Farai's book

Xikanwe kanwe nghamu yi wa hi matsolo yi sungula ku kambela vanhu lava ha vambirhi.
"Nkoka fonela mhani Flora u heta u ta ndzi pfuna hi CPR."
Hinkarhi wolowo ko ta fika vanhu vo hlayanyana ku ta hlalela timhaka ta musi na huwa ya xihuhuri lexi pengunulaku malwangu ya tindlu ta vona va sala erivaleni.Ana a va yi toloverile huwa ya wansati loyi wo rhuketela minkarhi hinkwayo,a rhuketela xisiwana lexi nga tihlamuleriki.Va ringetile ku pfuna hi laha Va nga kotaka ha kona vaakatiko ku kondza va rhwala vanhu lava havambirhi va va hoxa emovheni ku kongomiwa lomu va nga ta kuma ku pfuniwa hi vanhu va ntokoto wa swarihanyu.Loko ku ri yindlu ya xihuhuri a yi nga tshangi hikuva ndzilo a wu nga si boxa,a ko ho va musi ntsena.

Vuongori byi endliwile ina,kambe Ku hola ku ta khwatsi naswona munhu wa moya wo tsana a nga anakanyi ku hola mianakanyo ya yena yi tshama yi namarhele leswi nwi tsaniseke ivi Yi nwi nwi vangela ntshikelelo lowukulu leswi endlaka leswaku na swirho swi tsana a tsandzeka ku hatla a hlakarhela.Manana Malungani u ti nyikile ntirho wo hlayisa jaha leri ku kondza ri lulama,a swi nwi tikela ku ri pfumelela ku tlhelela le a ri tshama kona hikuva se a swi vonile leswaku a ri nga hlayisekangi.
"Heyi sesi Flora a ndzi ku va nwi hembela Nwa Mcetweni kasi hi swona leswi a swi twala hi yena.Ndzi kolwe hi yo oxa makwerhu wa minaaa."
"Wansati luya u na rihuhu ro tivana Na yena hakunene,ku lo wisa mbulwa liya Mathebula.A nga ta swi kota leswi onge swo nyanya loko va kha va kula ke."
"Khari yena,loyi se I wa mina nwana ndzi ta tihlayisela yena....

Xihuhuri xi sungula ku hundla-hundlana na xiyimo hi marito ya vukarhi swinene.Wansati loyi,a nga swi twisisi leswi nga ku humeleleni x**a.Ematshanweni yo ba nyandzayeye leswaku vaakelani va ta pfuna ku timela no ponisa nwana loyi anga le ndzeni ka yindlu o rhukana.
"Yooo u ni dlele nwana wa xisiwana,hakunene u ndzi hisela yindlu,loko a wu lava ku fa hikokwalaho ka yini u nga kongomangi enhoveni u ya tisunga kumbe u yima exikarhi ka patu movha wu ku tlakula x**a"
Hinkarhi wolowo a ku humelela movha wu kongome kwahala ka vona.Ivi xikanwe Wu fika wu yima ku chika wanuna ivi wansati Na jaha ra yena va landzela hi le ndhaku.
Loko va fika kwalaho Va hlamarisiwa hi wansati loyi a kupaku ematshanwini yo pfula rivanti kumbe musi wunga hunguteka.
"Mhani ku na munhu kwahala ndzeni ka yindlu kumbe..."
Xi ku hahlu xihuhuri
"Ina....a hi xisiwana xexi xi nga tindlayela mutini wa mina manani,wa mina nwana hi loyi a nga...."
Malungani a nga ha yimayimangi u lo ba rivanti a nghena ndlwini,leswi a ri wa rhambu ro tiyela a nga karhatekangi swinene ku ri pfuleka .Endhaku ka timinetse to hlaya u humile a tamerile jaha ra ka Ngobeni a fika a wa na rona kwala ndyangu ......

Endhaku ka awara Sasi u tikumile a ri emubedweni wa xibedlele,laha tlhelo a ku tshamile jaha leriya a nga ri vona le khotsweni.
"Hahani mi pfukile,mi hi chavisile swinene namuntlha."
Sasi a halahala a gimeta hi Ku yisa mahlo eka jaha leri ra mpohlo.
"Ina nwana buti....ndzi rivalele eka hinkwaswo a ndzi nga tiendli .....a ndzo kuceteriwa hi vanhu,"a vulavula a ri Kathi a mpfikula.
"Tshikani sweswo ka Hahani,a hi khenseni ntsena Ku ri ha ha ri kona hinkwerhu.
Kasi hakunene ku khola ku risema,loyi Kenneth a ri ndzumulo ya buti wa Sasi.Vatswari va yena xikanwe na sesi wa yena Thandi va love eka nghozi ya movha va ri karhi va s**a xilungwini laha Thandi a nghena kona xikolo.
Kenneth a ringana na Fanisa,leswi a swi olovisa ntirho wa Sasi wo kurisa xijahetana lexi xa xisiwana xikanwe na tuva ra yena.Swi fambe kahle malembe mambirhi ntsena eka lera vunharhu Kenny a hindzuke ndhwalo hi mhaka ya leswi a tlharihise xiswona no tiva mintirho ya laha kaya Ku tlula Fanisa.Aa bukuteriwa nwana wa xihlangi a tlhela a byeriwa ku pfuxa rhumbi ra tata wa yena a nyizela tuva leri ra mudya ndzhaka.N'wana ku nga n'wana timhaka leti hinkwawo a to fana ntsena mati yo cheriwa ribyeni ra tambha.Va hanyise sweswo ku kondza siku rinwana,kute loko Kenny a vuya xikolweni hi nkarhi wa ndhengha a sungula mintirho ya laha kaya a tlhela a sweka.Tuva rona a ra ri lomuya ku hungasiwaku kona na lavo tshama lomu tikhoneni mapatwini,ri vuya loko mana wa rona a chika bazi ro huma le va tundaku kona le Giyani.Va te ku fika ndyangu va hlanganisiwa hi musi lowu a wu huma hi mafasitere ya yindlu hinkwayo,Kenny a a biwe hi xithonghwani a ha vupfisa mukokoroxi.Mbuyangwani ku karhala ku s**a xikolweni ku ta onha swilo la kaya.....

Ku kufumela ka n'wayitelo wa munhu loyi Ku endla Sasavona a tlharhamuka, makatla ya sungula ku ololoka.A twa milenge yi tlakuka ku olova ematshanwini yo tsheretshere.Jaha ri tlakuka ri lehisa voko ku lava Ku xeweta wansati loyi kambe Ku hlamala ka yena a ku nyanyile himpfhuka a nghena hi nyangwa.
"Hahani hi mina Kenneth wa Nwa Mzamani"
Sasavona a twa a fikeriwa hisululwani,a hatla a koka xitulu a ticukumetela eka xona
"Mo tela ku ni hleka himpela na xiyimi xa mina lexi,"a vula a ri karhi a sungula ku mpfikula hi xiviti
"Mi nga rili ka hahani,ndzi tele Ku mi pfuna.ku s**a namuntlha mina Mlambya ni gqwetha ra nwina."
Sasavona a twa onge u heleriwa hi moya,a tlakuka laha a tshamile kona ivi xikanwe a ku mhe ehansi........