Jhapaphoto
फोटोमा झापाकाे इतिहास
Admin : Ekraj Pradhan
Whatsapp : 9807909546
हँडिया बुधबारे बजार क्षेत्रमा विद्यार्थीहरुको सचेतनार् याली । तस्वीर २०४० को दशकको हो ।
तस्वीर स्रोत : बुद्ध आदर्श स्वर्ण स्मारिकाबाट
नेपालकै होचो ठाउँमा रहेको केचनाकवल स्तम्भ । कचनकवलमा वि.सं. २०४४ साल पौष १६ गते तत्कालिक राजा वीरेन्द्र शाहको पूर्वाञ्चल भ्रमणका अवसरमा २० फिट अग्लो स्तम्भ कछुवाको आकृति माथि स्थापना गरिएको हो । यो स्थान समुद्री सतहबाट ५८ मि. उचाइमा रहेको छ । तस्वीर २०७३ सालमा लिइएको हो ।
📷 विनोद पाण्डे
झापा चन्द्रगढीस्थित लेखनाथ चोक (२०७८) ।
📷 विष्णु कुल श्रेष्ठ
बुद्धशान्ति-७ स्थित धारागोला भ्यु टावर ।
जहाँबाट झापाका धेरै ठाउँ देख्न सकिन्छ । (२०८० जेठ २०)
📷 एकराज प्रधान
बिर्तामोडको कृषिथोक बजार छिर्ने बाटो (हालको मेघा कम्प्लेक्स पश्चिमबाट उत्तरतर्फ) । यो तस्विर २०६४ सालतिरको हो ।
📷 हिमाल खरेल
ड्रोनबाट देखिएको झापा गाउँपालिकास्थित कामाटोली बजार । तस्वीर २०७६ सालको हो ।
📷 इन्द्रजीत मुखिया
झापामै पहिलोपटक भद्रपुर नगरपालिकामा भित्राइएको बारुण यन्त्र (दमकल) ।
📷 गोविन्द अधिकारी ‘गुलाफ’
बिर्तामोडको बिर्ताबजार चोकमा रहेको ऐतिहासिक दुर्गा मन्दिरको पुरानो र नयाँ दुई तस्वीर । २०७७ कात्तिक १ गते घटस्थापनाको अवसर पारेर दुर्गा मन्दिरलाई स्थानान्तरण गरिएको थियो । भद्रपुररोड फराकिलो बनाउने क्रममा मन्दिरलाई पुरानो ठाउँबाट थोरै पूर्व सारिएको हो । मन्दिरभित्र रहेको दुर्गा माता, गणेश, कात्तिक, सरस्वती र लक्ष्मीका पाँच वटा सिंगमरमरका मूर्ति २०६७ सालमा भारतको बनारसबाट ल्याइएको थियो ।
तस्वीर : एकराज प्रधान
बिर्तामोड मुक्तिचोक एउटा अर्को ऐतिहासिक तस्वीर । यतिबेला यहाँ जनआन्दोलन स्मृति स्तम्भ राख्नका लागि खाल्डो बनाइएको थियो । तस्वीर २०६५ साल तिरको हुनुपर्छ ।
📷 हिमाल खरेल
२०६८ सालतिरको झापाको दुर्गापुर बजार ।
📷 विनोद पाण्डे
पूर्वीनाका काँकरभिट्टा । त्यतिबेला एशियन हाइवे पुल पूर्ण रुपमा बनिसकेको थिएन । २०७६ साल चैततिरको फोटो ।
📷 गणेशमान मुखिया
झापाको सुरुङ्गाबाट झापा गाउँपालिकातिर जाने बाटोको अवस्था २०७८ जेठमा यस्तो थियो ।
📷 एकराज प्रधान
झापाको हल्दिबारीकाे गोलधाप बजार साइड । बजारको रुप फेरिँदैछ, अझै व्यवस्थित बन्दैछ । यो फोटो धेरै पुरानो होइन । २०७८ वैशाखतिरको हो ।
📷 एकराज प्रधान
बुद्धशान्ति-७ स्थित धारागोला भ्यु टावर जाने बाटोमै रहेको यो खेल मैदान ।
ठाउँको नाम चाहिँ के होला ? (२०८० जेठ २०)
📷 एकराज प्रधान
तपाईले फिलिम हेर्नुभयो अन्नपूर्ण टाकिज बिर्तामोडमा ? नाम, टिकटको दाम पनि लेख्नुहोला है कमेन्टमा ।
यो हल पनि अब इतिहास बन्यो हाम्रा लागि । जहाँ एउटै फिल्म १०० दिन, ५१ दिनसम्म चल्थ्यो ।
शिरिषका फूल त बिर्तामोडमा पनि फुल्थे । तर, भाइरल हुन पाएनन् । बिर्तामोडको भद्रपुररोडमा २०६४ सालतिर सडकका दायाँबायाँ फूल देख्न पाइन्थ्यो । त्यसबेला बसको छतमा चढेर यात्रा गर्नु बाध्यता जस्तै थियो ।
यो फोटो भद्रपुररोड ठ्याक्कै कहाँनेरको हो अहिले ? थाहा हुनेले कमेन्टमा लेख्नुहोला है त ।
तस्वीर : हाम्रो झापा पेजबाट
दमक नगरपालिकाको कार्यालय अगाडि रहेको प्रथम नागरिक धिमाल प्रतिमा । जसको अनावरण तत्कालीन प्रधानमन्त्री केपी शर्मा ओलीले २०७५ वैशाख १९ गते गरेका हुन् । तस्वीर २०७६ सालमा लिइएको हो ।
तस्वीर : एकराज प्रधान
हल्दिबारी-२ स्थित देउनिया र हर्चना खोलाको दोभानमा रहेको भेलागढी सिमसार । यहाँको काठेपुलले पर्यटकलाई लोभ्याउँछ । तस्वीर २०७६ सालतिरको हो । तस्वीर : दिपेन्द्र कटुवाल/लोकतन्त्र
बुद्धआदर्श माध्यमिक विद्यालय बुधबारे (हाल बुद्धशान्ति-३) को पुरानो विद्यालय भवन अगाडि मार्च पास गर्दै विद्यार्थी । यो तस्वीर २०४० को दशकतिरको हो । यस विद्यालयको विद्यार्थी हुनुहुन्छ भने आफ्ना साथी तथा गुरूहरूलाई मेन्सन गर्नुहोला है त !
तस्वीर स्रोत : बुद्धआदर्श स्वर्ण स्मारिका
२०४६ साल चैत १४ गते हत्या गरिएका सहिद राम थापाको स्मृति सभा गरेर फर्किने क्रममा बिर्तामोडको केन्द्रभागमा रहेको चौबाटोको मध्य भागमा उभिएर वरिष्ठ अधिवक्ता लीला उदासीज्युले २०४६ चैत २४/२५ (?) गते यो स्थानको नाम “मुक्तिचोक” भनी नामाकरण गरिदिनुभयो । पछि कृष्णप्रसाद भट्टराईको अन्तरिम मन्त्रिमण्डलमा कृषिमन्त्री रहनुभएका झलनाथ खनालले एउटा “मुक्तिचोक” लेखिएको बोर्ड राखेर यसलाई औपचारिकता प्रदान गरिएको इतिहास छ ।
(पहिलो तस्वीर साैजन्यः तीर्थ सिग्देल)
२०६२/६३ को जनआन्दोलनपश्चात लोकतन्त्र प्राप्तिको आन्दोलनमा निरन्तर लडिरहने वीर नेपाली जनता एवम् जनआन्दोलनका क्रममा शहादत प्राप्त गर्नुहुने वीर शहीदहरुको सम्झनामा जनआन्दोलन स्तम्भ निर्माण गरियो । गोपालकुमार बस्नेतको अध्यक्षतामा जनआन्दोलन स्मृति प्रतिष्ठानद्वारा निर्मित उक्त स्तम्भको समुद्घाटन २०६६ वैशाख ६ गते तत्कालीन प्रधानमन्त्री गिरिजाप्रसाद कोइरालाले गर्नुभएको थियो ।
(दोस्रो तस्वीर : हिमाल खरेल)
बिर्तामोड डुबानमा परेको सम्झनाहरु । बिर्तामोडमा बाढी आएको यो घटना २०७४ साउन (२९ ?) तिरको हो ।
तस्वीरहरु : Kiran Adhikari (Youtube)
झापा बुद्धशान्ति ६ शान्तिनगरको ऐतिहासिक ठुटेबर । करिब ४ सय वर्ष पुरानो यो वरको रुख २०६० को दशकमा लडेको थियो । अहिले यो क्षेत्रमा साना वरपीपलका रुखहरु छन् । अघिल्लो तस्वीर पुरै रुख र पछिल्लोमा केही हाँगा भाँचिएपछिको हो । प्रत्येक वर्षको कात्तिक पूर्णिमामा यहाँ साप्ताहिक मेला लाग्ने गर्दछ ।
तस्वीर सौजन्य : सीएम ढुङ्गेल
पुरानो विद्यालय भद्रपुर मावि मर्मत सम्भार भएपछि । (२०७९)
📷 Santosh Agrawal
प्रथम जननिर्वाचित प्रधानमन्त्री एवं प्रसिद्ध साहित्यकार विश्वेश्वरप्रसाद कोइरालाका साथमा सी.के. प्रसाईं (भरतबाबु) वि.सं. २०३८ सालमा बिर्तामोडमा आयोजित नेपाली कांग्रेस पूर्वाञ्चल सम्मेलनमा पार्टी कार्यकर्ताहरुका साथमा ।
तस्वीर : सी के प्रसाई् (भरतबाबु) पेजबाट ।
बिर्ताबजारको दुर्गा मन्दिरबाट पारिपट्टि शोभी राजवंशीको चिया पसलमा चिया पिउँदै रिक्सा चालकहरु । यो फोटो २०६४ सालतिरको हो । त्यसबेला केचना, पाठामारीतिरबाट आएर बिर्तामोडमा रिक्सा चलाउने मुश्लिम समुदायका रिक्सा चालकहरु बढी थिए ।
📷 Himal kharel
२०७० सालतिर बिर्तामोडको भद्रपुररोड यस्तो थियो । मुक्तिचोकबाट अलिक तल झरेपछि बाटोका दुई किनारमा शिरिष पनि फुल्थे । रिक्सा विस्थापित भएका थिएनन् ।
📷 Indrajeet Mukhiya
जहाँबाट बुद्धशान्ति गाउँपालिकालाई छाडेर अर्जुनधारा नगरपालिकातर्फ लागिन्छ । यो ठाउँ/चोकको नाम के होला ? २०७३
📷 एकराज प्रधान
२०७१ असोज १५ तिर झापाको चारआली (इलामराेड) यस्तो थियो ।
📷 एकराज प्रधान
हिजोअस्तिसम्म देखेको कुरा कति चाँडै इतिहास बन्दो रहेछ है ! काँकरभिट्टाको यो पूर्वीद्वार (गेट) अब तस्विरमा मात्र । (२०७२)
📷 इन्द्रजीत मुखिया
बिर्तामोडको मुक्तिचोकमा हात्ती ! सुन्दै अचम्म लाग्ला है ? यो घटना २०६८ मंसिर २६ गतेको हो ।
📷 विनोद पाण्डे