Grafi Dentare KARAJ 3D

NJOFTIM
Ju njoftojmë qe nga sot Grafi Dentare Karaj është e hapur vetëm për ekzaminimet radiologjike extraorale (panoramex). Për shkak te coronavirusit do i pezullojmë përkohesisht ekzaminimet intraorale (grafi e vogël) deri në një njoftim të dytë. Faleminderit

Klinika grafi dentare Karaj realizon nje mori grafish, nje nder keto esht grafi e sinuseve. Meqenese luhatjetet e temperaturave dhe nderrimit te stineve jan nje faktor qe nxit shfaqjen e sinuzitit ne po japim nje informacion te detajuar rreth ketij inflamacioni.

► Shumë sëmundje është vështirë ti trajtosh në kohë për shkak të neglizhimit që bëhet me mbipërdorimin e qetësuesve pa kriter. Ky fenomen i gabuar ndodh shpesh edhe me dhimbjet e kokës, të cilat në pjesën dërrmuese trajtohen me anë të një aspirine apo paracetamoli. Por, me të kaluar dhimbja gjithçka harrohet. Për shkak të këtij mentaliteti të gabuara, i cili fatkeqësisht është mbizotërues në pjesën më të madhe të popullatës, shumë persona janë përballur me ndërlikime serioze si rrjedhojë e sëmundjes që njihet ndryshe si sinusit, ose siç i thuhet në zhargonin e përditshëm sinozit. Në përgjithësi dhimbjet e kokës kanë shkaktarë të shumtë, duke filluar nga gjendjet gripale, ftohja, etj. Mjeket tregojn se si duhet të kujdesemi për dhimbjet e kokës, në mënyrë që të parandalojmë sëmundjen e sinusitit. Në rast se neglizhohet trajtimi, atëherë edhe ndërlikimet që shfaqen janë alarmuese pasi mund të çojnë drejt prekjes së rëndë të cipës së trurit. Në vijim gjeni të detajuara format më të shpeshta të kësaj sëmundje, dhe këshillat që duhet të zbatoni për pakësuar pasojat negative në shëndet.

► Cfarë është sinusitis ?

Sinusiti është inflamacion (infeksion) i sinuseve (hapësirave, gropëzave që rrethojnë hundën)

► Po sinuset çfarë janë ?

Sinuset janë hapësira, gropëza të mbushura me ajër brenda kockave të fytyrës sonë dhe që hapen deri në zgavrën e hundës. Ato janë të veshura me të njëjtën membranë si ajo e hundës që quhet membranë mukoze. Kjo membranë prodhon sekrecione të quajtura “mucus”, që shërbejnë për të ruajtur të lagështa hapësirat e hundës, por shërben gjithashtu si barrierë për mikrobet e shumta. Ne kemi katër çifte kryesore sinusesh në fytyrën tonë : sinuset maksilare që ndodhen në dy anët e nofullës së sipërme, përkatësisht në mollëzat e faqeve, sinuset frontale që ndodhen në të dy anët e ballit mbi vetull, sinuset etmoidale janë sinuse më të vogla dhe ndodhen prapa urës së hundës dhe sinusët në formë pyke (sfenoidale) dhe që ndodhen prapa syve. Pikërisht infeksioni i mukozës së sinuseve shkakton simptomatologjitë e njohura të sinusiteve.

► Duke u ndalur tek paraqitja klinike, në çfarë formash shfaqet sinusiti?

Sinusitet sipas paraqitjes klinike i klasifikomë në katër grupe: “Sinusite akute kur sëmundja fillon shpejt dhe mund të paraqitet si formë e lehtë ose e rëndë, sinusitis periodik akut kur kemi të bëjmë me katër ose më shumë episode të veçanta sinusitis akut që ndodhin brenda një viti, sinusitis subakut që është një infeksion që zgjat midis katër dhe dymbëdhjetë javësh dhe përfaqëson në fakt një tranzicion midis sinusitit akut dhe kronik, së fundi kemi sinusitet kronike kur shenjat klinike i kalojnë të dymbëdhjetë javët”. Të gjitha këto lloje të sinusiteve kanë simptoma klinike të ngjashme duke qenë shpesh të vështira për t’u dalluar. Më shpesh në praktikën e përditshme hasim sinusitet akute. Afërsisht rreth 90 për qind e të rriturve kanë kaluar një herë në jetën e tyre sinusit akut.

► Po cilët janë shkaktarët e sinusiteve ?

Të gjitha llojet e sinusiteve kanë si shkaktarët më të shpeshtë të tyre viruset, bakteriet, mykrat, por edhe alergenët e shumëllojshëm. Pothuajse të gjithë njerëzit që kalojnë një nga llojet e sinusiteve kanë në historikun e sëmundjes së tyre një sindromë gripale ose gjendje ftohjeje siç e përdorim zakonisht. Gjatë këtyre gjendjeve kemi edemë (ënjtje, fryrje) të mukozës së hundës duke vështirësuar deri në bllokim rrugën e ajrimit për në sinuse. Këtë gjë mund ta provokojnë mjaft mirë alergenë të ndryshëm, si për shembull bari, polenet e luleve të ndryshme, detergjentet shtëpiakë që shkaktojnë edemë të mukozës së hundës e më pas sinusit. Po ashtu polipet e hundës (mishi i huaj në hundë) mund të shkaktojë sinusit pasi kemi kufizim deri në bllokim të ajrimit të hundës dhe sinuseve. Po ashtu edhe në rastin e situatave të ndryshme shëndetësore apo deviacionet e murit ndarës të hundës (septum nasal) mund të zhvillohet sinusitis.

► Cilat janë shenjat më të shpeshta klinike që shoqërojnë shfaqjen e sinusiteve?

Shenja më e shpeshtë dhe pothuaj e njohur nga të gjithë është dhimbja e kokës, si në sinusitet akute ashtu edhe në ato kronike. Kjo shoqërohet edhe me dhembje të fytyrës pikërisht në varësi të lokalizimit të sinuzitit. Për shembull në rastin e sinusitit frontal dhimbja është mbi vetullat, në ballë, në rastin e sinusitit maksilar dhimbja për qëndrohet mbi mollëzat e faqeve, në sinuzitet etmoidale dhimbja përqendrohet prapa zgavrës së hundës dhe kur kemi sinusite sfenoidale kemi dhimbje prapa syve. Dhimbjet janë të forta në formë presioni, shtypjeje, zakonisht fillojnë në njërën anë dhe pastaj përparon në të dy anët. Dhimbja e kokës shoqërohet me shkarkime sekrecionesh të trasha, me ngjyrë të verdhë ose jeshile, mund të ketë rrema gjaku dhe janë me erë të keqe. Dhimbjet kokës mund të ngatërrohen edhe me migrenën, por sinusitet në përgjithësi shoqërohen me sekrecione të trasha nasale, ndërkohë që kjo mungon te migrena.

► Në rast se prania e kësaj sëmundje nuk trajtohet që në stadet e hershme, cilat janë ndërlikimet shëndetësore që shfaqen tek pacienti?

Sinusitet janë patologji që duhen trajtuar me përgjegjësi dhe profesionalizëm nga mjeku përkatës sepse edhe ndërlikimet janë problematike. Afërsia e madhe që kanë sinuset me trurin, veçanërisht ato frontale dhe sfenoidale e bëjnë të lehtë pushtimin e trurit nga mikrobet. Ato shkojnë atje nga sinuset me rrymën e gjakut ose edhe drejtpërdrejt me përhapje kockore. Mund të kemi për pasojë meningite (infeksion të cipave të trurit), encefalite (infeksione të vetë trurit) apo deri në abcese trunore (vatra qelbi në zona të ndryshme të trurit). Gjithashtu mund të kemi infeksione të syve deri në verbim. Ndër komplikacione të tjera mund të përmendim osteomielitin e kockave përkatëse (infeksioni i kockave), infeksioni i enëve të gjakut (flebitis) shoqëruar edhe me trombozë (tromboflebitis)

► Cila është kura e duhur për trajtimin e sinusitit?

Mjekimi i sinusitit akut është më i rëndësishëm, sepse terapia shkon deri në 3 javë e shoqëruar me dekongjestionantë nazalë, mukolitikë, antihistaminike etj. Gjendja e përgjithshme fillon të përmirësohet nga fundi i javës së parë dhe këtu qëndron gabimi më i madh, se ndërpritet mjekimi nga pacientët. Ndonjëherë gabimin e bëjnë edhe farmacistët kur i thonë pacientit se mjeku të ka dhënë shumë antibiotikë dhe nuk e marrin të plotë terapinë. Ky është gabimi më i madh që mund të bëjë pacienti që çon në kronicizim. Çdo vit në epidemitë e gripit riakutizohet sinusiti dhe mbivendosen pothuaj të njëjtat shenja, dhimbje koke, rëndesë në ballë, sekrecione që rrjedhin pas hundës, bllokim hundesh etj. Prandaj rekomandoj mjekimin e sinusitit që herën e parë nga mjeku ORL, i cili duke bërë edhe ekzaminimin e hundës mund të përcaktojë edhe problemet shoqëruese, që mund ta rëndojnë

►Pacienti 22 vjec
►Hera e par qe po shkon tek dentisti
►Higjena ne kushte katastrofike
REZULTATI ↓↓↓↓↓

Pacienti më i ri 😂😂😂

Rastet kur jane te nevojshme grafite :

►Minimalisht c’do 2 vjet keshillohet kontrolli me grafi panoramike per gjithe gojen .
►Nese nje apo disa dhembe do vishen me ura porcelani apo kellef duhet kontrolluar me grafi per te pare nese kane prishje apo infeksion ne fund te rrenjeve
►Nese nje dhemb fillon te nderroje ngjyre e te erresohet pa qene i mbushur
►Ne rastet kur nje dhembi i behet mbushje me heqje nervi ,duhet grafi para ,gjate dhe pas mbushjes per te kontrolluar gjatesine e mbushjes se rrenjes si dhe per te qene te sigurte se nuk kemi dale jashte rrenje .
►Ne rastet e dhimbjes ,per te percaktuar shkaktarin
Per te pare pozicionin e rrenjeve si dhe lidhjen me nofullen dhe strukturat nervore ,ne rastet e kur nevojitet heqja apo operacioni per dhemballet e pjekurise .
►Ne rastet e dhembeve kanin (qenit) ,kur keta nuk kane dale por kane ngelur ne nofull.
►Tek femijet per te kontrolluar zhvillinin e dhembeve te perhershem te cilet gjenden poshte dhembeve te qumeshtit.
►Ne rastet kur pacienti ka probleme me mishrat e dhembeve per te pare nese ka renie te nivelit te kockes qe rrethon dhembet ,si dhe per te percaktuar zonat e semura dhe shkallen e avancimit te semundjes.
►Ne rastet kur dhembet jane te shtrember ,ose ne pozicion jonormal dhe nevojitet trajtim ortodontik per drejtimin e tyre.
►Per te pare nivelin e kockes tek pacientet qe duan te vendosin implante
►Ne rastet kur personi rrezohet apo peson traume,per te pare nese ka thyerje ne nofulla apo ne rrenjet e dhembeve .

‼Kujdes:Ne rastet e shtatzanise nuk eshte e lejuar berja e grafive pasi mund te krijoje probleme per femijen

🤔🤔🤔🤔