Em osama kitchen
وصفاتي سهلة لكل ست بيت ومقاديرها متوفرة وبسيطة ومجربة ?
05/11/2023
12/10/2023
مجموعة من الوصفات القديمة مصورة
و ما ننسى ندعي لأهلنا في فلسطين
ربنا ينصرهم 🥹🥹🤲🤲🤲🤲
09/08/2023
لتحضير العجينة بنجهز كوب حليب دافي مع معلقة كبيرة خميرة ومعلقة كبيرة سكر و ربع كوب زيت ذرة و كوبين طحين و رشة ملح وبنعجنهم
العجينة بتجنن و بتطلع طرية ممكن تستخدميها لكل انواع المعجنات
بنتركها تتخمر ساعة
لتحضير الحشوة
بمقلاة على النار بنضيف زيت و بصلة مفرومة ناعم و فلفل حار حسب الرغبة طبعا
و ٣ سن ثوم بنحركهم لحتى يذبلو شوي بعدين
بنجيب صدور دجاج بعد ما ننظفها ونقطعها مكعبات صغيرة
بنحطها عليهم و بنحرك لحتى يتغير لون الدجاج
بعدين بنضيف عليهم معلقتين كبار صلصة بندورة
واللي متوفر عندك من الشغلات التالية ( نص كوب ذرة او جزرة كبيرة مبشورة او فليفلة خضرا او ملونة )
اللي موجود استخدمي منه
بعدين بنضيف الملح والفلفل الأسود والبهارات المشكل او اي نوع بهار بتحبوه
لما تتخمر العجينة بنجيب صينية ما بتلزق بندهنها زيت وبنوخد نص العجينة بنفردها بالصينية وبنحاول نرفعها من كل الأطراف
بعدين بنحط الحشوة ونوزعها منيح
وبنرش عالوجه جبنة موزاريلا و بعدين بنجيب الباقي من العجينة و بنغطيها من فوق منيح
بندهن العجينة بشوية حليب وبنرش عليها حبة البركة او سمسم
وندخلها فرن حرارته ١٨٠ لمدة مابين تلت او نص ساعة حسب نوع الفرن
بعدين بنحمرها من فوق
09/08/2023
الاكلة ممكن نعملها بطنجرة الضغط الكهربائي او بطنجرة الضغط العادية
طبعا حسب كل ست بيت شو متوفر عندها
بنحط زيت ذرة بالطنجرة وبنضيف عليها حبة بصل كبيرة مفرومة ناعم و ٢ سن ثوم و بهارات خشنة اللي متوفرة و بنحركهم لحتى يصير لون البصل ذهبي بنضيف عليهم اللحمة وبنقلب منيح بعدين بنضيف عليها ٣ حبات بندورة معصورين وملعقتين كبار صلصة و بنقلبهم
بعدين بنضيف معلقة صغيرة كمون وفلفل اسود وبهار مشكل وكزبرة
بتركهم خمس دقائق يتسبكو منيح و بضيف عليهم المي
الكمية تغطي اللحمة تقريبا وبنضغطها حسب المعتاد
على جنب بنكون مجهزين الرز مغسول بدون نقع و مملح
لما تستوي اللحمة بنضيف الرز على اللحمة
هلا اذا شفنا كمية المي قليلة وما غطت الرز كامل بنرجع نضيف لحتى الرز يتغطى وبنرجع نضغطها
هلا بالضغط الكهربائي حسب الوقت المكتوب
اما الضغط العادي من لحظة ما تصفر الطنجرة بنحسب عشر دقائق
وصحة وعافية 😊🥰
بالخلاط بنحط حبتين بندورة كبار مع ٣ سنون ثوم
بعدين بنحطهم بطنجرة على النار بنضيف عليها معلقتين كبار زيت زيتون و ثلاث ملاعق عصير ليمون و معلقتين صلصة بندورة و ملح و شطة حارة او بودرة حسب المتوفر لو بتحبوها حارة و بنخلطها لحتى تتسبك
لو حسيتوها ثقيلة خففوها بمي بس مش اكتر من ربع كوب
وخلوها بالثلاجة تبرد لوقت الاستخدام
23/05/2022
30/01/2021
🤗🤗🤗🤗😋😋😋😋😋