Medical and therapeutic nutritional information

عندك دهون في البطن تعباك وماشي بكرش والناس مش سايباك.. 😍😍
والقولون هايج عليك مخليك حيران ... لاعارف تاكل ولاتشرب ولاحتى تنام وانتفاخات دايما وغازات.. وبتعاني من إمساك ولانافع معاك ملينات.. وساعة تقلب إسهال.. أقوى من النشا ومن القهوة والحمص كمان 😍..

احنا قلنا جهازنا الهضمي عامل زي جهاز الإرسال لغته مش كلام.. لغته دايما أعراض على هيئة إشارات تشبه الشفرات.... وبتظهر لما بيحصل خلل جواه.. كأنه جهاز إنذار.. بيناديك وبيستنجد بيك

وبحل الشفرة بيتغير الحال..الشفرة دي ساعات.. تكون على هيئة إمساك أو إسهال.. أو الأم قولون.. أو التهابات....

نتيجة حالة عدم الإتزان بين البكتريا النافعه والبكتريا الضارة اللي عايشين جواه.. وبيكون في الحالة دي البكتريا الضارة مفعولها أقوى.. وهي الكسبانه وعمله مهرجانات..

والحل في الحالة دي سهل وبسيط

اني ازود نشاط البكتريا النافعه وأقدم لها الطعام اللي بتحبه وبتتكاثر بيه.. أو اني امدها وازود عددها ببكتريا زيها موجوده في الطعام ( زبادي) أو مدعم بيها طعام لبن رايب) .

وبكدا يرجع الإتزان.. لكن طبعا مش بين يوم وليلة دا محتاج فترة زمنية أقلها ١٥ يوم

بص معايا كدا حضرتك على علبة اللبن الرايب دي.
هتلاقي مكتوب عليها معززة بثلاث خمائر حيوية.. وبلغه أخرى
3active probiotic

أهي الخماير اللي معزز بيها اللبن الرايب ده زي تمام الخمائر الحيوية النافعه اللي موجودة في جهازك الهضمي...
يعني لما اتناول لبن رايب يوميا ده معنا اني بزود.. البكتريا النافعه داخل الجسم..

البكتريا اللي موجوده داخل الأمعاء.. واللي انا دخلتها عن طريق اللبن الرايب المعزز بالخمائر ..كائن حي محتاج غذاء. علشان ينشط ويتكاثر ويقوم بالوظايف الحيوية بتاعته..

وأهم غذاء للبكتريا دي. الألياف النباتية الموجوده في الخضروات والفاكهة والبقوليات والحبوب الكاملة .. زي مثلا الشوفان
وبيسموها علماء التغذية prebiotic

والألياف دي الجسم مش بيقدر يهضمها فتصل إلى القولون فتصبح طعاما للبكتريا المعوية اللي بتمتلك انزيمات ملائمة تمكنها من تكسرها.. وعن طريق ذلك تنمو هذه البكتريا ويزيد نشاطها.

والأهم من كدا انها بتحول هذه الألياف إلى سلسلة من الأحماض الدهنية القصيرة التي تغذي خلايا القولون مما يقلل من التهاب الأمعاء ويحسن متلازمة اظطرابات الجهاز الهضمي أو مايسمى بالقولون العصبي

غير أن اللبن الرايب أو الزبادي بيتم إنتاجهم بعملية تخمر
بتحول سكر اللاكتوز الموجود في اللبن العادي واللي بيسبب حساسية لناس كثير وممكن يسبب إسهال إلى حامض اللاكتيك اللي بيسرع وبيحسن عملية الهضم

يعني لما نتناول .. سلطة الزبادي بالخيار... أو طبق زبادي بالموز.. أو علبة لبن رايب مع فاكهة أو خضار انت كدا زودت عدد البكتريا النافعه.. ودخلت الاكل اللازم ليهم كمان..

طيب ياترى اللبن الرايب بس والزبادي هما المصدر الوحيد للخمائر المشابهة للخمائر في الأمعاء.. لا طبعا

عملية التخليل بينتج عنها نفس للخمائر يعني الخيار المخلل والكرنب المخلل.. كمان صوصات الصويا.. والجبن المتعفنه بس طبعا التناول منهم بيتوقف على الحالة الصحية للشخص

طيب احيانا ناس بتاكل خضار يظهر معاه انتفاخات أو بعض الغازات.. فيخاف يقرب منه ويقول دايما بيسبب غازات
زي ماقلنا أن الخضار في حد ذاته مش بينتج غازات لكن نشاط البكتريا الضارة بيكون أقوى من النافعه فبتسبب تخمر الألياف دي داخل الأمعاء.. وتنتج الغازات

يبقى حضرتك لما تشعر بالغازات
أو الانتفاخات.. دي رسالة من جسمك بيقولك فيها انا محتاج غذاء ينشط البكتريا النافعة ويزودها كمان.. زي ماتقول كدا رسالة..( استنجاد)

خلاصة القول لمشاكل القولون
آكل زبادي أو لبن رايب كل يوم مع خضار أو فاكهة لمدة ١٥ يوم.. بإذن الله هتقل مشاكل القولون

طيب أيه قصة الدهون

حضرتك اكيد عارف ان الزبادي واللبن الرايب مصدر غني جدا بالكالسيوم.. وكمان مصدر ممتاز للبروتين

وكلنا عارفين ان الوجبة الغنية بالبروتين بتعطي شعور بالشبع... وبتساعد على تكوين الكتلة العضلية في الجسم
وكل مابتزيد الكتلة العضلية كل مابيزيد معدل الحرق في الجسم..

غير أن الكالسيوم أهم الأملاح المعدنية المسئولة عن تنشيط إنزيم ليبيز البنكرياس اللي بيساهم في هضم الدهون

وخليك دايما فاكر أن المرء نتاج مايأكله أو على نحو أكثر دقة فأنت نتاج إطعام ملايين المليارات من الكائنات الحية الدقيقة التي تعيش في أمعائك

كل سنة وانتم طيبين ويارب تكون بداية سنة دراسية جديدة وجميلة عليكم 🥰

🚩ايه الأكلات اللي ممكن اديها لولادي عشان احسن تركيزهم و اداؤهم في المدرسة ؟

📌البيض و ده لانه غني بالبروتينات و بالذات حاجة إسمها كولين و دي مادة بتدخل في تصنيع الموصلات العصبية

📌الزبادي وده لأنه غني بمادة التيروزين المهمة جدا للمخ

📌الفول غني بالألياف والبروتينات المحفزة لوظائف المخ وقدرته الابداعية

📌الخيار والخس عشان فيهم الياف ومضادات اكسدة بتحمي المخ وتحسن نشاطه ويا سلام لو اتعملو سلطة وتحط عليهم نقطتين زيت بيحسن امتصاص الفيتامينات

📌الأسماك وخصوصا التونه والسلمون والسردين ..
دول فيهم عنصر مشترك وهو في منتهى الأهمية لرفع مستوى الذكاء والتركيز عند الأطفال وهو الاوميجا ٣

بصى حضرتك وركزى معايا في الكلمتين الجايين دول

لو شايفة إبنك مش ماشى كويس فى المدرسة ومغلبك ومش مركز وبينسى ومش عارفة تعملى أيه ؟
عليكى بالاوميجا 3

↩ لأنه بيزود التركيز والذاكرة .. بيزود التحصيل الدراسى .. بيقوى كفاءة جهاز المناعة

↩ وكمان بيقلل فرط الحركة وتشتت الأنتباه .. بيقلل العدوانية .. بيقلل أحتمالية الأصابة بالحساسية الصدرية .. أحتمالية الأصابة بمرض السكر .. بيقلل احتمالية السمنة .. بيقلل أحتمالية الأصابة بالتوحد

الأوميجا 3 ضرورية " لتطور وظائف الدماغ" وعلشان كده من أول جيل الروضة أو المدرسة أو حتى الجامعة الأوميجا بتخلى تحصيله الدراسي أعلى بكتير جدا وقدرته على التعلم والتركيز بتتحسن جدا وبتقلل فرص الإصابة بأمراض مختلفة

والأوميجا 3 موجودة في أكلات تانية غير السمك زى زيت بذرة الكتان و البيض واللحوم والألبان والجوز والمكسرات والسبانخ ..

📌البرتقال و الليمون وعصير التوت و الفواكه عموما : عشان فيهم فيتامين سي اللي يعتبر مضاد قوي للأكسدة و بيحافظ على سلامة الأوعية الدموية للمخ

➿يعني تفطري ابنك الصبح ساندويتش فول بالبيض و معاه كوباية زبادي بالخيار .. تغديه سمك والبرتقال يبقي قبل الاكل عشان يشبع او بعد الرياضة .. هيركز متقلقيش

هالو هالو❣️
هتكلم انهاردة عن👇
❌انيميا نقص الحديد❌
بتشتكي من هبوط،،
ارهاق شديد،،
ضعف عام،،
جلد شاحب،،
تساقط شعر،،
تقصف الاظافر،،
ضيق تنفس،،
سرعة ضربات القلب(خفقان)،،
😥 يبقي حضرتك احتمال كبييير يكون عندك انيميا نقص الحديد😰 اللي هي عبارة عن نقص في كرات الدم الحمراء وصغر حجمها.

طيب اعرف ازاي يا دكتورة🤔؟؟
👩‍⚕️👩‍⚕️لازم تحليل صورة دم كاملة ونسبة مخزون الحديد📝

يلا نفهم الانيميا 🧐

📍كرات الدم الحمراء دي ببساطة عبارة عن العربيات
🚑🚑 اللي بتنقل الاوكسجين للخلايا،، ولما تقل هذه العربيات الخلايا متقدرش تقوم بشغلها مظبوط.
طيب ايه اللي بيقللها؟ 🤔
1. سوء تغذية..
2.سوء امتصاص من القولون(التهاب القولون التقرحي).
3.زيادة الاحتياج (الحمل والرضاعة).
4.زيادة الفقد (نزيف لاي سبب).

⁉️ طيب ايه الاغذية عالية المحتوي من الحديد؟؟ 🤔
أولا الحديد من مصدر حيواني🍗🍖🥩 (الأهم💪، الأعلي في نسبة الحديد💪، الاسرع في الامتصاص💪) بالترتيب كدة:
لحوم الاعضاء(كبدة، طحال، فشة، كلاوي).... كبدة دجاج،، كبدة جاموسي،، كبدة بقري،، لحوم،، طيور،، محار البحر،، بيض...

ثانيا الحديد من مصدر نباتي🥗🍲🥜🌽(الابطء والاصعب في الامتصاص،،، يتأثر امتصاصة ببعض العوامل الاخري)
فواكه مجففة(مشمشية،، تين،،، قراصيا،، زبيب،، تمر)
بقوليات(فاصوليا بيضاء او حمراء،، عدس،، فول،، حمص،، ترمس،، الذرة.... )
خضروات ورقية (ملوخية ناشفة، سبانخ فريش، جرجير، بقدونس،...)
مكسرات(الفستق،، لوز، كاجو،..)
شيكولاتة دارك (يفضل نسبة الكاكاو الخام يكون من ٧٠٪الي ٨٥٪).
سمسم، البسلة الناشفة.

⬆️⬆️طيب ايه اللي بيزود امتصاص الحديد؟؟؟🤔
الاطعمة المحتوية علي فيتامين سي 🥭🍓🥝🥭🥦🍅🍊

⬇️⬇️طيب ايه اللي بيقلل امتصاص الحديد؟
☕ مادة البوليفينول (polyphenols & tannic acid) الموجودة في الشاي والقهوة.
◀️مادة ( phytates) الموجودة في النشويات كاملة الحبة زي الشوفان والخبز الاسمر.
🥛🍶🧀اللبن و منتجات الالبان لاحتوائهم علي الكالسيوم بنسبة عالية.
💊كبسولات الكالسيوم، لازم يكون فيه ٤ ساعات بين كبسولات الكالسيوم والاطعمة الغنية بالحديد.

🔎🔎لو هنشربهم يبقي ك سناك بين الوجبات، او بعد الاكل بساعة ⌚

طيب ايه هي الاحتياجات اليومية من الحديد في المراحل العمرية المختلفة؟؟
الاطفال: **👶👶من سنة ل ٣ سنين (٧ مجم)
**🧒🧒من ٤ - ٨ سنين (١٠ مجم)
**👱‍♂️👱‍♀️من ٩-١٣ سنة (٨ مجم)
👨‍🦱👨‍🦱المراهقين الذكور من ١٤-١٩ سنة (١١ مجم)
👩‍🦱👩‍🦱المراهقات الاناث من ١٤-١٨ سنة (١٥ مجم)
👩‍🦰👸👩‍🦰السيدات من ١٩ الي ٥٠ عام (١٨ مجم حديد يوميا)
🤰🤰السيدة الحامل (٢٧ مجم حديد يوميا).
✊✊ الأدوية
FERROTRoN.
feroglobin.
Sansovit

# الفيتامينات_كما_يجب_ان_تكون👌👌
# نفهم_تغذية_صح
# في انتظار استفساراتكم الصحية والعلاجية

Life style modification⭐️

تعديل نمط الحياه وتغير طريقه اكلنا 🍒🍓🍇

شويه نصائح كده لو عملناها نقدر نحافظ ع الوزن طول الوقت وممكن نخس كمان بس ع المدي الطويل 😍

👈 اهم نقطه نحاول ننظم وجباتنا ع مدار اليوم يكون ليها وقت ثابت ومحدد ع قد م نقدر او نحط ليها average زي مثلا الفطار من ٨ل ١٠ وهكذا ده بساعد ان يفضل الحرق شغال ومظبوط ف جسمنا🌺

👈نمنع خالص الدقيق الابيض زي العيش الفينو وغيره نستبدله ف عيش بلدي اصح حاجه او السن او عيش الشوفان🌺

👈 نحاول منخليش كل يوم ف الغدا مكرونه ورز لو حتي يوم ف الاسبوع نخلي الغدا بروتين وسلطه 🌺

👈 نستبدل الاكل المقلي ب المشوي او ف الفرن زي الفراخ البانيه بدلها فراخ جريل او شاورما ب معلقه زيت🌺

👈 نقلل السكريات المصنعه زي الحلويات الجاهزه والافضل اننا نمنعها لان بيكون مضاف ليها سكر صناعي وزيوت مهدرجه ونحاول نخلي اعتمدنا ع السكريات من الفاكهه والتمر والحلويات ال معموله ف البيت بنسبه سكر قليله ولا مانع لو مره كل فين وفين اخدناها من نفسنا🥰🌺

👈 السلطه السلطه السلطه 😅 مينفعش يوم يعدي كده من غيرها طبق كده حلو وكبير ع الغدا جنبك🌺

👈نحاول نصغر الاطباق ال بناكل فيها وي سلام لو ف طبق واحد اخدنا الوجبه بتاعتنا 🥳 نص الطبق خضار او سلطه وربع بروتين وربع نشويات 🌺

👈ناكل براحه ونبتدي ديما بالخضار او السلطه وعلي اد م نقدر عارفه انه صعب شويه بس بلاش الاكل قدام التلفزيون لما بناكل قدامه انا كده لعبت ف مركز الشبع ف المخ لأنه مش شغال ف الوقت ده عملتله إخماد من الحاجات ال مشغول بيها زي فيلم كرتون أو غيره وده بيخليه ياكل اكتر و بيعمل زيادة في الوزن قدام 🌺

👈الفاكهه وجمال الفاكهه😅 نحاول ناخد من ثمرتين ل ٣ ع مدار اليوم 🌺

👈 نستبدل منتجات الالبان كامله الدسم ب نص دسم او خالي 🌺

👈 وطبعا اهم نقطه شرب الميه ع مدار اليوم 💦💦
Female:- 8/10
Male:-10/13
كوبايه ميه ف اليوم
وف ايام الحر ب نزود عليهم من كوب ل 3🌺

👈 لازم لازم يكون ليك جزء من يومك لمده نص ساعه في رياضه او نشاط بدني سواء مشي بره البيت او تمارين ف البيت 🌺

👈 انسي الميزان خليه ديما مره ف الشهر تتابع وزنك ومقاساتك تقسها مره ف الشهر🌺

👈 وطبعا من وقت ل التاني ندلع نفسنا ب اكله بنحبها خليك ديما ماشي ب مبدأ ٨٠/٢٠
٨٠٪؜ اكل صحي وحياه صحيه
٢٠٪؜ لخبطه وفرفشه😅

حابه اقتحم عليكم اليوم بنصيحه صغننه كده 🤩
مشروبات التخسيس : بعض الناس معتقدة انها هتخس بمشروبات التخسيس فقط و انها بتجيب نتائج ملهاش حل بتالي بتضرب الاكل اللي هو و بعده شاي اخضر من غير سكر مثلا 🙆
👈طيب هل دي معلومة صح و لا هي خرافه فعلا ؟
👈و الاعتماد علي المشروبات ممكن ينزل كام كيلو كده ؟
👈 و هل ليها اثار جانبية ؟
في دراسات و اقاويل كتير جداا في الجزء بعضها بينفي ان مشروبات التخسيس ليها اي دور في نزل الوزن و بعضها بيأكد ان ليها دور اكيد
و في جزء تالت كده قاعد لوحده بيقول ان ليها دور بس مش كبير ، و في بعض المشروبات بتكون فعاله جدا في حرق الدهون و ده الراي المقنع و اللي ممكن ناخد بيه
🔳 طيب راي انا الشخصي :
المشروبات طبعا ليها دور بس منقدرش نعتمد عليها اعتماد كلي و ده لان دور المشروبات انها بتساعد او تحفز عملية الحرق و بالتالي الدهون اللي بتتحرق دي بتكون محتاجه تخرج بره الجسم
طيب هتخرج ازاي بره الجسم عن طريق البول او البراز او العرق و الغدد الليمفاوية و ده هيحصل بشرب المية الكتير و لعب الرياضه و تنظيم الاكل بطريقه صحية مش حرمان او دايت قاسي يأثر عليكي بالسلب ، ف طبعا لازم نمشي علي نظام غذائي صحي مع الرياضه و بمساعدة المشروبات دي علشان كده جمعت اكتر المشروبات اللي بتحفز حرق الدهون 🔥
1- مشروب الماء الساخن بالليمون 🍋
ينصح به الكثير من خبراء التغذية للحصول على بطن مسطح وخصر رشيق وقوام مثالي. يحتوي هذا المشروب السحري على نسبة عالية من المواد المضادة للأكسدة التي تساعد على تجديد الخلايا كما أنه غني بالفيتامينات مثل فيتامين سي الذي يساعد على تنقية الدم من السموم والجراثيم الضارة. ليس هذا فقط، بل أن مشروب الماء الساخن بالليمون يفيد كثيرًا في تنشيط الدورة الدموية داخل الجسم ويحافظ على سلامة القلب والشرايين ويساعد على تنظيف الكلى والكبد ويحد من تراكم الدهون عليهما. عليكِ بتناول كوب الماء الساخن بالليمون على الريق يوميا لمدة شهرين.
2- مشروب الزنجبيل بالعسل 🍯
الزنجبيل الطازج أو البودر يعد أحد الأعشاب المستخدمة فى التخسيس . الزنجبيل ينقى الجسم من السموم والمياة الزائدة كما أنه يسهل عملية الهضم ويساعد على سرعة التخلص من فضلات الطعام اى انه ملين لذا فهو مفيد انه لا يعطى فرصة للدهون لكى تتراكم داخل الجسم كمان انه يقلل من فرص حدوث الإمساك
من المعروف فوائد الزنجبيل الرائعة في حرق الدهون وقدرته الفائقة على تنقية الدم والجسم من الجراثيم والسموم التي تؤثر على عمليات الأيض وتعيق من معدلات الحرق داخل الجسم. يفيد الزنجبيل في الحفاظ على عضلات القلب وتقوية الجهاز المناعي وعلاج الأنيميا الحادة ويزيد الجسم من امتصاص الكالسيوم. قومي بغلي ملعقة من الزنجبيل في كوب من الماء الساخن وأضيفي لها ملعقة صغيرة من العسل واشربيه مرة يوميًا قبل وجبة الإفطار لمدة شهرين
3- مشروب الكمون بالقرفه ☕
يحتوي كلًا منهما على كمية كبيرة جدًا من المركبات والمواد الكيميائية التي تساهم في تحفيز و التخلص من السعرات الحرارية الزائدة بالجسم. كما ان القرفه من أفضل الأعشاب التى تستخدم من أجل إنقاص الوزن لانها تعمل على تحفيز حرق الدهون داخل جسم الإنسان وتعمل على حرق السكر داخل الدم وتحفيز هرمون الأنسولين كما أن للقرفه فائدة كبيرة حيث أنها تساعدك على الشعور بالشبع طوال اليوم ، هذا المشروب رائع في تنحيف منطقة البطن والخصر لأنه يساعد في التخلص من البطن والترهلات الموجودة في هذه المنطقة. فكل ما عليك هو تحضير كوب من الماء الساخن وأضيفي له ملعقة صغيرة من الكمون وملعقة صغيرة من القرفة مع قطرات العسل واشربيه ثلاث مرات يوميًا قبل تناول الوجبات الغذائية واستمري على ذلك لمدة أسبوعين.
4- مشروب الشاي الاخضر 🍵
يحتوي الشاي الأخضر على نسبة عالية من الفيتامينات والمعادن الرئيسية التي تساهم في إنقاص الوزن بسرعة. يوجد فوائد عديدة لمشروب الشاي الأخضر على صحة الجسم من أبرزها تخفيض نسبة الكوليسترول الضار بالدم وتنظيم مستويات السكر والضغط وبالتالي يحد من التعرض للإصابة بأمراض القلب والأوعية الدموية الخطيرة. الشاي الأخضر أيضًا يحد من مخاطر الإصابة بسرطان الثدي لأنه يحتوي على مواد مضادة للأكسدة تحارب نمو الخلايا السرطانية التي تنشأ في الثدي. ضعي كيس الشاي الأخضر في كوب الماء الدافئ واشربيه مرتان يوميًا لمدة شهر.
طيب هل المشروبات دي ليها اثار جانية ؟ 🥺🤦
بعض المشروبات دي بيكون ليها تأثير قوي للناس اللي عندها التهابات في المعدة او قرحة ف بالتالي بنقول للحالات دي البدائل و الاخف بالنسبة لحالتها