Blachi Daily News -BDN

N'WANA WA XIKOLO A TLHAVA N'WANA KULOBYE A LOVA EKA MULAMULA

MALAMULELE: Mahungu yo biha ya boxa leswaku n'wana wa xikolo wa khume ntlhanu (15)wa malembe u lovile endzhaku ko tlhaviwa hi nwana kolobye wa xikolo kus**a emugangeni wa ka Mulamula ehandle nyana ka doroba ra ka Malamulele.Wajaha wa khume nkombo(17) wa malembe hi vukhale u gorombisanile na mufi exikolweni hinkarhi lowu xikolo a xi ri na ntirho wo tlangela timhaka ta swa ndhavuko.

Xiviko xa Maphorisa xi boxa leswaku lavambirhi va holovile ku fikela laha lowun'wana anga humesa nchumu wo kariha a tlhava jaha leri loveke a lahlekeriwa hi vutomi bya yena xikan'we kan'we.

Mhangu yi endlekile hi ravumune ra ti 29 Nyenyanyani 2024 .Muhehliwa u khomiwile hi Maphorisa laha anga languteriwa kuya tivonakarisa ekhoto ya majistarata wa ka Malamulele hi musumbhunuko wa ti 04 Nyenyankulu 2024.



"We excel in news accuracy "

GCR FM YI YA EMAHLWENI YI KOMBA LESWAKU YI YONA RITO RA RIXAKA

GIYANI: Xiyanimoya xa vaaki xa Giyani Community Radio kumbe GCR hiku komisa va khomile xiyimo xa vumbirhi eka mphikizano wa nhlawulekiso wa ririmi eka timhaka ta vuhaxi.GCR fm leyi yi nga eka xiyimo xo sungula hi vuhaxi eka ti community Radio hinkwato ta xifundzhankulu xa Limpopo yi haxa minongonoko vusiku na nhlikanhi ku s**a edorobeni ra Giyani laha sweswi yi hetaka khume(10) ra malembe ya vuhaxi.Ntokoto na vufambisi ehansi ka vurhangeri bya tatana Pre Norman Chabani na varhangeri kulobye eka xitichi byi karhi ku veka xiyanimoya xa vaaki eka map wa misava.

Congratulations GCR FM...!!



"We excel in news accuracy "

MAXANGU YA KAIZER CHIEFS MA YA EMAHLWENI

Xipanu xa Kaizer Chiefs xi hluriwa hi xipanu xale hansi xa Milford FC eka mphikizano wa cup ya Nedbank.

Chiefs yi dyiwile hi ti penalty

Chiefs 4
Milford FC 5

Xipanu xa Milford FC I Xipanu lexi eka va league ya le hansi ,leswi swo komba leswaku Kaizer Chiefs swa yona swa tika.



"We excel in news accuracy "

NEWS IN: Vachayeri va komberiwa ku chayela hi vukheta endzhawini ya gondzo ra le xikarhi ka miganga ya Xawela na Nkomo C ehandle nyana ka doroba ra Giyani.Leswi swi landzela nghozi leyi vikiwaka ku va yi koxile vutomi bya vanhu va ntlhanu kuta fika eka nkarhi wa sweswi.

Leri i hungu leri ra ha yaka mahlweni..



"We excel in news accuracy "

ANC: President wa vandla ra ANC Cyril Ramaphosa a andlala ximfumo switshembhiso swa vandla ra ANC ku kongoma eka minhlawulo ya mani na mani. Ramaphosa a bula na vaseketeri na swirho swa vandla ra ANC kus**a erivaleni ra mintlangu ra Moses Mabhida e dorobeni ra Durban kus**a exifundzheninkulu xa KwaZulu-Natal hi mugqhivela.

Switikomba mavandla ya tipolitiki va vona ndzhawu ya rivala leriya e Durban riri ndzhawu yo Nona ku ri tirhisa ku gangisela tivhoti. Vandla ro kaneta ra EFF va endlile ntirho lowu fanaka masiku mangari mangani lawa ya hundzeke kus**a endzhawini Liya,kasi na vandla ra Inkatha Freedom Party na rona Rita endla ntirho lowu fanaka kona e Moses Mabhida.



"We excel in news accuracy "

MHAKA YA BOKISI RA MUFI LERI NGA THUMBHIWA PATWINI YI TIYISISIWA LESWAKU A KURI NA MUFI ENDZENI

NDZHELELE: Mahungu ya tiyisisa leswaku hungu le beke huwa namadyambu ya ravuntlhanu ya ku voniwa ka bokisi ra vafi e patwini kus**a etindzhawini ta Ndzhelele yi tiyile.Swiviko swi boxa leswaku bokisi ri wile endzeni ka movha wo rhwala vafi (Hearse) lowu awu famba hi rivilo,kambe muchayeri anga lemukangi leswaku bokisi leri ari rhwele mufi ri wile emovheni.

Vaaki va ndzhawu ya muganga wa Phadzima e Ndzhelele lahamhangu yinga humelela kona va tekile bokisi leri tiyisisiweke leswaku a riri na xidumbu endzeni va hlayisa ku yimela va xiyenge sosayiti.Bokisi ri voniwile hikwalomu ka 20h30 namadyambu hi ravuntlhanu.

Leyi I mhangu leyi nga tolovelekangiki na swona yi tshema nhlana.



"We excel in news accuracy "

BREAKING NEWS: Nghozi yo Chavisa eka gondzo nkulu ra N1 eka nhlikanhi wa namuntlha hi mugqhivela. Movha wa Golf wu ngheni ehansi ka Truck.Va xilamulela mhangu vo bohekile ku tsutsumela hi xihahampfhuka phatsa hikokwalaho ka ku biha ka xiyimo xa mhangu.

Vuxokoxoko mayelana na nghozi byi ta landzela..



"We excel in news accuracy "

MALAMULELE: Va maspala wa Collins Chabane va tifamberisa ekule na xinavetiso xa mintirho lexi nga eku hangalakeni. Vufambisi bya maspala byi boxa leswaku lexi i xinavetiso xa vuxisi lexi va maspala va nga xi tiviku laha va vulaka leswaku loko ku huma swivandla swa mintirho va ta swi tivisa ximfumo eka mani na mani.



"We excel in news accuracy "

VANDLA RA ANC RI WERIWA HI PAPA RA NTIMA EKA MASPALA WA COLLINS CHABANE

MALAMULELE: Khale ka mukhanselara tlhelo xirhonkulu xa vandla ra ANC Marx Hasela Chauke kus**a eka maspala u vikiwa niku tiyisisiwa leswaku u etlele vurhongo lebyikulu. Chauke u vile mukhanselara eka Ward 25 etindzhawini ta ka Matsakali ehansi ka Maspala wa Collins Chabane ku sukela lembe ra 2016 ku fikela 2021.

Hambi loko Hasela Marx wa Mbhawuxi a tirhile eka Maspala laha ataleriwile hi migingiriko anga yimanga ku tirha eka swiyenge swa vaaka tiko vaka Matsakali eka tikomiti to hambana hambana to hluvukisa muganga waka lowuya.

Meyara wa maspala wa Collins Chabane tatana Shadrack Maluleke u hlamusela Chauke tani hi munhu loyi ari phuphu eka vandla rakwe ra ANC xikan'we nale ka rhavi ra vandla ra Xiwamiseve.

Ntirho wo tsundzuka Mufi Hasela Marx Chauke wutava kona hi siku ra wavumune wa ti 22 February 2024 loko ku nwu veka switava kona hi mugqhivela wa ti 24 February 2024 kus**a emugangeni wa ka Matsakali.

Comrade Marx u lovile endzhaku ka mavabyi.

Etlela hiku rhula Mhlengwe,Mbhawuxi wena Chauke xa humba..



"We excel in news accuracy "

BREAKING NEWS | Judge President John Hlophe becomes the first judge in South African history to be impeached and removed from office, after being found guilty of trying to sway two Constitutional Court justices to rule in favour of Former ANC President Zuma. He loses his salary for life.

President Cyril Ramaphosa will now formally remove Hlophe from office.
The vote split was 305 MPs in favour of removal and 27 against.

-BDN

"We excel in news accuracy "

HOLOBYE WA TIMALI A TLAKUSA NKWAMA WA VAHOLI VA MIDENDE

Holobye wa Ndzawulo ya swa timali nkulukumba Enock Godongwqna u tivisile ku tlakuka ka nkwama wa vanhu lava holaka midende yo hambana hambana.Godongwana loyi anyika mpimanyeto wa swa timali namuntlha u tivisile leswaku midende ya vadyuhari(Old age grant) yita tlakusiwa hi R100 laha yinga ta avanyisiwaka ku sukela hi nhweti ya Dzivamusoko kasi yinwana yita aviwa hi nhweti ya nhlangula.Miholo ya vana lava pfumalaka vahlayisi (Child support grant)yona yita tlakusiwa hi R20.Kuya emahlweni holobye u vurile kumbe ku tivisa ku tlakuka ka miholo ya vanhu lava hanyaka na vutsoniwa leyi nga ta tlakusiwa hi R50 exikarhi ka tinhweti leti boxiweke.

Holobye Godongwqna a nyika mpimanyeto wa rixaka kus**a e palamende.



"We excel in news accuracy "

PRESIDENT RAMAPHOSA A TIVISA XIMFUMO SIKU RA MINHLAWULO YA MANI NA MANI

Sikunkulu leri tiko ra Afrika Dzonga ava ri languterile hi mahlo ngati ri tivisiwile ximfumo hi President wa tiko nkulukumba Cyril Ramaphosa. Siku ra ti 29 May 2024 i siku ra ximfumo ra minhlawulo ya mani na mani etikweni hinkwaro ra Afrika Dzonga.

ELECTION DAY : 29 May 2024



"We excel in news accuracy "

GIYANI: Vafambisi va ku kombisa ku vilela a Giyani va boxa leswaku ku Hava ku kombisa ku vilela hi vaaki va Giyani eka siku ra Ravumbirhi ra 20 February 2024. Leswi swi landzela phephahungu eka swiyenge swa mabulo ri komba leswaku kutava na ku yimisiwa ka migingiriko hi vaaki lava vilelaka leswaku muako wa khale ka college ya dyondzo yo Giyani yi endliwa rhavi ra Tshwane University of Technology (TUT).

Eka nkarhi wa sweswi,varhangeri va ku kombisa ku vilela va tiyisisile leswaku va rindzile nhlamulo kus**a eka hofisi ya holobye wa dyondzo ya le henhla Dokodela Blade Nzimande.Mahungu ya boxa leswaku hofisi ya holobye yi vula leswaku college yita pfula haxaqa hi lembe ra 2025.
Ndzhawu ya khale ka college ya dyondzo ya Giyani yi vonaka yiri marhumbi laha yinga hlakala swinene hikuva yingari nchumu.



"We excel in news accuracy "

PHALABORWA: Maphorisa ya Phalaborwa ya tiyisisa ku chayisiwa ka munhu hi movha loyi a famba hi xikanyakanya a lova. Mhangu yi humelerile eka gondzo ra R71 ekusuhi na le ka Makhushane hi nsoto na mixo.Mufi u vikiwa ku va a chayisiwile hi movha lowuntsongo wa Polo lowu awu kongoma edorobeni ea Phalaborwa.

Vulavusisi bya xiphorisa byi karhi kuya emahlweni mayelana na mhangu.



"We excel in news accuracy "

BREAKING NEWS: Va maspala wa Greater Giyani vari pfhumbha ro kombisa ku vilela hi vaaki va doroba ra Giyani ri herisiwile. Hikuya hi phephahungu ra Facebook ya Maspala wa Giyani ri boxa leswaku Meyara Manana Zitha va fikelerile mintwanano na swiyenge swaku rhangela pfhumba xikan'we na xiphorisa xa Giyani ku herisa ku kombisa ku vilela.

Xitiviso lexi axi vuli nchumu hi mintwanano leyi nga fikeleriwa, ko twala kuri ku kombisa ku vilela swi yimisiwile.

Swi vonaka onge ku na ku kokelana hi miehleketo eka swiyenge swa vaaki va Giyani,kambe leswi swona aswi na vumbhoni.

Rhiya ndleve uya emahlweni..



"We excel in news accuracy "

MIGINGIRIKO YI YIMILE A GIYANI

GIYANI: Tindlela hinkwato ta ku nghena na ku huma endzeni ka doroba ra Giyani ti pfariwile hi vaaki lava kombisaka ku vilela. Gondzo ra R81 ri pfariwile matlhelo hinkwawo yo nghena Giyani hi vakombisa ku vilela lava nga eku hiseni ka mathayele va koxa leswaku holobye wa dyondzo yale henhla Dokodela Blade Nzimande a chika ata va nyika nhlamulo mayelana naku pfuriwa ka khale ka college ya dyondzo ya Giyani.

Hikuya hi swiviko swa nkarhi lowu hundzeke,swi boxa leswaku Holobye Nzimande u tshembhisile tiko leswaku college yita pfula laha yinga ta tirha tani hi rhavi rintshwa ra Tshwane University of Technology (TUT).Vaaki va Giyani va hlundzukisiwa hikuva mhaka yinga endlekangi hinkarhi lowu tshembhisiweke na swona kuhava mahungu yo karhi kus**a eka holobye ku byela vaaki leswaku hikokwalaho ka yini switshembhiso swinga fikeleriwangi. Tani ji Blachi Daily News-BDN hikarhi ku ringeta ku hlangana na hofisi ya holobye Dokodela Blade Nzimande kuta angula eka mhaka leyi, kambe ahi se Kuma nhlamulo yo khomeka.

Vanwana Vaaki va Giyani va humesa mahungu eka swiyenge swa mabulu va hehla leswaku swiyenge swo hambana hambana swa tikomiti ta vaaki aswi nghenelerisiwangi eka timhaka ta swivilelo leswi boxiweke. Nakambe swikolo swa le makaya ehandle ka doroba ra Giyani swikarhi ku dyondziwa tani hi ntolovelo.Migingiriko yi yimile ntsena edorobeni ra Giyani.

Tshama u rhiye ndleve hita ku khumbha loko nkarhi wuya emahlweni.



"We excel in news accuracy "

VAAKI VA GIYANI VA XUNGETA KU YIMISA MIGINGIRIKO A DOROBENI RA GIYANI

GYANI: Vaaki va Giyani va xungeta leswaku musumbhunuko wa ti 12 Nyenyanyani 2024 a ku nga tirhiwi nchumu a Giyani. Hikuya hi xitiviso lexi nga eku hangalakeni eka swiyenge swa mabulo xi boxa leswaku vaaki va tshembhisiwile hi lembe ra 2022 hi holobye wa dyondzo ya le henhla Dokodela Blade Nzimande leswaku Khale ka college ya dyondzo e Giyani yita endliwa rhavi ra Tshwane University of Technology (TUT).

Switshembhiso swa holobye Nzimande a swi vurile leswaku TUT yi ta sungula ku tirha ku amukela machudeni nan'waka hi 2024 e Giyani,kambe a ku na nhlanga yi nga baleka ngati.Kholichi ya Giyani ya ha ya emahlweni yi va marhumbi laha tinyoka tinga tikumela ndzhawu yo tshama.Leswi swi hlundzukise vaaki laha va koxaka leswaku holobye Nzimande a chika hi byakwe kuta angula vaaki va Giyani leswaku hikokwalaho ka yini University yinga ri Kona e Giyani hikuya hi xitshembhiso xakwe.

Vaaki va vula leswaku aku nga pfuli vhengele, swifambo swa mani na mani aswinga tirhi, tindzawulo ti fanele ku yima xikan'we na swin'wana e Giyani.

Vaaki va kwatile swinene....

Tani hi Blachi Daily News-BDN hitava hi vekile tihlo eka mhaka leyi..Tshama u rhiye ndleve, ahinge ku nyiki mahungu lawa ya nga tiyisisiwangiki.Ahi tisi mahungu ya maveriveri kumbe mahungu ndlela " We excel in news accuracy"



"We excel in news accuracy "

JULIUS MALEMA A AMUKERIWA HI SWIVUVUTANI HI VASEKETERI VA VANDLA RAKWE A DURBAN

KZN: Murhangeri wa vandla ra EFF Jilius Malema u amukeriwile hi nyanyuko na minkulungwani ya ntsako hi swirho swa vandla kus**a erivaleni ra mintlangu ra Moses Mabidha e Durban.Malema u tiyisisile leswaku vandla ra Eff r simekile ximfumo tsalwa ra switshembhiso swa vandla eka minhlawulo ya mani na mani leyi nga tava Konami nanwaka laha tikweni ra Afrika Dzonga.Eka swinwana Malema u vula leswaku tiko ra ta lwa na mphakelo wa gezi hi ndlela yo siyerisana (load shedding)laha tikweni,nakambe vantshwa va fanele va Kuma mintirho nakambe misava yi fanele yi tlhelela eka vinyi.
Malema u vula leswaku ku gangisela tivhoti swi sungurile eka EFF laha swinga ta gimeta loko yena a ya e Union Building ku ya rhangela tiko.Leswi swi voniwa hi vanwana vaaki tani hi norho lowu nga ysandzekaka ku humelela endzhaku ka minhlawulo ya mani na mani.Kambe va Eff va vula leswaku loko xifundzhankulu xa KwaZulu-Natal xi Kota ku Tata rivala ra mintlangu ra Moses Mabidha xiri xoxe swokomba leswaku vandla ri na vuseketeri etikweni hinkwaro.

President wa vandla a heleketiwile hi swirho swa vandla take eka komitinkuku ya vurhangeri bya vandla lava katsaka Xandla xa kwe Floyd Shivambu, mutshama xitulu Veronica Mente,Matsalaninkulu Marshall Ndlamini,xandla xa matsalani Poppy Mailula na mukhomi wa nkwama Omphile Maotwe..



"We excel in news accuracy "

VANDLA RA EFF RI XIXIMA NDZHUTI WA VANHU VA XISATI

Va vandla ra Economic Freedom Fighters (EFF) va xixima ndzhuti wa vaxisati,leswi swi landzela kuva EFF yi kombisa leswaku mani na mani loyi anga tava xiphembu xa ntirho wa vandla erivaleni ra mintlangu ra Moses Mabidha e Durban hi mugqhivela Uta Kuma exitulwini xakwe kuri na switirhisiwa swa vaxisati hinkarhi wa vona wo vona nhweti.

Vandla ri tava ri simeka ximfumo switshembhiso swa vandla e Durban.



"We excel in news accuracy "

SONA: President wa tiko nkulukumba Cyril Ramaphosa u vula leswaku tani hi mfumo va le ka magoza ya ku herisa mphakelo wa gezi hi ndlela yo siyerisana(Load shedding).Nakambe,President u boxile leswaku u lemukile ku pfuna ka mali ya muholo wa vanhu lava nga tirhiki ya 350 laha a tshembhisaka leswaku yita fanele Mali leyi yi engeteleriwa nkarhi Kuya emahlweni laha loko swi koteka yi faneleke ku engeteleriwa na yona.
Kasi eka swinwana President u virile leswaku tani hi vurhangeri bya tiko va tekela enhlokweni timhaka ta swiphiqo swa mphakelo wa mati eka tindzhawu to hambana hambana ta tiko Kuya hi swifundzhankulu laha ndzawulo ya timhaka ta mati yi nga ta va yi rhangile emahlweni ku ololoxa swiphiqo leswi.
President Ramaphosa a vula leswi hinkarhi lowu a nyika mbulavulo wa rixaka kus**a a holweni ya vaaki e Cape Town hi ravumune ra ti 08 Nyenyanyani 2024.






"We excel in news accuracy "

MUHLOVO WA TIHOVHOROLO TO TSHWUKA A PALAMENDE AWU NGA VI KONA E PALAMENDE NAMUNTLHA

Swirho swa EFF e palamende va tiyisisa leswaku ava nge vi xiphemu xa ku pfuriwa ka Palamende ximfumo loko President Cyril Ramaphosa a nyika mbulavulo wa rixaka(SONA) namuntlha na madyambu.Xandla xa President wa EFF Nkulukumba Nyiko Floyd Shivambu u boxa niku hehla leswaku ntshamo wa Palamende lowu yiriseke swinwana swa swirho swa palamende leswaku vanga vi xiphemu xa ntirho wa SONA i ku tekela ehansi xidimokrasi na vumbiwa bya tiko.Leswi Shivambu u swi vula leswaku ntirho wa namuntlha i nhlengeletano ya vandla ra ANC e Palamende (Extended ANC Caucus).Laha va Eff va vulaka leswaku vona vata va vaya emahlweni naku lulamisa ntirho wa ku ya simeka switshembhiso swa vandla eka minhlawulo ya mani na mani ya nan'waka "Manifesto" lowu kunguhatiweke e rivaleni ra mintlangu ra Moses Mabhida e Durban hi mugqhivela wa ku hela ka vhiki.

Ku va swirho swa EFF va khirha Kuya va xiphemu xa ntirho wa mbulavulo wa President wa tiko (State of the Nation Adress)swi landzela ku yirisiwa ka ntsevu wa swirho swa EFF kuva eka ntshamo wa mbulavulo namuntlha hiku landzela kuva swirho swa EFF eka ntirho lowu fanaka va khandziyile xiteji laha President Ramaphosa a nyika mbulavulo nwexemu.Lava yirisiweke va katsa na President wa vandla nkulukumba Julius Malema.



"We excel in news accuracy "

MANANA ROSE TSHABALALA A THORIWA XIMFUMO TANI HI MUFAMBISI WA MINONGONOKO EKA ML FM

POLOKWANE: Va nhlangano wa vuhaxi wa SABC Vativisile Manana Rose Tshabalala leswaku u thoriwile ximfumo tani hi mufambisi nkulu wa minongonoko(Programmes Manager)eka xitichi xa Munghana Lonene Fm.Manana Tshabalala loyi ativekaka hi Vito ra Sesi Rose kumbe Rossana u sungurile ku tirha eka Munghana Lonene fm ku s**a eka malembe ya va 1995 laha sweswi anga tirha kutlula makume mbirhi nhungu ( 28 )wa malembe.Leswi swo vula ntsena ntokoto na vutivi eka xiyenge xa swa vuhaxi laha radio kumbe xitichi xi vonakaka xi ta ya emahlweni xi va emavokweni ya ku hlayiseka eka Manana Rose.

Tani hi vuhaxi bya mahungu eka Blachi Daily News-BDN hi ri hoyohoyo eka Mhani Rose Tshabalala "a position well deserved".



"We excel in news accuracy "

VANA VA XIKOLO VA LOVA EKA NGHOZI YA BAZI

Vadyondzi va ntsevu(6) va hundzile emisaveni , kasi makume ntlhanu mbirhi(52) va vavisekile eka nghozi ya bazi.

Bazi ri vumbulukile eka patu ra R70 exikarhi ka ndzhawu ya Ventersburg na Senekal exifundzheninkiku xa Free State leswi ku nga makume nharhu wa tikilomitara (30)km ku s**a eVentersburg.

Mhangu yi humelerile egondzweni ra R70 ekusuhi na Ventersburg hi ravumbirhi ra ti 06 Nyenyanyani 2024 laha yi nga koxa vutomi bya vadyondzi va ntsevu lava s**aka eka xikolo xa le henhla xa Riebeeckstad.



""We excel in news accuracy"

SOURCE: Mo Hi miluma Tindleve

BAFANA BAFANA THROUGH TO Semifinal of Africa Cup of Nations after defeating Cape Verde on penalties..

All thanks to Goalkeeper Ronwen Williams who saved 4 out 5 penalties.

Congratulations Bafana Bafana...





"We excel in news accuracy "

FULL-TIME

Bafana Bafana 0
Cape Verde. 0

Now to 30 Minutes Extra time

Score Updates

HALF TIME

Cape Verde 0-0 Bafana Bafana

NTOMBHI LEYI YINGA NYAMALALA EKA CHAVANI A KUMEKA A LOVILE A TLHELA A CELERIWA EKA VA BOYFRIEND

ELIM CHAVANI:Ntsumbu wa RIVONINGO ANGEL NGOBENI loyi a vikiweke ku va a nyamalarile naswona ari ku laviweni masiku yo hlaya lama nga ringanaka kwalomu ka vhiki wu kumeke wu celeriwe ekaya ka va boyfriend ya yena.Mhangu yi humelerile emugangeni wa ka Bokisi eka Chavani ehandlenyana ka Elim.

Maphorisa va kotile ku khoma wajaha loyi a ri ku tumbeleni ku sukela loko Rivoningo a nyamalarile.Hi siku ra ti 02 Nyenyanyani 2024 wajaha u yile aya komba maphorisa laha anga celela kona Ntsumbu wa mufi.

Muehleketeleriwa u khomiwile laha anga languteriwa ku ti vonakarisa e hubyeni ya nawu hi swihehlo swa milandzu yo tlhakisa no dlaya.

Va ndyangu wa ka va Rivoningo vari va pfumela leswaku voko ra nawu ri ta tirha hi laha swi faneleke eka wajaha loyi anga endla nsele na tihanyi eka ntombhi ya vona. tshoveke timbilu tani hi leswi avari naku tshemba leswaku nwana wa vona uta vuya a kaya.

Lawa i mahungu yo biha swinene,hambi swiritano,moya wa Rivoningo a wu wisi hi ku rhula.



"We excel in news accuracy "

Va league ya lavantshwa ya vandla ra ANC exifundzheninkulu xa Limpopo va rhangisa Skomota emahlweni hi nkarhi wo gangisa tivhoti. Skomota loyi anga eku rhangeni eka swiyenge hinkwaswo swa mabulu u vonaka a ambarile swiambalo wa vandla ra ANC Youth league va karhi va nghena munti na ximuntana va lemukisa vaaki leswaku vaya titsarisela ku vhota etindzhawini ta Polokwane.

Vaaki van'wana va hehla leswaku va league ya lavantshwa eka ANC va tirhisa ndhuma ya Skomota ku ya kuma tivhoti eka vaaki.



"We excel in news accuracy"

PETANENGE: Vaaki va Petanenge ehandlenyana ka le Nkowankowa va lemukisiwa hi mpfuvu leyi valangaka emugangeni lowu kusukela masiku manharhu lawa ya hundzeke.

Ku ta fika sweswi,mpfuvu leyi a yi se vanga swiphiqho eka vaaki.

Hambi swiritano,vaaki va komberiwa ku fambela ekule na yona.



"We excel in news accuracy "