TIBO News

Komisioni hetimor parlamentar për Trajtimin e të Dhënave të Sistemit “TIMS” nuk ka arritur që të bindë socialistët dhe demokratët që të dalin me një raport të përbashkët.

Mësohet se në mbledhjen e fundit, dy palët prezantuan raportet, ndërkohë që kryekomisioneri Ervin Salianji gjatë paraqitjes së raportit tha se persona te paautorizuar dhe jo zyrtarë kanë pasur akses te të dhënat e sistemit TIMS dhe se ata janë përdorur nga grupe kriminale.

Salianji tha: Të dhënat e sistemit TIMS iu kanë shërbyer grupeve kriminale për të bërë eliminimin e kundërshtarëve të tyre për të kufizuar lëvizjet jashtë vendit, apo edhe për t’u arratisur në rastet kur ndaj tyre janë lëshuar urdhër-arreste kombëtare apo ndërkombëtare.

Megjithatë, socialistët në raportin e tyre rrëzuan pretendimet e opozitës dhe bënë të ditur se do të kërkojnë ndryshimet ligjore brenda 6 muajve që kanë të bëjnë me mbrojtjen e të dhënave.

Salianj kërkoi bashkimin e dy raporteve, por kjo u hodh poshtë. Raporti i komisionit pritet të paraqitet në dy seancat e fundit parlamentare të parashikuara të mbahen nesër dhe të premten.

Personat e sëmurë me kancer, me probleme shëndetësore kardiovaskulare dhe pneumologjike si dhe ata me diabet, do të përfitojnë të tjera barna falas nga shteti.

Këtë të mërkurë qeveria miratoi listën e re të medikamenteve të rimbursueshme nga Fondi i Kujdesit Shëndetësor, duke e çuar atë në rreth 1345 medikamente që nga pacientët merren falas apo me çmime të reduktuara.

Mësohet se qeveria miratoi gjithashtu edhe një vendim për sa i përket përfituesve falas të fishave të diabetit.

Nga ky vendim do të përfitojnë 2000 invalidë pune dhe 1500 persona me aftësi ndryshe.

Spanja mposhti Anglinë 2-1, për t’u bërë kombëtarja e vetme që ka katër trofe europian.

Spanja ishte më dominuese, duke ia dalë që të shënojnë me Olmo e Nico Williams. Goli i anglezëve nuk mjaftoi dhe “Furia e Kuqe” ia doli të fitojë Kampionatin Europian.

“Tuttosport” shkruan se kalimi i bomberit shqiptar te Juventusi mund të ndodhë sapo Milik të kalojë në Turqi

Juventus ka bërë disa afrime të rëndësishme dhe tani janë në kërkim të një sulmuesi potent, ku po qarkullon dhe emri i Armando Brojës.

Super kompjuteri BETSiE ka simuluar tani finalen mes Anglisë dhe Spanjës 100,000 herë për të zbuluar se kush do të fitojë.

Skuadra e Luis de la Fuente ka një shans 54.7% për të fituar ndeshjen

Anglisë i është dhënë vetëm 45.3% shanse për të fituar Europianin e saj të parë në histori.

Finalja e Euro 2024 do të zhvillohet midis Spanjës dhe Anglisë, dy nga fuqitë më të mëdha të futbollit në Evropë.

Një spektakël emocionesh për të gjithë tifozët e futbollit, me takimin që do të zhvillohet të dielën e 14 korrikut, nga ora 21:00.

Euro 2024 ka arritur në fazën gjysmëfinale dhe sot në orën 21:00 do të shohim spektaklin e vërtetë të futbollit europian, mes Spanjës dhe Francës.

Spanjollët e kanë treguar veten në kampionatin europian duke mposhtur të gjithë kundërshtarët, ndërsa francezët ende duhet të bindin më shumë.

Ndeshjet dhuruan emocione dhe spektakël, me gjysmëfinalet që tani do të vendosin përballë:

Francë – Spanjë
Angli – Holandë

Kujtojmë se finalja e madhe do të zhvillohet më datë 14 korrik me fillim nga ora 21:00 në “Olympiastadion” të Berlinit

Holanda ka fituar me përmbysje ndaj Turqisë me rezultat 2-1, për të kaluar në gjysmëfinale të Euro 2024. 

Në minutën e 35-të ishte Arda Guler që kaloi turqit në avantazh. Ndërkohë Stefan de Vrij shënoi në pjesën e dytë për 1-1. Nuk vonoi shumë dhe Holanda mori epërsinë, kur Coady Gakpo shënoi për 2-1.

Tulipanët kaluan në gjysmëfinale, ku do të përballen me Anglinë

Anglia dhe Zvicra barazuan me rezultat 1-1 pas 90 minutave dhe shtesave, ndaj fituesi u vendos pas gjuajtjes së penalltive, me anglezët që ishin më të saktë duke kaluar në gjysmëfinale.

Nga penalltitë më të saktë ishin Anglia që fituan me rezultat të përgjithshëm 5-3.

Anglia kaloi në gjysmëfinale, ku do të përballet me Holandën

Sot luhen dy ndeshjet e radhës çerekfinale në Euro 2024, për të kompletuar çiftin e dytë të fazës gjysmëfinale.

Pas kualifikimit të Spanjës dhe Francës, sot do të zbulojmë se cilat do të jenë dy skuadrat në anën tjetër të shortit.

Anglia dhe Zvicra do të takohen në Duseldorf nga ora 18:00, ndërkohë në Berlin në orën 21:00 takohen Holanda dhe Turqia.

Në një përballje me pak raste shënimi, fituesi doli pas gjuajtjes së penalltive, me francezët që ishin më të saktë duke kaluar në gjysmëfinale. 

Pas 90 minutave, skuadrat iu drejtuan shtesave, e me pas tek penalltitë

Nga penalltitë më të suksesshëm ishin francezët që fituan me rezultat 5-3.

Kombëtarja spanjolle ka fituar me rezultatin 2-1 ndaj Gjermanisë pas kohës shtesë, duke u kualifikuar në gjysmëfinale të Euro 2024.

Në shtesa Spanja arriti të gjejë golin i cili i siguroi atyre kualifikimin në gjysmëfinale të Euro 2024.

Ishte Mikel Merino që në minutën e 120-të shënoi për rezultatin 2-1 duke i dhënë Spanjës kualifikimin.

Spanja mbetet në krye të klasifikimit të skuadrave që kanë përfituar më shumë para. Gjermania ndodhet në vendin e dytë, ndërsa në të tretin janë pesë skuadra.

La Roja ishte skuadra që shtoi më shumë euro në fazën e grupeve falë numrit të përgjithshëm të fitoreve, gjë që e lejon të jetë e vetmja e aftë të marrë shumën maksimale, 28.25 milionë euro, nga fitimi i turneut.

Ronaldo ka thënë se ekipi është i bashkuar, përtej zërave që është i ndarë në dy kampe si shkak i CR7

"Ne kemi qenë, jemi dhe do të jemi gjithmonë së bashku. Forca Portugali !”, shkruhet në llogarinë zyrtare të Ronaldos

Pas ndeshjes emocionuese ndaj Sllovenisë, ku humbi një penallti në kohën shtesë, Cristiano Ronaldo do të kërkojë revansh në ndeshjen ndaj Francës

Franca dhe Portugalia do të përballen në çerekfinalen e Euro 2024, ku vëmëndje ka edhe dueli mes Kylian Mbappe dhe Cristiano Ronaldo.

Francezi nuk e ka fshehur kurrë admirimin e tij për portugezin, ndërsa në një rrëfim para sfidës çerekfinale, deklaroi se e respekton Ronaldon si një legjendë të futbollit, por në fushë do të tentojë të fitojë për Francën

Në Gjermani ka një emocion të madh për ndeshjen kundër Spanjës. Në stadiumin e Stuttgartit, do të luhet sfida çerekfinale e Euro 2024 mes Spanjës dhe Gjermanisë organizatore. Mediat vendase bëjnë me dije se çmimet për një biletë tanimë kanë shkuar deri në 12 mijë euro.

Euro 2024" ka arritur në fazën çerekfinale, ku na presin përballje të forta dhe emocione të mëdha

Sipas kompanive të basteve, favorit për të fituar titullin është Anglia me koeficient prej 4.50.

Lista e favoritëve 

1. Anglia – 4.50
2. Spanja – 5.00
3. Franca – 5.50
3. Gjermania – 5.50
5. Holanda – 8.00
6. Portugalia – 10.00
7. Zvicra – 15.00
8. Turqia - 35.00

Pas konsultimeve mes federatave anëtare dhe UEFA-s është vendosur që të dyja këto mini-turne të zhvillohen në Shqipëri dhe organizimi i dy kompeticioneve europianë i është besuar sërish FSHF-së.

Ndeshjet e vlefshme për raundin e parë të Kampionatit Europian për vajzat e grupmoshës U-17 do të luhen në datat 30 tetor, 2 dhe 5 nëntor 2024. Ndërsa takimet e vlefshme për raundin e parë të Kampionatit Europian për vajzat e grupmoshës U-19 do të luhen në datat 27, 30 nëntor dhe 3 dhjetor.

Ilir Meta vendos të ndahet pas më shumë se 25 vite martesë me Monika Kryemadhin.

Teksa zhvillohej mbledhja e kryesisë së Partisë së Lirisë, themeluesi i saj Meta tregoi arsyet që e çuan në dyert e gjykatës për zgjidhjen e martesës duke theksuar se nuk ka asnjë grua tjetër që ka ndikuar.

“Marrëdhëniet tona kanë pësuar një krisje të fortë që nga vendimi i saj si kryetare e LSI, për djegien e mandateve që u morën dhe sakrifica dhe gjak në një betejë të hapur me koalicionin e madh anti LSI dhe anti Meta të 17 Majit, të Prindit 1 dhe Prindit 2. Qëndrimet e vazhdueshme sistematike të saj, krejtësisht në krah të kundërt, të kauzave që unë mbroj, dhe që krijojnë konfuzion dhe paqartësi në publikun e gjerë, duhet të merrnin fund”.

Meta thotë se vendimin e mori për t’i shërbyer një kauze që tejkalon interesin e tij personal.

“Ky vendim i imi, nuk lidhet me rolin dhe raportet me të si grua, apo si nënë e 3 fëmijëve tanë të mrekullueshëm. Nuk po ndahem me një grua, për një grua tjetër. Por, për të përmbushur kauzat që unë mbroj, dhe për të cilat kjo marrëdhënie ishte kthyer në një pengesë serioze. E mora këtë vendim për t’i shkuar deri në fund betejës me mafian, e cila peng marrjen dhe shantazhin e ka në natyrën e saj më të errët dhe të ndyrë”.

Prej kohësh çifti Meta-Kryemadhi nuk jetonin në një strehë të përbashkët, pavarësisht daljeve të përbashkëta publike. Ky vendim i Metës dhe Kryemadhit përkon me disa dosje që janë hapur në SPAK në lidhje me veprimtaritë e tyre, gjatë kohës kur kanë qenë në pushtet, si edhe dyshime që lidhen me pasurinë.

Nesër në orën 21:00 zhvillohet ndeshja e Kombëtares kundër Spanjës dhe ka mundësi që trajneri Sylvinho të bëjë 3 ndryshime në formacion.

E duket se trajneri do i bëjë këto ndryshime për t’ju përgjigjur lojtarëve spanjollë.

Gazetari i Klan, Glendi Tafaj ka treguar se mund të ketë 2-3 ndryshime, ndoshta edhe pak më tepër në ndeshjen me Spanjën, jo për shkak të performancës që lojtarët që do të ulen në stol zhvilluan ndaj Kroacisë, por për shkak të ndryshimit taktik që Sylvinho kërkon të bëjë dhe për t’iu përshtatur kundërshtarit.

‘Pra, lojtarët që do të hyjnë, nuk do të hyjnë sepse ata që ishin në fushë luajtën keq, por do të hyjnë se janë më të përshtatshëm për të ju përgjigjur lojtarëve spanjollë, kështu që mund të kemi dhe 3 ndryshime në formacion’.

Në 18:35 është parashikuar konferenca për mediat e trajnerit Sylvinho dhe Gjimsh*tit. Sfidën Shqipëri-Spanjë dhe të gjitha ndeshjet e Euro 2024 do mund t’i ndiqni në Platformën Tibo, në cilësinë më maksimale. Nga oferta e TIBO mund të përfitosh ndeshjet dhe një gamë të gjerë shërbimesh.

Sulmuesi i Kombëtares shqiptare, Arbër Hoxha, doli këtë të premte në një konferencë për mediat nga kampi bazë i kuqezinjve në Kaiserau në Kamen. Futbollisti kuqezi tha se është gjithmonë i gatshëm për të dhënë maksimumin për Kombëtaren dhe theksoi se ndaj Spanjës ekipi do të futet në fushë vetëm për fitore.

"Aq sa kam minuta jam munduar të j*p maksimumin për Kombëtaren. Në ndeshjen e dytë bëmë më mirë se në ndeshjen e parë. Me Kroacinë u futëm ndryshe në fushë, shënuam gol pastaj pësuam dy, por ne nuk u dorëzuam dhe realizuam sërish dhe barazuam. E kemi harruar ndeshjen me Kroacinë dhe jemi të fokusuar vetëm te Spanja. Besoj që do të arrijmë fitoren.

Sulmuesi i Kombëtares shqiptare, Rey Manaj, doli në një konferencë për mediat. Futbollisti kuqezi foli edhe për ecurinë e Kombëtares deri tani në Kampionatin Europian dhe për ndeshjen e të hënës ndaj Spanjës.

"Është ekip shumë i madh. Kanë lojtarë me kualitet dhe janë emra të mëdhenj. Ne duhet të bëjmë ndeshjen tonë, nuk duhet të shohim lojtarët e tjerë, të j*pim 100% nga minuta e parë deri në fund. Ekipi është shumë i motivuar, të gjithë lojtarët që do të luajnë në ndeshjen e fundit do të jenë të përqëndruar 100% sepse e pamë që në dy minuta, mund të futet një lojtar në minutë të 85-të, të ndryshojë ndeshjen dhe të bëjë gol. Emocionet janë të mëdha sepse është kampionat europian. Këto ndeshje i ndjek e gjithë Shqipëria dhe bota. Gjëja më e rëndësishme është që të futemi në fushë të përqëndruar, sepse mund të arrijmë fitoren kundër Spanjës dhe të kalojmë grupin."

Ekipi i Kombëtares vijon përgatitjet në prag të ndeshjes me Spanjën.

E sigurisht që do të jetë një ndeshje e vështirë duke pasur parasysh kualitetin e skuadrës spanjolle. Për Shqipërinë luhet një kualifikim i mundshëm për në fazën tjetër

Ka patur interes për gjendjen e Rey Manaj, i cili thuhet se dje pati një stërvitje të diferencuar, ndonëse nuk bëhet fjalë për ndonjë dëmtim, por më tepër një çlodhje e lojtarit që ndaj Kroacisë harxhoi shumë energji. Dhe ai i është bashkuar pjesës tjetër të skuadrës duke u stërvitur.

Nesër rreth orës 18:00 kuqezinjtë do udhëtojnë drejt Dyseldorfit për t’u sistemuar dhe për t’u bërë gati për ndeshjen. Thuhet se në arenë do të jenë rreth 30 mijë tifozë shqiptarë si suport për ekipin tonë.

Ndeshja luhet të hënën në orën 21:00 dhe shqiptarët kudo në botë do mund ta shohin në platformën Tibo, në cilësinë më maksimale.

Polonia është shteti i parë që është eliminuar zyrtarisht nga Euro 2024 që po mbahet në Gjermani.

Polakët u mposhtën nga Austria 3-1, ndërsa edhe ndeshja tjetër e mbyllur në barazim mes Francës dhe Holandës, nuk i la më asnjë mundësi

Pas rezultateve të këtyre ndeshjeve, Polonia nuk ka më gjasa për të kaluar grupin.

Shqipëria mund të kalojë grupin nëse fiton ndaj Spanjës. Me 4 pikë, me shumë gjasa do të jetë e dyta ose e treta në grup.

Do mjaftojë një fitore për të përfunduar në vendin e dytë, por që Spanja mposht Italinë dhe kjo e fundit barazon ose humbet nga Kroacia.

Kombëtarja shqiptare është rikthyer në kampin bazë stërvitor të kuqezinjve në Kaiserau

Skuadra iu drejtua fushës me grupin të ndarë në dy pjesë. Lojtarët që ishin titullarë ndaj Italisë kryen stërvitje të lehtë dhe pa ngarkesa, mes palestrës dhe fushës, ndërsa lojtarët që nuk u aktivizuan ose luajtën pak minuta bënë stërvitje me ngarkesë të plotë.

Ish-presidenti i SHBA-së, Donald Trump tha se presidenti ukrainas Volodymyr Zelensky është ndoshta biznesmeni më i madh nga të gjithë politikanët, sepse sa herë që vjen në SHBA ai largohet me 60 miliardë dollarë.

Trump e bëri këtë deklaratë në një fjalim në konventën republikane në Detroit, Michigan.

“Por ai është biznesmeni më i madh i të gjitha kohërave”, tha Trump, duke iu referuar Zelensky-t, raportuan mediat amerikane.

Lexo artikullin e plotë në linkun në bio të .news

Shqipëria debutoi në Kampionatin Europian “Gjermani 2024” ndaj Italisë. Në stadiumin e Dortmundit fituan Kampionët e Europës në fuqi me rezultatin 2-1. Golin e vetëm për kuqezinjtë e shënoi Nedim Bajrami.

Pamela Anderson ka publikuar librin e saj me kujtime “Love, Pamela” dhe dokumentarin në Netflix “Pamela, A Love Story” edhe pse me kaq shumë angazhime, aktorja ka ende kohë për të gjetur dashurinë e vërtetë, si dhe për t’i folur vetes para pasqyrës.

Në një intervistë për Bustle, ajo ka zbuluar ca të pathëna interesante nga jeta e saj dhe mënyrën se si e sheh botën, me një qasje romantike dhe të këndshme. Ajo tregoi se i flet vetes shpesh para pasqyrës dhe ndau disa nga afirmimet që bën para pasqyrës: “Ji guximtare, ndërmerr rreziqe”, shprehet fillimisht, duke vijuar: “Jam gati për dashurinë. Qëllimi im është të jem vetja, ndërsa bota më shtyn, më tërheq dhe më tundon”, përfundon ajo.
Lexo artikullin e plotë në linkun në bio të .news