غزل افغانستان

د هندوې په شوخ ټال کې
په هندو هندو رباب کې
د احد په نغمو سپور دى
د دلدل غوندې ګامـو نه
ستا صراط ته راهوا دى
تاج قارون يې په باز شکله
د وير په حورحورا کې
ناشنا قهر اقيانوسو
د يو موج په بدلون شوى
مست نهنګ دى تيرې داړې
ولولو عجب غوبل دى
در درک دى ناياب شوي
ملاٸيکو وزر باز دى
سم راپر وهي يو باد دى
د عطرونو يو طوفان يې
اقيانوس سره منحل دى
شړق او ډم غوندې بريښنا دې
ارض سما دې په منځ چاک کړي
د چاک بووو غوندې ګړنګ کې
يوه بيله نندارتون وي
کاٸيناتو غټ محفل وي
مست نڅا کې د خداى پير وي
لاس يې ستا په لاس کې ګير وي
له اسمانه دلته ګډي
څوک په هوش کې څوک بې هوشه
يو کاغذ له عرشه اخلي
ټکر مخ کې جهان شاه ته
کشتارګاه کې فيصله ده
د خداى مخ کې بغاوت دى
د خداى مخه ستا ګټلو
درز وحشي غوندې غوغا ده
د ګم نامو سرکشي کې
د هندوې په رباب کې
د مندرو تجلا کې
مسلمان درته غږيږي
کفرستان درته ګډيږي
کهکشان درته زنګيږي
يو داستان درته ټنګيږي
د ميږي په هيڅ اواز کې
کاٸينات درته خوځيږي
ما هم ايښى هندو خال دى
هندو خال کې دې رانغاړم
هندو خال درته ځليږي
زه ،حيدر، يم ته مې واخله
يو وار ځير خو راته شه
که ښه وم خو ډير ښه
که بد وم بيا مې وار که
ــــــــــــــــــــــــــــــــــــــــ

د شعر ګونګرو لره ما بیا مستانه شرنګ ورکړ
د زړګي للمې ته مې خدای باران د بنګ ورکړ

واعظه غلی شه دا زړۀ رانه په بله لاړو
هاغلته لرې یو چا بیا بنګړو ته شړنګ ورکړ

د باچا لور مې د خپل زړۀ په باچایۍ کې لیده
یوه ملنګ ته یې د سپینې خُلې قلنګ ورکړ

د ښکلا خدای د پښتنې ټنډې ته خال ورکړی
خو سرۀ غانټول ته یې د داغ په نامه زنګ ورکړ

د اوښ د سترګو غوندې ښکلیو ځلېدونکو تورو
کاروانه ستا و دې ساده غزل ته رنګ ورکړ

ته چې ځې نو ځه ، هسې مه وايه
بـيـا نـه راځـم ، دغـسـې مــه وايـه

حــق د جــوړولــو يــې پــه تــا دى
خبر په دنــيــا ، پــســې مــه وايــه

تا چې زده دى د پرې زړونو پـيوند
ميـنـه نـه کـوم ، دســې مــه وايــه

چـې پـرون دې کــوم خـبـره وکـړه
خپل ورور پسې ، هغـسې مه وايه

لــږ (حيدره) د ټــولـــنــې شـــه ادب
مشر تـه پــاســه پــســې مــه وايـه
ــــــــــــــــــــــــــــــــــــــــــــــــــــــــــ

د زړه سره ، د زړه سـره ، خـوږ دلـبـره
خـوږ دلـبـره ، د زړه سره ، د زړه سـره

زه به ستا شم ، ته زمـا شه ، نـازنـيـنـه
تـه اخـتـره ، تـه اخـتـره ، خـوږ بـشـره

زه خو غواړم زه خو غواړم ستا ګدا شم
زوروره ، زوروره ، زمــــــا نـــظــره

جانانه تـه يـې ، عـاشق زه يـم ، مـنـوره
تـه سـره زره ، تـه سـره زره ، مـنـوره

اى ټکره ، اى ټکره ، ټول نـثـار شـه
پيـغـمـبـره ، پيـغـمـبـره ، پـيـغـمـبـره

اى واوره دا مې واوره ټول ايران ته به جواب شم
هو داسې معلوميږي پاکسـتان تـه بـه جـواب شـم

ته ګوره چه يو ځاى دى په دې لوۍ افغانسـتان کې
دا مې محبت دى افـغـانـسـتان تـه بـه جـواب شـم

په وجـود کې مې نارې دې څوک بـدې جـدايي کړي
ستا غږ چه دى ناحقه خـراسـان تـه بـه جـواب شـم

اى دغه مې يووالى دى دښمن تـه غټ پـيـغـام يـم
خوږ ژونده معتبره ستا داسـتان تـه بـه جـواب شـم

چه ګرځم په دې خاوره کې نو پوه شه زه افغان يـم
په لوئ افغانستان مې لوئ جهان ته بـه جواب شـم

مـا اۥس ژړا بـس کـړې اوس لـګيا يـمـه خـنـديـږم
نو دا ټکر ولس دى پاس آسمان تـه بـه جـواب شـم
ـــــــــــــــــــــــــــــــــــــــــــــــــــــــــــ
همدا پاڼه مو خوښه کړۍ