OoOo
Contact information, map and directions, contact form, opening hours, services, ratings, photos, videos and announcements from OoOo, Medical and health, .
29/07/2018
သွေးတိုးရောဂါ (Hypertension) အား အသေးစိတ်ခွဲခြမ်း စိတ်ဖြာခြင်း
သွေးတိုးရောဂါသည် လူတိုင်းသိရှိပြီးသော ရောဂါဖြစ်ပါသည်။ သွေးတိုးရောဂါသည် ပြင်းထန်သော ရောဂါ လက္ခဏာများ မပြပဲ မိမိကိုယ်ကို တွင် ဖြစ်မှန်းမသိပဲ ဖြစ်ပေါ်နေသည့်အတွက် သွေးတိုးခြင်းအား အသိနောက်ကျလေ့ရှိပါသည်။ အကြောင်းကြောင်းကြောင့် နေမကောင်းဖြစ်လျှင်သော်လည်းကောင်း၊ ဆေးခန်းသွားပြလျှင်သော်လည်းကောင်း၊ သွေးပေါင်းချိန်ကြည့်သည့်အခါတွင်မှ သွေးတိုးနေမှန်းသိရှိ လေ့ရှိပါသည်။ ထို့ကြောင့် သွေးတိုးရောဂါအား Silent Killer (အသံတိတ်လူသတ်သမား) ဟုပင် တင်စားခေါ်ဝေါ်လေ့ရှိသော ရောဂါ ဖြစ်ပါသည်။
သွေးတိုးသည် ဖြစ်ပွားသော လူဦးရေသည် အလွန်များပါသည်။ ကမ္ဘာပေါ်တွင် ရှိသော လူဦးရေ၏ ၃ ပုံ ၁ ပုံ ခန့်သည် သွေးတိုးရောဂါ ခံစားနေရပြီး သွေးတိုးရောဂါ ခံစားနေရသော လူဦးရေ၏ တစ်ဝက်ခန့်သည် သွေးပေါင် ထိန်း၍ မရသော၊ သွေးတိုးအား ကောင်းမွန်သော ကုသမှု ခံယူမှုမရှိသော လူဦးရေ ဖြစ်ပါသည်။ ထို့ကြောင့် သွေးတိုးရောဂါကြောင့်၊ သွေးတိုးရောဂါအား မထိန်းနိုင်သော ကြောင့် နောက်ဆက်တွဲဆိုးကျိုးများ ခံစားနေရသော လူဦးရေမှာ အလွန်များပြားပါသည်။
သွေးတိုးရောဂါကြောင့် နောက်ဆက်တွဲ မည်သည့်ဆိုးကျိုးများ ခံစားရသလဲ။
သွေးတိုးရောဂါကြောင့် အဖြစ်အများဆုံးနှင့် အရင်ဦးဆုံးဖြစ်စေသော နောက်ဆက်တွဲဘေးထွက် ဆိုးကျိုးမှာ နှလုံးရောဂါဖြစ်ပါသည်။
၁။နှလုံးနံရံထူခြင်း၊ နှလုံးကြီးခြင်း။
နှလုံးသည် ကိုယ်ခန္ဓာတစ်ခုလုံး အတွက် လိုအပ်သော အောက်ဆီဂျင်အား ရရှိအောင် ပို့ဆောင်ပေးသော သွေးများ တစ်ကိုယ်လုံးသို့ ရောက်ရှိအောင် ပို့ဆောင်ပေးသော မရှိမဖြစ်လိုအပ်သော အစိတ်အပိုင်းဖြစ်ပါသည်။ သွေးပေါင်ချိန် ၁၂၀ - ၈၀ ရှိသော လူတစ်ယောက်တွင် နှလုံးသည် တစ်ကိုယ်လုံးထံသွေးရောက် ဖို့အတွက် သွေးပေါင်ချိန် ၁၂၀ ထက်ကျော်သော Pressure ဖြင့် ညှစ်မှသာ သွေးကြောတွင်းသို့ သွေးရောက်ရှိမည်ဖြစ်ပါသည်။ သွေးတိုးနေသော လူတစ်ယောက်သည် ဥပမာ သွေးပေါင်ချိန်သည် ၁၇၀ - ၁၀၀ ဖြစ်နေပါက နှလုံးသည် Pressure ၁၇၀ ထက်ကျော်အောင် ညှစ်မှ သာ သွေးကြော အတွင်းသို့ သွေးရောက်မည်ဖြစ်ပါသည်။ ထို့ကြောင့် နှလုံးသည် ပုံမှန်ထက် များစွာ ပိုမို အလုပ်လုပ်နေရခြင်းဖြစ်ပါသည်။ အချိန်ကြာလာသော အခါတွင် နှလုံးသည် ကြွက်သားဖြစ်သောကြောင့် Gym ကစားသော၊ အလေးမသော သူများကဲ့သို့ ကြွက်သားများ ကြီးလာပြီး နှလုံး နံရံကြွက်သားများ ထူလာကာ နှလုံး ကြီးလာသည်အား တွေ့ရှိရပါသည်။
နှလုံးကြီးလာပြီးလျှင် နောက်ဆက်တွဲမည်သည့်အရာများ ဆက်လက်ဖြစ်မည်နည်း။
နှလုံးကြီးလာသည်နှင့် အမျှ နှလုံးအတွင်းတွင် သွေးလက်ခံသော အခန်းသည် တဖြည်းဖြည်းကျဉ်းလာ ပါသည်။ သွေးလက်ခံသော အခန်းသည် ကျဉ်းလာသည့်အတွက် နှလုံး တစ်ခါခုန်လျှင် ခန္ဓာကိုယ်အတွင်းသို့ ရောက်သော ပမာဏသည် တဖြည်းဖြည်း နည်းလာပါသည်။ သွေးပမာဏ နည်းလာသည့်အတွက် သတ်မှတ်ထားသော သွေးပမာဏရောက်ရန် နှလုံး အချက်ရေ ပိုခုန်ရပြီး နှလုံးမှာ ပိုအလုပ်လုပ်ရပါသည်။ နောက်ဆုံးတွင် နှလုံးသည် အလုပ်မလုပ်လုပ်နိုင်တော့ ပဲ ညှစ်အား ကျကာ Heart Failure ဝင်သွားတတ်ပါသည်။ ထိုအခါတွင် မောခြင်း၊ လှဲအိပ်သည့်အခါတွင် ရေမွှန်းသလိုဖြစ်ပြီး အသက်ရှူကျပ်ခြင်း၊ ခြေလက်များဖောခြင်း၊ လှုပ်လှုပ်ရှားရှား မလုပ်နိုင်ခြင်းများ ဖြစ်ပေါ်ပြီး နောက်ဆုံးတွင် နှလုံး အလုပ်မလုပ်နိုင်ခြင်းကြောင့် အသက်ဆုံးရှူံးခြင်းများ ဖြစ်ပေါ်စေတတ်ပါသည်။ ထိုကဲ့သို့ ဖြစ်ခြင်းသည် သွေးတိုးရောဂါကြောင့် နာတာရှည် နှလုံးရောဂါ ဖြင့် အသက်ဆုံးရှူံးခြင်းဖြစ်ပါသည်။
သွေးတိုးရောဂါသည် နာတာရှည် နှလုံးရောဂါ ဖြစ်ကာ အသက်ဆုံးရှူံးစေခြင်းသာမက အချို့သော လူနာများတွင် ရုတ်တရက် နှလုံးသွေးကြောပိတ်ကာ အသက်ဆုံးရှူံးခြင်းများ ဖြစ်စေတတ်ပါသည်။ သွေးတိုးသည့်အခါတွင်လည်း နှလုံးသွေးကြောကျဉ်းအား ပိုမို ဖြစ်စေပြီး ရုတ်တရက် နှလုံးသွေးကြော ပိတ်ကာ အသက်ဆုံးရှူံးနိုင်ခြေ ပိုများစေပါသည်။ အဘယ့်ကြောင့် ဆိုသော် သွေးပေါင်ချိန်များလာသည် နှင့်အမျှ သွေးကြော အတွင်းရှိ သွေးပေါင်ချိန်များ ပိုမိုများပြားလာပါသည်။ Pressure များလာသည့်အခါတွင် ပါးလွှာသော သွေးကြောနံရံများတွင် ထိခိုက်ပျက်စီးမှုများဖြစ်စေပါသည်။ ထိုထိခိုက်သော သွေးကြောနံရံများတွင် သွေးတွင်းရှိအဆီများ ပိုမိုစုပုံစေပြီး သွေးကြောအား ပိုမိုကျဉ်းစေပြီး နှလုံးသွေးကြော ပိတ်ပြီး Heart Attack ရခြင်းအား ပိုမိုဖြစ်စေတတ်ပါသည်။
ထို့အပြင် နှလုံးကြွက်သား ကြီးလာသည့်နှင့် အမျှ နှလုံးအလုပ်လုပ်ရန် အောက်ဆီဂျင်ပိုပြီး လိုအပ်ပါသည်။ ထို့ကြောင့် ကျဉ်းနေသော နှလုံးသွေးကြောမှ ပေးသော အောက်ဆီဂျင်သည် နှလုံးကြီးလာသည်နှင့် အမျှ မလုံမလောက်ဖြစ်ပြီး နှလုံးကြွက်သား ပုပ်ခြင်းအား ပိုမိုဖြစ်စေတတ်ပါသည်။ ထိုကဲ့သို့ နှလုံးပုပ်ခြင်း၊ အောက်ဆီဂျင် မရခြင်းဖြစ်ပါက နှလုံးစည်းချက်မမှန်ခြင်းများ၊ Heart Attack ရခြင်းများ ဖြစ်စေပြီး ရုတ်တရက် အသက်ဆုံးရှူံးခြင်းများ ဖြစ်စေတတ်ပါသည်။
၂။ရုတ်တရက် လေဖြန်းခြင်း၊ လေဖြတ်ခြင်း
အထက်တွင်ဖော်ပြထားသကဲ့သို့ပင် သွေးတိုးခြင်းကြောင့် သွေးကြောနံရံများတွင် ဒဏ်ရာများရပြီး အဆီများစုခြင်းသည် နှလုံးသွေးကြောများတွင် သာမက အခြားသော သွေးကြောများတွင်လည်းဖြစ်တတ်ပါသည်။ ထို့ကြောင့် သွေးပေါင်အား မထိန်းနိုင်သော လူနာများတွင် ထိုသွေးကြောနံရံတွင် စုနေသော အဆီမှ သွေးခဲများပြုတ်ထွက်ပြီး ဦးနှောက်အတွင်းရှိသွေးကြော များ အတွင်းသွားရောက် ပိတ်ဆို့ကာ လေဖြန်းခြင်း၊ လေဖြတ်ခြင်းများ ဖြစ်ပေါ်စေတတ်ပါသည်။ ထိုမျှသာမက သွေးပေါင်ချိန် ၁၈၀ ကျော်သော လူနာများတွင် အခန့်မသင့်ပါက သွေးပေါင်အလွန်များခြင်းကြောင့် ဦးနှောက်အတွင်းရှိ ပါးလွှာသော သွေးကြောများ ပေါက်ထွက်ကာ ဦးနှောက်သွေးကြောပြတ်ခြင်း များဖြစ်ပေါ်ပြီး အသက်ဆုံးရှူံးသည် အထိ အန္တရာယ်ရှိနိုင်ပါသည်။
၃။သွေးတိုးရောဂါကြောင့် ကျောက်ကပ်ပျက်စီးခြင်း
အထက်တွင်ဖော်ပြထားသည့်အတိုင်း သွေးတိုးခြင်းသည် ခန္ဓာကိုယ် တစ်ကိုယ်လုံးအတွင်းရှိ သွေးကြောနံရံလေးများအား ပျက်စီးစေသည့်အတွက် ကျောက်ကပ်အတွင်းရှိ ကျောက်ကပ်သွေးကြော နံရံများ ပျက်စီးပါက ကျောက်ကပ်၏ လုပ်ငန်းဆောင်တာဖြစ်သော သွေးတွင်းရှိ အဆိပ်အတောက်များ စွန့်ထုတ်ခြင်း၊ အညစ်အကြေးများ ဖယ်ရှားခြင်း စသည့် လုပ်ငန်းဆောင်တာများ လုပ်ဆောင်နိုင်ခြင်း မရှိတော့ပဲ ကျောက်ကပ်အား ပျက်စီးစေတတ်ပါသည်။ ကျောက်ကပ်ပျက်စီးခြင်းကြောင့် နာတာရှည်ကျောက်ကပ် ရောဂါ ဖြစ်စေတတ်ပြီး နောက်ဆုံးတွင် ကျောက်ကပ်ဆေးရသည့်အထိ အန္တရာယ်ပေးနိုင်ပါသည်။
သွေးတိုးခြင်းလျှင် သွေးကျဆေးသောက်ရမည်မှာ လူတိုင်းသိရှိပြီးသား အချက်ဖြစ်ပါသည်။ သို့သော်လည်း သွေးတိုးအား မည်မျှထိန်းနိုင်သလဲ ဆိုသည်မှာ အရေးကြီးသော အချက်ဖြစ်ပါသည်။ သွေးကျဆေးသည် သောက်လိုက်မသောက်လိုက် လုပ်၍ ရသောဆေးမျိုးမဟုတ်ပါ။ ထို့အပြင် ထိုကဲ့သို့ ဆေးပုံမှန် မသောက်သော လူနာများတွင် သွေးထိန်းရပိုမို ခက်ပြီး သွေးတိုးကြောင့်ဖြစ်သော နောက်ဆက်တွဲဆိုးကျိုးများ ပိုမိုခံစားရ တတ်ပါသည်။
သွေးထိန်းနိုင်လား သွေးမထိန်းနိုင်လား မည်ကဲ့သို့ စစ်ဆေးမည်နည်း။
များသောအားဖြင့် သွေးတိုးရှိသော သူများသည် မိမိကိုယ်ကို သွေးပေါင်ချိန်ခြင်းအားဖြင့် သွေးတက်နေ မနေ သိနိုင်ပါသည်။ သွေးကျဆေးသောက်ပြီး မနက်တစ်ခါ၊ ညနေ တစ်ခါ သွေးချိန်ရာတွင် ရှိရမည့် သွေးပေါင်ချိန်အတွင်း ရှိနေမှ သာ သွေးကျဆေးသောက်ခြင်းသည် အကျိုးရှိမည်ဖြစ်ပါသည်။
သွေးပေါင်တိုင်းခြင်းသည် သွေးထိန်းနိုင်မထိန်းနိုင်အား သိရှိရသော်လည်း သွေးပေါင်တိုင်းခြင်း၏ အားနည်းချက်မှာ သွေးပေါင်တိုင်းသည့်အချိန်တွင် ရှိသော သွေးပေါင်ချိန်သာ ဖော်ပြခြင်းဖြစ်ပါသည်။ သွေးပေါင်တိုင်းခြင်းသည် သွေးကျဆေးသောက်ပြီး ချိန်တိုင်းလျှင် သွေးပေါင်ချိန်သည် ပုံမှန်ရှိနေမည်ဖြစ်ပါသည်။ သို့သော်လည်း သွေးကျဆေးသည် အချိန်အတိုင်းအတာ တစ်ခုအထိသာ အာနိသင်ရှိမည်ဖြစ်ပါသည်။ ဥပမာ သွေးကျဆေး နံနက် တစ်လုံးတည်း သောက်သောလူနာများတွင် သွေးကျဆေးသောက်ပြီး ၂ နာရီတွင် တိုင်းသည့်အခါတွင် သွေးပေါင်ချိန် ပုံမှန်ဖြစ်နေမည်ဖြစ်ပြီး ည အိပ်ခါနီး တိုင်းကြည့်သည့် အခါတွင် သွေးပေါင် တက်နေနိုင်ပါသည်။ အဘယ့်ကြောင့် ဆိုသော် ဆေး အာနိသင်ကုန်သွားသောကြောင့် ဖြစ်ပါသည်။ ထိုကဲ့သို့ သော လူနာများတွင် ညဘက် သွေးပေါင်ချိန် မတိုင်းကြည့်မိပါက သွေးပြန်တက်နေမှန်းမသိပဲ မိမိကိုယ်ကို သွေးပေါင်ထိန်းနိုင်သည်ဟု ပင် ထင်နေမိတတ်ပါသည်။
ထို့ကြောင့် သွေးတိုးထိန်းနိုင် မထိန်းနိုင်အား တိတိကျကျ သိစေနိုင်သော ကျန်းမာရေး စစ်ဆေးမှုမှာ နှလုံးတယ်လီဗေးရှင်း Echo ရိုက်ခြင်းဖြစ်ပါသည်။ သွေးတိုးခြင်းသည် နှလုံးအား ဦးဆုံးထိခိုက်စေသည့် အတွက် သွေးတိုးရှိသည့် လူနာများ၊ သွေးတိုးမထိန်းနိုင်သော လူနာများတွင် ပထမဦးဆုံး နှလုံးတွင် ဖြစ်စေသော နောက်ဆက်တွဲ ဆိုးကျိုးမှာ နှလုံး နံရံထူခြင်းဖြစ်ပါသည်။ သွေးတိုးထိန်းနိုင်သည်ဟု ထင်သော လူနာများတွင် Echo ရိုက်ကြည့်သည့်အခါတွင် နှလုံးနံရံထူနေခြင်း၊ နှလုံးကြီးခြင်းတွေ့ရှိပါက ထိုလူနာသည် ယခင်က သွေးတိုးကောင်းမွန်စွာ မထိန်းနိုင်ခြင်းအား ဖော်ပြခြင်းဖြစ်ပါသည်။ ထို့ကြောင့် မည်မျှပင် သွေးပေါင်ချိန်လျှင် ကောင်းနေသည်ဟုဆိုပါစေ သွေးတိုးလူနာ တစ်ဦးသည် သွေးတိုးထိန်းနိုင် မထိန်းနိုင်သည် Echo ရိုက်ကြည့်ရုံဖြင့် တိတိကျကျ ရှင်းရှင်းလင်းလင်း သိနိုင်ပါသည်။ ထိုကဲ့သို့ နှလုံး နံရံထူသည့်လူနာများတွင် သွေးကျဆေးအား သောက်သုံးသည့် အခါတွင် ပုံမှန်သောက်သုံးနေကျ သွေးကျ ဆေးမျိုး သောက်သုံး၍ မရပဲ နှလုံး နံရံအား ပြန်လည် ကောင်းမွန်အောင် ပြုပြင်သည့် သွေးကျဆေးအား နှလုံး အထူးကု သမားတော်နှင့် တိုင်ပင် သောက်သုံးမှ သာ နှလုံး နံရံထူခြင်း၊ နှလုံး ကြီးခြင်း၊ နှလုံး ညှစ်အား ကျခြင်း များအား ထိရောက်စွာ ကုသ ကာကွယ်နိုင်မည်ဖြစ်ပါသည်။ ထိုမျှသာမက အချို့သော သွေးတိုးလူနာများတွင် သွေးကျဆေးအား ပုံမှန်သောက်သော်လည်း Echo ရိုက်ကြည့်သည့်အခါတွင် နှလုံးနံရံထူနေသည် အား တွေ့ရှိရသဖြင့် သွေးကျဆေးတိုးရန် လိုအပ်ခြင်း သွေးကျခြင်းပြောင်းပေးရန် လိုအပ်ခြင်းအား Echo ရိုက်ခြင်းဖြင့် သိရှိနိုင်ပါသည်။
ထိုကြောင့် သွေးတိုးရောဂါ ရှိသောလူနာများသည် နှလုံးနံရံထူခြင်း ရှိမရှိအား Echo ရိုက်ခြင်ဖြင့် သိရှိနိုင်ပြီ ဖြစ်ပြီး နှလုံးနံရံထူခြင်း၊ နှလုံး ကြီးခြင်း၊ နှလုံး ညှစ်အား ကျခြင်းများ ရှိပါက သွေးကျဆေးအား နှလုံးနံရံထူခြင်း အား ပြန်လည်ကောင်းမွန်စေသော သွေးကျဆေးသောက်သုံးမှ သာ နှလုံး ဆက်လက်ပျက်စီးခြင်းအား ကာကွယ် နိုင်မည်ဖြစ်ပါသည်။ နှလုံး နံရံထူခြင်းသည် သွေးတိုးရောဂါကြောင့် ဖြစ်စေသော အစောဆုံးသော နှလုံး ပျက်စီးစေမှုဖြစ်သော ကြောင့် ရောဂါလက္ခဏာ မခံစားရပေ။ Echo ရိုက်ခြင်းဖြင့်သာ သိရှိနိုင်သော အခြေအနေဖြစ်ပါသည်။ ထို့ကြောင့် သွေးတိုးရောဂါရှိသော လူနာတိုင်းသည် နှလုံး တယ်လီဗေးရှင်း ရိုက်ခြင်း (Echo ရိုက်ခြင်း) အား ပြုလုပ်သင့်သော စမ်းသပ်မှုဖြစ်ပါသည်။ Echo ရိုက်ခြင်းဖြင့် သွေးတိုးရောဂါကြောင့် နှလုံး နံရံထူခြင်းသာမက အခြားသော နှလုံးရောဂါများရှိပါက စောလျင်စွာ သိရှိနိုင်ပြီး ကုသမှုခံယူနိုင်ခြင်းကြောင့် သွေးတိုးလူနာများသာမက အခြားသော နှလုံးရောဂါ ဝေဒနာရှင်များ ပါ စစ်ဆေးသင့်သော အလွန်ပင် အကျိုးကျေးဇူးများသော ကျန်းမာရေး စမ်းသပ် စစ်ဆေးမှုဖြစ်ပါသည်။
Echo ရိုက်ခြင်းအားဖြင့် သိရှိနိုင်သော အခြားသော အကျိုးကျေးဇူးများ
၁။Echo သည် နှလုံး တစ်ခုလုံး အား မျက်စိဖြင့် အပြင်မှာ မြင်ရသကဲ့သို့ အလားတူပါသည်။ ထို့ကြောင့် မွေးရာပါ နှလုံး ရောဂါ ရှိမရှိ၊ နှလုံး ကြီးမကြီး၊ နှလုံး အဆို့ရှင် လုံမလုံ၊ သွေးစီးဆင်းမှု မှန်မမှန် တို့အား သိရှိနိုင်ပါသည်။ ထို့အပြင် အကယ်၍ နှလုံးကြီးနေသည် ဆိုလျှင် နှလုံး မည်မျှ ကြီးနေကြောင်း တိကျစွာ တိုင်းတာနိုင်ပါသည်။
၂။Echo သည် သွေးစီးဆင်းနေမှုပါ မြင်ရသည့်အတွက် အဆို့ရှင် မလုံပါက သွေးများ ယိုထွက်၊ ဖြာထွက်နေသည် ကို ပါ တိကျစွာ မြင်နိုင်ပါသည်။
၃။Echo သည် မိမိနှလုံး၏ လုပ်ငန်းဆောင်တာဖြစ်သော နှလုံးညှစ်အား (Ejection Fraction) အား တိကျစွာ တွက်ချက်ပေးနိုင်ပါသည်။ နှလုံးခြေကုန်လက်ပမ်းကျ ခြင်း (Heart Failure) ဝင်နေမနေသိရှိနိုင်သည့် အပြင် မိမိသောက်နေသော နှလုံးဆေး ထိရောက်မှု ရှိမရှိအား လည်း သိနိုင်ပါသည်။
၎။နှလုံးအခန်းတွင်း သို့ ရှင်းလင်းစွာ ဝင်ရောက်ကြည့်ရှုနိုင်သည့်အတွက် အထက်တွင်ဖော်ပြထားသော ဦးနှောက်သွေးကြောပိတ်ပြီး လေဖြတ်နိုင်သော သွေးခဲများရှိမရှိ၊ အဆို့ရှင်တွင် အနာရှိမရှိ တို့အား တိကျစွာ သိရှိနိုင်ပါသည်။
၅။Echo သည် နှလုံး လှုပ်ရှားနေသည့်အတိုင်း မြင်ရသဖြင့် နှလုံးခုန်စည်းချက် မှန်မမှန် ကို လည်း သိရှိနိုင်ပါသည်။
၆။နှလုံးသွေးကြောကျဉ်းနေသော လူနာများတွင် နှလုံးသွေးကြောကျဉ်းနေသည့် နှလုံးနံရံသည် နှလုံးသွေးကြောကျဉ်းနေသည့် ဒဏ်ကြောင့် ကောင်းစွာအလုပ်လုပ်ပေ။ Echo ဖြင့် ကြည့်သည့်အခါတွင် အလုပ်မလုပ်သည့် ကြွက်သားနံရံအား တိတိကျကျမြင်ရသည့်အပြင် နှလုံးသွေးကြောကျဉ်းသည့် ဒဏ်ကြောင့် နှလုံးညှစ်အား ကျမကျပါ တိတိကျကျ သိရှိနိုင်ပါသည်။
၇။ခွဲစိတ်မှုမပြုခင် လူနာသည် ခွဲစိတ်မှုဒဏ်အား ခံနိုင်ရည်ရှိမရှိ (pre-operative assessment) တွင် ဆုံးဖြတ်ရာတွင် အရေးကြီးသော နှလုံး၏ လုပ်ငန်းဆောင်တာများအား Echo အဖြေကြည့်ပြီး ဆုံးဖြတ်ပါသည်။
အချုပ်အားဖြင့် ဆိုလျှင် နှလုံးရောဂါများကုသခြင်း၏ အသက်သည် စောနိုင်သမျှ စောစော သိရှိအောင်လုပ်ပြီး ကုသမှုခံယူခြင်းဖြင့် နှလုံးပျက်စီးခြင်းအား ဆက်လက်မပျက်စီးအောင် ထိန်းထားခြင်းဖြစ်ပါသည်။ ထို့ကြောင့် မည်သည့် နှလုံးရောဂါ အတွက်မဆို နှလုံးတယ်လီဗေးရှင်း Echocardiogram ရိုက်ကူးပြီး နှလုံး အထူးကု ဆရာဝန်နှင့် စမ်းသပ်မည်ဆိုလျှင် အမှန်တကယ် နှလုံး ရောဂါ တစ်ခုခု ရှိပါက ကြိုတင်သိရှိနိုင်မည်ဖြစ်ပြီး စောလျှင်စွာ ကုသမှု ခံယူပါက အချိန်မတိုင်မီ နှလုံး တစ်ခုခု ထိခိုက်ပျက်စီး ခြင်းမှ ကြိုတင်ကာကွယ်နိုင်မည်ဖြစ်ပါသည်။
Medical Checkup ဆိုတာ ရောဂါတွေ့မှ ထိရောက်တာ မဟုတ်ပါဘူး။ ရောဂါ တစ်ခုခု တွေ့ဖို့ မျှော်လင့်ပြီး လုပ်တာမဟုတ်ပါဘူး။ ရောဂါ မရှိတာ ကို မရှိကြောင်း သိရှိရတာကိုက ဝမ်းသာစရာပါ။ ရောဂါမရှိသည့် အတွက် မိမိကိုယ်ကို ကျန်းမာနေကြောင်း သိရှိတာက ပီတဖြစ်စရာပါ။ တကယ်လို့ ရောဂါ တွေ့ခဲ့လျှင်လည်း လက္ခဏာမပြသေးခင် တွေ့တာဖြစ်သည့်အတွက် ရောဂါ မကျွမ်းခင် ကြိုတင်ကုသမှု ခံယူလို့ ရတဲ့အတွက် လူနာအတွက် အများကြီးအကျိုးရှိသော ကျန်းမာရေးစစ်ဆေးမှုဖြစ်ပါတယ်။
Family Doctor အထူးကုဆေးခန်းတွင် Echocardiogram Package အား စီစဉ်ထားရှိပါသည်။ ထို Package တွင် နှလုံးအထူးကု ဆရာဝန် နှင့် Echocardiogram ရိုက်ကူးခြင်း၊ ဆေးခန်း ဝန်ဆောင်မှု၊ 3 channel ECG ဆွဲခြင်း၊ နှလုံး အထူးကု ဆရာဝန်နှင့် စမ်းသပ် ဆွေးနွေးတိုင်ပင်ပြသခြင်း၊ ကုသမှုခံယူခြင်း တို့ ပါဝင်မည်ဖြစ်ပါသည်။
Echocardiogram ရိုက်ကူးရာတွင် လည်း အမေရိကန် နိုင်ငံထုတ် GE Logiq Expert စက်ကြီးဖြင့် ရိုက်ကူးပေးမည်ဖြစ်ပါသည်။ ထို Echocardiogram Heart Screening Package အတွက် ရန်ကုန်ပြည်သူ့ဆေးရုံကြီးမှ နှလုံးအထူးကု သမားတော်များ ကိုယ်တိုင် Echo ရိုက်ကူးပေးပြီး စမ်းသပ်ကုသပေးမည်ဖြစ်ပြီး အပြီးအစီး ငွေကျပ် သုံးသောင်း ကျပ်ဖြင့် ဈေးနှုန်းချိုသာစွာ ဝန်ဆောင်မှုပေးနေပြီ ဖြစ်ပါသည်။
Echocardiogram Package ပြုလုပ်လိုသော မိဘပြည်သူများ အနေဖြင့် Family Doctor အထူးကု ဆေးခန်း ဖုန်နံပါတ် ၀၁-၂၃၁၄၁၄၆၊ ၀၉-၉၇၂၁၇၆၇၈၆ သို့ ဖုန်းဆက်ပြီး ကြိုတင် Booking နိုင်ပြီ ဖြစ်ပါသည်။
နှလုံးအထူးကုဆရာဝန်ကြီးများမှာ
၁။ကထိက ဒေါက်တာစိန်ခိုင်
M.B.,B.S (Ygn), M.Med.Sc (Int. Med)
MRCP (UK), MRCP (London)
ရန်ကုန်ပြည်သူ့ဆေးရုံကြီး
အင်္ဂါ၊ ကြာသပတေး ညနေ ၆း၀၀ မှ ၉း၀၀ အထိ။
စနေ၊ တနင်္ဂနွေ နံနက် ၈း၀၀ မှ ၁၀း၀၀ အထိ။
၂။ဒေါက်တာ အိချိုခိုင်
M.B.,B.S (Ygn), M.Med.Sc (Int. Med)
MRCP (UK)
ရန်ကုန်ပြည်သူ့ဆေးရုံကြီး
တနင်္လာနေ့ မှ သောကြာနေ့ အထိ နေ့စဉ် ညနေ ၅း၃၀ မှ ၆း၃၀ အထိ။
၃။ဒေါက်တာသိန်းထက်သိန်း
M.B.,B.S (Ygn), M.Med.Sc (Int. Med)
MRCP (UK)
ရန်ကုန်ပြည်သူ့ဆေးရုံကြီး
တနင်္လာနေ့ မှ သောကြာနေ့ အထိ နေ့စဉ် ညနေ ၅း၃၀ မှ ၆း၃၀ အထိ။
Family Doctor အထူးကုဆေးခန်းလိပ်စာမှာ - အမှတ် SA-9၊ အောင်ဇေယျအိမ်ယာ၊ သစ်တောရပ်ကွက်၊ ဆင်မင်းဈေးရှေ့၊ ကမ်းနားလမ်းမပေါ်၊ CB Bank ဘေး၊ အလုံမြို့နယ် ဖြစ်ပါသည်။