Jagath Perera

I have reached 4.5K followers! Thank you for your continued support. I could not have done it without each of you. 🙏🤗🎉

දෙතොල් කොපුල් දිගේ සිඹින්න ආසයි
උකුල් වියන් වලා සරාග රහසයි
තුරුල් වෙලා ටිකක් බලන්න ආසයි
ජ පෙ

දෙගොඩ තලා ගිය හැටි නොකියාම ගඟ
නිවන සොයා ගිය උන් ඇති තව ම මඟ
මෙනෙහි සිතින් වඩනා මන දසුන අග
ඔරුවෙ සතුට අරගෙන වඩිනවා සඟ

පවුරු බැඳන් පන්සල් වල රකින වග
සිවුර තුලත් බුදු හිමි මැව් දහමෙ රඟ
ඉවුර උනත් නො සැලී මනු දහමෙ අග
සසර මැදින් මනුදම් ගුණ මවන සඟ

කඳුලු පුරන් මහ ජල කඳ අතුරෙ ලැග
සිඳලු කෙලෙස් මිහිපිට නුඹ මවන රඟ
දහම මතින් මෙහෙම නොවේ බෝය දඟ
බිඳලු සුසුම් ඇහැරන සඳ උතුම් සඟ

අනියත හුස්මේ ප්‍රේමය අතැරි මඟ
හිමි සඳ තනි මකනා මනු රුවද අග
දෙදෙනා අරගෙන දෙදෙනා සතුටු මඟ
බුදු හිමි වුව තුටු වෙති මේ දැක සඟ

අනෝරාව සතුටු කඳුලු පුරන වග
මනෝරාව මවනා මනු සතුන් ළඟ
ගමයි පන්සලයි දාගැබ් අරුතෙ අග
නිදසුන් අල්පයි ලොව්තුරු දහම් මඟ

පෙරලුනොතින් දැන අහවර සුසුම් මඟ
ගම වෙනුවෙන් ගාන හබල් සමිඳ අග
යථාවාදි තථාකාරි ගුණ මෙනෙහි රඟ
බුදු දෙසූ උතුම් දහම පුරන මහ සඟ

සේයා රුව - 📷 Sewanagala Sumana Himi 🙏

Jagath Perera Jaga Malli ජගත් පෙරේරා Jagath Perera - ජ පෙ Highlight ෙ #ජපෙ

අවදානම් සූදානම් කරගෙන
ආදායම් වියදම් කරගෙන
තනියම නැඟිටින්න ජ පෙ

හුරතලෙන් පූදීනා ප්‍රේමය ම මල්වර
මදහසින් පුරවනා සනහස ම සුන්දර
හැදූ වැඩු හිත් නිතර පිරුනේ ම ගින්දර
හදවතින් හිනාවෙන හැටි බලාපන් අර

සොඳුරු ගුණ සුවඳ අවිහිංසකයි මල් වල
පිං කරන්නට බොහො තරඟ පන්සල් මුල
අඩුපාඩු නැති කිසිත් සැමට සම තැන් වල
නොරිදවා රකිමු හැඩ සිඟිති සමනල් පෙල

හිතෙනවා ඇති නමුත් කියාගනු බැරි වර
දකිනවා පෙනෙනවා හිත් හඬවන කතන්දර
තොග ගණන් කලත් පිං පිරූ පවකට සිල්ලර
ජනිත කල තැන් අතැර නොයන පෙම් අන්දර

ගඳ සුවඳ දෙක හොඳට දැනෙනා මල් ඉති
හොඳ නරක දෙක හොඳට දන්නා මල් ඇති
දුක සතුට දෙක නොදැනි විඳි මල් ඵල දෙති
අවාරයේ පිපුනත් හදවතින් උන් හිනා වෙති

Highlight Jagath Perera ජගත් පෙරේරා Jagath Perera - ජ පෙ ෙ #ජපෙ

සසර හිමියනි බොහොම මහ බරය
ගමන කෙලවර මෙනෙහි දම් වරය
සොර සතුරු හැම තැනම බෝ සැරය
සඟව සුරැකිව යන මඟ නිවන් පුරය
අඳන පොරවා මම නිදි කලෙමි කාරය

fans Jagath Perera Highlight ජගත් පෙරේරා Jaga Malli Jagath Perera - ජ පෙ ෙ #ජපෙ

පටුන ඉඩ නැති දවසක අහිමි වූ පෙරවදනක
මටත් කවියක් ලියන්න
අගින් පිටුවක් තියන්න
ජ පෙ

ලොව සමඟ සිනාසෙන්න පෙර
ඔබ ඔබ සමඟ ම කතා කරන්න
ඔබ ඔබටම සවන් දෙන්න
ජ පෙ

හදේ හිඳි විඳි බිඳි මා ලැදි නිදි
සඳේ බැඳි සැදී බෙදී රැඳි සුසැඳි
ජ පෙ

පලතුරු දෙතොල් සිඹිමි
නිරතුරු රස තුරුල් විඳිමි
ජ පෙ

විලි රුදා දුක ගෙවැදි තුටු නාද
ලැම රුහිරු බිඳු කිරි හරි රස නේද
සිලි දිලෙන මිණි තරු හැඩ පොඩි පාද
පිලිසිඳෙන කල මව් කුසක පුර පුන් සඳ

දරු පෙමක රැඳි මුදු උණුහුම් හස සාද
හුරු තුරුලු නිම් ලැදි නැලවුම් ඇස පාද
තරු පොකුරු මුව වැදි සැරසුම් රස වාද
පිලිසිඳෙන කල මව් කුසක පුර පුන් සඳ

මහ යෝග හිත හීන නුඹ ලියන ලද
දුක සැපසෙ විඳි ප්‍රේම විලිරුදා මධු පද
හිත නුහුල රස රුකුල වේදනා ඉහිලේද
පිලිසිඳෙන කල කුසක සුමුදු මල පුර සඳ

සුරත ගෙන සේයාව තුරුලු සුරතල් බඳ
දියත කිරිකැටි වඩින තුරු සිහින මල් මැද
රසත කිරි රස මුවේ සොඳුරු රුව රස වෙද
පිලිසිඳෙන කල කුසක කැකුලු මල පුර සඳ

උරන රස මව මවා දෙතන අග මැවි ලෙද
පුරන සඳ නිම්න රුව කිරි සිනා කැටි පොද
පොවන කිරි බිඳ නෑර දෙවන ප්‍රේමයේ ළඳ
පිලිසිඳෙන තුරු කුසක මවක ඉවසුම් වෙද

Jagath Perera Jagath Perera - ජ පෙ ජගත් පෙරේරා ෙ #ජපෙ

කවුරුත් ම නැතත් ඔබට ඔබ ඇත
මං ම මට ම මං
ජ පෙ

ගොලු රෑක ලැම තුරුලුමේ
අලු තොල් දිගෙ තරු ඉමේ
තලු මරන හාදු රස මැදියමේ
කලු සඳ මගේ උණුහුමේ

සලු ඉගිලෙනා දුර කලුවරේ
පලු පිපෙන ලැම උර කෙලවරේ
සුලු උණුහුමත් ඇතිය සුර අඳුරේ
හෙලු ලිහෙන තුරු බර පපුතුරේ

හුලු අතු දිගේ රස එලි දිලි
සලු වන රසේ හිස ගිලි ගිලි
රලු වෙනතුරා හස වෙලි වෙලි
නෙලු රසඟ මස හෙලු ඇලි ඇලි

Highlight Jagath Perera fans Jaga Malli Jagath Perera - ජ පෙ ජගත් පෙරේරා ෙ #ජපෙ

පිපෙන්න හෙට හීන ගණින දහසක් මල් ඇත
නැඟෙන්න හව් හරන ඇවැසි සහසක් පැල වෙත
දැනෙන්න පොඩි හිතට සතුට දෙමු අපි අත හිත
තනන්න ලෝකයක් උන්ට දෙනවද ඔබෙ අත

ආවා ගියා කියා සැනහි රූප තිරය මත
තාමත් තෙමි තෙමි පීනන හදවත් බෝ ඇත
අකුරු කරන සොඳුරු පැටව් අනේ උන්ගෙ හිත
සනසවන්න සරසවන්න කල හැකි දේ බෝ ඇත

එකතු වෙලා නැඟෙමු තනමු රිදුණු වතුර සත
සොඳුරු නොවේ තව අඳුරුයි අනේ උන්ගෙ අත
ඉදෙන තුරා නිම වී වැසි උන්ගෙ ගෙපැලෙ බත
එකතු වෙලා රැක ගමු මේ පුංචි උන්ගෙ හිත

ශෙයා නොවෙන පින්තූර ..😢
.

රත්නපුර #අයගම

ර/ #ගලතුර මහා විද්‍යාලය ..
මහා ගංවතුර පොළොවෙට සමතලා කළ පුංචි හීන....
ආයිත් නැගිටිමු..
පුංචි දරුවන් වෙනුවෙන් උදව් කළ හැකි ඔබටත්...

ජායාරූප උපුටාගැනීමකි ..

(සොයා බලා පමණක් අවශ්‍ය අයට පමණක් උපකාර කිරීමට කාරුණික අවදානය යොමු කරන්න. 👈)

#අයගම #ර/ #ගලතුර මහා විද්‍යාලය
Jagath Perera Jagath Perera - ජ පෙ ජගත් පෙරේරා ෙ #ජපෙ

ප්‍රේමය පැහුණු පසු රාගය හොඳින්
දිග හැරේ
ජ පෙ

පොත පත හැම දිය වී එනමුදු නුඹ හිනා උනා
සිය දිවියද නොතකා රැකි ජීවිත මහ දිය පීනා
අනුන් නොවේ තමා පමණි අද බොහෝ දෙනා
මතු රැකෙනා ශිල්පයමයි අද උගත මනා

කර බාගෙන උඹට ඔහේ ඉන්නට තිබුණා
ගහ ගෙන යන හැටි රූපෙට ගන්නට තිබුණා
අල්ප මිනිස්කම් තව සිරිලක ඉතිරිව තිබුණා
විහාර මහා දේවි වගේ නුඹ දුවේ නුඹ උන්නා

කෙඳිරිලි දුක ළඟ මැසිවිලි ඇදහිලි මැකුණා
ජල කඳ හුරතල් නැති බව පොඩි හිත දන්නා
පොහොට්ටුවක් මලක් වෙලා දිය මත පිපුණා
හුස්ම දි දී හුස්ම අරන් දිය කඳ හා ගැටුණා

ඔබ ඔබ ෆෝන් ඉන්න උන්ට පහරක්ය කනා
අනුන්ගෙ දුක විකුණන සමහරක් අමු ගොනා
අප හැමට ම දිවියට පාඩමක් නුඹ ගෙනා
පුංචි දුවේ රටට ම උඹ විරු දියණියක් වෙනා

නැති උන සියලු ම දේ අස්ථිර බවට සිනා
රැක ගත් ජීවිත හුස්මේ සතුට රස මනා
දුක වෙනුවට මනුදම් මවනා බොහෝ දෙනා
වරදින්නෑ උඹ හට හෙට තව දිරි ගනින් මනා

Jagath Perera Jagath Perera - ජ පෙ ජගත් පෙරේරා ෙ #ජපෙ

ආදරය තුනී නුඹ හැම හිතක පැල කල
තුරුලු රස නොවී කඳුලක දුක ඉතිරි කල
අහස සිනා සී සිපගත් හැටි පොලෝ තල
මොනව දන්නවාද අනේ ඒ හුරතල් මල

දරා ගත්තු තැන් තනියම කඳුලු සල සල
සෙනෙහස නොම ලබනා නෑ දුවේ හරි මිල
නෙතඟ දුකින් සතුට දල්වනා පහන් සිල
බලන් හිනා වෙන හැටි ඒ හුරතල් සිනා මල

හයක් හතර නොදත් සිහින සොඳුරු ඉඳුනිල
හෙට නැඟියන් තුන් ලොවටම සඳ සේ අමිල
දරු පැටවුන් තුල ඇති අවිහිංසක බව සුනිල
ලොවම සුවඳ කර පිපියන් කැකුලු සඳ මල

Jagath Perera Jagath Perera - ජ පෙ ජගත් පෙරේරා ෙ #ජපෙ

ගුටි පිට ගුටි කකා පැටියෝ උඹ බිම වැටුනා
වැටි වැටි නැඟිටි උඹෙ හිත තව තව නැඟුනා
පොඩි හිත හයිය කරගෙන කඳුලින් මිදුණා
සත්තයි උඹ වගේ වෙන්නට මට හිතුනා

දුක දැනුනත් අපි හට උඹ හිනා උනා
ඒ කිරි සිනා දැක දැක හදවත පැලුනා
සීනි ඩිංගකට රස පොඩි කට පෙලුනා
ආදරේ දුවේ මුලු ලෝකෙට දැනුනා

සසර කරපු පවකට උඹ උන්ගෙ උනා
සසර මහිම පිනකට උන්ගෙන් මිදුණා
දුටිමි නරුම පහර හරි තදින් වැදුනා
මහ ගසක් වගෙ පැලයක් හිනා උනා

කවපු බත් කටේ නපුර ම අනා අනා
උන්ට දෙස් දෙවොල් නීතිය ඇහැර උනා
හඬති තවම නුඹ පෙම් බැඳි ලොවක දනා
උඹට දෙව් ලොවක් සිහිනය සැබෑ උනා

සිඟිති සඳ වතේ අර හුරතල් මනා මනා
හයිය පොඩි පැලේ උඹ මහ රුකුල් වෙනා
අනේ මල් වගෙයි පොඩි උන් සෑම දෙනා
දුවේ උඹේ හුරතල් හිස වන වනා හිනා

තාත්තා උඹේ තනියට නැති කලට
බාප්පා හුඟක් රිද්දුවේ තිරිසන් කමට
ප්‍රේමය වදා දුන් මවගෙන් නැති කලට
හිඳී ලෝකයක් අද මගෙ හුරතල් මලට

Jagath Perera Jagath Perera - ජ පෙ ජගත් පෙරේරා ゚ Highlight ෙ #ජපෙ

කුසගින්න රස වෙන්නෙ කැව්වොතින් අනා
මොලව අත වැරෙන් මිට රන් කිරි සඳට වනා
කොහොම ලෙය උනිද කිරි නොම දන්න දනා
විසගින්නෙ කුස පුරන පිතු සෙනෙහෙ අමනා

හඬනු බැරිකමට හිත පුරා ඉරි තලලා
තුරුලු සුව ධාරකය පෙමක නීරස එලලා
දකින සඳ සිහින පොඩි පුතුව බිම හෙලා
අම්මෙකුට සිටි හැකිද මෙලෙස පිට බලා

දහ අතේ දුවන දරු සිහින නල මිල පවා
දරු නොමැති උන් දුකින් අනේ කල් ගෙවා
පින තුරුලු සුවය පෑ කිරි සප්පයා බිම නවා
පපුව පිච්චෙනවා දරු සෙනෙහසේ රස දවා

සෙල්ලම් වගෙ වින්ඳ කලට රති සලලේ
තිරිසන් සිතක වුවද කිරි කැටි පෙම ඇලලේ
මල් වගේ පුංචි හිත් නොම දනී දිග පලලේ
ප්‍රේමයේ රස ම ඵල කිරි කල රස උණු ලේ

හදනු රිසි නොහැකි නම් නොම වදනු කලලේ
නපුරු රුදු නරුම ගති දරු පෙම අමු ව වැලලේ
අග හිඟට තොපේ කිරි කැටි නොවේ කැලලේ
කවද හරි ඔය හයිය ඇස් පනා පිට පෙරලේ

නොකල කල හැඟුම් පොදි එකින් එක දමනෙ
හුළඟ පලි විඳින සරි ගිය පසුව කිරි වමනෙ
මදන මන දොල පිරුන සල්ලාල පිය අමනෙ
හය හතර නොදත් රත්තරන් පොඩි පැල නෙ

Jagath Perera - ජ පෙ Jagath Perera ෙ #ජගත්පෙරේරා ෙ #ජපෙ

කලුවරින් පමණක් නොව ආලෝකයෙන් ද හෙලුව නිර්වචනය කල හැක
ජ පෙ

දුක සැප දෙකට
රිසි තැන නිසි ලෙස සරණ සලසන සිරස නුඹට බෝම තුති වේවා. මිනිස් සතා සිව්පා සියලු දෙනා ම සුරක්ෂා වේවා
ජ පෙ

පහුරු නොගා අහුරා පුපුරන්න තරම්
දෙවුරු තලා උතුරා පිහිනන්න වරම්
පියුරු වෙලා මතුරා සිපගෙන මෙතරම්
අඳුරු ලලා මියුරා තොල් වැයු මනරම්

පයරු මුහුකුරා පිරිමැද ලියු අකුරු
සිරුරු ගඟ දිගේ හරි මැද රස උගුරු
ලියරු හිරි ඔතප් මල් පූදින හැඩ වගුරු
අයුරු කලුවරත් මහ වැසි මෝහන සිකුරු

මං තුරුලු ඉමේ සියොළඟ හිරි නිතර
රොන් උරන තරම් මල් හැඩවෙන අතර
ඇල් පවන් රොදේ ඇවිලෙන සීතල අදර
දැන් ඉතින් පිරෙන නිල් ඉඳුවර සදාදර

Jagath Perera Jagath Perera - ජ පෙ #ජගත්පෙරේරා ෙ #ජපෙ

දස මස කුස නුඹ දරාන
කඳුල වසාලූ සිනාව අරා​න
නුඹ නොතකා මා සොරාන
අම්මා බැඳුමකි උණුහුම් පුරාණ

රෑ දාවල් නොනිදා නිදි වරාන
මෙලොවට ඵනතුරු දෑඟිලි සරාන
නැණ බල මන පපු රුහිරේ නිරාන
අපූරු කිරිකැටි කුස රස පෙරාන

නැලවිල්ලේ සැඟවූ පෙම් වාදන
තුරුලැල්ලේ සැලවූ රස ගායන
කිරි සුවඳට ගුණ මුසු වු සුගායන
අම්මේ නුඹ රුවැත්ති මන නාදන

ජීවිතයට වී රස නිසැග බඳින
ලෝකය ලැබ දී නිසි සිතැග පූදින
ආදරය බෙදා වී නුඹ නොසැග ඉදින
අම්මා බුදු වී නුඹ මා වෙසඟ විඳින

පිය පදවිය ගුණ මා ලෙද රදන
දුක සැප දෙක මත ආදර වදන
මොනවට මැවු ලිය මෑණිය අගන
නොබෙදුම් සමබර ප්‍රේමය සදන

මවකට නිම් නැති සෙනේ පුදන
කොපමණ උණුහුම මූලේ නිදන
අපමණ ගුණ මන වයනා සහන
ලොව්තුරු බුදු දෙවැනි මව් පහන

Jagath Perera Jagath Perera - ජ පෙ ජගත් පෙරේරා #ජපෙ ෙ #අම්මා

පාලු රැයක මාලු මිරිසට ඇඹුල් තියල් නැද්ද
කිරි හොද්දට මිරිස් වැඩි උනේ කොහොමද හිතවතිය
ජ පෙ

තං ගැන යං තං

පිහිර කිති තුඩ මවන තන අඩ
ඇහිර හිරි සඳ රුවන තන තුඩ
තුහිර සැරි රස තොලග තන උඩ
ලියරු සිරි ලැම යහන ඉඩකඩ

මිහිර පිරි දාරක පෙමින් වඩ
රුහිර කිරි රස දොවන තන පුඩ
සුමිර සැරි කිරි පොද උර කඩ කඩ
පියරු සිරි ලැම තුරුලු පත්කඩ

උගුරු කට කට කුසක රස ඉඩ
සොඳුරු කිරි කැටි සිනහ සර පිඬ
බියරු විලි රුද සිහින බොඳ සඳ හඬ
තිසරු ලියරු සිරුරු දෙන හැඩ

ජගත් පෙරේරා ෙ
***s #තංකිරි #තනකිරි #තනපුඩු #ඉරීම #ගැහැණිය #අම්මා #බිරිඳ #මාතෘ #දාරකසෙනෙහස #රාගය #තනකිරි #මව්කිරි #උණුහුම #මගේ #වැනුම

කොඩොල් අලයක පාට කම්මුල
තොලින් විඳ සිප ලන්නට
උකුල් පෙදෙසට ගමන් යන විට
රුකුල් ඉඟ සුඟ දෙන්නට
කැලැල් වල මුදු උපන් ලප හැඩ
ඇපල් වගේ රස වෙන්නට
ගෙපැල් වැදි අනුරාග සුළඟට
ඉඩ දෙන්න නුඹ ළඟ ඉන්නට

Jagath Perera Jagath Perera - ජ පෙ ජගත් පෙරේරා Jaga Malli ෙ Highlight

මේ කුලක ගැයෙන ලබැඳි ගීයක්
පොද වැස්සෙ මැවෙන රස තනුවක්
නුබ එක්ක නිවෙන එක වරුවක්
සීතල නුඹ පෙම් කවියක්

වල කම්මුල මැද දේදුන්නක්
තොල පැටලුණු දිව රස ගොමුවක්
හිම විල ලැම පුදුම උණුහුමක්
සීතල නුඹ පෙම් කවියක්

මියැසි ගොතන සඳ ලකුණක්
මේඝ දොවන හැඩ පොකුණක්
බඳ සුපිපෙන සිහින සළකුණක්
නුඹ විටෙක සොඳුරු අකුණක්

කලුවර තුල නෑ මට තනියක්
වැහි පොද බේරෙන හැඩ දනියක්
තොලඟ ගැටුණු සුමිහිරි පැණියක්
නුඹ වැස්සට ආස මිහිරියක්

Jagath Perera Jagath Perera - ජ පෙ ජගත් පෙරේරා ෙ

එක පොදයක් ඔබෙ කම්මුල්
අස්සෙන් රතු තොල් පෙති සෙව්වා
මම වරුවක් හැඩ ලැම විල
රස්නෙන් තිසර වෙලුම් මැව්වා
අපි කුඩයක් යට තුරුලින්
කලුවර නිල් තරු එලි නිව්වා
නුඹ උණුහුම් රස දෙතොලින්
මම අම මී ‍රස පෙව්වා
Jagath Perera Jagath Perera - ජ පෙ ජගත් පෙරේරා ෙ

නුඹ හුරු කල ගුණ දම් කඳ හිත වන්ඳ
සුමධුර හඬ නඳ සත්සර කුල මන බන්ඳ
මිනිසත් මහා පුරුකක් රස මැවූ ප්‍රබන්ද
නිවන් සුවය වේවා සත්සර සඳ ආනන්ද

fans Jagath Perera Jagath Perera - ජ පෙ Highlight ෙ #නිවන්සුවඅත්වේවා