Chef Mohamed Fathy - Gelato Ambassador
تعليم أصول فن الطهى بكل بساطة حتى نصل للاحتراف بإذن الل
Gelato science.
Quality First 👌💯
Leadership 🎖️🥇
ⓛⓞⓥⓔGELATOⓛⓞⓥⓔ
Chef.Mohamed Fathy
💯👌
فى طلبات بتقابلنا الفترة دى والحقيقه هى موجودة من فترة بس الفترة الاخيرة انتشرت جدا وهى طلبات ضد العقل والمنطق والواقع .
اى منتج عالى الجودة بيقابله معدات تصنيع وخامات عالية الجودة .
موضوع انك تقولى عايز تأسس لبراند قوى جدا ومصنع كذلك وافضل معدات وافضل خامات وافضل منتج نهائى بس فى نفس الوقت اقل تكلفة دا كلام ماينفعش ولو حد قالك اة وتمام وتعاله اعملك كده اعرف انه هيضحك عليك وفى الاخر انت اللى هتخسر .
فى حجات ممكن نظبطها ونقلل فى تكلفة المنتج ودا بيكون على حساب جودة المنتج بلا شك بس بنحتفظ بخواص المنتج انه منتج جيلاتو ايطالى مثلا . انه منتج طبيعى فعلا مش كلام بيع وخلاص . بس عملنا شوية تعديلات فى بعض الحجات قللنا بيها التكلفة ودا بناء على رغبتك انت مش الشيف المسئول .
فرق كبير بين حد بيقلل التكلفه ويقولك دا جيلاتو ايطالى وطبيعى 100٪ وهو ولا ايطالى ولا طبيعى ويغشك ويبيعلك بسعر قليل او من وجهه نظرك سعر معقول وبين حد شغال شغل مظبوط وبضمير وبيقلل فى التكلفه على حساب الجودة مس على حساب الغش والاضرار بصحة المستهلكين واللى اكبر نسبة منهم بتكون الاطفال .
ادرس مشروعك قبل ماتبدأ فيه وتتواصل مع اى شيف واعرف انت هتستهدف اى فئة بالظبط علشان تعرف تكلفة وسعر بيع المنتج هيكون مناسب ولا تصرف نظر عن المشروع افضل وتشوف مشروع تانى مناسب ليك وللفئة المستهدفه
الكلام دا بينطبق على المعدات كذلك وينطبق على اى ارتفاع قادم فى الاسعار لان المشكلة مش فى ارتفاع اسعار . المشكلة فى فهم وادارة وتخطيط المشاريع .