Luigj Gjergji

Është shumë e rëndësishme të njohësh vlerën e punonjësve në brendi të sipërmarrjes dhe rrjedhimisht, të mos përdorësh personat për të rritur sipërmarrjen por të përdorësh sipërmarrjen për të rritur personat.

Kjo ka qenë rruga e suksesit e "Shën Jozefit" dhe ky është urimi im për këtë Shkollë, për çdo institucion dhe për çdo sipërmarrje, pasi vetëm kështu zhvillohet ajo që quajmë SKUADËR.

🥂2024

Takim me Kryetarin e Bashkisë, z. Albert Melyshi, në kuadër të Projektit të Partneritetit të Arsimit Profesional me Dhomën Zejtare në Dortmund.

Me datë 10 nëntor z. Franc Musolli, koordinatori i projektit PAP – Shqipëri, është takuar zyrtarisht me z. Albert Melyshi kryetar i Bashkisë Mirditë, në praninë e Padre Michele Leovino Drejtori i Shkollës “Shën Jozefi Punëtor”, z. Luigj Gjergji Drejtori Didaktik i Shkollës dhe njëkohësisht bashkëpunëtor i projektit PAP-Shqipëri si dhe Padre Umberto Boero Zv. Drejtor dhe përgjegjës i Njësisë së Zhvillimit të Shkollës “Shën Jozefi”.

Fokusi i takimit ka qënë zhvillimi i mundësive të bashkëpunimit në mes Bashkisë dhe Shkollës në kuadër të këtij projekti dhe impaktin e mundshëm që mund të ketë ky bashkëpunim në zhvillimin ekonomik të territorit.

Një nga mundësitë që i është paraqitur z. Melyshi për bashkëpunim ishte mundësia e rëndësishme e regjistrimit falas të personave të papunë, banorë të Bashkisë Mirditë, në kurset afatshkurtra që Shkolla mundëson si Qendër kursesh profesionale. Këto kurse janë në fushën e Elektrikes, 3 dhe 9 mujore, në fushën e Mekanikës 3 mujore, Hidraulikes 3 mujore si dhe Informatikes 3 mujore. Po ashtu, dy herë në vit në Shkollë zhvillohet kursi dyjavor i saldimit me certifikim ndërkombëtar në të cilin Bashkia Mirditë mund të regjistrojë personat e pakualifikuar që kanë dëshirë të formohen në këtë zanat kaq të kërkuar në tregun e punës, pra një ofertë punësimi e sigurtë brenda vendit.

Mundësi tjetër e ofruar për Bashkinë Mirditë është pjesëmarrja e personelit të shërbimeve publike në sektorë të ndryshëm, të mund të marrin pjesë në trajnimet që bëhen për stafin e mësuesve të Shkollës nga ana e mjeshtrave nga Gjermania në profilet Hidraulike, Mekanike, Elektrike dhe Saldim.

Z. Musolli i ka paraqitur Kryetarit të Bashkisë edhe angazhimin e partnerëve në projektin PAP-Shqipëri për të organizuar dhe zhvilluar, brenda periudhës së dytë 3 vjeçare të projektit, kurse 2-3 ditore në fushën e elektroteknikës, automekanikës dhe hidraulikes, për kompetenca profesionale të reja të tregut të punës në këto sektore, duke ju ofruar ndërmarrjeve private zhvillimin profesional të punonjësve të tyre, duke shtuar në këtë mënyrë punësimin dhe zhvillimin ekonomik të vendit. Bashkëpunimi me Bashkinë edhe në këtë aspekt do t’u mundësonte që ndërmarrjet e reja ose Start-up, të kishin mundësinë e ndjekjes së këtyre kurseve pa pagesë.
Kryetari i Bashkisë Mirditë ka falenderuar z. Musolli për këtë projekt kaq të rëndësishëm për zhvillimin e ofertës profesionale dhe impaktin e madh që ka në punësimin e të rinjve dhe rrjedhimisht në zhvillimin ekonomik të familjeve në Mirditë dhe në shumë rrethe të Veriut të Shqipërisë, duke siguruar nga ana e Bashkisë bashkëpunimin aktiv për t’u ardhur në ndihmë personave të papunë dhe ndërmarrjeve të reja në territor. Gjithashtu z. Melyshi ka falenderuar drejtuesit e Shkollës profesionale “Shën Jozefi” për aktivitetin e vazhdueshëm të rëndësishëm në formimin profesional dhe në zhvillimin e partneritetit Shkollë-Sipërmarrje private për punësimin e të rinjve si dhe për të gjitha veprimtaritë sociale dhe kulturore që zhvillon në të mirë të komunitetit të Mirditës dhe më gjërë.

Drejtori i Shkollës ka falenderuar z. Musolli për inisiativën e takimit dhe për vazhdimësinë e këtij projekti kaq të rëndësishëm për veprimtarinë e “Shën Jozefit” në të mirë të territorit. Në fjalën e tij p. Michele Leovino ka theksuar me vlerësim vazhdimësinë e bashkëpunimit që institucioni “Shën Jozefi” ka me të gjitha institucionet publike lokale, po ashtu me Bashkinë Mirditë ndër vite e gjithashtu i ka sigurar kryetarit aktual që njeh aq mirë edhe veprimtarinë e kësaj Shkolle vazhdimësinë e kësaj tradite bashkëpunimi gjithnjë e më efikase në të mirë të banorëve të kësaj zone mjaft të varfër.

Në fund të takimit, për një zhvillim sa më të frytshëm të këtij bashkëpunimi, z. Musolli ka propozuar një vizitë të një delegacioni të Bashkisë Mirditë tek Dhoma Zejtare në qytetin e Dortmundit, për të shqyrtuar dhe promovuar mundësi të reja të bashkëveprimit me institucione gjermane për zhvillim ekonomik, me projekte dhe inisiativa të reja të rëndësishme.

Ditën e mërkurë 25 tetor, Drejtues të Shkollës "Shën Jozefi" janë takuar me Drejtorin e Burgut në Reç të Shkodrës dhe bashkëpunëtorë të tij, me mbështetjen e p. Luigi Cannato që shërben në këtë burg.

Gjatë takimit në zyrën e Drejtorit të burgut janë bashkëndarë ide dhe mundësi bashkëpunimi me Shkollën tonë për t'u mundësuar formim profesional të burgosurve.

Me vizitën në ambjentet e burgut janë vlerësuar edhe mundësitë reale të programimit dhe zhvillimit të këtij projekti shumë domethënës për jetën e të burgosurve.

Urojmë dhe besojmë në zhvillime sa më të shpejta!

Para se të vinte në Harvard në vitin 2009, Rolf Mowatt-Larssen shërbeu për tre vjet si Drejtor i Zbulimit dhe Kundërzbulimit në Departamentin e Energjisë së SHBA-ve. Para kësaj, ai shërbeu për 23 vjet si oficer i lartë i inteligjencës në CIA, në poste të ndryshme në vendin e tij si edhe në vende të ndryshme të botës.

Kjo është një pjesë e profilit profesional të Rolf Larssen që ishtë këtë javë në Shqipëri për prezantimin e librit të tij "Midis Cia-s dhe Besimit", të përkthyer nga Erjon Kristo.

Kjo vepër është një libër kujtimesh mbi përvojat jetësore dhe veprimtarisë së një oficeri të CIA-s, si dhe një udhëtim i tij drejt besimit.

Në parathënien e Gerti Bogdanit, promotori i përkthimit të librit, paraqitet qartë se pavarësisht detyrës së tij civile të autorit si agjent dhe drejtues i lartë i CIA-s që kërkonte prej tij racionalitet dhe arsyetim të kulluar, ai (autori) paraqet një linjë të fortë dhe të rëndësishme dëshmie se njeriu, pavarësisht detyrës që mbart, mund ta lidhë kryerjen e asaj detyre me jetën e tij shpirtërore dhe me vlerat e besimit, duke i bërë më të frytshme të dyja drejtëzat.

Një personalitet plot humanizëm, inkurajim për rrugën profesionale si dhe shembull konkret sesi besimi i jep bukuri jetës së njeriut.

God bless Rolf!

Vit shkollor të mbarë kolegë të "Shën Jozefit", si dhe të gjithë Mësuesve dhe Nxënësve në çdo shkollë!

Dalja nga Egjipti e kishte sjellë popullin hebre në Besëlidhjen e Vjetër. Në mëngjesin e Pashkëve ai i sjell dishepujt e Jezusit në Besëlidhjen e Re. Me Moisiun, hebrenjtë kishin kaluar nga skllavëria në liri. Nëpërmjet Ngjalljes së tij, Krishti na çliron nga një formë tjetër skllavërimi, edhe më e frikshme, skllavëria e mëkatit. Që tani e tutje, ne kemi mundësinë të çlirohemi nga mëkati dhe të jetojmë në lirinë e bijve të Perëndisë.

Siç shpallet gjatë Vigjiljes së Pashkëve: "Pa vlerë do të mbetej lindja jonë po të mos na kishte shëlbuar. O mirësi e mrekullueshme që u dëftove ndaj nesh. O dashuri e paçmuar e bamirësisë: për të shëlbuar shërbëtorin, e flijove Birin tënd!"

Ngjallja e Jezusit, në mëngjesin e Pashkëve, tronditi përfundimisht jetën e dishepujve: Ata e kuptuan se çelësi i këtij misteri të pazbuluar qëndron në besimin, në dorëzimin total në duart e Atit. Tani, na takon ne ta përjetojmë plotësisht këtë dorëzim dhe të dëshirojmë gjithmonë të prehemi në krahët e Krishtit.

Qoftë gjithmonë i lehtë ky mister shpëtimtar për hapat tanë, në rrugën e jetës!

Me shëndet Pashkët të dashur miq!

Miq të dashur,

Të dielën, me datë 19 mars 2023, Rrëshenin do ta vizitojë Shkëlqesia e Tij, Imzot PAUL RICHARD GALLAGHER, Sekretar i Shtetit të Vatikanit për marrëdhëniet me Shtetet dhe Organizmat Ndërkombëtarë, domethënë Ministri i Jashtëm i Vatikanit.

Jeni të ftuar të na bashkoheni me gjithë familjet dhe miqtë tuaj, që ta mirëpresim Shkëlqesinë e Tij në Mirditën tonë të dashur, të shumtë e me gëzim në zemër, si shenjë e besimit tonë dhe e lidhjes së fortë që Mirdita ka pasur gjithmonë me Selinë e Shenjtë.

Pritja e Imzot Gallagher-it, do të bëhet në orën 10:30 në sheshin "Marie Tuci" para Katedrales së Rrëshenit “Jezusi i vetmi shpëtimtar i botës”. Mandej, në orën 11:00 do të kremtohet Mesha e Shenjtë, të cilën do ta udhëheqë Shkëlqesia e Tij, Imzot Paul R. Gallagher.

P.S. Shpërndajeni lajmin edhe ftesën tonë të përzemërt.

Gjatë takimit rajonal të zhvilluar sot në Shkodër mes Institucioneve të Arsimit dhe Formimit Profesional IOAFP, organizuar nga Agjensia Kombëtare e Arsimit dhe Formimit Profesional dhe Kualifikimeve - AKAFPK, mbi procesin e vetëvlerësimit dhe të Akreditimit Institucional në vazhdim.

O Zot,
në fund të këtij viti dua të të falënderoj për gjithçka më ke dhuruar,
faleminderit për jetën dhe dashurinë,
për lulet, ajrin dhe diellin,
për gëzimet dhe dhimbjet,
për çfarë ka qenë e mundur
dhe për çfarë nuk mund të ishte.

Unë po të bëj dhuratë atë që munda të bëj këtë vit:
Punën që kam arritur të bëj,
gjërat që kanë kaluar nëpërmjet duarve apo mendjes time,
dhe gjithçka që kam mundur të ndërtoj me to.

Të bëj dhuratë njerëzit që kam dashur gjithmonë,
miqtë e rinj, miqtë e ngushtë,
ata që janë larg,
ata që janë larguar nga kjo botë,
ata që më kërkuan t'u jem pranë,
dhe ata që munda ti ndihmoja,
si dhe ata me të cilët kam ndarë jetën time,
punën, dhimbjet dhe gëzimet.

Sot, o Zot, dua të të kërkoj edhe falje
për kohën e humbur, për paratë e shpenzuara keq,
për fjalët e kota dhe për dashurinë e pavlerësuar siç duhet,
falje për gjërat e kota,
falje për punët e pazbatuara,
falje për të jetuarit pa entuziazëm dhe për lutjet e munguara ndaj Teje,
falje për të gjitha harresat dhe heshtjet e mia,
thjesht... Të kërkoj falje!

O Zot, Zot i kohës dhe i përjetësisë,
Ty të përket e sotmja dhe e nesërmja, e kaluara dhe e ardhmja, dhe me fillimin e një viti të ri,
e vendos jetën time para kalendarit,
ende pa filluar,
dhe të dhuroj vetëm ato ditë që Ti e din se do të arrij ti jetoj siç duhet.

Sot Të kërkoj paqe dhe lumturi për mua dhe të dashurit e zemrës time,
forcë dhe maturi,
bamirësi dhe dituri.

Dua të jetoj çdo ditë me optimizëm dhe mirësi,
mbylli veshët e mi ndaj çdo gënjeshtre,
mbylli buzët e mia ndaj fjalëve të rreme dhe egoiste, që mund të lëndojnë,
dhe hap qenien time për gjithçka që është e mirë,
kështu që shpirti im të mbushet vetëm me bekime dhe të mund ti shpërndaj në çdo hap timin.

Më mbush me mirësi dhe gëzim
në mënyrë që ata që jetojnë me mua
të gjejnë pak nga Ti në jetën time.

Zot, më jep një vit të mbarë
dhe më mëso të shpërndaj lumturi.
Në emër të Zotit, amen.
(Arley Tuberqui)

Festat nuk janë momenti më i mirë për të përcjellë mesazhe apo qëndrime, por, miqtë e mi, më lejoni të shkruaj dy rreshta, meqënëse rrjetet sociale tashmë janë mjeti më i mirë i transmetimit.

Me rolet e ndryshme politike brenda degës Mirditë të PDSH, në veçanti me kandidimin tim në listën e Qarkut Lezhë në vitin 2017 dhe mospranimin e mandatit të deputetit në vitin 2019, për vendime kolegjiale që i dinë të gjithë, mendoja se do të isha pafundësisht aktiv në politikë, por, nga ngjarjet politike brenda Partisë ku aderoj që nga viti 1998, vendosa të qëndroj në heshtje, duke mos u bërë pjesë e asnjë lëvizje apo ndryshimi dhe duke vazhduar të punoj sa mundem në fushat sociale dhe profesionale, sidomos për të rinjtë, në rrethin ku kam lindur dhe vazhdoj të punoj, në Mirditë, si dhe në Tiranë ku tashmë banoj.

Kjo heshtje imja do të kishte vazhduar derisa edhe anëtari i fundit i PDSH nuk do të kishte dyshime ndarjesh apo dallimesh, por angazhimi i shumë miqve të nderuar në përzgjedhjet e kandidaturave brenda opozitës, sidomos në Mirditë, por edhe në Tiranë e Lezhë, më nxitën ta ndjek më nga afër këtë fazë dhe tashmë, të bëj një prononcim për korrektesë morale, njerëzore dhe politike.

Prononcimi im është për Mirditën, aty ku kandidati zyrtar i opozitës për Bashkinë Mirditë është z. Albert Melyshi dhe për të cilin shpreh dhe siguroj të gjithë mbështetjen time, me bindje, deri në fitoren e tij të datës 14 Maj.

Përse ky qëndrim imi?

Sigurisht, jo për prononcim vote personale, pasi unë jam dhe do të mbetem votues i djathtë, si nipi i një të vrari dhe të zhdukuri nga regjimi komunist dhe si anëtar i PDSH, por për të shprehur me bindje dhe qartësisht mbështetjen time të plotë ndaj Albert Melysh*t, si shok dhe koleg i imi nga 7 vite në një institucion privat.

Berti përfaqëson njeriun e mirë, që është vlera kryesore për tu bërë edhe profesionist i suksesshëm dhe politikan i respektuar;

Berti përfaqëson rininë, që është motori i të ardhmes;

Berti përfaqëson biznesin privat;

Berti përfaqëson të persekutuarit, që janë simboli i dhimbjes dhe i shtetbërjes së keqe, që të mund të punojë për një shërbim ndryshe dhe sa më të mirë për të gjithë qytetarët;

Berti përfaqëson politikanin e mirë, duke ngjitur shkallët e politikës një e nga një, me grintë dhe sukses: nga anëtar i FRPD, anëtar i PDSH, kryetar grupseksioni e në fund kryetar i zgjedhur i degës Mirditë.

Berti përfaqëson qytetin dhe fshatin, krejt Mirditën, prandaj, me bindjen time, do të jetë KRYETARI I BASHKISË MIRDITË PËR 4 VITET E ARDHSHME.

SUKSESE ALBERT MELYSHI!

Krishtlindja e parë në Vlorë, menjëherë pas martirizimit… - Vatican News Kisha katolike në Shqipëri ka një histori jashtëzakonisht prekëse edhe në qytetin jugor të Vlorës, ku dëshmitarët e saj: meshtarë e murgesha, e ...

Qendra e Formimit Profesional "Shën Jozefi Punëtor" me mbështetjen e Odës Zejtare të Dortmundit organizon Kurse Intensive dhe Certifikime Ndërkombëtare në fushën e SALDIMIT, nga trajnerë dhe certifikues Gjermanë.

Kursi do të zhvillohet me datë 21.11.2022-25.11.2022, dhe provimi do të bëhet më datë 30 nëntor 2022 nga certifikues gjermanë.

Investo për zotërimin dhe certifikimin e njohurive në SALDIM me standarte Europiane.

Kontaktoni:
+355686499988
+355694666424