Western Caspian University / Student Life

Beynəlxalq Yaz Mühazirələri çərçivəsində növbəti qonağımız - SELVANUR ÇAPÇI

📌Selvanur Çapçı İstanbul Kültür Universitetinin Uşaq İnkişafı Departamentinin müəllimidir.
Selvanur Çapçı elmi və pedaqoji fəaliyyətlə yanaşı milli və beynəlxalq könüllülük layihələrinin koordinatoru kimi çalışıb. Onun uşaq ədəbiyyatı, uşaq kitabxanaçılığı, multikultural təhsil yanaşmaları, erkən uşaqlıq təhsilində keyfiyyət və qeyri-formal öyrənmə mövzularında tədqiqatları var. Selvanur Çapçı Ankara Universitetində doktorantura təhsilini davam etdirir və məktəbəqədər yaşlı uşaqların sosial-emosional inkişafını dəstəkləmək üçün tədqiqatlar aparır.

📌Mühazirə tarixləri və mövzuları:

🔹13 may, saat 15:50 – Təlim proqramının ümumi mövzuları
🔹14 may, saat 10:20 – Sosial emosional öyrənmə: əsas nəzəriyyələr və yanaşmalar
🔹14 may, saat 12:00 – Sosial emosional öyrənmədə CASEL modeli
🔹15 may, saat 14:00 – Sosial emosional öyrənmənin həyata keçirilməsi

📌Mühazirələr ictimaiyyət üçün açıqdır.

BEYNƏLXALQ AKADEMİK SİMPOZİUM:

📌 “Qafqaz, Xəzər dənizi və Səfəvilər dövlətinin qaynaqlarda təmsili (orta əsrlərdən erkən müasir dövrlərə qədər)”

Xəzər dənizi ətrafında yerləşən ölkələrin, xüsusən Azərbaycanın coğrafiyası, əhalisi, mədəniyyəti və siyasi hadisələri tarixən səlnaməçilərin və səyyahların diqqətini cəlb etmiş və onlar bu məsələlər haqqında öz əsərlərində məlumat vermişlər. Regionun tarixi keçmişini olduğu kimi qələmə almaq üçün bu məlumatlar misilsiz əhəmiyyət daşıyır.

🔹 Qərbi Kaspi Universitetinin təşkilatçılığı ilə 16 may 2024-cü il tarixində “Qafqaz, Xəzər dənizi və Səfəvilər dövlətinin qaynaqlarda təmsili (orta əsrlərdən erkən müasir dövrlərə qədər)” başlığı altında keçiriləcək beynəlxalq akademik simpozium məhz bu məqsədlə yerli və xarici tarixçi alimləri, eləcə də gənc tədqiqatçıları bir araya gətirir. Simpoziumun daha bir məqsədi isə professional və təcrübəli ekspertlərin gənc tədqiqatçıları regionun tarixi və mədəni keçmişinə interdisiplinar yanaşma tətbiq etməklə yeni metodlarla tanış etməkdir.

🔹 Beynəlxalq akademik simpoziumda AMEA və ölkəmizin bir sıra ali məktəblərinin tarixçi alimləri və gənc tədqiqatçıları ilə yanaşı dünyanın bir sıra ölkələrindən tanınmış tədqiqatçıları iştirak edəcək. Onlar Böyük Britaniyanın Oksford Universitetini, ABŞ-ın Tuleyn Universitetini, Tokio Xarici İşlər Universitetini, Cavaxişvili adına Tbilisi Dövlət Universitetini, habelə Ukrayna, İtaliya və Macarıstanın müxtəlif ali məktəblərini təmsil edirlər.

🔹 Yerli və xarici tədqiqatçılar simpoziumda orta əsrlər və erkən yeni dövr üzrə müxtəlif mövzularda məruzələri nəzərdə tutulur.

Növbəti qonağımız: İRİNA TSUKERMAN

Beynəlxalq yaz Mühazirələri çərçivəsində növbəti mühazirənin mövzusu "Beynəlxalq münasibətlərdə texnologiyanın rolu"dur.

Dr. İrina Tsukerman insan hüquqları və milli təhlükəsizlik üzrə hüquqşünas və Ərəb Yarımadası İnstitutunun, həmçinin Yerusəlim İctimai Əlaqələr Mərkəzinin əməkdaşıdır.

O, Amerika Vəkillər Kollegiyasının Enerji və Ətraf Mühit və Elm və Texnologiya bölmələrinin üzvüdür.

İ.Tsukerman Neft və Qaz Alt Komitəsində Proqram Sədrinin müavini, həmçinin Nyu York Şəhər Vəkillər Kollegiyasının Yaxın Şərq və Şimali Afrika İşləri və Xarici və Müqayisəli Hüquq Komitələrinin üzvüdür.
Bundan əlavə, İrina Tsukerman media və təhlükəsizlik üzrə strateji məsləhətçi olan “Scarab Rising”in prezidenti və “Scarab Rising”in xarici siyasət, geosiyasət, təhlükəsizlik və insan hüquqlarına yönəlmiş layihəsi olan “The Washington Outsider” jurnalının baş redaktorudur.
Tsukerman The Coalition Radio stansiyasında The Washington Outsider Report proqramında aparıcılıq edir və tez-tez müxtəlif ABŞ və beynəlxalq nəşrlərdə dünyadakı hadisələr haqqında yazır.

Qonaq həmçinin “The Maghreb and Orient Courier” jurnalının redaksiya heyətinin üzvüdür. Nyu-Yorkda yerləşən Xarici Siyasət Assosiasiyasının üzvüdür.

🔹Dos. Prof. Mihai Burlakunun kursu: Antropologiya və Elm

Qərbi Kaspi Universitetinin Beynəlxalq Yaz Mühazirələri davam edir. Növbəti qonağımız rumıniyalı professor Mihai Burlakudur.

Mihai Burlaku Braşov Transilvaniya Universitetinin Sosiologiya və Kommunikasiya fakültəsinin dosentidir. 2018-2021-ci illərdə Avropa Sosial Antropoloqlar Assosiasiyasının Tətbiqi Antropologiya Şəbəkəsinin Rumıniya üzrə səfiri olub. Onun tədqiqat istiqamətləri ksenotropizm və şəxsiyyətə, Mişel Fukonun “heterotopologiyasının” virtual aləmlərdə tətbiqinə və bütöv praqmatizmə yönəlib. Beynəlxalq Məlumat Bazasında (BDI) və Clarivate/Web of Science reytinqli jurnallarda araşdırmaları dərc edilib. Prof. Burlakunun tədqiqatları müəllifi olduğu üç kitabda öz əksini tapıb: Antropologiyanın elementləri və mədəniyyət fəlsəfəsi, Ksenotropizmin əsasları: Fəlsəfənin elementləri və şəxsiyyət və başqalığın antropologiyası, Ksenotropizm: başqaliğa yaxinliğin yenidən nəzərdən keçirilməsi.

📌Mühazirə saatları:
29 Aprel, saat 14:00 - Tətbiqi antropologiyanın kontekstuallaşdırılması
30 Aprel, saat 12:10 - Antropoloqlar nə edirlər: Antropologiyadan necə istifadə etmək olar?
1 May, saat 15:50 - Antropoloji təhsildə oyunlaşdirma
2 May, saat 12:10 - Antropologiya və sosiologiyada metodologiya

📌Kurs ictimaiyyət üçün açıqdır.

International Spring Lectures

📌Petra Gyurácz-Németh, Ph.D.

Petra Gyurácz-Németh is an Associate Professor at the University of Pannonia, Veszprém, Hungary. She holds a bachelor's degree in tourism and hospitality and a master's in economics (specializing in marketing management) from the University of Pannonia. She gained experience in hotel standardization and customization, which became her PhD research topic. In addition to her doctoral research, she started teaching and modernizing hotel-related subjects at the Department of Tourism, University of Pannonia. In addition to her research, she has been a Programme Leader for the MSc in Tourism Management, President of the Student Scientific Committee at the Faculty of Economics, led national projects, and established and managed the Quality Centre at the University of Pannonia for 4 years. She is head of the Institute of Business Studies at the Faculty of Business and Economics.

🔹22 April, at 13:50 - Quality Management Systems in Hospitality
🔹23 April, at 10:15 - Hotel situation in Hungary
🔹 at 12:00 - Career Challenges in Hospitality
🔹 25 April, at 10:05 - Measuring Service Quality in Hospitality

📌The lectures are open to the public.

Tələbələrimiz üçün İspaniyanın EASD Kastello Universitetində TƏQAÜDLƏ təhsil almaq imkanı

İspaniyanın EASD Kastello Universiteti (EASD Castello) Erasmus+ mübadilə proqramı çərçivəsində 2024-2025-ci tədris ilinin birinci (qış) semestri üçün tələbə qəbul elan edir.
🔹🔹🔹
İxtisaslar – İnteryer dizayn, Qrafik dizayn
Tələbə sayı - 2
Tədris dövrü – Sentyabr-Yanvar

📌Tələblər:
• ÜOMG 71 və 71 baldan yüksək olan
• İngilis dili biliyi B1 səviyyəsində olan
• Akademik borcu olmayan
• 2022-2023-cü və 2023-2024-cü tədris illərində qəbul olan bakalavrlar və 2023-2024-cü tədris ilində qəbul olan magistrantlar seçim prosesində iştirak edə bilərlər.

📌: Proqramda iştirak etmək istəyən tələbələr özləri haqqında məlumatı (Ad/Soyad/Ata adı, Fakültə, İxtisas, Qrup, Əlaqə nömrəsi) [email protected] mailinə göndərə və ya Əhməd Rəcəbli küçəsi, III Paralel, 17A, Otaq 111 ünvanına yaxınlaşa bilərlər.

Seçim yalnız müraciət edən tələbələr arasında aparılacaq.

📌Son müraciət tarixi – 19 aprel

📢 İki ilə iki MBA dərəcəsi qazanmaq üçün bu şansı qaçırmayın!

DİM tərəfindən magistratura səviyyəsinə ərizələrin qəbulu 08.04.24 tarixinədək aparılır.

Qərbi Kaspi Universitetinin MBA dərəcəsini seçdikdə iki diplom əldə
etmək imkanı qazanırsınız (Qərbi Kaspi Universiteti və UBİS/Vaşinqton, ABŞ).

Proqramın üstünlükləri:

✅Beynəlxalq akreditə olunmuş ABŞ MBA dərəcəsi
✅Yeni karyera imkanları və biznes sahəsində yeni əlaqələr
✅Beynəxalq sertifikasiyalı xarici təlimçilər
✅Axşam saatlarında interaktiv dərslər
✅Münasib təhsil haqqı
✅Təqaüd imkanı

Qlobal MBA Proqramının məzunları həm Azərbaycan, həm də
xaricdə müxtəlif tanınmış şirkətlərdə aparıcı vəsifələrdə çalışırlar.

MBA dərəcəsi alaraq karyeranızda hər zaman bir pillə öndə
olacaqsınız!

Əlaqə üçün:

[email protected]
+994 50 461 86 74

🔹Beynəlxalq Yaz Mühazirələri çərçivəsində irlandiyalı professorun mühazirələri başlayır! 🔹

Qərbi Kaspi Universitetinin ənənəvi Beynəlxalq Yaz Mühazirələri davam edir. Növbəti qonaq professsor Qabaqcıl Ünsiyyət və Təqdimat Bacarıqları üzrə baş müəllim, ünsiyyət, təqdimat bacarıqları və ictimai nitqin bütün aspektlərində biznes peşəkarları və korporativ liderlər üçün mentor Mayk Maunseldir.
Onun moderatorluğu ilə növbəti həftə ərzində Qərbi Kaspi Universitetində "Biznes kommunikasiya bacarıqları" kursu təşkil olunacaq.

📌 Mühazirələr ictimaiyyət üçün açıqdır.

🔹Qeyd edək ki, M.Maunsel Ümumdünya Nitq Gününün İrlandiya səfiridir, təhsil, elm və biznes kommunikasiyası mövzuları üzrə beynəlxalq konfranslarda məruzəçi kimi çıxışlar edir.
M.Maunsel eyni zamanda Böyük Britaniyanın Kral Coğrafiya Cəmiyyətinin üzvü, Beynəlxalq Dağçılıq və Alpinizm Federassiyasının Dağların mühafizəsi Komissiyasının vitse-prezidenti və Qərbi Kaspi Universitetinin fəxri professorudur.

Bu il ölkəmizdə "Yaşıl dünya naminə həmrəylik" ilidir.
Eyni zamanda BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına - COP29-a ölkəmiz evsahibliyi edəcək.

📌 Universitetimizin Ekologiya və Biologiya ixtisası tələbələri Xəzər problemləri Elmi Tədqiqat İnstitutunun Elmi Tədqiqat və Ekoturizm bazasında ekoloji tarazlığın qorunması, fauna və floradakı dəyişikliklərlə bağlı tədqiqatlar aparırlar.

https://www.youtube.com/watch?v=ki4-XsnvNIU