Ahmed Selim
احمد عادل سليم ، كاتب احمد سليم / كاتب
قصيدة: بدأتم تكرهوني
تأليفي
كنت محتاجك في كتير من الأوقات
كان حواليا ناس كتيرة
بس بردو حاسس بالوحدة
يقولي عقلي يعني هي جت على واحدة
و يرد قلبي يقوله ما هي مش اي واحدة
ده عدى تلت سنين وانت متعلق
و بعدهم لسه بردو وحيد في السما بتحلق
زي طير تايه و مكسور الجناح
و بيدور على المفتاح
اللي يرجعله الحياة
و يعوضه عن المعاناة
عارفين إيه هو المفتاح؟
الحب و الإحساس
اللي تقريبا محستهوش مع ولا واحدة
حتى اللي حبيتك
متهنتش معاها
و عشان كده لازم تنساها
و تكره هواها
و تبطل تستناها
تعبت قلبك معاك و عقلك كره حكمته
من كتر ما انت بتبرر لقلبها قسوته
حرام عليك العذاب
عيش بقى و انتصر
و بطل تتكسر
من اي هزيمة حتى لو كنت عادية
و بطل بقى تسمع الأغنية
اللي بتفكرك بيها
و بعينيها و كل ما فيها
هي كرهتك في الحب و الحياة
مستني ايه تاني
عيشتك المعاناة
طب و لحد امتى هتعاني
ضيعت منك الراحة
و بتنام هي مرتاحة
ده انا في الوقت اللي كنت بقولك امشي
كتن اكتر وقت محتاجك فيه لكني مخدتش بالي من كده غير بعدين
قررت اني لحد تاني مش هروح
عشان بعدها بفضل مجروح
و مبقاش مسموح
لأي حد إنه يجرحني
و مبقاش في شئ يفرحني
عشان كده عايش و السلام
لحد ما اقول ليكم سلام
و بقول يارب لحد ما يحين السلام احس بالأمان و لو مرة
و متتعادش القَرّه
يمكن يبان اني قوي لكن ده بس من بره
عشان انا انهزمت كتير
و تعبت من التفكير
وحبيت بعدد شعر الراس
لكن ما لقيت في ولا واحدة نفس الإحساس
عشان كده تقريبا كرهت الناس
و ماسك في إيدي فاس
بضرب بيه كل حاجة حلوة قدامي
و بالتالي بضيع ماضي و حاضر و مستقبل أيامي
الماضي ضاع بسببكم
و الحاضر اهو بيضيع
و المستقبل شايفه مش جاي
عشان كده خايف من الدقيقة اللي جاية
مش بس من الأيام
و بنام أكتر ما كنت بنام
و عايش حياتي مفروض عليا
و مش بإيديا
عارف انكم بدأتم تكرهوني
و ده بسبب قسوة عيوني
و قسوة كلامي وكمان أفعالي
و لكن كله بسبب اللي جرالي
و هما السبب....هما مين؟؟!!
الأيام والسنين
و الناس القاسيين
قصيدة : معاناة سنين
تأليفي
عدى من السنين تلاتة
و انا لسه فاكرك كالعادة
معرفش مين غلطان
و لحد دلوقتي زعلان
على كل غلطة مني
يا اللي كنتي حتة مني
لسه عايز اطمن عليكي
ده ملعون ابو قلبي وعينيكي
هما السبب في حبي ليكي
و لسه كمان نفسي ألمس إيديكي
أكيد أنا فيا حاجة غلط
عشان أفضل أحبك
و كان أكبر غلط
إني قابلتك
لسه بتخيل رجوعنا
طب ازاي و انا عملت كل اللي عليا
من بعد وداعنا
و انا مش بخير و لا نَفسي هي هي
ليه بحلم بيكي
ليه بتمنى اشوف عينيكي
و انتي اللي قررتي و اختارتي
و كله كان بإيديكي
يا أسوء و أحلى الأشياء
يا عذاب من بعد فراق
يا أصعب معادلة في الحياة
عشان بتساوي المعاناة
معاناة سنين
مش بس يومين
يا رب أنساكي
و أكره هواكي
اكتشفت ان كل الحب من بعدك كان محاولة للتعويض
و عشان كده منجحش
و مبقاش في جديد
غير إني وحيد
بفتكرك في كل ليلة بالرغم انك دابحاني
ولسه عندي أمل في رجوعك تاني
غريبة ديه مش كده
ده حبي ليكي زي المخدرات في الأوردة
سمم قلبي و خلاني أكره الحب و أيامه
و مش عارف أحب كإن مفيش غيرك في الدنيا
قصتنا غريبة متتحكيش
و من بعدك مش عارف أعيش
يمكن عشان عشقتك
و يمكن عشان كرهتك
مش فاهم ايه حالتي
و بتمنى لو عليا سألتي
مش عارف ادعي عليكي
و مش عارف ادعي ليكي
لساني مش قادر على الاتنين
طب هوصل لحد فين؟
بكرهك على فكرة
بس مش ناسي عينيكي
و بفتكر كل لحظة
كنت بين إيديكي
كأنك مرض ملوش علاج
و أسوأ حاجة الإحتياج
لناس مش موجودين
و في القلب معششين
وعاملين مكان مصنوع من الحب والكره
ده انا قلبي بيضخ شيزوفرينيا
و عقلي مش قادر على الدنيا
عارفة انا قبل ما اقابلك دعيت ربنا إني أحب
و فعلا حبيت و اتحبيت بس اتنسيت
قررت محبش تاني
وهبقى شوية أناني
وهقول للحب إنساني
حتى لو الفترة ديه
أصلي كرهت الحب و لياليه
وتعبت من أغانيه
يمكن العيب فيا
يمكن العيب في الزمن
كرهت خلاص لياليا
وعايش بدفع في التمن
عارفين إيه مشكلتي ...
إني بقدم كل مشاعري و بحب بإخلاص
وإني واحد مليان إحساس
هحاول أنسى عينيكي
وحبي ليكي
عشان مش مكتوبين لبعض
و للأسف هختار البُعد
و يا رب إسعدني
عشان تعبت
يا رب قويني
عشان زهقت
في النهاية شكرا ليكي
عشان فكرتيني بالحب
وصحيتي مشاعري بين إيديكي
و زودتي نبض الحب في القلب
قصيدة: مستنيكي
أنا مستنيكي
و دايب فيكي
و عايش ليكي
يا كل ما ليا
نورتي لياليا
و صحيتي الحب فيا
هفضل مستنيكي
يا اللي عينيكي
سحروا ليا
و خلوا الحب يملى عينيا
و كل ما فيا
لأجل عينيكي
هكون فارس
بيحارب كل من يعاديكي
و هكون حارس
بيدافع عنك
كأنك
وطني و أرضي و بيتي
كل ما أملك لأجلك
وكل الجاي لأجلك
هحارب كل الناس
عشان جوايا أجمل إحساس
و هزرع في أرض حبنا بالفاس
و بقولها قدام كل الناس:
بحبك حتى لو فيها موتي
بحبك بقولها حتى في سكوتي
بحبك و إنتي أملي في الآتي
بحبك يا كل حياتي
إن الحب عندما يأتي يجعلك كالطير
فتتحول الجاذبية الأرضية للا شئ
وتصبح لديك جناحات
وتقول للحزن هيهات
فيا أجمل الأميرات أحبك
وتصبح الهموم فانية عندما يلتقي قلبي بقلبك
تأليفي
قصيدة: الحلم ١
الحلم بعيد لكني بسعيي هوصله
يبان لي قريب عشان دايما بقربله
صعبة أحلامي بسبب الحياة
لكني هتغلب على المعاناة
يا دنيا رايحة و جاية
هتحلو أيامي الجاية
و هبقى سعيد وكله جديد
هحقق كل ال موصلوش إنسان
هبقى رايق ومش بهتان
هكون إنسان غير اللي كان
مش هتضايق
هكون رايق
مش هضيع لحظة في زعل
عشان عندي دايما أمل
إن الجاي أحسن و يستحسن
أن لا أحزن
هكون راضي
و هنسى الماضي
يومي هيبقى مش عادي
يا عمري الآتي تعالالي
خلي الفرحة هي اللي باقيالي
سنين عدت
هموم زادت
سنين جاية
هموم فانية
أملي فيك يارب كبير
إن الجاي أحسن بكتير
يارب يا كريم
حققلي كل حلم قديم
يارب يا عظيم
كون لي معين
أحلامي كتيرة والصعوبات أكتر
لكني عليها هقدر
و هلاقي في عمري الباقي
نجاح و فرحة و حبيبة
و أمل في كل دقيقة
رجعتلي الحياة من تاني
خلاص مش هبقى وحداني
رجعت أحلى حاجة حصلتلي
يا أحلى حاجة حصلتلي
يا أحلى صفحة في حياتي
وحياتي معاكي هتبقى كالآتي
حب ورومانسية
ونبعد عن الدنيا ديه
و نفرح و نعيش و نحب
ونقف قدام رياح الحياة مهما تهب
يا ال عيونك بتعيشني في دنيا تانية
دنيا مفيهاش غيري وغيرك
عايز اشوفك في كل ثانية
وبجد كتر خيرك
انك سامحتيني
و أوعدك إني هاكون إنسان تاني
مش متخيلة فرحتي برجوعك
ومش هيشغلني غير موضوعك
ما إنتي حياتي
وعمري الآتي
وهعزفلك ألحان الحب
يا أجمل قلب
قصيدة: عمري الآتي
تأليفي
قصيدة: يا سمرا
يا سمرا يا اللي سحرتيني
و في دنيا تانية عيشتيني
أبص في عينيكي أقول دول غير كل العيون
نفسي تحبيني وليكي أكون
ليكي أكون حبيب
يا اللي بسبب حبك محتاج طبيب
طبيب عشاق
يداوي جرح الأشواق
يارب تكوني ليا
يا أحلى هدية
ديه أحلى أيام هتبقى معاكي
يا ملَاكِي
يا سطر في حياتي وبكتبه بألوان
عشان مميز ومش زي أي كلام
يا اللي بسهر ليها الليل
يا اللي ليلي معاها طويل
بقيت اسمع أغاني عن الحب والشوق
يا اللي معاها أنا بدوق
بدوق حلاوة الدنيا
يا أجمل ما في الدنيا
يا أحلى فرحة
يا أحلى كلمة
يا أحلى رسالة وأحلى جواب
عيونك مينفعش تتساب
يا كتاب عن الحب
يا أطيب قلب
كل قصايدي هتبقى ليكي
وهانسى الحزن بعنيكي
وهابقى شخص تاني فرحان
وهتحلو الأيام
وكلي إيمان انك هتبقيلي
وهاغنيلك مواويلي
وعندي ثقة في الله
انك هتبقي معايا بقية الحياة
يا اللي ربنا عَوَضني بيكي
يا اللي دايب أنا في عينيكي
يا أحلى هدية
يا اللي فرحتي لياليا
وأيامي وعينيا
وقلبي اللي كان زعلان
بفكر فيكي قبل ما أنام
وأتمنى أشوفك في الأحلام
عشان مضيعش لحظة من عمري من غيرك
ومش هحب غيرك
يا عمري ال جاي
يا قمري يا ضي
يا نور بينورلي العتمة
يا قمر بينورلي طريقي الضلمة
يا نجمة في السما
يا دوا بيشفي أيامي المؤلمة
يا طبيبة جراحي
يا اللي بتملي برَاحي
و على صورتك بفضل صاحي
فاتني كتير من غيرك
بس ال جاي أحلى لو كملتي جِميلك
كوني ليا
يا نور لياليا
ولا ألف كلمة تكفي وصف جمالك
نفسي أعرف ازاي حالك
وأعرف كل تفاصيل حياتك
أحزانك أحلامك فرحك
كل يوم بيعدي وأنا لسه مقولتلكيش عن حبي ده وقت ضايع
بس هيجي يوم وكله هيتعوض لما نكون مع بعض
وخديها مني وعد
مش هسيبك بس نكون مع بعض
ويتحقق المراد
ده الوقت معاكي بتمناه يتعاد
متفائل
وفي التشائم مش سائل
متفائل
وكلي يقين بالله
ان مركب حبي هيلاقي مرساه
وهنعيش في دنيا الأحلام
وهتحلو الأيام
يا حب الماضي والحاضر والمستقبل وكل الأيام
يا حبي الأبدي
بهديلك أجمل وردي