ADU Tələbə Elmi Cəmiyyəti

Azərbaycan Dillər Universiteti Tələbə Elmi Cəmiyyəti (TEC) və Regionşünaslıq kafedrasının birgə təşkilatçılığı ilə onlayn formatda 18 OKTYABR DÖVLƏT MÜSTƏQİLLİYİNİN BƏRPASI gününə həsr olunmuş “ODLAR YURDUMUZUN SÖNMƏYƏN MƏŞƏLİ” adlı tədbir keçirilib.

TEC-in sədri Elşən Məcidov və Regionşünaslıq kafedrasının müdiri, dosent Sevdagül Əliyeva, o cümlədən müəllimlər və tələbələr müxtəlif mövzularda: Azərbaycan müstəqilliyinin geosiyasi aspektləri, Müstəqilliyin bərpasında Türkiyənin rolu, Müstəqilliyə aparan yol, müstəqillik dövründə daxili və xarici siyasət və s. çıxış ediblər.

16 Oktyabr saat 20:00-da
Dövlət Müstəqilliyinin Bərpası gününə həsr olunmuş “Odlar yurdumuzun sönməyən müstəqillik məşəli”adlı tədbir keçiriləcək.
Hamı dəvətlidir!

E L A N

HADRUT
ERMƏNİ İŞĞALINDAN AZADDIR!
Azadlığın mübarək!

E L A N

Bu il Azərbaycan müəllimi Beynəlxalq Müəllimlər Gününü qalib xalqın qalib övladı olaraq bayram edir. Zəfərlə başa çatan 44 günlük Vətən müharibəsində 671 müəllim düşmənə qarşı vuruşaraq qəhrəmanlıqlar göstərib. Bu müharibədə 20 təhsil işçisi döyüşlərdə şəhidlik zirvəsinə ucalıb.

Oktyabrın 5-i Beynəlxalq Müəllimlər Günüdür Xəbərlər - ADU

Əziz müəllimlər!
Peşə bayramınız mübarək!

ADU-nun rəhbərliyi və kollektivi adından əziz müəllimlərimizi təbrik edir, çətin və şərəfli işlərində uğurlar arzu edirik.

Müəllim adı uca, şərəfli və unudulmaz addır.

Təbriklər!

Bu gün Cəbrayılın işğaldan azad olunmasından 1 il ötür.

Bütün şəhidlərimizə Allahdan rəhmət diləyirik!

ADU-da Vətən müharibəsinə həsr olunmuş dəyirmi masa keçirilib Xəbərlər - ADU

28 Sentyabr 2021-ci il tarixində saat 19:00-da Microsoft Teams platformasında onlayn formatda Azərbaycan Dillər Universiteti Tələbə Elmi Cəmiyyəti və Regionşünaslıq kafedrasının birgə təşkilatçılığı ilə 27 Sentyabr –Anım günündən 8 Noyabr- Zəfər Gününədək həyata keçiriləcək tədbirlər planı çərçivəsində 27 Sentyabr - Anım gününə həsr olunmuş “Zəfərə Aparan Yol” adlı dəyirmi masa keçirilib.

Tədbirin moderatoru ADU,Tələbə Elmi Cəmiyyətinin sədri, Regionşünaslıq kafedrasının müəllimi Elşən Məcidov tədbiri açıq elan edərək, tədbir iştirakçılarını salamlayıb, daha sonra II Qarabağ müharibəsi şəhidlərinin əziz xatirəsi 1 dəqiqəlik sükutla anılıb.
Daha sonra söz ADU, Regionşünaslıq kafedrasının müəllimi, Rüfət Ağaqasımova verilib.O,“Məğlubiyyətə aparan yol: Ermənistan I Qarabağ müharibəsindən sonra buraxdığı strateji səhvlər” mövzusunda çıxış edib.

ADU, Tələbə Elmi Cəmiyyətinin sədri, Regionşünaslıq kafedrasının müəllimi, Elşən Məcidov “II Qarabağ müharibəsinin “ədalətli müharibə” konsepti prizmasından təhlili” mövzusunda çıxış edib.

Daha sonra ADU,Filologiya fakültəsi tələbələri; Gülsüm Quluyeva - Jalə Həsənova “İkinci Qarabağ müharibəsi - Şuşa zəfəri” mövzusunda, ADU,Təhsil 1 fakültəsi tələbələri; Nurlan Tağıyev– Xanım Hüseynova “Azərbaycan gəncliyi Vətən müharibəsində” mövzusunda, ADU,Tərcümə fakültəsi tələbəsi; Şəkər Yusifova - “Şanlı zəfər tarixinə səbəb olan müharibə necə başladı?” mövzusunda çıxışlar ediblər.

Dəyirmi masa 44 Günlük müharibə dövründə Azərbaycan əsgərlərinin göstərdiyi şücaət haqqında ümumi müzakirələrlə yekunlaşıb.

Bütün tələbələrimizə uğurlar!

Biz Onları unutmadıq!

Keçən il tam da bu vaxt hər kəs həyəcanla gözlərini televizorlara, telefonlara, informasiya ala biləcəyi istənilən qadjetlərə dikmişdi... Düz 44 gün sevinc və kədərlə əl-ələ yol gəldik. Düz 44 gün hər kəs bir nəfər kimi bu Vətən üçün əlindən gələni etməyə çalışdı. Evlərdən bayraqlar asıldı, cəbhə üçün yardımlar edildi, şəhid ailələrinə baş çəkildi, yaralı əsgərlərə sovqatlar aparıldı..
İnformasiya savaşında erməni yalanları ifşa edildi, bir sözlə biz bir yumruq olduq! Dəmir yumruq!

Əslimizə döndük, olması gərəkən kimi olduq!

Ey qəhrəmanlarımız, bu xalq Sizi unutmadı, unutmayacaq!

Dərin hörmət və ehtiramla yad edirik!

DİQQƏT MÜSABİQƏ!

“Əbədi iftixarımız: Üzeyir Hacıbəyli yaradıcılığı” adlı esse müsabiqəsi elan olunur Xəbərlər - ADU

Bu gün universitetimizin məzunu, şəhid Ülvi Bünyadzadənin doğum günüdür. Xatirəsini hörmət və ehtiramla yad edirik.
Ruhu şad olsun!

Bu gün universitetimizin məzunu, şəhid Ülvi Bünyadzadənin doğum günüdür. Unudulmaz xatirəsini hörmət və ehtiramla yad edirik.

Ruhu şad olsun!

DİQQƏT!
MÜSABİQƏ VAR!
Azərbaycan Dillər Universitetinin Tələbə Elmi Cəmiyyətinin təşkilatçılığı ilə Mədəniyyət tariximizdə dahi bəstəkar, peşəkar musiqi sənətimizin və milli operamızın banisi, musiqişünas alim, publisist, dramaturq, pedaqoq və ictimai xadim Üzeyir Hacıbəylinin həyat və yaradıcılığına həsr olunmuş: bakalavr və magistrantların “Əbədi iftixarımız: Üzeyir Hacıbəyli yaradıcılığı” adlı esse müsabiqəsi elan olunur.

Münsiflər heyəti:
- Sədr: Azərbaycan Dillər Universitetinin elmi işlər üzrə prorektoru prof. N. Məmmədov
1. – üzv: Tələbə Elmi Cəmiyyətinin sədri müəl. E. Məcidov
2. – üzv: Elm şöbəsinin müdiri,dos.S.İmanova
3. – üzv: Regionşünaslıq kafedrasının müdiri dos. S. Əliyeva

Müsabiqənin şərtləri:
- Esselər: Times New Roman şrift, 1,15 interval, 12 şrift, səhifənin ölçüləri: hər tərəfdən 2 sm olmaqla, A4 formatda tərtib edilməlidir,
-Yuxarı sağ küncdə tələbənin adı,fakültəsi, qrupu, elektron ünvanı(mail adresi), mobil nömrə, elmi rəhbərin adı, ortada essenin adı olmalıdır,
- Esselərin həcmi 2 səhifədən artıq olmamalıdır,
- Esselər Azərbaycan, Rus, İngilis və ya tələbənin ixtisas dilində yazıla bilər.

Qiymətləndirmə meyarları:
- Mövzu orijinal olmalı (plagiat,köçürülmə olmamalı),
Müəllifin öz fikir və düşüncələrini əks etdirməlidir.

Mükafatlar: 3 məqaləyə (I, II, III yer) diplom veriləcək və onların esseləri nəşr olunacaq.
Esselərin göndərilməsi üçün son tarix: 15.12.2021-ci il

Esselər elektron olaraq (digər esselər ilə səhv salınmaması üçün məktubda “Üzeyir Hacıbəyli Esse” başlığı altında ) [email protected] ünvanına göndərilməlidir.

28 Sentyabr saat 19:00-da Anım gününə həsr olunmuş tədbir keçiriləcək.
Tədbirə hamı dəvətlidir!

Vətən müharibəsi şəhidlərini dərin hörmət və ehtiramla yad edirik!

*Link paylaşılacaq.

Müzakirə Oktyabr ayının ortalarında keçiriləcək!

Kitabı oxuyub çıxış üçün göstərilən nömrə ilə qeydiyyatdan keçməyi unutmayın!

*Tədbirin tarix və vaxtı ilə bağlı məlumat yaxın günlərdə paylaşılacaqdır!

Bu gün Azərbaycanda Milli Musiqi Günüdür!

🇦🇿Gözünüz aydın, Üzeyir bəy, doğum gününüz Şuşada qeyd olunur!

Bu gün Şuşanın dağlarında, Cıdır düzündə, İsa bulağında, bir sözlə, dahi Azərbaycan bəstəkarı Üzeyir Hacıbəylinin ruhunun dolaşdığı hər məkanda, Vətən torpağının hər qarışında muğam sədaları eşidiləcək.
Belə ki, bu gün - sentyabrın 18-də Azərbaycanın qədim mədəniyyət paytaxtı Şuşada Üzeyir Hacıbəyli Beynəlxalq Musiqi Festivalının açılışı olacaq.

“Mədəniyyətin təməlləri” adlı kitabın müzakirəsi keçirilib Xəbərlər - ADU

15 sentyabr 2021-ci il tarixində Azərbaycan Dillər Universiteti Tələbə Elmi Cəmiyyətinin, Regionşünaslıq kafedrasının və ADU Skandinaviya mərkəzinin birgə təşkilatçılığı ilə onlayn formatda 15 Sentyabr “Bilik günü”-nə həsr olunmuş Will Durantın “Mədəniyyətin təməlləri”adlı kitabının müzakirəsi keçirilib.

Tədbiri giriş sözü ilə Azərbaycan Dillər Universiteti Tələbə Elmi Cəmiyyətinin sədri, Regionşünaslıq kafedrasının müəllimi Elşən Məcidov açıq elan edərək, tədbir iştirakçılarını 15 sentyabr Bilik günü münasibəti ilə təbrik edib,onlara yeni tədris ilində uğurlar arzulayıb.
Regionşünaslıq kafedrasının dosenti Bəhmən Əliyev çıxışında kitaba konstruktiv tənqid yanaşmasını ortaya qoymuşdur.

ADU Skandinaviya mərkəzinin müdiri Vüsalə Əfəndiyeva çıxışında kitabda gender məsələlərinə diqqət yetirmişdir.ADU Tələbə Elmi Cəmiyyətinin sədri Elşən Məcidov kitabın siyasi tərəflərini ön plana çəkmişdir.
Daha sonra Regionşünaslıq kafedrasının müəllimi Yalçın İslamzadə kitab haqqında öz fikirlərini bildirib. Regionşünaslıq kafedrasının müəllimi Əminə Şıxəliyeva isə ailə və gender məsələləri barədə danışıb. ADU-nun Magistratura tələbəsi Nəzmin Maarifzadə kitab haqqında ümumi məlumatlar verib.

Sonda kitabın geniş müzakirəsi davam edib. Kitab müzakirəsi çoxsaylı sualların cavablandırılması ilə başa çatıb.

Bilik Gününüz Mübarək!

Bugün saat 19:00-da keçiriləcək Will Durant’ın “Mədəniyyətin təməlləri” adlı kitabının müzakirəsinə hamı dəvətlidir!

Aşağıdakı linkə keçid edib tədbirə qoşula bilərsiniz!

Link: Вы приглашены на собрание Teams.

Kitab Müzakirəsi Will Durant: Mədəniyyətin Təməlləri

https://teams.microsoft.com/l/meetup-join/19%3ameeting_OTQxZDg1Y2EtNDBhYS00ZWM5LThiMGEtNzhlNDMxZmNkYmVl%40thread.v2/0?context=%7b%22Tid%22%3a%226dfc7df9-ebdf-4187-af34-7673207a8163%22%2c%22Oid%22%3a%22d2d2982e-0c28-4516-8a05-b23d10e29f82%22%7d

Коснитесь ссылки или вставьте ее в браузер, чтобы присоединиться.

Hamı Dəvətlidir!