Yesna Duhok
جڤاتا یەسنا/تایێ دھوک ژبۆ ڤەژاندنا چاند و فەلسەفا زەردەشتی
26/10/2023
رابە ئەی هەژارێ بەلەنگاز. ل جهێ هندێ کۆ خوە وەکی تەقنخۆرەکی بێخییە ژێر ئەردی، رابە ئاسنێ سەخت و توند ب هاریکارییا ئاگری و دەستێن خوە سۆر بکە و هەڤجاری ژێ چیکە و زەڤییێن خوە پێ بکێلە و گەنمی و تۆڤی لێ بچینە و بدورینە و ب خوەشی ڤە بهێرە و بکە هەڤیر و نانی و سەوکێن دۆهنی ژێ چێ‌بکە و ب شادومانی بخۆ و شاد بێژە و پێ‌بکەنە و هۆرە و هەیرانان بچرە و سەرچۆپییێ بگرە و دیلان و چەپلەرێزان و گۆڤەندان بگرە. ژ کۆنێن پیس و تاری وەرە دەرڤە و شتلێن دارێن ببەرهەم بچینە و سەخبێر بکە و ژ بەر و فێقییێن وێ بخوە و ژێ بدە ژی و ل ژێر سیبەرا وێ تێر و ئاسوودە ماندیبوونێ دەربکە. سپێدەهییان ب کەیفخوەشی ژ خەوێ رابە و ئالاڤێ کارکرنێ ب بکە د دەستێ خوە دا و ب شادی کار بکە و ب دلشادی ژی بێهنا خوە ڤەدە. ئەی مرۆڤێ هەژار و بندەست، خوە رزگار بکە ژ وێ زیندانا کۆ تە ب دەستێ خوە چێ‌کرییە، خوە ژ ئەندێشە و باوەرییا نەراست و تاری رەها بکە، خوە ژ تێکچوون و ژناڤچوونێ رزگار بکە. رەهابوونا کۆ ئەز بەحس ژێ دکەم رەهابوونا دندکا گەنمی ژ ئەنبارا تاری بۆ ربسین و شینبوون و بەهرەدان و تێرکرن و شادومانکرنا خوە و گەل و نیشتمانی یە، ئەڤە یە شێوە و چەوانییا رەهابوونێ. ئەگەر ب ڤی رەنگی بکەی دێ کەڤییە ناڤ زنجیرەیا ژیانێ و وەکی هەر دیاردەیەکا زیندی و گەشەسێنەرا دی تر دێ کەڤییە ناڤ پێڤاژۆیا ئافراندن و پێگەهشتن و راستبوونێ، ئەڤجا ل ڤێ دەرێ دا کۆ مەرج و فەلسەفەیا زیندیبوون و هەبوونا خوە ب ئەنجام دگەهینی. رابە خوە رەها(ئازاد) بکە".
*زەردەشت ھیڤیا رزگاریێ
25/10/2023
ئەوە کۆ د دەستپێکێ دا،
ب هزرا رەوشەنی ب گەردوونی بەخشاند و
ب زانستێ خوە
هەنجارا هەبوونێ ئافراند،
دا چاڤدێر و پشتەڤانێ
رامانێن هەری باش بی.
ئەی مەزدا ئەهۆرا..!
ئەی ئەوێ کۆ میناکا یەکسانییێ یی..!
ب هێزا پیرۆزا مەعنەوی یا خوە،
مە رۆناک و سەرفەراز بکە.
گاتا، هاتی ۳۱، سروودا ۷
زەردەشت پەیامبەر
18/10/2023
ئەی مەزدا..!
ئەو کەسێن کۆ بۆ جیهانێ
هێمنییێ و شادوومانییێ دخوازیت و
هەردەم ژی خوازیارێن ئاڤەدانبوونا وێ نە،
چەوا ژیانا خوە ل بەر تیشکا راستییێ و
تیرۆژا هەلاتنێ دا دبەتە سەر؟
چەوا د ناڤبەرا راستکار و
سەرایا هشیاران دا
جهێ وی دکەت.
گاتا، هاتی ٥٠، سروودا ۲
__________ ____________
15/10/2023
بـەیـبوونـەکـە دبـــارۆتـێ رە ژیـن کــری
پــرتــا رۆژێ یــە کـــۆ تــاری دیـن کـری
دەستێ خوە بلند کر ئەسمان گرت و گۆت:
نـابەھیت دارا کو زەردەشت شین کری
Mihemed mêzoputamî
11/10/2023
مروڤ پێدڤییە دڤێ جیهانا تەنگ و نەهەموار دا ژ هەر چ پەستی, نزمی, زەلیلی, پەریشانی, سفکی, بندەستی و بەلنگازییان رزگاربیت و پێنگاڤان بو جیهانا بەرین بهاڤێژیت.
ل سەر گوپیتکا چیا و زوزانان بفریت و ژناڤ دلێ ئەسمانی دەرباس ببیت و هەوایێ پاقژ و بژین هەلبکێشیت و ژ ئەسمانی ڤە دیمەن و جوانییێن ژیانێ ببینیت. مروڤ پێدڤییە ژیانا بونەوەرێن ناڤ ئاڤگەران و گولێن ئاڤێ رەها بکەت و پێ دانیتە سەر بەلگێن داران.
دشیان دایە سەرێ خوە بلند راگریت و پێ دانیتە سەر رێکەکێ کو بەرەف قونتارا زوزانێن دلڤەکەر ڤە بچیت. ژ ئەڤراز و نشیڤ و کوخ و چیایان دەرباس بیت و خانییان ل سەر گوپکا چیایان ئاڤا بکەت. دبیت ژ دل خوە ب دەست پێلێن دەریایێ ڤە بەردەت, هەتا بگەهیتە ئەردێ کەسک و خوەش و دلشاد. پێدڤیە پەرتوک و تێنڤیس و خامەیان بکەتە ددەستێ خوەدا و بخوینیت و بنڤیسیت و ژ کویراتی و تاریاتیێ و نەزانینێ, کو ژبلی خرابی و نەشرینی و خوەڤیانێ و بایێ هەوای و ستەم و بێدادی و دلرەشی و بەدگومانیێ تشتەکێ دی ناهێتە دیتن, بێتە ژ دەرڤە.
دەما هزر و ئاقلێ مروڤی رێکا زانستی دیت, ژنوو دێ روناهییا گەرم یا زانستی پەردەیێن تاریاتییێ درینیت و هەمی پشکێن ژەنگ پێکەتیێن دلی پاقژ دبن و دێ دل و گیانێ بەت بەرەف جیهانا جوان و پاک یا گەوهەری.
ئەرێ دبیت کوخ و چیا و رێکێن گران و سەخت و تەنگەبەرێن دەروونی دەرباس بکەت, دا پێنگاڤان بهاڤێژیت ناڤ رێکا راستیێ.
پێنگاڤ بو رێکەکێ کو سەرەنجام مروڤ دێ ب هیڤی و دلخوازی و ڤیانێ گەهینیت, ئەو رێک رێکا راستییێ یە...
ژ پەرتوکا زەردەشت هیڤیا رزگاریێ
08/10/2023
باوەریا ڤی چاڤێ شین ژ زەردەشتیێ دەرکەفتیە ناڤا دین و چاندێن جیهانێ، کو ئاهورا مەزدا خوەدیێ یەک چاڤیە، و دئاڤێستایێ دا پەیڤا duž-doithra ژبو چاڤێ نەزەرێ ئانکو چاڤ هاڤێتنێ بکارهاتیە...
Baweriya moriyên nezerê ji zerdeştiyê tê, di avêstayê da peyva duž-doithra ji bo çavê hebona xirabiyê bi kar înan.
Ahura mezdah xwedî çavekî ye, ev bawerî û mîtolojî ye paşî dinav hemî dîn û çandên dî jî da belav bûye...
بەیهانی شاهین ئاڤێستازان
06/10/2023
بھەلکەفتا جەژنا جەمایێ جوانترین و گەرمترین پروژییان ئاراستەی خویشک و برایێن خویێن ئێزیدی ل کوردستانێ و تەڤایا جیهانێ دکەین، بڤێ هەلکەفتا کەیفین ئەم سوزێ و بشتەڤانیا خو و حەزکرنا خو بو گەلێ رەسن نوی دکەینەڤە کو یێ بەردەوامە د هەڤرکیا پاراستنا خورستی و رەسناتی یا هەبونا خودا سەرەرای ئەو مەینەتی و نەپیتەدان و بێبهاکرنا چەندین سەدەیان.
دڤان روژێن پیروزدا ئەم هیڤیخوازین کو تەڤایا خوشک و برایێن ئێزیدی ب باشی و ئاشتی و تەناهیێدا بن و جەژنا بهێت ببیتە جەژنا ڤەگەریال لسەر وارێن خو و جەژنا رزگاریکرنا سەرجەم خوشکێن مە یێن رەڤاندی ژ دەستێ تیرورستێن داعش دا .
28/09/2023
زەردەشت پەیامهێنەری لاڤا ژ مەزدا ئەهۆرای دکرن بۆ وان کەسێن کۆ سامانێ رامانا راست و دادگەر و درستکریار بوون، لێ د هەمان دەم دا ئاوارە و رەڤییێن دەستێ ستەمێ و درەوێ و نەپاکییێ بوون. زەردەشت و هەڤالێن خوە هیڤیدار بوون کۆ جهەکی ببینن کۆ بیر و بۆچوون و ئارەزوویێن خوە ب ئازادی و سەربەستی ب کار بهینن و‌بێخنە ناڤ گەر و ئەزموونا ژیانێ دا. زەردەشتی ژ دل دوعا ژ مەزدا ئەهۆرای دکرن بۆ سەرکەفتنا وان کەسان و بجههاتنا هیڤییێن وان. باوەرییا زەردەشت پەیامهێنەری وەسا بوو کۆ لاڤایەک وەختێ ژ دلی رادبیت و ئەنجامێ قەنجییێ بیت، دێ بەرسڤا وێ لاڤایێ هێتە دان.
ئەی مەزدا ئەهۆرا..!
هیڤییا وان کەسان ب جهـ بینە،
کۆ تو ناس دکەی و دزانی
راستیبێژ و هزرچاک و درستکارن.
ئەز باش دزانم
کۆ تو بەرسڤا هەر دوعایەکێ
ددەی،
کۆ ژ کانیکا دلی بزێتن و
بۆ ئارمانجەکا باش بیت.
16/09/2023
ئاهورا
دەشێ بەڕووتی تۆ بدۆزینەوە! دەکرێ بەڕووتی دوعا بکەین، دەکرێ بەڕووتی بچینە خەڵوەتەوە،
بە ئاو پاک نەبوینەوە، دیارە دەبێ بە تیشک خۆمان پاک بکەینەوە، تیشک دەچێتە ڕۆحامنەوە.
،کەچی ئاو زەنگوڵ زەنگوڵ بەسەر هەنیەمان وشک دەبێتەوە،
لەگەڵ یەکەم سپێدە، دەمەوێ گەردوون سەرلە نوێ دروست بکەمەوە،
لە گەڵ یەکەم قەسیدە، گیا بە قسەکانم شاد بێتەوە، ڕووەک بە بیری پاکم بگەشێتەوە:
گڵ شاد و بەختەوەر بێ،
دڵشاد و بەختەوەر بێ.
ئەحمەدی مەلا
07/09/2023
ئەی مەزدا..!
ئەو تێکدەرێن
کۆ پشتا خوە ددەنە رامانا پاک،
بلا زەحمەتێ بکێشن و تام بکەنە ئازاران.
راستکار کۆ وە ناکەن، وێ نەبینن.
راستەرێ هەرچەندە هەژار ژی بیت،
ل دەف راسترێییان هەر خوەشدڤی یە،
تێکدەر ژی،
هەرچەندە زەنگین و خودانشیان ژی بن،
بێرێزن(بێنرخن).
گاتا، هاتی ٤٧، سروودا ٤
ژبو سەرخوەبوون و ئازادیا ناسناما کورد ئەڤرو مە بەژداری د چالاکیەکا کوردستانی دا کر، کو د ڕۆژێن بهێت دا دێ هێتە بەلافکرن..
03/09/2023
پەیامهێنەر زەردەشتی باش دزانی کۆ راز و نهێنییێن مەزن یێن هەبوونێ، کۆ هەمان کار و کارڤەدان ل ژیانا جڤاکان، ژ زاگۆنا(یاسا) پاداشت و سزادانێ یە. هەروەسا ژ ئەنجامێ شەرێ خرابکاران و ستەمکار و چەوسێنەران دگەل لایەنێ مێرخاس و دلگیر و ئازادیخوازان، شکەستن و سەرشۆری دێ بۆ خرابکاران بیت و هەمی زیان و ئازار و بێئەدەبی دێ بۆ وان بخوە زڤریتە ڤە و بێگومان دەستهەلاتدارییا وان یا ستەمکارانە دێ دوماهیک پێ هێتن.
هەر کەسەک قەستا راستییێ بکەت،
دێ تیشک و رۆناهی بنە سەرا و هەوارا وی.
لێ مرۆڤێ گومرێ(بێباوەر)،
هەتا زەمانەکێ دویر و درێژ،
دێ ژیانا ناڤ تارییاتی و دلرەشی و
حەیف و مخابنییان بەتە سەر،
سەرئەنجامەک کۆ
ژ کریار و وژدانا خوە پەیدا دبت.
گاتا، هاتی ۳۱، سروودا ۲۰
30/08/2023
زەردەشت پەیامهێنەر دبێژیت...
بیرا چاک
گوتنا چاک
کردارێ چاک
بیرا چاک: وسا ل مرۆڤ دکەت هەردەم ئەرێنی بژیت و ب گەشبینی ژبۆ پاشەڕۆژێ بچیت…
گوتنا چاک: چاکیە و ئارامی و ئەولەهیا دەروونی درووست دکەت ...
کردارێ چاک: مرۆڤێکێ پڕ ژ جوانیێ درووست دکەت مرۆڤی تەمام دکەت...
28/08/2023
ل گوری لێکولینێن نوی یێن زانینگەها ماکس پلانک، گەلێ هند و ئەوروپی بەری ٨ هزار سالان ژ باکورێ کوردستانێ دناڤا جیهان دا بەلاف بوونە،ئانکو دهێتە وێ رامانێ زمانێ هند و ئەوروپی دناڤا کوردستانێ دا ئافریە...
https://www.wissenschaft.de/geschichte-archaeologie/urspruenge-der-indoeuropaeischen-sprachfamilie/
یونانییێن کەڤنار زەردەشت پەیامبەر سمبۆلا بیرەوەری و خرەد-مەندییا رۆژھەلاتێ ھەژمارتیە، ئەو ب زۆرۆاستر ناڤکریە، ئانکۆ لاوێ ستێرکێ. ئەڤە ژی بێ بنگەھ نەبویە، ھەتا رادەیەکێ ئەو د وێ دیتنا خو دا راست و مافدار بوونە، لەورا ژ بۆ کو زەر-دەشت ، وەک سێوردار و دامەزرێنەرێ “دینێ فەزایی”(کۆسمیکی//
گەردوونی)، وسا بھێتە ناڤکرن مافێ وی ھەبوویە، ژ بلی ڤێ، ھەم ژی ئانەگۆری متۆلۆژییا بھدینییێ، رەوانێ (روح)
زەردەشت ژ ئاسمانان ھاتیە سەر ئەردی.
لاوێ ستێرکێ بوویە ھەواری و پەیامدارێ یەکەمێ دینێ
نوودییاربوویی (وەحی )ا جیھانێ،یا کو پاشان ب ناڤێ دامەرێنەریا خوە وەک دینێ بھدینی ھاتیە ناڤکرن... ھەما وی دەمی ژی ئەو ب باوەر بوونە، کو لاوێ ستێرکێ، وەک پەیامدارێ دینێ پیرۆز، ھەما د سەردەما تەڤل-ھەڤییێ دا ھاتیە شاندن، ژ بۆ کو د جیھانێ دا مرۆڤاھییێ ژ خەوا ھنگۆرییێ ھشیار بکەتن.د جیھانا رەوانی (روحی) دا دھێتە گۆتن، کو ژداییکبوونا وی بوویە نیشانا دەستپێکا سەردەما ژ ھەڤ جوداکرنا قەنجییێ و نەپاکییێ د گەردوونێ و فەزایێ دا، … و ئەرکا زەردەشت پەیامبەر ئەو بوویە، کو باوەرییا یەک خوەدێیی د سەودا و رەوانێ مرۆڤ دا ب جی بکەتن – خوەدا،یێ کو سێوردارێ جیھانا ماتریالی و رەوانییە، کو وسا ژی دڤێ مرۆڤ ئامادە بن، ئەگەر پێویست بیت، ل دژی نەپاکییێ بتێکۆشن – ئەو چ شێوەیی دبیت، بلا ببیت.
#ئەزیزێ جەوۆ
Yewnanîyên kevnar Zerdeşt sembola bîrewarî û xêred-mendîya Rojilatê hejmartine, ew Zoroastr navkirine, ango Lawê Stêrkê . ev jî bê bingeh nînbûye, heya radeyekê ew di wê dîtina xwe da rast û mafdar bûne, lewra, ji bo ku Zer-deşt
, wek sêwirdar û sazûmandarê “ola fezayî”(kosmîkî//
gerdûnî), wisa bê navkirin, mafê wî hebûye, ji bilî vê, hem jî, anegorî mitolojîya zerdeştîyê, rewanê (ruh)
Zerdeşt ji asîmanan hatye ser erdan.
Lawê stêrkê bûye hewarî û pe-yamdarê yekem ê ola
nûdîyarbûyî (wehî ) a cîhanê, ya ku paşê bi navê sazûmandarê xwe, wek ola zerdeştî hatye navkirin... Hema wê demê jî ew bi bawer bûne, ku Lawê Stêrkê, wek peyamdarê ola pîroz, hema di Serdema Tevli-hevîyê da hatye şandin, ji bo ku di cîhanê da mirovahîyê ji xewa hingorîyê hişyar bike.Di cîhana rewanî (ruhî) da tê gotin, ku jidayîkbûna wî bûye nîşana destpêka Serdema ji hev cudakirina qen-cîyê û nepakîyê di gerdûnê û fezayê da, … û erka Zerdeşt Pêxember ew bûye, ku bawerîya Yek Xwedêyî di sewda û rewanê mirov da bi cî bike – Xweda, yê ku sêwirdarê cîha-na matêrîalî û rewanî ye, ku wisa jî divê mirov amade bin, eger pêwîst be, li dijî nepakîyê bitêkoşin – ew çi şêweyî dibe, bila bibe.
ê cewo
20/08/2023
https://youtu.be/121Ve9r0hMw?si=4rrnUNMWFmkeTscX
وەهای دەست پێکرد، ئاوا بوونی زەردەشت! instagram►https://instagram.com/razakanrazyoutube ►https://youtube.com/razakanrazpage►https://facebook.com/razakanrazArchive ►https://archive.org/de...
16/08/2023
کوما بهدینیان دناڤا نمایشا دینان دا ل جادەیێن شیکاگو ل ١٤/٨/٢٠٢٣
The Zoroastrian contingent at the Parade of Religions through the streets of Chicago today.
12/08/2023
د ڕامانێن زەردەشت پەیامھێنەردا، مرۆڤ نەبەندە و کولەیێ خوەدایە، بەلکی خوەدا ھەموو مرۆڤ ب تایبەتی ئەوێن پەیایێن ڕێیا ڕاستیێ بن، وان وەک دوست تەماشەدکەت، ئامادەیی دوستانیا وانە، پەیوەندیا دناڤبەرا مرۆڤ و خوەدایی، ب نێڕینا زەردەشت پەیامھێنەری لسەر بنگەھێ ڕاستی، ئازادی، ئەڤین و دلوڤانیێ ھاتیە چێکرن، نە ب ڕێیا ترس و کولەتیێ، ژ ڤێ نێرینگەھێڤە دڤێت مرۆڤ ھەردەم تێبکوشیت ژبۆ گەوھەرەکێ تژی ئەڤین و راستی و ئازادی دروست بکەت، چریسکێن نیشانا دلوڤانیێ د مرۆڤی دا، ژ لێبورین میھرەبانی خەمخوری ئەڤینی لێبوردەیی پێکڤەژیان و ڕەوشەنیێ پێک دھێت...
04/08/2023
ژ نڤیسارێن ئاشۆریان دیار دبت کو میدی لسەر دینێ زەردەشتی بوون. سەپاندنا دینێ زەردەشتی ل ھەر جھەکی ژ ئالێ ساسانیانڤە، ئەڤ پروسێسە تەمامکرد، ئارۆپاتێن، ژ وەختێ ئەشکانیان وەرە سەنتەرێ رێزگرتنێ بوو ل ئاگری(بنێرە تەختێ سلێمان)و ببو جھێ ئاگرێ پیرۆز.
ل وەختێ سەمیانییا کارتێری kartir مۆبەدێ مۆبەشان ل دەستپێکا شاھاتییا ساسانیان، ئەرشاکیا/ رەگا بوو ئێک ژ دو جھێن دینڤانییا زەردەشتیان(جھێ دی ستەخر بوو، جھێ تەخت بابکالێن دینڤان-شاھێن ساسانی).
ژ گوڤارا دیرۆک وار
د.فازل ئومەر
23/07/2023
Zanyarê Îngîlîzî Samuel Lang di pirtûka xwe ya bi navê "Zerdeştîyekî nûjen" de wiha dinivîse: "...ji ber vê zagona xwezayî û prensîbên dijber e, li seranserê gerdûnê rêz û nîzamek diyar dibe û ji bo vê yekê jî li her cihê ku rêz û rêkûpêk h**e, du hêzên dijberî hev in. Bê reaksîyon çalakî û bê neyînî pozîtîf nabe û dû re wiha lê zêde d**e; “Qanûna antîtez ne tenê di cîhana nesaxên bêcan de, di heman demê de li ser heywanan, di jiyana mirovan û li gerdûnê de jî hukum d**e.
Di heyama niha de, di nav hemû bawerî û olên heyî yên olî de, piraniya wan bi pêwîstiyên vê serdemê razî ne, ku hebûna zagona antîtezê qebûl dikin û wê şert û mercên ebedî û zagona nemir a gerdûnê dihesibînin û eslê wê bi navê Ahura Mazda (Septamîno) bi nav dikin û xirabî û nebaşiyan ji Ehrîman re girê didin.
18/07/2023
بهدینی بوون ئەرکەک نینە کو دڤێت بکەی بەلکو ئیرادەیە دڤێت خوە پێ ئازاد بکەی..
08/07/2023
پەیاما زەردەشت پەیامهێنەری
پەیاما ئەشو زەردەشت ڕاکرنا وان بیروباوەرێن دەستپێکی و دیتالێن خەیالی و زیانبەخش بوون یێن کو ژ لایێ کرپان و دەستهەلاتدارێن دینی کو لسەر جڤاکا ئاری دا هات بوون سەپاندن، ل جهێ وێ بیر و باوەرێن پاک کو دوور بیتن ژ دیتال و داب و نەریت و ڕەوشتێن بلند و زەحمەت بوون یێن دەستهەلاتداری..
ئەشو زەردەشت بیر ل پێدڤیێن گیانی و ماددیێن ڕاستەقینە یێن خەلکی کر بوو و فێرکاری پێکدهات ژ دامەزراندنا سیستەمەکێ بەختەوەر و تەندروستێ دەرونی س گیانی و جەستەیی و خوەشبەختیا ژیانا مادی و مەئنەوی و ئاسایشا خەلکی مسوگەر بکەت..
دینەکێ پاک و ڕاست و درست و کارەکتەرێ چاک ئەو کەسەیە کو هەوڵ ددەت بۆ بهێزکرنا گیان و جەستەیێ خو و گەهشتن ب کاملبوون و بهێزکرنا فەزیلەتێن گیان و ئاهورایی.. بنیاتنەر و چالاک بیت و هەموو جەستە و گیانێ خو د ڕێیا پێشکەفتن و خوەشڤەختیا جڤاک و پەروەردە و بەرهەنگاربونا نەشرینی و درەو و فتنە و فێل و دوو روویی ب جەنگی..
ب هێز و ئیرادە و پاکی و ڕاستی ل هەمبەر زوڵمکار و فێلباز و بەرژەوەندخوازێن دینی و سەرکردێن خرابکارێن دەستهەلاتدار ڕاوستن، و دلوڤانی و حەزکرن کارێن چاک بکەن دا کو بەرەف رێیا کاملبونێ هەرن و سیفەتێن فەزیلەتا مروڤی بدەن..
ژبو ببیتە دینەکێ دروست، پێدڤیە ب مەراسیم و ڕێوڕەسم و داب و نەریتێن تایبەت ناکەت، دیف پەیڕەوێن مروڤێن بالادەستێن دیندار بچن، بەلکو مرۆڤ هەوڵا وێ بدەت کە ب سیفەت و فەزیلەتا ئینسانی- ئەهورایی بێخیتە پاڵ و ل ژێر ڕۆناهیا سێ بنگەهێ بیرکرن و گوتن و کردارێن باش دا هەوڵا کاملبون و سەرفەرازیا خوە و جڤاکا خوە بدەت……
جەلالەدین ئاشتیانی
نێسک: زەردەشتی و مەزدیسنە و حکومەت
02/07/2023
١٠١ ناڤێن ئاهورا مەزدای یێن باش و برێز، کو هەتا نوکە ژی کورد ب ١٠١ ناڤێن خودای سوند دخون ب تایبەت ئەفرینی..
21/06/2023
جەژنا ئاڤێ ل هەمی بهدینان پڕ ڕۆژبیتن
ئەڤ جەژن د سەردەما ساسانیان دا هاتیە کرن، کو ڕێزە ل ئاڤ و باران دهێتە گرتن کو بێ ئاڤ ژیان نابیتن، ژ توخم ئانکو ئەلەمێنتێن سەرەکیێن گەردونیە، دڤێ ڕۆژێ دا هەر کەس دچیتە سەر ئاڤێ و یاریا ئاڤێ دکەن و دیلان و ستران ل هەڤ کومبون دبیت دگەل خوارنا هەر تشتەکێ ژ گەنمی دروست دبیت و دوشاڤێ، دیسان گوشت ب چ رەنگان نابیت بهێتە سەر سفرەیا خوارنێ د هەشت ڕۆژان دا، و هەر ئێک بازنەکی ژ داڤێن ڕەنگا و ڕەنگێن کڤانێ هەفت ڕەنگ دروست دکەن و لبەر هەڤدوو دکەن ژبۆ هەشت ڕۆژان، چونکە ئەڤ جەژن هەشت ڕۆژان دهێتە گێڕان..
19/06/2023
زمانێ کوردی کو ڤەگەریت خومالیەتا خوە دێ وەکهەڤیەکا سەدا سەد دناڤبەرا وێ و زمانێ ئاڤێستایێ خویابیتن...
(رێھ و ریشالێن زمانێ کوردی د دیروکێ دا ) The core and origins of the Kurdish language in history.
14/06/2023
ئەی هزر تێکدەرینۆ..!
وە هزرا جڤاکێ
هندە پەریشان کرییە و شلەژاندییە،
کۆ خرابترین رابین و روینشتنێ دکەن،
ژ هزرا پاک دویر دکەن و
بەرێ خوە ددەنە دۆستایەتییا خرابکاران و
ژ هزرا ئەهۆرایی و
راستی و پاکییێ درەڤن.
گاتا، هاتی ۳۲، سروودا ۱
زەردەشت پەیامهێنەر دبێژت: "پێدڤی یە هەمی مرۆڤ د یاسایا یەزدانێ چاکی و قەنجییێ بگەهن. پێدڤی یە ڤیان د ناڤبەرا مرۆڤان دا بەرقرار ببت. بێ ئەڤین؛ نە قەنجییێ هەبوون هەیە نە ژی ژیانێ. ب تنێ ب رێکا ئەڤینێ کەمالا هەروهەری دێ پەیدا ببت."
ڕۆژباش
29/05/2023
پاشی،
رەوانێ جیهانێ دوبارە گازی کر و گۆت:
ئەرێ دبیت ئەز پشتەڤانییا زەلامەکێ بێشیان
بپەژرینم و گوهدارییێ بۆ بکەم؟
ب راستی ئارەزوومەندێ سەردارەکێ بشیان بووم.
کەنگی کەسەکێ وەسا،
ب دەستێن پرشیان یێن خوە،
دێ هاریکارییا من کەت؟
گاتا، هاتی ۲۹، سروودا ۹
ئەهۆرا مەزدا گوپیتکا زانستێ هەبوونێ، دەما دودلییا جیهانێ دیتی ئەو ژ توانامەندییێن زەردەشتی دلنیا و ئاگەهدار کر. ژ زمانێ وی یێ تەر و بازن و دلپەسەند و گەرم و راوەستای، ژ پەیمان و گۆتنێن وی، ژ گۆتارا وی یا هزرلڤینەر و پیرۆز
کۆ ب دەڤێ خوە ددەت وەکی تیشکا رۆژێ بۆ جڤاکێ گەرماهییێ و رۆناهییێ دبەخشیت و وان بەرەڤ جیهانا پاقژی و سەرفەرازییێ پالددەت. د ناڤ گۆتارا زەردەشتی دا دەریایەکا هەست و سۆز و پالپێڤەنان و هۆشێ و ژیرییێ و ئاقلی و زانستی هەبوو. وەختێ جڤاکێ سروودێن نەمر و هەرهەیی یێن زەردەشتی دبهیستن، دکەفتنە ناڤ هزرکرنێ و دل و جانێ وان دکەفتە فرین و پەرکێشان و رامانێ هۆشا وان رێکا گەشەکرنێ و رۆناهییێ دگرتە بەر و بۆ زانین و نیاسین و بدەستخستنێ بشیانتر دبوون، و ئەڤە ژی ئارمانج و هێڤییا زەردەشتی بوو.
زەردەشتی چ‌جاران باوەرییا خوە ب زەربوزەنگ و توندییێ و زۆرەملییێ ب سەر مەژییێ خەلکێ دا نەدسەپاند. کارێ مەزن یێ زەردەشتی هەستلڤاندن و پالدان و پشتەڤانییا رامانان بوو و ب ڤێ رێکێ بۆ کۆ خەلکێ ئاخفتنێن وی دبهیستن و وان بخوە
هزرا خوە دکر و لێ ڤەدکۆلین و هەول ددا و وان بخوە پێنگاڤ بۆ رێکا راستی و زانستی و دانایی و هشیاربوونێ دهاڤێتن. هەر ئەو گۆتارێن پیرۆز و ئەندێشەلڤینەر یێن زەردەشتی بوون کۆ د مەودایەکێ کێم دا بزاڤ و گەشەکرنەکا تەمەت دەریایەکێ د ناڤ جڤاکێ دا پەیدا دکر و زەمینەسازییا شۆرەشا مەزن یا مرۆڤایەتییێ ل مەزرا بۆتان (مێزۆبۆتامیا) چێ کر. بزاڤەک بۆ ژناڤبرنا بێدادی و ستەم و نەزانی و تارییاتی و بجهئینانا ئازادییێ و دادییێ و یەکسانی و زانایی و رۆناهییێ.
زەردەشت هیڤیا ڕزگاریێ/ بابان سەقزی
Reşo - Pîrim zerdeşt
ڕەشۆ زەردەشت:
“«پیری من زەردەشتە/ شوێنی من بەهەشتە» کاتێک ئەمە بە ئارامی بخوێنیت، دەنگی خودای تێدا دەبیستیت. لە موزیکی مندا ئەمە هەیە، موزیکی من موزیکێکی خوداییە”.
Reşo zerdeşt:
“Pîrê min Zeradeşt e/ Şûn warê wî bihişt e
Dema tu wî bi aramî bxwînî, dengê xwedê tû wê Têde bibîsî. di mûzîka min de ev heye, mûzîka min mûzîkek xwedayî ye!”.
▪️ژێدەر: | پاژێک لە وتووێژ لەگەڵ ڕەشۆ زەردەشت
ژێرنووس و وەرگێڕان بۆ فارسی:
#ڕاوێژیسم
Videos (show all)
