香港理工大學學園傳道會 POLYU Campus Crusade for Christ (PUCCC)

2024-2025❤️‍🔥Christ-like Disciples 屬靈領袖計劃❤️‍🔥

大學5件事就見得多啦，但基督徒版本又有冇見過呢🤩身為基督徒嘅你，一定都渴望做齊呢5件事，更加親近神✨係咪好想為神擺上呢？冇錯，因為神值得！宜家就有一個機會、一個平台，俾你剔曬5件事📋

我哋都正正招募緊一班肖似基督嘅門徒(Christ-like Disciples)，一齊學像耶穌基督，協助完成大使命🫡如果感動就行動啦！

期待與你一齊成長、一齊見證神🥳 [bio有報名link]

📢召集各位基督徒fmbbsss❗‼️
恭喜你成為PolyU嘅一分子🥳嚟到一個新環境🏕️ 唔知你想唔想認識更多嘅基督徒呢🤩～你又有無諗過as一個基督徒可以喺大學入面做到啲咩呢🧐🧐？

機會嚟喇飛雲🏃🏃‍♀️！PolyU Christian XD(experience day) 歡迎每位PU基督徒參與🫶🏻✨期待到時一齊探討呢啲問題 一齊尋找答案 ft. 一班校園入面嘅同行者🙌🏻

日期：22/8（四）
時間：2:30-5:00pm
集合地點：PolyU
對象：PolyU基督徒
內容：campus hunt、師兄姊之真情分享、破冰之唔怕尷尬飯局（1:30pm）

有興趣可以scan QR code/去bio嘅link填報名表
報名截止日期：20/8 11:59pm

希望到時可以見到你😆😆我哋一同見證神嘅恩典！💖

#基督徒 #理大基督徒 #理大 #理大學傳 #屬靈運動 #大使命 #傳福音 #信仰

哇哇哇！咁快就黎到week 13喇🫠
我地又有晨禱會喇🤟🏻今次我地會做咩呢🤔️

我地今次會回顧返上12個week嘅晨禱會，並且再為呢啲之前提過嘅prayer item祈禱🫡而且我地都會為畢業生簡單祈禱🙏🏻詳情如下：

日期：4月16日
時間：07:30-08:25
地點：QR Podium

記得黎參加喇😆😆

🔥PolyU X CityU X HKCC 聯校晚會《燃亮此生❤️‍🔥》
去到今個學年的尾聲 除了一堆workload之外
你有想過或計劃過下學年/到職場後
如何繼續為神作見證？⚔️
如何被神燃亮自己的生命？🌟
邀請你和你身邊基督徒一同參與晚會與期待神親自對我們說話！🤩

晚會詳情如下：
日期：18/04/2024 (四)
時間：19:30-21:45
地點：PolyU BC201
內容：火熱敬拜、主題經歷、信息分享
對象：所有PolyU、CityU及HKCC基督徒

咁快就黎到Week 12喇🫡我地依然會有晨禱會！臨近sem 尾大家都辛苦喇，但都鼓勵大家一齊參加晨禱會，為福音需要祈禱🙏🏻

我地Week 12會為到澳洲祈禱🦘詳情如下：

日期：4月9日
時間：07:30-08:25
地點：QR Podium

澳洲係一個點嘅地方呢🤔我地可以點為澳洲祈禱呢？
你過黎就知道啦😆到時見🤟🏻

大家！Week 11又有晨禱會喇🫡

大家都知道，多元宗教唔會係合神心意嘅嘢，但係多元宗教究竟係咩呢？係new age嘢？定係其他嘢呢🤔️

Week 11嘅祈禱會，會同大家介紹一下多元宗教，並為到呢個topic祈禱🙏🏻詳情如下：

日期：4月2日
時間：07:30-08:25
地點：QR Podium

到時見喇😆

‼️Week 10又有晨禱會喇‼️
‼️今次晨禱會轉咗地方‼️

係香港非常容易參與到教會聚會👥但我地有唔少弟兄姊妹們喺其他地方面對住唔少逼迫，甚至只能隱瞞自己基督徒嘅身分😢

Week 10晨禱會，我地將會為到呢啲逼迫情況嚴重嘅地方禱告🙏🏻詳情如下：

日期：3月26號
時間：07:30-08:25
地點：文康四樓

讓我地以禱告守望其他地方嘅弟兄姊妹們啦🌍

大家記唔記得我地啱開sem嘅時候搞咗PolyU Prayer Walk呢🤓

有PolyU就梗係唔少得HKCC啦！

Week 9就係我地嘅HKCC Prayer Walk啦😆詳情如下：

日期：3月19日
時間：07:30-08:35
集合地點：另行通知

請注意‼️CityU嘅大家都可以join的

HKCC Prayer Walk絕對無PolyU Prayer Walk咁凍啦😂所以大家唔好貪戀被窩嘅溫度啦🛏️我地一齊參加Prayer Walk，守望校園啦！

大家記得我地嘅異象係咩呢？
係「得著校園🎓改變世界🌍」呀！

除咗為校園祈禱，我地梗係唔少得為世界祈禱啦❤️‍🔥Week 8晨禱會將會為人道救援祈禱🙏🏻想知道多啲嘅話就記得黎啦

日期：3月12日
時間：07:30-08:25
地點：QR Podium

我地一齊以禱告守望世界啦🫡

❗️話咁快就Week 7喇❗️
❗️我地又又又有超正嘅晨禱會喇❗️

今次我地會為到校園裏面嘅一班EAS們祈禱❤️‍🔥你地問EAS係一個點嘅群體？你地黎到就知道喇！

日期：3月5號
時間：07:30-08:25
地點：QR Podium

到時見啦❤️‍🔥❤️‍🔥好期待呀！

📣號外號外！
放完新年假返嚟 我地又有大搞作🥳🥳——今個sem嘅momentum要開始啦！我地會一連五日喺polyu campus密集式傳福音 希望可以將神嘅大愛傳揚出去 令更多人認識上帝🤩我地今次好flexible㗎！冇任何官方時段 只要你得閒就可以參與！我地仲會有少少道具俾大家使用😎怕尷尬嘅你有佢哋就唔使驚啦🤪
⁡
有興趣嘅你記住拉埋你啲friend一齊嚟！期待見到大家為神作鹽作光🌟到時見！
⁡
𝐃𝐞𝐭𝐚𝐢𝐥𝐬✨
日期：2月19日至2月23日（week5）
時間：9:30am-7:30pm（隨時參與）
地點：PolyU campus
*💥道具可於R11/V12領取*

喂喂喂😆又係時候圍威喂一齊祈禱啦🫡快啲叫埋你個fd同你個fd個fd一齊參加晨禱會啦🙋🏻‍♀️🙋🏻‍♂️

日期：2月6日
時間：07:30-08:25
地點：QR Podium

求神興起屬靈領袖⭐️使用大家得著校園，改變世界🌍

Halo 大家好呀🤟🏻話咁快就week 2啦🫡新嘅星期梗係唔少得為校園祈禱啦

下個晨禱會，我地會行走喺PolyU唔同嘅地方🗺️為校園唔同嘅福音需要祈禱🙏🏻想知多啲究竟係為咩祈禱？咁就記得黎晨禱會啦！

星期二見！

話咁快又開sem啦😆放完假叉足電🔋之後梗係要繼續一齊為校園祈禱啦！好火熱呀🔥

所以我地嘅晨禱會又回歸啦！歡迎大家一齊參與喺晨禱會，一同以禱告守望校園🙏🏻

時間：0730-0825
地點：QR podium(係Podium，你冇睇錯👀)
主題：為整個movement祈禱

聽日見大家！快啲叫埋你隔離嗰個一齊黎啦🤟🏻

尼緊我地會有Thanksgiving Night!🫶🏻

一齊數算呢個學期我地領受左幾多神既恩典～同時都會有同工為大家打打氣！🙌🏻🤟🏻

日期：30/11 （四）
時間：1930－2145
地點：PolyU BC302
內容：彼此分享，互相祝福感恩，信息分享，sem尾加油站

歡迎所有PolyU、CityU、HKCC基督徒參與！期待見到大家！😉

【Week 12 晨禱會】

眨下眼就完SEM 喇😧，而再眨多下眼原來已經嚟到今個SEM 最後一次晨禱會喇😌

今次晨禱會嘅內容係為到YRC(全港青年奮興營)🔥🔥同埋我哋polyu team 即將出發嘅Winter trip (短宣)🛫祈禱

日期：21/11(二)
時間：0730-0825
地點：Polyu VA119

歡迎所有Polyu/HKCC同學仔一齊參加🙌🏻，到時見😉

【Week 11 晨禱會】

話咁快，眨下眼又到Week 11喇😪唔知開心定悲哀好🫠不過我哋今個星期仍然都仲有晨禱會，向神祈禱嘅時間👍🏻👍🏻

平時我哋校園裏面見到嚟自唔同地方嘅國際生，佢哋可能嚟到香港呢個地方人生路不熟🤷🏻‍♂️，所以呢我哋亦都更加需要關注呢一班嘅國際生🫶🏻🫶🏻，我哋今個星期會為到polyu嘅國際新祈禱🙏🏻

日期：14/11 (二)
時間：0730-0825
地點：Polyu VA119

歡迎所有Polyu/HKCC 同學仔一齊參加😉

【Week 10 禁食祈禱會】

聽朝我哋又有晨禱會喇😆今次嘅主題係為Design TA 去祈禱，呢個TA 正進行如火如荼❤️‍🔥，所以我哋更加要為到呢個TA祈禱🙏🏻

日期：7/11(二)
時間：0730-0825
地點：Polyu VA119

歡迎所有polyu 嘅基督徒同學仔🙌🏻今次晨禱會係禁食祈禱會🤐，大家進行禁食前先衡量自己身體狀況，就係咁，聽朝見😉

【Week 9 晨禱會】
可能大家忙住衝mid-term, 去唔同嘅Ocamp……✌🏻✌🏻但原來不知不覺就嚟到Week9🫠，好似乜都冇做過咁😵‍💫😵‍💫 既然如此，不如嚟晨禱會refresh下自己啦🔥

我哋今個星期繼續為到Polyu 同HKCC校園文化祈禱~~

日期：31/10(二)
時間：0730-0825
地點：Polyu VA119

歡迎所有基督徒join 我哋，到時見😉

【Week8 晨禱會】
今個星期我哋為到PU嘅”鄰居” HKCC 同學仔去祈禱🙏🏻 HKCC 出名Chur🤮，大壓力🤧嘅大專院校，再加上近期社會接二連三嘅不愉快事件🙁我哋更加需要為到呢間Chur Chur 院校入面嘅同學仔祈禱🙏🏻一齊守望👀

日期：24/10(二)
時間：0730-0825
地點：Polyu VA119

歡迎所有Polyu 同HKCC 嘅基督徒同學仔🙌🏻，聽日見😉

【Week 7 晨禱會(aka Mid-term晨禱會😭)】
話咁快又嚟到Week 7喇，正值係Mid-term 高峰期，唔知大家嘅壓力爆登未呢🧨

爆咗又好，未爆都好😬，都鼓勵大家聽朝早啲起身一齊為到自已、為到同學👥嘅Mid-term 壓力祈禱。🙏🏻

日期：17/10
時間：0730-0825
地點：Polyu VA119

期待見到大家，一齊為Mid-term去祈禱😉

Yo~ 開左接近半個SEM，唔知大家過成點呢🥺
嚟緊我地會搞一個大event🥳🥳就係「Poly 夜繽紛」喇💫~ 我地為大家準備咗一系列嘅活動，透過唔同嘅形式，希望可以同大家一齊傾吓計，一齊探索係生命嘅意義~

如果你有興趣，就唔好等，即刻去報名喇！link in bio

另外，如果你係基督徒✝️，不妨可以嘗試邀請下身邊唔係幾多個朋友仔👥去參加。

就咁，到時見大家啦😉

/
2021-2022 CCC Sharing💕
-
過去一年有咁多咁正嘅活動，點可以唔開心share呢😚今日我哋有敏怡同我哋分享佢係呢一年嘅經歷同得著✨
-
學傳除了是一個讓我經歷不同的信仰學習、裝備和事奉實踐的好地方，最近的我也發現這群體有一種特別的力量。

剛剛過去的兩個月是我的實習期，中間有一段時間自己因各樣事情困身而感到極度疲乏。有幾次放工參與聚會時，當與弟兄姊妹分享近況後祈禱、聽着他們為我的心祈禱，我感覺自己很被人明白和陪伴，而且提醒我要安心倚靠神。在那刻，平常較少表達感情的我因着這份安慰靜靜流淚，也使我深刻明白到肢體互相守望扶持的力量。
-
Come Join Us!❤️‍🔥
#基督徒 #理大 #理工大學 #得著校園改變世界

/
2021-2022 CCC Sharing💕
-
過去一年有咁多咁正嘅活動，點可以唔開心share呢😚今日我哋有hugo同我哋分享佢係呢一年嘅經歷同得著✨
-
喺過去呢一年嘅學傳經歷入面，令我最深刻嘅係我需要嘗試參與去同人傳福音，去同人分享神嘅喜悅，當初我嘅感覺係，同陌生人講福音真係會好尷尬，而且人哋點會真係聽完你講一本小冊子就好有感動，好想信耶穌呢，當初嘅我好冇信心，無論對自己定對神都係，但自從我真係出隊去試吓傳福音嘅時候，神真係預備左好多好願意聆聽嘅羊俾我哋，雖然嗰次我只係做一個協助嘅角色，但我感受到真係有人係咁願意聽福音，佢哋嘅心真係好預備，嗰刻我真係感受到神真係好神奇，好奇妙，我以為一定要同佢解釋好多信神有咩好，返教會有咩好，佢先信，但唔係㗎，唔係靠住我做咗幾多，係神係喺呢羊身上做咗幾多，之後慢慢再參與出隊，同聽其他弟兄姊妹嘅見證當中，我開始慢慢放低我喺心入面嘅主權，開始想求問多啲神，靠住佢嘅能力得勝，之後我係啲事奉生活中，我都會多啲去問下神，我喺呢個活動入面神想我做啲乜嘢，將我啲愁煩全部扔俾神，更多想去接觸呢位充滿供應，充滿恩典嘅神，依靠佢。

而且喺學傳嘅當中，有好多好火熱嘅弟兄姊妹，佢哋會為左實踐大使命付出好多嘢，付出勁多自己休息嘅時間去出隊，同陌生人傳福音，弟兄姊妹們係好渴望有更多失喪嘅靈魂歸俾主，見到人信主會勁開心，我俾佢哋呢熱情感動，更加上同佢哋一樣咁火熱🔥
-
#基督徒 #理大 #理工大學 #得著校園改變世界

//
成日聽人講讀Design好chur好chur🤯每星期都要交大大小小嘅project，仲要瞓studio添🫠

💭會唔會忙到冇時間讀經祈禱返教會㗎🫣有冇人明白我，可以同我一齊同行啊？🥺
💭身邊嘅同學個個都咁攰咁大壓力，作為基督徒嘅我又可以做啲咩呢？🙈

唔駛擔心！黎緊理大學園傳道會好想透過Design Vision Night招聚一班讀Design嘅基督徒，可以互相認識、彼此扶持之餘，都期望我地可以一同喺Design入面作神嘅見證，成為能夠照亮呢個學科嘅一點光💡祝福身邊嘅同學！😚
唔好猶豫快啲報名啦！📩我地好期待見到你地🫶🏻
同埋諗起身邊有讀design嘅基督徒 就拿拿聲share比佢地啦！🥰

Design Vision Night詳情🔎
日期：6/9 (二)
時間：1930-2200
地點：PolyU (地點稍後公佈)
內容：遊戲、敬拜、見證分享、信息、小組分享
對象：所有理大設計基督徒
報名link：https://forms.gle/bsuCniDhZHFLS7Y46

————————
#基督徒 #理大 #理工大學

/
2021-2022 CCC Sharing💕
-
過去一年有咁多咁正嘅活動，點可以唔開心share呢😚今日我哋有鹹魚同我哋分享佢係呢一年嘅經歷同得著✨
-
過去，我總逃避愛與我不同的人。神在JM1小組內安排個性截然不同的成員（DISC居然各佔一個！）因太過不同，我們反而能做自己，用愛包容彼此。有學習愛人如己的場合，感恩。

信心如肌肉，不操練將退化。學傳的恆常活動——晨禱會和出隊傳福音中，每一次都刷新對福音的認識，建立與神的關係。
-
#基督徒 #理大 #理工大學 #得著校園改變世界

//
係呢一個世代入面，我哋每日都面對住好多唔同掙扎、好多唔同嘅挑戰、好多唔同嘅難關，每日都咁樣去為生活奮鬥，你係咪已經好無力？😫好疲累？😞兩年半嘅疫情入邊，人同人之間嘅距離越來越大，你有冇一種一直都係自己孤身作戰嘅感覺？😵‍💫

但其實你並不孤單‼️‼️‼️

你從來都唔係自己一個去面對呢一啲挑戰，我地嘅天父係一直與我地同在，我哋可以依靠佢🙌🏻，可以依靠個位勝過晒所有黑暗權勢嘅神。

我地今年onight嘅主題係「人類群星閃耀時」🌟
我哋相信係呢個世代嘅基督徒每一個都可以為神作光，好似星星咁樣發光發熱✨

踏入人生新嘅階段可能會遇到好多唔同嘅困難同挑戰，但我哋想讓你知道你從來都唔係自己一個孤身作戰，而係上帝一直都陪伴我哋，只要依靠佢我哋都可以勝過一切🤩

唔好再猶豫啦！快啲嚟報名參加我哋嘅Onight啦，相信你都可以經歷神嘅同在同埋大愛❤️

Onight 詳情🔎
日期：8/9/2022
時間：19:30-22:00
借出場地：中國基督教播道會恩福堂
地址：長沙灣長沙灣道789號恩福中心5/F
內容：火熱敬拜、信息分享、異象傳遞
對象：所有PolyU、CityU、HKCC基督徒
報名方法：link in bio

快啲叫齊身邊嘅朋友一齊參加啦，為神作鹽作光嘅同時都感受到佢嘅同在同埋大愛🫂

//
我係某某營會好經歷到神啊！
我係某某群體好體會神好愛我！

但你有無諗過…
原來有啲人從來無體會過尼份感動同愛
有啲人甚至從來未聽過

仲記得小編初入大學
發現世界唔似我預期
由細到大都係基督徒群體大
以為周街都係基督徒
入左大學先發現 身邊好多人未聽過耶穌
就算聽過都無認真諗過信仰
當我地主動同佢地分享
佢地先第一次認真思考信仰

我地唔滿足
基督嘅愛只係停留係我地嘅同溫層入面
我地唔滿足
我地嘅同學明明好攰好迷失好需要神
卻從未聞福音

我地好想 讓基督嘅愛進入理大每一個角落
唔止係基督徒可以體會到
基督徒都願意主動分享比非基督徒聽

你渴望耶穌的愛 照遍理大每一個陰暗角落嗎？
你渴望身邊每一個同學 也體會你經歷的愛嗎？

加入我們 #讓傳福音不再是口號
一同 得著理大 改變世界
Win the Campus Change the World
-------
A new chapter is waiting for you.
Come and join us.


#基督徒 #理大 #理工大學 #得著校園改變世界

//
唔知有冇FMBB係基督徒呢😎相信你地入到polyu真的很興奮，好想參加多啲活動，體驗新嘅大學生活，仲可能想搵下啲基督徒群體或者師兄師姊🤩，咁依家呢個活動就啱曬你啦。

我哋一班師兄師姊好想同你哋同行，一齊玩，一齊經歷神，所以想召集更多基督徒FM一齊透過Christian O Day去認識大家。

當日會一齊玩，又會帶你哋認識下呢個校園，仲會分享下我哋喺校園點經歷到神，一齊探索神在你大學生活的心意，感受到神喺polyu做咗啲咩奇妙工作。如果你喺基督徒，又對未來校園生活好有期待，就報名我哋嘅活動啦🥳🥳🥳

仲有仲有，如果你對活動好有興趣，好想推薦俾其他基督徒朋友，邀請你哋share俾佢哋或者認識嘅牧者同中學老師🔥🔥

活動安排如下：

日期：26/8/2022（Fri)
時間：13:00-18:00 （18:00-20:00 晚飯，Optional)
地點：PolyU（地點稍後公佈）
形式：實體進行
內容：遊戲，大學活動體驗，校園異象分享，小組彼此分享
報名方法：填妥活動報名表 (Google Forms, link in bio)
費用全免！名額有限，先到先得！

備註：由於名額有限，以收到signal訊息確認的為準，若未能參加是次活動，請見諒🙏🏻🙏🏻

-------

A new chapter is waiting for you.
Come and join us.


#基督徒 #理大 #理工大學 #得著校園改變世界

//
歡迎你入到理大啊！
唔知道你依家有咩心情呢
期待著青春無悔嘅大學生活
定係擔心緊自己會因為長期網課
而適應唔到新環境？

身為基督徒嘅你
有無諗過加入一個基督徒群體
同一班弟兄姊妹一齊同行成長？

唔知入到理大嘅你會唔會擔心
-搵唔到可以同行成長嘅frd
-唔知道上唔上莊、join 唔join soc
-唔知reg 咩car、幾時交學費好
-唔知道讀大學嘅意義係咩
無人依靠：(
等我們黎幫助、陪伴你啦！

我們是一群理大基督徒師兄姐
好希望可以認識、關心你們
陪伴你們走過迷惘的適應期！

我們會有師兄姐打電話聯絡你
可以一齊聊天分享、祈禱
解答你關於大學的任何問題
當然亦包括大學的信仰生活啦！

-------
A new chapter is waiting for you.
Come and join us.


#基督徒 #理大 #理工大學 #得著校園改變世界