Najim_fit

مع عشرة الناس تتعلم انه لامكان لبشر كامل وهذه سنة الحياة فالكمال هو اكمل النقص ، الا سيء الظن سليط الروح ! يتلون حتى على نفسه ، قبح الله وجهه فهو يريد الشفاء حتى من صحبة نفسه ، حماكم الله واعطاكم على تعبكم واجتهادكم 🙌

هنا كانت من اجمل الاطلالات في اليابان ، اعتقد هذي اكبر اطلالة واوضح اطلالة شفتها لمدينة من الاعلى في حياتي💚 في Tokyo city ، تمنيت الكاميرا توصلكم جمال هالمكان

وبالصورة الثانية كل الناس كانت تصور ، لان هاللحظات تخطف القلب ، ولو بعبر بشكل اكبر بقولكم انك ماتحتاج تصور لأن هاللقات عمر الذاكرة ماتنساها

والثالثة هنا اكلنا اجمل والذ فطور وبان كيك بالحياة ، يمكن لان طبيعة الاكل باليابان شوي صعبة شفناه لذيذ بزيادة او لانه فعلا لذيذ! 🤣 المهم كان حلو واسم المطعم كان ايق اند ثينق 🥚

هنا لعبنا لعبة ومريم فازت بمونكي 🤣 المشكلة مو هنا المونككككي كبييييير شسوي فيه ☹️ ارميه؟ لا ابشركم شنقلته معي وانا الرجل المغوار ولا ارمي هدية الغالية 😭🤣

وهنا كانت الوداعية بعد سفرة 21 يوم باليابان 😍👋 طبعا شوفو الكيس بيدي هنا المونكي شلته معي 3 مطارات حول العالم لين وصلت البيت🤣 الا اغراض الغالية ولا كسرة قلبها ولليوم هالمونكي بالصالة وصار من عايلتنا 😎🙂‍↔️

الرجل حين يكسر لايرممه سوى النجاح او الموت ، والأُنثى حين تُكسر يرممها رجل صالح .. تتفقون؟

الحمد الله وشكرا لكلامكم الطيب 💚 اخوكم نجم زياد

بنزل لكم مقتطفات من الاكل قد ما اقدر! مهم تشوفو اول تعليق مثبت بالكومنتات ضرورررري … لايك عشان دايما الانستا يطلع لك حسابي اول بأول 💪

#دايت #رجيم

توصلني استفسارات عن ابر السكر اللتي يريد البعض استخدامها لانزال الوزن بين 5 ل عشرة كيلو … هذا ردي وهذا الامر علمي بحت ، يائس لهالمرحلة؟ استخدم ولكن تحت بنود واضحة ولاتقولي قريبي استخدمها ونحف ، النتايج ليست نزول وزنك كم كيلو اول ماتاخذها ، راقب سلوكك بعد ماتوقفها لانك لازم توقفها ، والسؤال المهم ليش ماتتعلم تاكل وتعيش مرتاح؟ ليش عقدة المسبب السحري او الدوى السحري الي بيغير حياتك ؟

#دايت #ابر

هالمرة كانت رحلتنا من طوكيو ل كويوتو! تعلمنا درس طبخ 😍! وتعلمنا نسوي موتشي شي شي شي روعة ، وطبعا درس الطبخ كان بمنزل عائلة يابانية وعلى الطراز الياباني كان البيت رائع فوق الوصف ، ولطافة الشيف وتعاملها الطيب فعلا يخليك تفهم حب وروعة تربية البلد ، فعلا حضارة وصلت وتطورت للي هي عليه اليوم لانهم يشتغلون على انفسهم ليل نهار ، وسعيد ان كثير من دولنا تبنت هالشي بالعقد الاخير ، بقولكم بعد شي 🤣 حطيت خاتمي على الطاولة وقالت لي الشيف لاتنسااااه !! الي صار انه اول شي نسيته 😶‍🌫️ احتفظت الشيف بالخاتم ووصلته لي للفندق بدون اي مقابل !! ، من تحربتي اليابان مو بس دول آمنة! حتى الناس أمينه على الممتلكات وهالشي خلاني احب البلد اكثر … وطبعا ناهيم عن وجه مريم الي كله قلوب وهي تسوي الموتشي لانه فعلا لذيذ وابيكم تجربونه.. جربو الموتشي الاصلي من يديدكم على اصول البيت الياباني ، وللامانة طعمه كان اجمل من الي بالمحلات خصوصا انه بالايسكريم 🫶 تفكر تزور اليابان؟؟😍 🇯🇵 وهذا حساب تعليم الطبخ الياباني تقدرو تكلموها تحجزو لو زرتو اليابان بيوم … تراها صورتنا بحسابها بس البطخة ضابطة مافي فضايح 😎😝

بنزل كل فترة صور للمتابعين الي يطبقون النصايح او المراجعين ، الكثير من القصص يجب ان تروى ، نزول طبيعي وصبر والاهم ياكلون وهم سعيدين ويحاولون يحاربون نظرة المجتمع معي ان الي ينحف لازم رجيم! ابدا مو لازم والله يوفقك كل شخص صبر لهدفه " موفقين يا ابطال 💪

#تغذية

لايك عشانك تستاهل تشوف شي دايما يساعدك بحياتك 💚

ايش شخصيتك المفضلة ؟ انا سون قوكو وانت؟؟ 💚🌏

شرايكم باللي مايحتفلون بالعيد وماغير يقولون كلام سلبي عن الجمعات وسلبيات اهلهم والحش والنميمة بين بعض؟ هل صح توقف الجمعات ونوقف نكشخ وننبسط؟ وهل صح بسبب ان انت ماتربيت وسط عائلة طبيعية او تربيت وسط تفكك اسري انك تنشر هالشي وهالسواد بين الناس؟ انا اشوف انه اذا عائلتك كانت مفككة لاتفكك وتحطم عائلتك المستقبلية بسبب غضبك وافعالك ، عائلتك السابقة ماكانت اختيارك، ولكن المستقبل بيد لله ثم بصنيعك انت ، شرايكم؟

عندكم اي سؤال عن نظام العيد عشان تخرب بدون ماتسمن؟ الي يبي الموضوع كامل بالسناب نزلته لكم 💡

#تغذية #رجيم

قرب العيد شريتو خشكة العيد؟ ولا بتسون نفسكم مصدومين ان العيد باقي له اقل من اسبوع 🤣! وحشتنا الكشخات 😍

#عيد

لعلها تشوف كلامكم وتتغير حياتها للافضل بمساعدتنا جميع 🙏" نحتاج كلام واقعي وليس تحفيزي فقط ..

اسمي بالسناب نجم زياد او الرابط بالبايو للاضافة السريعة 🤝 مشاهدة ممتعة ، هناك اقدر ارد على استفساراتكم بالفيديو 💭

#دايت

ايش مخططين سفرتكم برمضان اليوم 😍 ؟ ايش اول شي خاطرك فيه💭

اكرمكم الله يا أهل الرياض 💚 هلي وناسي وعزوتي … الجايات اكثر وحبكم بالقلب للأبد 🌹 … عمار ياهالبلد عمار مامثلها بلد ⭐️

#الرياض

كل عام وانتي بألف خير ، اتمنالك حياة سعيدة مليانة فرح ورضى ومواصلة ، كل عام وانتي بمليون خير …

#مريم

الصيد يعلمك الصبر على الرزق ، وانه ممكن تصيد بس صيدك يطيح منك وتفقد رزقك ، ولكنك تعيد المحاولة وتعقد انك لن تنتهي حتى تأخذ نصيبك ، الصيد مدرسة للحياة ويعلمك انك تكسب مرات وتخسر مرات ، ولكنك بالحالتين سعيد📚

تهقون كم سمكة صدت؟🎣😍👏

تابي في موقعنا بدون رسوم او فوائد او ضريبة تاخير ، الحكم الشرعي حلال ومتوافق مع الشريعة الاسلامية .. كثير كلمناهم واليوم طبقو هالقرار الحمد الله 😍👏

احذرو ثم احذرو … شكرا لكل من نبهني

شباب بليز بليز اكتبو تجاربكم مع التقويم وحتى اطباء الاسنان ، خيركم انفعكم للناس 💖🫡 كثير ناس عبالها التقويم شي جمالي ! تقويم الاسنان شي يؤثر على حياتك وراحتك ومزاجك وكل شي فوق ماتتخيل ! نجم انت شعلاقتك بالاسنان!؟ ابد والله بس كثير ناس عندها مشاكل بالهضم او القولون والسبب هو اسنانهم لانه يلعب دور كبير بعملية هضم الطعام الاولية وكثير نوعي الناس بعيادتنا عن هالموضوغ وسلامتكم 💚 اكتبو تجاربكم مين فيكم جربه ويحفز الخايفين ؟؟؟؟ ابي الناس تتوعى من هالجانب ودكاترة الاسنان لاتبخلو على الي يسألون بالكومنت لان هذا مجالكم وانتو اخبر بشغلكم 👏

#تقويم #اسنان #هضم #قولون #غازات

وكفى … 👍

يارب ، انت الوحيد اللذي تعلم مايمرون به ، اللهم اجعلهم خصمائهم يوم لاظل الا ظلك 💔⛔️

اللهم انت القاهر الجبار 💔⛔️

كررو حسبي الله ونعم الوكيل … 💔 الدور دوركم تكتبو بالتعليقات وشرح الي يصير عشان الاجانب يفهمو ، لاحول ولا قوة الا بالله

وصلنا المليون 🕤‼️ اخواني جميعاً مو متابعين انتم لستم مجرد رقم ، فخور فيكم وبحبكم للتعلم ، فخور بكل شخص فتح وحبة دجاج مقلي واكل ونحف ، فخور بكل تغيير سويته باني كسرت قالب الرجيمات الغبي الي دمر الناس وحرمها من الاكل ، فهور بكل شخص ساعدته ينزل وزنه بعد دوامات طويلة ، فخور بكل شخص راح جمعة مع اهله واكل وانبسط ونحف … فخور اني بيوم قدرت اساعد الناس تنحف براحة ، وبكل انسان سوى عملية قص معدة وسمن وبعد سنين رجع يطبق كلامي وينحف من جديد لانه آمن انه يقدر ياكل كميات كبيرة ويعيش طبيعي وانه لا عمليات ولا قص معدة ولا شي غيره بيغير حقيقة ان الاكل هو الاساس وهو الصح وينحف وماخلى رجيمات موضة او تسويق ابر السكر الي بعضهم يروج انها حل للتنحيف لكن بعد كم سنة يرجع يسمن اضعاف ، فخور فيكم باقتناعكم ان الاكل وطريقة الاكل وانك تتعلم تحسب هي اهم شي وهي الطريق للوصول ، فخور فيكم كلكم ، كل هالفخر هو انجازكم وانجازي معكم ، ستبقون بصمة للتغيير جميعاً ، مو انا الي حققت هالرقم ، انتو الي حققتوه معي ، فخور في نفسي اني سمنت ثلاث مرات ونحفت طبيعي وشاركتكم تجاربي كلها ، فخور في كل انسان ساعدته يفهم ان قيمته ليست في جسد او شكل ، وانك تقدر تنحف بدون احساسك بالعار من جسمك ، فهور بمركزنا مركز تقدر الي ضمن افضل المراكز بالعالم العربي للتغذية الي غير حياة الملايين ، فخور بالمختصين النفسيين والسلوكين بمركزنا الي ساعدو الالاف انهم يتقبلو انفسهم ورجعوهم لواقع الحياج عشان يحققون احلامهم ، حاب اقولكم ان هذي البداية فقط ، نحن نلتقط نفس البداية لا أكثر ، مافي مستحيل ، وشكرا لمريم لانها دايما شخص يتمنى الخير للجميع وشكرا لعدمها لي في كل الطروف وبكون بالمثل 🖊️ تدرون ايش المستحيل؟ هو الشي الي نقول عنه مستحيل .

انشروه في جميع انحاء الارض 😍✅ تيمنا الجديد soooon 💪

#توظيف #وظائف

قد لاتستطيع ان تتخلص من آلام حياتك ، قد تكون جزء منك او بالاحرى هي من شكلتك على ما انت عليه اليوم! فكيف لي ان ادفن ألمي؟؟! من ما أعلمه في جلساتي بالمركز مع الناس هو ان تسخر ألمك كوقود للعمل ، كوقود لتصل لما تريد ، فتصبح ناجي وليس ضحية ، فالضحية يبكي وينغمس في ألمه حتى يدفن به ، ولكن الناجي يبكي ولكن يعمل ، يبكي ولكن يُنجز ، يبكي ولكن يحقق … فيبرى ألمه من هول ماحقق وأنجر ، فيصبح ألمه قصة حياته اللتي يحمد لله عليها ' هل انت ضحية؟ 🏊‍♀️ او ناجي؟ 🎖️

اليوم جربنا ميلك شيك من ماك! مريم خذت تشوكلت (كالعادة) 🤣🫡
انا اخذت فراولة 🍓

الاثنين كانو حلوين وللامانة شربنا كلنا نص الكمية لانه كان مشبع بشكل غريب! سعرات الشيك الواحد تقريبا 450cal اغلبها من السكر وشوية بروتين بسبب الحليب ، جربتوه من قبل؟ 🍦🥛

#تغذية