Whites lab

أحدث الاجهزه الطبيه
سرعه الأداء دقه التشخيص نتائج موثوقه

18/05/2018

أسره وايتس لاب تهنئكم بشهر رمضان شهر الخير بيحب الخير
وبمناسبه الشهر الفضيل خصم 20 % علي جميع أنواع التحاليل
مواعيد العمل من 9 ص ل 6 م ومن 8 م ل 12 ص
كل عام وانتم بخير أعاده الله بالخير واليمن والبركات

14/03/2018

✍️ سؤال وجواب في جرثومة المعدة ☃️؟؟؟؟
🏿👇🏿👇🏿👇🏿👇🏿👇🏿

س 1 - إيه هى جرثومة المعدة ؟

- ج - دى عبارة عن بكتريا بتدخل الجسم عن طريق الاكل والشرب وتفضل عايشة جوه القناة الهضمية بتاعتك . بيسموها الميكروب الحلزونى او جرثومة المعدة ( H.pylori ) ...

# س2 - هل منتشرة بين الناس ولا محدودة فى ناس معينة ؟

- ج - منتشرة جدا بينا كلنا .. تخيل مثلا لو عددنا ٩٠ مليون فى ٦٠ مليون معرضين للإصابة بيها ( حوالين تلتين السكان ) .
# س3 - طيب هل تعمل قرحة مع كل الناس ؟
- ج - لا غالبا مش بتعمل مشاكل مع كل الناس لكن الناس اللى عندهم مشكلة فى المعدة زى التهاب هتعملهم قرحة ...

# س4 - طيب بتدخل الجسم ازاى ؟
- ج - بتدخل مع الأكل والشرب ..
- الأكل اللى مش نضيف او اللى مش مطبوخ كويس يعنى ني شوية ولذلك بتجي لمعظم الناس اللى بياكلوا من المطاعم خصوصا لو مطعم مش نضيف او الأكل مش مطبوخ كويس ...
- الشرب طبعا اللى مش نضيف وطبعا مصر المية بتاعتها ملانه بكتريا عشان نظام الصرف عندنا داخل مع الرى ومع الشرب ...

# س5 - طيب دخلت خلاص ها وبعدين بتعمل ايه فى المعدة ؟
- ج - ممكن تفضل سنين فى جسمك بدون مشاكل وطول الفترة دى واحدة واحدة تبدأ تهاجم بطانة المعدة والأمعاء وتعمل تآكل فيها زى جرح كده فلما المعدة بتاعتك تفرز حمض ال HCL اللى بيهضم الأكل يقوم يروح على المناطق المجروحة دى ويعمل قرحة معدة .................................................................................................................

# س6 - طيب لو انا عندى قرحة نتيجة جرثومة معدة هحس بإيه ؟
- ج - هتلاقى عندك ألم فى بطنك ومعدتك فاضية وانتي جعانة ولما تاكلى الألم يخف شوية ويرجع يجى تانى بين الوجبات ..
- دايما عندك انتفاخات وغازات ..
- دايما عندك تكريع ...
- هتحسى بغثيان وممكن ارتجاع ..
- وزنك هيقل فجأة بدون سبب ...
# س7 - ايه العلامات اللى اخاف منها الخطيرة ؟
- ج - لو فى دم فى الموضوع ..
- سواء دم فى البراز احمر او البراز لونه اسود ..
- او لو رجعتى دم ..
- او لو الالم على طول مش بيروح او حاسة بتعب شديد وتوهان ..

# س - طيب إزاى اتأكد ان عندى جرثومة المعدة ؟
- ج - باالتحاليل اعملى تحليل H.pylori سواء فى الدم او البراز ..
.
# س8 - طلعت موجوده عندى ايه العلاج ؟
- ج - غالبا العلاج بيكون ١٤ يوم
- بتبدأى .. بالعلاج الثلاثى ..
اوميبرازول ٤٠ مجم حبة قبل الفطار وقبل العشاء
مترونيدازول ٥٠٠ مجم صباحا ومساءا بعد الاكل
كلارثرومايسين ٥٠٠ مجم صباحا ومساءا بعد الأكل
كملى ١٤ يوم بنفس الجرعات
بعد ١٤ يوم كملى على الاوميبرازول بس ..
____________________________________________________

# س9 - امتى اعمل تحليل اتأكد راحت ولا لأ ؟
- ج - بعد شهر من العلاج ..
# س10 - طيب هل فى ادوية بتأثر على نتيجة التحليل ؟
- ج - ايوه المضاد الحيوى لو بتاخديه وروحتى عملتى تحليل هيطلع سالب عشان كده قبل ماتروحى لازم توقفى المضاد الحيوى اسبوعين على الاقل قبل ماروح ...

# س11 - إزاى احمى نفسى وولادى من جرثومة المعدة ؟
- ج - النظافة ثم النظافة ثم النظافة ...
- لما تدخلى الحمام اغسلى ايدك كويس وانت خارجة ..
- قبل ماتاكلى اغسلى ايدك كويس ...
- الاكل يستوى كويس بلاش أكل نى وبلاش اكل مطاعم ..
- بلاش تشربوا من مية الحنفية او اشترى فلتر فى بيتك ينقى الميه ..
- بلاش عصبية او ضغط عصبى او تدخين او خمرة ...

# س12 - طب ايه الاكل اللى ياكله مريض جرثومة المعدة ؟

- ج - الصبح حليب بالعسل او ميه بالعسل على الريق ..
- وجبتك يكون فيها خضروات وفواكة وحبوب كاملة ...
- بالليل عشاء خفيف فيه علبة زبادى ...
- بلاش تاكلى كتير مرة واخدة وكلى وجبات صغيرة اكتر من مرة ..
- بلاش فواكة حمضية زى الليمون واليوسفى والبرتقال ..
- بلاش مقليات بزيادة او اكل مسبك بزيادة وملان دهون ...
- بلاش بهارات او حراق زيادة ...
- بلاش شاى او قهوة خصوصا علر معدة فاضية ...
- بلاش خمرة ...
# اتمنى اكون جاوبت على كل التساؤلات اللى بتدور فى ذهنكم ❤️
____

14/03/2018

اهمية تحليل صوره الدم الكامله ( C.B.C ) في التشخيص الطبي وليه بيطلب دايما

________________________________
اهمية التحليل ده :

خلينا نتفق علي مبدء
اني بما اني الدم ده موجود في جميع اعضاء وانسجة الجسم
يعني موجود في القلب وفي المخ والرئة والمعدة والشرااايين والاوردة ..و و.. الخ

وده لانه بيغذي كل الاماكن دي ويديها الاكسجين الي تتنفس بيه الخلايا وبينقلها الهرمونات والانزيمات والاحماض الامنية يعني من الاخر مفيش اي منطقة في جسمك تقدر تعيش بدون دم ومتقدرش تنكر فضل الدم عليها
وبالتالي اي خلل في الدم ده فمنطقيا ً كده هياثر علي كل الاعضاء والجسم كله
فببساطة كده اهمية تحليل صورة الدم هو انه بيدنا صورة عامة عن حالة الجسم
والدنيا عاملة ايه جوه
__________________________________________________

ومن اهم الامراض الي بنشخصها من خلال تحليل الـ C.BC:

الكشف عن انواع مرض فقر الدم ( الانيميا )
الكشف عن سرطان الدم ( LEUKAMIA)
الكشف عن الامراض النزيفية ( BLEEDING DISAESE)
الكشف عن الالتهابات المختلفة بالجسم
الكشف عن اي خلل في وظيفة النخاع العظمي (BONE MARROE)
الكشف عن امراض المعدة سوء تغذية عسر هضم وغيرها
الكشف عن امراض الكلي
الكشف عن امراض الكبد والقلب
...................................................................

الطبيب المعالج لما بيحب يطلب من المريض التحليل ده فبيكتبله :
C.BC
او Complete Blood Count
وممكن يكتبلك FULL BLOOD PICTURE
بس في الغالب بيكتب C.BC

14/03/2018

تحليل البول من التحاليل المهمة جداا والي بتفيدنا في تشخيص العديد من الامراض

اهمية تحليل البول في التشحيص الطبي

💎💎💎💎💎💎💎💎💎

مبدأئيأ كده احنا بنحتاج نعمل التحليل ده لو كان المريض عنده الاعراض دي :
👇👇
1- ألم فى عملية التبول
2- ألم فى أحد الجانبين أو الاثنين معا
3- تغير لون البول
4- وجود دم فى البول
5- التبول اللا ارادى وخاصة عند الاطفال
6- كثرة عملية التبول وخاصة فى فترات الليل
7- تورم القدمين
8- ألم فى كعب القدم
9- تورم الوجه وخاصة تحت العينين
10-العطش وشرب المياه بشراهة
11- تغير رائحة البول

06/03/2018

وايتس لاب للتحاليل الطبيه
امكانيه سحب العينات من المنزل ورفع النتيجه علي موقعنا بكلمه سر يتم إعطائها للمريض

01/03/2018

التحاليل اللازمة لمن يعاني من النحافة الشديدة ؟
================================
فى البدايه النحافه من الممكن ان تكون ليست مرض
وان يكون الجسم تلك طبيعته ولكن يختلف درجه النحافه
لذلك لاتجعل الموضوع ذو اهميه كبيره واتركه بمرور الوقت

* افراز الغده الدرقية: فتجد صاحب نشاط الغده الزباده نحيف بسبب نشاطه الحركى تلاقيه لو طفل بيتحرك كتير وميقعدش ودايما فى مجهود مستمر لان الغده هى المسئوله عن النشاط فى الجسم

طبعا فى اضرار منها على الناس الكبار لانها ممكن تستهلك العضلات وخصوصا القلب

وهنا تشخيصها عادى تحليل t3 ,t4 ,tsh
وعلاجها سهل بالاقراص او ممكن جرعه اشعاعيه

* ديدان الجهاز الهضمى: وده تحليل براز ممكن يظهر وجودها من عدمه stool test

* فقر الدم (الانيميا): صوره دم cbc ولو ظهرت مشاكل تدخل فى تحاليل الحديد