حضانه بيردى الخاصه بمنشية الزهراء

**تدريب خلع الحفاض** الحفاضات بقت فى مستوى المواطن المليونير فمقدامناش بديل
***بداية كده امتى تعرفى ان ابنك مستعد للبوتى ؟؟
1-غالبا هيكون فى حدود سن السنتين ..وبما ان الاطفال مختلفه عن بعضها فممكن يكون بعد سنتين وده على حسب طفلك لكن مش قبل سنتين ليه؟؟؟
الطفل عضلاته القابضة اللي بتتحكم فالتبول اراديا بيكتمل نموها بعد سنتين ,ومش بيوصل للعضلة دى اشارات من المخ قبل سنتين فمنضيعش وقت
الطفل مش حيستوعب الاوامر اللى حنديهاله والخطوات اللي حنمشيه عليها قبل سنتين .
-التبول والتبرز اللارادى قبل سن سنتين عند الطفل بيسببله متعة لو حرمناه منها بيعمله مشاكل نفسبة
2-لازم يكون بيفهمك وبينفز الاوامر اللى بتطلب منه ويكون بيقدر يعبر عن اللى عاوزه مش شرط بالكلام ممكن بالاشاره او بتعبيرات وشه
3-انه بقى بيعرف انه بيعمل حمام على نفسه ولما يحس بضيق بيشاولك على مكان البامبرز عشان تغيريله
4-او يكون بيحس باحراج وخصوصا لما يعمل ستوول وياخد مكان بعيد زى القطط كده 😀
5-انك تلاحظى انه بيعرف يتحكم فى نفسه وخصوصا الستوول لما يكون بره البيت
6-انك تلاحظى انه بدا يبقى على فترات متباعده البامبرز بتاعه جاف

***طيب فعلا لاحظتى كل ده وعاوزه تبداى طيب ايه الاستعدادات الاول :
1- يفضل فى فصل الصيف عشان ميتعبش لانه اغلب الوقت هيقعد فتره طويله عل البوتى بدون ملابس
2-خديه معاكى واشترى البوتى(النونية) ومش هوصيكى الوانات وحركات بقى.. وانت بتشترى البوتى اشتريله الاندرز بتاعته برده شكلها ملفت عشان يبقى حابب التجربه دى
3- خلى البوتى فى الصاله (ديكور يعنى ) اول كام يوم وافضلى كلميه وحببيه فيه ...مثلا يعنى : الله شوفت البوتى جمييل ازاى ..عايز تعمل فيه ..عشان نسقفلك ..وعاوز تلبس الاندر الجمييل ده .واااو ..واى كلام اهبل من ده تشجييع يعنى
***طيب هتبداى ازاى ؟
1-حطى فى اعتبارك انه ممكن جدا يتعلم بوتى فى اسبوع وممكن فى شهور فمتقارنيهوش بحد
2-حطى البوتى فى الحمام وكل نص ساعه يقلع البامبرز ويقعد طبعا بتفهميه بطريقتك انه يعمل
3-بما ان القعده هتطول ..خدى معاكى اى لعبه ليه يكون بيحبها ..وشوفيلك كرسى واقعدى يا حبيبتى
4-طبعا فى الاول مش هيعمل فيه الا لو صدفه وساعتها لازم تعملى فرح العمده ..وممكن تاخدو سيلفى كمان .المهم يحس انه عمل انجاز ..احكى لباباه وللجيران ..متسبيش حد ههههه..ده غير المكافاه بأه (اى خاجه بسيطه كتشجيع)
5-اول كم يوم بيفضل لابس البامبرز .مجرد بس ان كل نص ساعه يقعد شويه ويقوم يلبسه تانى ...ده اسهلك انتى
6-مع الوقت هيبدا يتعود انه بيقعد كل شويه وهتصادف انه يعمل فى البوتى ..وطبعا اى مره البامبرز فيها بيتبل لازم تفهميه براحه ليه عمل كده ..وكده مش حلو وشجعيه تانى ومتيأسيش
7- بعدين قلعى البامبرز خالص بقى ..وكل نص ساعه برضه يقعد .وبالتدريج هتخليها كل ساعه وهكذا ...
8-لازم تلاحظيه اول مايشاورلك او تحسيه واخد جنب كده ..جررررى عل الحمام ..واساليه وفكريه كل شويه
9-طبعا وانتو خارجين ..لازم النونية برضه ..ممكن ساعتها تحطى فى شنتطته البوتى اللى هو cover للتويليت ده ..زى الصوره كده ..هينفعك لو روحتى اى مكان بره البيت
****التدريب الليلى ؟؟
1-مش قبل 9 شهور من بداية تدريب النهار يعنى لازم يكون بقى جاف بالنهار ساعتها ممكن تفكرى تبداى وبرضه يكون مش قبل 3سنين ونص (يعنى قبل مايتم 4 سنين بكم شهر كده )
2-خليكى فاكره انه اغلب الاطفال لحد سن 4 سنوات بيكونو جافين بالليل ..بس مفيش مشكله لو كل فتره يكون فيها مره او اتنين عدم جفاف بالليل حتى 5 سنوات
3-قلعيه البامبرز عشان يحس بالبلل وهو نايم وحصنى السرير طبعا بطريقتك ...يشرب طول النهار مياه كافيه لحد اخر لحظه قبل النوم ولازم بعديها يدخل الحمام
4-لو شرب مياه اثناء النوم لازم يدخل بعديها الحمام ...وبرضه حتى لو مشربش لازم فى الاول يصحى مره اثناء النوم يدخل الحمام
5-لو بل نفسه وهو نايم صحيه وغيريله وغيرى السرير وايدى النور ..كل القلق اللى بيحصل ده هيشجعه يتحكم فى نفسه بعد كده
6 -متنسيش برضه التشجيع والمكافأه بعد كل ليله جافه
****شوية ملحوظات ****
1-بداتى بدرى وجربتى لفتره طويله وفشلتى اصبرى شهرين تلاته وجربى تانى مفيش مشكله
2-الطفل بنسبه كبيره بيكون جاف بالنهار عند 3 سنين وجاف بالليل عند 4 سنين ....لكن مفيش مشكله انه يفضل لحد 4 سنين لحد مايبقى جاف بالنهار تماما ..و لحد 5 سنين لحد مايبقى جاف بالليل تماما
(طالما بتصادف اكتر من يوم انه يكون جاف )
3-لو بعد 3 سنين ولا مره قادر يكون جاف بالنهار بيفضل تطمنى عليه الاول عن طريق كشف مسالك وعمل بعض تخاليل البول والاطمءنان على عضله وصمام المثانه .غير كده استبعاد الامساك او السكر او الديدان او التهابات مجرى البول ..ونفس النظام لو بعد 4 سنين ولا مره جاف بالليل وهنا هيكون معاها نفس المشكله بالنهار
4-ممكن جدا يكون مفيش سبب عضوى لكن فيه سبب نفسى وهنا غالبا الشكوى هتكون(( الطفل كان ماشى كويس وبدا يبل نفسه)) ..طبعا اسباب كتير بس اولها الكشف وتحليل بول زى ماقولنا غير كده سوء المعامله .سواء فى البيت او بره البيت...فيه فرق معامله بينه وبين طفل تانى ....حاسس بعدم اهتمام ... سوء المعامله ممكن جدا يعمل اضطراب سلوكى عنده فى صوره العناد مثلا وانه يقصد يبل نفسه قدامك 😊
لكيت على دماغكوا كتير معلش بس المهتم مش حيمل من القراية وحيستفيد 😊
رايحة فين تعالي هنا لايك بقي وكومنت وشير للبوست عشان توصلكم منشوراتي باستمرار 😍😘😉

العقاب بأسلوب الضرب

موضوع شائع . ويكثر الحديث فيه

البعض يقول ﻻيجب الضرب..وانه يؤثر على نفسية الطفل ويصنفه من العنف
والبعض يؤيده وان الآباء ربونا عليه وطلعنا احسن من اوﻻدنا وان بيتأدب
لكل منا نظرته

ولكل منا طريقته
لكن الجميع يتفق ..على انه الضرب غير المؤذي .. !!
وأنه آخر وسيلة بعد كل المحاولات

إن التربية جهد مبذول و تحتاج لنفس طوييييل و صبر و تأنٍّ و برمجة يوميّة لنرى النتائج الإيجابية بعد حين من الزمن.

والتجاهل مفسدة في كل شيء، و في تربية أبنائنا و توجيههم يعدُّ قاتلاً للسلوك الإيجابي، قاتلاً للقدرات الكامنة في شخصيّة الطفل.

و التعجّل يدفع الآباء و الأمهات في الغالب إلى اللجوء لوسائل تربوية غير صحيحة من أجل رؤية النتائج الإيجابية سريعاً على أبنائهم و من هذه الوسائل العقاب البدني و الضرب.
والضرب له أضرار كبيرة على الطفل

- فمن أضرار الضرب: خمس عشرة نتيجة سلبية

1- ضرب الطفل يولّد كراهية لديه تجاه ضاربه مما يقتل المشاعر الإيجابية المفترض أن تجمع بينهما وتقربهما من بعض.

2- اللجوء إلى الضرب يجعل العلاقة بين الطفل وضاربه علاقة خوف لا احترام وتقدير.

3- الضرب ينشئ أبناءً انقياديين لكل من يملك سلطة و صلاحيات أو يكبرهم سناً أو قوة. و هذا الانقياد يضعف الشخصية لدى الأبناء و يجعلهم أسهل للانقياد و الطاعة العمياء، لا سيّما عند الكبر مع رفقاء السوء.

4- الضرب يقتل التربية المعيارية القائمة على الاقتناع و بناء المعايير الضرورية لفهم الأمور و التمييز بين الخطأ
و الصواب و الحق و الباطل.

5- الضرب يلغي الحوار و الأخذ و العطاء في الحديث و المناقشة بين الكبار والصغار، و يضيّع فرص التفاهم و فهم الأطفال ودوافع سلوكهم و نفسيّاتهم وحاجاتهم.

6- الضرب يفقر الطفل و يحرمه من حاجاته النفسية للقبول و الطمأنينة و المحبة.

7- الضرب يعطي أنموذجاً سيئاً للأبناء و يحرمهم من عملية الاقتداء.

8- الضرب يزيد حدّة العناد عند غالبيّة الأطفال و يجعل منهم عدوانيين.

9- الضرب قد يضعف الطفل و يحطم شعوره المعنوي بقيمته الذاتية فيجعل منه منطوياً على ذاته، خجولاً لا يقدر على التأقلم و التكيّف مع الحياة الاجتماعية.

10- الضرب يبعد الطفل عن تعلّم المهارات الحياتية (فهم الذات – الثقة بالنفس – الطموح – النجاح) و يجعل منه إنساناً عاجزاً عن اكتساب المهارات الاجتماعية (التعامل مع الآخرين أطفالاً كانوا أم كباراً)

11- اللجوء إلى الضرب هو لجوءٌ لأدنى المهارات التربوية و أقلّها نجاعة.

12- الضرب يعالج ظاهر السلوك و يغفل أصله. و لذلك فنتائج الضرب عادة ما تكون مؤقتة و لا تدوم عبر الأيام.

13- الضرب لا يصحّح الأفكار و لا يجعل السلوك مستقيماً

إن ما نربّى عليه أبنائنا يا سادة هو ثمار لنا ولوطننا
فحذاري أن تفقدوا ثماركم !!

مسرحية عائلة ونيس ١٩٩٧