Elham Dietitian

اثنين لو يتخلطوا مع بعض مش بس

✅هيساعدوا في إنزال الوزن دول كمان

✅ هينضفوا القولون

✅️هيزودوا احساسك بالنشاط ويساعدوا جسمك يتخلص من السموم

✅️خفض الكولسترول


كوب واحد يوميا ويفضل بعد الأكل 👌

لمعلومات تغذوية أكثر تابعوا الصفحة
ولاي استفسار واتس علي رقم 0122488410



Elham

الخضروات الطازجة بأنواعها
تناولها بالطريقة اللى تعجبك فطار وسحور وحتى بين الوجبتين وخاصة لمريض السكر :
دي تروية للجسم
وإحساس بالشبع
ومضادات أكسدة
وصحة للقولون
واوعوا تنسوا شرب المياه بكمية كافية بين الفطار والسحور
دمتم اصحاء🩵


Elham

تشرفت بانضمامي للمبادرة العامة للصحة والتغذية

🥺🥺

يحتوي مبيض القهوة الذي يدخل في تركيب أكياس القهوة سريعة التحضير على مادة " ألومو سيليكات الصوديوم "
هذه المادة قابلة للاشتعال، وتضاف إلى كثير من المنتجات لمنع التكتل، تسبب هذه المادة فشلاً في وظائف الكلى والإمساك وأمراض الكبد مع فرط استهلاكها وقد تؤدي الى مرض السرطان

بالإضافة الى احتواء مبيض القهوة على الزيوت والدهون المهدرجة التي تضر بالجهاز الدوري من قلب وشرايين ، وكميات هائلة من سكر الذرة ذو السعرات الحرارية العالية .

كذلك احتوائه على مادة كازينات الصوديوم التي تتسبب في اضطرابات المناعة وسوء امتصاص المواد الغذائية


البدائل الصحية :

_ تجنب إستعمال عبوات القهوة سريعة التحضير التي تحتوي على مبيض
_ استخدام اللبن بدلاً من مبيض القهوة
_ استخدام اللبن المكثف ولكن باعتدال لتجنب تركيز السكر العالي به
_ استخدام حليب جوز الهند او حليب اللوز. او حليب خالي اللاكتوز ك بدائل للألبان (في حالة حساسية اللبن )


Elham

هبطل السكر العادي وهاخد سكر دايت !!!
تفتكر أن سكر الدايت مالهوش سعرات وناخده علي راحتنا واحنا كدا في امان ؟

احب اقولك لا !
سكر الدايت له أضرار كتير زي :
- يؤدي كثرة استهلاك سكر الفركتوز لحدوث الكبد الدهني وهو نتيجة تراكم الدهون الثلاثية بالكبد
وبالتالي يؤدي ل تلف الكبد
- الإفراط في سكر الدايت بيعمل اضطراب في توازن البكتيريا في الجهاز الهضمي.
- استخدامه باستمرار يؤدي إلي الاصابه بأمراض القلب والسمنه.

حاول تخلي بالك وانت بتستخدمه بما لا يزيد عن كيسين على مدار اليوم
أو الافضل تستخدم السكر العادي علي حسب احتياجك ونقوم بتقليله تدريجيا.

لحجز والاستفسار عن المتابعات
تواصلوا على رسائل الصفحه 📩
او رقم الواتس📞 01224884100


Elham

اولادنا نغذيهم كويس في رمضان🤩

✨كل طفل يصوم حسب قدرته الجسدية ووضعه الصحي👌

✨علشان طفلك يصوم لازم تحافظي على تغذية متوازنة👌

✨تهتمي بكمية كبيرة من المشروبات والعصاير الطبيعية مش المعلبة 👍

✨أكل فيه بروتين ودهون وألياف
نقلل من الحلويات ✌

❌ اولادنا لو مصابين بانيميا حادة او مرض مزمن زي مرض السكر او اي مرض من امراض نقص المناعة ممنوع عليهم الصيام تماما 😲
______________________
💜لمعلومات تغذوية أكثر تابعوا الصفحة
ولاي استفسار واتس علي رقم
📞01224884100

سؤال مهم ..ايه افضل وقت لممارسة الرياضة في رمضان 🏋️
والاجابة 👇👇👇👇
⬅️اما قبل الفطار ب ساعة وتسمى الساعة الذهبية 🎯
⬅️ ولو بعد الفطار يبقى مش اقل من ساعتين من انتهاء الفطار ..
🔻 يكون الجسم هضم الطعام
🔻 امتص العناصر الغذائية
🔻 ولتجنب عسر الهضم

ويجب ..📌📌
شرب ماء قبل وأثناء وبعد التمرين بكمية كافية
تناول وجبة خفيفة قبل التمرين ب ساعة غنية بالكربوهيدرات لمنح الطاقة اللازمة
والوجبة بعد التمرين تكون متكاملة غنية بالبروتين

خمس لو طبقتهم هتحس بفرق للافضل في صحتك ونشاطك :👌👌💪

1. النوم عدد ساعات كافي 8 ساعات تقريبا يوميا ليلا👌
2. اتباع نظام غذائي متوازن مناسب ليك واحتياجات جسمك🍏
3. عمل تمارين رياضيه يوميا ولو المشي لمده نصف ساعه💪
4. شرب المنبهات (شاي_قهوه) بكميه مناسبه وعدم الافراط فيها☕️
5. شرب الماء بشكل كافي لاحتياجات جسمنا من 2 ل 3 لتر يوميا🥤💧


Elham

الحمد لله .. 🙏 آراء الحالات الجميلة اللي متابعين معايا 🥰🎯🎯👇👇👇

تكيس المبايض
تكيس المبايض هو اضطراب هرموني شائع يصيب النساء في سن الإنجاب.

الأعراض:

عدم انتظام الدورة الشهرية
زيادة الوزن
حب الشباب
نمو الشعر الزائد غير مرغوب فيه
العقم: قد تواجهين صعوبة في الحمل.
آلام الحوض: قد تشعرين بألم في أسفل البطن.

الأسباب:

الاختلالات الهرمونية: تعاني النساء المصابات بتكيس المبايض من اختلالات في مستويات الهرمونات، بما في ذلك الأندروجين (هرمونات الذكورة) والإستروجين والبروجسترون.
مقاومة الأنسولين: لا تستجيب الخلايا في جسمك بشكل صحيح للأنسولين، وهو هرمون يساعد على تنظيم مستويات السكر في الدم.
العوامل الوراثية: إذا كانت لديكِ أحد أفراد العائلة مصاب بتكيس المبايض، فأنتِ أكثر عرضة للإصابة به.

يجب استشارة طبيب النساء
وإجراء فحص بالموجات فوق الصوتية وعمل التحاليل اللازمة

يجب متابعة اخصائي التغذية
لإجراء تغييرات نمط الغذاء

فقدان الوزن: يمكن أن يساعد فقدان الوزن في تحسين أعراض تكيس المبايض، مثل مقاومة الأنسولين والعقم.
النظام الغذائي: تناول نظام غذائي صحي غني بالفواكه والخضروات والحبوب الكاملة.
ممارسة الرياضة: ممارسة الرياضة بانتظام يمكن أن تساعد في تحسين أعراض تكيس المبايض، مثل مقاومة الأنسولين

مضاعفات

مرض السكري من النوع الثاني: النساء المصابات بتكيس المبايض أكثر عرضة للإصابة بمرض السكري من النوع الثاني.
أمراض القلب: النساء المصابات بتكيس المبايض أكثر عرضة للإصابة بأمراض القلب.
سرطان بطانة الرحم: النساء المصابات بتكيس المبايض أكثر عرضة للإصابة بسرطان بطانة الرحم


Elham

الفايتك اسد
اضراره كيفيه التخلص منه
الفايتك اسد
يوجد في البقول بكميات كبيره والحبوب والبذور والمكسرات
اضرار هذا الحمض يمنع امتصاص الاملاح المعدنيه والاستفاده منها في الجسم
لذلك وجب نقع البقول علي الاقل ٦ ساعات الي ١٢ ساعه
القمح بتاع البليله يتقع اولا للتخلص من الفايتك اسد
نقع الفول والحمص والعدس بجبه
يعني مفيش تدميس فول علي طول
ولا عمل بليله علي طول
طيب والمطحون من القمح والشعير الخميره تقلل من تاثير الفايتك اسد


Elham

حقيقي كلامكم ليا هو فعلا مقياس لنجاحي مع كل حالة فيكم وشكرا جدا لكل كلمة طيبة وحلوة تفتح النفس وتخليني اتحدى نفسي عشان اكون عن حسن ظنكم بيا .
الحمد لله رب العالمين 🥰🥰

الحمد لله رب العالمين ♥️⚘️
بفضل الله عميلة عندى والنتيجة بعد ١٠ ايام وبدون أي حركة ولا تمارين لظروفها الصحية

الحمد لله رب العالمين نتيجة في اول ١٠ ايام من رمضان بدون اي تمارين رياضية 🥰🎯
بدون أدوية 📌
ومع اكل كله من البيت وحلويات كمان 🥰🥰

النهاردة الأوزان والنتايح بسم الله ماشاء الله ❣️

مبسوطة جدا من التزام العملاء ومبسوطة ليهم من نزول

الأوزان لحالات السمنة وخصوصا في شهر رمضان



Elham

تغذية مرضي ارتفاع ضغط الدم أثناء صيام شهر رمضان الكريم.🌜🌜

اولا. ضغط الدم 🩸

🎯يعرف ضغط الدم من خلال كمية الدم التي يضخها القلب ومقدار مقاومة تدفق الدم في الشرايين.

🎯🎯كلما ضخ القلب كمية من الدم كبيرة وكانت الشرايين ضيقة كان ضغط الدم مرتفعا.

🎯يزيد ارتفاع ضغط الدم غير المتحكم فيه من خطر الإصابة بمشكلات صحية مثل النوبة القلبية والسكتة الدماغية.

يفضل مراجعة الطبيب قبل الصيام لمناقشة الوضح الصحي وضبط الجرعات.✍️🗒

مستويات ضغط الدم.🗒

🟢طبيعي 120/80

🟠مرتفع 99-90 / 140-159

🔴مرتفع جدا اكتر من 160/100

التوصيات أثناء الصيام :✍️✍️

🚫تقليل كمية الملح المستهلك قدر الإمكان🧂.

🚫تجنب تناول الاطعمة المعلبة والمصنعة قدر الإمكان🧃🥫🥤.

🎯تناول منتجات الألبان قليلة الدسم🥛 .

🎯 تناول لحوم قليلة الدسم ويفضل الاعتماد على الدواجن والاسماك كمصدر للبروتين 🥩🍗🐟

🎯ممارسة النشاط البدني خلال فترة الفطور.🏃‍♀️‍➡️🏋‍♀️

🎯قياس مستوي ضغط الدم عند الشعور بالتعب أثناء الصيام .

🎯المعالجة بشكل سريع في حال ارتفاع او انخفاض ضغط الدم.

🎯إتباع نظام صحي متوازن كامل العناصر الغذائية 🥬🥗.

أتمني لكم حياة صحية وسعيدة 🌹.


Elham

أضرار كثرة الأملاح في الجسم ↙️

عندما يؤدي الملح المفرط إلى زيادة مستويات الصوديوم، يبدأ الجسم بالاحتفاظ بالماء، وحينما تتراكم السوائل الزائدة في الأنسجة، فإنها تسبب عرضاً آخر من علامات زيادة الملح في الجسم، وهو الوذمة أو التورم الناتج عن احتباس الماء والسوائل في الجسم، والذي قد يظهر في أجزاء مختلفة من الجسم، ولكنه غالباً ما يحدث في الوجه واليدين
اهتم بصحتك


Elham

تغذية مرضى السكري خلال شهر رمضان 🌜

🎯تنظيم الوجبات :
-تناول وجبة السحور قبل الفجر مباشرة للمساعدة على إبقاء مستويات الجلوكوز متوازنة اكبر قدر خلال ساعات الصيام
- الاسراع في تناول الافطار عند المغرب مباشرة على ٣ تمرات مع كوب لبن او ماء
- تناول وجبة أو وجبتين خفيفتين بين الفطار والسحور

🎯 اختيار الأطعمة:
- الحرص على تناول النشويات المعقدة مثل الارز والقمح والشوفان وغيرها من الحبوب الكاملة
- الاكثار من الخضراوات والفواكه
- تناول بروتينات خالية الدهون مثل الدجاج والسمك
_تناول ألبان قليلة الدسم
_تقليل الدهون والسكريات
- شرب كثير من المياه

📌 مراقبة السكر وقياسه بشكل منتظم خصوصا قبل الفطار بساعتين
استشر طبيبك عن تعديل جرعة الدواء
ممارسة رياضة المشي
الحصول على قسط كاف من النوم

النهاردة بإذن الله هحاول اشرح لكم معني داء السكري بشكل بسيط🎯

الاول لازم نفهم ماهو مرض السكري👇 :

هو حالة صحية ترتفع فيها نسبة الجلوكوز في الدم وذلك لأسباب مختلفة.

🎯١- البنكرياس لايصنع اي انسولين.

🎯٢- الانسولين ليس كافيا لمساعدة دخول الجلوكوز لخلايا الجسم.

تعريف الجلوكوز :

ينتج من هضم الكربوهيدرات🍌🍞🍟🎂🍹🍫🥬🥒🥯🥞🥨

تعريف الانسولين:

هرمون يفرزه البنكرياس ويساعد الجلوكوز للدخول

لخلايا الجسم لاستخدامه كوقود لتزويد الجسم بالطاقة🏋‍♀️🏃‍♀️‍➡️.
طيب اي خلل في العملية 👆دى يؤدي لان المريض

لايتمكن من استخدام الجلوكوز كوقود بشكل سليم

لذلك يتراكم الجلوكوز فالدم مما يسبب مضاعفات

صحية للمريض.

البوست القادم باذن الله هيكون عن السكرى والصيام

وكيفية التعامل أثناء ساعات الصيام 🎯

أتمني لكم حياة صحية وسعيدة 🌹🌹



Elham

*من افضل العصاير مناسبه لرمضان*🍹🍹
مفيده وخفيفة ع المعده وسعراتها قليلة

منقوع الدوم فهو مفيد جدا لطرد السموم ويخلص الجسم من الاملاح والماء الزائد في الجسم وتخفيض ضغط الدم

زبادو الفاكهه
زبادي واي نوع فاكهه ( فراوله _ خوخ )في الخلاط و يحلي بالعسل

عصير التمر الهندي الطبيعي بسكر استيفيا

عصير التفاح مع البنجر وخاصه للناس اللي عندها انيميا
او هوت سيدر ( تفاح مع قرفة )
يضبط مستويات السكر في الدم

عصير برتقال مع جزر محلي بمعلقه عسل نحل

مزيج من الفواكه التي تساعد على خفض سكر الدم (فراوله+موز+جوافه)

عصير البطيخ فهو غني بالمعادن والفيتامينات ومشروب خفيف ع المعده

عصير الرمان من افضل انواع العصائر التي تساعد على تنظيم حركه الامعاء وتسهل عمليه الهضم

منقوع اللبن والتمر بدون سكر
او خلطهم بالخلاط
كوب لبن مضاف ليه ٣تمرات

دمتم أصحاء🤍


Elham

ارتفاع سكر الدم ف الجسم
هي اي المشكله يعني لما سكر الدم يرتفع
تعالى اقولك لما
تقعد فتره طويله من غير اكل وتيجي فجأه تاكل حلويات او نشويات كتيير
بيحصل ارتفاع كبير مره واحده ف سكر الدم وبالتالي الأنسولين بيعلي جدا ومع تكرار الموضوع ده بيحصل مقاومه انسولين
وتزيد نهمك للسكر والمخبوزات
عشان كده لما تيجي تفطر ف رمضان بلاش شوب التمر الكبير
أو العصير اللي مليان سكر
لانه هيعلي سكر الدم مره واحده وفجأه تحس انك مهبط تاني بعدها
يبقي الحل
انك تفطر علي ٣ تمرات ونص كوب لبن
عشان تعمل توازن ف جسمك والسكر يعلي بالتدريج
واشرب كوبين مياه كمان بعدها
دمتم في صحه وسعاده🤍


Elham

رمضان للناس اللي اتكمّمت: كل اللي لازم تعرفه عشان تصوم بأمان وتحتفظ بصحتك
رمضان فرصة للناس اللي اتكمّمت عشان يتخلصوا من السمنة، لكن لازم يراعوا احتياجاتهم الغذائية الجديدة عشان يبقوا بأمان ويحافظوا على صحتهم.

أول حاجة: لازم تستشير طبيبك أو أخصائي التغذية قبل ما تبدأ تصوم عشان يحددلك النظام الغذائي المناسب لحالتك.

ننصح المتكمّمين في رمضان: ب

1. الإفطار:

ابدأ بتمرات مع لبن او ماء
أو كوب عصير فواكه طبيعي او فواكه مجففة
بعد ربع ساعة، خذ شوربة خضار خفيفة.
بعد نص ساعة، اتناول وجبة رئيسية تتكون من:
بروتين: لحم، دجاج، سمك، بيض،
نشويات: خبز أسمر، أرز، أو مكرونة.
خضروات: أي نوع من الخضروات(.طازجة و مطهية)
فاكهة: قطعة فاكهة متوسطة الحجم.
امضغ الأكل كويس قبل ما تبلعه.
ما تاكلاش كتير في مرة واحدة.
قسم الوجبات على خمس مرات
اترك ساعتين على الأقل بين الوجبات.
2. السحور:

ركز على الأكلات الغنية بالبروتين والنشويات المعقدة والألياف.
بعض الأمثلة على وجبة سحور مناسبة:
عيش بلدي مع جبن قليل الدسم مثل القريش وبيض.
زبادي مع فواكه مجففة ومكسرات.
شوفان بالحليب وقطع فواكه.
بليلة بالحليب مع مكسرات و زبيب
فول مع زيت زيتون وخبز أسمر.
وطبعا الزبادي وما ننساش الخصار الطازج مثل الخيار ،الخس ،الطماطم ،فلفل الوان
اشرب كتير من السوائل قبل السحور بساعة على الأقل.
3. الممنوع والمسموح:

ممنوع:

الأكلات المقلية.
الأكلات الدسمة.
الأكلات الحارة.
البهارات القوية.
المشروبات الغازية.
المشروبات التي تحتوي على الكافيين.
التدخين.

مسموح:

كل أنواع الفواكه والخضروات الطازجة.
الحبوب الكاملة.
اللحوم الحمراء والبيضاء بدون دهون.
الأسماك.
البيض.
الزبادي قليل الدسم.
الجبن قليل الدسم.
الحليب قليل الدسم.
الماء.
الشاي الأعشاب.
4. المكملات الغذائية:

طبيبك أو أخصائي التغذية هم اللي يحددوا المكملات الغذائية اللي تحتاجها.
بعض المكملات الغذائية اللي ممكن تكون مفيدة للمتكمّمين في رمضان:
فيتامين ب 12.
فيتامين د.
الحديد.
الكالسيوم.
5. الرياضة:

ممارسة الرياضة مهمة للحفاظ على صحتك.

أنواع الرياضة المناسبة للمتكمّمين في رمضان:
المشي.
السباحة.
ركوب الدراجة.
اليوغا.
نصائح عامة:

خليك منتظم في مواعيد الإفطار والسحور.
ما تاكلاش كتير في مرة واحدة.
امضغ الأكل كويس قبل ما تبلعه.
اشرب كتير من السوائل. واهتم بشرب الماء
خليك نشيط ومارس الرياضة بانتظام.
استمع لجسمك وارتاح إذا شعرت بالتعب.
#

حاجات لو عرفتها هيخلوك تبطل السكريات
١- التجاعيد هتقل جدا وبشرتك هتحلو
٢- احساسك بالجوع هيقل واحدة واحدة😉
٣- هتخس دهون بالتمارين لان نسبة السكر ف الدم هتقل
٤- هتبدا تتعود ع طعم للحاجة من غير سكر فإحساس انك عايز حاجة مسكرة هتقل
٥- مودك هيتحسن
لان السكر بيغير المود جدا
٦- لما تقلل السكر الالتهابات ف جسمك هتقل

👌


Elham

نصيحة في رمضان

نبدأ فطور رمضان بعد أن نجرح صيامنا علي سنة نبينا ورسولنا محمدﷺ ب ٣ تمرات مع كوب ماء او لبن
بشوربة ساخنة وليس بعصير او مياه غازية باردة لأن سخونة الشوربة بتساعد علي تدفق الدم للمعدة مما يساعد علي قيامها بعملها بشكل جيد بعد ساعات الصيام، ونقلل من المخللات والحوادق ونكثر من السلاطة الطازجة.

ونضيف الليمون للسلاطة وليس للشوربة الساخنة لأن الحرارة بتكسر فيتامين سي.
ونقلل قدر الإمكان من الحلويات والسكريات ونكثر من الفاكهة الطازجة.

نشرب كل ساعة كوب من الماء من وقت الفطور وحتي السحور حتي نمنع جفاف الجلد ونتفادي أيضا تكون الجلطات الدموية وتكون حصوات الكلي عافنا وعافكم الله.

واجمل شئ التمشية بعد صلاة التراويح نصف ساعة يوم بعد يوم

Elham

.. سؤال مهم مريض كسل الغده الدرقيه ياخد العلاج بتاعه امتي في رمضان؟؟
. الحقيقة هو في اكتر من حل ممكن تنفذه وكل هدفهم ان امتصاص الدواء مايتأثرش..
1.قبل الافطار بساعة يعني تفطر بكوب ماء والدوا وتصلي وتستني ساعة لحد ماتبدا اكل ودا صعب الا في بعض الناس المتعودين علي الصيام لفترات طويلة في العام.
2.بعد الافطار ب 3 ساعات تاخد الدوا بشرط انك ماتاكلش بعد الدوا الا بساعة علي الاقل.
3.قبل السحور بنص ساعة او ساعة بشرط يكون مافيش اكل قبلها ب 3 ساعات.
4.قبل الفجر مباشرة بشرط يكون السحور قبلها ب 3 ساعات... كلها حلول ممكن تعملها حسب ظروف كل حاله

يعتي يفضل مع دواء خمول الغده الدرقيه أن يفصل بين اي وجبه أو اسناك فيها ألياف حوالي ٣ ساعات
لانها تقلل امتصاصه .
#صحتك _تهمنا

Elham

⏪⏪ نصائح لمرضى قصور الغدة الدرقية 👇👇
🔵 تناول الاغذية الغنية باليود مثل
الأسماك🐠🐟 والبيض🍳 والخرشوف والاناناس🍍🍍.كبسولات الاوميجا 3 والاوميجا 6 🦈زيت السمك🦈.الدهون الصحية بالمكسرات 🌰🥜وبذور القرع وعباد الشمس وبذور الشيا وزيت الكانولا والخضروات الورقية اهمها الكرفس.
🔵 تناول الاغذية الغنية بالسيلينيوم لاهميتها فى تكوين المناعة والمحافظة على عمل الغدة الدرقية مثل
الثوم والبصل والسمسم.
🔵 عصير الجزر 🥕🥕يحفز انتاج الغدة الدرقية ويساعد على التمثيل الغذائي .
🔵 الاطعمة الغنية بالحديد والنحاس مثل الكبدة والدجاج🍗🍗 والخضروات الورقية والحبوب الكاملة.

🚫🚫الممنوع على مرضى قصور الغدةالدرقية
🔵 الاطعمة الدهنية الغنية بالدهون المشبعة🍪🥞🌭🍕
🔵 الخبز الابيض إذ يحتوى على الجلوتين 🥖🍞
🔵 الكافيين فى القهوة ☕والمشروبات الغازية🍺
🔵 البروكلي والقرنبيط واللفت يقلل من قدرة امتصاص اليود.
🔵 الصلصات الجاهزة والاندومى إذ تحتوي على نسبة عالية من الصوديوم.
🔵 الاطعمة الغنية بالصويا مثل لبن الصويا وفول الصويا .
🔵 الاطعمة المصنعة.
#صحتك تهمنا


Elham

ترطيب الجسم خلال شهر رمضان أمر مهم للغاية لعدة أسباب:

1. منع الجفاف: صيام رمضان يمكن أن يزيد من فرص الجفاف بسبب قلة تناول السوائل خلال ساعات الصيام، وبالتالي يجب التركيز على شرب كميات كافية من الماء بين الإفطار والسحور لمنع الجفاف.

2. دعم الأداء البدني والعقلي: الترطيب يساعد في الحفاظ على أداء الجسم والعقل بشكل جيد خلال فترة الصيام، مما يقلل من الإجهاد ويساعد في الحفاظ على التركيز والنشاط.

3. تجنب المشاكل الصحية: الإفراط في الجفاف يمكن أن يؤدي إلى مشاكل صحية مثل الصداع، والإمساك، والإجهاد، وانخفاض مستويات الطاقة، والترطيب الجيد يساعد في تجنب هذه المشاكل.

4. تعزيز التركيز واليقظة: شرب السوائل بانتظام يساعد على تعزيز التركيز واليقظة خلال فترة الصيام، مما يجعل من الأسهل التعامل مع الأنشطة اليومية وأداء الصلوات والعبادات بشكل جيد.

باختصار، الترطيب خلال رمضان يلعب دورًا هامًا في الحفاظ على الصحة العامة وضمان قدرة الجسم على تحمل فترة الصيام بشكل صحي.

Elham

اسباب فشلك في التمرين والدايت🥲؟

(قبل ما اتكلم في اسباب فشلك في التمرين والدايت عاوزة اقولك طول ما انت مش منظم يومك وحياتك هيبقي صعب عليك الالتزام باي خطه عاماً في حياتك مش بس الدايت والتمرين)وخلي الكلمتين دول قدامك في اي حاجه

نرجع بقا لاسباب الفشل

١🌸الاشتياق والملل
،،انك تكون عامل دايت ممل مش بيحتوي علي الاكل اللي انتي بتحبه
،،انك تكون عارف الاكلات التي بتبوظ الدايت بس بتاكلها😏

٢🌸التوقعات الغير منطقيه

،،انك عايز تخس ٢٠،١٠ كيلو في شهر ودا اصلا مبيحصلش فتحبط فلازم في الاول تحط هدف بسيط سهل الوصول اليه وبعد كدا بيحصل تدرج في الهدف زي اي حاجه في الحياه

،،لما تلغبط او تعك في الاكل متقولش كدا كدا خربانه لا انت كدا غلطان انا هكمل عادي ع الدايت بتاعي من اخر حاجه اكلتها

،،انك تكون فاكر اما تقفل بوقك عن الاكل والشرب طول اليوم وتيجي بالليل تاكل الاخضر واليابس دا غلط طبعا انت كدا بتبطء الوصل لهدفك بشكل ملحوظ وبترجع لنقطه الصفر
اعمل ايه بقا........ انا همشي علي نظام هقلل فيه السعرات الحراريه بالراحه والله هتوصل بعدها لهدفك وهيوفر عليك تعب سنين ومش هتعاني من اي حاجه لما تكبر ولا اي امراض من امراض السمنة اللي اصبحت منتشرة في هذا العصر

3🌸المقارنه
دي من اسوء الحاجات اللي هتقلل وصولك لهدفك،
اوعى تقارن نفسك بحد وبعدين مش كلنا الجينات بتاعتنا زي بعضها

4🌸 التسرع
انك تشد اعصابك وتكون مستني فتره الدايت تخلص علشان ترجع لحياتك وحد يضحك عليك ويقولك احنا هنثبت علي كدا لا طبعا مفيش الكلام دا انا لازم اخد موضوع التمرين والتغذيه دا اسلوب حياه.

دمتم بصحه جيدة🤍

Elham