ნატალია კვანტალიანის სახელობის სამედიცინო ცენტრი

ვის ხელმისაწვდომი იყოს. ცენტრის ტერიტორიაზე ფუნქციონირებს კაფეტერია, სადაც ჩვენი დაწესებულების სტუმრებს შეუძლიათ დაისვენონ და მოუსმინონ როიალზე შესრულებულ სასიამოვნო მუსიკას, რომელიც მთელი დღის განმავლობაში უკრავს.

ჩვენთან ფუნქციონირებს:

• "ნატალია კვანტალიანის სახელობის სისხლის ცენტრალური ბანკი" - სისხლით ამარაგებს: მძიმე პათოლოგიებით დაავადებულებს, ასევე, ონკოჰემატოლოგიურ ანუ სისხლის ონკოლოგიური პათოლოგიებით დაავადებულებს, ახალშობილებს, მშობიარეებს, ქირურგიულ და ტრამვატოლოგიურ სექტორს, ავტოავარიაში დაზარალებულებს, გენეკოლოგიურ პაციენტებს.

სწორი საინფორმაციო პოლიტიკის და იმ პირობების წყალობით, რომელსაც ვთავაზობთ დონორებს, "ნატალია კვანტალიანის სახელობის სისხლის ცენტრალური ბანკი" ლიდერობას არ თმობს და ყოველწლიურად ამყარებს რეკორდს დონორების რაოდენობაში.

• "ნათელა პატარკაციშვილის სახელობის მრავალპროფილური კლინიკა დედაშვილობა" - უახლესი ტექნოლოგიური მიღწევებით აღჭურვილი თანამედროვე ტიპის სამშობიარო სახლი ორიენტირებულა, რომ მაქსიმალური კომფორტი შეუქმნას ახალშობილებს და მათ დედებს.

ჩვენთან მუშაობს გამოცდილი, საკუთარი საქმის პროფესიონალებისგან დაკომპლექტებული გუნდი, რომელთა ერთადერთი მიზანი - ჩვენი კლინიკის სტუმრების ჯანმრთელობაზე ზრუნვაა. ჩვენ დაწესებულებას სხვებისგან გამოარჩევს პაციენტებისადმი განსაკუთრებული ყურადრება და მზრუნველობა.

• "ნატალია კვანტალიანის ქართულ-ჰოლანდიური კლინიკა" - გთავაზობთ ლაბორატორიული კვლევების სრულ პაკეტს: სისხლის ბიოქიმია; შარდის ბიოქიმია; ჰემატოლოგია; სპეციფიური ცილები; ინფექციური დაავადებები; ბაქტერიოლოგია; კოაგულაცია; ფარისებრი ჯირკვლის გამოკვლევა; ჰორმონები; ონკომარკერები; ციტოლოგია. (დეტალურ ინფორმაციას და პირობებს შემგიძლიათ გაეცნოთ აქ: https://www.facebook.com/DutchClinic/photos/a.282983941865421.1073741832.196254360538380/525282894302190/?type=3&theater ).

ლაბორატორია აღჭურვილია უახლესი ტექნოლოგიით და მინიჭებული აქვს საერთაშორისო ISO სერთიფიკატი.

• ჰემატოლოგიისა და ტრანსფუზიოლოგიის ინსტიტუტი - გთავაზობთ მომსახურების შემდეგ ძირითად მიმართულებას: საწარმოო და კლინიკური ტრანსფუზია; კლინიკური და ლაბორატორიული ჰემატოლოგია/ონკოჰემატოლოგია; სტაციონარული ჰემატოლოგია/ონკოჰემატოლოგია; სისხლისა და სისხლის სისტემის დაავადებათა დიაგნოსტიკა და მკურნალობა უახლესი მაღალტექნოლოგიური მეთოდებით;

ასევე გთავაზობთ: ლეიკემიების და ლიმფომების დიაგნოსტიკა პერიფერიული სისხლის, ძვლის ტვინის ცოტომორფოლოგიური, ციტოგენეტიკური და იმუნოფენოტიპირების მეთოდებით; ლეიკემიებისა და ლიმფომების მკურნალობა თანამედროვე მსოფლიო სტანდარტების პოლიქიმიოთერაპიის კურსები; შეძენილი და თანდაყოლილი ანემიების დიაგნოსტირება და მკურნალობა; რკინადეფიციტური ანემიის სრული განკურნების გარანტია; ჰემორაგიული დიათეზების დიაგნოსტიკა და მკურნალობა.

• სამედიცინო სასტუმრო - ცენტრი ორიენტირებულია, არა მხოლოდ უმაღლესი ხარისხის სამედიცინო მომსახურების მიწოდებაზე, არამედ პაციენტთა ახლობლებისთვის კომფორტული გარემოს შექმნაზეც. ამ მიზნით, ჩვენთან ფუნქციონირებს სასტუმრო, რომელიც გთავაზობთ მუდმივად მშვიდ და სასიამოვნო გარემოს. თქვენ მოგემსახურებათ პროფესიონალი და გულისხმიერი პერსონალი.

• "ალერგია XXI საუკუნე" - ჩვენთან ასევე ფუნქციონირებს ალერგიის სამკურნალო-დიაგნოსტიკური ცენტრი, სადაც უახლესი ტექნიკით აღჭურვილი და მაღალკვალიფიციური სპეციალისტებით დაკომპლექტებული მედიკოსთა გუნდი იზრუნებს თქვენს ჯანმრთელობაზე.

• ანგიოლოგიური კლინიკა "ადაპტი" - ცენტრის შენობაში გახსნილია ანგიოლოგიური კლინიკა"ადაპტი", რომელიც გთავაზობთ სამედიცინო კონსულტაციების ფართო და ამომწურავ სპექტრს. კლინიკაში გამოიყენება სისხლძარღვთა დაავადების მკურნალობის და დიაგნოსტიკის ყველა თანამედროვე საშუალება. რაც შეეხება ინტერვენციულ კარდიოლოგიას "ადაპტის" კლინიკას საქართველოში ერთერთი ყველაზე დიდი გამოცდილება აქვს. კარდიოლოგიური სამსახური მოიცავს: ინტენსიური თერაპიის ბლოკს და კარდიოლოგიურ სტაციონარულ განყოფილებას; ამბულატორიულ კარდიოლოგიურ მომსახურებას; ტრანსთორაკალურ ექოკარდიოგრაფიას; კაროტიდული არტერიების და მაგისტრალურ სისხლძარღვთა დოპლეროგრაფიას; ფიზიკური დატვირთვის სინჯებს ტრედმილით ველოერგომეტრიით; ელექტროკარდიოგრაფიას; 24 საათიანი ჰოლტერის მონიტორინგს; 24 საათიანი წნევის მონიტორინგს; კათეტერიზაციას და კორონარულ ინტერვენციას (კორონარული ანგიოპლატიკა და სტენტის იმპლანტაცია); პერიფერიულ სისხლძარღვთა ანგიოგრაფიულ გამოკვლევას და ინტერვენციას (მათ შორის კაროტიდული არტერიების, თირკმლის არტერიების, ქვემო კიდურების მაგისტრალური სისხლძარღვების), კავა ფილტრის იმპლანტაცია.