Ghaint Media - ਘੈਂਟ ਮੀਡੀਅਾ

Kundan Tika set 300 rs only

Mang Tika only 85

ਗੋਹ ਨੂੰ ਟੱਕਰੀ ਗੋਹ, ਜਿੱਦਾਂ ਦੀ ਉਹ ਉੱਦਾਂ ਦੀ ਉਹ 😂😂😂😂😂

ਦੁੱਖਦਾਈ ਖਬਰ ਅੱਜ ਮੋਗਾ ਨੇੜੇ ਲੁਹਾਰਾ ਚੌਂਕ ਬਹੁਤ ਭਿਆਨਕ ਬੱਸ ਹਾਦਸਾ ਵਾਪਰਿਆ ਕਾਫੀ ਜਾਨੀ ਨੁਕਸਾਨ ਹੋਣ ਦੀ ਖਬਰ,
ਧਿਆਨ ਨਾਲ ਚਲਾਇਆ ਕਰੋ ਵੀਰ ਇਹ ਜ਼ਿੰਦਗੀ ਦੁਬਾਰਾ ਨਹੀਂ ਮਿਲਦੀ ਵਾਹਿਗੁਰੂ ਜੀ ਭਲੀ ਕਰਨ।

ਗ਼ੁੱਸਾ ਨਾਂ ਕਰਿਓ , ਊੰ ਸੋਚਣ ਵਾਲੀ ਗੱਲ ਹੈ: ਸੋਚਿਓ ਜ਼ਰੂਰ ।

ਟਾਇਲਟ ਸਾਫ ਕਰਨ ਲਈ ਵੱਖਰਾ ਹਾਰਪਿਕ..ਤੇ ਬਾਥਰੂਮ ਧੋਣ ਵਾਸਤੇ ਵੱਖਰਾ !
ਹੱਥ ਨਾਲ ਕੱਪੜੇ ਧੋਣ ਵਾਲਾ ਸਾਬਣ ਵੱਖਰਾ ਤੇ ਜੇੇ ਵਾਸ਼ਿੰਗ ਮਸ਼ੀਨ ਵਿਚ ਧੋਣੇ ਤਾਂ ਵੱਖਰਾ ਵਾਸ਼ਿੰਗ ਪਾਊਡਰ
ਕਾਲਰ ਕਫ਼ਾਂ ਚੋਂ ਮੈਲ ਕੱਢਣ ਲਈ ਵੱਖਰਾ ਪਾਊਡਰ.
ਹੱਥ ਧੋਣ ਲਈ ਵੱਖਰਾ ਤੇ ਨਹਾਉਣ ਲਈ ਵੱਖਰਾ ਸਾਬਣ ਅਤੇ ਹੱਥਾਂ ਦੀ ਸੁੱਕ ਮਾਂਜ (Hand sanitizer) ਵਾਸਤੇ ਵੱਖਰਾ।
ਵਾਲ਼ ਧੋਣ ਲਈ ਸ਼ੈਂਪੂ ‘ਕੱਲਾ ਜਰੂਰੀ ਨਹੀਂ ਸਗੋਂ ਕੰਡੀਸ਼ਨਰ ਕਰਨਾ ਵੀ ਜਰੂਰੀ ਬਣਾ ਦਿੱਤਾ ਗਿਆ ਹੈ।
ਵਾਲ਼ ਲੰਮੇ ਕਰਨ ਲਈ ਅਲੱਗ ਟ੍ਰੀਟਮੈਂਟ ਤੇ ਜੇ ਝੜਦੇ ਹੋਣ ਤੇ ਅਲੱਗਟ੍ਰੀਟਮੈਂਟ !
ਹੇਅਰ ਜੈੱਲ,ਸਨਸਕ੍ਰੀਨ,ਗੋਰੇ ਕਾਲੇ ਤੇ ਟੈਨਿੰਗ ਲਈ ਅਲੱਗ ਅਲੱਗ ਕਰੀਮਾਂ ਤੇ ਸਕਰੱਬ ਟ੍ਰੀਟਮੈਂਟ।
ਜੇ ਦੁੱਧ ਨੂੰ ਹੋਰ ਸ਼ਕਤੀਸ਼ਾਲੀ ਬਨਾਉਣਾ ਤਾਂ Horlicks ਤੇ Bournvitaਮਿਲਾਉਣਾ ਜਰੂਰੀ ਹੈ
ਨਵੇਂ ਜੰਮੇ ਦਾ ਵੱਖਰਾ Horlicks, ਪਾਪੇ ਦਾ ਵੱਖਰਾ ਮੰਮੀ ਦਾ ਵੱਖਰਾ ਤੇ ਦਾਦੇ ਦਾਦੀ ਦਾ ਵੱਖਰਾ।

ਸਾਹਾਂ ਦੀ ਬਦਬੂ ਵਾਸਤੇ ਬੁਰਸ਼ ਕਾਫੀ ਨਹੀਂ ਇਸ ਲਈ ਮਾਊਥ ਵਾਸ਼ ਦੀਆਂ ਕਰੂਲੀਆਂ ਤੇ ਫੇਰ ਧਾਗਾ ਫੇਰਨਾ ਜਰੂਰੀ
ਸਬਜ਼ੀ ਵਿਚ ਪਾਉਣ ਵਾਲਾ ਲੂਣ ਵੀ 5-6 ਤਰ੍ਹਾਂ ਦਾ ਤੇ ਉੱਤੋਂ ਬੇਹਿਸਾਬ ਮਸਾਲੇ ਚਟਨੀਆਂ...

ਦੋਸਤੋ 25-30 ਸਾਲ ਪਹਿਲਾਂ ਜਿਹੜਾ ਘਰ ਪੰਜ ਹਜਾਰ ਵਿਚ ਆਸਾਨੀ ਨਾਲ ਚੱਲ ਜਾਇਆ ਕਰਦਾ ਸੀ ਅੱਜ ਓਸੇ ਘਰ ਵਿਚ ਲੱਖ ਰੁਪਈਆਂ ਨਾਲ ਵੀ ਪੂਰੀ ਨੀ ਪੈਂਦੀ।
ਸਾਰਾ ਕਸੂਰ ਮੰਹਿਗਾਈ ਦਾ ਨਹੀਂ ...

ਇਨਸਾਨ ਇਹਨਾਂ ਕੰਪਨੀਆਂ ਲਈ ਪੈਸੇ ਬਣਾਉਣ ਦੀ ਮਸ਼ੀਨ ਬਣਾ ਦਿੱਤਾ ਗਿਆ ਹੈ।
ਕੁਝ ਸਾਲ ਪਹਿਲਾਂ ਜਿਹਨਾਂ ਚੀਜਾਂ ਦੀ ਕੋਈ ਲੋੜ ਨਹੀਂ ਸੀ ਹੁੰਦੀ ਅੱਜ ਉਹ ਚੀਜਾਂ ਕਾਰੋਬਾਰੀ ਇਸ਼ਤਿਹਾਰਾਂ ਤੇ ਡਾਕਟਰਾਂ ਦੀ ਮਿਲੀਭੁਗਤ ਨਾਲ ਜਿੰਦਗੀ ਦੀਆਂ ਵੱਡੀਆਂ ਜਰੂਰਤਾਂ ਬਣਾ ਕੇ ਪੇਸ਼ ਕਰ ਦਿੱਤੀਆਂ ਗਈਆਂ ਹਨ

ਬੰਦਾ ਲੁਕਵੇਂ ਡਰਾਵਿਆਂ ਧਮਕੀਆਂ ਤੇ ਡਿਸਕਾਊਂਟਾਂ ਸੇਲਾਂ ਕੂਪਨਾੰ ਸਕੀਮਾਂ ਅਤੇ ਲਾਟਰੀਆਂ ਤੇ ਕਰੈਡਿਟ ਕਾਰਡਾਂ ਦੇ ਭੰਬਲ-ਭੂਸਿਆਂ ਵਿਚ ਫਸ ਕੇ ਕਮਲਾ ਹੋ ਸਵੇਰੇ ਘਰੋਂ ਨਿੱਕਲ ਸ਼ਾਮਾਂ ਨੂੰ ਸਿਰ ‘ਤੇ ਫਿਕਰਾਂ ਦੀ ਪੰਡ ਲੱਦੀ ਅਧਮੋਇਆ ਹੋਇਆ ਘਰ ਵੜਦਾ ਹੈ।

ਵੱਡੇ-ਵੱਡੇ ਘਰ, ਵੱਡੀਆਂ ਇੰਸ਼ੋਰੈਂਸਾਂ, ਬਿਜਲੀ ਪਾਣੀ ਦੇ ਬਿੱਲ, ਕਾਰਾਂ, ਫਰਨੀਚਰ, ਟੈਕਸ,ਕਿਸ਼ਤਾਂ ਲੇਟ ਹੋਣ ਦੇ ਜੁਰਮਾਨੇ, ਸ਼ੌਕੀਨੀਆਂ, ਸਟਾਈਲ, ਨਾਜੋ-ਨਖਰੇ, ਰੀਤੀ-ਰਿਵਾਜ, ਉੱਚੀ ਮੁੱਛ, ਲੀੜਾ-ਲੱਤਾ,ਫੀਸਾਂ, ਕੰਪੀਟੀਸ਼ਨ ਮੁਕਾਬਲੇ, ਪੁਜੀਸ਼ਨਾਂ, ਰੁਤਬੇ, ਰਿਸ਼ਤੇਦਾਰੀਆਂ ਵਾਕਫ਼ੀਆਂ ਤੇ ਹੋਰ ਅਣਗਿਣਤ ਆਪੇ ਸਹੇੜੇ ਜੀ ਦੇ ਜੰਜਾਲ। ਇਹ ਸਭ ਕੁਝ ‘ਕੱਲੇ ਜਣੇ ਦੀ ਕਮਾਈ ਦੇ ਵੱਸ ਦੀ ਗੱਲ ਨਹੀਂ ਰਹੀ ਸੋ ਨਿਆਣੇ ਕ੍ਰੈਚਾਂ ਤੇ ਡੇ-ਕੇਅਰਾੰ ਦੇ ਵੱਸ ਪਾ ਦੋਨੋਂ ਜਣੇ ਨਿੱਤ ਦਿਹਾੜੇੇ ਸੰਘਰਸ਼ ਦੀ ਭੱਠੀ ਵਿਚ ਖਤਮ ਹੁੰਦੇ ਜਾ ਰਹੇ ਨੇ।

ਹਾਲਾਂਕਿ ਵਧੇ ਢਿੱਡ ਤੇ ਬਿਨ੍ਹਾ ਵਜ੍ਹਾ ਵਧਾਈਆਂ ਜਰੂਰਤਾਂ ਕਿਸਮਤ ਵਾਲਿਆਂ ਦੀਆਂ ਹੀ ਘਟ ਹੁੰਦੀਆਂ ਪਰ ਫੇਰ ਵੀ ਟਰਾਈ ਮਾਰਨ ਵਿਚ ਕੀ ਹਰਜ ਹੈ ਕਿਉਕਿ ਜਿੰਦਗੀ ਤੇ ਵਿਚਾਰੀ ਹੌਲੀ ਫੁੱਲ ਹੈ ਜਦੋਂਕਿ ਭਾਰ ਤੇ ਸਿਰਫ ਖਾਹਿਸ਼ਾਂ ਦਾ ਹੀ ਹੈ।
ਤੇ ਅਸਲੀਅਤ ਇਹ ਹੈ ਕਿ ਜਰੂਰਤਾਂ ਤੇ ਇੱਕ ਫਕੀਰ ਦੀਆਂ ਵੀ ਪੂਰੀਆਂ ਹੋ ਜਾਂਦੀਆਂ ਜਦੋਂਕਿ ਖਾਹਿਸ਼ਾਂ ਅੱਗੇ ਤਾਂ ਬਾਦਸ਼ਾਹਾਂ ਦੀ ਮਲਕੀਅਤ (ਦੌਲਤ) ਵੀ ਛੋਟੀ ਪੈ ਜਾਂਦੀ ਹੈ ! ਸੋ ਦੋਸਤੋ "ਲੋਕੀ ਕੀ ਕਹਿਣਗੇ "ਵਾਲੇ ਨਾਮ ਵਾਲਾ ਝੋਟਾ ਮਾਰ ਲਵੋ ..ਇਹਨੂੰ ਿਚੰਬੜੀਆਂ ਅਲਾਮਤਾੰ ਆਪੇ ਖਤਮ ਹੋ ਜਾਣਗੀਆਂ। ਸੋਚਿਉ ਜਰੂਰ, ਤੇ ਜੇ ਸੋਚ ਕੇ ਸਿਆਣੇ ਬਣ ਗਏ ਤਾਂ ਤੁਹਾਡੀ ਤੇ ਤੁਹਾਡੇ ਪਰਿਵਾਰ ਦੀ ਜਿੰਦਗੀ ਜ਼ਰੂਰ ਸੁਧਰ ਜਾਉਗੀ।

Via Whatsapp
ਲਿਖਤ ਕਿਸ ਦੀ ਹੈ ਪਤਾ ਲੱਗੇ ਤਾਂ ਨਾਮ ਸਾਂਝਾ ਜ਼ਰੂਰ ਕਰਨਾ ਚਾਹੁੰਦਾ ਹਾਂ।