Police Special Task Force

ලෝක කායවර්ධන හා ශාරීරික යෝග්‍යතා සම්මේලනයේ පූර්ණ අධීක්‍ෂණය යටතේ 2024/07/05 සිට 2024/07/08 දක්වා Mongolia Ulaanbaatar හිදී ආසියානු කායවර්ධන හා ශාරීරික යෝග්‍යතා සම්මේලනය විසින් සංවිධානය කරනු ලබන ආසියානු කායවර්ධන හා ශාරීරික යෝග්‍යතා තරගාවලිය සඳහා ශ්‍රී ලංකාව නියෝජනය කිරීමට KD මායාදුන්න(N11402450) සුදුසුකම් ලබා ඇත.ශ්‍රී ලංකාවේ නාමය සහ පොලිස් විශේෂ කාර්ය බලකායේ කීර්ති නාමය ඉහලට ඔසවා තැබීමට ඔබට අපෙන් විශාල ශක්තියක් ප්‍රාර්ථනා කරමු....

ජය වේවා ❤❤

Vindika

• උතුම් පොසොන් සැමරූ අපේ සහෘදයින් 🙏🙏🇱🇰🇱🇰

විශේෂ කාර්ය බලකායේ අපගේ රයිෆල් වෙඩි තැබීමේ මුල්ම අභ්‍යාසයේදී මීටර් 15 ක දුරින් ඇති ඉලක්ක පුවරුවකට බිම වැතිරී සිටින ඉරියවුවෙන් වෙඩි උණ්ඩ 10 ක් වෙඩි තැබීමට සිදුවේ..
මීටර් 15 යනු ඉතා කෙටි දුරක් වූවද කිසිදා ගිණි අවියක් අත නොගැටුණු ආධුනිකයෙකුට ඒ දුරක ඇති ඉලක්කයකට මුලින්ම වෙඩි තැබීම අපහසු වියහැකිය. මුල්ම වෙඩි තැබීමේ අභ්‍යාසයෙදී මට සිදුවුවේද අසමත් වෙඩික්කරුවෙකු ලෙස අවමන් විඳින්නටය.එක පෙලට බිම වැතිරී සිටි පිරිස 15 දෙනෙකු පමණ වියයුතුය. වෙඩි තැබීමට අණ නිකුත් වූ විට මගේ හිස දෙපසින්ම ඇසෙන කන් බිහිරි කරවන වෙඩි හඬින් කම්පනයට පත්වී සිටියෙමි.මා සිතුවේ මාද වෙඩි තබන බවයි වෙඩි තැබීම අවසානයේ බලන විට මගේ අවියේ උණ්ඩ 10 ම ඉතිරිව තිබුණි.අපගේ පුහුණු උපදේශක වරයා වූ ප්‍රධාන පොලිස් පරීක්ෂක සොයිසා මහතාගේ වේවැල් පහර වලටත් වඩා මට දැනුණේ අපගේ පිරිසගේ සමච්චල් සිනහවයි..
එදින වෙඩි පිටියේ බූරු පුංචා වුවේ මාය.මෙතනදී ප්‍රධාන පොලිස් පරීක්ෂක සොයිසා මහතාගේ හැසිරීම ගැනත් යමක් කිවයුතුය,ඔහු ඉතා දක්ෂ වෙඩික්කරුවෙකු වූවත් හොඳ උපදේශකයෙකු නොවුණු බව මගේ අදහසයි.ඔහු විසින් ආධුනික අපට එල්ල කලේ අනවශ්‍ය තරම් කායික, මානසික හිංසනයකි.
මගේ වාසනාවට මෙන් සොයිසා මහතා අපගේ පුහුණු උපදේශක තනතුරින් ඉවත්වී එකල අප සමඟම පුහුණුව ලැබූ මාලදිවයින් හමුදා සාමාජික පිරිසකගේ වෙඩි පුහුණු උපදේශක වරයා ලෙස කටයුතු කරන්නට ගියේය. අපගේ පුහුණු උපදේශකයා ලෙස පත්ව ආවේ පොලිස් පරීක්ෂක වෝල්ටර් මහතායි.ඔහු අපට සැලකුවේ වඩාත් මෘදු ලෙසිනි.ඔහු හාස්‍යට ලැදි ඔහු, ඇතැම් විටක "ලස්සණ කෙල්ලක් මේ පැත්තට එනවා උඹලා එකෙක් වත් බලන්න එපා" යැයි කියයි.ගෙල හරවා බලන අප දකින්නේ ගෙදර දොරට අවශ්‍ය බඩු මල්ලක් ඔසවාගෙන එන ඔහුගේ බිරිඳයි
වෝල්ටර් මහතාගේ ගුරු හරුකම් ලැබූ මගේ වෙඩි තැබීමේ හැකියාව වේගයෙන් දියුණු විය.ඒ ලෙසම වෙඩි පිටිය ප්‍රියජනක ස්ථානයක් බවටද පත්විය.
වෙඩි පිටියේ සිදුකරන බොහෝ අභ්‍යාස වලින් පසුව අපගේ අවසන් පුහුණු අභ්‍යාසය සිදුකරන දිනය උදාවිය.එයද බිම වැතිරී සිටින ඉරියවුවෙන් සිදුකරන වෙඩි තැබීමකි.යොදා ගන්නේද වෙඩි උණ්ඩ 10 කි. නමුත් ඉලක්ක පුවරුව පිහිටුවා ඇත්තේ මීටර් 300ක දුරිනි.සාමාන්‍ය දිනවල ඉලක්ක පුවරු 15 ක් පමණ සවිකරණ මුත් එදින පිහිටුවා තිබුණේ ඉලක්ක පුවරු 5 ක් පමණි.එසේ කරන්නේ අනෙකුන් තබන වෙඩි පහරවල් වෙනකෙකුගේ ඉලක්ක පුවරුවකට නොවැදෙනු පිණිසය.
මගේ වාරය පැමිණියේය..මා වමත් කරුවෙකු නිසා මට සෑමවිටම වම්පස මුල්ම ඉලක්ක පුවරුවට වෙඩි තැබීමේ වරප්‍රසාදය හිමිව තිබුණි.එයටද හේතුවක් ඇත. එක පෙලට වෙඩි තබන්නන් පිරිසක් අතර සිටින විට අනෙකුත් ගිණි අවි වලින් පිටවෙන හිස් උණ්ඩ කොපු වලින් වමත් වෙඩික්කරුවන්ගේ ඇස් වල ගැටීමෙන් හානී සිදුවිය හැකි නිසාය..
එදින මා සිටියේ සැහැල්ලුවෙනි.තවත් සිවු දෙනෙකු සමඟ අපගේ ස්ථානය වෙතට ගොස් බිම වැතිරුනෙමි.ගිණි අවිය හොඳින් ග්‍රහණය කරගෙන එහි ලෝහ දර්ශක තුලින් ඉලක්ක පුවරුව දෙස බැලුවෙමි. මීටර් 300ක දුරින් පිහිටි රෝස පැහැති ඉලක්ක පුවරුව දිස් වුනේ දැව ගිණි කූරු දෙකක පමණ පළලටය.M16 ගිණි අවියේ ඉදිරිපස දර්ශකයෙන් එය සම්පුර්නයෙන්ම පාහේ ආවරණය වූ බව මට මතකය....
වෙඩි තැබීමේ නියෝගය නිකුත් විය.මට හදිසියක් තිබුනේ නැත,දීර්ඝ ආශ්වාසයක් කර එයින් අර්ධයක ප්‍රාශ්වාසයක් කලෙමි.එය වෙඩි තැබීමේදී අනුගමනය කල යුතු මුලධර්මයකි. ඉන්පසුව ගිණි අවියේ ට්‍රිගරයට සෙමින් ,සෙමින් තෙරපුම යෙදුවේ මනසින් 10 ට ගණන් කරමිනි.එයද සාර්ථක වෙඩි තැබීමකදී යොදා ගන්නා උපක්‍රමයකි.එයින් අවියේ ගැස්සීම අවම වෙයි.පළමු වෙඩි උණ්ඩය නිකුත් විය.එය වදින බව පෙනුනේ නැත නමුත් ගත් ඉලක්කය නිවැරදි බව මට දැනුණි.මිනිත්තුවක් පමණ ගත වෙන්නට ඇත. වෙඩි උණ්ඩ 10 ම වෙඩි තැබුවෙමි..
ඉන් පසුව මා ඇතුළු වෙඩික්කරුවන් පස් දෙනාටම ඉලක්ක පුවරු ඇති වෙඩි පිටියේ අන්තයට දිවයන ලෙස කී පොලිස් පරීක්ෂක වෝල්ටර් මහතා සහ ඔහුගේ සහායකයා අප පිටුපසින් යතුරු පැදිය පදවාගෙන ආවේය. සහය උපදේශකයා අපගේ ඉලක්ක පුවරු පිරික්සා රටහුණු සලකුණු තැබුවේය.මා තැබූ වෙඩි පහරවල් 10 න් 8 ක් ඉලක්ක පුවරුවට වැදී තිබුණි. අපගේ 30 පමණ පිරිස අතර එවැනි කිහිප දෙනෙකු සිටි අතර එය ඉහලම වෙඩි තැබීමේ තත්වය විය.කෙසේ වෙතත් මගේ ඉලක්ක පුවරුව දෙස බලා සිටි වෝල්ටර් මහතා කීවේ "උඹේ ටාර්ගට් එකට වෙන එකෙක් වෙඩි තියලා" යනුවෙනි. ද්විත්ව අරුතක් ඇති ඒ ප්‍රකාශය කීවේ හාස්‍ය රසය මතු කිරීමට බව දැන සිටියෙමි.මගේ නම් පත්‍රිකාවක සටහන් කරගත් පුහුණු උපදේශක වරයා, ක්‍රියාන්විත පෙදෙසට ගොස් මාස කිහිපයකින් වෙඩි තැබීමේ උසස් පාඨමාලාවක් හැදෑරීම පිණිස මා කැඳවන බව දැනුම් දුන්නේය.
කෙසේ වෙතත් ඒ වරම මට නොලැබී ගියේ යුද්ධයේ දරුණු කම නිසාම අපගේ උසස් පාඨමාලාවන් එකල තාවකාලිකව අත් හිටුවා තිබූ බැවිනි... මෙම සටහන සමඟ පලකර ඇති සේයාරුවේ පෙනෙන ගිනි අවියේ ලෝහ දර්ශක තුලින් බලන්න, මීටර් 300 ක දුරින් ඇති සාමාන්‍ය මිනිස් උඩුකයක ප්‍රමානයේ උස සහ පලල ඇති ඉලක්ක පුවරුවක් සිතින් මවාගෙන පිංතුරෙයේ පෙනෙන සිදුර සහ ඉදිරියේ දැක්වෙන අනෙක් දර්ශකයේ මැද පිහිටි සිහින් කූරක් වැනි දර්ශකය යන දෙකටම එය හසුවන සේ බැලුවහොත් එය ඉදිරිපසින් දැක්වෙන ලෝහ කූරක් වැනි එකින් එම පුවරුව සම්පූර්ණයෙන්ම පාහේ ආවරණය වී ඇති බව ⁣දක්නට ලැබෙනු.

හිටපු වි කා බ . උ පො ප Chaminda Jayasena මහතාගෙන්

• බලවත් ශෝකය 🙏🙏🇱🇰🇱🇰🇱🇰

• කුඩා දරුවෙකුට අමානුශික ලෙස පහරදුන් කුකුල් චමින්ද පොලිස් අත්තඩංගුවට පත්වේ

• ගිනි අවියක් පිටුපසින් සිටියද මෙය වෙඩි තැබීමේ අවස්ථාවක් නොවේ.මගේ ඉදිරිපසින් ඇත්තේ චීනයේ නිෂ්පාදිත MPMG අවියකි.ජායාරූපය ලබා ගන්නා විට මෙය එක වෙඩි උණ්ඩයක් හෝ භාවිතා කර නැති ගිනි අවියකි. ත්‍රිවිධ හමුදාවට මෙම ගිනි අවිය හඳුන්වා දීමට සමාන්තරව විශේෂ කාර්ය බලකායටද MPMG අවිය හඳුන්වා දෙන්නට ඇතැයි සිතමි.එවක මා සේවය කල ඕමන්ත කඳවුරටද දැව අසුරන වල බහා ග්‍රීස් වලින් නහවා තිබු ගිණි අවි කීපයක් ලැබුණි. තවත් නිලධාරියෙකු සමඟ එක්වී කොටස් වලට වෙන්කර තිබූ අවිය එකලස් කළෙමු. ඉන්පසු මේ අවස්ථාව සිහිවෙනු පිණිස ගිණි අවිය සමඟ අප දෙදෙනාගේ ජායාරූප දෙකක් ගනු ලැබීය.මේ මා පෙනී සිටින එකය. ජායාරූප ගැනීමෙන් පසුව අපි මෙම අවිය කඳවුරෙන් පිටත වූ තැනිතලා බිමක් වෙත ගෙනගොස් වෙඩි වට ගණනාවක් භාවිතා කර අළුත් අවියේ ස්වභාවය හඳුනා ගැනීමේ වෑයමක නිරත වූවෙමු.ප්‍රමාණයට සාපේක්ෂව සැහැල්ලු වූ අවිය වෙඩි තැබීමේදී පරිසරය කම්පා කරන හඬක් නැංවීය,එසේම එයට ඉතා ප්‍රභල වෙඩි බලයක් ඇති බවද පැහැදිලි විය.... කෙසේ වුවත් අපේ නිලධාරින් මෙම ගිණි අවිය රැගෙන වනගත මෙහෙයුම් වලට යාමට එකල මැලිකමක් දක්වනු ලැබීය.ඔවුන් පැවසුවේ ගිණි අවිය සාපේක්ෂව දිගින් වැඩි නිසා ඝන වනාන්තරයේදී හැසිරවීමට අපහසු බවයි.ඔවුන් එකල ප්‍රිය කලේ ඉතාම හුරුබුහුටි T 56 LMG අවියටයි.... මේ නිසා එකල අප මේ MPMG අවිය බංකර සහ මුරපොලවලට යොදා ගති.එදා එය එසේ වුවත් අවසන් යුද්ධයේදී යුධ හමුදාව මෙම මැෂින් තුවක්කුව ඉතා බහුලව භාවිතා කර ඇති බව දක්නට ලැබුණි....

වි කා බ . විශ්‍රාමික උ පො ප Chaminda Jayasena

• ප්‍රභූ ආරක්ෂාව ඉගෙනගන්න විදෙස් රටකට ඇවිල්ල ඉන්නෙ.
අද එයාලට අපේ Demo එකක් පෙන්නුව. මේ ආයතනයේ ඉහළම නිලධාරියාගෙ පටන් බොහෝ ජ්‍යේෂ්ඨ නිලධාරීන් සහ උපදේශකවරුන් ආව ඒක බලන්න. ඒ හැමදෙනාම නිහතමානීව පිළිගත්තා අපේ Formations සහ Drills කොච්චර Perfect ද කියන එක.
ප්‍රභල ආසියානු රටවල් දෙකක VIP Security Training Courses හැදෑරුවා.
හැබැයි ලංකාවෙ STF එකේ VIP Sc course එකට ළං කරන්නවත් බෑ.
ඒ ගැන ආඩම්බරයි, හැබැයි 52 C° යි...🥵
උපුටා ගැනීම. සර්ගෙන්

• වවිනියාව මන්නාරම මහමාවතේ මඩු දේවස්ථානය දෙසට විහිදෙන මාවත පිහිටි මං සන්දියේ සිට කෙටි දුරකින් එකල අප සේවය කල මඩු රෝඩ් විශේෂ කාර්ය බලකා කඳවුර පිහිටා තිබුනි. මේ ආසන්නයේම දුමිරිය පාරෙහි සලකුණු තිබූඅතරේ මඩුරෝඩ් දුමිරිය පොලෙහි නටඹුන්ද දක්නට ලැබුනි. එක දිනයක මහමාවත සහ දුම්රිය මාවත අතර වනරොද තුලින් ඉහලට නැඟුණු බෝ ගසක් කඳවුරේ කිසිවෙකු විසින් දැක තිබුනි. බිම්බෝම්බ අවදානම සම්බන්ධව සැලකිලිමත් වෙමින් අප කිහිප දෙනෙකු එම බෝධි වෘක්ෂය අසලට ගියේ එවැනි ගසක් එතැන තිබීම තරමක් අසාමාන්‍ය වූ නිසාය. කටු පඳුරු ආදියෙන් වැසී තිබුනු එම බෝ ගස වටා කපාරාරු නොකල ගඩොල් වලින් බැම්මක් බැඳ තිබුනු බව දුටු විට තරමක විස්මයක් දැනුනි. මෙම බෝධිය අසල වෙනත් ගොඩනැගිලි වල නෂ්ටාවශේෂ කිසිවක් දක්නට නොලැබුනි. අපි කිහිපදෙනා එක්ව එම බෝගස අවට හෙලි පෙහෙලි කලෙමු. බෝධී වෘක්ෂය වටා රළුලෙස ඉදිකර තිබුන ගඩොල් බැම්ම අසලම තිබී මැටි පහන් ප්‍රමාණයක්ද සොයා ගතහැකි විය. බැලූබැල්මටම මෙම ගඩොල් බැම්ම සහ හමුවූ මැටි පහන් වල ඉතිහාසය වසර පනහකට වඩා වැඩි නොවන බව පෙනුනි. බෙෘද්ධ ජනයා නැති තරම් වූ පෙදෙසක බෝගසක් සිටුවා එයට වන්දනා මාන කලේ කවුරුන්ද යන්න ගැන එදා අපට කුතුහලය දැනවූ කරුණක් විය. දුම්රියෙන් ඉන්දියාවේ බෙෘද්ධ සිද්ධස්ථාන වන්දනාවට ගිය වන්දනා කරුවන් හෝ මන්නාරමට වෙළඳාමට ආගිය වෙළඳුන් විසින් බෝධිය රෝපනය කර එයට වන්දනාමාන කරන්න ඇතැයි අපගේ අදහස විය. මෙයින් පසුව උදාවූ සෑම පෝය දිනකම සවස් භාගයේ මෙතනට පැමිණ මැටි පහන් දල්වා අසල වූ රණවරා ගස්වල මල් කඩා මල් පූජාවක් කර දන්නා ගාථා කිහිපයක් කියා වැඳුම් පිදුම් කරන සිරිතක් අපට තිබුනි. ඉදිකර වසරකට පමන පසුව මඩුරෝඩ් STF කඳවුර එතැනින් ඉවත්කරන තුරුම අපට එම බෝධි වෘක්ෂය සමඟ බැඳීමක් තිබුනි.ආගමික භක්තියට වඩා එතනදී ගම් පෙදෙස්වල වල සමීප බවේ හැඟීමක් දැනුනා කිවහොත් නිවැරදිය. දිනකට දෙකකට පෙර Google Street View හරහා අපගේ පැරණි STF කඳවුර පිහිටි පෙදෙස සොයාගත හැකිදැයි පිරික්සුමක් කලෙමි. නමුත් එතැන සම්බන්ධව නිවැරදිව නිශ්චය කල නොහැකි වුවත් එදා අපේ ගෙෘරවනීය සැලකුම් වලට ලක්වූ බෝධි වෘක්ෂය ආශ්‍රිතව විහාරස්ථානයක් ඉදිව ඇතිබව දක්නට ලැබුනි. එදා කනාටු, කේඩෑරි බෝගස විශාලව වැඩී ඇතිබවත් එයවටා කහපැහැති බෝධි ප්‍රකාරයක් ඉදිව ඇති බවත් දුටුවෙමි. වසර විසිපහකට එහා අතීතයේදී කිසිවෙකුගේ සැලකිල්ලට ලක්ව නොතිබූ මෙම බෝධි වෘක්ෂය පිහිටි භූමිය එලිපෙහෙලි කර එම ශාකය ඉදිරිපිට පහන් දල්වා උපහාර කල පිරිසක් සිටිබව වර්තමානයේ බෝධිය ආශ්‍රිතව අලුතින් ඉදිකල විහාරස්ථානයේ හිමිකාර භික්ෂූන් වහන්සේලා කිසිදාක දැනගන්නේ නැතිබව සහතිකය.
• උපුටා ගැනීම. වි කා බ විශ්‍රාමික උ.පො.ප චමින්ද ජයසේන මහතාගෙන්

• පුහුණුව ලබන සමයේ ලබාගත් සේයාරුවකි. මෙහි පපු පෙදෙසේ දකුණු පසේ Special Task Force" හැඳින්වීම් සටහනට ඉහළින් තිබිය යුතු පාඨමාලා ලාංඡනය පැලඳ නැත්තේ එබැවිනි . මෙහි කොළ බෙරේ හිස්වැස්ම පැලඳ, කමිසය කලිසමට යටකර පිලිවෙලට පෙනී සිටියත්. අප යුධ කලාපවලදී එම පිලිවෙල පවත්වාගෙන ගියේ බොහෝ අඩුවෙනි. එම පෙදෙස්වලදී බෙරේ හිස්වැස්ම එදිනෙදා රාජකාරි කටයුතු වලදි භාවිතා නොකල තරම්ය. මෙයට හේතුව වූවේ. මෙම හිස්වැස්ම නිසි පිලිවෙලට හිසේ රඳවාගෙන හදිසි අවස්ථා සඳහා මුහුණ දීමට ඇති අපහසුවයි. පාඨමාලා ලාංචන පමනක් නොව ඇතැම්විට නිල තනතුරු ලාංචන පවා මා නම් පැලඳ සිටියේ කලාතුරකිනි. කමිසය කලිසමට යටකර, කමිස අත් වැලමිටට ඉහළින් පිහිටන සේ නමා , නිල ඇඳුම් ඇඳි නිලධාරීන් සිටියා නම් ඒ බොහෝ අඩුවෙනි. කෙසේවෙතත් විශේෂ අවස්ථාවන් වු සහකාර පොලිස් අධිකාරි පරික්ෂණ , විශේෂ කාර්ය බලකායේ ප්‍රධානියා වැනි ප්‍රභූ මට්ටමේ පුද්ගල පැමිණීම් වලදි පිලිවෙලට හැඳ පැලඳ සිටි අතර, නිවාඩු ලබා කඩවත ගෝනහේන කඳවුර බලා යන ගමන් වලදි නම් අවශ්‍ය තරමටත් වඩා ජේත්තුකාර පෙනුමෙන් යුතුව නිල ඇඳුමෙන් සැරසී යාමට බොහෝදෙනා උත්සාහ ගත් බව පෙනුනි.මා දැනගෙන සිටි එක නිලධාරියෙක් රන් ආලේපිත ⁣තාරකා පැලඳ ගිය බව දැක තිබේ. සමහර නිලධාරීන් තම හමුදා මිතුරන්ගෙන් ලබාගත් කොමාන්ඩෝ බලකායට ආවේණික රතු, දුඹුරු පැහැ බූට් පාවහන් පැලඳ සිටියහ. සමහරු මහත් ප්‍රවෙිසමෙන් ආරක්ෂා කල මුල්ම යුගයේ STF නිලධාරීන්හට ලබාදුන් විශිෂ්ඨ නිමාවෙන් යුතු බ්‍රිතාන්‍යයේ නිශ්පාදිත නිල ඇඳුම් කට්ටලය භාවිතා කලේද නිවාඩු යන එන ගමන් වලදීය. මට නම් වර්ණනා කරන්නට තරම් වටිනා ඇඳුම් ආයිත්තම් තිබුනේ නැත. නමුත් වි⁣ශේෂ අවස්ථා වලදි භාවිතාව සඳහා යොදාගත් වර්ණ වියැකී නොගිය නිල ඇඳුම් කට්ටලයක්, පලුදු නොවූ හොඳ තත්වයේ බූට් පාවහන් යුවලක්, බ්‍රිතාන්‍යයේ නිශ්පාදිත බඳ පටියක්, බ්‍රිතාන්‍යයේ නිශ්පාදන කල වුඩ්හැරිස් නම් වෙළෙඳ නාමයෙන් යුතු ඉස්තරම් බෙරේ හිස්වැස්මක් මා සතුව තිබුනි. යුද කලාපයෙන් එපිට සමාජය සමඟ මුසුවන එකම අවස්ථාවක් ලෙස සැලකිය හැකි නිවාඩු යාම් ,ඒම් වලදී හැකිතාක් ඉස්තරම් ලෙස හැඳ, පැලඳ ගෙන ගියේ එවකට වඩාත් අප්‍රකටව සිටි පිරිසක් වු අපගේ පැවැත්ම පිලිබඳව සමාජයට දැනුම්දීමේ අහිංසක ආසාව ඇතිව බව කිව හැකිය.
•උපුටා ගැනීම හිටපු වි කා බ නිළධාරී Chaminda Jayasena මහතාගෙන්

• Serve the nation 🇱🇰🇱🇰🇱🇰

1998 වසරේ ඔක්තෝබර් මස 9 වෙනිදා මා සේවය කර ඇත්තේ වව්නියාවේ ඕමන්ත විශේෂ කාර්ය බලකායේ කඳවුරේය.සඳහන් කරන්නට යන සිදුවීම පැහැදිලිව මතකයේ තිබුනත් එම දිනය ගැන දැනගත්තේ විශේෂ කාර්ය බලකායේ සංවත්සරය වෙනුවෙන් නිකුත් කල සැමරුම් ප්‍රකාශනයකිනි. කඳවුරට අණදෙන නිලධාරියෙක් සිටියද බොහෝවිට ඔහුට සිදුවූයේ අවට පිහිටි පරිවාර කඳවුරු වල වැඩබලන අණදෙන නිලධාරියා ලෙස සේවය කිරීමටය. මෙදින ඕමන්ත කඳවුරේ වැඩ බලන අණදෙන නිලධාරියා ලෙස කටයුතු කලේ මා බව මතකයේ තිබේ.එදින සවස් භාගයේ කඳවුරේ ඉදිකිරීම් කටයුතු කිරීමට අවශ්‍ය දැව තොගයක් යම් ස්ථානයක සිට රැගෙන ඒමේ රාජකාරි කටයුත්තක් පැවැරී තිබුනි. මෙම කටයුත්ත වෙනුවෙන් පිටව යාම සඳහා නිලධාරීන් කිහිප දෙනෙකු නම්කර, දිවා ආහාරයෙන් පසුව මා සමඟ පිටව යන්නට සුදානම් වන ලෙස දැනුම් දුනි. ට්‍රක් රථ රියදුරු නිලධාරියාටද දිවා ආහාරයෙන් පසුව පිටව යන්නට නියමිත ගමන ගැන දැනුම් දුන්නෙමි. දහවල් 12 පසුවී ගතව ගිය කාලයකදී හුදකලාවම දිවා ආහාරය ගනිමින් සිටියෙමි. මේ අවස්ථාවේ එතැනට පැමිණියේ සැරයන් සුදර්ම සමරජීව මහතාය. සම්පූර්ණ නිල ඇඳුමින් සැරසී , අවිය දරාගෙන සිටි ඔහු ,මා අමතා අදාල රාජකාරි ගමන සඳහා තමන් යන්නට කැමති බව ප්‍රකාශ කලේය. මා මෙම ගමන පිටව ගියහොත් කඳවුරේ කිසිදු පරික්ෂක ශ්‍රේණියේ නිලධාරියෙකු නොසිටින නිසා යම් ලෙසකින් උසස් නිලධාරියෙකු හදිසියේම පැමිණියහොත් එය ප්‍රශ්නයක් විය හැකි බවත් දන්වා සිටියේය. සැරයන් වරයාගේ මෙම ප්‍රකාශයෙන් මා තරමක් විමතියට පත්වූවා කිවහොත් නිවැරදිය. දැඩි උනුසුම් කාලගුණික තත්ත්වයක් යටතේ සිය කැමැත්තෙන් නීරස රාජකාරි කටයුත්තක් සඳහා ඉදිරිපත් වීම සහ අහඹු ලෙස හෝ උසස් නිලධාරියෙකු කඳවුරට පැමිණියහොත් එම ප්‍රශ්නය බලපාන්නේ ඔහුට නොව මාහට වීම යන කාරණා නිසා එම විමතිය ඇතිවිය. කෙසේවෙතත් සේවාවේ ප්‍රවීනයෙකු වූ ඔහුගේ අදහසට එකඟ වුවෙමි. අදාල ගමන සඳහා පිටව යන නිලධාරීන් පිරිස පෙලගස්වා ඔවුනට උපදෙස් ලබාදෙන සැරයන් වරයා දෙස බලා සිටියෙමි. කංඩායම පිටව ගියේ ඕමන්ත මහා විද්‍යාලය අසලින් නැගෙනහිර දෙසට විහිදී ගිය අතුරු මාවතක් ඔස්සේය. ගතව ගිය කාලය කොපමනදැයි මගේ මතකයේ නැත. නමුත් ඒ වෙලාවේ මා සිටියේ කඳවුරේ සංනිවෙිදන බංකරයේ යම්කිසි කටයුත්තකය. ඒ මොහොතේ තරමක් දුරින් ගැඹුරු පිපුරුම් හඬක් ශ්‍රවනය විය.මුලු කඳවුරම කැළඹී සිටියදී සංනිවෙිදන යන්ත්‍රයක් හරහා දැනුම් දුන්නේ සැරයන් වරයා ඇතුළු පිරිස ගමන්ගත් ට්‍රක් රථය ක්ලේමෝර් බෝම්බයකට හසුව ඇති බවයි. ඉන්පසුව සිදුවූ කටයුතු පිලිබඳව මට පැහැදිලි මතකයක් නැත්තේ එදා හටගත් කම්පනය නිසා විය හැකිය. කෙසේ වෙතත් අදාල ස්ථානයට ආධාරක කංඩායම් සහ ගිලන් රථ යැවීම, පණිවිඩ වලට පිළිතුරු දීම ආදිය සිදුකල බව මතකයේ තිබේ. මෙම බෝම්බ ප්‍රහාරයෙන් සැරයන් වරයා ඇතුළු නිලධාරීන් 7 ⁣ හෝ 8 දෙනෙකු මියගිය බව මතකයේ ඇත.මළ සිරුරු ප්‍රවාහනය කල ගිලන් රථ එක මොහොතකට ඕමන්ත කඳවුර අසල නවතා තැබූවිට අපි සියල්ලෝම ඒ සිඳිබිඳී ගිය සිරුරු වලට ආචාර කලෙමු. එවක කුඩා දරුවන් දෙදෙනෙකුගේ පියෙකු වූ සැරයන් සමරජීව මරණයෙන් පසුව උපපොලිස් පරික්ෂක තනතුරට උසස් කෙරිනි. ඔහුගේ දරුවන් වර්තමානයේ වැඩුන මිනිසුන් සහ ගැහැණුන් බවට පත්වී ඇතැයි සිතමි. ඔහු මිහිදන් කල ස්ථානය පවා සමහර විට අද දවසේ අප්‍රකටව ඇතිවා වියහැකිය. අනිවාර්යයෙන්ම මගේ මරණය සිදුවන්නට නියමිතව තිබු එම ගමන ඔහු ස්වෙච්ඡාවෙන් භාරගෙන ගියේ මන්දැයි වටහාගත නොහැකිය. සමහර විට එදින මියයාම මගේ දෛවය නොවන්නට ඇත. තවත් ඉදිරියට මාස දහයක කාලයක් මට මහපොලවේ පය තබන්නට , ඇවිදයන්නට ඉඩදී තිබුනි. 1999 වසරේ අගෝස්තු මස 4 වෙනිදා මට ණයට ලැබුන ජීවිතයෙන් කොටසක් අහිමිව යන්නේ ට්‍රක් රථයට එල්ලවුණු ක්ලෙමොර් බෝම්බ ප්‍රහාරයකිනි. එයින් නැවත කිසිදාක ඇවිදයන්නට ඇති හැකියාව මට අහිමිව යන විට එදින ඒ මොහොතේම ට්‍රක් රථයේ සිටි තවත් 14 දෙනෙකු මෙලොවින් සම්පූර්ණයෙන්ම සමුගෙන ගියහ.

Police Special Task Force උපුටා ගැනීම . හිටපු වි කා බ නිළධාරී Chaminda Jayasena මහතාගෙන්

විශේෂ කාර්‍ය බලකායෙ සහකාර පොලිස් අධිකාරී රේණුක කරුණාරත්න ඇතුළු කණ්ඩායමක්, කංචිකුඩිආරු ගල්දෙබොක්කාව ප්‍රදේශයේදි ත්‍රස්තවාදී ප්‍රහාරයකට ලක්වෙනව. 1995 මැයි 08 වෙනිදා....

කංචිකුඩිආරු කඳවුරේ සිට දින විවේක සහ නිවාඩු ලබා පිටව යමින් සිටි 19 දෙනෙක් තමයි අවාසනාවන්ත ලෙස මේ ප්‍රහාරයට මුහුණදෙන්නෙ.

ටීම් එකේ ගිය කිසිමකෙනෙක්ට ජීවත්වීමේ වාසනාව හිමිකර නොදෙන්න තරම් සූක්ෂමව තමයි (කොක්කඩිචේලෙයි ප්‍රදේශයේ සිට දින දෙකකට පෙරෙ කංචිකුඩිආරු වෙතට පැමිණ සිටි) කොටි ලුතිනන් කර්නල් නිසාම්ගෙ නායකත්වයෙන් ප්‍රහාරය එල්ල කරපු ත්‍රස්ත කණ්ඩාමය සැලසුම් කරල තිබ්බෙ.

මේකතාව කියන්නෙ පුහුණු පාසලට ආපු විශ්‍රාමික DIG ජී.කේ. පෙරේර සර් .ඒ වෙනකොට එතුමා අක්කරේපත්තු සේනාංකයේ ප්‍රාදේශීය අණදෙන නිලධාරී විදියටලු හිටියෙ. ඒ නිසා ප්‍රහාර එල්ල වුණු ස්තානයට ඒ වෙලාවෙම ගිහිල්ල තියෙනව...

මේ සිද්ධිය වෙන්නෙ අශ්වලාඩම් හැඩයේ 'Horseshoe formation' සැඟවී හරදීමක් 'Ambush' එකක් මගින්.......ඒකෙදි වෙන්නෙ ප්‍රතිවාදී කණ්ඩායම තමන් සැඟව සිටින සථානය ආසන්නයටම එනකල් ඉඳල ඉදිරියෙන් සහ දෙපැත්තෙන් ලෙස පැති තුනකින් ප්‍රහාරය එල්ල කරන එක.

මේ යුධ උපක්‍රමය සටනේදි ප්‍රතිවාදියාට එරෙහිව භාවිතා කරන්න පුලුවන් ප්‍රභල යුද සරඹයක්..
'The Pincer Movement' කියල සංග්‍රාමික විෂය තුළ කතා කරන්නෙත් මේ සටන් උපක්‍රමයම තමයි....
ක්‍රි.පූ 326 දී හයිඩස්පෙස් සටනේදි (The Battle of Hydaspes) ඇලෙක්සැන්ඩර් අධිරාජයා මේ යුද උපක්‍රමය භාවිතා කරල තියෙනවලු.ඒ වගේම වියට්නාම් ගරිල්ලන් ඇමරිකානු හමුදාවට විරුද්ධව මෙම අභ්‍යාසය සාර්ථකව අත්හදා බලල තියෙනව...

ලෝක සංග්‍රාම ඉතිහාසය පුරාවටම කීර්තිමත් ජෙනරාල්වරු සහ සේනාධිපතිදරු යුද ජයග්‍රහණ සඳහා මේ උපක්‍රමය භාවිතා කළ බවට නිදසුන් තියෙනව....

මේ විදියට 95 දි ගහන්න කලින් කොටින් විසින් එක් අවස්ථාවකදි යුද හමුදාවට මේ විදියෙම අශ්වලාඩම් හැඩයේ ඇම්බුෂ් එකක් දාල සාර්ථක ප්‍රහාරයක් එල්ල කරල තියෙනව....

හොඳම ටික තමයි...

මේ දවසෙ අපේ ටීම් එක මූලධර්මවලට අනුකූලව එකිනෙකා අතර හොඳ දුරක් තියාගෙන ගමන් කරල තියෙනව.එතකොට මුලින්ම ප්‍රහාරයට ලක් වුණ ඉදිරියෙන්ම ගමන්ගත්ත අයට ඩැමේජ් වෙන්න ඇති ෆ්‍රස්ට් ෆයර් එකෙන්ම.
:
හැබැයි පෙළේ අවසානෙටම ආපු අයට ඕන නම් තිබ්බ තමන්ගෙ ජීවිත බේරගෙන ආපහු දුවන්න...
හැබැයි අවසානෙට හිටිය අය පවා තමන්ගෙ අවසාන උණ්ඩය දක්වාම සතුරන් සමග සටන් කරල තිබ්බ.
:
මොකද එයාල මැගසින්වාල උණ්ඩ සියල්ලම වෙඩි තියල අමතර උණ්ඩ පැකට් පවා කඩල ෆිල් කරන්න ට්‍රයි කරල තිබ්බ බව සිද්ධියට ගියපු අයට දැකගන්න ලැබිල තිබුණලු.
ඒතමයි STF එකේ සැබෑ අභීත විරුවන්ගෙ ආත්ම ශක්තිය.
:
කංචි කෑම්ප් එකේ හිටිය අයට මේ ෆයර් එක ඇහිල තියෙන්නෙ ගල් ලෝඩ් එකක් බානව වගේ, එක දිග....ට නොනවත්වා ගර්ර්ර්ර්ර්ර්ර් ගාන සද්දෙ විතරයි.
සැනෙකින් බෆල් එකේ නැගපු කෑම්ප් එකේ ටීම් එකක් එතනට යනකොටත් කොටි ත්‍රස්තයින් අපේ අයට ගහල වෙපන් ටිකත් අරගෙන පැනල ගිහිල්ල...

කෙසේවෙතත් මිහිකුසින් උපන් ලක් මාතාවගෙ වීර පුතින් 18 දෙනෙක් සහ ඒ කණ්ඩායම සමග ගියපු කම්කරුවෙකුත් ඒ අයුරින් සිය දිවි ගමන උපන් දේශය වෙනුවෙන් පූජා කරල ඒ දවසෙ....
:
#වීරයන් මියගියද
#වීරත්වය මිය නොයයි..❤️🙏
|
A.S.P. RENUKA KARUNARATHNA 🇱🇰
සහකාර පොලිස් අධිකාරී රේණුක කරුණාරත්න
1995 - 05 - 08
________________________
|
භානුක ස | චින්‍තන කරුණාරත්න
B A N U K A 🇱🇰
K A R U N A R A T H N A
බානුක කරුනාරත්න කියන්නේ රේනුක ගේ බාල පුතා ...ඔහු දෙරණේ නිවුස් කියන්නේ ..සුමති සම්මාන උලෙලින් සම්මාන ගත්තා ..තාත්තා නැති වෙනකොට පොඩි පුංචි දරුවෙක්....
Mendis ...උපුටා ගැනීමකි

• සැකකරුවන් කිහිපදෙනෙක් දැලේ 🇱🇰💥

• අපරාධ කල්ලි සාමාජිකයන් හඹා ගොස් අත්අඩංගුවට ගැනීමට විශේෂ පොලිස් කණ්ඩායම් 20ක්

https://www.police.lk/?p=17632

2024 පෙබරවාරි 12 වන මීගොඩ ආර්ථික මධ්‍යස්ථායේදී කාන්තාවකට වෙඩි තැබීමේ සහ එදිනම පුගොඩ ප්‍රදේශයේදී මංකොල්ල සිදුකිරීම සම්බන්ධයෙන් අවශ්‍යව සිටි මෙම අපරාධ සැලසුම් කල මහමොලකරු හම්බන්තොට ප්‍රදේශයේදී සැගව සිටියදීද, සිද්ධියේ වෙඩික්කරු ගොඩකවෙල ප්‍රදේශයේදී සැගව සිටියදී ද ඔහුගෙන් ලත්තොරතුරු මත වෙඩිතැබීම සදහා භාවිතා කල ගිනි අවිය,යතුරු පැදිය ද රක්වාන ප්‍රදේශයේ දී පොලිස් විශේෂ කාර්ය බලකාය විසින් දියත් කරන ලද විශේෂ මෙහෙයුම් මගින් අඩංගුවට ගන්නා ලදි.

මෙම අපරාධ රැල්ල මැඩපැවැත්වීම සදහා පොලිස් විශේෂ කාර්ය බලකාය විසින් අඛණ්ඩව ම මෙහෙයුම් සිදුකරමින් සිටි.

• කටුකුරුන්ද Motor Show 2024 💥

📸 Aurora imagine

• නිදහස ලස්සන කල අපේ අය 🇱🇰🇱🇰🇱🇰

•  නිදහසට ගිය අපේ අය 🇱🇰🇱🇰🇱🇰

• නිදහස් පෙළපාලි පුහුණුවීම් අතරතුර 🙏

• මීට පෙර දිනක පින්නදූව අධිවේගී මාර්ගයට පස් කන්දක් කඩාගෙන වැටීම හේතුවෙන් වි.කා.බ පින්නදූව අධිවේගී මාර්ගයේ රාජකාරි නියතුව සිටි පො.සැ ප්‍රනාන්දු නිලධාරියා හට සිදුවූ අනතුරෙන් ගාල්ල කරාපිටිය ශීක්ෂණ රෝහල වෙත ප්‍රථිකාර සදහා යොමු කෙරුණි. පසුව එම නිලධාරියා අද උදෑසන මිය ගොස් ඇත. එතුමන්ට උතුම් නිර්වානය අත්පත් වේවා.

Rest in peace සැරයන්තුමා 😥😥

උපුටාගැනීමකි

හමුදා සෙබලෙකු සහ ඔහුගේ අවිය අතරේ ඇත්තේ මහත්වූ බැඳීමකි, එය ගිණි අවියක්ද නැතිනම් අසිපතක් ද යන්න වැදගත් නැත.මේ බැඳීම පොලිස් දෙපාර්තමේන්තුවේ විශේෂ ඒකකයක් වූ විශේෂ කාර්ය බලකායේ සේවය කල අපටද බලපෑ කරුණක් විය.

පුහුණු කටයුතු වලදී අසන්නට ලැබෙන දේශණ සහ ප්‍රායෝගික පුහුණුවීම් කටයුතු වලින් මෙම බැඳීම ඇතිවන බව විස්වාස කල හැකිය.අප සේවය කල යුගයේ ගිණි අවිය සැමවිටම උරහිසේ රැඳෙමින් තිබුණි,රාත්‍රී නින්දේ යෙදෙන විට පවා මෙම අජීවී උපකරණය අපගේ පසෙකින් වැතිරෙමින් ජීවිතයේ කොටස් කාර භූමිකාවක පෙනී සිටි බව කිව යුතුය.

ඒ යුගයේ නිවාඩු ලබා නිවසට පැමිණි පසුව වටහාගත නොහැකි හුදකලාවක් දැනෙන්නට පටන් ගෙන තිබුණි.හුදකලාවක් ලෙස හැඳින්වීමට වඩා ඒ හැඟීම තුල තිබුනේ කිසියම් වරදක් කළ බව, එසේත් නැතිනම් වගකීමක් පැහැර හැරියා වැනි අදහසකි.මෙම සිතුවිලි සම්බන්ධව දිගින් දිගටම කල්පනා කල විට මා තේරුම් ගත්තේ මේ අන් කිසිවක් නොව අප ජීවිතයේ පංගුකාර චරිතයක් වූ ගිණි අවිය අතහැර දැමීම නිසා ඇතිවූ මානසික ගැටළුව බවය.

නිවාඩුව අවසන් වී ආපසු රාජකාරියට වාර්ථා කලපසුව මුලින්ම සිදුකලේ අවි ගබඩාවේ ඇති ගිණි අවිය ආපසු ලබා ගැනීමයි.ඒ අවස්ථාවේ අන් අයට නොපෙනෙන සේ මෙම අජීවී වස්තුව සිපගත් බව මතක තිබේ.කෙසේ වෙතත් අන් බොහෝදෙනාද මා වැනිම සැඟවුණු ගිණි අවි ප්‍රේමවන්තයන් බව දැකගන්නට ලැබුණු අවස්ථාද තිබුණි.

ඒ කාලයේ ඇතැම් දවසක අපට මුණගැසෙන විශේෂ කාර්ය බලකායෙන් ඉවත් වී සාමාන්‍ය පොලිස් සේවයට එක්වූ පොලිස් නිලධාරීන් සමහරෙක් අපගේ අවි වල අනුක්‍රමික අංක
( Serial number) සම්බන්ධව උනන්දුවෙන් සොයා බැලීම ගැන මා මුලින් සිතුවේ ඔවුන්ගේ විකාරසහගත හැසිරීමක් ලෙසිනි.නමුත් සේවයේ යම් මට්ටමක පරිනත වීමත් සමඟ ඔවුන්ගේ හැඟුම් වටහාගන්නට හැකියාව ලැබුණි.

මෙම සටහන කියවන කෙනෙකු අප මිණී- මරු මානසික මට්ටමින් යුතුව සිටි පුද්ගලයන් ලෙස සිතන්නට හැකිය. නමුත් සැබෑව එය නම් නොවේ.ගිණි අවි සමඟ ඇතිවූ බැඳීම සහ ඝාතන මානසිකත්වය යනු පැහැදිලිවම කාරණා දෙකකි.මට නම් කිසිවිටෙකත් ප්‍රාණයන් නැසීමේ චේතනාවක් තිබුනේ නැත.සමුරායි වරු තම අසිපතට ආදරය කල ලෙසින් අපද අපගේ අවි සම්බන්ධව ක්‍රියා කල බව කිව හැකිය.

වයස විසි පහක් වත් උදා නොවූ යුගයක මේ සේයාරුව ලබාගත්තේ අප තුල පැවති ගිණිඅවිය හා බැඳුනු ප්‍රේමය නිසා බව කිවහැකිය.අප ඇතුළු පිරිස දරුණු බෝම්බ ප්‍රහාරයකට ලක්ව අසිහියෙන් සිටියදීත් අතහැර දමා ඒමට අකමැතිවූ මා භාවිතා කල ඇමරිකාවේ නිර්මිත M16 වර්ගයේ ප්‍රහාරක රයිෆලය අතැතිව මා මෙහි පෙනී සිටියි.

උපුටා ගැනීම

චමින්ද ජයසේන
ව්ශ්‍රාමික උපොප
වි කා බ

• හදිසි අනතුරකින් මියගිය සහෝදර නිළධාරීන් දෙපලට නිවන්සුව ලැබේවා 🙏🙏
• තුවාල ලැබූ සහෝදර නිලධාරීන්ට ඉක්මන් සුව පතමි 🇱🇰🇱🇰🇱🇰🙏🙏🙏

• සුභ පැතුම් සර් 🇱🇰🇱🇰🇱🇰🙏

1984/09/01 වන දින විශේෂ කාර්ය බලකායේ සෙබලුන් රැගත් රථයකට වැල්වැටිතුරේ මුහුදු බඩ මාර්ගයේ රුදුරු කොටි ත්‍රස්තවාදීන් විසින් එල්ල කරන ලද මරාගෙන මරෙන 💣 බෝම්බ ප්‍රහාරයෙන් අභීත වීර සෙබලුන් 4 දෙනෙකු වීරෝධාර ලෙස මිය ගියා. එම මියයෑම විශේෂ කාර්‍ය බලකායේ රාජකාරියේ යෙදි සිටියදි පලමු මියයෑම නිසා වි.කා.බ යේ රණවිරු සැමරුම් දිනය ලෙස නම් කෙරුනා.

අදට වසර 39 උවද ඔවුන් අපගේ හිත් වල සදා අමරණීයයි... රට ජාතිය වෙනුවෙන් දිවි පිදු සියලුම යුධ,නාවික,ගුවන්,පොලිස්,වි.කා බ රණවිරුවන් ට මාගේ උත්තමාචාරය

'S


"ඉතුරු වූ අප මහලු උවද...
වයස් ගත නොම වේය ඔබ සැම...

දුබල නොකෙරෙති ඔබේ මහලුවිය..
සරණ වසරද දොසක්
නොකියති කිසිදු දිනෙක...

මලහිරු බැස යන හැම විට...
ලාහිරු අරුණලු පතුරන හැම උදයකම...
අපට සිහිවේ සදා නිදන ඔබ සැම..."

39 වන විශේෂ කාර්‍ය බලකායේ අභීත සෙබලුන් සිහිකිරීම 😥 ❤ 💪

1984/09/01 - 2023/09/01 🙏🙏