරුවන් ලැබුන පසු සමහර අම්මලා වෙනත් අයකු සමග පැන යයි දික්කසාද වෙයි දරුවා දමා මව ලගට යයි එහෙත් ඔවුන් කරුමය තව ඉදිරියත් ඉතිරිවන බව නොදනි .ලැබුන කරුමය ගෙවා දැමිය යුතුමය. ඉන් පැන ගොස් බේරිය නොහැක.

වර්තමාන සමාජයේ කරන පව් අනුව තව ඉදිරියටත් උපත ලබන්නේ දුක්බර ආත්මයන්මය. එනිසා මෙවැනි දරුවන් සිටීනම් ඔවුන් දුකින් යම් තරමක් මුදවා ගැනීමට තොරතුරු ලබා දෙන්න.

පේරාදෙණිය රෝහල, රාගම ආයති මධ්‍යස්ථානය.කොළඹ රිජ්වේ ආර්යා රෝහල වෙත කුඩා දරුවන් යොමු කළ හැක.යන්තම් දෙයක් අත ගාගෙන ,මුදල් හම්බ කරන දරුවන්ගේ කාලය දෙමාපියන්ගේ මුදල්ශ්‍රමය විනාශ කරන තැන්වලට යාමෙන් වලකින්න.

දරුවාගේ අඩුපාඩු වසා ගැනීමට ලක්ෂ ගනන් වියදම් කර ජාත්‍යන්තර පාසල්වලට දරුවන් ඇතලත් කරන දෙමාපියන් වර්තමානයේ බොහෝ සිටී. එවැනි දරුවන් අප වෙත ඕනෑ තරම් ගෙන එයි ඒ එනවිට පෙරහැර ගොස් හමාරය.වයසින් වැඩෙනවිට ඒ එන කරදර වලට කිසිම කෙනකු වගකීම නොගනී.

මේ සියල්ල මා මගේ පරිනත අත් දැකීමෙන් දන්නා දේවල්ය. මේ ගැන සමාජය දැනුවත් කිරීම ඔබගේ සමාජ මෙහෙවරකි.

භදුා ජී. කිරින්ගොඩ 077 5736446 කුරුණෑගල දීය.

ජීවිතයක වටිනාම කාලය අවුරුදු 60
⁣60 - 70 අතර කාලයයි.

කායිකව හා මානසිකව නිරෝගිභාවයකින් ජීවිතය පවත්වාගෙන යන පුද්ගලයින් ගේ සවර්ණමය කාලයයි

1.දැනුමෙන් කුසලතාවලින් පරි පුර්ණයි

2 .ආර්ථික වශයෙන් ශක්තිමත්

3. අන්‍යේන්‍ය වශයෙන් ලොකු සම්බන්ධතා තිබේ

4.තීරණ ගැනීමේ හැකියාව වැඩියි.

5. තීරණ ක්‍රියාත්මක කිරීමේ හැකියාව වැඩියි.

6. වෙනස් වෙන්න පුළුවන්

7. ඉවසීමේ හැකියාව වැඩියි.

8.සෑම දෙයක් දෙසම උපේක්ෂාවෙන් බලා කටයුතු කිරීමේ හැකියාව වැඩියි.

9. ත්‍යාගශීලි භාවය වැඩි දියුණු කර ගනී.

10. යම් කටයුත්තක් භාර ගත් විට එය උපරීම ආකාරයෙන් සාර්ථක කර ගැනීමට වෙහෙස දරයි.

11.විශ්වාසය අගය කිරීම හා සුරැකීමට නිති කාලය යොදවා හැසිරෙයි

12.බොහෝ දුරට වැරදි චර්යාවන් ගෙන් ඈත් වෙයි.

මෙය ජීවිතයේ හොඳම කාලයයි .සිංගප්පූරුව හොඳම ව්‍යවසායකයන් බිහි කර ඇත්තෙ විශ්‍රාම වයසෙන් පසුවයි.තරුණයෙක් අවුරුදු 15 කින් කරන දෙයක් විශ්‍රාම ගිහින් අවුරදු පහකින් කළ හැකි බව පවසයි.
මේ සඳහා නිරතුරු නිරෝගිබව , කායික සතුට, මානසික සතුට, සමාජ සම්බන්ධතා, නොබිය බව, ශක්තිමත් පෞරෂය තරුණ කාලයේ සිටම ගොඩ නඟාගෙන සිටීම අනිවාර්ය වේ.

වැඩහිටියන් වැඩිහිටියන් කියමින් නිවාසවලට ගාල් කරමින්, ගෙදරවල රඳවා තබා ගනිමින්, දරුවන්ගේ දරුවන්ට ඥාතීන්ට ආවතේව කරමින් ,ඕපාදුප සොයමින් තරුණ පවුල් සමග දබර කරමින්. අනේ මට ලෙඩ, ලෙඩ කියමින් වෛද්‍යවරුන් වෙත යමින්.හරි හමක් කෑමක් බීමක් නොගෙන මසුරු කමින් මැරණාට පසු අනුන්ට සැප විඳීමට බූදලයක් ඉතුරු කර දුක් විඳිමින් , පිනක් දහමක් නොකර පාළු ජීවිත ගත කරමින්, ඉන්නා කාලය තුල ජීවිතය විඳින්නේ නැතිව දැනුම කුසලතා ආකල්ප සමගින් ,කමකට නැති පට්ට දේශපාලනයක් කර මත තබා ගෙන ඇවිදිමින් ,තම ජීවත් පවත්වා ගෙන ගොස් මරණය කරා යන වැඩිහිටි ජීවිත අප ශ්‍රී ලංකාවේ මොන තරම් බහුල ද?

වයස ගැන නොසිතා තමන් ට ගැලපෙන රාමුවක් සාදා ගෙන දිවි සැරියේ ඉතිරි දශක කිහිපය කර්මානුරූපව ගෙවීම මොන තරම් භාග්‍යයක් ද? රට දියුණු කිරීමට පෙරට ආ යුත්තේ මොවුන් නොවේද?

මා පෙර දින මගේ සමාජ විද්‍යා සටහන් වගයක් කියෙව්වෙමි. කාල් මාක්ස්ගේ ආර්ථික නියතිවාදය, සමාජ වෙනස්වීම ගැන අපට විශ්ව විද්‍යාල මහචාර්ය වරු කෙතරම් හොඳට උගන්වා ඇත්ද..රට පාලනය කලහැකි, උපදෙස් දිය හැකි අයගෙන් පුයොජන නොගෙන අට පාස් දහය පාස් අයට අප රට බාර දීකර ගෙන ඇත්තේ කුමක්ද?
සියළු දෙනාම දුක් විඳීමයි දැන්වත් අපි වෙනස් වී දරුවන් ගේ අනාගතය ඔවුන්ගේ අනාගතය ගැන සිතිය යුතුමය.

බුදුන් වහන්සේ දෙසු චක්කවත්තීසීහනාද සූත්‍රයවත් මේ පාලකයෝ දන්නවාදැයි නොසිතේ.

ශ්‍රමයට අගයක් නැති තැන මිනිසුන් කැරළි ගසයි.

ශ්‍රම සහභාගීත්වය සමාජයට ලබා දීමට නොහැකි වීම තුල මිනිසුන් කැරළි ගසයි.

දැන් රටේ වන්නේ එදා බුදුන් ඒ සූත්‍රයෙන් වදාල දෙයයි.මිනිසුන්ගේ ගැටළු සොයා බලා ඒවාට පිළියම් යෙදා ජනතාව සුඛිත මුදිත කරවීම පාලකයාගේ වගකීම බව අවු 2500 කට පෙර කිව් දේ අදටත් අප සමාජයට වලංගුය.යමක් ඉගෙන කියාගන ඉන්න වර්තමාන පරපුරට අද මේ රට පත්ව ඇති තත්වය ගැන ඉවසුම් නොවීම සාධාරණය.

මේ රට වෙනස් කිරීමට තම තමන් තනිවම වෙනස් වීම හැර වෙන විකල්පයක් නැත.බුදධිමත්ව විමසා බලා දුර දක්නා නුවණින් කටයුතු කළ යුත්තේ ජීවිතයේ 3/4 ගෙවා දමා ඇති අප වැන්නවුන්ය. අප අපගේ සර්ව ජන ජන්දය මෙතෙක් කල් පාවිචීචි කර ඇත්තේ කාටද? මේ තරම් වාසනාවන්ත රටකට අප දැනුවත්ව හෝ නොදැනුවත්ව විනාශ කිරීමට උදව් කර ඇත්තේ කාටදැයි අපි අපෙන්ම විමසා බලමු. හදවතින් අසමු.
ඊළඟට රටභාර ගන්නා සිටින අනාගත පරපුරය.විචක්ෂණශීලි ඥාණය දැනුම ප්‍රඥාව ඒ සඳහා අත්‍යවශ්‍යවනු ඇත්තේ මිනිසුන් දුකින් මුදවා ගැනීමටය.

භද්‍රා ජී. කිරින්ගොඩ මනෝ විද්‍යා උපදේශන කුරුණෑගල 077 5736446. දීය.

නිවසට හිසරදයක්ව සිටින දරුවන්ගේ දෙමාපියන්ට සහනයක් ..........

අවු 10 / 15 අතර නිවසට හිතුවක්කාර ,පාසල් නොයන,,ඉගෙනීමට අකමැති ,භයෙන් දවස ගෙවන, ලිවීම කියවීම අපහසු , නිරෝගී දරුවන් 10 දෙනෙකු (දෙමාපියන් සිටින ) සඳහා චර්යා ප්‍රතිකාර නේවාසික පහසුකම් සහිතව නොමිලේ සමාජ ගත කරදීම සිදුකරමි.
(වෙසක් මාසය සදහා කෙරෙන සත් කාර්යයකි)

*ග්‍රාම සේවක සහතිකය
*ළදරු කාඩ්පත
*පංතිභාර ගුරුතුමියගේ ලිපිය
*වෛද්‍ය ප්‍රතිකාර ගන්නේ නම් එම වාර්තා
*පාසලේදී ලියන ලද පොත්

දරුවන් ඇතුළු කිරීමට අවශ්‍ය දෙමාපියන් පැමිණ විමසන්න.

මැයි 1 වන දින සායනික පරීක්ෂණ සිදුකෙරේ.

අවශ්‍ය දරුවන් සදහා විශේෂඥ මනෝවෛද්‍ය ප්‍රතිකාර සදහා යොමු කිරීම සිදු කෙරේ..

භද්‍රා ජී. කිරින්ගොඩ උපදේශන හා චර්යාව ප්‍රතිකාර මධ්‍යස්ථානය
No 561 ,
පුත්තලම් පාර ,
කුරුණෑගල .
(ගණදෙවි කෝවිල අසල කන්ද උඩ, යන්තම්පලාව)

භද්‍රා ජී. කිරින්ගොඩ
මනෝ විද්‍යා උපදේශන හා
චර්යා ප්‍රතිකාර චිකිත්සක (43 yr experience )
Dip in Counseling
Cerf in Familly Counseling
MA / BA in Kelaniya

අපට අවශ්‍ය වන්නේ කායික පෝෂණයට වඩා මානසික පෝෂණයි.කායික පෝෂණය නිවැරදි අන්දමට ලබා ගන්නේ නම් මානසික පෝෂණය නිරායාසයෙන් අප වෙත එනු ඇත.

අළුත් අවුරුදු සමයේ අප උත්සාහ කරන්නේ මානසික පෝෂණය ලබා ගැනිමටය. ඒනිසා ය ගුරු දෙගුරුන්, ඥාති, බන්දු මිත්‍රාදීන්, දරුවන් සමග සොම්නසින්, ප්‍රීතියෙන් කල් ගෙවන්නේ.ඇඳුම් - පැළඳුම්, කෑම් - බීම් ,ගමන්- බිමන් හා ආගන්තුක සත්කාර තුලින් මානසික පෝෂණයට උත්තේජන නොඅඩුව ලැබේ.

භදු ජී. කිරින්ගොඩ කුරුණෑගල දී

අවුරුදු 43 කට ආසන්න කාලයක් සමාජය සමග ගැටෙමින් දරුවන් සමග ගැටෙම්න් මා පැමිණි දිගු ගමනේ දී දරුවන් ගේ සුවිශේෂ ගැටළු දෙස සමාජ විද්‍යාත්මකව හා මනෝ විද්‍යාත්මක ඇසින් දුටු විට පහත ගැටළු හඳුනා ගත හැකිය.

*මගේ ළමයා පෙනුමෙන් හොඳයි.ඒත් ක්‍රියාවෙන් තමයි ගැටළුව

*වෛද්‍යවරුන්ට පෙන්වනවා. වෛද්‍ය පර්යේෂණ කරනවා. ටියුෂන් පංති යවනවා ගෙදරට ගුරුවරු ගේනවා, ගෙදර කියල දෙනවා, පාසලේ ගුරුවරු මහන්සි වෙනවා, ඒත් ..................ලකුණු නැහැ

* ඉගෙන ගන්න බැහැ, ලකුණු අඩුයි, පන්තියෙ කොන්වෙනවා, පාසල් යන්න බැහැ කියනවා, නැත්නම් යන්නෙම නැහැ. ලියන්න ,කියන්න බැහැ.

*සිංහලත් බැහැ, ඉංග්‍රීසිත් බැහැ

දෙමාපියන්ට ගෙදර අයට හිරිහැර කරනවා.

අධික ලෙස කෝපයට පත් වෙනවා.

*හුඟාක් කෑම කනවා.

* නිවසට හිතුවක්කාරයි.

*නිවස, පවුල අවුල් කරනවා, බඩු කඩනවා, පොත් ඉරනවා.

*පොතක් අතට ගන්නෑ.

* සල්ලි සල්ලි සල්ලිම ඉල්ලනවා.

*ජංගම දුරකතනය, පරිගනකය, රුපවාහිනිය සමග ජීවිතේ

*විභාගෙට ලකුණු 30 ට අඩුයි.

*අත් අකුරු ⁣අශෝභනයි.

*.ඉගෙන ගන්න පුළුවන් වුනත් ඉගෙන ගන්නෑ.

වැඩිහිටියන්ට, ගුරුවරුනට, දෙමාපියනට ගරු සරුවක් නැහැ,

⁣*නොගැලපෙන බර, අපිරිසිදුව සිටීම,

*නිවසින් පිටතට යාමට අකමැතියි

* නිතරම රන්ඬුවට බරයි.

*බොරුවෙන්ම කාලය ගත කරයි

*ජීවිතය හානි කර ගන්න හදයි

* අත පය කපා ගනියි.

මෙවැනි දරුවන් අවුරුදු 12 - 15 න් පසු සමාජ අපගාමී ,දරුවන්වීම වැලක්විය නොහැකිය. කතා කලාට උපදෙස් දුන්නාට බෙහෙත් පෙත්තක් දුන්නාට නිවැරදි තැනට ගෙන ඒමට අපහසුය.ඒ සියළු ක්‍රියාවන් එකවර සිදු කළ යුතුය. එය සංකීර්ණ ක්‍රියා දාමයකි.

මේ දරුවන් සමාජයට පා තබන්නේ දැවන්ත අඩුපාඩු සමගය. තමන් ගේ දරුවා ඉතා හොඳින් හදා වඩා සමාජ ගත කලත් ඉහත අඩුපාඩු සහිත දරුවන් සමග ජීවිතයට මුහුණ දීමට සිදුවන බව සියළු දෙනා තේ්රුම් ගත යුතු කාලය එළඹ තිබේ.

දුර්දාන්ත සමාජයක් බිහිවීම වැලක්වීමට සියළු දෙනාගේම අවධානය යොමු විය යුතුය මගේ ළමයා හොඳයි යන අදහසින්ම නොසිට මේ යන රැල්ලේ වැරදියට යන දරුවන් සුමගට ගැනීමට උත්සුක විය යුතුවේ. එය විඥානයෙන්ම කළ යුතු උතුම් සද් කාර්යකි.

මා වෙත ගෙන එන දරුවන් ගේ හැසිරීම් හද කම්පා කරවන සුළුය. ගම්පහ පලාතෙන් ගෙන ආ අවු.12 ක දැරියක් මා වෙත ගෙන ආවේය. මා කතා කල විට කීවේ " පොල්ලක් අරන් ගහන්න ඉස්සෙල්ල මෙතනින් යනවාද" කියාය. පවුල් පිටින් විශාදයට, මිග්ග්‍රෙන් වලට, අධි රුධිර පීඩනයට, දියවැඩියාවට පෙති ගිලිමින්, දැඩි කනස්සලෙන් දසදහස් ගණන් ඖෂධ ගිලිමින් අවසානයේ දරුවන් තනිකර දමා මිය ඇදෙති.

මේ තත්වයන් වෙනස් කිරීම සුළුපටු කරුණක් නොවේ අවබෝධය දැනුම සෑම කෙනකුටම තිබිය යුතුය. රට පටවන්න දරුවෝ හදන්නේ කුමකටද? රට ගියත් නැවත ලක්ෂ ගනන් විනාශ කරමින් එන දරුවෝ කොපමණ අප වෙත එනවාද. බහුතරයක් දරුවෝ මානසික ව්‍යාධියට පත් වෙම්න් සිටින බව මට නම් රහසක් නොවේ. මේ තත්වය හැම දරුවාටම අදාල නොවන බවද තේරුම් ගත යුතුය.

* මෙම ලිපිය සමාජ ගත කර සමාජය දැනුවත් කිරීම යහපතක් සමාජයට උදා කර දෙනු ඇතැයි මම සිතමි.

භද්‍රා ජී. කිරින්ගොඩ 077 5736446 077 3524962 කුරුණෑගල දී.

මෙවර සා. පෙ. ලියන පිරිමි දරුවෙක් ආවා.ඉගෙන ගත් සියල්ල අමතක විශාදමය තත්වයක් සහිතව. අවු. එකක් මානසික බෙහෙත් අරගෙන.

තතු විමසනවිට පෙනී ගියේ පුරා අවු. හයක් හින්දි චිත්‍රපටි බලල. අවු තුනක් ජං. දුර. යෙන් වීඩියෝ ගේම් සහ කාටුන් බලල.මොලේ බාගයක් නැහැ වගේ මට දැනුනා. මම දෙමාපියන්ට තදින් දොස් කීවා. දෙමාපියන් රවට්ටගෙන ඉන්නව වගේ.

මම දැන් දින හතරක් පුනරත්ථාපනය කරනව ඉගෙනුම. මේ දරුවට බල්ලා ගැන වාක්‍ය රචනයක් ලියන්න බැහැ .මතකය එන්නෙම නැහැ මම හය වසරෙ වැඩ පටන් ගත්තා තරමක් සාර්ථකයි. ඖෂධ පුතිකාර දෙනවා.ඒ ලමයා කියන්නෙ මගෙ මොළය ඇතුල කැරකෙනව කියල. තව ටික දොහක් ගියානම් පරලොවදි තමයි සා. පෙ. ලියන්න වෙන්නෙ.

දැන් මට හිතෙනව විභාගෙ ගොඩ දාන්න පුළුවන් වෙයි යනතම් අතගාල කියල. හොද බුද්ධිමත් දරුවෙක්

අසීමාන්තිකව තාක්ෂණය භාවිත කිරීමෙන් වී ඇති විපතක මහත.දරුවන් ප්‍රවේශම් කර ගැනීම ඔබලා සතු වගකීමක්. ගොඩක් දරුවො හොඳපෙන්නගෙන දෙමාපියන්ට අන්දවනව කියල මට හිතෙනවා.

මේඅයට අධ්‍යපන උපදේශනය ම නෝ වෛද්‍ය බෙහෙත් නැතුව අනාගතයක් ගැන හින්නවත් බැහැ

බෝධි පුජා, යන්ත්‍ර දැමීම් ,සෙත් ශාන්තිවලින් පමණක් යන්න හි තනවනම් මේතරම් දියුණු ලෝකෙක ඉතින් කණගාටුම තමයි.මම ඒව එපා කියනව නෙමේ. මගෙ ළගට ආවේ බෙල්ලෙ නුල් යන්ත්‍ර දාගෙන තමයි.

Now it's easier to call Institute of Remedial Education in Sri Lanka - IRES.

Institute of Remedial Education in Sri Lanka - IRES updated their website address.

Institute of Remedial Education in Sri Lanka - IRES updated their business hours.