دوار الصعيد

أعز الناس
٠٠٠٠٠٠٠
يا ملكة الاحساس
ملامحي اللي بترسميها
تملي الحزن ساكن فيها
ارسمي ف الكون الفرحه
واحضني العيون من الصرخه
وخبيني اه بين النني والطرحه
عشقك ساكني و سنينك ب لياليها
يا ام الضفاير الماس
انت أعز الناس
وأكتبك ايه ع السطور
ومن جمالك مسحور
أكتبك ايه ع السطور
وأرضي عطشانه و بور
ارويني من مطرك ارويني
كروان بيغرد على شجرك حنيني
زارع أحلامه ف املك اسمعيني
وبيتده على قمرك شوق سنيني
ارسميني نجم قمرك ارسميني
واحضنيني ف عتمة سهرك احضنيني
يا قلبي ياعمري با نن عيني
بين عالم روحك وبيني
انا اه زارع فدادين الوفا والاخلاص
يا ملكة الاحساس
انت أعز الناس
وانا أكتبك ايه ع السطور
نجمه ولا قمر ولا نسمة القدر
ولا اموره ف اجمل صوره
ولا عصفوره بتبني عش السعاده
على كل أغصان الشجر
يا ام الحس الوناس
يا ام الهمس الماس
انت اه انت أعز الناس
واكتبك ايه يا احساس الزمن ولياليه
حوريه اكتر شويه من اللي بفكر فيه
كروان بيغرد علي شجرك حنيني
زارع أحلامه ف املك اسمعيني
يا ام الهمس الماس
أكتبك ايه
أكتبك ملكة الاحساس
انت أعز الناس
أعز الناس
بقلم على عبدالرحيم محمد

طريق الجنون
؛؛؛؛؛؛؛؛؛؛؛؛؛؛؛؛؛
يا يمامه بكتب لك
بكتب لك وبقول لك للمره الألف
على قد مابتمنى همسك وقربك
وافرش وانام جوا نبضك و قلبك
على قد مابتمنى هجرك وبعدك
ومن عليل وجنون عشقك
نفسي يا يمامه اداوى واخف
للمره الألف. بكتب لك
حبك سحر جاي من كهف مسكون
حبك مس جان قاسي وملعون
ساحرني واخدني لطريق الجنون
بعترف لك واقول لك
حبك ف حياتي هو نقطة الضعف
ومن عليل وجنون عشقك
نفسي يا يمامه اداوى واخف
للمره الألف بكتب لك
يا ام همس بيغتال الحس
واخد من الكراوان الشجى ورث
ليه زارعه ف طريقي فدادين الاهات
اتكلمي واهدمي بيوت السكات
قولي بتتألمي قولي احساسك مات
يا يمامه اتكلمي وابعديني وابعدي
ارجوكي ابعدي واعندي واعندي
خلي بحور عشقي ليكي تجف
ومن عليل وجنون عشقك اخف
بعترف لك واقول لك
عشقك ف حياتي هو نقطة الضعف
للمره الألف بكتب لك
قلبي ياغريب
من يومك وانت صياد
ليه شبكك بيخيب
واللي شبكك هو اللي اصطاد
ليه يا يمامه ليه العناد
ساعة العصاري جايه جايه
تلبس على عين الشمس الحداد
وتهدى ناري ولياليه
لما اشوف ب قلبي وعنيه
غرورقلبك ف شوق
وحيره وحالة ضعف
للمره الألف بكتب لك
كلمات على عبدالرحيم محمد