GOLD WATER
Contact information, map and directions, contact form, opening hours, services, ratings, photos, videos and announcements from GOLD WATER, Diner, .
06/09/2023
廚房佬又黎啦～
就快到中秋啦～廚房佬預祝大家中秋節大快樂～
就快到中秋節，唔知大家買左月餅未呢？
未買可以幫襯下我呢個廚房佬自家品牌出既流心奶黃月餅，$238一盒，一盒4個廚房佬食過比90分，點解無100分係因為我唔太鍾意食流心奶黃既月餅，剩係鍾意食傳統既白蓮蓉月餅，歡迎今年送傳統月餅比我～
時間過得好快，好多小朋友已經安定落黎，離開既離開，讀書既讀書，大學既大學，但廚房佬還有小朋友黎緊準備要去見校長睇下要讀幾耐大學啦～原本廚房佬已經講左唔再接收任何小朋友，但係由第一代既小朋友帶來既我諗唔到一個理由比自己拒絕，結果都係又破介湊多幾個，哈哈～
不過無論湊幾多個都好，廚房佬格言一係唔湊，一湊湊到尾，既然答應左小朋友，幾難挨我都會陪呢幾位小朋友一齊行落去，你地幾位小朋友定呀，我無BNO,又無回鄉証，邊到都唔會去，最多去台灣見其他小朋友，一定向香港等到你地畢業，放一萬個心！
今次既月餅每賣出一盒就會抽出$50元比呢幾個有需要既小朋友做日常費用，希望大家多多幫襯，只有250盒，賣晒就無架啦～
呢1，2年真係好難挨，廚房佬有個好大既心理關口沖唔過亦放唔低，但開心既係睇住好多小朋友慢慢變成大朋友真係好開心，希望小朋友們快高長大，時間好快過，我呢個廚房佬唔會變，廚房佬等你地～
真係好希望大家來買月餅，因為一人一盒就有250個祝福送比呢幾個小朋友，雖然能幫小朋友既數目唔多，但已經係我呢個廚房佬還可以做既事，只要廚房佬一日還在，一定做你班小朋友後盾，不管何時，何地，何方～
最後廚房佬還在，不會消失，不會潛水，只係呢幾年出現左好多個難過既關口，到現在廚房佬亦不能放下，但只要小朋友有需要，廚房佬還在！
如果大家有興趣可以向呢到pm我，廚房佬會親自回覆，先謝謝大家的幫襯，真係好食架～
Ps
身在外國既小朋友委託廚房佬講好多謝大家既關心，他安好，努力適應生活中，暫時在超級市場工作中，剩係要鏟雪就比較煩～
好多朋友問廚房佬會否出山，廚房佬係會既～
向合適既時間，合適既地方，合適既心態，
廚房佬會再次不計成本煮餐好既大家一齊晚飯
廚房佬煮既不是晚飯，是一個家！
期待再次相見，再次暢聚～
大家好呀～唔知大家還記得我呢個廚房佬嗎？
好耐都無向到同大家傾計啦～希望大家都身體健康，開開心心啦～
唔知大家還記得第一代的送貨專員嗎？
如果記得的話我有個消息講比大家知～
就係其中一個送貨專員將會正式離開香港啦～廚房佬我真係好開心～因為睇到小朋友真正靠自己去搵到自己既生活方式，雖然好多野都要重新適應，但廚房佬我相信小朋友已經大個仔，有能力去搵自己既一片天～
不經不覺原來已經陪伴左呢位小朋友三年有多，睇住小朋友由一個衝動兒長大成一個會識得冷靜思考既大朋友，廚房佬我真的真的好開心，睇住小朋友成長，真係好似一個老豆見到個仔大既感覺，我呢個假老豆希望無失禮啦～
小朋友將於4月離開香港，廚房佬想為呢個第一代既送貨專員做最後一件事，希望大家幫忙，唔知今個星期六，日大家會唔會有時間黎向Gold Water生果部呢？廚房佬想向每一位朋友懇求一些事，呢樣亦係我呢個假老豆能為呢個仔做既事，大家黎到廚房佬會親自同大家講，十分希望能見到大家～
最後廚房佬想講比大家知～
廚房佬無變過，一係就唔湊，一湊就要湊到尾！
共勉之～
Videos (show all)
