Electro Travels Kottayam

Please don't use this page and mobile number because we closed . Closed for ever😔😔

കേരളത്തിലെ അവസാനത്തെ മീറ്റർഗേജിൽ നിന്നും ബ്രോഡ് ഗെയ്‌ജിലേക്കുള്ള മാറ്റം..

കടപ്പാട് Amol Sreedhar Photography

പുനലൂർ ചെങ്കോട്ട തീവണ്ടി പാത ഉദ്ഘാടനം മാർച്ച് 30ന്. ആദ്യ ട്രെയിൻ കൊല്ലം-താമ്പരം എക്സ്പ്രസ്സ്. , 30താം തീയതി താംബരത്ത് നിന്നുംവൈകിട്ട് 5:30നു പുറപ്പെടുന്ന ട്രെയിൻ അടുത്ത ദിവസം രാവിലെ 10:30 നു കൊല്ലത്തു എത്തി ചേരും.കൊല്ലത്തു നിന്നും 31ന്നാം തിയതി ഉച്ചക്ക് ഒരു മണിക്ക് പുറപ്പെടുന്ന ട്രെയിൻ അടുത്ത ദിവസം രാവിലെ 5മണിക്ക് താംബരത്ത് എത്തി ചേരും കൊല്ലം, കൊട്ടാരക്കര, പുനലൂർ, ഇടമൺ, തെന്മല എന്നീ സ്റ്റേഷനുകളിൽ മാത്രമേ കേരളത്തിൽ സ്റ്റോപ്പ്‌ ഉള്ളൂ എന്നാണ് അറിയുന്നത്
picture courtesy Troll Punalur

കടപ്പാട് Manorama

തീവണ്ടികളുടെ വൈകിയോട്ടം മാര്‍ച്ച് വരെ തുടരും

തിരുവനന്തപുരം: സംസ്ഥാനത്ത് തീവണ്ടികളുടെ വൈകിയോട്ടം മാര്‍ച്ചുവരെ തുടരും. കടുത്ത നിയന്ത്രണം ഏര്‍പ്പെടുത്തിയിട്ടും ഏഴുമാസത്തിനിടെ മാറ്റാന്‍ കഴിഞ്ഞത് 40 കിലോമീറ്റര്‍ പാളമാണ്. 150 കിലോമീറ്റര്‍ പാളംകൂടി മാറ്റേണ്ടതുണ്ട്. ഷൊര്‍ണൂര്‍-എറണാകുളം, കായംകുളം-തിരുവനന്തപുരം ഭാഗത്താണ് പ്രധാന ജോലികളുള്ളത്.

അറ്റകുറ്റപ്പണി വേഗത്തിലാക്കാന്‍ പാളവും സ്ലീപ്പറും ഒരുമിച്ച് മാറ്റാന്‍ കഴിയുന്ന പ്രത്യേക യന്ത്രമെത്തിക്കും. ഇതിലൂടെ അഞ്ചുമണിക്കൂര്‍ കൊണ്ട് ഒരു കിലോമീറ്റര്‍ പാളവും സ്ലീപ്പറുകളും മാറ്റാനാകും. നിശ്ചിതസമയം തീവണ്ടി ഗതാഗതം പൂര്‍ണമായും നിര്‍ത്തിവയ്‌ക്കേണ്ടിവരുമെന്നാണ് പോരായ്മ. തീവണ്ടികളെപ്പോലെ പാളത്തില്‍ ഓടിക്കാന്‍ കഴിയുന്നതാണ് ഈ യന്ത്രം. അതുമാറ്റാതെ തീവണ്ടി കടത്തിവിടാനാകില്ല.

ജീവനക്കാരെ ഉപയോഗിക്കുകയാണെങ്കില്‍ അത്യാവശ്യഘട്ടങ്ങളില്‍ ജോലി നിര്‍ത്തിവെച്ച് തീവണ്ടി വേഗം കുറച്ച് കടത്തിവിടാന്‍ കഴിയും. 30 ജീവനക്കാര്‍ ഉള്‍പ്പെട്ട ഒരുസംഘത്തിന് ഒരുദിവസം പരമാവധി 150 മീറ്റര്‍ പാളമാണ് മാറ്റാന്‍ കഴിയുക. പരമാവധി ജീവനക്കാരെ നിയോഗിച്ചിട്ടും അറ്റകുറ്റപ്പണി തീര്‍ക്കാനാകുന്നില്ലെന്ന് കണ്ടതിനെത്തുടര്‍ന്നാണ് യന്ത്രസഹായം തേടിയത്. കായംകുളം-കൊല്ലം ലൈനില്‍ 2010-'11-ല്‍ യന്ത്രവത്കൃത അറ്റകുറ്റപ്പണി നടന്നിരുന്നു. അതിനുശേഷം ആദ്യമായിട്ടാണ് പാളംമാറ്റാന്‍ യന്ത്രമെത്തിക്കുന്നത്.

തീവണ്ടികള്‍ക്ക് കടുത്ത നിയന്ത്രണം തുടരുമെന്നാണ് ഉന്നത റെയില്‍വേ ഉദ്യോഗസ്ഥര്‍ പറയുന്നത്. സുരക്ഷയ്ക്ക് പരിഗണന നല്‍കി പാളങ്ങളുടെ കേടുപാടുകള്‍ പൂര്‍ണമായി തീര്‍ക്കാനാണ് റെയില്‍വേ ബോര്‍ഡിന്റെ തീരുമാനം. തീവണ്ടികള്‍ക്കിടയില്‍ നിശ്ചിതസമയം പാളങ്ങളുടെ അറ്റകുറ്റപ്പണിക്കുവേണ്ടി മാറ്റിവയ്ക്കാറുണ്ട്. ഇത്തരം ഇടവേളകള്‍ (ട്രാക്ക് മെയിന്റനന്‍സ് കോറിഡോര്‍) സംസ്ഥാനത്ത് പൂര്‍ണമായും ഇല്ലാതായി. പുതിയ വണ്ടികള്‍ അനുവദിച്ചപ്പോള്‍ ഈസമയമാണ് അപഹരിക്കപ്പെട്ടത്. വാര്‍ഷിക അറ്റകുറ്റപ്പണി ഇതോടെ മുടങ്ങി.

പാളങ്ങള്‍ക്ക് പുറമേ സിഗ്നല്‍ സംവിധാനങ്ങളുടെ അറ്റകുറ്റപ്പണികളും ഇപ്പോള്‍ നടക്കുന്നുണ്ട്. വര്‍ഷത്തിലൊരിക്കല്‍ സിഗ്നല്‍ കേബിളുകള്‍ പൂര്‍ണമായും പരിശോധിക്കേണ്ടതാണ്. തീവണ്ടികള്‍ വൈകുമെന്ന് കരുതി വര്‍ഷങ്ങളായി ഇതിന് അനുവദിച്ചിരുന്നില്ല. പാളങ്ങളുടെ അടിയിലെ കല്ലുകള്‍ ഇളക്കി അതിനിടയില്‍ അടിഞ്ഞിരിക്കുന്ന മണ്ണ് പത്തുവര്‍ഷത്തിലൊരിക്കല്‍ അരിച്ച് മാറ്റേണ്ടതാണ്. എന്നാല്‍, 17 വര്‍ഷത്തിന് ശേഷമാണ് പലസ്ഥലത്തും ഇതുചെയ്യുന്നത്. മണ്ണടിഞ്ഞ് പാളങ്ങള്‍ ഉറച്ചത് മിക്കയിടത്തും പൊട്ടലിന് ഇടയാക്കുന്നുണ്ട്.

ഡിസംബര്‍ മുതല്‍ മേയ് വരെയാണ് സംസ്ഥാനത്ത് പാളങ്ങളുടെ അറ്റകുറ്റപ്പണിക്ക് അനുയോജ്യമായ കാലാവസ്ഥയുള്ളത്. എന്നാല്‍, ശബരിമല, ക്രിസ്തുമസ്, പുതുവര്‍ഷ പ്രത്യേക തീവണ്ടികള്‍ കാരണം ജനുവരി 10 വരെ അറ്റകുറ്റപ്പണിക്ക് സമയം അനുവദിക്കാറില്ല.

റിസര്‍വേഷന്‍ ചാര്‍ട്ടുകള്‍ ഒഴിവാക്കിയേക്കും

തിരുവനന്തപുരം: കമ്പാര്‍ട്ടുമെന്റുകളില്‍ റിസര്‍വേഷന്‍ ചാര്‍ട്ട് ഒട്ടിക്കുന്നത് ഉടന്‍ ഒഴിവാക്കിയേക്കും. ചെന്നൈയിലും മറ്റു പ്രധാനപ്പെട്ട സ്റ്റേഷനുകളിലും ഈ സംവിധാനം ഒഴിവാക്കിക്കഴിഞ്ഞു. റിസര്‍വേഷന്‍ വിവരങ്ങള്‍ ഇപ്പോള്‍ മൊബൈല്‍ ഫോണില്‍ നല്‍കുന്നതിനാല്‍ ചാര്‍ട്ട് അച്ചടിച്ച് തീവണ്ടികളില്‍ ഒട്ടിക്കുന്നത് അപ്രസക്തമാണെന്നാണ് റെയില്‍വേയുടെ വിലയിരുത്തല്‍.

പുതിയ റെയില്‍വേ സമയക്രമമായി


ചെന്നൈ: നവംബര്‍ ഒന്നിന് നിലവില്‍വരുന്ന ദക്ഷിണ റെയില്‍വേയുടെ സമയക്രമത്തില്‍ പുതിയ അഞ്ച് തീവണ്ടികള്‍ പ്രഖ്യാപിച്ചു.

മൂന്ന് തീവണ്ടികളുടെ സര്‍വീസ് ദീര്‍ഘിപ്പിച്ചു. 50 തീവണ്ടികളുടെ വേഗംകൂട്ടി യാത്രാസമയം 10 മിനിറ്റുമുതല്‍ നാലുമണിക്കൂര്‍വരെ കുറച്ചു. പുതിയ തീവണ്ടികളില്‍ മൂന്ന് അന്ത്യോദയ തീവണ്ടികളും ഒരു ഹംസഫര്‍ എക്‌സ്​പ്രസും ഒരു എ.സി. എക്‌സ്​പ്രസും ഉള്‍പ്പെടും

മംഗളൂരു-കൊച്ചുവേളി (16356/16355), താംബരം-തിരുനെല്‍വേലി അന്ത്യോദയ (16191/16192), താംബരം-ചെങ്കോട്ട (16189/16190) എന്നിവയാണ് പുതിയ അന്ത്യോദയ തീവണ്ടികള്‍. മംഗളൂരു-കൊച്ചുവേളി ആലപ്പുഴ വഴി അന്ത്യോദയ എക്‌സ്​പ്രസ് വെള്ളി, ഞായര്‍ ദിവസങ്ങളില്‍ രാത്രി എട്ടിന് മംഗലാപുരത്തുനിന്ന് തിരിച്ച് പിറ്റേ ദിവസങ്ങളില്‍ രാവിലെ 8.15-ന് കൊച്ചുവേളിയില്‍ എത്തും. കൊച്ചുവേളിയില്‍നിന്ന് വ്യാഴം, ശനി ദിവസങ്ങളില്‍ രാത്രി 9.25-ന് തിരിക്കുന്ന തീവണ്ടി പിറ്റേന്ന് 9.15-ന് മംഗളൂരുവില്‍ എത്തും. കൊച്ചുവേളി, ആലപ്പുഴ, എറണാകുളം, ഷൊര്‍ണൂര്‍, കണ്ണൂര്‍, മംഗളൂരു എന്നിവിടങ്ങളില്‍ സ്റ്റോപ്പുണ്ടാകും. 16 സെക്കന്‍ഡ് ക്ലാസ് സിറ്റിങ്ങും രണ്ട് ജനറല്‍ കോച്ചുമാണുണ്ടാവുക.

താംബരത്തുനിന്ന് രാത്രി 12.30-ന് തിരിക്കുന്ന അന്ത്യോദയ തീവണ്ടി (16191) പിറ്റേന്ന് വൈകീട്ട് തിരുനെല്‍വേലിയില്‍ എത്തും. തിരുനെല്‍വേലിയില്‍നിന്ന് വൈകീട്ട് 5.30ന് തിരിക്കുന്ന തീവണ്ടി (16192) പിറ്റേന്ന് രാവിലെ 9.45-ന് താംബരത്ത് എത്തും. വിഴുപുരം, മൈലാടുതുറ, തിരുച്ചിറപ്പള്ളി, മധുര, തിരുനെല്‍വേലി എന്നിവിടങ്ങളില്‍ സ്റ്റോപ്പുണ്ടാകും. ആഴ്ചയില്‍ എല്ലാ ദിവസവും സര്‍വീസുണ്ടാകും.

താംബരം-ചെങ്കോട്ട എക്‌സ്​പ്രസ് (16189) താംബരത്ത് നിന്ന് രാവിലെ ഏഴിന് പുറപ്പെട്ട് രാത്രി 10.30-ന് ചെങ്കോട്ടയിലെത്തും. ചെങ്കോട്ടയില്‍നിന്ന് രാവിലെ ആറിന് പുറപ്പെടുന്ന തീവണ്ടി (16190) രാത്രി 10.30-ന് താംബരത്ത് എത്തും. ആഴ്ചയില്‍ എല്ലാദിവസവും സര്‍വീസുണ്ടാകും.

ഭഗത് ഘോട്ടി -താംബരം പ്രതിവാര എക്‌സ്​പ്രസ് (14815) ഹംസര്‍ എക്‌സ്​പ്രസ് തീവണ്ടി ബുധനാഴ്ച ഉച്ചയ്ക്കുശേഷം 3.20-ന് ഭഗത് ഘോട്ടിയില്‍നിന്ന് സര്‍വീസ് ആരംഭിച്ച് വെള്ളിയാഴ്ച രാവിലെ 10.45-ന് താംബരത്ത് എത്തും. താംബരത്തുനിന്ന് വെള്ളിയാഴ്ചകളില്‍ രാത്രി 7.45-ന് തിരിക്കുന്ന തീവണ്ടി (14816) ഞായറാഴ്ച രാത്രി 7.30-ന് ഭഗത് ഘോട്ടിയിലെത്തും.

ചെന്നൈ സെന്‍ട്രലില്‍നിന്ന് മധുരയിലേക്ക് പ്രതിവാര എ.സി.എക്‌സ്​പ്രസ് പുതിയ സമയക്രമത്തില്‍ ഉള്‍പ്പെടുത്തിയിട്ടുണ്ട്. ചെന്നൈ സെന്‍ട്രലില്‍നിന്ന് വെള്ളിയാഴ്ച രാത്രി 10.30ന് തിരിക്കുന്ന എ.സി.എക്‌സ്​പ്രസ് (20601) പിറ്റേന്ന് 7.20-ന് മധുരയിലെത്തും. ഞായറാഴ്ച രാത്രി 10.45-ന് മധുരയില്‍നിന്ന് തിരിക്കുന്ന തീവണ്ടി (20602) പിറ്റേന്ന് രാവിലെ 7.40-ന് ചെന്നൈ സെന്‍ട്രലിലെത്തും. നവംബര്‍ മൂന്നുമുതല്‍ ചെന്നൈ സെന്‍ട്രലില്‍നിന്നും അഞ്ചാം തീയതി മധുരയില്‍നിന്നും സര്‍വീസ് ആരംഭിക്കും. മറ്റ് തീവണ്ടികള്‍ എപ്പോള്‍ സര്‍വീസ് ആരംഭിക്കുമെന്ന് വ്യക്തമായിട്ടില്ല.

എഗ്!മോര്‍, കച്ചേഗുഡ, പുതുച്ചേരി എക്‌സ്​പ്രസുകളടക്കം

50 തീവണ്ടികളുടെ യാത്രാസമയം കുറയും

വേഗം കൂട്ടുന്നതിനാല്‍ ദക്ഷിണ റെയില്‍വേയുടെ പരിധിയിലൂടെ കടന്നുപോകുന്ന 50 തീവണ്ടികളുടെ യാത്രസമയം പത്തുമിനിറ്റുമുതല്‍ നാലുമണിക്കൂര്‍വരെ കുറയും. മംഗളൂരു-കച്ചേഗുഡ തീവണ്ടിയുടെ യാത്രാസമയം 235 മിനിറ്റാണ് കുറയുന്നത്. പുതുച്ചേരി-മംഗളൂരു എക്‌സ്​പ്രസി(16857)ന്റെ യാത്രാസമയം 75 മിനിറ്റ് കുറയും. പുതുച്ചേരിയില്‍നിന്ന് പുറപ്പെടുന്ന സമയം വൈകുന്നേരം 4.35 തന്നെയായിരിക്കും. മംഗലാപുരത്ത് 11.10-ന് എത്തിയിരുന്ന തീവണ്ടി ഇനി 9.55-ന് എത്തും. മംഗളൂരു-പുതുച്ചേരി തീവണ്ടി(16858)യുടെ യാത്രാസമയം 15 മിനിറ്റ് കുറയും. മംഗളൂരുവില്‍നിന്ന് വൈകുന്നേരം 4.50ന് പുറപ്പെടുന്ന തീവണ്ടി ഇനിമുതല്‍ 5.05ന് പുറപ്പെടും. പുതുച്ചേരിയില്‍ എത്തുന്ന സമയത്തില്‍ മാറ്റമുണ്ടാകില്ല.

ചെന്നൈ എഗ്മോര്‍-മംഗളൂരു എക്‌സ്​പ്രസി(16859)ന്റെ യാത്രാസമയം 60 മിനിറ്റ് കുറയും. രാത്രി 10.15ന് പുറപ്പെട്ടിരുന്ന തീവണ്ടി ഇനി 11.15ന് പുറപ്പെടും. മംഗളൂരുവില്‍ പിറ്റേന്ന് രാത്രി 9.45-ന് എത്തും. എത്തുന്ന സമയത്തില്‍ മാറ്റമില്ല. മംഗളൂരുവില്‍നിന്ന് 6.45-ന് പുറപ്പെട്ടിരുന്ന തീവണ്ടി ഇനി 6.55ന് യാത്രതിരിക്കും. എഗ്മോറില്‍ രാവിലെ 4.45ന് എത്തിയിരുന്ന തീവണ്ടി ഇനി 4.15ന് എത്തും. തിരുവനന്തപുരം-എഗ്മോര്‍ തീവണ്ടി(16724)യുടെ യാത്രാസമയം 20 മിനിറ്റ് കുറയും. തിരുവനന്തപുരത്തുനിന്ന് 4.10ന് പുറപ്പെട്ടിരുന്ന തീവണ്ടി ഇനി 4.15ന് തിരിക്കും. പിറ്റേന്ന് രാവിലെ 8.20ന് എത്തിയിരുന്ന തീവണ്ടി 8.05ന് എത്തും.


പളനി എക്‌സ്​പ്രസ് പാലക്കാട്ടേക്കും അമൃത മധുരയ്ക്കും അനന്തപുരി കൊല്ലത്തേക്കും നീട്ടി

ചെന്നൈ സെന്‍ട്രലില്‍നിന്ന് പഴനിയിലേക്കുള്ള ചെന്നൈ സെന്‍ട്രല്‍- പളനി എക്‌സ്​പ്രസ് (22651-22652) പാലക്കാട്ടേക്ക് സര്‍വീസ് നീട്ടും. ചെന്നൈ സെന്‍ട്രലില്‍നിന്ന് രാത്രി 9.40ന് തിരിക്കുന്ന തീവണ്ടി പിറ്റേന്ന് രാവിലെ 11-ന് പാലക്കാട്ട് എത്തും. പാലക്കാട്ടുനിന്ന് വൈകീട്ട് മൂന്നിന് തിരിക്കുന്ന തീവണ്ടി പിറ്റേന്ന് രാവിലെ 4.15-ന് ചെന്നൈയില്‍ എത്തും. പാലക്കാട്ടേക്കുള്ള സര്‍വീസ് ചൊവ്വാഴ്ച ആരംഭിച്ചു. പാലക്കാട്ട് നിന്ന് ബുധനാഴ്ച സര്‍വീസ് തുടങ്ങും.

തിരുവനന്തപുരത്തുനിന്ന് പാലക്കാട്ടേക്കുള്ള അമൃത എക്‌സ്​പ്രസ് (16343/16344) പൊള്ളാച്ചി, പഴനി വഴി മധുരയിലേക്ക് നീട്ടും. തിരുവനന്തപുരത്തുനിന്ന് രാത്രി 10.30-ന് തിരിക്കുന്ന തീവണ്ടി പിറ്റേന്ന് ഉച്ചയ്ക്ക് 1.10ന് മധുരയില്‍ എത്തും. തിരുവനന്തപുരത്തുനിന്ന് ചൊവ്വാഴ്ച മുതല്‍ മധുരയിലേക്കുളള സര്‍വീസ് ആരംഭിച്ചു.

ചെന്നൈ എഗ്മോര്‍- അനന്തപുരി എക്‌സ്​പ്രസ്(16723/16724) കൊല്ലത്തേക്ക് നീട്ടി. 7.50-ന് തിരിക്കുന്ന തീവണ്ടി ഉച്ചയ്ക്ക് ഒന്നിന് കൊല്ലത്തെത്തും. കൊല്ലത്തുനിന്ന് വൈകുന്നേരം മൂന്നിന് തിരിക്കുന്ന തീവണ്ടി പിറ്റേന്ന് 8.05ന് എഗ്മോറിലെത്തും.

കണ്ണൂര്‍- എറണാകുളം എക്‌സ്​പ്രസ് ആഴ്ചയില്‍ എല്ലാ ദിവസവും ആലപ്പുഴയിലേക്ക് സര്‍വീസ് നടത്തും.

എറണാകുളം - ലോകമാന്യതിലക് തുരന്തോ എക്‌സ്പ്രസിന്റെ എന്‍ജിന്‍ പാളംതെറ്റി, ആര്‍ക്കും പരിക്കില്ല

മുംബൈ: എറണാകുളം - ലോകമാന്യതിലക് തുരന്തോ എക്‌സ്പ്രസിന്റെ എന്‍ജിന്‍ കൊങ്കണില്‍ പാളംതെറ്റി. ആര്‍ക്കും പരിക്കേറ്റിട്ടില്ലെന്ന് എ.എന്‍.ഐ വാര്‍ത്താ ഏജന്‍സി റിപ്പോര്‍ട്ടു ചെയ്തു.
സാവന്ത് വാടി - സരപ് സ്റ്റേഷനുകള്‍ക്കിടെ വ്യാഴാഴ്ച ഉച്ചകഴിഞ്ഞാണ് തീവണ്ടിയുടെ എന്‍ജിന്‍ പാളംതെറ്റിയത്. കൊങ്കണ്‍ പാതയിലൂടെയുള്ള തീവണ്ടി ഗതാഗതത്തെ അപകം ബാധിച്ചേക്കും. അപകട സ്ഥലത്തേക്ക് പ്രത്യേക സംഘം തിരിച്ചിട്ടുണ്ടെന്നും പാളംതെറ്റിയ എന്‍ജിന്‍ നീക്കി പാളത്തിന്റെ അറ്റകുറ്റപ്പണി ഉടന്‍ പൂര്‍ത്തിയാക്കുമെന്നും റെയില്‍വെ അധികൃതര്‍ മാധ്യമങ്ങളോട് പറഞ്ഞു.


തീവണ്ടി സര്‍വീസുകള്‍ സംബന്ധിച്ച വിവരങ്ങള്‍ കൊങ്കണ്‍ റെയില്‍വെയുടെ വെബ് സൈറ്റില്‍ (www.konkanrailway.com) ലഭിക്കുമെന്ന് അധികൃതരെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്തു.

അറ്റകുറ്റപ്പണി; തിരുവനന്തപുരത്ത് നിന്നുള്ള മാവേലി, മലബാര്‍ എക്‌സ്പ്രസുകള്‍ വൈകിയോടും

റെയില്‍വേ പാലക്കാട് ഡിവിഷന് കീഴില്‍ അറ്റകുറ്റപ്പണികള്‍ നടക്കുന്നതിനാല്‍ തിരുവനന്തപുരത്ത് നിന്നും പുറപ്പെടേണ്ട മാവേലി, മലബാര്‍ എക്‌സ്പ്രസുകള്‍ മൂന്ന് മണിക്കൂറോളം വൈകിയോടുമെന്ന് തിരുവനന്തപുരം റെയില്‍വേ ഡിവിഷന്‍ പത്രക്കുറിപ്പില്‍ അറിയിച്ചു.
തിരുവനന്തപുരത്ത് നിന്നും വൈകിട്ട് 06.45ന് പുറപ്പെടേണ്ടിയിരുന്ന ട്രെയിന്‍ നമ്പര്‍ 16629 തിരുവനന്തപുരം-മംഗലാപുരം മലബാര്‍ എക്‌സ്പ്രസ് (കോട്ടയം വഴി) 08.05നാവും പുറപ്പെടുക.


തിരുവനന്തപുരത്ത് നിന്നും 07.25ന് പുറപ്പെടേണ്ട ട്രെയിന്‍ നമ്പര്‍ 16604 തിരുവനന്തപുരം-മംഗലാപുരം മാവേലി എക്‌സ്പ്രസ്( ആലപ്പുഴ) 10.25നാവും പുറപ്പെടുക.

സംസ്ഥാനത്ത് കനത്ത മഴ: കോട്ടയത്ത് തീവണ്ടി ഗതാഗതം തടസ്സപ്പെട്ടു

പാത ഇരട്ടിപ്പിക്കല്‍ ജോലികള്‍ നടക്കുന്ന കോട്ടയത്തെ ചിങ്ങവനത്ത് മണ്ണിടിഞ്ഞ് വീണതിനെ തുടര്‍ന്ന് തീവണ്ടി ഗതാഗതം തടസ്സപ്പെട്ടിരിക്കുകയാണ്.

For more details call us,

30 മുതല്‍ തീവണ്ടിനിയന്ത്രണം

പാലക്കാട്: ഷൊര്‍ണൂരില്‍ റെയില്‍പ്പാത അറ്റകുറ്റപ്പണി നടക്കുന്നതിനാല്‍ ഈമാസം 30 മുതല്‍ ഓഗസ്റ്റ് നാലുവരെ തീവണ്ടികള്‍ക്ക് നിയന്ത്രണം. തിങ്കളാഴ്ച ഒഴികെയുള്ള ദിവസങ്ങളിലാണ് ഇത് ബാധകമാവുക.
ഞായറാഴ്ച * പാലക്കാട്ടുനിന്ന് എറണാകുളത്തേക്കും തിരികെയുമുള്ള മെമുസര്‍വീസ് റദ്ദാക്കി. * കണ്ണൂര്‍-ആലപ്പുഴ എക്‌സിക്യുട്ടീവ് എക്‌സ്​പ്രസ് കണ്ണൂരില്‍നിന്ന് ഒരുമണിക്കൂര്‍ വൈകി പുറപ്പെടും. ചൊവ്വ * 22149 എറണാകുളം-പുണെ എക്‌സ്​പ്രസ് എറണാകുളം ജങ്ഷനില്‍നിന്ന് 40 മിനിറ്റ് വൈകി പുറപ്പെടും. * തൃശ്ശൂര്‍-കണ്ണൂര്‍ പാസഞ്ചര്‍ തൃശ്ശൂരില്‍നിന്ന് 70 മിനിറ്റ് വൈകി പുറപ്പെടും * നിസാമുദ്ദീന്‍-എറണാകുളം മംഗള ലക്ഷദ്വീപ് സൂപ്പര്‍ഫാസ്റ്റ് (30 മിനിറ്റ്), ചെന്നൈ-എഗ്മൂര്‍ എറണാകുളം എക്‌സ്​പ്രസ് സ്‌പെഷ്യല്‍വണ്ടി (70), കോഴിക്കോട്-തൃശ്ശൂര്‍ പാസഞ്ചര്‍ (ഒരുമണിക്കൂര്‍) ന്യൂഡല്‍ഹി-തിരുവനന്തപുരം കേരള എക്‌സ്​പ്രസ് (25 മിനിറ്റ്), ബനാസ്വാഡി-എറണാകുളം പ്രതിവാര പ്രത്യേകവണ്ടി (30 മിനിറ്റ്) എന്നിവയ്ക്ക് നിയന്ത്രണമുണ്ടാകും.
ബുധന്‍ * തൃശ്ശൂര്‍-കണ്ണൂര്‍ പാസഞ്ചര്‍ തൃശ്ശൂരില്‍നിന്ന് 70 മിനിറ്റ് വൈകി പുറപ്പെടും * തിരുവനന്തപുരം-നിസാമുദ്ദീന്‍ പ്രതിവാര സൂപ്പര്‍ഫാസ്റ്റ് വണ്ടി തിരുവനന്തപുരം സെന്‍ട്രലില്‍നിന്ന് 40 മിനിറ്റ് വൈകി പുറപ്പെടും. * നിസാമുദ്ദിന്‍-തിരുവനന്തപുരം പ്രതിവാര സൂപ്പര്‍ഫാസ്റ്റ് വണ്ടിക്ക് ഒരുമണിക്കൂര്‍ നിയന്ത്രണമുണ്ടാകും ഓഗസ്റ്റ് മൂന്ന്, നാല് * 66604, 66605 കോയമ്പത്തൂര്‍-ഷൊര്‍ണൂര്‍ മെമു പാലക്കാടിനും ഷൊര്‍ണൂരിനുമിടയില്‍ ഓടില്ല. * പുനലൂര്‍-പാലക്കാട് ജങ്ഷന്‍ പാലരുവി എക്‌സ്​പ്രസ് പുനലൂരിനും തൃശ്ശൂരിനുമിടയില്‍മാത്രമേ ഓടൂ. ഈ രണ്ടുദിവസവും വണ്ടി പാലക്കാട്ടേക്കുണ്ടാവില്ല. * മംഗളൂരു-ചെന്നൈ എഗ്മൂര്‍ എക്‌സ്​പ്രസ് അമ്പതുമിനിറ്റ് വീതം നിയന്ത്രിക്കും. * തിരുവനന്തപുരം-കോര്‍ബ ദ്വൈവാര വണ്ടി വ്യാഴാഴ്ച 25 മിനിറ്റ് നിയന്ത്രിക്കും. * എറണാകുളം-ബറൗണി ജങ്ഷന്‍ രപ്തിസാഗര്‍ എക്‌സ്​പ്രസിന് വെള്ളിയാഴ്ച 25 മിനിറ്റ് നിയന്ത്രണമുണ്ടാകും.

ജൂലായ് മുതല്‍ തീവണ്ടികളില്‍ വെയിറ്റിങ് ലിസ്റ്റില്ല

കുറ്റിപ്പുറം: ജൂലായ് ഒന്നുമുതല്‍ സമഗ്രപരിഷ്‌കാരം നടപ്പാക്കാനൊരുങ്ങി ഇന്ത്യന്‍ റെയില്‍വേ. വെയിറ്റിങ് ലിസ്റ്റ് സമ്പ്രദായം ഇല്ലാതാകുന്നതും കടലാസുരഹിത ടിക്കറ്റില്‍ മാത്രം യാത്ര എന്നുള്ളതുമാണ് പ്രധാന പരിഷ്‌കാരങ്ങള്‍. സീറ്റ് ഉറപ്പായ ടിക്കറ്റുകളും റദ്ദാക്കാന്‍ കഴിയാത്ത റിസര്‍വേഷന്‍ (ആര്‍.എ.സി.) ടിക്കറ്റുകളും മാത്രമേ ഇനിയുണ്ടാകൂ. രാജധാനി, ശതാബ്ദി തീവണ്ടികളിലാണ് കടലാസ്രഹിത ടിക്കറ്റ് സംവിധാനം ആദ്യഘട്ടത്തില്‍ നടപ്പാക്കുന്നത്. ഈ വണ്ടികളില്‍ മൊബൈല്‍ ടിക്കറ്റുകള്‍ക്ക് മാത്രമേ ഇനിമുതല്‍ സാധുതയുണ്ടാകൂ. കഴിഞ്ഞ ജൂലായ് മുതല്‍ പദ്ധതി നടപ്പാക്കാന്‍ തീരുമാനമുണ്ടായിരുന്നെങ്കിലും പിന്നീട് മാറ്റിവെയ്ക്കുകയായിരുന്നു. രാജധാനി, ശതാബ്ദി തീവണ്ടികളുടെ കോച്ചുകളുടെ എണ്ണം വര്‍ധിപ്പിക്കാനും തീരുമാനിച്ചിട്ടുണ്ട്. ഐ.ആര്‍.സി.ടി.സി. വെബ് സൈറ്റില്‍ ടിക്കറ്റ് ബുക്കിങ്ങിനായി വ്യത്യസ്ത ഭാഷകള്‍ അടുത്തമാസം മുതല്‍ ലഭ്യമാകും. പ്രീമിയം തീവണ്ടികള്‍ നിര്‍ത്തലാക്കാനും തീരുമാനിച്ചിട്ടുണ്ട്. യാത്രക്കാരെ വിളിച്ചുണര്‍ത്തുന്ന സംവിധാനം എല്ലാ തീവണ്ടികളിലും അടുത്തമാസം മുതല്‍ ലഭ്യമാകും. തത്ക്കാല്‍ ടിക്കറ്റ് കൗണ്ടറുകളുടെ പ്രവര്‍ത്തനം എ.സി. കോച്ചുകളുടേത് 10 മുതല്‍ 11 വരെയും സ്ലീപ്പര്‍ കോച്ചുകളുടേത് 11 മുതല്‍ 12 വരെയുമായിരിക്കും.
(കടപ്പാട് മാതൃഭൂമി)

വേനല്‍ക്കാല തീവണ്ടികളില്‍ പൊള്ളുന്ന നിരക്ക്‌

തിരുവനന്തപുരം: വേനല്‍ക്കാല പ്രത്യേക തീവണ്ടികളായി കേരളത്തിന് റെയില്‍വേ നല്‍കിയതെല്ലാം വന്‍നിരക്ക് ഈടാക്കുന്ന സുവിധയും സ്‌പെഷ്യല്‍ നിരക്കുകളുള്ളവയും. തത്കാല്‍ നിരക്കിനേക്കാള്‍ ഉയര്‍ന്ന നിരക്കാണ് ഇവയില്‍ ഈടാക്കുന്നത്. യാത്രക്കാരേറെയുള്ള ചെന്നൈ, ഗുവാഹാട്ടി പാതകളില്‍ ഉയര്‍ന്ന നിരക്കുള്ള 27 സുവിധ, സ്‌പെഷ്യല്‍ തീവണ്ടികളാണുള്ളത്. സുവിധ എന്ന പേര് കൂട്ടിച്ചേര്‍ക്കുമ്പോള്‍ ടിക്കറ്റ് നിരക്ക് മാത്രമാണ് ഉയരുന്നത്. പഴയ തീവണ്ടികള്‍ അതേപടി പേരുമാറ്റിയാണ് ഓടിക്കുന്നത്. അടിസ്ഥാനസൗകര്യങ്ങളില്‍ ഒരു മാറ്റവുമില്ല. ആദ്യത്തെ 25 ശതമാനം ടിക്കറ്റുകള്‍ക്ക് തത്കാല്‍ നിരക്കിന്റെ 20 ശതമാനം കൂട്ടിയാണ് സുവിധയില്‍ ബുക്കിങ് തുടങ്ങുന്നത്. മറ്റൊരു 25 ശതമാനം ടിക്കറ്റുകള്‍ക്ക് തത്കാലിന്റെ ഇരട്ടിയും ബാക്കി 50 ശതമാനത്തിന് രണ്ടിരട്ടിയും മൂന്നിരട്ടിയുമായി നിരക്ക് ഉയരും. സുവിധ, സ്‌പെഷ്യല്‍ തീവണ്ടികള്‍ ഏര്‍പ്പെടുത്തിയപ്പോള്‍ പ്രഖ്യാപിച്ച വേഗം പാലക്കാട്, തിരുവനന്തപുരം ഡിവിഷനുകളില്‍ പാലിക്കാനാകുന്നില്ല. പതിവു തിരക്കുകള്‍ക്കിടയില്‍ മണിക്കൂറുകള്‍ വൈകിയാണ് ഇവയെത്തുന്നത്. നിരക്ക് ഇരട്ടിയോളം നല്‍കിയിട്ടും അഞ്ചും ആറും മണിക്കൂറുകള്‍ വൈകിയാണ് പലപ്പോഴും യാത്രക്കാര്‍ ലക്ഷ്യത്തിലെത്തുന്നത്. 12 മണിക്കൂര്‍വരെ വൈകിയ സംഭവവുമുണ്ട്. നിസാമുദ്ദീന്‍, പുണെ, ഹൈദരാബാദ്, മൈസൂര്‍, കാരയ്ക്കല്‍ പാതകളിലായി സംസ്ഥാനത്തേക്ക് 160 സ്‌പെഷ്യല്‍ ഫെയര്‍ തീവണ്ടികളാണുള്ളത്. തത്കാല്‍ നിരക്കിന്റെ 10 ശതമാനംകൂടി ഇവയ്ക്ക് അധികമായി നല്‍കണം. ഇതില്‍ തിരുച്ചിറപ്പള്ളി വഴി കാരയ്ക്കലിലേക്ക് ജൂണ്‍ മുതലുള്ള സ്‌പെഷ്യല്‍ഫെയര്‍ തീവണ്ടികള്‍ റദ്ദാക്കി. ബുക്കിങ് ലഭിക്കാത്തതുമൂലമാണെന്നാണ് ഔദ്യോഗിക വിശദീകരണം. ജൂണ്‍ രണ്ടുമുതലുള്ള 11 തീവണ്ടികളാണ് റദ്ദാക്കിയത്. ഇവയിലേക്ക് ഒരു ബുക്കിങ് പോലും ലഭിച്ചിട്ടില്ലെന്ന് റെയില്‍വേ അറിയിച്ചു.
കൊള്ളയ്ക്ക് പ്രീമിയം തത്കാലും സുവിധ തീവണ്ടികളിലെ കൊള്ളനിരക്ക് നിലവിലെ എക്‌സ്​പ്രസുകളിലേക്കും കൊണ്ടുവരുന്ന വഴിയാണ് പ്രീമിയം തത്കാല്‍. തത്കാലിന്റെ ഇരട്ടി നിരക്കാണ് പ്രീമിയം തത്കാലില്‍ ഈടാക്കുക. പത്തുശതമാനം ടിക്കറ്റുകളാണ് തത്കാലില്‍ നല്‍കുന്നത്. ഇതില്‍നിന്ന് 50 ശതമാനം ടിക്കറ്റു മാറ്റിവെച്ച് ഇരട്ടിത്തുകയ്ക്ക് നല്‍കുന്നതാണ് പ്രീമിയം തത്കാല്‍. കേരള, ഹൈദരാബാദ് ശബരി, മുംബൈ-കന്യാകുമാരി, എറണാകുളം മംഗള എന്നിവയിലാണ് പ്രീമിയം തത്കാല്‍ ഉണ്ടായിരുന്നത്. തിരുവനന്തപുരം-ചെന്നൈ മെയില്‍, ചെന്നൈ സൂപ്പര്‍, മലബാര്‍, അനന്തപുരി തുടങ്ങിയ തീവണ്ടികളാണ് പ്രീമിയം തത്കാലിലേക്ക് ഉള്‍പ്പെടുത്തിയത്. അനന്തപുരി എക്‌സ്​പ്രസില്‍ ചെന്നൈയിലേക്ക് സ്ലീപ്പര്‍ ടിക്കറ്റ് നിരക്ക് 400 രൂപയാണ്. ഇത് പ്രീമിയം തത്കാലിലേക്ക് മാറ്റുമ്പോള്‍ 800 രൂപ നല്‍കേണ്ടിവരും.

New Ernakulam - Rameswaram Express!
ഒറ്റ ദിവസത്തെ അവധിയെടുത്ത് രാമേശ്വരം ധനുഷ്കോടി പോകാനാഗ്രഹിക്കുന്ന സഞ്ചാരികൾക്കായി ഒരു ഇൻഫോർമേഷൻ.... എല്ലാ ഞായറാഴ്ചയും വൈകിട്ട് 4 മണിക്ക് എറണാകുളം ജംഗ്ഷനിൽ നിന്ന് പുറപ്പെട്ട് പിറ്റെന്ന് അതിരാവിലെ 4 മണിക്ക് രാമേശ്വരം എത്തുന്ന രീതിയിൽ ട്രെയിൻ സർവീസ് ആരംഭിച്ച് ഒരു മാസമാകുന്നു.... രാവിലെ 4 മുതൽ രാത്രി പത്ത് മണി വരെ അവിടെ ചിലവിട്ട് അതേ ദിവസം രാത്രി പത്ത് മണിക്ക് തിരികെ പുറപ്പെടുന്ന ട്രെയിൻ കയറിയാൽ പിറ്റെന്ന് രാവിലെ 10:15 ന് എറണാകുളം എത്തുന്നു..... ചിലവ് കുറച്ച് ധനുഷ്കോടിയും രാമേശ്വരവും കാണാനുള്ള അവസരം പരമാവധി പ്രയോജനപ്പെടുത്തുക.... ഇപ്പോൾ വീക്ക് ലി സ്പെഷ്യൽ സർവീസ് നടത്തുന്ന ഈ ട്രെയിൻ ലാഭകരമല്ലെങ്കിൽ ഏതാനും മാസങ്ങൾക്കുള്ളിൽ സർവീസ് നിർത്താൻ സാധ്യതയുണ്ട്....
നിലവിൽ ജൂൺ 26 വരെയാണ് ഈ ട്രെയിൻ സർവീസ് അനുവദിച്ചിരിക്കുന്നത്... തുടരുമോ എന്ന കാര്യത്തിൽ നിശ്ചയമില്ല....

ERS - RMM .. Tr No .06035
RMM- ERS ... Tr No .06036
Our 24/7 contact number +919895395228

ചെന്നൈയില്‍നിന്ന് കേരളത്തിലേക്ക് പ്രത്യേക തീവണ്ടികള്‍

ചെന്നൈ: യാത്രാത്തിരക്ക് കുറയ്ക്കാന്‍ ചെന്നൈയില്‍നിന്ന് കേരളം വഴി പ്രത്യേക നിരക്കിലുള്ള തീവണ്ടികള്‍ ഓടിക്കും ചെന്നൈ സെന്‍ട്രല്‍- ഗോവ ചെന്നൈ സെന്‍ട്രലില്‍നിന്ന് ഗോവയിലേക്ക് ജൂണ്‍ ആറിനാണ് പ്രത്യേക നിരക്ക് തീവണ്ടി ഓടിക്കുക. ചെന്നൈയില്‍നിന്ന് വൈകിട്ട് ആറിന് തിരിക്കുന്ന തീവണ്ടി (06055) പിറ്റേന്ന് വൈകിട്ട് നാലിന് ഗോവയിലെത്തും. കേരളത്തില്‍ പാലക്കാട്, ഷൊര്‍ണൂര്‍, കോഴിക്കോട്, കണ്ണൂര്‍, കാസര്‍കോട് എന്നിവിടങ്ങളില്‍ സ്റ്റോപ്പുണ്ടാകും. കൊച്ചുവേളി-എഗ്മോര്‍ യാത്രാത്തിരക്ക് കുറയ്ക്കാന്‍ കൊച്ചുവേളിയില്‍നിന്ന് എഗ്മോറിലേക്ക് മേയ് 25, ജൂണ്‍ 1, 8, 15, 22, 29 തീയതികളില്‍ പ്രത്യേക നിരക്കിലുള്ള തീവണ്ടി അനുവദിച്ചു. രാവിലെ 5.10-ന് കൊച്ചുവേളിയില്‍നിന്ന് തിരിക്കുന്ന തീവണ്ടി (06066) അതേ രാത്രി 9.45-ന് എഗ്മോറിലെത്തും. എഗ്മോര്‍ -കൊച്ചുവേളി എഗ്മോറില്‍നിന്ന് കൊച്ചുവേളിയിലേക്ക് മേയ് 25, ജൂണ്‍ 1, 8, 15, 22, 29 തീയതികളില്‍ പ്രത്യേകനിരക്ക് തീവണ്ടി അനുവദിക്കും. എഗ്മോറില്‍ നിന്ന് രാത്രി 11.45-ന് തിരിക്കുന്ന തീവണ്ടി (06065) പിറ്റേന്ന് വൈകിട്ട് 4.55-ന് കൊച്ചുവേളിയിലെത്തും. താംബരം, ചെങ്കല്‍പ്പെട്ട്, വിഴുപുരം, മൈലാടുതുറൈ, കുംഭകോണം, തഞ്ചാവൂര്‍, തിരുച്ചിറപ്പള്ളി, ദിണ്ടിഗല്‍, മധുര, വിരുദനഗര്‍, കോവില്‍പ്പട്ടി, തിരുനെല്‍വേലി, വല്ലിയൂര്‍, നാഗര്‍കോവില്‍ ടൗണ്‍, കുഴിത്തുറൈ, നെയ്യാറ്റിന്‍കര, തിരുവനന്തപുരം എന്നിവിടങ്ങളില്‍ സ്റ്റോപ്പുണ്ടാകും. ചെന്നൈ എഗ്മോര്‍-എറണാകുളം ചെന്നൈ എഗ്മോറില്‍നിന്ന് എറണാകുളത്തേക്ക് ജൂണ്‍ മൂന്ന്, 10, 17, 24 തീയതികളില്‍ രാത്രി 10.40-ന് തിരിക്കുന്ന തീവണ്ടി (06033) പിറ്റേന്ന് 10.45-ന് എറണാകുളം ജങ്ഷനിലെത്തും. എറണാകുളം ജങ്ഷനില്‍നിന്ന് ജൂണ്‍ ആറ്, 13, 20, 27 തീയതികളില്‍ രാത്രി ഏഴിന് പുറപ്പെടുന്ന തീവണ്ടി (06034) പിറ്റേന്ന് ഏഴരയ്ക്ക് ചെന്നൈ എഗ്മോറിലെത്തും. തീവണ്ടികളിലേക്ക് റിസര്‍വേഷന്‍ ആരംഭിച്ചു.
കടപ്പാട് മാതൃഭൂമി വാര്‍ത്ത

ഇരട്ടപ്പാത നിര്‍മാണം: 10മുതല്‍ 27വരെ തീവണ്ടികള്‍ തടസ്സപ്പെടും

കോട്ടയം: കോട്ടയം-ചിങ്ങവനം ഭാഗത്ത് റെയില്‍വേ ഇരട്ടപ്പാത നിര്‍മാണവുമായി ബന്ധപ്പെട്ട് ഏപ്രില്‍ 10 മുതല്‍ 27 വരെ ചില തീവണ്ടിസര്‍വീസുകള്‍ ഭാഗികമായി തടസ്സപ്പെടും. കൊല്ലം-എറണാകുളം മെമു(66308) ഒരുമണിക്കൂര്‍ 20 മിനിറ്റ് വൈകിയാവും പുറപ്പെടുക.

എറണാകുളത്തുനിന്ന് 11.30നു പുറപ്പെടുന്ന എറണാകുളം-കന്യാകുമാരി പാസഞ്ചര്‍(56387) കോട്ടയം ഭാഗത്ത് ഒരുമണിക്കൂര്‍ വൈകും.

കോര്‍ബ-തിരുവനന്തപുരം എക്‌സ്​പ്രസ് (22647) കോട്ടയം ഭാഗത്ത് 15 മിനിറ്റ്‌ വൈകും.
(കടപ്പാട് മാതൃഭൂമി വാര്‍ത്ത)

വേനല്‍ക്കാല പ്രത്യേക തീവണ്ടികള്‍

തിരുവനന്തപുരം: അവധിക്കാല തിരക്കു പരിഗണിച്ച് റെയില്‍വേ മംഗളൂരു, പുതുച്ചേരി, ഹൗറ പാതകളില്‍ പ്രത്യേക തീവണ്ടികള്‍ ഓടിക്കും. കൊച്ചുവേളി-മംഗളൂരു പ്രത്യേക തീവണ്ടി-06053 (കോട്ടയം വഴി) ഏഴുമുതല്‍ ജൂണ്‍ 30വരെ കൊച്ചുവേളിയില്‍നിന്ന് വെള്ളിയാഴ്ചകളില്‍ വൈകുന്നേരം 6.35ന് പുറപ്പെടും. പിറ്റേന്നു രാവിലെ 5.10ന് മംഗളൂരു ജങ്ഷനില്‍ എത്തും. ഒന്‍പതു മുതല്‍ ജൂലായ് രണ്ടുവരെ മടക്കയാത്രയില്‍ (06054) മംഗളൂരുവില്‍ നിന്ന് എല്ലാ ഞായറാഴ്ചകളിലും ഉച്ചതിരിഞ്ഞ് 3.40ന് പുറപ്പെട്ട് പിറ്റേന്നു പുലര്‍ച്ചെ അഞ്ചിന് കൊച്ചുവേളി ജങ്ഷനില്‍ എത്തും. ഒരു തേഡ് എ.സി., എട്ട് സ്ലീപ്പര്‍ ക്ലാസ്, എട്ട് ജനറല്‍ കോച്ചുകള്‍ എന്നിവയടങ്ങുന്നതാണ് വണ്ടി. കൊല്ലം, കായംകുളം, ചെങ്ങന്നൂര്‍, തിരുവല്ല, കോട്ടയം, എറണാകുളം ടൗണ്‍, ആലുവ, തൃശ്ശൂര്‍, ഷൊര്‍ണൂര്‍, കോഴിക്കോട്, കണ്ണൂര്‍, കാസര്‍കോട് സ്റ്റേഷനുകളില്‍ നിര്‍ത്തും.
കൊച്ചുവേളി-പുതുച്ചേരി (നാഗര്‍കോവില്‍ ടൗണ്‍ വഴി) ആറിനും ജൂണ്‍ 21നുമിടയ്ക്ക് വ്യാഴാഴ്ചകളില്‍ രാവിലെ 5.10ന് കൊച്ചുവേളിയില്‍ നിന്ന് പുറപ്പെടുന്ന തീവണ്ടി (60652) അന്നുരാത്രി 8.10ന് പുതുച്ചേരിയിലെത്തും. ആറിനും ജൂണ്‍ 29നുമിടയ്ക്ക് ഈ വണ്ടി (06051) എല്ലാ വെള്ളിയാഴ്ചകളിലും രാത്രി 10.30ന് പുതുച്ചേരിയില്‍ നിന്ന് പുറപ്പെട്ട് പിറ്റേന്ന് ഉച്ചയ്ക്ക് 2.15ന് കൊച്ചുവേളിയിലെത്തും. ഒരു തേഡ് എ.സി., എട്ട് സ്ലീപ്പര്‍ ക്ലാസ്, എട്ട് ജനറല്‍ കോച്ചുകള്‍ എന്നിവയടങ്ങുന്ന വണ്ടി തിരുവനന്തപുരം, കുഴിത്തുറ, നാഗര്‍കോവില്‍ ടൗണ്‍, വള്ളിയൂര്‍, തിരുനെല്‍വേലി, കോവില്‍പ്പട്ടി, സാത്തൂര്‍, വിരുദനഗര്‍, മധുരൈ, ഡിണ്ടിഗല്‍, തിരുച്ചിറപ്പള്ളി, വിരുദാചലം, വില്ലുപുരം എന്നിവിടങ്ങളില്‍ നിര്‍ത്തും.
എറണാകുളം-ഹൗറ സുവിധാ സ്‌പെഷ്യല്‍
ശനിയാഴ്ച വൈകുന്നേരം അഞ്ചിന് ഹൗറയില്‍ നിന്ന് പുറപ്പെടുന്ന സുവിധാ സ്‌പെഷ്യല്‍ (82801) തിങ്കളാഴ്ച രാവിലെ ആറിന് എറണാകുളം ജങ്ഷനിലെത്തും. മടക്കയാത്രയില്‍ (02856) ഏപ്രില്‍ നാലിന് രാവിലെ 8.50ന് എറണാകുളം ജങ്ഷനില്‍ നിന്ന് പുറപ്പെട്ട് തൊട്ടടുത്ത പിറ്റേന്നു രാത്രി 11ന് ഹൗറയിലെത്തും. എട്ടു ത്രീ ടയര്‍ എ.സി. കോച്ചുകളും എട്ട്സ്ലീപ്പര്‍ കോച്ചുകളുമുള്ള ഈ വണ്ടിക്ക് ആലുവ, തൃശ്ശൂര്‍, പാലക്കാട് കോയമ്പത്തൂര്‍, ഈറോഡ്, ജോലാര്‍പേട്ട, റെനിഗുണ്ട എന്നിവിടങ്ങളില്‍ സ്റ്റോപ്പുണ്ടാകും.
(കടപ്പാട്, മാതൃഭൂമി വാര്‍ത്ത)

കടപ്പാട്, മലയാള മനോരമ

റിസര്‍വേഷനില്ലെങ്കില്‍ യാത്ര ഒഴിവാക്കേണ്ട

ന്യൂഡല്‍ഹി: റിസര്‍വേഷന്‍ ലഭിക്കാത്തതുകാരണം തീവണ്ടി യാത്ര ഒഴിവാക്കേണ്ടിവരുന്നത് പരിഹരിക്കാന്‍ ഏപ്രില്‍ ഒന്നുമുതല്‍ എല്ലാ റെയില്‍റൂട്ടിലും സമാന്തര ടിക്കറ്റ് പദ്ധതി (വികല്പ്) നടപ്പാക്കും. ഒരു തീവണ്ടിയില്‍ റിസര്‍വേഷന്‍ ലഭിച്ചില്ലെങ്കിലും ടിക്കറ്റ് റദ്ദാക്കി മറ്റുസാധ്യതകള്‍ തേടാതെ, അതേ റൂട്ടിലുള്ള മറ്റുവണ്ടികളില്‍ യാത്രയ്ക്ക് അവസരമൊരുക്കുന്നതാണ് പദ്ധതി. രാജധാനി, തുരന്തോ, മെയില്‍, എക്‌സ്​പ്രസ്, ശതാബ്ദി, ഹംസഫര്‍ തുടങ്ങി എല്ലാ തീവണ്ടികള്‍ക്കും സ്‌പെഷ്യല്‍ തീവണ്ടികള്‍ക്കും പദ്ധതി ബാധകമായിരിക്കും. സീറ്റുകള്‍ ഒഴിച്ചിട്ടുള്ള യാത്ര പരമാവധി ഒഴിവാക്കുകയാണ് ലക്ഷ്യം. റെയില്‍വേ മന്ത്രി സുരേഷ് പ്രഭു ബുധനാഴ്ച പദ്ധതി ഉദ്ഘാടനം ചെയ്തു. മെയില്‍, എക്‌സ്​പ്രസ് വണ്ടികളില്‍ ടിക്കറ്റ് ബുക്കുചെയ്യുന്നവര്‍ക്ക് റിസര്‍വേഷന്‍ ആയില്ലെങ്കില്‍ ഉടന്‍ അതേ റൂട്ടിലുള്ള മെയില്‍, എക്‌സ്​പ്രസ്, രാജധാനി, ശതാബ്ദി, സ്‌പെഷ്യല്‍ തീവണ്ടികളിലേക്ക് മാറാം. സാധാരണ വണ്ടികളില്‍നിന്ന് രാജധാനിപോലുള്ള വണ്ടികളിലേക്കാണ് മാറുന്നതെങ്കിലും അധികനിരക്ക് നല്‍കേണ്ടിവരില്ല. ഓണ്‍ലൈന്‍ ടിക്കറ്റുകള്‍ക്കും പി.ആര്‍.എസ്. ടിക്കറ്റുകള്‍ക്കും പദ്ധതി ബാധകമാവും. ഐ.ആര്‍.സി.ടി.സി. വെബ്‌സൈറ്റില്‍ വികല്പ് ടിക്കറ്റുകള്‍ ലഭിക്കാന്‍ പ്രത്യേക സംവിധാനമുണ്ടാവും. ഒരു വണ്ടിയില്‍നിന്ന് മറ്റൊരു വണ്ടിയിലേക്ക് ടിക്കറ്റ് മാറിയ വിവരം യാത്രക്കാരനെ എസ്.എം.എസിലൂടെ അറിയിക്കും. നിലവില്‍ റിസര്‍വേഷന്‍ സംവിധാനം ഏകീകൃതമല്ല. ബുക്കുചെയ്ത വണ്ടികളില്‍ റിസര്‍വേഷന്‍ ലഭിച്ചില്ലെങ്കില്‍ മിക്കവരും ടിക്കറ്റ് റദ്ദാക്കുന്നതിനാല്‍ പണം തിരികെ നല്‍കേണ്ടിവരുന്നത് റെയില്‍വേയ്ക്ക് സാമ്പത്തികനഷ്ടമുണ്ടാക്കുന്നു. അതേസമയം, അതേ റൂട്ടുകളിലുള്ള മറ്റുതീവണ്ടികളില്‍ സീറ്റുകള്‍ ഒഴിഞ്ഞുകിടക്കുന്നത് പതിവാണ്. ഒരു വണ്ടിയില്‍ ടിക്കറ്റ് തുക മടക്കിനല്‍കുമ്പോള്‍ മറ്റുവണ്ടികളില്‍ സീറ്റുകള്‍ ഒഴിഞ്ഞുകിടക്കുന്നത് റെയില്‍വേയ്ക്ക് ഇരട്ടി നഷ്ടമാണ്. വികല്പ് പദ്ധതി ഇതിന് പരിഹാരമാകുമെന്നാണ് പ്രതീക്ഷ. ഒരു ക്ലാസില്‍ ടിക്കറ്റെടുക്കുന്നവര്‍ക്ക് യാത്രാനിരക്ക് കുറയാതെ ഉയര്‍ന്ന ക്ലാസിലേക്ക് സ്വാഭാവികമായി ടിക്കറ്റ് ലഭ്യമാവുന്ന അപ്ഗ്രഡേഷന്‍ സംവിധാനം 2006-ല്‍ നടപ്പാക്കിയിരുന്നു. എന്നാല്‍, ഒരേ റൂട്ടില്‍ ഒരു വണ്ടിയില്‍ ടിക്കറ്റില്ലാതെവരികയും മറ്റുവണ്ടികളില്‍ സീറ്റൊഴിഞ്ഞുകിടക്കുകയും ചെയ്യുമ്പോഴുള്ള പ്രശ്‌നം പരിഹരിക്കാന്‍ സംവിധാനമുണ്ടായിരുന്നില്ല. ഇതിനായി 2015 നവംബറില്‍ ആവിഷ്‌കരിച്ചതാണ് വികല്പ് പദ്ധതി. ഡല്‍ഹി- ജമ്മു, ഡല്‍ഹി -ലഖ്‌നൗ, ഡല്‍ഹി-ഹൗറ തുടങ്ങി ഏതാനും റൂട്ടുകളില്‍ നടത്തിയ പരീക്ഷണം വിജയമായതോടെ പദ്ധതി രാജ്യവ്യാപകമാക്കുകയായിരുന്നു.
(കടപ്പാട് മാതൃഭൂമി വാര്‍ത്ത)

നാളെ മുതല്‍ ഫെബ്രുവരി ആറുവരെ സംസ്ഥാനത്ത് ട്രെയിന്‍ ഗതാഗതത്തിന് നിയന്ത്രണം പാത ഇരട്ടിപ്പിക്കലും പാളങ്ങളിലെ അറ്റകുറ്റപ്പണികളും കണക്കിലെടുത്ത് നാളെ മുതല്‍ ഫെബ്രുവരി ആറുവരെ സംസ്ഥാനത്ത് ട്രെയിന്‍ ഗതാഗതത്തിന് നിയന്ത്രണം ഏര്‍പ്പെടുത്തി. എറണാകുളത്തിനും കൊല്ലത്തിനുമിടയില്‍ സര്‍വീസ് നടത്തുന്ന ഏഴ് പാസഞ്ചര്‍, മെമു ട്രെയിനുകള്‍ റദ്ദാക്കി. എറണാകുളത്തുനിന്ന് പുലര്‍ച്ചെ 5.25 നുള്ള

തമിഴ്നാട്ടിലെ ജല്ലിക്കട്ട് പ്രക്ഷോഭം: ട്രെയിനുകള്‍ വൈകിയോടുന്നു തമിഴ്നാട്ടിലെ ജല്ലിക്കട്ട് പ്രക്ഷോഭത്തെ തുടർന്ന് ട്രെയിനുകള്‍ വൈകിയോടുന്നു. ഗുരുവായൂര്‍ തൃശൂര്‍, തൃശൂര്‍ ഗുരുവായൂര്‍ പാസഞ്ചറുകള്‍ റദ്ദാക്കി. ഗുരുവായൂര്‍ എഗ്മോര്‍ എക്സ്പ്രസ് വൈകും. തൃശൂരിനും തിരുവനന്തപുരത്തിനും ഇടയിലുള്ള യാത്രക്കാര്‍ക്ക് മറ്റു ട്രെയിനുകളില്‍ സൗകര്യം ഒരുക്കും.

Electro Travels kottayam welcoming you, Sabarimala Pilgrims. We are happy to help you. Our contact number +919895395228. 24/ 7 pumba bus service available from kottayam railway station. Kottayam railway is a major station and all train have stops. Pilgrim shelter and good lodging facilities available near to railway station. And also Pilgrims can buy natural kerala items like coconut oil, banana chips, kerala sweets and so and so . Call our contact number for anything. Ones again we are welcome you to kottayam and wish you a safe time