Kids Station
Kids Station will guide & encourage you to implement plenty of activities for your little one. The story of Fun with Kids started when I joined the Motherhood.
Through the activities the kid will play, learn, have fun and most importantly you as Parent will enjoy your time with your kid(s). I have been under pressure and at the same time feeling guilty that i have to leave my baby and work. People around me was encouraging the stress by saying "it is too early to leave your baby to go work", or "he will miss a lot of things", "you wont be able to spend t
07/10/2024
07/10/2024
24/07/2024
Mario Time 🕹️
10/03/2023
حفلة رمضان 🥰 بنهية الاطفال ان رمضان جاي و نفكرهم بالصيام. لونا وعملنا فوانيس وكان في انشطة متنوعة 🥰🥰🥰 رمضان كريم 🌙
لاسباب كتيرة قررنا اننا نغير اللوجو بتاع كيدز ستيشون
20/10/2022
انا مؤمنة ان النجاح لازم يكون بخطة و ترتيب افكار …. ومهارة التخطيط لازم الواحد يتعود عليها من صغره و يتدرب عليه كمان 😊
-
اطفال كتير بتكون مش عرفة عندها ايه امتى بين المدرسة والتدريبات و الامتحانات و البطولات ….
- تعالوا نشجعهم من سن صغير يرتبه الشهر بتاعهم و كمان الاحداث الاسبوعية ….
قولولي رايكم ايه و لو محتاجين تفاصيل اكتر 😊
-
سنة دراسية جديدة 💪🏼
#مدرسة #الاطفال #دراسة #ابتدائي #اعدادي #جامعة
20/04/2022
السلام عليكم... وحشتوني يا ولادي... 😊
النهاردة هنحكي قصة سيدنا آدم...
أبو البشر...
أول إنسان ربنا خلقه...
. طب ليه إحنا بنحكي قصص الانبياء؟
عشان نقلدهم في حياتنا ونتعلم منهم...
ولو حياتنا كانت جميلة نشكر ربنا زيهم
ولو قابلنا حاجة صعبة في حياتنا نصبر ونستحمل زي ما الانبياء علمونا...
وبنتعلم منهم ازاي نرضي ربنا ونطيعه في كل حاجة بنعملها في حياتنا...
وهنحس ان ربنا بس هو اللي يقدر يساعدنا في كل حاجة في حياتنا...
وإن إحنا لو دعيناه وعبدناه وأطعناه... هنبقي أسعد في حياتنا وقلوبنا مبسوطة مرتاحة ومطمنة...
ربنا قالنا عن الانبياء....
أولئك اللذين هدي الله فبهداهم اقتده
نقتد بيهم يعني نقلدهم...
*******
سيدنا آدم... أبو البشر
أول إنسان خلقه ربنا ...
ربنا عنده علم وحكمة وقدرة...
أكبر من تفكيرنا...
وعشان كده قال للملائكة إنه هيجعل مخلوق جديد علي الأرض... فقالهم:
إني جاعل في الارض خليفة...
وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً
يعني إيه خليفة ؟... يعني الإنسان هيخلف كائن تاني ربنا خلقه.. اللي هما الجن... (هيخلفه يعني هييجي من بعده) ... الجن عاشوا علي الأرض قبل الانسان... لكن الجن أفسدوا في الارض وحاربوا بعض... فربنا أمر الملائكة يبعدوا الجن للجزر البعيدة... وهتكون الارض للبشر ...
وفيه معني تاني لكلمة خليفة... ان البشر هيخلف بعضهم بعض... يعني ناس تموت ويخلفهم ناس تانية.... يعني ييجوا بعدهم..
الملائكة ردت...
قَالُوا أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ
الملائكة كأنها كانت عارفة إن فيه مخلوقات قبل الانسان عملت كده علي الارض.. اللي هما الجن..
أو ان الملائكة متوقعين ان الانسان هيعمل كدة... مايعرفوش ان هيكون من البشر انبياء وشهداء وعباد صالحين...
ربنا قالهم إني اعلم ما لا تعلمون....
ربنا يعلم كل شيء وله سبب وحكمة من كل شيء بيحصل...
وحتي لو إحنا مش عارفين السبب بنطيع ربنا لإننا عارفين إنه الخالق والأعلم من كل مخلوقاته وعنده كل الحكمة الأسباب .
فربنا اخد قبضة من تراب الارض... بكل ألوانه...
تراب الارض منه الابيض والاسود والبني... الفاتح والغامق..
وزي ما تراب الارض ألوانه مختلفة... ألوان البشر مختلفة..
منهم الابيض والاسود والبني والفاتح والغامق..
لكن مافيش لون أفضل من لون عند ربنا....
الانسان الأفضل عند ربنا... هو اللي أخلاقه طيبة وبيحب لربنا .
وبدأ خلق آدم من تراب وماء...بقوا زي الصلصال... مجرد تمثال... زي الفخار..
وحجمه أكبر وأطول مننا.. وخلقه علي أحسن صورة... ضهره مفرود وجسمه قوي ...
ربنا ترك آدم فترة من الزمن...
مانعرفش قد إيه...مجرد صلصال زي الفخار...
إبليس ... كان شيطان ... ربنا خلقه من النار..
بدأ يروح يبص عليه... ويدور حوليه... إيه ده ؟.. إيه المخلوق ده ؟
بدأ يلف حواليه.... إبليس لاحظ ان المخلوق ده أجوف... يعني فاضي من جوة... فقال لنفسه... ده كدة يبقي مخلوق ضعيف...
إبليس حس ان المخلوق الجديد ده أقل منه وأضعف منه... بعد وقت من الزمن ربنا نفخ في سيدنا آدم وأعطاله الروح اللي هيعيش بيها... فبث في سيدنا آدم الحياة... ربنا قدرته عظيمة وعلمه واسع.
الفرق بينا وبين تراب الارض... الروح... إحنا ربنا اعطانا الارواح اللي بنعيش بيها... ولما نموت ترجع روحنا لربنا... ويرجع جسمنا لتراب الارض..
ربنا علم آدم الاسماء... كل الاسماء...دي شمس .. دي شجرة ...ده نهر..علمه كل شيء... ربنا خلق الانسان عنده قدرة علي التعلم... وعلمه اسماء كل الأشياء.. وميزه بأنه علمه
ربنا عرض الاسماء والاشياء اللي علمها لآدم علي الملائكة وقالهم :
أَنبِئُونِي بِأَسْمَاءِ هَٰؤُلَاءِ إِن كُنتُمْ صَادِقِينَ....
الملائكة حسوا انهم مش عارفين الاسماء دي..
وعرفوا ان ربنا ميز المخلوق ده.. اللي هو سيدنا آدم... اللي هو هيبقي خليفة علي الارض... ربنا ميزه بعلم ومعرفة لا يعلمها بقية مخلوقاته...
الملائكة ردت باءستحياء....
قَالُوا سُبْحَانَكَ لَا عِلْمَ لَنَا إِلَّا مَا عَلَّمْتَنَا ۖ إِنَّكَ أَنتَ الْعَلِيمُ الْحَكِيمُ ...
يعني يارب احنا علمنا علي قد ما علمتنا وانت عندك العلم الواسع والحكمة والاسباب لكل حاجة بتحصل لكن احنا لأ...
ربنا أمر الملائكة بالسجود لسيدنا آدم ... قالهم :
فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُوا لَهُ سَاجِدِينَ
يعني اول لما انفخ فيه الروح.. كلكم تسجدوا لآدم...
هل السجود ده كان سجود عبادة ؟... لا... ده سجود تكريم وتحية لآدم...
فأول لما ربنا نفخ الروح في آدم... كل الملائكة سجدت...
إلا مين ياولاد ؟...
ماعدا ابليس واقف متكبر ...
الملائكة اللي هما أكرم مخلوقات ربنا سجدت وأطاعت ربنا... وإبليس عصى ربنا وماسجدش مع الملائكة...
ربنا سأله... قَالَ مَا مَنَعَكَ أَلا تَسْجُدَ إِذْ أَمَرْتُكَ ؟
فرد ابليس.. قَالَ أَنَا خَيْرٌ مِنْهُ خَلَقْتَنِي مِنْ نَارٍ وَخَلَقْتَهُ مِنْ طِينٍ
ابليس اتكبر علي أوامر ربنا...
إبليس لما شاف آدم وهو مخلوق من تراب وطين... حس انه أحسن وأعلي وأقوي منه...
ربنا قال لإبليس... :
قَالَ فَاهْبِطْ مِنْهَا فَمَا يَكُونُ لَكَ أَن تَتَكَبَّرَ فِيهَا
يعني ما ينفعش تتكبر وتعصاني... جزاءك تخرج من رحمة ربنا و تعذب في جهنم...
ابليس بدل ما يستغفر ربنا او يندم
رد وقال : قَالَ أَنظِرْنِي إِلَىٰ يَوْمِ يُبْعَثُونَ
يعني اديني فرصه بس لغاية يوم القيامة... اليوم اللي هتحاسب فيه الإنسان والجن... هدخل المخلوق ده معايا النار هو وأولاده وأولاد أولاده .. وهفضل ورا المخلوق ده بكل الطرق عشان أخليه يعصيك زي ما أنا عصيتك...
ربنا أمهل إبليس لغاية يوم القيامة... عشان يدخل معاه اتباعه اللي اتبعوه نار جهنم... ويدخل الجنة الناس الصالحة اللي ماقدرش الشيطان يخليهم يعصوا ربنا...
ربنا هيعمل اختبار لآدم عشان يتعلم... ويحذر من الشيطان...
ربنا قال لآدم... انت هتعيش في الجنة انت وزوجتك...
ربنا خلق حواء عشان تكون زوجة لسيدنا آدم وام لكل البشر... خلقها من ضلع آدم... يعني حواء كانت جزء من آدم... وربنا بقدرته وهبها الروح والحياة ...
الحياة في الجنة مافيهاش تعب ولا شقاء ولا جوع.. كل حاجة موجودة وجميلة وسهلة وممتعة...
لكن ربنا اعطي امر لآدم وحواء...
ربنا قالهم لا تقربا تلك الشجرة...
كانت شجرة ايه ؟.. مش مهم بدل ربنا ماعرفناش.
يعني استمتعوا بالجنة بس ماتقربوش من الشجرة دي... مش بس ما تكلوش... لا.. ماتقربوش من الشجرة دي..
بس ربنا ماقالهمش السبب... ربنا عنده الحكمة والعلم... فإحنا لازم نطيعه في حياتنا ومش لازم نعرف السبب...
الحاجات الحلال في حياتنا كتيرة ونعم ربنا علينا كتير ... بس الشيطان بيخلينا ننسي كل النعم الحلوة الحلال اللي ربنا ادهالنا ...وبيخلينا ندور علي الحاجة الناقصة او الحاجة الحرام ويحليها في عيننا ... إيه اللي هيحصل يا ولاد؟
آدم وحواء فضلوا عايشين في الجنة.... بس كل شوية الشيطان يدخلهم الجنة ويحاول يقنعهم ياكلوا من الشجرة دي...!
ده الجنة مليانة ثمار جميلة ربنا جعلها ليهم ..وقالهم ماتقربوش شجرة واحدة.. فمارضوش يسمعوا كلام الشيطان...
الشيطان ما وقفش... فضل وراهم... يزن... ويسيبهم ويرجع...الشيطان خطوة بخطوة بيوقع الانسان في الذنب... الشيطان وقف واقسملهم انهم لو أكلوا من الشجرة مش هيموتوا ابدا وهيكونوا ملائكة وهيبقي عندهم ملك ما بينتهيش...
وقالهم انه بينصحهم ومش عاوز غير مصلحتهم.....
آدم وحواء صدقوا.. نسيوا أمر ربنا ... وراحوا للشجرة... قربوا منها... وكلوا منها... ربنا كان خافي عنهم مكان العورة... فظهر لهم... فاتكسفوا وفضلوا يقطعوا من ورق الشجر ويغطوا نفسهم... وعرفوا انهم وقعوا في ذنب عظيم و إنهم عصوا ربنا في امره والشيطان كذب عليهم...
ربنا أما يؤمرنا أمر نطيعه... حتي لو احنا بعقولنا مش عارفين سبب الامر... لان ربنا عنده الحكمة والعلم الواسع والاسباب اللي احنا مانعرفهاش... وربنا هيختبرنا بالامر ده... هنطيعه بدون معرفة سبب الامر... ولا هنسيب نفسنا للشيطان...
سيدنا آدم وحواء حسوا بالذنب العظيم ...وعرفوا انهم وقعوا في معصية كبيرة..
ربنا عاتبهم ...
وَنَادَاهُمَا رَبُّهُمَا أَلَمْ أَنْهَكُمَا عَن تِلْكُمَا الشَّجَرَةِ وَأَقُل لَّكُمَا إِنَّ الشَّيْطَانَ لَكُمَا عَدُوٌّ مُّبِينٌ (22) ؟..سيدنا آدم لما عصي ربنا مابررش زي ابليس ما برر وقال انا ما سجدش لاني احسن منه...
سيدنا آدم ما فضلش يبرر ذنبه وخطأه... او يقول اي اسباب خلته يعمل كدة...
سيدنا آدم فورا استغفر ربنا ورجع له وندم علي فعلته...
فربنا غفر له ذنبه...
وده كان الاختباروالدرس..
لآدم قبل ما ينزل الارض عشان يعرف مين عدوه وان ازاي مهما حصل يطيع امر ربنا حتي لو مش فاهم سببه.. وان الشيطان عدوه اللي هيحاول بكل الطرق يعصي ربنا...وخطوة بخطوة هيوقع الانسان في الذنوب... عشان كدة ربنا قالنا :
وَلَا تَتَّبِعُوا خُطُوَاتِ الشَّيْطَانِ ۚ إِنَّهُ لَكُمْ عَدُوٌّ مُّبِينٌ...
ربنا تاب علي آدم وزوجته ونزلهم الارض... لكن الارض غير الجنة... تعب وشقاء وجهد وشغل عشان يوفروا اكلهم وسكنهم.... وربنا رزقهم باولاد وبنات كتير جدا يا ولادي.... إيه إللي حصل بعد كدة ؟
نكمل الحلقة الجاية...
بقلم :
د. رشا رشاد