Dr .Nagwa Sonkol - د.نجوي سنكل
أخصائي طب و جراحة و تقويم الاسنان
ماجستير تركيبات صناعيه
دبلوم جراحه وجهه و فكين
نجوي سنكل
طبعا كلنا فاكرين الحاج ابراهيم والحاجه مراته الكابل الجميل❤️❤️
الحاجه كانت مصممه تركب للحاج طقم زي بتاع ام رحمه
اللي كانت بتجطم عليه البجسماط جطم🤭🤭
الحاج استلمه طقمه ماشاء الله عليه اكل الجرجير والجلاوين اللي بقاله سنين مش عارف ياكلهم وليه فديو علي الصفحه ممكن تتدوروا عليه🤗🤗💪لكن نقول ايه بقا عين الحسود فيها عود ياولا
ام رحمه جاتلي العياده الحقيني يادكتور طقمي اكسر 🥲🤔🥲🥲والله هو مفيش غيره عم إبراهيم عينه هههههههه
ولأن التركيبات تخصصنا ولأن الحته دي بتاعتنا
عملنا لام رحمه اشيك واجمل طقم❤️❣️❤️
ام رحمه المدام الشيك الانيقه في تعاملها عملنالها واحد جديد وده كان رأيها😃😃
الناس الحلوه رزق
مبروك عليكي وتدوم الابتسامه
15/05/2024
عجبني اللون بس قولت اصورهولكم🤭🤭
20/04/2024
لما ابقي طفحاه من ولادي واقرر ادلع ولاد الناس ❤️❤️❤️
تقويم لون ولون💃💃
16/04/2024
الحاج ابراهيم رجل طيوب❣️
هو وزوجته كابل جميل الحاجه عايزه تركب للحاج طقم زي بتاع ام رحمه💃💃
اشمعنا ام رحمه ياحاجه؟
روحنا لام رحمه البيت لاقيناه بتاكل عليه كل حاجه وجابت البقسماط وقطمته قدامنا كده ماشاء الله وقالتلي أنها عملهاه عندك وحجزتلنا واحنا عايزين واحد زيه
عنيا ياحاجه 💪💪
الحاج انا بقرف من البتاع ده
ياحاج كلهم بيقولوا كده في الاول وبعد كده بيتعودوا ومش بيقدروا يستغنوا عنه🙃🙃
انا في سري الراجل ده شكله هيقرفني🤔🤔🤔
لازم اشهد عليه بنته ومراته بص ياحاج احنا لازم نتفق من الاول الطقم مش هتستلمه بكره هحضرتك هتفضل رايح جاي عليا مش اقل من شهر لحد متستلمه
يانهار شهر داانا مش عارف اكل🙃🙃🙃
صلاه النبي انت بقالك قد ايه من غير سنان
بقالي اكتر من ٣سنين
ياعني بقالك اكتر من ٣سنين من غير سنان وعايز تروح بسنان 🤔🤔🤔🤔🤔وعايز كمان تروح تاكل عليها
بص ياحجيج الطقم بالميت عايز شهر ونص عشان استلمه وخد زيهم كمان عشان تعرف تاكل عليه موافق علي كده نشتغل مش مواقف انا عرفتك اللي فيها
زوجته اشتغلي يادكتوره 💪💪💪💃💃
خليكي شاهده ياحاجه
شاهده يادكتوره🤭🤭🤭🤗🤗
علي البركه
الحاج والحاجه هيوحشني خفت دمهم كانوا عشره والله حكينا مع بعض كتير حكولي عن ابنهم الكبير ومرات ابنهم
وابنهم الصغير وخطيبته وبقيت واحده من العيله هيوحشوني والله🤭🤭🤭🤭🤭❤️
ملحوظه توثيق الحاله بالصدفه البحته الحاج في البروفه قالي بقي لسه فاضي استغربت لان اول حد يعلق تعليق زي ده بعد مايركب طقم التعليق الشائع أن حاسس ان بقي مليان فخلعت الطقم وصورته من غيره ووريته شكله من غيره وشكله بعد مركبه
اللقطات اللي واخدناه كلها طبيعيه 💃💃💃💃💃
08/04/2024
طبعا أنا افشل انسانه ممكن توثق حالتها👏👏👏👏 اليوم ده قررت أوثق الحاله واصورها قبل وبعد والحمد لله صورت الشغل قبل ومن فرحتي اني خلصت قبل المغرب وهلحق اروح أفطر مع اولادي وضحكه المريضه الجميله وفرحتها بعودة الابتسامه الجميله نسيت اصوركم الحاله بعد😂😂😂😂😂
إن شاء الله لما ترجع من السفر تكمل شغل إبقي اصورها بعد😂😂😂😂
27/02/2024
منه القمر الجميل
بنوته كيوت ومطيعه ومامتها القمر ايه اللي وهي ماشيه قالتلي خلاص مش هنشوفك تاني هتوحشينا♥️❤️
منه لما خلعت التقويم فرحت اوووي وانا كنت سعيده لسعادتها وخاصه أنها قالتلي كان ليا صوره في مسابقه اوائل الطلبه كانت سناني وحشه اووي وطالعه لبره
قولتلها ياعني في تغير قالتلي اكيد
وبما اني خيبه اوي في توثيق حالاتي
طالبه منها تبعتلي صوره قبل وبعد علي الواتس🤳🤳
وعرفت كمان أنها وثقت الحاله علي الواتس وشكرتني💃💃💃💃
شكرا للناس الحلوه اللي في حياتنا
شكرا للي بيدينا طاقه ايجابيه أننا نكمل فى وسط ظروف الحياه الصعبه🥰😍😍😍
راي دكتوره ريهام في جلسه تبيض الاسنان❤️♥️
اللي كانت مقدمه في عروض شهر واحد♥️❤️
ونظرا الإقبال تم مد العرض لحد العيد😱😱😱
24/02/2024
كانت جاي العياده نفسيتها صفر بسبب اسنانها
وقالتلي حرفيا مش قادره علي الاسعار اللي بسمعها دي
نفسي اضحك واكل
#صناع #الابتسامه
الاطفال احباب الله واحبابي سامحني يارب🤣🤣
10/01/2024
يالا بينا نضيف الاصدقاء🥳🥳🥳
بمناسبه انشاء صفحه د نجوي سنكل لطب وجراحه وتقويم الاسنان 🤳🥰 اكتر حد يضيف اصدقاء هيكون ليه مكافئه 💃💃💃
الفائز الاول جلسه تنظيف جير مجانا💯
الفائز الثاني خصم ٦٠%علي تبيض الاسنان بالليزر✨✨
،الفائز التالت خصم 50%علي الحشو والتركيبات💤💤💤
بادر بالحجز
العياده علي الرشيدية أعلي عياده د هاني الدكر القديمه بجوار مصنع المكرونه ت0452498333
Videos (show all)
