Departamento di Aduana Aruba

DAA kier recorda tur biahero di nos procedura na momento cu yega for di exterior 🛬

Por lesa mas aki ⤵️

Departamento di Aduana ta recorda biaheronan di nan procedura na momento cu yega for di exterior – Departamento di Aduana E no ta desconoci cu na momento cu biaheronan yega for di exterior, Aduana por haci un control ariba nan ekipahe. Si durante control Aduana constata cu recibonan a surpasa e suma di exoneracion, of e cantidad di exoneracion, lo informa e persona pa e pasa na e oficina di Aduana situa na e sala di ye...

𝟐𝟏 𝐜𝐮𝐫𝐬𝐢𝐬𝐭𝐚 𝐚 𝐫𝐢𝐜𝐢𝐛𝐢 𝐧𝐚𝐧 𝐜𝐞𝐫𝐭𝐢𝐟𝐢𝐜𝐚𝐝𝐨 𝐩𝐚 𝐞 𝐝𝐢 𝐬𝐡𝐞𝐭𝐞 𝐜𝐮𝐫𝐬𝐨 𝐝𝐢 𝐃𝐞𝐜𝐥𝐚𝐫𝐚𝐧𝐭 𝐝𝐢 𝐀𝐝𝐮𝐚𝐧𝐚 📄🎊

Diasabra 6 juli 2024 a tuma luga un ceremonia y entrega di certificado na un grupo di persona cu exitosamente a finalisa e curso di Declarant di Aduana. Esaki tabata e di shete curso cu a wordo organisa pa Aduana y ATIA, pa brokers y importadornan.

Den presencia di director di Departamento di Aduana, sr. Roderick Croes, director di ATIA, sr. Herrick Henriquez, hoofd di e curso, sr. Marcelito Pablo, secretaria di e curso, sra. Kathleen Faro, y docentenan, a haci entrega di certificado na 21 persona cu a cuminsa e curso na luna di februari. Di e grupo aki, sr. Henry Cen di e compania Far East Logistics & Transport tabata e mihor graduado. Na segundo lugar tabata sra. Jean-Marie Vos di Ashley Broker y na tercer luga tabata sr. Bryan Werleman di Setar N.V.

Departamento di Aduana y ATIA ta felicita cada un di e cursistanan aki y ta deseanan exito den nan carera.

Herhaalde oproep, oportunidad pa trabou en conexion cu e funcion di:

• Chef Financiële Administratie

Interesadonan por aplica via [email protected] door di manda un carta di motivacion hunto cu un CV dirigi na director DAD, sr. Roderick L. Croes.

Ultimo dia pa aplica ta diabierna 2 juli 2024.

Atencion ⚠️

Departamento di Aduana ta informa cu pa motibonan for di nos alcance, e departamento financiero di Aduana situa na L.G. Smith Boulevard, temporalmente a muda di e tercer pa e segundo piso.

Esaki ta nifica cu clientenan por entrega y busca documento (manera bankgarantie, bezwaarschrift, resitutie, y deurwaardersbrief, entre otro) cerca nos funcionarionan na e segundo piso 📄

Nos ta pidi clientenan pa tuma bon nota di e informacion comparti y alabes danki pa e comprension.

Atencion:

Departamento di Aduana ta informa cu pa motibo di interupcion di coriente, nos oficina principal ta cera y servicio pa publico lo reanuda pa 1.00 or di merdia.

“Mama, ta un so tin.”
Nos ta desea tur Mama un feliz dia y hopi bendicion 🌷✨

Nos ta informa cu nos oficinanan lo ta cera riba diahuebs 9 y diabierna 10 mei 2024 en conexion cu Dia di Ascension y ATV obligatorio.

Tur servicio pa clientenan y publico en general lo reanuda dialuna 13 mei desde 7.30 or di mainta.

Nos ta pidi comprension y cooperacion di nos clientenan pa haci declaracionnan na tempo y correctamente pa Aduana por cumpli y preveni tardansa pa saca carganan 📦

DAA ta desea pueblo di Aruba, specialmente nos kerido coleganan Aduanero un Feliz dia di Obrero 🤎🛃

Herhaalde oproep. Oportunidad pa trabou 🛃

• Chef Financiële Administratie

Interesadonan por aplica via [email protected] door di manda un carta di motivacion hunto cu un CV dirigi na director DAD, sr. Roderick L. Croes.

Ultimo dia pa aplica ta diabierna 19 april 2024.

Departamento di Aduana ta informa cu entrante 1 di april 2024 e suma di exoneracion di impuesto riba ekipahe pa biaheronan ta subi di AWG 400 pa AWG 900 🛄

Esaki ta conta pa biaheronan cu ta trece articulonan y productonan na momento cu yega Aruba bek for di exterior.

Generalmente, tur biahero tin derecho riba exoneracion di impuesto riba un cantidad di articulonan y productonan. E balor maximo riba e factura cu cada biahero tin derecho riba exoneracion di impuesto entrante 1 di april 2024 ta bira AWG 900. Esaki ta aplicable riba entre otro, articulonan di paña, sapato, holoshi, celular, cos di hunga, y productonan di beyesa. Articulonan y productonan cu tin un balor di factura cu ta surpasa AWG 900, mester paga impuesto di importacion ariba e articulo completo.

Pa productonan di accijns manera alcohol y sigaria, cada biahero por trece:
• 200 pida (1 slof) di sigaria, of 25 pida di siga, of 50 pida di cigarillos, of 250 gram di tabaco
• 1 liter di bebida fuerte p.e. rum of whisky, of 2,25 liter di biña, of 3 liter di cerbes.

Riba e productonan akiriba no mester paga accijns. Den e caso cu e biahero surpasa e cantidadnan aki, lo mester paga accijns riba e productonan.

Pa bin na remarke pa exoneracion di impuesto, tur biahero:
- Mester tin minimo 16 aña di edad
- Mester tene na cuenta cu e exoneracion ta conta solamente pa articulonan/productonan di uzo personal
- Mester tene na cuenta cu pa cierto articulonan/productonan entrada ta prohibi of lo tin mester di un permiso, manera drones, remedi, mata y carni.

Herhaalde oproep. Oportunidad pa trabou 🛃

DAA ta busca un persona dinamico y entusiasma pa e vacatura:

• HRM-Medewerker

Interesadonan por aplica via [email protected] door di manda un carta di motivacion hunto cu un CV dirigi na director DAD, sr. Roderick L. Croes.

Ultimo dia pa aplica ta diabierna 5 april 2024.

Nos ta desea pueblo di Aruba un feliz Dia di Himno y Bandera 🇦🇼♥️💙💛🤍

Dia Internacional di Hende Muhe- International Women’s Day.

DAA ta desea tur ser femenino, specialmente nos coleganan bunita, inteligente y fuerte un feliz Dia Internacional di Hende Muhe 🌹

Awe riba e dia tan special aki, nos ta celebra cu hopi orguyo y alegria e Dia Internacional di Aduana 🤎

Un palabra di pabien ta bay na nos personal y coleganan/partners den Caribe y internacional 🎉

On this special day, we celebrate with great pride and happiness the International Customs Day 🤎

We want to congratulate our personnel and colleagues/partners in the region and international 🎉

DAA cera riba Dia di Betico y ATV-dag

Departamento di Aduana ta informa cu su oficinanan ta cera riba diahuebs 25 januari en conexion cu Dia di Betico y diabierna 26 januari 2024 en conexion cu ATV-dag obligatorio.

Tur servicio pa clientenan y publico en general lo reanuda dialuna 29 januari for di 7.30 or di mainta.

Nos ta pidi comprension y cooperacion di su clientenan pa haci nan declaracionnan na ora y correctamente pa Aduana por cumpli y preveni tardansa pa saca carganan innecesariamente 🛃

Un grupo di cursista a finalisa e curso di Declarant di Aduana 📑

Diamars ultimo 19 december 2023 a tuma luga un ceremonia y entrega di certificado na un grupo di cursista cu exitosamente a finalisa e curso di Declarant di Aduana.

Den presencia di Minister di Finansa y Cultura, sra. Xiomara Maduro, director di Departamento di Aduana, sr. Roderick Croes, director di ATIA, sr. Herrick Henriquez, Hoofd di e curso Declarant, sr. Marcelito Pablo, Secretaria di e curso, y docentenan, a haci entrega di certificado na e 23 cursistanan di e 32 cu a cuminsa e curso na luna di augustus. Den e grupo aki, sr. Roberto Ras di DHL Courier Services tabata e mihor graduado di e curso y na segundo lugar tabata sra. Chanella Vrolijk di Interport Logistics Aruba. Esaki tabata e di seis curso cu a wordo organisa pa Aduana y ATIA pa brokers y importadornan.

Departamento di Aduana y ATIA ta felicita cada un di e cursistanan aki y ta deseanan exito den nan carera.

Orarionan di oficina pa dianan di Fiesta 🎄

Temporada di Pasco a yega. Nos ta pidi comunidad di Aruba pa tene cuenta cu nos orarionan di oficina:

• Dialuna 25 y diamars 26 di december 2023 e oficinanan di Aduana lo ta cera en conexion cu Pasco di Nacemento. Tur servicio pa clientenan y publico en general lo reanuda riba diaranson 27 december 2023.

• Dialuna 1 y diamars 2 januari 2024 e oficinanan di Aduana lo ta cera en conexion cu Aña Nobo y ATV dag obligatorio. Tur servicio pa clientenan y publico en general lo reanuda riba diaranson 3 di januari 2024.

Nos ta pidi tur cliente pa tene cuenta cu e anuncio aki pa evita cualkier inconveniencia y alabes ta desea comunidad di Aruba Feliz dianan di Fiesta.

Pa cualkier informacion por bish*ta nos website www.douane.aw, yama nos na 523-8888, of manda nos un email na [email protected].

Fiesta di Sinterklaas 🎅🏼

Departamento di Aduana ta informa cu awe diamars 5 december 2023 nos oficinanan lo cera 3.00or di atardi en conexion cu fiesta di Sinterklaas.

Nos ta pidi pa tuma bon nota di e anuncio aki.

Oportunidad pa trabou 🛃

DAA ta buscando personanan dinamico y entusiasma pa e siguiente vacaturanan:

• Inspecteur
• Chef Financiële Administratie
• HRM Medewerker
• IT- Helpdeskmedewerker

Interesadonan por aplica awe mes na [email protected] door di manda un carta di motivacion hunto cu un CV dirigi na e personanan menciona den cada vacatura.

Ultimo dia pa aplica ta dialuna 20 november 2023.

Pa mas informacion, bish*ta nos website www.douane.aw/vacature/ ⬇️

Vacature – Departamento di Aduana Interesadonan por aplica awe mes na [email protected] door di manda un carta di motivacion hunto cu un CV dirigi na e personanan menciona den cada vacatura. Ultimo dia pa aplica ta dialuna 20 november 2023.

Departamento di Aduana kier recorda tur importador cu ta haci aangifte di BBO/BAZVden e portal di BO impuesto (BOi) di Departamento di Impuesto, lo siguiente.

Na momento cu un importador haci aangifte BBO/BAZV den e portal di BOi y ta tuma nota cu no por mira tur aangifte di Aduana riba nan account, mester tuma contacto cu nan Customs Broker cu ta esun responsabel pa e aangifte haci na Aduana. Den e caso cu e Customs Broker no por duna mas asistencia, e ora e importador por tuma contacto cu Departamento di Aduana pa asina por yega na un solucion.

Nos ta pidi tur importador pa tuma bon nota di e informacion comparti.

Mantencion di nos servers ⚙️

Departamento di Aduana kier informa cu pa motibo di mantencion necesario, no lo tin sistema di ASYCUDA riba:
• Diasabra 16 september for di 10.00or di anochi te cu
• Diadomingo 17 september 2023, 10.00or di mainta.

Nos ta pidi clientenan tuma nota di e informacion comparti.

Interupcion di servicio ⛈️⚡️

Nos ta informa cu servicio di Aduana awe mainta ta wordo afecta pa motibo di mal tempo.

Nos ta pidi nos clientenan pa tuma nota di esaki y alabes ta gradici pa e pasenshi 🙏🏼

Apertura di e Declaranten Cursus 2023.

Diamars ultimo 15 augustus a tuma luga e apertura di e Declaranten Cursus. Departamento di Aduana hunto cu e asistencia y facilitacion di Aruba Trade & Industry Association (ATIA), ta duna e curso aki na 32 persona cu ta haci trabounan/proceduranan aduanal di declaracion di documento na momento cu mercancia drenta y sali for di Aruba.

Den presencia di Minister di Finansa y Cultura, sra. Xiomara Maduro, director interino di Departamento di Aduana, sra. Corinne Cabenda, director ATIA, sr. Herrick Henriquez, y hoofd di e curso Declarant, sr. Marcelito Pablo y docentenan, a duna palabra di bon bini na e cursistanan y un splicacion general di e contenido di e curso aki. Esaki ta e di seis curso cu ta ser organisa. E meta di e curso ta pa brokers y importadornan por haci e trabou di declaracion, como tambe cumpli cu tur formalidad di Aduana na un manera mas efectivo y eficiente.

Na su turno, esaki ta facilita comercio grandemente. E curso aki tin hopi beneficio mirando cu brokers y importadornan ta haya mas conocimento den e parti legislativo di Aduana manera e Ordenansa Nacional In,- Uit,- en Doorvoer, mas conocimento di e tarief di invoerrechten, douanewaarde, e sistema di Asycuda, y mas procedura di Aduana.

Departamento di Aduana y ATIA ta desea e cursistanan hopi exito 💪🏼

Manera a wordo comunica anteriormente, Gobierno a duna un compensacion riba diferente producto. For di 660 post (subdivision di producto) den nos buki di tarifa di importacion, e post cu ta encera material di construccion tambe a baha. Por mira cu material di construccion manera tegels di piedra, cement, topnan di piedra, p.e. graniet, material pa instalacion electrico y porta cu bentana di plastico a baha di 10% pa 6% ⚙️

Gobierno ta spera cu por mira e rebaho aki refleha tambe den e prijsnan cu ta ofrece e consumidor.

Pa mas informacion of pregunta por tuma contacto cu nos na 523-8888 of [email protected]

UPDATE: e sistema di Asycuda ta up & running ☑️⚙️

UPDATE: e sistema di Asycuda ta up & running ☑️⚙️

DAA ta informa cu pa motibo di problemanan technico nos sistema di Asycuda ta down. Nos ta trahando pa recupera e sistema pa asina Asycuda por funciona optimal bek.

E problema por causa un retraso den nos trabounan y pa esaki nos ta pidi clientenan disculpa pa e inconveniencia. Manera nos sistema di Asycuda ta up & running nos lo duna un update.

UPDATE: e sistema di Asycuda ta up & running ☑️⚙️

DAA ta informa cu pa motibo di problemanan technico nos sistema di Asycuda ta down. Nos ta trahando pa recupera e sistema pa asina Asycuda por funciona optimal bek.

E problema por causa un retraso den nos trabounan y pa esaki nos ta pidi clientenan disculpa pa e inconveniencia. Manera nos sistema di Asycuda ta up & running nos lo duna un update.

Recientemente a bay na vigor e belasting di BBO na frontera. DAA a haci cambio y asina a simplifica tarifanan di importacion. For di nos buki di tarifa di importacion un total di 660 post (subdivision di producto) a baha desde 1 augustus 2023 consistiendo di por lo menos 500 diferente producto.

Gobierno di Aruba a duna compensacion riba e 660 postnan aki cual ta consisti di diferente categoria. Aki bou por mira e tarifa di importacion di productonan di cuminda y bebida (comestibel) cu a baha.

Gobierno ta spera cu por mira e rehabo aki refleha tambe den e prijsnan riba reki den tiendanan.