移加要慳D

上個禮拜五係個加拿大🇨🇦第一份工㗎 last day，成日聽朋友講或者睇啲移民group都話加拿大係好難搵工，因為冇local experience…所以一直都好慶幸係未到埗之前已經remote搵到一份工，仲係本地一間大公司做番本行，亦都無discount我任何經驗，人工同title🥳

傾offer時，我老細仲bargain左一個好competitive嘅package，所以真係好感恩！間公司都真係好人性化，例如summer時星期五都淨係返半day, 仲有公司每年都有活動 for family! 而工作團隊都真係好diverse,同事有CBC, 🏴󠁧󠁢󠁳󠁣󠁴󠁿 , 🇬🇧 , 🇷🇺 , local local！本身都想繼續做落去，因為都有晉升空間，但咁啱有headhunt approach,有個好好嘅機會唔想miss 💫

因為成日見到啲會計移民group入面，大家講嘅都比較負面，覺得嚟到俾人埋沒咗，但都想分享下其實本身叻，去邊都可以一展所長嘅💪🏻💪🏻💪🏻，其實香港人黎到都其實可以做到senior mgt，尤其係CPAs：

1）首先最基本英文都真係要流利…好在自己一畢業都係大行同MNC做，但係自己都知係small talk上都係爭啲,而呢樣野都幾重要
2) 香港做嘢嘅經驗都真係可以應用到,尤其係你有ipo, capital transactions，同一d international assignments嘅projects，本地人真係好少人有呢d經驗..我老細成日形容佢地無見過大蛇屙尿😂😂😂
3）如果你係Extroverted係有優勢..就算你唔係，都鼓勵大家走出自己嘅comfort zone…爭取多d機會 present👍🏻👍🏻

🤩新移民福利 - 窮人恩物💰

最近身邊愈黎愈多人拎到PR, 發現好多人都唔知Canoo呢個特別優惠🫢! Canoo 係加拿大🇨🇦政府資助嘅計劃,只要你拎到 PR 5️⃣年內 activate🔓個account, 就可以係365日內(一年📅)享用呢個福利,大部份museum🏛/art gallery👨‍🎨都可以免費入場, 一D演出同特別嘅展覽都有折扣優惠，搭VIA 火車🚄或者Air Canada✈️嘅內陸機都有discount!!

18歲以下嘅小朋友係唔需要登記，是但一個家長去嘅時候帶埋佢哋就得架喇, 無記錯好似係最多4個小朋友!

詳情可以去官網睇睇,或者download佢個app

Canoo Gives Newcomers VIP Access to The Best of Canada - Canoo explore Canada openly & freely with a sense of adventure Canoo is your VIP Access Pass. With free entry to over 2000 partner experiences, exclusive deals and access to some of the hottest events, Canoo is your companion as you make Canada your new home. Canoo is built and managed by the Institute fo...

屋企就睇到極光😍😍😍

#極光 #溫哥華睇極光 #北極光 #好靚

4月30📅 ,又完左一個稅季,可以抖一抖..今年繼續超額完成🎯 ,多謝大家支持🫰…仲搵到個好幫手💪,可以scale到個business!!! 唯一最錯嘅就係揀左呢個時間⌚️番香港…不過話事人唔係我🤫…攪到大部份時間都係度做野..都放棄左去日本🇯🇵旅行嘅最好機會....

咁就黎左溫哥華兩年喇,當然現實同期望係有落差...所以都想分享下D比較現實嘅狀況俾大家知,希望大家過黎前有個底...會面臨D咩挑戰..manage好個expectation!!!

首先...雖然真係仲有好多新移民過黎,但同一時間人口外流嘅現象都出現,呢度其實真係無想像中咁宜居…唔係唱衰呢度..純屬分享一D數據比大家參考下! 人係好現實嘅,呢度生活成本愈黎愈高..租金同樓價持續高企…而加拿大個房價係G7入面升得最高!!!

雖然加拿大失業率唔高,但對新移民黎講最大挑戰係加拿大公司超級極之睇重 “local experience”…唔係太多人可以揾到一份收入比較好嘅工作…身邊有好多人都係搵最低工資…可能有小朋友嘅家庭會比較容易有共鳴...一係就食老本或者要打兩份工,但可能就會失去左family time…但過黎前大家都會諗work life balance..係加拿大可以多D時間陪屋企人...當然本身好富有嘅..梗係唔愁啦...

"Affordability" 係加拿大呢一兩年成日係新聞會見到嘅term, 係香港嘅朋友可能會覺得香港D樓仲貴啦...呎價梗係高過呢便...但考慮埋生活成本...同埋最重要嘅"稅" ..呢度真係萬稅之國...,個人覺得香港上車係容易過呢度...

Anyways..暫時分享咁多...歡迎大家理性討論下!!!

#移民加拿大 #移加生活 #有得就有失 #期望管理 #理性討論

返港之旅有感🛫...Part 1

今次番香港最開心肯定係我老婆👩‍🦰,有屋企人幫手睇仔同煮飯 XD,最開心當然係可以陪下屋企人同見番D老友啦..因為下次再見真係唔知幾時喇😮‍💨…可能又要2-3年📅..成家番一次機票都唔好話金💸…本身想走轉日本🇯🇵,但可惜撞正稅季..番到香港都要抽好多時間做野!!!

香港經濟真係差左好多,Big4少左advisory同IPO嘅生意...相信短期內都無咩外資會想係香港上市..最深刻係以前係中環番工,一放工去HH🍻,間間bar都坐滿人,我星期四晚同friend去飲野..去到真係呆左..10間有8間都拍烏蠅,得一兩間係爆人…但圍住你身邊嘅白領都係講國語🤬,應該就係所謂嘅專才….

另外商場餐廳都少左好多人,好靜..復活節個長假期..真係無咩人留港消費,去大灣區都變左新常態,咁都無可厚非嘅..北上咁方便…地方又大,野食又平,況且香港真係無咩野玩...唔通真係黎夜繽紛咩...🫣

最近FB有個執笠關注組...確實係好多餐廳無左...不過自己見到嘅其實又多左好多大陸品牌嘅餐廳(十二味,酸菜魚etc.), 同埋街上多左好多間手打檸檬茶..(少爺占狂踩勁彈嘅野),不過我自己試過又覺得唔差wo…

其實香港仲有咩優勢...?...唉...大家期待下我嘅part 2...

龍珠 可能係我睇嘅第一套動畫…細細個凌晨偷偷地起身睇🌚…

一路好走🙏🏻🙏🏻🙏🏻

個個都話有回港潮…好多移民敗走番香港….估唔到唔夠2年…輪到我地 ✈️

….講笑姐…我地唔係回流香港…只不過係番去探下屋企人…親身感受吓香港嘅變化…順便支持吓夜繽紛🌝 🎉

最近遇到好多奇怪嘅客....真係要想分享下:

1) 好多人搵人幫手報稅, 但又收收埋埋...咩都唔想disclose, 仲成日問我點解要問佢拎D基本資料,...有D客仲問就咁俾粒數我....咩都唔睇得唔得.....咁點解唔自己報呢?😱

2) 明白好多香港人都無搵人報稅嘅習慣...所以對價錢都好敏感....仲拎其他同行報價問我可唔可以match,咁點解你唔直接搵佢地呢...😅....同埋我係CPA...你搵non-CPA幫你報稅..咁好難比wo....

3) 好多人都淨係想聽自己想聽..自己相信嘅野...當事實同佢想像或者同佢地認知上有分別時...就會不斷話聽番黎唔係咁...朋友唔係咁講.....俾埋CRA嘅guidance..佢地睇....都要唔信..咁真係好難攪...🤯

都係呻下.....

其實我9成以上嘅clients..都係好nice🤣

#加拿大報稅 #加拿大福利

恭喜發財🧧,祝大家龍🐲年行大運！
身體健康，事事順利，心想事成 🌸！

好多客👨‍👩‍👧‍👦👨‍👩‍👧‍👦都問我今年點解唔宣傳下報稅服務，其實係因為承蒙大家厚愛 💓 同支持💪🏻💪🏻💪🏻，11月時已經meet左個target 🎯 ,但一個人得一對手🙌🏻，唔想overload，影響大家…所以就無再主動advertise🙏🏻🙏🏻🙏🏻

但因為呢一兩個月仲有好多人PM同text我想搵我幫手，所以我最近都請多左個人幫手，但都好快fill up左個capacity……

所以我又要請人喇😅😅😅

如果你本身對報稅都有興趣，歡迎PM我傾下！

#加拿大報稅 #加拿大福利

黎左加拿大🇨🇦咁耐，買左好多次🍓都係唔甜，久而久之除左 🫐 都無咩買berries😞

但最近係超市見到🍓同blackberries個盒上面寫住sweetest batch,又忍唔住試下，點知今次真係好甜😍😍😍

但應該唔係成日有🧐，大家認住個盒喇！

#溫哥華吃喝玩樂 #溫哥華生活 #超甜士多啤梨 #十年難得一見

☃️🎆人生中最好嘅聖誕禮物 🎉🎅

今日收到4個email 📩都係寫住 “Congratulations! You are now a permanent resident (PR) of Canada!🇨🇦”!!! 等左咁耐,終於收到eCOPR喇!!! 呢一年半其實都真係唔容易,一開始同老婆兩個豆丁要分開幾個月,同屋企人朋友分開,離開自己生活嘅舒適圈,工作生活環境模式嘅改變等等…過程中當然都有好幾次質疑自己嘅決定,同老婆都係少不了吵吵鬧鬧,但大家每次最後都會提自己當初點解想黎加拿大..或者係話點解想離開香港.....只要唔好忘記個初衷, 關關難過關關過!

分享下個timeline📅俾大家參考下~
Jun 8 - PR application submitted
Jul 24 - CNCC and medical request
July 28 - Medical exams and Ink & Roll fingerprinting
Aug 1 - CNCC documents delivered to HKP
Aug 28 - HKP confirmed CNCC sent to Canadian Consulate General
Nov 24 – CPP email
Nov 27 – IRCC PR portal created
Dec 7 - eCOPR

終於唔駛再過望穿秋水嘅日子喇,今日即刻online申請個新嘅SIN同申請埋兩個小孩嘅SIN, 之後就可以幫兩個小朋友開RESP!!

希望大家都順順利利🤩

#移民加拿大 #移加生活 #無後悔過 #正能量 #有得就有失 #楓葉卡

入鄉隨俗，黎到 🇨🇦 又點可以唔慶祝Halloween🎃 ! 今年老婆安排咗一系列嘅活動比兩個🦖 ，去左Lougheed Mall 玩Halloween Hunt、去Langley睇稻草人展、去Pumpkin Patch買南瓜、參加唔同Community Centre萬聖節活動, 去溫東參加Lost Souls Parade, 又去左Central Spark 玩spooky maze同睇 🎆 , 同去埋Granville Island, West Broadway, Hastings Street同西北溫Trick or Treat！

去左咁多個地方，發現西溫同北溫d houses最揼本，10間有9間都似haunted house 👻 …仲有乾冰做effect，有d人除左派糖，仲租埋架雪糕車派🍦 !! 反而溫哥華同Burnaby可能華人多，就無咩氣氛🙌🏻

今年淨係準備左兩個細路嘅Costume,下年睇黎我都要dress up😂😂

#溫哥華吃喝玩樂 #溫哥華生活 #萬聖節 #扮鬼扮馬

🌽Corn Maze初體驗

好耐冇update個page,因為溫哥華嘅夏天🌞太短,所以每個禮拜六日都帶兩個小朋友周圍去玩，啱啱個星期六就去咗一個性價比超級高嘅地方，係Chilliwack嘅Greendale Acres,今年已經係佢哋嘅第25年攪Corn Maze喇! 喺Metro Vancouver揸車🚗過去⏰一個鐘多少少 ！

成個暑假都帶咗兩個小朋友🦖🦖去咗好多唔同嘅地方，呢個真心推介俾大家帶小朋友去放電，我哋朝頭早11:30玩到差唔多5點幾先走！嗰度地方都好大，仲有超級大嘅彈床, 有playground 🛝,有小朋友三輪單車區🚲，有得玩bubbles🧼,有各種球類🏀🏈⚾️嘅投球區，有手動嘅旋轉木馬🎠，又有sand pit, lego,畫畫，hay bale maze等等,仲有好多農場嘅動物睇（🐖🐄🐑🦙🐥🐔)

入場費如果上網買都係$16一個人（當然係講緊加紙）, 即場買就$18，兩歲以下免費！如果大家10月去,好似就會有pumpkin 🎃 patch!

大家去完仲可以去附近間餐廳（Family Brewing Co.)食pizza 🍕 , 佢係用Wood Roasted Oven 整, 個餅底係薄身，但都好脆！啤酒🍻就不過不失！



#溫哥華生活 #溫哥華暑期活動 #溫哥華吃喝玩樂

☀️Nanaimo 4日3夜之旅

因為申請梗PR,無咩必要都唔會離境,但暑假又想同兩個小朋友去旅行,咁就近近地去左Nanaimo幾日!同埋係香港嘅朋友成日問我加拿大🇨🇦有咩好做,係咪好悶? 咁我就順便分享下係BC省有咩做啦,如果講行商場,同香港真係無得比..但BC省就係有山又有海,都係親親大自然嘅活動~

今次個trip去左Nanoose Bay度執下蜆,生蠔🦪同蚌! 大家記得申請張釣魚證 (Recreational Fishing Licence), 16歲以下小朋友係免費,大人annual licence都係CAD23-24左右! 申請完記住Print定張證跟身,同埋每種shellfish都有數量限制,所以要查清楚先好捉呀!

大家去之前記住check潮漲潮退時間先去呀,同埋make sure你去個area係for public (我去area 18),因為有D地方係private嘅! 你需要嘅工具只係鏟, cooler同bucket, 但都幾曬架🥵,記得做定防曬措施同帶多幾枝水! 個人覺得D生蠔就普普通通,偏creamy,蠔味唔係好夠,但D蜆同蚌就真係好鮮!

另外我都join左海釣團,人生第一次釣魚🐠,竟然好好彩咁釣到有半個人長嘅Lingcod (龍躉)同兩條yellowtail黄尾石斑, 果然係會有新手光環😇💫估唔到釣魚係超累,好彩同行有人食劏魚…如果唔係真係唔識攪! 自從黎左之後都無食過游水魚😮‍💨..夜晚即刻係airbnb打邊爐,魚頭魚尾拎黎整湯底, 其餘龍躉拎黎切片/件,加埋蜆同蚌…勁鮮勁正!!!

個人就好鐘意呢種生活~唔知大家有無其他好地方分享下,等我地帶住兩件周圍去!!!

#溫哥華生活 #本地旅遊 #溫哥華吃喝玩樂 #親親大自然

話說我6月尾搬左屋, 搬屋主要原因有兩個: 一黎想同阿仔間preschool近D,二黎想減少係租金上個支出! 有follow開我嘅都知上年初黎報到,前前後後都睇左超過30間屋, apply10間有9間都俾人reject,理由都係無credit history, 無reference etc.! 今年點知情況反而大逆轉,百發百中🎯,個個landlord都揀我 🥳 今次終於到我揀人,而唔係人揀我喇~

咁循例講下退租嘅基本流程,要俾一個月書面通知業主, handover個日就要係12點noon之前俾番鎖匙業主同埋做move out inspection !業主呢就要係15日內要退番deposit俾你!

我地都預左上手業主會諸多留難,事實都證明係咁😤,話說上年間屋租左幾日,就因為樓上爆水管而漏水💦…攪到天花板有D位要剷灰同油過同D牆腳都要拆左再裝🤬咁當然一直都無人黎整啦…咁到我地話唔租喇..佢地就好現實咁想我搬之前搵人整番好…..但尤於我兩個主子好細個..唔想最後一個月俾佢地攪到屋企灰塵滾滾..所以reject左!

咁佢地就黎了,有次佢夜晚8點幾message我..我訓著左無睇到…佢仲夜晚10點幾㩒門鐘…之後朝早失驚無神8點幾沖過黎我地度….星期六又突然係門口出面.....帶人黎睇樓時仲想霸王硬上弓叫埋裝修工人,最後我都係quote哂 lease agreement講哂我嘅權利,先收佢皮🖕!!

鑑於佢地咁麻煩,我都搵左清潔公司做move-out cleaning, 雖然業主move out inspection中係咁挑剔,但我又同佢拗一大輪normal wear and tear 係唔可以入我數,如果想扣deposit,我地係residential tenancy branch傾啦....佢地就縮lu🫢~....

佢地當然都行駛業主嘅權利係15日內先俾番deposit我,係退deposit前不斷text我,影相話邊度抺得唔乾淨, 又話去水去慢左...我又問番佢你move out inspection個日又無講, 你之後搵人黎整番牆腳天花板整到污糟又想賴我....我又quote左一大輪正常clogging 係由業主負責嘅reference俾佢...又KO左佢...最後我今日收到番全額嘅deposit!!

📣📣📣提提大家,係BC省退按金時,業主係要連埋利息俾你 (2023退租先有架...1.95%), 我都係睇官網先知, 大家可以去下面網址計:
http://www.housing.gov.bc.ca/rtb/WebTools/InterestOnDepositCalculator.html

所以租梗樓嘅大家真係要熟讀你地嘅權利~~BC省residential tenancies個網站其實都幾詳細!!!

#溫哥華生活

BC Residential Tenancies - Deposit Interest Calculator Use this online tool to determine the amount of interest that should be returned with a security and/or pet damage deposit.

6月忙D咩？就係搬屋喇 👋🏻
係呢度搬屋辛苦過係香港🤯🤯，因為無人幫手執野，雖然pack野都係我老婆做🤣🤣🤣

過幾日分享下搬屋嘅流程

Langley一日遊

父親節個星期日帶左小朋友去Langley個Aldor Acres Family Farm玩，$72/4個人，大人小朋友都要收錢!個農場都有好多小動物🐔🐷🐑🐄🐎🦢🦃🐇，仲可以俾兩個仔喂下佢地食野，佢地仲抱住小貓仔同小兔仔！仲可以坐架tractor🚜拉住大家兜一個圈。之後要等南瓜🎃節先再開喇！

玩左2個幾鐘，就去埋 Canadian Museum of Flight睇飛機✈️🛩️ ,父親節優惠Daddy🧔🏻唔駛錢，兩個小朋友又唔洗錢，淨係俾一張飛。小朋友仲可以爬上d飛機坐都幾開心，佢Canada Day有Free admission同 Crafts and Games,大家可以考慮下！

#溫哥華生活 #溫哥華吃喝玩樂

係溫哥華嘅5月6月又點可以唔食斑點蝦🦐🦐🦐❗️ 同🇯🇵嘅牡丹蝦絕對有得比！上年老婆同小朋友都未到埗，所以佢地係未食過！

但今年又貴左..CAD24/lb 🩸…，但都係平過係香港食牡丹蝦🙂！我地全屋都太鐘意😍食海鮮🦐🦞🦀，所以今年已經食左3次喇（多謝🏀波友，我自己食左4次🤭）

試過sashimi, 白灼，清蒸，蒜蓉開邊，同咖哩炒…都係覺得 sashimi同清蒸最好食！

#溫哥華吃喝玩樂 #溫哥華生活 #斑點蝦 #加拿大牡丹蝦

星期日去左Squamish 個 Railway Museum, 因為買左Day out with Thomas嘅飛…只以講都幾伏🤦🏻‍♂️

價錢未連稅29蚊加紙一個人，大小同價，去到原來淨係坐20分鐘火車🚂淨係得個車頭換左Thomas…其他車廂入面係勁頹勁舊😅😅同埋每個小朋友有張Sticker…

入面都有個Juggler表演都ok嘅…之後有個扭波波嘅booth..同埋一架大火車參觀..…當然有個Gift Shop令d家長出下血 🩸 …

佢都有小火車坐..5蚊一個人..15蚊 a group of 4….個個可能仲好玩過上架火車🤷🏻‍♂️

對比Sydney個個爭好遠…價錢差唔多..但起碼個便每個小朋友都有張Certificate..同埋小火車任坐

所以真心建議大家唔駛去😂

#溫哥華吃喝玩樂 #溫哥華生活 #親子活動

好朋友開左個棒球壘球group, 佢地主要活動地點係Toronto North York 個便, 有興趣嘅朋友可以支持下:

Whatsapp: https://chat.whatsapp.com/JfWpKnfW1ah4o8eptE0d8O
FB: https://www.facebook.com/groups/1024951145579140/
IG: https://instagram.com/hkcanbs_spirit?igshid=NTc4MTIwNjQ2YQ==

instagram.com

呢排天氣終於變好🌞, 上個weekend即刻帶左兩個小朋友🦖去Burnaby Central Railway度坐小火車🚂,玩一轉大概10分鐘⏱左右! 價錢都比較相宜, $4.5/一次,如果買10個tokens 就$4一次, 三歲以下小朋友仲免費呀❗️ 佢一D都唔hea架,又上橋🌉又入隧道🚇,兩個仔坐到唔想走 😆

去完個度,就去埋隔離個Confederation Park, 入面有好大個playground🛝, 仲有 spray park💦, 記得帶毛巾同帶多套衫俾小朋友呀!

#溫哥華吃喝玩樂 #溫哥華生活 #親子活動

Old news is so exciting..其實好早都講過跟足稅例 foreign pension要當income or 轉RRSP🫣

【在加港人提取MPF 需否報稅惹熱議 加拿大稅局指視作收入申報】
報導節錄：
加拿大個人報稅季節剛結束，但有一筆款項究竟需否申報為年度收入，仍然困擾不少在加港人，這筆款項就是強積金（MPF）。網上對於提取強積金後是否需向加拿大稅局（CRA）申報，一直有不同說法。有指未提取的MPF屬退休金，不用申報；有指提取後會視為海外收入，整筆款項須申報並繳稅；亦有指MPF應視為資產，只需申報資產增值部分；更甚者指加拿大與香港有稅務協議，MPF可豁免。對於以上種種說法，CRA近日回覆查詢時一錘定音指，領取了MPF的加拿大居民，必須在報稅時申報MPF為該年收入。
#全文連結在留言
#在加港人 #報稅 #加拿大 #加拿大稅局 #視作收入申報 #棱角

今日都可以講聲個peak season完左喇🥳🥳...過去兩個月真係忙到傻左😵‍💫....星期一至五日頭就番工, 夜晚同weekend就努力咁揼石仔...幫大家報稅!! 本身set個target俾自己係幫50個家庭報稅,最後係大家都好支持下🙏...幫左105個家庭報稅...超額完成🎯!!!

突然醒起仲有兩日就黎左溫哥華一年喇📅,下個月都可以入紙申請PR🤩, 當日係機場屋企人同識左多過二十年班兄弟送機嘅畫面仲歷歷在目🥹,我諗我永遠都會記得個日一個人上機嘅感受!
要離開自己舒適圈同一個生活左超過三十年嘅地方真係唔容易..我就真係無後悔自己決定嘅, 但呢一年都真係時不時會問自己有無做錯決定? 明明黎梗10年係自己最搵到錢嘅黃金時期..點解同老婆都要放低哂所有野…去一個新地方重新黎過? 當然同老婆都熱烈咁討論左好多次..因為四大長老都唔會黎...所以身邊只有對方可以依賴,大家情緒都爆煲過...但大家每次都會提自己當初點解想黎加拿大..或者係話點解想離開香港.....如果覺得迷妄時..要諗番自己個初心❤️!!!

好多仲係香港嘅人成日都覺得係加拿大做野實hea啦…勁悠啦..又可以住大屋🏠…但其實真係錯哂....第一代移民真係唔容易…生活空間係大左…但其實生活無想像中咁容易…淨係拎"住"黎講, 如果你淨係用absolute amount 同香港比, 咁租金或者樓價呢度一定平D..但大家要記住‼️‼️‼️‼️個住屋成本其實係要睇佔你稅後收入幾多…因為after tax嘅household income先係你可以用嘅錢…for我個case, 我住屋成本係大增…一黎太太無做野…二黎個稅真係好高..萬稅之國個名真係無改錯🧐…

雖然有好多犧牲..但得其實多過失…我好好彩,黎之前已經搵到工..仲要無discount我title同pay (當然係稅前🫣)....其實仲升左個grade!!! 另外, 以前係香港都無諗過要有side hustle, 如果唔黎加拿大..我都唔會開呢個page..都唔會諗要幫人報稅…最近仲有朋友搵我幫佢攪page (但無時間..推左🤫), 不過都接左份consultant嘅job做 (係香港都無咁嘅機會)! 我人生應該都未試過咁勤力..咁忙…同一時間打三份工!!!

但雖然咁忙,但我做左時間管理大師⏰…繼續堅持每日都要幫兩個小朋友沖涼..同佢地講故事書…weekend都要帶佢地周圍去玩..係香港搵到錢但都未必做到!!另外因為識到好多波友...平均每個禮拜都可以打到1-2次波🏀,仲多過以前係香港!!!

路係難行,但都好感恩識左好多好朋友...兩個小朋友仲多左契爺契媽🙏!! 過去一年忙住settle in, 都未真真正正欣賞同感受加拿大嘅一切,最近終於決定左6月頭Montreal第一個trip, 希望一切上左軌道後,可以更多咁去explore 加拿大,認識呢度嘅歷史同文化!

Tax Season 忙到天昏地暗😵‍💫,因為日頭☀️番工,夜晚🌙同weekend就報稅...我真係好勤力😆!!! 但因為下個月就係加拿大做滿一年野📅..可以申請PR...所以係百忙中都去左考個English Test...本身諗住考IELTS,但見到CELPIP平D🫢...就揀左CELPIP!

Stream A/B申請PR只需要每一份卷都考到5分或以上就可以架喇,而每份卷12分為滿分, 考試形式係用電腦作答...連speaking都係!!!

因為對自己英文都有信心😇...亦都無時間, 所以咩都無準備去考..除左speaking都真係好易...speaking對住電腦講野..感覺好odd....佢叫我講一分鐘...好多時我講左30幾40秒都講哂我想講嘅野....🫣.

不過結果都幾喜出望外🥳🥳🥳:

Listening: 11
Reading: 12
Writing: 11
Speaking: 10

大家不妨考慮考CELPIP~如果大家有需要補英文...都可以PM我! 不過我就教唔到大家...我太太就幫到手喇~佢就真係教英文!

BC考車 🚘[筆試篇 - L License]

黎到加拿大🇨🇦🍁 ,基本上一定要識揸車,尤其係你有小朋友👨‍👩‍👦‍👦,你先可以周圍去玩,帶小朋友出街又勁多野,如果唔係下下坐巴士🚎同skytrain🚄都好唔方便！

如果你係香港無車牌,係BC省,你就要先考Knowledge Test拎個L牌( Learner’s Licence),12個月後就可以考個路試拎N牌(Novice),再等多兩年先可以考Class 5 road test去拎個Full Licence! 但如果你拎L牌時take ICBC-approved (GLP) driver training course嘅,你可以18個月後就考Full Licence!

不過如果你本身香港有車牌兩年以上..考完Knowledge Test,就可以報Class 5 road test!

咁就先講下筆試📝要準備D咩…

考筆試前,大家可以係ICBC個網站揀最近自己個centre 同埋時間🕢去預約knowledge test:
https://www.icbc.com/driver-licensing/visit-dl-office/Pages/Book-a-knowledge-test-and-other-services.aspx

準備考試就可以去ICBC個網站或者download佢地個app,除左可以睇本Manual,📗仲可以做模擬試題!大家另外都可以係app store搵其他免費試題做下! 大家可以睇下我個print screen參考下D apps…全部都係免費,唔需要俾錢💸💸💸去upgrade!

考筆試當日 📅
雖然係有預約時間,但去到都係要拎飛仔,再等叫number!

大家要帶下面D資料:
1️⃣Primary ID: Work / Study Permit
2️⃣Secondary ID: Passport/Health card etc.
3️⃣同埋俾$15考筆試!

Knowledge Test有50題…答啱40題( 80%)就pass架喇! 如果你連續答啱個40題,個考試就會直接完左架喇!

同埋有個重要嘅function‼️‼️‼️就係你唔識時,可以㩒skip,飛去下一題！每條題目只可以skip兩次，50題循環出，到第三次就一定要答唔可以再skip!

題目會考路標🚳，3-4題，好鍾意考有關uncontrolled intersection，呢類問題都會有2-3題;有幾條題目會考你駕駛態度，呢類最容易，都係考你common sense, 答案不外乎係leave as much space as possible 或讓路，例如會問你如果你開得慢，後面好多車等，你要點呢？

溫書時有好多數字既野，例如城市/郊外駕駛速度，幾多percent 意外係因為醉駕呢啲，呢類反而無咩考，所以大家記到就記，記唔到就skip🙈🙈….另外有d app好多文字題有all of above 既問案，呢類反而少，無一題我係答左all of above/ all of below!!!大致上溫熟左ICBC個app, 再加多一個半個app都夠，題目同ICBC佢地個app最接近..

考完做埋個視力測試同影相📸️就攪掂!

希望大家俾個like同follow個page..支持下👍🏻👍🏻👍🏻