Home Luster

معطر سيكرت من لاستر 💖💖

ده يخلي بيتك في حته تانية

حليبي و مركز و ريحة تحفه ومعاك في

ركن في البيت وفي الملابس في الغسالة

وفي الدولاب وبخاخة المكوي

في مية مسح الارضيات ريحة فنادق

في الستائر والسجاجيد والمفارش

البيت النظيف يتعرف من ريحته

البيت النظيف يتعرف من لاستر

# خليك في المضمون
#لاستر شركة مصرية بمواصفات عالميه

للطلب التواصل علي الخاص

تعالي يا ست الكل شوفي الشاور چل عندنا من لاستر ☘️☘️

عدي معايا :

1- ريحته تحفه

2- مركزززز جداً

3- قاعد معاك كتييييير

4- رغوه كبييييييييرة

5- روائح مختلفة ومتنوعة

6-سعره علي قد الايد

# لاستر تعني المصداقية
# خليك في المضمون
للطلب التواصل ع الخاص

عاوزة حاجة من الأخر للنمل والصراصير قبل ما يعملوا بيات شتوي عندك في البيت

☘️✨ مبيد لاستر للحشرات الزاحفة
من الاخر بينهي علي كل الحشرات
المنزلية الزاحفة

وأمن جداً علي الاطفال وحيوانات
المنزل وبدون اي رائحة

مسحوق لاستر المركزززززز لوحده✨🌸

من غير معطر ولا منعم ولا معقم ولا مزيل بقع🧡🧡

بيعملك كل ده 💖💖

نظافة وتعقيم وملمس ناعم وريحة حلوة

#خليك في المضمون
#خليك مع لاستر

فرق كبير فى المصداقية
بيتك هيرجع جديد من تاني
#خليك في المضمون
#خليك مع لاستر

النمل والصراصير عمره ما هيكون ازمة من النهاردة لان مبيد لاستر للنمل والصراصير بقي أقوى بكتييييييييييير
وهتشوفي الفرق

_ بكام الكاچو لو سمحت ؟

= 520 جنيه الكيلو

_ طب اوزنلي نص كيلو

= الله، دا انت هتشتري بجد

_ يعني هكون بسأل على سعره ليه، فضول ؟

= طب بقولك إيه، ما اعملك تشكيلة حلوة كدا

_ تشكيلة إيه ؟

= لب اسمر على سوداني مملح، على حمص، وكلها مش هتعدي ال40 جنيه

_ بقولك ايه من غير حوارات، لو معندكش كاچو قول وانا اشوف مقلى تانية

= الفكرة مش في كدا، الفكرة ان انت عمرك في حياتك ما دوقت الكاچو

_ مين اللي قالك كدا، دا انا متربي عليه، بابي كان بيحبه أوي وبيجيبه كتير في البيت

= لا والله ؟ متربي عليه وجاي تسأل على سعره ؟

_ عادي، جايز غلي وللا حاجة .. بتحصل

= بلاش دي، انت بتقول اني معنديش كاچو أصلا وبحور صح ؟

_ بيتهيألي كدا

= الكاچو تحت إيدك أساسا، انت ساند عليه

_ إيه دا بجد ؟ مخدتش بالي خالص

= متتوترش كدا عادي، خد منديل نشف عرقك

_ لا هو الجو حر أوي بس النهارده

= عشان كدا لابس چاكيت وبلوڤر وكوفيه بس ؟

_ لا دا ...

= هششش، متبررش انا فاهم كل حاجة، احنا شباب زي بعض

_ فاهم إيه بقى ؟

= علبة السجاير السوبر اللي طالة من جيبك دي

_ مالها

= مكرمشة وطالع تلاتينها، واضح ان فاضل فيها سيجارتين بس

_ دا صحيح

= والعلبة الميريت اللي في إيدك، لسه بالسولوفانة بتاعتها، إنت لسه شاريها وانت جاي ؟

_ آه برضو، انت بتحقق معايه؟ فاضل شوية وتقولي كنت فين امبارح الساعة 11 وربع

= لا تحقيق ولا حاجة، الحكاية كلها ان النهارده 27، وانت غالبا لسه قابض المرتب

_ جبت التايهة انت كدا

= اللي هو غالبا مش أكتر من 3000 جنيه

_ لا كدا جبت التايهة بجد، عرفت ازاي اني بقبض 3000 جنيه ؟

= تصرفاتك كلها جاية من كتالوج الطبقة المتوسطة

_ تصرفات إيه ؟

= بتشرب سجاير البروليتاريا الكادحة بس بتتطلع لسجاير البرجوازيين

_ الحكاية كلها اني بدلع نفسي يوم في الشهر مش أكتر

= لا الموضوع أعمق من كدا

_ اشرحلي

= احنا معندناش فقرا في مصر تخيل ؟

_ يا راجل ؟

= آه والله، احنا عندنا ناس عقولها مليانة نشارة خشب، اصل الفقر دا اختيار، كل أثرياء العالم آمنوا من أعماقهم بالجملة دي

_ يعني انا اخترت أبقى فقير ؟

= مش بشكل مباشر، بس عملت دا لما ما حاولتش تكون غني قد ما حاولت تقلد الأغنيا

_ مش فاهم

= بعبارة أسهل، كل انسان في الدنيا ربنا صارفله شوية طاقة صح ؟

_ صح

= فيه واحد بيخلص الطاقة دي في انه يقعد يولول ويصيح ويندب حظه

_ حصل

= وفيه واحد بيخلص الطاقة دي في إنه يحاكي الحياة اللي مش قادر يعيشها

_ دا كمان حصل

= فيه واحد تالت بقى، بيخلص الطاقة دي في مكانها الصح

_ اللي هو ؟

= بيشتغل علشان يحقق الحياة اللي عايز يعيشها

_ طب ما انا بشتغل بس مبحققش

= النظام العالمي الجديد قسم الناس لنوعين، تيران بتلف في سواقي، وأصحاب أراضي بيشغلوا التيران دي

_ انا أنهي واحد فيهم ؟

= نفض دقنك بس من التبن اللي عليها وبعدين اسأل

_ أوكيه فهمت

= انت بتشتغل اه، بتتعب اه، بس في النهاية هما اللي بيغتنوا مش انت، إنت كبيرك يرمولك شوية برسيم يوم 27 في الشهر

_ عندك حق انا لسه صارف البرسيم بتاع الشهر ده من دقيقتين

= وجاي تخلصه دلوقتي في دقيقتين

_ ازاي

= طالع من قاع المجتمع للسطح تشم نفسك لمدة دقيقة وتنزل تاني صح ؟

_ صح

= الناس اللي فوق هما اللي سمحولك تشم نفسك في الدقيقة دي، عشان يضيعوا قصادها بقية عمرك

_ بمعنى ؟

= انت ليه جاي تشتري كاچو النهارده انت اصلا عمرك دوقته بذمة أمك ؟

_ الصراحة لأ، بس سمعت يعني انه بتاع ولاد الناس

= هو دا، انت عايز تقلد الناس الأعلى منك اجتماعيا، ودا بيبسطهم جدا

_ ليه يبسطهم

= علشان دا هيخليك تفضل طول عمرك عبد في مؤسساتهم

_ اممممممم

= انت محاصر طول الوقت بوسائل إعلامية مبترحمش

_ فعلا، انا صوت عمرو أديب خرم ودني

= مش عمرو أديب بس، تتفرج على فيلم تلاقيه متصور في كامباوند، وكل أبطاله من A كلاس، وعربيات ومدارس انترناشيونال، وبيتكلموا انجليزي وبيلبسوا براندات

_ ايوه انا بحس اني مش عايش

= تسيب الفيلم وتغير القناة تلاقي اعلان عن وحدة سكنية ب 5 مليون، وولية مستفزة بتقول ما تدوهالهم ببلاش احسن

_ وانا عمري ما مسكت 19 ألف جنيه على بعض

= تقفل التليفزيون وتفتح الفيس، تلاقي ناس بتعمل آوتينج في أماكن انت متعرفش تتصور جنبها، الحياة كلها بتحاصرك

_ بتحاصرني بس ؟ دي زنقتني في الحيطة

= مع الوقت بتحس انك إنسان درجة تالتة، العالم قصر كبير، وانت بالذات عايش في أوضة الكلب

_ يا باشا أنا الكلب

= هنا علم النفس يقولك ايه ؟ المحاكاة، النموذج اللي مش هتعرف تحققه قلده

_ بعمل كدا فعلا

= تقبض مرتب الشهر دا تروح تصرفه في خروجه، تقبض مرتب الشهر الجاي تصرفه في طقم من براند معروف، تقبض مرتب الشهر اللي بعده واللي بعده واللي بعده ...

_ أشتري بيهم آيفون

= وبكدا هتفضل طول حياتك مستهلك، بتشتري البضاعة بتاعتهم عشان تحس انك شبههم، لكن انت في الحقيقة شغال عندهم

_ عمري ما حسبتها كدا

= عمرك ما حسبتها اصلا، ولا أي حد حسبها، هو ليه واحد مرتبه 3000 جنيه يصرف مليون جنيه عشان يتجوز مثلا

_ ليه ؟

= نفس اللي بيخلي أسرة معدمة تجيب في جهاز بنتها 3 غسالات و3 شاشات، وكراتين هتفضل مقفولة ليوم الدين اصلا، محدش هيستعمل اللي فيها

_ انا كراتين امي لسه مقفولة

= وكراتين امي انا كمان، وفي الآخر يقولك غارمات ويدخلوا السجن طب ليه، عشان بنقلد اسلوب حياة مش حياتنا، ما اتخلقتش لينا

_ كلامك مظبوط

= عارف ايه الفرق بين الغني والفقير ؟

_ ايه ؟

= الغني اول ما بتجيله فلوس بيفكر هيحوش منهم كام، لكن الفقير اول ما بتجيله فلوس بيفكر هيصرفها في ايه

_ بس برضو الحياة فيها احتياجات كتير

= أكيد مش الكاچو والسجاير الميريت

_ انت صح

= انت جواك مارد جبار، بس انت حابسه في برطمان صلصة

_ وانت فتحتلي البرطمان، هات بخمسة جنيه لب سوبر

= وفر الخمسة جنيه دي مستقبلك أولى بيها، ياما امبراطوريات إقتصادية قامت على خمسة جنيه

_ عندك حق

= وجدعنة مني ومساهمة في مشروع نجاحك، تُمن اللب دا واجب من طرفي، ومش هاخد منك فلوسه

_ الله يكرمك، سلامو عليكو

= مع السلامة، ألو أيوه يا حاج، بيعت بكام النهارده ؟ ولا جنيه، يا ابا انا قولتلك من زمان مش عايز اشتغل في المقلى وعايز ابقى لايف كوتش وانت مصمم تعيشني في جلبابك، انت حر لما اهربدلك جلبابك متبقاش تزعل، سلام ..


#الاصطباحة
#الكاچو