حبة شخابيط مع دينا سرحان

سبحان الله من جعله خير شهور السنة وأفضلها
مجرد أنه بيقرب كل الدنيا حواليك بتتشقلب حرفيا
بركة ربنا فى كل حاجة حواليك
فرحة وزينة واغانى رمضان
جو مليان روحانيات
ميكروفونات المساجد اللى بيعلى صوتها عكس الايام العادية
تصلى الفجر وقاعد تسمع جارك مشغل اغانى رمضان
تمشي ف الشوارع تلاقي الزينة وفرحة الأهل وهم بيشتروا حتى لو ابسط الحاجات اللى يفرحوا بيها ويفرحوا عيالهم بيها
اكتشفت لما كبرت أن فرحتنا برمضان طغت على فرحتنا بالعيد
وبقي رمضان هو العيد الحقيقي بالنسبة لنا
حتى لو رمضان زمان كان احسن واجمل من دلوقتى بالنسبة لجيلنا أو الأجيال الأكبر مننا لكن رمضان هيفضل رمضان
فاللهم بلغنا رمضان اجمعين وتقبله منا يارب العالمين 🤲
وارحم من فارقونا ولن يحضروا معنا رمضان مرة أخري يارب العالمين 🤲